LE VILLAIN DE BÂILLEUL

S'il l'enfouirent au matin ; Mes li fabliau dist en la fin C'en doit por fol tenir celui Qui miex croit sa famé que lui.

ExpUcit du Vilain de BaiUuel.

JWarflttrt tomextie.

Ms. N.-D. 274 bis.

L'autre jour mon chemin erroie Corne cil qui ne puet aler ; D'un baston le tiers pié faisoie, Car trop sont foible mi piler.

Une jone dame encontroie :

Tantost me print à demander :

« Biax preudons , se Dex vos doint joie.

Vos prant-il mais talent d'amer? »

Je dis : « Dame, allez vostre voie, Em pais si me lessiez ester.

.Bien resamblez famé de joie.

Qui toujours prent sans rien donner.

Pou vos chaut qui vos doint monnoie, Por vos faire souvant hurter.

Yostre nom nommer ne sarme, Mais trop vos faites difXamer. •

— J'ai nom Marguet, sire vilains; Dites-moi, qu'en volez-vos dire?

318 MARGUET CONVERTIE.

Se vos fustes jadis poulains , Por vieil roncin vos puis despire.

Vos avez trop froides les rains ; Faites vo testament escrire :

Vos ne serez jamais bien sains , De requiem vos convient dire.

— Sire dame, orde pautonnière, Vos valez pis que bource à côte ; Plus avez ribaudie chière

Que pucele n'aimme pelote.

Maint home font de vos litière , Si resamblez le voirre dote Qui porte trop puant fumière:

Si vos doi clamer orde sote.

— Sire, com lestes revestus De grans sens et de signourie, Bien est voslre pris abatus Pour vieillesce qui vos maistrie, Qui vos a des siens retenus.

Puis qu'avez la barbe florie, S'avez à non viellars chenus Qui vos tant amors et amie.

— Ha , bêle dame! à vos qu ençaint De m'amour et de ma haïne?

Fox est qui à vos s'en déplaint, N'en povez donner médecine; Se n'est ansi c'aucuns vos aint , Por gésir la pance souvine ; Je croi que hurté i ont maint

MARGUET CONVERTIE. 319

Et plus as chans que souz courtine.

— Détornez-vos de ça , biax père; En vos n'a mais ne gieu ne bal ; Vos avez la teste si clère,

Se samble ce soit (il d'archal, Pâlecoulor, plain de misère; Bien me resemble à vostre estai Qu'aveuc ma fille vos laîroie Gésir pour la danse d'un al.

— Dame, vostre fille est pou chière ; Vos li portez petit d'onnour:

Sovent est prise à la ratière Desous plus grant ou de menour.

Car se tuit li serf de brère Estoient vers li en amour,

Jà n'en feroit plus maie chière, Tant est plaine de grant ardour.

— Ha , sire ! vilains pou piteus^ Vos ne gaingnerez pas le cours ; Bien me resamblez homme esqueus.

Où il n'a sustance d'ammours.

En vous est bien estains li feus :

Pou i a mais de vo bons jours ; Biax fustes , or iestes hideux , Ne vaut mais riens nobles atours.

— Dame, vos m'avez remponé, Mais desfendre me convenra; Le vis qu'avez si colouré

820 MARGUET CONVERTIE.

Teindra en un tens qui venra, Pâle colour, col, front ridé, Que nus cure de vos n'ara ; Ensi m'a vieillesse mené.

Et tel que je suiz vous fera.

— Fera, oïl, Je n'en doute mie 5 Diable vos en ont fait devin.

Sire vilains , barbe florîe, Plain de rafle et de venin , Savez-vos mes la balerie

De Marion et de Robin?

Faites-nos une renverdie.

Pour nos déduire à cest serin»

— Dame, je ne puis joie faire, .

Por coi volentez ne m'en prent ; Mais bien vos doit seoir et plaire, Car luxure vos i aprent.

Sovent faites jumelle paire

Et plus par terre qu'en estant :

Bon se feroit de ce retraire, Car trop de max on y aprent.

— Aprent! sire vilains despers, A vos qu'afiert se je m'esbat?

Dex ! com usez de chapiax vers.

Et si vivez eu noble estât. .

Vostre oeil sont vestu à l'envers Et la fourcele wns débat;

De vous me vengera yvers,

Par tens la bière au cul vous bat.

MARGUET CONVERTIE. 321

— Dame, s' au cul me bat la bière, Au vostre bat la bouree enflée 5 Sovant vos hurte tex derière

Qui ne vos a pas espousée.

Vos iestes por jonesce fière, Mais encore venra la jornée Que vous devenrez bordelière, Por avoir d'autrui la goulée.

— Sire vilains, sales et ors, Vos convient-il de moi rimer !

Maudis soit ores vostre cors.

Tant pouvez de peinne endurer; Mais ge qui suiz gente de cors, Jone, plaisans por bien amer.

Vos a bien fait Raoul dehors De si faite vie mener, .

