L'ÉVÉQUE DE LIMOGES \ LA IIF.INE MÈRE

9 DÉCEMBRE l56o.

Touchant madame de Clermont.. première dame de la reine catholique, dont le roi et la cour demandent le renvoi en France. — Détails sur les intrigues contre cette dame, la favorite d*Eiisabeih. — Jalousies des Espagnols. — Touchant l'entrevue projetée à Monsou. — Moyens proposés par l'évèquc de Limoges pour rappeler madame de Clermont sans la blesser, et pour lui substituer madame de Vineux.

Madame, ayant sceu que don Anthonio estant en France vous avoit, en devisant, tenu, de la part du duc d’Albe, les mêmes propos que Garcilasso touchant madame de Clermont, et que enfin il vous avoit dict que ce que l’on en faisoit icy n’estoit que pour donner contentement à la contesse d’Ureigna, et que, aussi parmy assés d’aultres particularités de la maison de la royne catholique, j’ay tousjours cogneu qu’il y avoit plus d’envie contre ladite dame de Clermont que de sa faultc : considérant que l’on estoit sus l’ordonnance et arrest de l’estât qui a esté faict à chacune dame depuis cinq ou six jours , je pense (n’ayant point estimé que ce que l’on vous en mandoit procédast de l'entière et résolue volunté et délibération du roy, mais seulement sur quelques fondemens d’envye et rapports ordinaires contre ceux qui sont aymés de leurs maistres) que ledict duc, qui est personnaige d’honneur et haïssant la confusion, vous conseillast, en partie de luy-mesme, de doulcement retirer ladite dame, prévoyant quelque plus grand mal , et rendre la famille de la royne moins subjecte à troubles : et pour ceste cause, sus ce fondement, en mes dernières audiances, afin de toujours conserver madame de Clermont au lieu où je sçay qu’elle est requise, remonstray à sa majesté combien vous désiriez qu’il en eust de contantement; et saichant qu’aucuns ne voulant pas possible bien i ladite dame , la pourraient calumnier, luy déduisant tous ses dignes offices et la diligence qu’après vos commandemens je mettois à la maintenir en ce bon chemin, s'y estant, ce me sembioyt, vouée de telle affection, qu’il n’en devoit moins croire que de sa propre subjecte et servante : luy adjouxtant que vous en escriviez de nouveau & la royne et à ladite dame afin

qu'elles continuassent, et que, s’il y avoit de sa faulte, elles l'excusassent et amandassent. Depuis, la royne catholique parla à sa majesté pour luy tcsmoigner et ladite dame de Clermont aussi, et fut sa responc.e à elles et à moy si plaine de la satisfaction qu’il avoit et bonne opinion de sa prudence et vertu , que plus ne s’en pouvoit demonstrer, sans toutlefois autrement respondre sus sa demeure par deçà. Or estant cela passé, il me sembla ce néantmoins, en une aultreaudiance que j’eus du roy, que sa majesté retenoit quelque chose à dire, m’ayant pour quelques particularités remis au duc, et aussy sus ce qui estoit passé entre nous ès précédentes audiances, ainsi généralement qui me feist entendre que c’estoit pour ce faict; car, quelque chose que j’aye ncgotié en ceci depuis que m’en escrivîtes au voyage de Garcilasso , j’ay tousjours creu et bien apperceu que le duc d’Albe nb vous mandoit pas cela , estant près de son maistre comme il estoit, qu’ils n’en eussent devisé culx deux. Mais pour le besoing que ladite dame faict icy , j’estime que le meilleur estoit de faire le sourd et ne s’arrester aux premiers ad vis, et que le debvoir et les bons offices et succès amanderoient possible leur délibération pour tousjours gagner temps. Mais comme les gens ici n'ont esgard à chose qui soit, qu'à leurs affaires et dcfliances, et ce prince mesmes qui l’est le plus du monde pour estre naturellement craintif, le duc d'Albe, en une communication qu’eusmes ensemble, il y a ungjour ou deux , entra (après touttefoys lui avoir faict rapport de ce que j’en avoys dict au roy son maistre avec ung discours assez prémédité) à me dire qu’il s’estimeroit bien peu fortuné si la royne sa maîtresse, et vous, madame, jugiez avec maicontentement que ce qu’il vous avoit soubs main mandé et faict dire procédast seulement des quereles des femmes ou aultres mesmes occurrances, qui passent entre les dames et serviteurs des grands roys; et que cela est en si petite considération pour tels messaiges, que vous deviez, s’il vous plaist, croire qu’il n’est en façon que ce soit pour s’esmouvoir, ne vouloir, pour la passion de je ne sçay qui, oster à sa maistresse, qu’il honnore et révère, tout ce qu’elle ayme avec grande raison ; mais qu'estimant

