PRES SES

La mort en champs en bois en prez En tous lieux est a chescun prez Quant il veille et quant il dort

Soit deshaitie soit bien trempez Tous jours va devant où aprez

Et tous jours le gaitte la mort

La mort a toutes gens a guerre Pour ce court par mer par terre Par tout arive a son port

Celluy qui prent sy fort l-enserre Qu'on ne scet ou I-on l-aille querre N-en quel lieu le mainne la mort

La mort qui est norriche amere Souvent au ventre de sa mere L-enfant brise et detort

Helas ! pour quel cause compere Le pechie de son premier pere Le petit filz souffrent la mort.

La mort fust moult baude et hardie Quant prist Jhesum le fils Marie Qui vainqui le coulouvre fort

Pour ce tres doucement le prye

Qu il me soit ayde en la vie

Et me soit secours en la mort.

Qui nasquit delle sans nul tort *

* Vers ajouté, en marge, par le correcteur et tiré du ms, B.