CG

MÉMOIRE

PRÉSENTA PAR LES CONSEILLERS DO ROI DE FRANCE X M. DE LA CHAUX, AMBASSA- DEUR DE L'EMPEREUR , ET AU SECRETAIRE DES BARRES , SUR LE LIEU ET LE MODE DE DÉLIVRANCE DES ENFANTS DU ROI.

( Archives générales de Belgique. — Copié. ) ( Sans date. )

Apprès ce que M. de la Chaulx et Me Guillaume des Barres, ambassadeurs de l'empereur devers le roy, estant lors au conseil de S. M. , ont eu demandé à Mess™ dudict conseil si M. l'admirai avoit riens conclud et arresté avec ledit seigfteur empereur, touchant le lieu et forme de la délivrance de Mess™ ledit daulphin et duc d'Orléans, et qui leur a esté faict responce que non, mais seullement qu'il sembloit* par oe que avoit dernièrement escript ledit sieur admirai, que icelluy seigneur empereur persistast à voulloir queladitte délivrance se feist du cousté de Fontarabye ; ce que lesdits sieurs de la Chaulx et des Barres ont certiffié est? e véritable, et que sur l'affaire dessus ditte a esté longuement tenu propoz entre lesdits ambassadeurs et gens dudict conseil et sur la difficulté que se y treuve, dont ledict seigneur roy a esté depuis adverty par les gens de sondit conseil; finablement il luy a semblé et semble par manière d'advis, congnoissant clerement qu'il est trop plus que difficile , voire quasi im-

possible que par le cousté dudict Fontarabye Ton puisse faire la délivrance et contreschange de mesdits seigneurs ses enffans à l'argent que S. M. doibt et est tenu de fournir au mesme instant, pour aultant que, oultre k peste et famyne qui est à présent grande de ce cousté-là, faisant ledit contreschange par batteaulx sur la rivière, il fault adviser tout premièrement que la somme qui se doit fournir, soit enescuz ou en masse d'or, est si très-grosse que bien difficillement et malaisément les coffres dedans lesquelz elle sera, se pourront mectre en ung batteau seul, avecque le nombre de gens qui seront ordonné pour les conduire. Et davantage, avant que Ton puisse descharger, de dessus les charettes que porteront lesdits coffres jusques au bord de laditte rivière, iceulx coffres pour après les charger sur ledit batteau , il yra une si grande longueur de temps que la mer qui a fluz et refluz pourra estre retyrée, de sorte que ledict batteau chargé sera assablé et ne pourra aller ne avant ne arrière, et n'y aura ordre de faire passer ledit argent ne aussy mesdits seigneurs les enffans avecque la royne, sans les mectre en très-grant et évident péril et dangier de leurs personnes, actendu mesmement que, quant le roy fut délivré sur ladicte rivière, en baillant mesdits sieurs ses enffans pour ostages, qui estoit chose beaucoup plus aisée et facille à faire que ce dont cy-dessus est faite mencion , pource qu'il n estoit question que de changer personne à personnes, et non chose si mal aisée que de remuer ung si lourd poix et fardeau que la somme qu'il fault fournir; encores ne sceut-on si bien choisir l'heure pour passer laditte rivière, que ledit seigneur roy ne fust contrainct de se faire porter à hommes jusques au bourd de deçà , pource que son batteau n'y peust jamais aborder, par quoy, voyant et congnoissant les difficultés qui se trouvent et faire laditte contreschange du cousté dudict Fontarabye pour les causes et raisons dessus dit tes, lesquelles ont esté bien et meurement remonstrées à mesdits seigneurs les ambassadeurs, ledict seigneur roy désire singulièrement qu'il plaise audit seigneur empereur que icelluy change se face par terre du cousté de Languedoc, entre Perpignan et Narbonne,