SOUS FRANÇOIS II

en homme cle bien et vray serviteur l'union d’icelle et de son marv, à l’avenir et sans flateric, saichant bien que de là deppend tout le bien de la chrestienté, il avoit comme de luy-mesme, ce disoit- il, et touttefois bien advoué , sans que l’on vousist qu’autrement le maistre y fût nommé, mandé à vostre majesté ce que Garcilasso et don Anthonio avoient dict, s’asscurant tant de vostre preudance que vous jugeriez bien qu’il faisoit l’office d’ung bon ministre : estant certain que sans cela l'entier contentement de son maistre n’estoit point, et que vous ayant obligation , à son roy et à sa maistresse , il se promettoit que, faisant cet office, quant bien on la calumniroitau commancement, enfin on cognoistroit son bon œuvre : me déduisant tout par le menu ce que j’avois dict au roy catholique et ce qui estoit passé entre sa majesté , la royne et madame de Clermont , s’excusant de ce qu’il ne l’avoit pas ouvert si clairement jusques à présent, d’aultant qu’il pensoit qu’on le dût entendre à demy-mot, et qu’aussy on l’avoit asseuré, partant de France, qu’elle ne venoit que pour un temps, et qu’ainsy son maistre l’avoit entendu. — Ma responce fut de luy dire que nul ne faisoit difficulté de sa vertu , honneur et bonne intention , et que vostre majesté le tenoyt icy comme pour père et vray guide de sa fille; mais que, s’il y avoit en cccy de la faultc, ce avoit esté par cculx auxquels il avoit baillé ceste charge , qui jamais n’ont seulement faict soupçonner que cela vînt d’ailleurs que de luy, et comme s’il eut fallu donner à madame de Clermont quelque esperon et advis pour mieulx faire son devoir; qu’il sçavoit que, Garcilasso estant en France, j’en parlai au roy et à luy franchement; et que jamais ne passèrent plus avant qu'à me dire toute la satisfaction qu’ils avoient d’elle, et que, suivant vos lettres et bons recors, je la confortasse et exhortasse à faire de bien en mv.eulx, et que mesme son frère ( qui estoit ung point sans responce, et par où il notteroit bien que vous ne pouviez pas deviner que cela vînt d’ailleurs) vous avoit, madame, dict dernièrement que ce n'estoit que pour contenter la contessc d’Ureigna : tellement que l’on jugeoit que ce ne fust qu’une fumée de court et que luy-mesmes le print ainsi ; que vostre majesté

aymoil unicquement ledit seigneur roy et son contentement, tant s’en failloit qu’en chose telle vous eussiez voulu temporiser; qu’il sayt le soing extrême que vous prenez d’heure à autre à entendre le devoir que la roync vostre lille faisoit pour estre au roy et à vous, madame, la plus grande consolation que puissiez recevoir; et que en cela, s’il y avoit du deffaut, c’estoit de ne m’en avoir parlé ou à vous ung peu plus clairement, ainsi que je le priois faire et me dire les occasions, considéré que j’en cognoissois bien peu à l’endroict d'une si vertueuse dame, et qui me sembloit aymer le roy et toutes ses voluntés et s’y accommoder comme à son propre seigneur. Sur quoy il me réplicqua avec toutes protestations du monde que le roy, luy, ne aultre vivant, n’avoient opinion d'elle que de la plus excelante qu’on puisse emploier en sa charge, jusques à me dire qu’il se sentiroit bien heureux si sa femme ou fille lui ressembloient, et que jamais prince n’eust plus de satisfaction de dame et de son comportement; mais qu’il me prioit considérer deux choses : la première, l’envye et façons terribles de leurs seigneurs et princes qu’ils appellent icy grands, et de leurs femmes, estant par toute l’Espagne si scandalizés et attérés de vcoir qu’à une estrangère , comme est madame de Clermont , la royne se laissoit mainer ; que le roy en ouyt souvent plainctes à son regret, saichant que c’est sans grand propos, mais qu’il fault donner quelque chose à sa nation, mesmes à cestecy, qui se rendoit assez contumace d’ailleurs et difficile si son prince ne les bejjloyt et contentoyt en ceste vanité ; pour la seconde raison aussi, adjoustant que, recevant le roy son seigneur ung infini contentement de la royne, et tel que l’on peult dire, veoir et croire qu’oneques prince ne chérist plus sa femme, aymant ce pais, les meurs et façons d’icelle v pour estre son naturel et délibération d'y vivre et passer tant que Dieu luy donnera le moyen et repos, il juge que le comble de son heur est que ladite dame , comme elle commence fort bien, se convertisse du tout aux guises et complétions, oubliant les autres; estimant que aymant et conversant madame de Clermont continuellement estoyt aultant de retardement, que moins