— Dame, je ne puis mais la vie Que je souloie maintenir, Mais vos qui iestes si jolie,

Ne cuidiez jà à ce venir.

Diex m'a fait de prime complie,

Et de jone vieil devenir.

Trop iestes hurtée en folie,

Por vous trop souvent descouvrir.

— Sire vilains, vous m'aprenez A respondre vostre contraire, Quant vos à telle me tenez; Miex vos vaussist de ce retraire.

Plus a de cent ans qu iestes nez :

322 MARGUET CONVERTIE»

Faites une potence faire, Car cis bastons est trop penei De soustenir une tele haîre.

— Dame, qui haire m'apelez, Vos avez non habandonnée :

Jà nus n'en ira refusez ;

Li fuers n'en va que par denrée* Grant pièce de char en livrez Qui n'est ne morte, n'assommée} Je croi que maint buisson savez , Si iestes char de haie apelée.

— Sire, se par amors amoie, Vous seriez bien des refusez ; Vostre teste derrière blanchoie Et par devant iestes pelez.

Or empire vostre monoie, Car trop au siècle demourez; Batus serez de la courorè En Tautre, quant vous i venrez.

— Dame, cuidiez-vous adès vivre?

Nennil; ce ne puet avenir j Moult avez le cuer fol et yvre,

De tele vie maintenir.

11 a .i. proverbe en mon livre, C'on se doit de mal repentir.

Tex est haitiez , fors et délivre , Qui convenra demain morir.

— Sire, de ceste repenlance

MARGUET CONVERTIE, 323

Ne ferai riens, que que nus die; Tant com porrai aler en dance, Me maîntenrai cointe et jolie; Mais vous qui rentrez en renfance, Sire vilains, plains de sotie, Maint roy avez véu en France Qui piéçà ne furent en vie.

— Dame, se j'ai maint roy véu, Vous qu'en chaut de ramentevoir?

De vos rampones sui péus , Mais après m'estuet dire voir.

Se jonesce vos ert escus> Légier talent vos fait avoir ; Bien est vostre pris abatus Por autrui sarmons recevoir.

— Vos serez mis ou sac, ou sac.

Sire viex vilains rasotez ; Savez de Lancelot dou Lac

Ou de Gauvain , car nous contez.

Vous avez bien passé sabat , Si lestes tous fondus et alez ; Or vos puis bien dire eschac , Si lestes mas en l'angle boutez.

— Dame, encor parlerai dou germe Qu'avez devant oï nomer.

Porter le vous faut jusqu'au terme Qui Testent por A. B. prover; T. A. R. T. le conforme, Or povez ces mots rasanbler,

^24 MARGUET CONVERTIE.

Si porrez tesmoignage ferme En ce court devant juge porter.

— Ha , sire vilains rabatus , Laissîé-vos à la bonne vie ; Moût par est fox vostre estatus.

Foie est qui de vous a envie.

En dangier iestes ambatus; Vous samblez lanterne effaciej Les iex avez tous enfondus

Et au nez vous pend la roupie.

— Ha , dame plaine de jonesce.

Qui si iestes de noble atour, Qui si despisiez ma vieillesce, Où tuit devons avoir retour.

Nule n'est de si grand hautesce Qui puist Gontremander .i. jour; N'i vaut desfense^ forteresce.

Aise de cors ne lonc séjour.

— Vilains, bien est robe partie De vos et de moi, se me samble; Lu char avez pâle et flaistrie, Cuidiez-vos que je vos resemble?

De tel homme tel compeingnie, Si com fox et massue ansamble.

Nature est en vos bien faillie,

Qu'an plain esté la chars vous tramble.

— Ha, dame, despiteuse et cointe P. V. T. A. I, N. tain.

MARGUET CONVERTIE- 32B

Maint home sont de vous acointe, Et tele refu vostre antain ; De maint aguillons iestes pointe , Tantost r avez le pertuis sain ; Li maistre qui si vous apointe Y a ouvré de bonne maîn.

— Désormais vous déussiez traire, Sire vilains palàsineuz^

Toute la char vous put et flaire; Hareu! que vous îesles rongneuz!

De tel homme, tel exemplaire :

Ne sommes pas paroU endeuz ; Alez vostre besoingne faire , Mueiez-vos, c'on quiert les honteux.

— Dame, qui honteux m'apelez, Vos ne riestes mie couharde ;

A chascuns vos abandonnez.

Que maus feus tôt le cors vous arde !

Maint cop sur vo cul recevez ; Entendez et prenez ci garde.

Que tex com je sui vos serez, S'arez char froide à la moutarde.

— Sire , mal vos iestes couvers j Qu'il a en vous tant à redire; Vostre affaire va de travers,.

Tous li cors vos font et empire; Vous n'i estes que pasture à vers,.

Si flairiez tout le cimmetire,

Et de vos est si fors le flairs.

326 MARGUET CONVERTIE.

Que chascuns vos devroit despire.

