M. DE LIMOGES \ LA REINE MÈRE

NOVEMBRE I 56o.

Touchant la reine catholique et le comportement de se» dames. — Madame de Vineux, qui semblait vouloir revenir en France par suite de ses brouilles. — Le due d’Albe consulté au sujet de ce que Garcilasso a dit A la reine mère. — Caractère tyrannique dn comte d'Albe. — Prochaine venue à la cour de la duchesse d'Albe. — Entretien au aujet de madame de Clermont avec le prince d'Eboly et avec le roi catholique. — Bonue conduite de cette dame; amitié de la reine pour elle. — Conduite de la comtesse d'Ureigna. — Touchant le gentilhomme toscan et sa négociation. — L'eutrevue projetée, désirée par le prince d’Ebob. combattue par le duc d’Albe.

Madame , par mon autre lettre vous avez veu que vos lettres ont profité par deçà grandement à la reyne votre fille, pour davantaige la faire ayiner et conserver celles desquelles elle peut plus apprendre

1 On conçoit fort bien , à la lecture île cette pièce, ce que dit Brantôme des appréhensions d’Elisabeth . à chaque lettre qu'elle recevait de sa mère. ■ C’éloil sa bonne fillequ’elle ay moi t par dessus toultes; aussi elle (Elizabeth) luy rendoit bien la pareille, car elle Ibonoroit, respecloit et craignoit tellement que je luy ay ouy dire que jamais elle n’a reccu lettre de la reyne sa mère qu'elle ne tremblas! et ne fut en

allanne qu’elle se courrouças! contre elle et luy dist quelque parole fascheuse. * Notre lion Brantôme, qui vraisemblablement ne lisait pas les missives de Catherine à sa tille , ajoute : « Et Dieu sçail, jamais elle ne luy en dit une depuis qu elle fut mariée, ny se fascha jamais contre elle; mais elle la craignoit tant, qu’elle avoit cette appréhension. »

et recevoir les bons advertissemens par le moien desquels, jusque icy, elle a esté et est honorée autant que vous pouvez désirer de son mary et de ses subjets , tellement que désormais elle usera de madame de Clermont, de mademoiselle sa cousine, de la contesse et autres plus saigcs, ainsi qu’elle a ci-devant fait, et des plus jeunes, pour son plaisir et passe-temps en privé, comme il est très-raisonnable , vous asseurant que ladictc dame de Clermont continue a dignement et de mieulx en mieulx s’acquitter de sa charge : ayant esté ung peu troublée de la lettre que luy escriviez, qui ne peultque servir infiniement afin que les unes et les autres procurent avec tout soing de passer le temps par deçà, sans autre passion que du service de sa maîtresse : luy ayant bien dict que ce que vous luy en mandiez n’estoit que pour donner à cognoistrc à madame de Vineux aussi que, sans pardonner à personne, votre intention cstoitque chacune suivist les coinmandemens qu’elle aurait rcceus de vous au parlement de France. Estant toute ceste contention entre elles survenue pour avoir obstinément voulu madame de Vineux entrer aux affaires de la reyne et succéder à la nourrice , dont je l’ay diverti assez de fois par toutes les honnestes et douces remonstrances qu’il a esté possible , jusques enfin m’en courroucer à elle , et luy dire à plat quelle s’abusoit d’y penser ainsi à tout forcer sa maîtresse pour amener le trouble en sa maison , et le mescontentcment que la contesse en pourrait avoir et justement recevoir. Elle me disoit ses raisons, qui estoient quelle sçavoit tous les secrets de la reyne, qu’elle lui estoit fidèle jusques à la mort, et que la servant si privée de nuict, les Espagnols la tenoient en peu de respect, si de jour on la reculoit de ceste privaulté; avec assez d’autres particularités, qui à « vérité , madame , sont dignes d’excuse , car chacun procure son bien et avancement près de son maistre , et n’ay esté marry que de ce que , m’ayant creu jusques icy, elle ne se voulut contantcr, ains passa à en parler à la reyne catholique , qui luy en fist courte responce. Tellement que, jugeant l'autre, madame de Clermont, estre son seul empeschement, de là est proceddé que souvent ils sont échap-

