PORLIER

[Arch. .Wif. Registre P. 0300, p. 285. Mémoriaux de la Chambre des Comptes. Copie du xvm6 siècle.)

r. De pareil. — 2. En réalité 13 févr. 1478.

— ii4 —

(voir page 29)

6 février 1482 (1483)

Quittance d'une année de sa pension par Hector de Lesclusë, conseiller et chambellan du roi.

En la présence de moy Anthoine Bayart, notaire et secrétaire du Roy nostre sire, Hector de Lesclusë, conseiller et chambellan dudit seigneur, a confessé avoir eu et receu de sire Michel le Tainthurier, trésorier gênerai des finances d'icellui seigneur es pays de Languedoc, Lionnois, Forestz et Beaujoloys, la somme de six cens livres tournois à lui ordonnée par le Roy nostre dit seigneur pour sa pension de ceste présente année, commancée le premier jour d'octobre derrenier passé. De laquelle somme de vic 1. t. ledit Hector de Lesclusë s'est tenu pour content et bien payé et en a quicté et quicte ledit trésorier gênerai et tous autres. Tesmoing mon seing manuel cy mis, à sa requeste, le vie jour de février l'an mil CCCC quatre vins et deux.

A. Bayard.

(Bibl. nat. Pièces originales, reg. 1691, cote 39389. Parchemin original.)

(voir page 52)

4 septembre 1526 Foi et hommage des terres et seigneuries de [la Bove, de

BOUCONVILLE ET DE MAUREGNY-EN-HAYE RENDUE AU Roi PAR

Louis II de Proisy.

Françoys, par la grâce de Dieu Roy de France, à noz amez et feaulz les gens de nos comptes et trésoriers à Paris, au bailly de Vermandoys ou son lieutenant et à noz procureur et receveur ordinaires oudict bailliage ou leurs substitue! et commis salut et dillection. Sçavoir vous faisons que nostre cher et bien amé Loys de Proisy, escuier, nous a le jourdhuy fait au bureau de nostre chambre desdicts comptes les foy et hommaige qu'il nous estoit tenu faire pour raison de la terre et seigneurie de la Bauve, Bouconville et Morigny, leurs appartenances et appendances, à luy appartenans par don

- It5 —

testamentaire à luy faict par defunct Jehan de Proysy, en son vivant seigneur dudict lieu de la Bauve, son oncle, tenus et mouvans dudict seigneur acause de sa grosse tour de Lan oudict bailliage, à quoy il a esté receu, sauf nostre droict et l'autruy. Si vous mandons et à chacun de vous, sicomme à luy appartiendra, que, se pour cause desdictes foy et hommaige non faiz, les choses dessusdictes ou aucunes de leurs dictes appartenances et appendances sont ou estoient mises en nostre main ou autrement empeschiés, vous les luy mectez et faictes mectre au délivre incontinant et sans delay, pourveu que, dedans temps deu, il en baille par escript, en nostredictc chambre des comptes, son adveu et dénombrement et face et paie les autres droiz et devoirs, s'aucuns nous sont pour ce deuz, se faiz et paiez ne les a. Donné à Paris, le quatriesme jour de septembre l'an de grâce mil cinq cens vingt six et de notre Règne le douziesme.

Par le Conseil estant en la Chambre des comptes.