— Ha! chétis cors et porriture Après la mort t'esteut venir; Jà n'aras si bêle figure, M'esteut de palle devenir.

Li ver en feront lor pouture> De toi les convendra venir ; Fait aras maie norriture, Ne's porras battre ne férir.

— Sire, je me rent por vaincue,^ Je ne veil plus à vos tencier, C'une yolentez m'est venue Qui me taut le rire et dancier j Si me vaut miex estre esmue, Et repentir et Deu prier, Qu'en enfer estre perdue ; Trop ma vais i fait repairier.

— Dame, or prions le Roy dou monde,^ Qui tote riens fist et créa.

Si com il fist la loy seconde, Par coi le monde gari a , Et qui de la fosse parfonde De l'anemi nos deslia , Qu'il nous face pur et monde Des péchiez , que trop en y a.

Amen,

Mss. 7615 et 428 Supp. français

J'ai maintes fois oï retraîre Qu'ensi bien se puet-on trop taire Com trop parler, s'avient souvent, Et pour ce vous ai en couvent Que je dirai ancor ancui De biaus mos, se je sais ancui A cui pour qui l'ai ore dit.

Ai-je dit bien , ou j'ai mesdit?

En non Dieu, je n'ai mesdit point; Car cil ne puet conter à point Qui conte, s'on n'entent à lui.

Ains di qu'il ne conte à nelui Puisque n'uns n'entçnt à son conte.

I II ne faut pas confondre ce Dit avec une petite pièce fort curieuse intitulée Vne Branche cParmes, que j'ai donnée dans mon recueil intitulé Jongleurs et Trouvères (Paris , Merklein , 1835) , et dont le dernier éditeur de M. Legrand avait joint déjà une partie au très -court extrait qu'en avait donné H. Legrand lui-même. On peut aussi le rapprocher de YOrdene de chevcUerie de Hues de Tabaric. (Voyez Méon , t. I, p. 59 et suiv. )

3 Dans le Ms. 428 , Supp. français , la pièce que nous éditons se trouve sous le titre de Cest li Dis dou Bacheler. Il y en a une autre leçon dans, la bibliothèque de Turin.

328 LE BACHELER D'ARMES.

Je di bien qu'à nelui ne conte

Cil qui conte et on ne Tentent.

11 sciasse et se n'i atant,

Ce m'est avis, riens de son preu.

Si di que contes ne vaut preu

Qui n'est oïz et entenduz ,

C'est bien sans raison despenduz;

Car on doit son conte retraire

Aus bonnes gens pour son preu faire.

De tel mestier nous convient vivre j

Jà ne ferai le fol ne l'ivre,

Ne ne dirai parole estoute.

Car Dieus het vilenie toute;

Ainsi font toutes bonnes gens. «

.1. contes qui est biaus et gens

M'est pris talans que je vous die,.

Sanz volante que j'en mesdîe i

C'est li contes du Bacheler.

Celui ne doit-on pas celer;

Car il est biaus et de bon sens;

Si est à ce touz mes assens

Que je vous die sanz mentir

Comment on se doit assentir

A chevalerie embracier.

L'en doit en sus de li chacier

Touz les vices et tous les maus

Qu'en son cuer n'en soit n'uns liom maus.

Quant li bons chevaliers devient ,

11 est resons et bien avient ,

Puis qu'il a la haute ordre prise,

Qu'il doie estre de haute emprise;

Si li doit li cuers si haucier ,

LE BACHELER D'ARMES. 329

Qu'âdez tende à li essaucier ;

Et bien sachiez ceste pencée

Ne li doit point estre tensée

Pour euvre qui devant li viegne ,

Que tôt adès ne li so viegne

De la haute ordre où il c'est pris;

Si en amendera ces pris ,

Et pour l'ordre qui est gentis

Doit-il estre mult ententis

A gentix œvres maintenir ;

Car chevaliers se doit tenir

Frans de cuer et jolis de cors,

Et doit estre touz ces acors

A bien faire et au mal lessier.

Si ne se doit mie abaissier

Ne pencer de cuer lâchement;

Ains a grant mestier qu'il s'ament

Et qu'il ait le cuer débonaire,

Si com li oisiaus de bon aire

Qui touz est doutez et apris;

Ausi est tost venuz à pris

Li frans hom qui de cuer ci prent

Et nature qui li aprent

Li fait assez plus tost venir,

Car on voit souvent avenir

Là où nature ou cuers.estendent

Adès vienent à ce qu'il tendent,

Ou soit à mal ou soit à bien ,

Et si le vous proverai bien.

Se li cuers n'est bon par nature ,

Li cors , por nulle créature ,

Ne puet d'armes soffrir grans. fés ;

330 LE BACHELER D'ARMES.

Car il n'est mie à tel oés fés.