SOUS FRANÇOIS II

pés force coups de becqs que cette nation est bien aise de voir et entendre : car, quelle bonne mine qu’elle fasse aux unes et aux autres , ils n’aiment que par force, et n’attendent que les occasions de s’en defTaire petit à petit: je dis, madame, les grands aussi bien (pie les moindres; et tout cela il ne peult advenir que par la faulte des nostres, car les aymant ladite dame, et voulant près d’elle, si n’est par leur oubliance, il n’y a homme vivant qui en peult disposer autrement. Et, madame, pour votre contentement en ce que dessus, je veois qu'il n’adviendra plus, non que pour cela désiste ladite dame de Vineux le désirer, et nie dire qu’autrement elle fait son compte de partir d’icy dedans quelques mois ; mais j’estime qu'elle y pensera , et que peu à peu elle rccognoistra combien il a esté icy fait pour elle aux estats qu’elle a eus contre son espérance , lesquels incontinant elle a monstré mespriser pour passer oultre. Elle m’a dict que vous monstriez, par la lettre que lui escriviez, avoir quelque defüance d’elle et que légèrement elle ne rapportast, dont elle se plaint fort, pour avoir toute sa vye voué son service et obéissance à ce qui vous touche. Mais, madame, les biens et les honneurs peuvent quelques fois tant près des personnes, que de les advertir l’on ne fait point de faulte, estimant toutesfois tant de sa vertu qu’elle ne voudroit jamais tomber en ce vice d’ingratitude; et pourceste cause, madame, il me semble qu’il la fault icy doucement conserver, afin que chacun fasse son estât et se contente de sa condition ; et ne scroit , possible , pas mal à propos que , sans monstrer, s'il vous plaist , que je vous en eusse escrit , vostre majesté en parlast doucement à son mary et à monsieur de Tolon , duquel elle a souvent nouvelles, et qui monstre les aymer et procurer le bien de leurs affaires. Et à ce propos , madame, je m’eslargiray A vous dire que, voulant sonder, en une dernière audiance et communication que j’eus, le duc d’Alve, s’il avoit si particulièrement commandé à don Antonio de soustenir les propos de madame de Clermont que m’avez escripl, devisans de l’estât et façon de vivre de la reyne sa maîtresse, je luy remonstrai la confiance qu’aviez en luy, et combien vous vous promettiez de luy à moi aussi ,

NÉGOCIATIONS pour recevoir scs bons advis et commandemens en ce qu'il jugeroyt deffaillir au comportement de ladite dame et de sa famille; surquoy il me reppliquat que véritablement il avoit passé longtemps projecté et délibéré d’en deviser avec moy, et mesme touchant madame de Clermont : me confessant franchement que, par son commandement, Garcilasso et, depuis, son frère vous avoient tenu les propos dont m’avez cy-dcvant escrit, pour le désir qu’il avoit que la rcyne continuas! à estre, et toute sa maison, tousjours conforme à ce qui estoit nécessaire en ce païs. A quoy je le priai de se vouloir eslargir, afin que je seussc les particularités: luy disant que vostre majesté m’avoit mandé les propos que don Antonio vous en avoit tenus, lequel enfin auroit confessé que ce n’estoit que pour contenter la contcsse. On l’appclla pour aller au conseil , et ainsi nous despartismes, me promettant le lendemain ou peu après de m’en dire davantaige , ce qu’il n’a fait , encorre que j’y aye envoyé une fois ou deux pour parler à luy, tellement qu'il m’a semblé qu’il se veult contenter de cela, afin que l’on en pensast possible plus qu’il n’y en a, et que là-dessus je vous escrivisse pour, par ce moyen, procurer que vous fassiez osier madame de Clermont d’auprès de la reyne : sachant bien que le conte d’Alve, son frère, qui est un tirant de bouche et oultraigcux en ambition1 de seul gouverner et quasi commander à sa maîtresse, et vouldroit ladite dame de Clermont csloignée et assez d’autres Espagnols, afin de mieux posséder et régner seul. Le duc d’Alve, qui est son beau-frère, et toute la maison de Tolède favorise ceste menée, comme les races par deçà sont plaines de pars, dissimulations et calomnies. Encores me dict-on davantaige que la duchesse d’Alvc, sa femme , vient à ce Noël en ceste cours , là où ledit duc la délibère tenir, m’asseurant bien que ce ne sera pas sans grand désir de la voir près de la reyne aymée et favorisée ; et sçay bien de ses gens qu’on ne la fait pas venir à autre intention, qui me faict croire que le moins de presse ce seroit tousjours le meilleur. Or, madame, autant que pos-

