LE SECOND LIVRE DE LA PREMIERE DECADE DE TITE-LIVE

Je poursuvray maintenant à descrire les faicts du peuple romain, estant d'icy en avant en sa liberté, lesquelz il meit à fin tant en temps de paix que de guerre. J'escripray les magistratz ne durans que l'espace d'un an, et la majesté des loix qui fut de plus grande autorité et pouvoir que celle des hommes. Or l'arrogance du dernier Roy avoit esté cause que la liberté leur sembla plus doulceet agréable. Car quant aux aultres ils régnèrent et administrèrent la couronne de telle sorte qu'à bon droit on les peut dire et nombrer fondateurz pour le moins des quartiers de la ville, lesquels ilz y adjoustèrent de nouveau pour la demeure du peuple qu'ilz y feirent alors venir. Et n'y a doubte que ce mesme Brutus qui mérita si haulte gloire pour avoir chassé Tarquin le superbe, n'eust faict telle entreprise au très grand mal et détriment de la Républicque, si par

1 Les pages qui suivent sont données ici comme spécimen de la traduction manuscrite de Bouju.

ung désir de liberté trop hastif il eust par force osté la couronne à aucuns des aultres roys. Car que fust-il arrivé si ceste multitude de pasteurs et gens fugitifz de leurs pays, qui se trouvèrent là ensemble pour se retirer en la seureté d'un temple et franchise que nul n'eust osé violer, après avoir recouvert ou liberté ou à tout le moins impunité, et estant délivrée de toute craincte de Roy, eust commencé à estre vexée et tormentée de la tempeste des tribuns ; eust commencé en une ville estrangèreà dresser force débatz et querelles avecques les Sénateurs, avant que leurs volontez et cueurs se fussent alliez ensemble par les femmes et enfans comme par ung certain gaige d'amitié et par l' affection et amour qu'on porte au lieu où l'o-n demeure, auquel on s'accoustume par longueur de temps.

Certes tel discord eust dissipé et ruyné les choses qui encore n'avoient assez d'accroissement, lesquelles furent nourries et entretenues par une paisible atrempance de règne et de commandement, et par tel entretien conduictes jusques là, qu'estant leurs forces jà parvenues à maturité, ilz pouvoient recevoir le bon fruict de liberté. Or on peut nombrer l'origine et commancement de la liberté des Romains plus pour ce que le gouvernement des consuls ne duroit que l'espace d'un an, que pour y avoir esté rien diminué de

la puissance que les Roys y avoient eu auparavant. Car les premiers consulz eurent tous les droictz et auctoritéz, tous les ornemens qu'avoient eu les Roys ; on advisa seulement que les deux consulz ne fussent accompaignez des licteurs avecques leurs haches et verges, de peur qu'il ne semblast qu'on voulust donner double craincte et espouvantement au peuple. Brutus par le consentement de son compaignon et collègue eut le premier les licteurs, lequel auparavant n'avoit esté plus aspre et plus affectionné à mettre en avant la liberté qu'il fut à la maintenir et garder. La première chose qu'il feit fut que voyant le peuple désireux de ceste nouvelle liberté, afin qu'à l'advenir il ne peust estre gaigné ou par prières ou présens venans de la part du Roy ; il les feit jurer qu'ils ne souffriroient jamais aucun Roy régner à Rome. Puis pour rendre les forces du Sénat plus grandes par la multitude des Sénateurs, après avoir esleu les principaulx de Tordre des gens de cheval, il parfournit le nombre des Sénateurs jusques à trois cens. Lequel nombre avoit esté diminué par les meurtres qu'en avoit faict Tarquin ; dont est venu, comme l'on dict, qu'on appelloit au Sénat ceulx qui estoient pères et Sénateurs et ceulx qui estoient Conscriptz: ilz appelloient conscriptz ceulx qui estoient esleuz, seavoir est pour estre

