CONQUISTRENT BRETAIGNE

Mult grantment se multiplie;

Par la terre se partirent,

Gaves en terre firent,

Grant murs entour funt lever

E des fossés environner;

Sur montaines herbergèrent

Où meux estre en séur quidèrent ;

En mult de leus unkore i pièrent

Les grant murs qe cil levèrent;

Mes mult sunt ore abessé

Par tempeste e par orrée.

Celé gent la terre tindrent

Ci là qe les Bretons vindrent,

Ceo fu avant qe Dieu fu née,

Cum par acounte ai trovée,

Mil cent aunz e trente-sis,

De ceo soiez certein tut dis,

Del tens qe les dames vindrent

Qe primes la terre tindrent

Deqes au tens qe Brutus vint

E la terre à force tint,

E le noum Albion osta

E pui Breistyne la noma,

Si cum la cronike counte,

Deux centz et sessaunte amounte.

Tant de tens , ceo fet à crère,

Les géaunz tindrent la terre;

Mes quant celé gent desraée

En terre fust multipliée,

Ghescun divers pays prist

Où sa mannauntie fist,

E là vesquy chescun par sei,