SERVITUDE VOLONTAIRE

D'auoir plusieurs seigneurs aucun bien ie n'y voy ;

Qu'un, sans plus, soit le maistre, et qu'un seul soit le roy(l);

ce disoit misse en Homère, parlant en public. S'il n'eust rien plus dit , sinon

D'auoir plusieurs seigneurs aucun bien ie n'y voy,

c'esloit autant bien dit que rien plus: mais, au lieu que, pour le raisonner il fall oit dire que la domination de plusieurs ne pouuoit estre bonne , puisque la puissance d'un seul, deslors qu'il prend ce tiltre de maistre , est dure et desraisonnable , il est allé adiouster, tout au rebours,

Qu'un, sans plus, soit le maistre , et qu'un seul soit le roy.

Il en faudroit) d'auenture, excuser Ulisse, auquel possible lors estoit besoin d'user de ce langage, pour appaiser la reuolte de l'armée ; conformant, ie croy, son propos plus au temps , qu'à la vérité. Mais à parler à bon escient, c'est un ex-

(ï) Oùît atyaôov ;:oXuxoipavir)' dç xotpavoç laxto, Etç .(3aaiXeuç.

Uliad,, 1. 2, V. 204, 205.)

treme malheur d'estre subiect à un maislre , duquel on ne se peut iainais asseurer qu'il soit bon, puisqu'il est tousiours en sa puissance d'estre mauuais quand il voudra : et d'auoir plusieurs maistres, c'est autant qu'on en a autant de fois estre extrêmement malheureux. Si ne veux iepas, pour ceste heure, débattre ceste question tant pourmenée, « Si les autres façons de republique sont meilleures que la monarchie : » (1) ancore voudrois ie sçauoir, auant que mettre en doute quel rang la monarchie doit auoir entre les republicques , si elle en y doit auoir aucun ; pource qu'il est malaisé de croire qu'il y ait rien de public en ce gouuernement, où tout est à un. Mais ceste question est reseruee pour un autre temps, et demanderoit bien son traité à part, ou plustost ameneroit quand et soy toutes les disputes politiques.

Pour ce coup, ie ne voudrois sinon entendre, comm' il se peut faire , que tant d'hommes , tant de bourgs , tant de villes , tant de nations , endurent quelque fois un tyran seul , qui n'a puissance que celle qu'ils lui donnent ; qui n'a pouuoir de leur nuire , sinon tant qu'ils ont vouloir de l'enduref ; qui ne sçauroit leur faire mal aucun , sinon lors

(l)Voy, sur cette question, Hérodote, III. 80,84; Polybe,VI,3, Plutarque , Gouvernements comparés.