1 Le comte d'Albe, dont il a été question autre part comme d’un homme dur et ira* cassicr.

SOUS FRANÇOIS II

sible , ils en persuadassent davantaige au roy catholique , pour leur fermer la bouche; considéré aussi qu’il me dist en vouloir librement deviser avec la reyne vostre fille, recognoissant la malefoy dudit duc d’avoir ainsi sous mains fait ses offices sans premièrement avoir daigné une fois advertir madame de Clermont de ce qu’elle devoit faire, si elle dcûailloil en quelque endroit, je me délibérai d’en communiquer au prince d'Eboly, lequel l’aime bien peu, et qui me semble aller plus franchement au service de la reyne, estant étranger et en mesme condition que les autres, tant aucuns seigneurs de par deçà luy font la guerre quelsquefois : luy comptant par le menu ce que dessus, et comme près de vous , et depuis entre ledit duc et moy, j’avois cogneu la menée qui se faisoit par ceux de Tolède , ce qu’il me confessa , après m’avoir conjuré de n’en parler jamais , avoir sentu , encorre puis peu de temps, taschant à persuader le roy son maître que ladite dame de Clermont estant ici empeschoit que la reyne ne se formast tant à leurs meurs et condition espagnols qu’ils eussent désiré; qui est, madame , tout ce qu'ils luy peuvent facilement mettre sus , mais par calomnie et sans autre particularité et fondement; et pour cette cause je résolus, par son conseil, en parler au roy franchement et y pourvoir avant que le malfust plus grand et que ceuls-cy eussent, possible, imprimé à sa majesté ce qui ne seroit par après facile de luy arracher : ce communiquant à la reyne premièrement, qui fut de cet advis. Si bien que, en l’audiance que j’eus de luy, il y a deux jours, après avoir satisfait à ce qui concernoit le service du roy , je luy dis que l’amour singulier que vous luy portiez estoit cause qu’avec grande raison vous veilliez, absente, à ce que le comportement de la reyne sa femme, et de la compagnie que lui aviez donné, fust tel qu’il en receut le service , obéissance et humilité qu’il estoit résonnable , et que , pour ceste cause , vos lestres ordinaires estoient pleines de les advertir et semondre souvent de leurs devoirs , vous enquerrant au surplus de tous ceulx qui arrivoient et passèrent par France pour en apprendre davantaige ; et que , entre autres , ayant , il y a quelques jours, seu , par aucuns de ses ministres, que l’on accusoit madame de

