DE L'UNICORNE

Si tost comme la mort l'a mort.

Vers H ne vaut escu ne lance, Draz couez ne ridée manche.

Que feront donc cil bacbeler Qui ne ûnent de porpensser D'aus cointement appareillier ?

Lor dras font creter et taillier Et lor soleriaus détrenchier, Dras filetez et envoisiez :

Cil ont du fol miel tant mengié Que jà en sont tuit engingnié ; Et les dames et les puceles Qui or sont si sor lor gaveles, Qui sovent sont encolorées, Appareillies et mirées, Et affublées au rouet :

Chascune tout son pooir met En li acesmer cointement , Non pas por Dieu, mes por la gent.

Quant eles sont appareillies, Est roi t vestues et chaucies , Si vont devant lor huis seoir Por ce c'on les puist miex véoir ; Celé qui plus est bêle et blanche Fet volentiers de li moustrance.

Tele samble es dras savoreuse, Qui la char a laide et roingneuse :

Qui toute nue la verroit , Sachiez que petit l' a me roi t; Les robes les font avenanz, Lors ont les gresles si tendanz Qu'à paines puéent lor braz tendre;

Toz lor orgueus devendra cendre :

Geste vie trespassera ,

Ele ne vaut, rien ne vaudra,

Quar se ceste vie durast

Bien fust résons que on l'amast;

Mes por ce qu ele peut faillir

La doit toz H mondés haïr

Et la vie du ciel amer,

Où il n'ot onques point d'amer,

Qui toz jors sanz fin durera

Tant comme Dame-Diex sera,

Qui sanz fin , sanz commencement,

Fu et sera tout vraieraent.

Et cil qui por les fa us délis

Seront el puis d'enfer galis,

James jor issir n'en porront;

Mes adès en vivant morront

Ausi corn cil qui le miel prist

Qui en la granl dolor en gist.

Or prions Dieu le glorious Que il mete tel sens en nous Que nous puissommês adosser Les fols délis et oublier, Qu'en enfer ne nous vueille trère, Et Diex nous lest teus oevres fère Que toz nos méte à garison Et doint vraie confession.

Amen.

Explicit de l'Unicorne et du Serpent.

£t* iDrrs bu Monht.

Ms. 7218, Bibliothèque Royale.

Du monde qui fet à reprendre

Me dueil , quar ainçois me vint prendre

Conques eusse entendement,

N'ainc puis ne me vout mon cuer rendre,

Ainz m'a fet entor lui despendre

Tens, aage, sens et jou vent,

Dont en grant dolor sui sovent,

Quar je remir con fetement

Me sui lessiez à lui sorprendre,

Por ce qu'il m'avoit en couvent :

En ses promesses n'a que vent,

Et s'il paie, n'est-ce fors cendre.

Mondes, de toi plaindre me doi, Quar par toi engané me voi, Por ce que je t'ai trop créu ; Tes promesses de pute foi M'ont si converti en ta loi, Mondes , qu'eles m'ont décéu.

Mondes, tu m'as si desvestu, Qu'il n'a en moi mile vertu ;