AO CARDINAL DK LORRAINE

Satisfaction du roi catholique en apprenant le respect du roi très-chrétien pour sa mère. — Estime qu’il porte au cardinal. — Propos du monde louchant les changements nouvellement survenus en France. — Plainte des ministres espagnols au sujet des prisonniers. — Ceux de France en Espagne soot mieux traités. — Le cadeau promis à MM. d'Arras et Courtetille. — Protestation de dévouement à la maison de Lorraine.

Monseigneur, par ce que j’escris au roy vous verrez, s’il vous plaisl, le contentement grand que sa majesté catholique a d’entendre ainsi de toutes pars la bonne intention et volonté dudit seigneur à l’entretenement de la paix et de leur mutuelle et bonne correspondance. Ayant prins un singulier plaisir d’avoir entendu qu'il se soit si bien et avec telle piété et respect comporté avec la royne sa mère, laquelle sa majesté a en l’estime et réputation telle que ses vertus méritent. Et vous promets, monseigneur, que cela, avec le gracieux advénement et entrée du roy on sa couronne, et l'accueil qu’il a faict A tous ses serviteurs, augmentent grandement, en cestc court, vostre bon nom et réputation, comme aussi de monseigneur vostre frère: recognoissant assez ung chacung que cela procède de vos bons conseils. Le roy catholicquc m’a fort privément enquis de l’establissement de toutes choses, sur quoy je n’ay failly, après lui avoir présenté les humbles recommandations de vous et de monseigneur vostre frère, particulièrement lui déclarer combien vostre désir et but estoit de nourrir ceste amytié, de la fortilTier au repos et accroissement de la chrestienté et de leurs deux majestés : ce qu’il a reçu de fort bonne part, et a parlé de vous, monseigneur, pour vous avoir cognen plus à l’œil que mondit seigneur vostre frère, avec si honneste commémoration que vous en devez estre content et satisffait.

Vous estant obligé et affectionné, vous m’excuserez, s’il vous plaist , et permetrez que je vous escrive en serviteur, librement, ce qui vous touche; ce que je dis, pour autant que sur ceste mort qui importe tant à la chrestienté, vous ne pouvez, monseigneur, ignorer les discours du monde , mesmes sur cculx qui entrent aux premiers et

SOUS FRANÇOIS II

excellons liculx ; discourant chacun des mutations et aigreurs à venir, selon la passion et l'affection qu’il porte à l'un ou à l’aultre , dont ceste court a esté fort travaillée et le maître mesmes, et n’y a pas eu faulte d'hommes mauvais qui ont voulu obstinément rompre le voiage du roy en Espaigne, en lui remonstrant le danger auquel il délaissoit ces Pals-Bas. Mais, Dieu mercy, la confiance est déjà telle entre leurs deux majestés et l'opinion si bonne des ministres , que sa majesté et vous, monseigneur, le croirez, s’il vous plaist, ainsi. Vous suppliant très-humblement de continuer cet heureux acheminement, soit à l’endroit du duc d’Alve ou de Rui-Gaulmès; car estant l’amitié de ce prince et de tous ses ministres establic suivant ce bon commencement, vous jugerez, monseigneur, comme trop sage, combien il en vient à la crestienté.

J’ay sondé doulcement, pour l’esgard de l’ordre, quelle estoit l'intention de sa magesté catholicque; mais je n’y trouve aucun changement, et me semble que la mesme affection est à l’esgard du fils qu elle estoit en celluy du père; ce que j’espère conduire à vostre contentement. Ayant cejourd’hui voulu persuader à ceulx de deçà que monsieur le duc d’Alve avoit accordé , avec monseigneur le connestable, les difficultés et doubles survenus sus le traicté que vous savez, monseigneur, qu’ils feirent par ensemble, pour l’esgard des prisonniers; mais ils ne respondent rien de conforme, ains, au contraire, m’ont fort accusé le mauvais debvoir dont l’on a usé en France, auprès de ce païs : me reprochant qiren toutes nos villes de Picardie et de Normandie il se retient des prisonniers, et que l'on n’y avoit point envoyé des commissaires comme il avoit esté convenu; et que mesmes monsieur le duc d’Estampcs1 et autres