Clermont comme ne conseillant pas assez à la reyne de se conformer à ses moeurs et à ceulx du pais , vous n’aviez peu avoir repos d’esprit que cela ne feust esclaircy, feust pour la remettre au bon chemin, s’il y avoit de sa faultc , ou pour luy monstrer et faire toucher au doigt la menterie et calomnie de ceux qui avoient esté aucteurs de telles nouvelles, me commandant, pour ceste cause, d’en parler franchement à sa majesté, et depuis à la reyne et à ladite dame de Clermont, entrant par le menu à luy desduire les bons offices que je sçavois qu’elle faisoit , dont je m'estois voulu enquérir, et luy représentant la grande amitié et affection de sa femme envers luy pour tesmoinnage, et ainsi par le menu; enfin luy déduisant, presque l’espace d’une heure , leurs façons bonnes et ordinaires remonstrances et actions : en concluant qu’il falloit, pour ceste raison, qu’il s’asseurast de la saige eslection qu’en aviez faite, le suppliant, comme chacuns aux cours vouloit chasser son compagnon pour avoir place, ne permettre qu’estans estrangers, mais maintenant scs subjets, et venus icy pour se transformer à sa seule volonté et façons du païs, qu’ils fussent subjets aux calomnies des malings ou des gens qui , possible, sans les entendre , comme ladite dame de Clermont est du tout ignorante de la langue , jugeassent de leur sincérité et bonne intention par cœur et contre vérité , sans luy déclarer aucune chose de ce que le duc d’Alve m’ avoit dict, ne nommer personne, ains seulement lui confessant que le dernier courrier estoit quasy venu exprès , avec bonnes et expresses lettres auxdictes dames, et que vous désiriez singulièrement, avant qu’il en eust autre advis ni mauvaise opinion , il y feust pourveu. Sa responcc feust de me dire tous les biens du monde de sa femme, et depuis de madame de Clermont, l’estimant comme elle mérite et vous remerciant infiniment, madame, du soingque par là il congnoissoit que vous preniez de son contentement et de ce qu’il aymoit ; asseurant que jamais il n’avoit eu telle opinion d’elle , et qu’il la tenoit chère , comme il estoit raisonnable , venant de si bonne main. Je le remerciai, et dis que je descendois au logis de sa femme pour luy en parler et distribuer vos lettres, de laquelle il pourroit

SOUS FRANÇOIS II

miculx sçavoir la vérité de ce que dessus ce que j’escris, et l’ayant, par le même , rapporté aux dames rcyne et de Clermont , nous arrêtâmes, par le conseil dudit prince d’Eboly, que le lendemain sa majesté , sans luy en parler au lict, manderoit au roy son mary pour le supplier de prendre la peine de descendre dans sa chambre, ce que ledit seigneur feit incontinant, accompaigné seulement du prince d’Eboly, que j’en avois fait advertir : et là ne faillit ladite dame, soubs le prétexte des lettres quelle disoit en avoir reçu de vous, à bien testifier et vertueusement à son mary le contraire , le suppliant luy voulloir laisser ladite dame et non croire autre chose que tout ce que l'on doit de la personne du monde qui méritoit le plus. Madame de Clermont, comme verres, s’il vous plaît, par un petit mot quelle m’escrivit sur l’heure, y estoit, qui sceust bien faire la harangue que nous lui avions recordce , dont ledit seigneur receut grand contentement et monstra entière satisfaction. La contessc d’Ureigna y estoit, qui, à la mode de ce pais, voyant sa maistresse vertueusement cspouserla conservation de l’amitié qu’elle- porte à madame de Clermont, s’excusa et feist nouvelle alliance avec ladite dame, ainsi que verrez. Je vous ay escrit ce que dessus, madame, ung peu au long afin que entendissiez mieulx l'estât des choses, m'asseurant que ne trouveriez mauvais si j’ay voulu prévenir et ne laisser ceuls qui pensoient mal faire en telle liberté ; car maintenant ils auront la bouche close, et cy n’y aura celle, en toute la maison de la reyne, qui ne honore et révère d’autant plus ladite dame de Clermont , que sa maîtresse a voulu faire ung tel office pour elle;' aussi que à l’avenir ce sera serrer le pas aux méchans, et conserver ceste dame près du lieu où', madame, vous l’estimez avec grande raison sy nécessaire parmy les jeunes ans de la reyne , attendant que Dieu luy aye donné quelques enfans.

Il me reste, au surplus, à respondre à l’article qui m’a esté escrit concernant le gentilhomme tuscan , chose en quoi je supplie vostre majesté croire que j’ay employé et le secret et la dextérité qu’il m’a au monde esté possible, ayant pour conclusion trouvé que la reyne