Si di ancor au chevalier Qu'il doit son cors appareilUer A toutes dames honorer, S'il vuet en honor demorer; Por .ij. choses le doit-ôn fere Que je vous vuel dire et retrère i Por la mère Dieu, ce est Tune; L'autre si est tote commune , Pour ce que toutes famés vienent, Vez-ci .ij. choses qui aliènent, Par quels raisons sans déporter L'en doit famés honor porter.

Li Jones chevaliers nouviaus Doit estre plains de tous reviaus , Où l'en ne puist nul mal reprendre ; Car à son cuer ne se doit prendre Chose qui le puisse empirier; Ainz se doit en li remirier Selonc Tordre quex il doit estre , Preus et loiaus et de bel estre.

A fier t bien que soit chevaliers Douz et humies et poi parliers , Mes dou cors defor et dedens Et doit prendre ce.frain aus dens, Pour l'ordre de chevalerie.

Si doit amer bachelerie Et tous maux usages fuir Et les armes partot suir.

De ce le convient entremettre Et le cors et l'avoir si mettre

LE BACHELER D ARMES. 331

Qu'au premier tornoi on il viegne , De si bien fère li souviengne Pour l'ordre qu'a prise novele

I mette toi en la querelle , Cors et avoir et avanture.

Et se Diens tout li avanture Qu'il vainque le tornoiement ,

II a mult biau commencement.

Quant il a le tornoi vaincu Où il porte premier escu ,

Là prent de bacheler le nom

Et ert amendé de renom ,

Et fait en bien de lui parler.

Or vous dirai du bacheler :

3'il vuet grant prouesce conquerre ,

11 li covient près et loiqg querre ",

Et le cors d'armes mult pener,

Avant qu'il se puisse enpaner

Des pennes de haute proesce.

Et si ait en despit paresce;

Car n'uns hom pereceus por voir

Ne puet mie grant los avoir.

Si li di ancor vraiement,

S'il ne se veut trop mortement

De bien à faire désirer^

Qu'encor li convient eschiver

Deseur toute rien avarisce;

Por ce qu'il ne s'i marisce

Li vuel droit chemin ansaingnier,

Por li de cest mal pas retraire,

\ Ms. 428 Supp. français. Var. Los et pris querre.

332 LE BACHELER D'ARMES.

Car avarisce est trop contrafre A prouesce, savez comment.

Proesce vient de hardement ; Si vient hardement de despendre.

Et avarisce n'ose emprendre Chose qui tort à nul despens; Por tant quit en mon cuer et pens^ Que nulz hom avariscieuz Ne porroit estre gracieuz Ne grant los de proesce avoir ; Car il ame tant son avoir Qu'avant lerroit son cuer partir Que de l'avoir lesast partir, Et par ceste reson, vous die Qu' avarisce n'est pas hardie, Ainz est de paour toute estraite; S'a mainte prouesce retrete Et maint loz de bacheler frait , Qu'ele ne puet véoir le frait Qu'il convient as armes porsieure, Dont ne puet haut nom aconsieure Li avars; car estre ne puet, Puisqu'avarisce le sens puet.

Vez-ci au preu trop mauvais vice, Car lors qu'il chiet en avarisce Mes ne fera bonne jornée, Ainz à la retrete tornéc, S'ert si menez de voir que trop ; Car il n'en fera mes biau cop.

Et s'il le fiert , mar le ferra , Que jà grâce n'en aquerra.

Dont i part-il quanqu'il i mct^

LE BACHELER D'ARMES. 333

Tôt ausi com la lïois remet Quant lichaus^u soleil Tataint.

A cel suer remet et estaint El cuer de Tome la proesce, Si tost com d'avarisce plesse, Car tés .ij., ausi com moi semble, Ne puet en cuer d'ome ensamble.

Touz jors i est grans la descorde ; Car avarisce à ce s'acorde Qu'el vuet la voir anfermer.

Ne puet ses cuisines fumer Véoir, ne des gens le solas; Adès est en .i. penser las, Vuis de touz biens et d'oneste ; Mes prouesce aime vie honeste Qui le bien et Tonor a chière.

Si fet à Fostel bêle chière; Mes avarisce n'en a cure.

Ainsi est Tune à Tautre escure Que ne se puet assantir; L'une ne puet l'autre santir Nient plus que tiaches venin ', Et si sont d'araor orphenin ».

Li avers est droiz et resons Voîsent couvers en lor mesons, Et mangent lor pain à huis clos.

Et je porsieurai mes esclos Du bacheler ; si di ancore Qu'il ne doit amer vaine gloire

» Ms. 428 Supp. français. Var. Triades. (Voyez, plus loin, la pièce intitulée de Triades et de Venin.

2 Ms. 428 Supp. français. Var. D'onnor.

334 LE BACHELER D'ARMES.

Ne convoiter qu'il ait le nott De preus se por prouesce non ; Car çàus qui chascent gloire vaine, Vient-il de pereceuse vaine Et vaine gloire à droit nommée C'est une vaine renomée Qui est aquise vainement ; Entendez-le bien sainement , Et tuit sont vain cil qui l'aquièrent Ne nulle haute honor ne quièrent , Mes li bon qui aiment proesce, Qui lor bon cuer met en l'adresse De prouesce et ou droit sentier, Cil n'ont cure de convoitîer Vaine gloire qui secche et faut, Mes vraie gloire qui né défaut.

