MERCURIN DE GATT IN ARE A MARGUERITE D'AUTRICHE

Détails du voyage de l'ambassade. ( Original )

lw février, à Ham.

Madame , je vous escripviz de Chasteau en Cambresys par deux postes, pour la reparacion de Terreur dont vous ay adverty; mays je n'y voys encoures nulle apparence, combien que nous approucbons fort. Nous avons, par ordonnance du roy, séjourné ung jour à Saint- Quantin, et vinsmes iher en ceste ville, et le roy vint à Noyon, que ri est que à cinq lieuues d'icy. Monsieur de Montmort1, qui nous conduict , envoya dès hier devers le roy pour sçàvoir ce que nous debvions fere pour ce qu il n'y ha lougis audit Noyon; mays le messagier n'est encoures revenu, et doubtons du retardement, car nous avoit esté donné à entendre que le roy yroit aujourd'buy k Compiegne pour iileques tenir la Chandeleuse, et que nous yrions ce jourd'huy à Noyon et iileques ferions la feste , pour nous trouver le sambedy audit Compiegne; mays havons despuis entendu que 1 ambassade des Angloys estoit arrivée audit Compiegne, et ne sçavons si le roy les oyra premier que nous: car, s'il ha fain de les ouyr premier, il yra ce jourd'huy à Compiegne, celon qu'il avoit conclu; mays, s'il nous veult ouyr premier, il fera la Chandeleuse & Noyon et nous fera iileques venir; ce que ne puys croyre»

Madame, en escripvant cestes, Thon m'est venu dire que la responce estoit venue que le roy alloit ce jourd'huy à Compiegne, et que nous yrions à Noyon pour fere nostre feste et suyvir le roy celon la première conclusion; et de ce que surviendra digne d'escnpre

1 Louis de Hangest, seigneur de Montmort, conseiller et chambellan du roi.

vous advertiray. Ce pendant me manderez et comanderez, etc. Escript à Ham, ce premier jour de février i5i 5.

M. de Gemly * s'en vient devers monseigneur pour le fet de M. de Bussy, et part présentement d'icy. Le surplus entendrez par les lettres que Thon escript à monseigneur.

Vostre,etc. Mercurin de Gattinara.

MERCURIN DE GATTINARE À MARGUERITE D'AUTRICHE.

Explications an sujet de la teneur des instructions et du pouvoir donnés à l'ambassade. (Original.)

3 février.

Madame, je vous escripviz avant-iher sur nostre partement de Ham, combien que la poste ne fu lors despechiée pour la haste de nostredit partement, mays Thon la despechia le soir en ceste ville. Neantmoyns, ainsy que ladite poste se despecheoit, je receuz voz lettres escriptes à Bruxelles, le penultime de janvier, certificatives de la recepcion des troys myennes et responsives à ce que vous avoye escript touchant le lieu, que Thon avoit escript aux chefz pour appointer cest affere. Mays, madame, il ny ha nulle matière d'appoinctement; car il n'y ha nulle pique, et le confesseur ne scet encoures riens de ceste difficulté et ne me veult pour riens précéder, combien que, sans luy dire plus avant, je dis quil ne fault user de ceremonyes, mays que nous debvons aller celon que Thon se treuve. Et aussy les lettres de credence ne nomment que les deux principaulx et les autres en la généralité; et en ce ne luy auroit aulcune difficulté ; mays Terreur est aux instructions et au povoir. Et quant aux instructions, je n'en faisoie extime, car elle ne se monstrent pas; et

1 Jacques de Hangest, seigneur de Gen- Marguerite d'Autriche, lorsque le roi lis , conseiller et chambellan ordinaire du d* Angleterre se mit en mesure de desroi, avait déjà été envoyé, en i5i3, vers cendre en Artois.

pour ce que le pouvoir est la principale chose qu'il fault monstrer, et qu'il estoit question de réfère les pouvoirs, et ce questoit en ung le remettre en troys, à ceste cause vous avoye voulontiers escript pour tenir la main que, en refaisant lesdits povoirs, Thon reparast ledit erreur. Et ne sçay encoures cornant il en ha esté fet, combien que j'entendz que lesdits pouvoirs fusrent iher appointez, lesquels n'ay encoures vehuz; et en parlyz iher à messieurs qui m'ont dict qu'il y ha la clausule que le six, le cinq ou le quatre, qu'estoit assez me donner à entendre que, quant je n'y seroye, l'hon ne laisroit de besogner, ce que sans avoir de vous ordonance contraire m'eust esté bien regretable. ToutefFoys, puisque c'est vostre bon plaisir, je prendray ou l'honneur ou la honte qu'ilz me vouldront fere, et ne laisray d'y fere mon debvoir.

Madame, je suys bien aise que avez vehu les lettres que l'empereur et maistre Loys m'ont escriptes, et, s'ilz m'en escripvent d'aultres, ferez bien de les veoir, car vous me ousterez de poyne de vous escripre la substance. Bannissius1 m'en escripvoit de mesmes, et oultre ce, m'escripvoit l'article dont vous advertiz iher par le billet encloz en voz lettres ; et afin que puissiez mieulx entendre le contenu dudit billet et que vous escripray cy-après, je dressay ung suplement à la nominacion que me listes envoyer après mon partement par la main de Marnix, auquel ay dressé ledit suplement pour lé joindre avec l'aultre.

Madame, nous partons ce jourd'huy pour aller à Compiegne, où est le roy, et tenons que les Angloys eusrent iher leur audience, et qu'ilz delougieront avant nostre arrivée pour nous laisser le lougis, et espérons avoir demain nostre audience. Et incontinant après despechierons l'autre poste pour advertir monseigneur du tout, et vous escripray celon l'opportunité du temps. Escript à haste, ce matin inc jour de février 1 5 1 5.

Vostre , etc. Mercurin db Gattinàrà.

1 Sans doute Jacques Bannissis , secrétaire de l'empereur, né dans l'île dalmate de Curzola, en 1A66.