IMi NÉGOCIATIONS

en pouvoit parler au priHce d’Eboly fort à propos, maintenant que les bruits de dediance dudit gentilhomme courrent, ainsi que ave: sceu par mes dcspesches, et verrez encore, s’il vous plaît, par quelque partie de celle que je envoyé par ce courrier, estant ladite dame entrée pour en deviser avec ledit prince, pour faire sentir qu’elle recevroit grand malconlentement d’entendre qu’ung personnaige qui eust receu tant de bien du feu empereur et depuis du roy son mary feust pour s’oublier, comme il sembloit qu'aucuns ministre leur eussent grande opinion : le priant à ce propos de se souvenir des devis qui en estoient passés entre vous deux ; et comme l’aymoit et avoit singulière confiance en luy vouloir franchement luy dire la souvenance qu’il en avoit eue, ce que ledit prince feist, grandement contant de ce que la reyne monstroit et vous, madame, lui déférer ; concluant loutcsfois , pour plus clairement en dire ce qu’il en pensoit , d’en deviser avec moy. Et pour cesle cause fus le lendemain le trouver, lui répétant qu'avec le commandement tel que vostre majesté a sur moi, j’avois, par lettres de votre propre main, commandement de jamais n’en ouvrir la bouche qu’à luy seul, duquel vous vous estiez promise toute confiance ; et pour ceste cause commança à me dire qu’estant en France il avoit sceu de monsieur le connestable que, pendant les guerres dernières, ledit gentilhomme avoit soubs main voulu laisser son maistre, et chercher appuy et party ailleurs, et que pour cela il estoit entré véritablement avec vous au propos que m’avez mandé, avec résolution de veoir, estant par deçà, comme il continuroit à se comporter, et suivant cela ne faillir d’embrasser l’occasion bien à point pour satisfaire à vostre intention , sans jamais s’en estre descouvert à son bras droict, saichant les ennemis qu’il a en ceste court, et mesme le duc d’Alve, qui porta avec les siens toute cette maison-là à corps et à cry, estimant que l’accroissement d’icelle est le leur, pour estre la femme de ceste race; que ceste considération, depuis qu’il est par deçà, a esté occasion qu'il n’a eu lieu ni moicn d’enforcer cesle négociation; considéré davantage que ledit gentilhomme redoubte le l’ruict de ceste paix, et

SOUS FRANÇOIS II

n’ignore pas combien ceulx-cy avoient prins en male part le mourceau que pendant la guerre il leur avoit tiré soubs l’aesle, pour se garder et ne leur donner occasion de luy nuire, faisoit maintenant, par leurs ambassadeurs et toutes autres démonstrations, de tels et si bons offices que riens plus, et que les tesmoignages en venoient d’Italie si certains que son maistre ne pouvoit, jusques aux effects contraires, avoir autre opinion de luy que bonne, non que pour cela l’on ne cogneust son ambition, et caulte façon de négotier, mais que chacun faisoit ses affaires le mieulz qu'il pouvoit, sans que pourtant il y eust lieu de venir à l'infidélité ni desloeaulté, ce que tousjours ceuls de Tolède avoient remonstré : tellement que, n’y ayant eu apparance aucune de s’ouvrir davantaige, ils s’estoient contenus, attendant qu’il s’y vist plus de certitude, saichant bien que, s’il y alloit à mauvaises enseignes, ceulz de ladite maison de Tolède ne chcrcheroicnt pas meilleure occasion pour l’accuser de la teste, et dire que luy seul auroit troublé le bien et repos publicq , et esté cause de faire ung bon amy et serviteur ennemi perturbateur de leur repos.

Passant, à ce propos, à me confesser que desjà l’avoient-ils en Italie calomnié, comme empeschant le mariage du fils avec celle que vous scavez, et que, pour cestc cause, il vous supplioit remettre cela à quelque peu de temps, pouvant advenir qu’entre cy et la saison que verrez le roy catholique, les choses scroient changées et les jalousies augmentées; que lors il ne feroit difficulté de dire au roy son seigneur tout ce qui en est passé entre vous, afin que par après aussi sa majesté l’entendist et remportast de vous secrettement, pour se servir de l’exécution, si les mérites dudit gentilhomme et les occasions y appeloient, lesquelles toutesfois ils voient maintenant grandement esloigner : me déduisant à ce propos combien sa majesté catholique veuit et se propose de conserver la paix que Dieu lui a donnée, me remémorant aussi la grande amitié du pape vers ledit personnaige, estant à craindre que ceste conformité si grande, si on venoist à y montrer défiance, n’empirast plus que ne demandent leurs affaires en Italie ; accompagnant ce que dessus de tant d’autres raisons , que il est sans