SOUS FRANÇOIS II. 725

facilement se dcpaïscroit-clle avec reste si ordinaire et intime fréquentation; laquelle touttefois il recognoissoit estre bien raisonnable estant par deçà, et que par là il confcssoit le bon naturel de sa femme d’aimer chèrement ce qu’elle devoit: estimant touttefois qu’ung mari ne pouvoit estre reprins de vouloir avoir tout pour soy, et moins difficilement par ce moien la rendre toute Hespaignole et sienne : nie reinonstrant le grand bien qui viendra de là et combien plus facilement elle gouvemeroit son mary, puisque de plus grande affection qu’il n’avoit jamais faict les précédentes il aymoit ladite dame; avec assez d’aullrcs bonnestes propos; me priant infiniment de le vous mander ainsi au long et croire que c’est le bien d’elle à l’avenir, et qu’il n’en demande aultre témoing que le temps; vous suppliant, sur l’honneur et parole qu’il vous a promise, suivre son conseil sans que le roy fust en cela autrement nommé; désirant que avec vous, madame , j’advisasse des moyens afin qu’avec tout l’honneur du monde, comme sa magesté sçayt et confesse estre grandement redevable à madame de Clermont, elle fust tirée dextrement d'icy , n'estant point chose qui luy peust aussi autrement importer, puisqu’elle n’y est venue qu’à cette condition.

Madame , entendant ce que dessus , voyant que le conseil en estoit prins et qu’il n’y avoit plus d’ordre d’y penser mectre empeschement, afin aussy qu’ils ne pensassent point qu’on s’opiniastrast à la retenir icy pour aultre occasion , je luy répondis que ce qu’il demandoit estoit tant raisonnable , que le moindre mary du monde et vouloit et pouvoit autant avec grande raison à l’endroict de sa femme, et que j’estoys bien marry que vous n’y aviez veu plus clair jusques à présent, pour le long temps qu’il y a que vous y eussiez faict satisfaire , puisque tout votre but, comme ils sçavent et voyent, n’estoit que de conserver et accroistre ceste amitié, qui ne vous estoit pas moins chère que celle du roi mon seigneur ; que je vous le juanderois pour leur dextrement procurer cela et comme de vous-mesmes , mais qu’il lalloit du temps et ne prendre pas telles choses à pied levé ; ce qu'il me confessa estre véritable , et que ce qu’il m’en disoit n estoit pas pour

aussi bastivement l'exécuter, mais entre cy et quelques mois, afin qu’ung peu de loing vostre majesté la projectast. M’enquérant si je trouvois bon qu’il le dist à la royne et à madame de Clairmont, mesmes ce qu’il feroit franchement pour leur donner à cognoistre que le pais le portoit ainsi, et que le roy estoit content de n’empescher ses subjects d’en parler et leur lever la jalouzie, non qu’il eust aucun mescontentement d’elle : dont je ne fus pas d’opinion, mais au contraire qu’il me sembloit n’estre nécessaire d’en rien dire susdites dames, et me laisser avec vostre majesté secrètement exécuter la volunté du roy. Que aisément, puisque ainsy estoyt, vous faciliteriez cest affaire et ui’en manderiez vostre advis, le priant que ce pendant elle fût bien traictée et avec toute démonstration; ce qu’il m’a asseuré , estant certain qu'ils n’y feront pas faulte et à la bien bonnorer de présens à son parlement, estant si aises quant quelque François ou Françoise parle de desloger, que je dirois voluntiers à vostre majesté que nos gens n’ont par deçà que les deux bons jours que les mauvais maris disent estre en mariage. Ainsi, madame, vostre majesté y advisera si luy plaist, la suppliant très-humblement quelle veuille trouver bon que la royne catholique ne madame de Clermont n’entendent rien de tout ce que dessus. Il y a du temps assez pour conduire leur volunté , et n’est point de besoin d’user en cecy d’aucune précipitation, d’aultant qu’ils se contenteront qu’elle parte sus ce renouveau et tout ainsi que vous estimerez meilleur.