Por ce se fait bon au bien prendre

Qu'adès ot-on le bien reprendre

De çaus qui bien font et bien oevrent ,

Car li bien et li mal descuevrent.

Et l'escriture nous retrait

L'une bone euvre l'autre atret ,

Et li uns péchiés l'autre donne

A celui qui s'i abandonne.

Si fais au bacheler entendre

Que tôt adès doit son cuer tendre

A la droite joie tenir.

t)e plus en plus preus devenir

A droit il doit tendre et tirer

Et tôt son afaire atirerj

LE BACHELER D'ARMES. 335

Au mestier des armes soffrir Si doit le cuer du lot offrir, Car se li cuers n'est au mestier, Li cors n'i a guères mestier; Car on dit que li cuers fet Fuevre ï)e quoi li eors honor recuevre; Car se li cuers n'est grans el cors.

Là ne se puet estre d'acors Que li cors sepuist bien prover, Car on ne puet en cors trouver Nulle valor se por cuer non Dont venir puisse à bon renon.

Ce puet-on véoir en tes mains, Qui sont de cors, de bras, de mains Si grant , si puissant et si fort Et si trueve-on si poi d'effort Que por voir vous puis recorder Qu'on voit peu souvent acorder Les biens du cuer à çaus du cors, Ainz i est souvent li descors ; Et puis qu'il s'acordent ensamble Proesce et grans cors, ce me samble, A celui ne compère nus Tant soit preus et de cors menus, Car puis que Dieus ensamble adresce Biauté, force, sanz et proesce En cuer de haut home puissant , Celui vait proesce croissant Qui grant terre a à mainburnir* Adonc a voloir de furnir Le mestier d'armes à son droit.

Celui claim-je bacheier à droit.

336 LE BACHELER D'ARMES,

De lui claim-je bachelier d'armes Quant il tient Tescu as enarmes Et il est entre .ij. rens mis, Ainz que tornois soit aramis Et il voit d'armes son content Grant proesce ses cuers entent , Le semont de tôt assembler.

Ne fet pas le cheval embler Ainz le broche des espérons, Car cil n'ont de tôt les corons ' Le tornoiement aproisemier.

Si vait férir le cop premier ; Cil li revient de l'autre part , Qui dou renc por li se départ ; Là assemblent entre .ij. rens Sanz aramie de parens Et li tornoiemenz assamble.

Or sont li dui content énsamble Venu au chaple des espécs, Si li en donnent grans clipées.

Là puet-on véoir bacheler

Qui fait le feu estainceler.

Tant fiert et chaple à son content

Et tant tire au bien fere et tent

Que le fet fiancier et rendre j

Lors vet des dons d'onneur aprendre

Emmi le grant tornoiement,

Si se maintient si noblement

Et le fet si bien et si bel

1 Ms. 428 Supp. français. Var. Car il voit de tous les cornons.

LE BACHELER D'ARMES. 337

Qu'il fait frémir lot le cembel,

Etproesce, qui li alume,

Li fet fère d'un hyaume enclume ,

Et de l'espée le martel ,

Et il fet de l'escu chastiel.

Si se deffent dedans l'escu

Com c'il éust touz jours vescu

Ou mestîer d'armes, car nature ,

Qui agrant tote créature

Et fet ouvrer naturalment»

Li fet fère si réaniment

Que tuit frémissent entor lui,

Et héraut crient à celui

Que tôt vaint et de plasce torne,

Et li tornois sor li retorne.

Lors recoumence li estors,

Et il est plantez comme tours

Sur le destrier enmi le tas,

Si fiert l'espée à main tas,

Car on l'asaut de toutes pars

Et s'il se deffent comme lieupars

Et à bien faire s'abandonne,

Et grant prouesce^ qui li donne

La force et le cuer de deffendre,

Li fait hîaumes et escus fendre,

Chevaliers par terre abatre.

Ne lest le férir ne le batre

Tant qu'il frémissent de touz corps ,

Et li bras font la voie au cors

Par tôt où il vuet aler,

Et si n'a cure de maaler *

I Maaler, faire des malles, encaisser, amasser. I. 23

338 LE BACHELEU D'ARMES.

Le gaaingy car poinl n'i entent; II n'est mie oevre qui Talent, Car il li livre angoisse ' assez.

Si n'est mie ancors lassez, Âinz fet tant d'armes et endure Que sa prouesce tant li dure Qu'il vaint tôt le tornoiement Si bien y si biau , si quitement Que desur tous le pris enporte.

Si veus dire, resons Taporte', S'il est preuz et hardiz as chans^ Il doit estre à l'ostel saichans Et le grant despens endurer.

S'il vuet à prœsce durer.