1 Jean de Bosse, quatrième du nom, dit de Bretagne, duc d'Étam|>es , comte «le Penlhièvre, chevalier de Tordre du roi , en if>5o, gouverneur de Bourbonnais, puis de Bretagne. Après avoir cherché tous les moyens pour rentrer en possession «lu comté de Penthièvrç et de ses autres

seigneuries, il n’en trouva point de meilleur que d’épouser la maîtresse de François I", Anne de Pisseleti , à qui ce prince voulait donner une dignité à sa cour. Il mourut sans enfants, à Lamballe, le 37 janvier i564. [GrnéaL du père Anselme, tom. V, p. 576. )

en Bretaigne y détenoient plus de cent de leurs prisonniers, dont leurs parens, qui les avoicnt solicitez, ne pouvoicnt avoir raison, quelque traicté qu’il y eust. Je croy, monseigneur, qu’ils n’ont pas du tout tort, à ce que j’ay appris de ceulx qui en viennent. Et, pour cette cause, ayant veu que par deçà ils ont exécuté en gens de bien fort franchement ce qui concernoit lesdits prisonniers, je vous supplie très-humblement ne pardonner à personne, et vouloir que les pauvres retenus jusques à présent jouissent du bien de la paix, d'aultant que il y en a encore grand nombre en ce pais qui mourroient tous les jours de faim et de misère, sans moy. — J’ai dressé avec le secrétaire de la Torre ung petit mémoire dont le double est cy enclos, alBn que, suivant icelle et l’offre que je leur fais, ils me répondent, comme j’espère qu’ils feront dedans trois ou quatre jours, et que s’ils ont envie d’envoier commissaire des leurs en France, en compaignie de quelque adjoint, il leur soit octroié, ainsi qu’ils nous permettent par deçà ; autrement, estant mon parlement si proche, il y aura bien de la pitié.

Messieurs d’Arras et de Courtcville , auxquels le feu roy avoit promis et faict dire qu’il envoiroit quelque honneste présent, sont encore à en avoir nouvelles. Je vous supplie, monseigneur, ne permectre que pour si peu de chose ceste promesse manque, considéré le pouvoir et crédit que l’ung et l’aultrc a parmi ces Bas-Pays.

Au surplus, monseigneur, vos lettres du xiu* et xv' de ce mois, après la perte d’ung si bon et si grand maistre, m’ont remis la vie au corps, estant av'ec tous les miens (desquels, à ce que j’entends, il vous a pieu prendre une singulière protection) , tant obligés de si longtemps, et à ce coup si estroitement , à vous aymer, honorer et révérer à jamais, que pour tant de bien et honneur je ne puis , monseigneur, vous offrir que le corps et les biens, avec asseurance qUe je n’en serai jamais ingrat, mais prest toute ma vye à le recognoistre de mon humble service.

Vous suppliant cependant me continuer vostre bonne grâce, et faire tant de faveur à l’advenir que s’il y a chose en ceste charge ou

SOUS FRANÇOIS II

ailleurs en quoy je ne vous satisfasse, ou les vostres (auxquels je doibs tant), me le vouloir mander en maistrc, estant celui qui jamais ne pesclicray eu ceste part que par ignorance, s’il m’advient.

Monseigneur, je me recommande très-humblement à vostre bonne grâce, vous disant à Dieu, auquel je supplie le Créateur vous donner, en santé, très-bonne, très-heureuse et longue vie. De Garni, ce xix' de juillet 1 55g.

Vostre très-humble et obéissant serviteur,

S. DE L’AEBESPINE,

Evesque tic Lymogei.

Au dos : A monseigneur, monseigneur le cardinal de Lorraine.