créez nouveaulx Sénateurs. C'est chose merveilleuse, combien cela valut pour entretenir la cité en concorde et allier la volonté du peuple avecques celle des Sénateurs. En après on donna ordre aux choses divines, et pour ce qu'il y avoit certains sacrifices publicques que les Roys avoient faictz tous seulz, afin qu'on ne les peust souhaicter en aucun endroit, ilz créèrent un prestre qu'ilz nommèrent Roy ; puis firent que ceste prestrise là fut subjecte au pontife de peur que telle dignité et honneur donné à ce nom de Roy fust aucunement nuysible à la liberté, laquelle ilz avoient alors en singulière recommandation, et je ne scay si en la voullant trop asseurer de toutes pars, voyre en choses de petite conséquence, ils excédèrent médiocrité et raison. Car le nom de l'un des consulz, combien qu'en luy n'y eult aultre chose qui en rien offensast, fut odieux aux citoiens, lesquels murmuroient entre eulx que les Tarquins s'estoient trop accoustumez à régner, et que le commencement estoit venu de Priscus ; qu'après luy Servius Tullius avoit eu la coronne ; mais que pour tel intervale Tarquin le superbe n'ayant mis en oubly le règne comme ne luy appartenant, l' avoit ainsi qu'une succession provenue de sa maison recouvert par meschanceté et violance; que Tarquin estant chassé, l'empire et le gouverne-

ment estoit es mains de Collatinus Tarquinius ; que les Tarquins ne sçauroient vivre sans estât et préhéminance ; que tel nom comme périlleux pour leur liberté ne leur estoit aucunement aggréable. Tels propos tenuz premièrement peu à peu par ceulx qui essaioient comment on les prendroit, furent tantôt espars en toute la ville et estant la commune en pêne pour tel soupçon, Brutus l'appelle à rassemblée. Là premièrement il récite le serment qu'avoit faict le peuple de ne souffrir jamais aucun régner sur eulx ne endurer que personne demourast dedans Rome, pour raison duquel la liberté peust tomber en aulcun péril. Que partant il falloit s'employer du tout pour garder et entretenir cela ; sans contemner ne laisser aucune chose en arrière qui y touchast aucunement; que ce qu'il alloit dire, c'estoit maulgré luy, pour l'amour du personnaige duquel il vouloit parler ; et qu'il n'eust jamais proféré telles paroles, si l'affection qu'il portoit à la Républicque ne l'eust contrainct. C'estoit que le peuple romain n'estimoit point que la liberté fust entièrement recouverte, d'autant qu'il voioit que la race des Roys et leurs noms estoient non seullement demourez en la ville, mais aussi en avoient le gouvernement ; que cela nuisoit et empeschoit la liberté. Puis ^'adressant à Collatinus, luy dict : Luce ïarquin,

délivre nous de ton bon gré de telle craincte. Nous avons bonne souvenance, nous confessons que tu as chassé les Roys. Parachève ce tien bienfaict ; oste et emporte de cette ville le nom des Roys. Je serai cause et moien que tes cytoyens te rendront non seullement tes biens, mais s'il y deffault rien, ilz te l'augmenteront largement, Va-t-en d'icy de sorte que tu demeure nostre amy et délivre la cité de ceste craincte peut estre prise à tort; ilz ont la persuasion en leurs espritz, que sortant de la race des Tarquins, le règne s'en yra d'icy avecques eulx.

Le consul estonné de chose tant soubdaine et nouvelle, demoura premièrement sans parole, puis comme il vouloit commencer à parler, les principaulx de la ville se mectent à Tentour de luy, le priant grandement de faire ce dont l'avoit requis Brutus. A quoy ilz proffictoient bien peu tous. Mais quant Spurius Lucrecius, homme de plus grand aage et auctorité et davantaige beau-père de Collatin, commença à luy remonstrer plusieurs choses, maintenant le prier, maintenant le conseiller de se laisser vaincre à cest advis et délibération de toute la cité, le consul craignant que par après et lorsqu'il seroit sans estât, ceste mesme fortune lui arrivast avecques perte de ses biens, et oultre cela qu'on luy feist recepvoir quelque déshonneur; il se démistdeson

estât de consul, et ayant transporté ses biens en la ville deLavin,ils'en alla hors de Rome. Cela faict, Brutus par l'advis du Sénat demanda au peuple et le peuple consentit, à ce que tous ceulx de la race des Tarquins fussent déclairéz banniz, puis en Tassamblée faicte par les bandes qui s'appelloient comitia centuriata, il créa pour son collègue P. Valerius duquel il s'estoit aydé à chasser les Roys

JACOBI BONGEI QVONDAM