Je n’ay pas, madame, oublié, pour vous respondre à tout, dire que le grand escuyer avoit remis cela à vostre entrevue; mais ils ne le trouvent pas bon, et sçaventbien que cela est si incertain et possible remis à si longues années, que le duc mesmes m’a dict à ce propos que le voiage de Monson dépendoit de la santé de leur prince, et que, sans estre bien, comme il n’estoit, le père ne s’avanceroit , estant tout cela fondé sur le... jurer : et qu’oultre ce, sa majesté par force seroit obligée de résider pour le moins ung an audit Monson pendant les estats , et que sur la fin desdits estats il n'oublieroit vous advertir du temps et commodité qu’il y pourroit cognoistre.

SOUS FRANÇOIS II

Or, madame, d'aultant que je ne fais doubte que ne trouviez quelque difficulté en la manière de révocquer madame de Clermont, aGn que chacun pense que cela vienne de vous, seulement pour son honneur, puisqu’ainsy le fouit, il me semble, soubs vostre correction, que d’icy à ung mois ou deux vous pourriez bien escrire à la royne vostre fille que, voyant ladite entrevue reculée pour les affaires de son mari , en laquelle vous aviez proposé retirer les dames peu nécessaires ici , afin de moins presser de despense et charger sa maison, et aussi oster tout ce qui pourroit survenir de jalouzie à l’avenir eutr’eulx, vous délibériez, pendantqu’ils ont ung si bon et grand contentement de madame de Clermont, au tesmoignage que le roy et eulx tous en ont donné, de la retirer près de vous, parce qu’aussi vous entendiez, oultre ce que dessus de nouveau, que sa maison estoit faicte, et chascun mis et retenu en son estât, hormis elle, qui n’estoit icy que pour ung temps. Par là vostre majesté ostera madame de Clermont de l’ennuy qu’elle prendra , si elle sçait qu’il procédast d’autre moien que de vostre volunté pour les respects que dessus. Je sçay bien au demeurant, madame, que ce ne sera pas la principale difficulté qui vous travaillera que ceste-là, mais le moien qu’il y aura à remédier en ce qu’elle sert; et quant à moy, je n’y en veoy point de plus propre que madame de Vineux, qui scayt toutes les petites commoditez de la royne, laquelle, il me semble, soubz vostre meilleur advis, que, lorsque vous commanccrcz à parler du partement de madame de Clermont, il sera nécessaire introniser doulcement aux affaires de la royne et luy acoustumer, sans faire semblant de rien, peu à peu, ce que je conduiray si bien, en mon advis, qu’il n’en adviendra point de foulte. Elle est fidèle et affectionnée; puis, madame, la nécessité, ce me semble, vcult que cela luy soit commis; aultremcnt la contesse vouldra entrer au partement de madame de Clermont, et par ce moien elle s’en gardera, car avec madame de Vineux seront comme de coustume mademoiselle, Catherine et Gironville. Parce que je suis icy sur le lieu , cncores que je ne me cognoisse pas fort bien en telles choses, je m’enhardis à vous dire mon

advis plus que je ne devrois, saichant bien que de là vostrc majesté sçattra trop niieulx en mander sa volunté et intention; vous suppliant, madame , de croire que j’ay faict tout ce qu’il a esté au monde possible pour empescher que ce département ne feust , mais je vous av seure que j’ay tousjours cogneu qu'ils avoient délibéré de suivre ce chemin; encore m’esbahis-je d’avoir peu gaigner tant de temps: vous suppliant me continuer vostre bonne grâce , à laquelle je me recommande très- humblement, priant Dieu vous donner, madame, en très-bonne santé, très-heureuse et longue vye. De Toledo.ce ix' jour de décembre i 56o.

Votre très-humble et très-obéissant serviteur,

DE L’AUBESPINE

Evesque de Lymogrv

Au dos : A la royne, mère du roy.

( Voir, |K>ur U suite de ce qui se passait à celte epoque a la cour d'Espagne , les pires' cotées sous le dernier numéro. — Additions.)

SOUS FRANÇOIS II