Contre ce qu'il est riches hom Despendre et donner à foison Du sien as povres chevaliers Doit et voidier ses sas maliers Des viez robes as menestrés.

Car d'armes est li mestres tés :

Bruit as chans et joie à l'ostel Du riche homme qui a los tel , Car s'il est à l'ostel eschars, C'est à prouesce grant eschars, Et à lui blâmes et maupreus, Car pour ce son dit tut est preus.

Se d'autre bien ne le renomme, Jà n'aura le non de preudome.

Car dou cuer vienent les vertus

I Ms. 428 Suppl. français. Var. Essoigne.

> Ms. 428 Suppl. français. Var. Si vous di , ai raison Taporte.

Le BÀCHELER D'ARMES. 33Ô

bont U preudome est revestus, Qu'à li font le haut nom ataindre; Car on ne puet as euvres taindre De preudome se tôt bien non , Et pour ce ot preudome non.

Si fais aus bachelers savoir

Que s'il vuelent haut non avoir

De preudome, se Diex me voie,

Je U ancegnerai la voie

Qui toute est de vertus roiaus

Où par li bon preudom loiaus

Doit le haut non de li conquerre,

Mes mult i convient ansois guerre.

Geste voie est mult solaceuse ' ;

iN'est pas voie à gens pereceuse,

Ne d'aver, ne de convoiteuz.

Li chemins est si fez et tous

Que n'uns mauvais hom n'i chemine^

Car n'est pas voie de rapine ,

De lâcheté ne de langour.

L'en prent son chemin à Vigor

El de Vigor à Séurté

(Une vertus de grant bonté),

Dé Séurté à Hardement,

Puis passe-en tôt hardiement

Le haut chemin et bonne adresce

De Hardement jusqu'à Prouesce

Et de Proesce à Côrtoisie.

Ceste voie est mult envoisie;

Ms. 428 Suppl. français. Vàr. Pélitéusét

;34Ô LE BACHELER D'ARMES.

C'est droit chemin à bacheler.

Geste voie doit bien aler Li bachelers cortoisement , Et d'iluec en avant coument Il doit aler de cuer antier Vers Largesce le droit sentier.

Et se doit acointier de li , Car onques ne désabeli Largesse à gentil bacheler.

Touz jors se fet large apeler. Et s'a prouesce tient couvent> Il doit user toi son juvent Ou mestter d'armes maintenir^ Selonc ce qu'il puet soutenir, Et quant îl voit son poil muer> Lors li doit li cuers remuer Et remordre selonc nature.

Lors voit Dieu paier sa droiture <Por ces anfances aquiter, S'il vuet ou haut nom habiter Qu'il convient, par fin estovoir, A chevalier preudome avoir.

Haus est li nous et plus li fsùz :

Ainz qu'il soit chevaliers parfois Li convient qu'il ot outre-mer Por sa proesce conformer, Car puisqu'il voit son poil changier Auz tornois puet panre congié Et dévotement la croiz pendre.

Tant vuel au bacheler aprendre Que se le siècle a bien servi, Encor a Dieus mîex desservi

LE BACHELER D'ARMES. 3U

Que bien le serve loiaument.

Si le fasce si roiaument

Que Dieus l'eiv sache roial gré ;

Ainsi convient de gret en gret

Le bacheler en pris monter

Que me lasseroie au conter.

Quant il est de la mer venuz ,

S'il est deçà por preus tenuz,

Là li doit prouesce doubler,

Caf Ten ne doit par droit doubler ;

Mes tant face à Dieu anemis

Pour celui qui en crois fu mis

Que poigneiz vainque ou bataille

A férir de Fespée qui taille.

Tant convient le bacheler fère

Avant qu'il soit de tel afaire

Qu'il soit à droit preudom nommés..

A tant est cest contez sommés ' ;

Je n'en vuel parler plus parfont :

Tuit sont preudome qui bien font \

> Mf. 438 Sapp^. français. Vab. Finei:.

> On trouve dans Le Pas cParmes de la bergère maintenu au tournoi 4e Taraseon, belle publication faite par H. Crapelet, une ballade en trois strophes intitulée Du Baekeler charmes* Les qualités qu'on y recommandedTacquérir sont les mêmes que dans notre Dit.

ExplicU li Bacheler,

CI GOMMANCË

£t Bit îru Uo^ \

Ms. 198 N.-D.

Roys des Francs, haez les desroys; Regardez com li Roys des roys, Jhésucrist qui les siens avoie, Com de loins vous a mis à voie De lui bien connoistre et amer.

En terre vous a fait clamer Roy des François la noble gent :

Certes ^ ci a don bel et gent ; En grant digneté parcréu Bien vous a de loing pourvéu.