difficulté qu'il n’y veoit maintenant autre certitude, non pas, comme lui-même m’a confessé , qu’il aye faulte de bonne volonté , car il hait ccste maison à mort; et si m'a, par le menu, aussi bien déduit combien ledit gentilhomme devoit estre redoubté de ceste nation , et le mal duquel à l’avenir, par son moien , tous leurs estais estoient menasses, que vous, madame, ne pouviez y avoir plus d'inclination : mais il se retrouve sans pouvoir ni apparence pour ceste heure; sur quoi, madame, je vous diray en passant que je me doubte, à la diversité des propos qu’il m’a tenu sur cette affaire, qu’il en parle à son maître, et que la responcc qu’il m’a faite vient de son sceu et conseil : toutesfois il m’a infiniment juré et protesté le contraire. De ma part, madame, pour vous en dire franchement ce que j’en pense, je les trouve si peu affectionnés à notre grandeur, que je n’estimerai jamais qu’ils voulsissent ung de messieurs-là, duquel ils auroient encore plus de défiance que de cestuy-cy ; car, quand il s’en parle parmy aucun d'euli, ils ne vouent ceste succession qu’à leur frère bastard ; qui est, madame , tout ce que j’en puis dire à vostre majesté, estant bien marry qu’en choses que je sçay vous estre agréables je n'aie autant de moien de vous y servir comme de bonne volonté. Mon advis est que le temps aydera beaucoup en cette affaire s’il a quelque fondement : car assurez-vous que jamais ne se parlai d’homme publiquement en plus mauvaise part que dudit gentilhomme, et que tant plus il ira, tant moins s’en asseurent ceux-cy.

La reyne ne vous en mande rien, suivant vostre commandement, se rapportant à ce que dessus, qui est la substance de ce que le prince d’Eboly luy dist aussy ; mais non pas tant au large , m’ayant ledit prince fort prié qu’il vous plust de jamais ne vous en laisser entendre à autre personne , attendant le succès que Dieu y pourra donner pour vous satisfaire.

Au demeurant, en ce que vous désirez sçavoir de l’entrevue du roy catholique et de vous, sur ce qu’il vous a pieu m’en faire mander et escrire à madame de Clermont , qui m’a monstiré vostre lettre , je n’adjouterai pas grande chose à ce que vostre majesté a veu en cet

SOUS FRANÇOIS II

article par mes précédantes, sinon que ce prince vous ayme, comme je sçai, de tout son cœur, a toutesfois ses affaires en telle recommandation, qu’il n’en pcrdroit pas une minute d’heure, que bien & point : je sçai que le duc d'Alvc et autres discoureurs ne sont pas fort frians de telles entrevues. Quelque chose qu’il vînt, si est-ce, madame, que sa majesté est résolue, lorsqu’elle approchera de Barcelonne, de vous veoir; et sçai que c’est avec grand désir et bonne volonté; mais il me semble qu’attendant cela, vous ne devez en façon que ce soit vous en promcstre autre commodité ny avancement. J’ai par le ihenu discouru tout ce faict avec le duc d’Alvc, qui le remet à ce temps-là, et depuis encore avec ledit prince d’Eboly, qui compte que ledit seigneur ne peull partir d’icy avant may ou juing pour aller à Monsson , s’il veult tenir les estats des trois royaumes ensemble, ou à Saragosse , capitale ville d’Aragon , s’il les tient particulièrement ; asseufant ledit prince qu’avant que les estats soient assemblés et le roi arrivé il sera sur l’hiver, d’autant qu’il voudra passer à scs maisons de Pardo et de Ségovia, qui sont en chemin, quelques mois , avec larcyne; estant cela faict, safts double que lesdits estats, en un lieu ou en l'autre , ne dureront pas moins de cinq ou six bons mois. De là il faudra aller à Barcelonne pour aussi y assembler les estats de Catalogne ; là où ledit seigneur les pourroit laisser pour vous aller voir à Perpignan. Ainsi, madame, si vous comptez bien au compte du prince d’Eboly, ce ne peut estre que du mois de janvier qui vient en ung an, et je suis contant d’y adjouter encore trois ou quatre mois davantaige , par où vous jugerez trop mieulx que ce long terme ne vous doit, en façon que ce soit, divertir de vos dessaings et du grand besoing que le royaulme a d’estre visité et proveu par vostre prudence et bon conseil en tant d’endroits qui appellent, comme je ne fais doubte , le roy et vous : laquelle je supplie très-humblement prendre en bonne part si , ainsi au long et bien à la vérité, je satisfais à ce qu’elle attendoit de moy, suppliant vostre majesté continuer scs bonnes grâces, et laisser, s’il luy plaît, cette lettre au porteur pour labrusler.

