C-est li liure de boece de Consolation

Quar ceulz qui sont en grant tristesces Confortet doucement boesces C-om dit de consolation Propos ai et entention

5 De li translater en fransois Si que chiualliers et bouriois Y preingnent confort et les dames Cil ont triboul de cors ou d-armes On liure ait veirs et si ait prose

10 Si weul ci ordoneir la chose Que li veirs soient mis en rime Ou consonant ou leonime La prose iert mise plainement Or oeis l-encomencement.

Ci comencet Boesces de consolation en fransois.

15 le qui seul deitier et escrire Les liures de haute maitire Et d-estuide avoie la flour Fais ce dis de duel et de plour Les musetes qu-aus premiers ans Enscingne[n]t rimeir les anfans Qui i'-amai molt en ma ionesce Me confortent en ma viellesce Tant aumains de la compaignie En ceste doulorouse vie