Moult li devez bien obéir :

Encore vous puet-il eschaïr De li plus grant reaume assez; C'est paradis qui a passez

I Le roi auquel l'auteur de cette pièce adresse des conseils moraux est Philippe de Valois , qui monta sur le tr^ne en 1328, bien qu'il parût en être plus éloigné {Bienvom a de loing pourvéu, vers 10) qu'Edouard 191, son compétiteur. Celui-ci en effet était fils d'Isabelle, sœur de Charles-le- ^1, tandis que Philippe n'en était que le cousin germain.

Touz les royaumes de cest monde.

Roys, vo vie doit estre monde

Et nete de vilains péchiez ,

Et vos cors si bien entechiez

G'ons praigne à vous bonne essemplaire;

Si pourrés miex à tous ceus plaire

De qui vous estez roys clamez.

Rien doit de vous Diex estre amez

Et bien part que il vous a chier

Quant de si loins vous volt huchier

Por les François mètre en vo garde.

Gentilz roys, dont or prenez garde

A quelle heure à vous les livra :

€e fu au jour qu'il délivra

Les siens de la paine d'enfer :

Le cuer aurés plus dur que fer

Se vous à ce jour ne pensez,

Et la gtosse n'en dispensez

Si com bon roys qui doit penser

De sa vie à droit dispenser.

Roys, au jour du bon venredi-,

Si voir comme je le vous di,

Vous fist Dieus roys de tous les Frans :.

Or soiez dont courtois et frans,

Justez, piex et miséricors,.

Si com Diex fist, qui tout son eors^

Volt as félons Juis livrer

Por les siens d'enfer délivrer.

A cel jour furent délivrez

Qu'il vous fist roy; donques livrez

Vo cuer à oïr et entendre

A quel fin la glosse veut tendre

Du vendredi après complie,

Que^consommée et acomplie

Fu de Dieu toute la promesse.

Gilz jours vous doit tenir en presse

Le cuer que il ne se desvoie

A œuvre où mal son temps emploie.

Penssez de vostre règne acroistre :

Vous devez miex les bons connoistre Assez e'uns nouviaus aprentis.

Roys, soiez donque ententilz Au pueple Dieu le souverain père :

Gouvernez si que il li père , Et des tormens les rachetez Où tant de cors et de chatez Sont de longue main enbatus, Car sur paine d'estre batus Les a Diex en vos garde mis.

Desfendez-les des annemis ; Yous estez chiés et garde d'iaus.

RoyS) cil anemi sont bédiaus, Et prévos, serjans et baillis Dont vo pueples est malbaillis.

Tel gent sont du monde escilleur^ Advocat et faus conseilleur ; Chascuns i grape et arapine.

Et si a gent d'autre couvine Qui les ont navrez laidement.

Faites par vos gouvernement, Gentilz Roys , qu'il soient sanez

Et hors du meschief les planez.

Metez-y .i. petit de paine; Dieu vous en fist don et estrâine De son royaume à ce saint jour, Por ce qu'il veut que sans séjour Ses povres gens li délivrés Du meschief où il sont livrés. Si com à cel jour délivra Les bons quant à mort se livra, Faites qu'il en soient délivrés-, N'i espargniez ne mars ne livres Et les gardez d'estre essilliejs, Gentilz roys, et si esveilliez Loyauté , droiture et raison :

Faites-les en vostre maison Demeurer avec charité, Et si prenez à vérité Conseil de vos bonnes paroles, Si que bien soit li sains empoles Emploies dont vous estez oins.

Gentilz roys, or vous soit cilz poins En vo cuer escrips et portrais, Car vous estez nez et estrais Touz de roys de âiij. costez ; S'an doit de vous miex estre estez Orgueil, qui ainz bons ne vot estre, Gentilz roys, et quant de tel estre Vous a Dieus pour soy esléu De si loing c'om n'a pas véu Que se soit euvre naturée, Aîez vostre court escurée Des mauves, si nul en y a;

Car quant Diex à vous otroya La couronne de ces François, Bien vous avoit monstre ançois Qu'il est puissant d'un autre mètre Quant il s'en voudra entremetre.

Se justement ne*s gouvernez, Et à ce garde ne prenez Que vostre vie à droit lignie Soit selonc la noble lignie Dont estrais estez et venus.

Et quant des grans et des menus Vous a Diex fait en terre cKief , Se vous vouiez venir à chief Du royaume à droit maintenir, Le conseil vous convient tenir Qui bons est, biaus et loyaus Des .iiij. vertus principaus, Seur toutes de plus grant arroy, Qu'Aristotes escrit au roy Alixandre qu'il fust vestus Et aournez de ces vertus Qui sur toutes ont grant renon^;

La première Sagesce a non.

Qui par le vrai entendement Gouverne l'omme sagement Si que droiture en soi maintient.

Li autre, se bien m'en souvient,.

Est appelée à droit Justice, Qui soi-maismes et autre justice pt fait à chascun justement

Raison juste; or orrez comment.

La tierce est appellée après , Qui bonne est de loing et de près Et tost et tarty et main et tempre ; C'est la vertus qui miex atempre Fol hardement et couardisse. Entre ces .ij. raison Ta misse Por homme garder de dommage; S'a non Force de grant courage.