affin aussy que ledict seigneur empereur et luy soient plus près l'ung de l'autre pour vuyder les difficultés, s'il en survenoit quelquesunes qu il faulsist remectre à eulx; lequel eschange se pourra faire en la forme et manière qui s'ensuyct si ledict seigneur empereur le trouve bon ; c'est assavoir que du cousté d'icelluy seigneur empereur pourront venir tel nombre de personnaiges à cheval ou à pied qu'il sera advisé, lesquels admeneront quant et eulx mesdits sieurs les enffans et la royne montez sur mulles ou sur hacquenées, jusques au lieu qu'il sera dict, et du cousté duroy yront pareillement jusques à un autre lieu qu'il sera advisé, tout tel et semblable nombre de gens, et au mesme estât et habillement que feront ceulx du cousté dudict seigneur empereur, lesquels conduiront les charettes où sera ledict argent ; lequel argent aura esté entièrement compté et nombre quelques jours devant, en la présence d'ung ou plusieurs personnages députés par ledit seigneur empereur, qui auront veu mectre le tout en iceulx coffres , dont leur auront esté bailliées dès lors les clefs, et ne seront depuis bougés d'avecques iceulx coffres. Et arrivés que soient mesdits sieurs les enffans et la royne au lieu choisy et esleu comme dict est, et pareillement ledict argent où il aura esté advisé , il y aura commissaires et gens depputez de la part dudict seigneur empereur, pour venir veoir et visiter si les forces seront egalles, et s'il y aura aucuns genl de guerre, soit de cheval ou de pied sur la frontière de France, affin de leur faire ordonner qu'ils aient à eulx retirer jusques aux lieux que adviseront les depputés à ce ordonnez. Et du cousté d'icelluy seigneur roy yront aussy commissaires pour visiter la frontière de Perpignan et y faire le semblable; et après que ceulx qui conduiront mesdits sieurs les enffans et la royne, et pareillement ceulx qui mèneront lesdittes charettes d'argent, auront entendu chacun de leur cousté qu'il n'y aura nulles gens de guerre, ne chose esdittes frontières qui leur puisse donner trouble ou empeschement, alors ils marcheront les ungs d'un cousté et les autres de l'autre ; et quant ils seront approchés à ung gect de pierre, ceulx qui auront veu compter ledict argent, et qui auront les

ENTRE LA FRANCE ET L'AUTRICHE- r- 1529, 733

clefe des coffres qui seront sur les chartttes, certifieront et atteste* ront à ceulx qui seront avecques Sa royne et mesdits sieurs les enffans que tout ledit argent est comptant esdits coffres. Et pareille* ment y aura aucuns personnages frànçois qui auront esté envoyez devers mesdits sieurs les enffans pour cest eflect, lesquels certifieront aussi à ceulx qui conduiront ledit argent que la royne et mes* dits seigneurs seront là, sains et en bonne disposition de leurs personnes. Et les deux certifficacions oyes d'une part et d'autre, chacun marchera; et rencontrez qu'ils se soient, les gens dudict seigneur empereur prandront lesdittes charettes pour icelles faire conduire à Saulces où ailleurs, où bon leur semblera, et les gens dudict seigneur roy prandront la royne et mesdits seigneurs les enffans et les admeneront par deçà, et par ce moien se pourra seurement et facilement faire laditte délivrance d'ung cousté et d'aultre, sans dangier de laditte peste, ne sans douhte ne suspeçon de ceulx qui seront commis et depputez de la part desdits deux princes pour cest effect. Et sur toutes choses prye icelluy seigneur roy ledit seigneur empereur de luy voulloir faire sçavoir son intencion sur ce que dessus, et de se resouldre promptement luy-mesmes sur cest affaire , sans remetre la chose aux comissaires qu'il députera pour ce faire; car, si la resolucion ne vient de luy, il se consumera une grande longueur de temps à allées et à venues avant que lesdits commissaires se puissent accorder, qui seroit chose qui ne viendroit pas bien à propoz.

Et quant au terme de laditte délivrance, elle se fera pour le plus tard dedans le temps contenu au traité, ou plus tost ai faire se peult , ainsi qu'il sera advisé par lesdits députez.

Et au regard du personnage que ledit seigneur roy envoyera devers la royne pour le faict.de la ratifficacion du traicté de mariage, S. M. y envoyera dedans peu de jours le viconte de Turene ou le sieur de Humieres, lequel fera la plus grande dilligence qu'il sera possible de se rendre devers laditte dame.

Quant au fait de l'argent en masse ou en deniers comptant qui a esté demandé par advance sur laditte délivrance de la part dudict

seigneur empereur audit seigneur rôy,- su? U, somme de douze >cehs mil escusqu'il itiy doibt fournir, Ledit seigneur roy à cierèment faiot entendre ausdits sieurs de la Chaulx et des Barres son intenckm làdessus, dont ils pourront advertir amplement* si bon leur semble, le* dict seigneur empereur, pour lequel il n'y aura point de faulte que ledit seigneur roy ne: face entièrement tout ce qu'il pourra, ainsi qu'il a dit ausdits sieurs de la Chaulx et des Barres.