Au dot : A monsieur le curé de Roqucrolles , à Bourges,

MADAME DE CLERMONT 1 * * * À LA RELNE MÈRE. NOVEMBRE l56o.

Détail*, sur la cour d'Es(>agne. — Elle se justifie de la mésintelligence qui règne entre elle et

madame de Vineux.

Madame , depuis ne vous avoir escrit , la reine vostre fdle s’est portée de micus en mieus, comme ausi fait-elle présentement. Elle paisse son tans à aller vissiter les monastaire de saite ville, où elle a esté deus fois saite semaine; elle a fait faire des masques à mademoiselle et à ses fdles , abillées aus atours du tans passé , et leurs robes des ungnes de velours cramoisi, les autres de damas blans, les autres de teilles d’or et forses piereries. Le roi, le prinse et la prinsescc s’i trouveret, qui leur sambleret fort beaus et leur entrée belle, qui estoit le grant bal de France; et après les bailles, pour vous an dire vérité , il les faisoit bon voirs : il y avoit fort peu de jans, qui est chosse que le roi aimet bien , et dura le pase-tans plus de trois cures. Le roi mena danser la royne, qui estoit abillée se jour-là d'ungne robe de loille d’argent, gaufrée à l’espaignolle avecque ung bort d’or et d’argent large, et bien coifée et de piereries, et la faisoit fort bon voire. Je vous assure, madame, qu’elle se fait fort grase et n’a pas robe qu’il ne lui ait faillu faire refaire, car il les luy faut plus large de quatre dois qu’il ne failloit quand elle vint issi. qui est trouvé fort bien de tout le monde ; car issi il ne font quas des faillies maigres, et aussi creue à l’avenant, si bien qu’elle me paisset de auteur : an tout sella son bon esprit aumantet le plus. Elle n’a encore aparance de sais besongnes5 : je ne faudray de vous en aver-

1 Louise de Bretagne, fille de François d’Avaugour ou de Bretagne , comte de

Vertus, de Goello, etc. et de Madeleine

d’ Astarac . avait été mariée à Bar-sur-Seine , en Champagne, le îo mai i5Aa, à Guy,

baron de Castelnau et de Clermont-Lodève, qui mourut le 18 septembre 1 544 , au

château de Clermont. Louise, sa veuve,

dont vient cette lettre, vivait encore en î Oo-J , lors du mariage de sa petite-fille ; elle avait eu do son mari , Guy, deuxième du nom , baron de Castelnau et de Qermont-Lodève , sénéchal de Toulouse, gouverneur de Quercy. — Nous avons conservé l’orthographe.

1 Ce qui confirme notre note, page 70a.

SOUS FRANÇOIS II

tir. Sa couleur luy est fort revenue, elle se portetle mieus du monde de sa migraine; elle vous a escript pour anvoier le plus tout que vous pourrés, au roi vostre fils, les abres qu’il demande pour ranchois (sic); quant aus jardinier, il an est mort deus, le maître et le milleur d’après, par quoi il faudera qu’au renvoiés d’autres, car il l’a an grant affection.

