DE LA PART DE II. DE LA ROCIIE-POZAT

Pour le faict de ceulx qui sont prisonniers à Milan pour le portement du cappitainc la Roche-Pozay.

Fauit avoir une lectre de monsieur de l^aubespine, s’il luy plaisl, addressante à monsieur l’ambassadeur du roy qui est en Espagne, par laquelle il luy mandera que lesdits prisonniers sont innocentz dudit partement, et qu’ils ne donnèrent jamais ayde audit cappitaine la Roche, et que Francisque Dynarro les a faicts tourmenter, de sorte que il les détient encore prisonniers, combien qu’ils n’ayent esté trouvez aucunement chargez. Et pour les vexer davantaige et les tenir en captivité plus longtemps, ledit Dynarro veult envoyer leur procès en Espagne. Et fauldra que monsieur l’ambassadeur en prie au roi d’Espagne quand il verra l’occasion se présenter : sans toutesfoys donner trop à cognoistre que ce soit de la part dudit cappitaine la Roche, de peur que ce feust plus de nuysant que d'ayde ausdits prisonniers, et aussi qu’il ne les congneut jamais; mais qu'il est ruarry que pour l'amour de luy ils pâtissent si injustement, de quoy il seroit pr aventure cause , n’y ayant que luy qui en puisse dire la vérité, s’il manquoit de la faire paroistre par tous les moyens qui luy sont possibles; comme il a faict premièrement parla faveur

NÉGOCIATIONS de monsieur le duc de Ferrare, et depuis par celle de monsieur le duc de Savoyc, qui en ont escript et asseurés au duc de Sesse de la vérité comme elle passoit : et que lcdict capitaine la Roche n’estoit obligé que de scs princes d'estre prest toutesfoys et quantes qu’ils luy commanderoicnt d'en respondrc à quiconque en vouldroit dire du contraire, fcust par la voye de justice ou des hommes, et qu’il ne les avoit poinct asseurez d’une chose qui ne fcust fort bien véritable. Mais il se pourra bien parler plus librement d’ung aultre prisonnier qui est serviteur dudit cappitainc la Roche, et se nomme Bastien; lequel ledit Dynarro a grandement faict tourmenter de la corde, non pas par aulhorité de justice de Milan, mais de puissance absolue; car la justice de Milan congnoissant son innocence ne s'en est voulue empeschcr, ne pareillement des aultres prisonniers.

Et quant à une certaine damoiscllc qu’on accuse d’avoir presté des chcvaulx de louaige à un pauvre F rançois pour saulver ledit cappitainc la Roche, ce qu’elle en aurait faict ne sçauroit estre pour sçavoir l’cntreprinse dudit partement; mais aurait presté ses chevaulx de louaige audit François pour pitié qu'elle avoit eu de luy, parce qu’il avoit esté son serviteur domestique plus de troys ans, et ne gagnoit sa vie à aultre chose que de faire trouver des chcvaulx de louaige à tout le monde qui en avoit affaire : et vouloir ainsi tourmenter ladite damoisclle n'y a raison , d'aultant qu’elle ne sceut jamais rien dudit partement et ne congneust & sa vie ledit cappitaine la Roche. Aussi n’a-il voulu rcmcctre ladicte affaire par devant la justice de Milan, pour raison, chose si injuste que tout le monde dudit lieu en a cognoissancc; et par les indices qui demeurent assez apparentz de sa sortie de dans le château de Milan, il se voyt bien qu’il n’a eu besoing de nul de la ville, et quant ils luy eussent voulleu ayder, ils ne eussent sceu faire sans le consentement de tous les soldats de la garde.

SOUS FRANÇOIS II