DES GRAUNZ JA1ANZ
Ark ne sete, faucon ne chien
Dunt preissent oysel ne beste
Qe manger pussent à feste.
Coyntes e engynouses èrent ,
Eslreitement se purpensèrent,
Dunt par grant avisement
Engyns fesoient plus décent.
Des verges firent hardilouns
Dunt il puis pristrent les oyselouns,
Divers engyns sovent firent,
E si covntement tendirent
Dunt les bestes dècevoient,
C'oyselouns assez prenoient.
Quant urent pris à volunté,
La veneisoun unt escorché;
Des cayllous unt feu alumé,
Busche avoient à plenté.
En quirs les bestes quissirent
E par les brèses rostirent
La veneison e les oyseux
Qe pris avoient bons et beaux,
Dunt mult léement se péurent
E ewe de fontayne beurent :
Tiele vie tant sustindrent
Qe lur forces tut revindrent,
E bien furent reviguré
Du mal qe avoient enduré :
Quant char e sanc reperneient
Grosses e grasses deveneient.
La chalure de nature
Les somount à desmesure,
Par désir de lécherie,
Kl CONQUISTRENT BRETAIGNE. 367
D'avoir humeinecumpainic :
De ceo sunt mult sovenl tempté; Geo aparceurent li malfée Qe sunt apellez incubi, Geo sunt espirilz , jeo vous di, Qe tiel poer lors a voient Humeine forme pernoientj Queqes ceo la nature, Ou femmes firent mixture, Quant en délit les trovèrent, En cel point les pergisèrenl.
Sovent enfanz engendrèrent, E tost après s'envanèrent.
A les dames avint ensi, Quant lur délit les assailly, Mult prest esteient li malfée De paremplir lur volunté En la forme avant dite.
Ne fu grande ne petite Qe ne fu prise de un malfée.
E là furent engendré Enfaunz qi géaunz devindrent E après la terre tindrent.
Tut lur délit acumplirent, Mes les dames rien ne virent Ceux qi pargiéu les avoient, Mes qe soulement sentoient Come femme deit hom fère Quant s'entremet de tiel afère.
E quant furent de meur âge, Les enfanz par grant outrage En lur mères engendrèrent
368 DES GRAUNZ JAIANZ
Filz e filles qe graunz èrent.
Les soers de frères conceurent
Filz e filles qe mult crurent;
Grauntz gentz de cors devenoient
E graunt force en eux a voient,
Grauntz èrent à desmesure
E de cors e d'estature,
Ceo puet home mult ben saver,
Par les grauntz os qe hom puct trovcr
En mult des leus de la terre
Qe vodra cercher e enquere :
Appelaunde en cité
Puet hom trover à grant plenté
Dentz, jambes e costez,
E quissez de quatre péez,
Espaudles ad hom bien véu
Ausi large cum un escu.
Dunt mult de gent sunt en esmer
Si puet estre faus ou vier
Si unqes furent tieles gentz
Qi portassent tiel ossementz.
A regarder hidous èrent,
Car malfez les engendrèrent;
Des deables furent engendrez ,
E les mères dunt furent nez
Furent grandes et mult corsues;
De forte gent furent venues,
Par réson si deivent estre
Les enfanz qi deivent nestre
De tiele gent cum cil èrent,
Qe les géaunz engendrèrent :
Tele gent de faierie,
