Partie à blanc et à vermeil

De ce pas mult ne me merveil :

Puis siet après une chapele

Dédiée par miracle bêle

D'un juif qui en son ostel

Bouilli le sacrement d'autel ,

Dont trouvez fu vermaus entiers.

Puis est li Yaus des Escoliers,

Puis est Saint-Pol, puis Nostre-Dame

Du Carme; bien scevent leur game.

Il ont pris leur lieu et leur estre

Où li Barré souloient estre,

Et d'ileques r'alez s'en sont

Sous Sainte-Geneviève ou Mont \

Après a , joingnant de la porte

De Barbel , à une grant porte,

A un ostel de bonne gent

Où il a moustier bel et gent :

Béguines et preudefames

Le los eschivent des diffames

Et les péchiez ors et mauves.

D'ileuc m'en ving à Saint-Gervais,

Où il a gracieus moustier

Près de la porte Baudoier.

Dessous est Saint-Jehan de Grève :

« Voyez la note 3, p. 107.