Depuis deus jours est arrivé le dernier courier qu’avés envoie, par lequel vous courousés à moi de quoi nous ne nous acordons mieulx madame de Yineu et moy , de quoi je suis la plus marie ; mais aiant son opinion, il est bien malaissé qu’elle m’anduret, car tout ce quelle taichet, sest d’avoir ma plaisse et que je m’an aille; jusques à faire tout ce qu’elle peut pour me maitre an la malle grâce de la raine vostre fille, qui vous servira, s’il vous plest, de témoing que quoi qu’elle me dict, je ne lui raipons jamés mot, sinon qu’elle se tesse et que les étrangers ne l’oiet parler ; et si vous assure, madame , que toutes ses querelle n’ont point esté seulles contres moi , mès elle m’acuset d’avoir dérobé dix mille escus que vous aviés baillé à la roine vostre fille. Vous savés se quille an nest et que je vous ay

anvoié les par monsieur de Lanseact ; qui me fait vous suplier

' trés-humblemant, madame, les faire voirs s’il est vrai ou non : car encore que je soie de Bretaigne, je ne m’an sans point de se quontelà. Au reste , l’anbasadeur a parlé au roy de ce que lui avés escrit pour moi, qui vous an faict réponce, et m’a conseille de parler à lui davant la raine, se que je fis yer qui estoit dimanche *.

En renvoi : « Se jour-là elle avoit une robe de satin incarnat, toute couverte de passemant d’argent, qu’elle a fait mettre à l’espaignolle, et bien dé piereries. •

La raine lui manda quelle luy supplioit qu’elle lui dit ung mot, s’il lui plaisoit quelle montact an sa chambre ou s’il viendrait an la sienne. 11 lui manda qu’il viendrait an ung petit quabinet et qu’il y viendrait seul. Elle luy alla atandre et ne mena avecque elle que la contesse et moi, où il la vint trouver n’aiant avccque luy que le prinse

1 Voir ci-dessus , page 7 1 3.

d'Ebolly. Il parla à la raine quelque peu, et puis j’ey allé luy dire que m’aviés escrit ungne lettre où vous courousiés à moy de se qu’on vous avoit dit que j’étois cause de desas, et suivant se que m’an avoit dit monsieur l’ambassadeur, où il me fict réponce qu’il n’an avoit jamès ouy parler, et que, si d’autres l’avoit dict, que s’étoit sans son scu, et qu’il estoit bien esse que je fuse auprès de la raine, et m’estimoit mervelleusemant. De sa réponse, madame, je me sans fort satisfaite. D’où sela peut venir, je panse que monsieur l’anbassadeur vous an a touché quelque chose , qui m’an fera taire , pour vous suplier, madame, de n’estre point si courouséc contre moi, comme m’escrivés, ny à monsieur de Limoges, et si j’ay le malheur que m’autiés du servise de la raine vostre fdles, que je n’aie point selluy d’estre hors de vostre bonne grâce , qui seroit bien gangné sans l'avoir mérité; car tout le mal que l’on me veult, est de vous faire servisse, où j’cy eu telle affection que je pance en avoir oubié Nostre- Seigneur, qui m’an puniet par. se moien, et d’i avvoir perdu mon bien , comme par si-devant vous ay escrit, et pour me garder de perdre le reste , me retirer de là , s’il vous plest , en vostre bonne grâce, comme personne qui ne vous a jamès ofansée : j’apelle de toutes chosses la raine et monsieur l’anbasadeur à témoin , et vous suplie m’essecuser, madame, de vous an tant escrire, mès la paine où j’an suis m’y contrainct. Vous savés que jusques issi je ne vous ai jamès mandé rien de tout sesi, et n’eusse fait, sans le mal que m’an voullés, pour m’an esscuscr et suplier toujours Nostre-Seigneur pour vostre bonne santé, qui la vous continuet toujours telle que la désiret. De Tôllède.

J’ai faict faire ugne dousaine de paire de gans qui me samble estre comme les vostres, et les vous anvoie.

Vostre très-humble et très-obéissante sugete et servante , LOISE DE BRETAIGNE.

Au dot, écrit par T évêque de Limoges : De madame de Clermont.

SOUS FRANÇOIS II. 721