Moult est ceste vertus puissans Et bonne , car elle est croissans A haute honneur de plus en plus :

A point œuvre ^ et nient à seurplus; Bien scet contre vice estriver Et faire enprandre et achever Sans paour tout séurement Quan c'om puet par vrai hardement Et à juste cause entreprendre, Et fait fol hardement reprendre Et à mesure ramener.

Bon fait à tel point assener A haute honneur et à bien faire.

Ceste vertus doit très bien plaire A tous les princes de haut pris Que il soient duit et apris De couardisse desdaingnier.

Elle sait les poins ensejgnier, C'on ne doit douter nulle enprisse Qui par raison doit estre enprisse :

Ceste vertus doit à tous plaire.

Et la quarte est de tel afaire, . De tel nature et de tel fait Que riens encontre Dieu ne fait.

C'est Atemprance la senée, Qui n'est pas en lieu assenée Qui entechiez soit de lait visée.

Geulz fait amer le Dieu service Qui l'ainment de cuer et honneurent Et lui main et soir demeurent; Et certes à bonne heure vit Son règne qui demeure et vit En atemprance qui mesure Toute riens à juste mesure^ Et fait nature en homme vivre.

Roys, ces .iiij. vertus vous livre Pour gouverner vous et les vostres^ Si com Dieu fist de .iiij. apostres Iiij. benois évangélistres.

Souverains tesmoins et menistres; De nostre foy à maintenir^ Fais ces .iiij. vertus tenir Sur toutes à plus souverainnes Et les meilleurs et plus hautaignes Por bien gouverner en tout tans :

Bonnes vous sont et proufitans Et ont à tous autres esté.

Or vous en ay amonnesté Pour ce que miex vous en soveingne Et que tous jours à l'ueit vous veingne Que vous tant ne quant n'estrivcz A atemprance, mais vives

Par son conseil et par son los :

Seur toute rien je le vous los, Et me bâtez s'il vous em pôise, Car elle tout compassé et poisse Quanqu'il faut par nature au cors.

Se vous estez de ces acors Et vous vueilliés son conseil croire, Le mangier à point et le boire Vous aprendra bien à usser, Et touz outrages refusser Vous fera de charniex délis.

Atemprance est la fleur de Hz Et rose de toute vertus ; Gentilz rois, soiez-ent veslus Et de lui si apris et duis, Que de tous vos autres déduis Prenez par atemprance à point.

Ne ne metez vostre cuer point Outre raison après ces chaces N'a ces rivières, car les traces Perent à cens trop malement Qui en pranent Tesbatement Sans atemprance, outre mesure; Et mains li cors du prince en dure Quant il en use du seurfait.

Et vous savez qu'il ne sont fait Au monde pour autre achoison Que pour la récréacion Du cors quant il en est mestiers :

Por el n'est fait cilz biax mestiers C'om en praigne par atemprance Et à point, et j'ai espérance

350 LE DIT DU ROVi

Qui ainsi user en voudroit Lui et autrui miex en pourrait Gouverner bien et à point.

Gentilz rois, dont prenez l'a point) En atemprance vous tenez, Justice et force maintenez, Et courage et sagesce à droit.

Il vous est mestier orendroit D'estre bons trop plus c'onques mais ; Vostre royaume est .j. droit mais Et avril sus touz ceulz du monde ' Et cilz où plus d'onneur habonde Et que Diex miex ainme et honneure; Et certes, s'en vous ne demeure, Sur tous roys miex vous ainmera Ne nulz fors lui ne clamera Seur vous poesté ne hausage.

Gentilz Roys, dont faites que sage :

Metez paine d'estre aournez De ces vertus et vous tenez Nuit et jour si à Dieu servir,

> Ce rers et le précédeat offrent dans le sens de ce terme mais, mai^

arbre élevé, qui domine, espèce de mât, et le moia de mai,im de ces jeux

de mots si fréquents dans les trouvères. C'est ainsi que Rutebeuf , voulant

peindre sa pauvreté, son peu de bien (voyez mon édition, tome I,

page 3) :

Il me souvient plus de saint Pou (Paul-peu) Qu^il ne fait de nul autre apostre.

Plus loin, même volume, page 8, il dit aussi , pour indiquer qu'il tremble faute de boii :

N'ai pas buscbe de chêne ensemble Et je sui à fou et à traml)le,

ce qui constitue une bizarre opposition entre fou, fol, insensé, fi>u, hêtre> en latin fagus, puis tremble, tremblant, et tramble, espèce de bois.

LE Ï)1T DU ROY. 3Sl

Que le don puissiez déservir En cest royaume térien D'estre roys ou célestien Avec ces sains en paradis.

Gentilz roys, pour vous est diz Et rimes cilz enseignemens :

Dieus doint que voz commancemens Vous atraie à la bonne fin :

Ditez-ent amen de cuer fin.

ExpHcit le dit du Roy.