LES VERS

Quant connaissance le ravoie D'aler au chemin de«alu, 11 n'en puet issir, ainz forvoie, Quar il ne puet trover la voie :

Tu es la méson Dédalu ; Puis c'on ert en toi embatu , A paines en erUon issu :

Les tiens paies fausse monoie.

Hé Diex! tant en ai recéu, Je criem que je n'en arde ou fu Avoeques cels que Diex renoie.

Mondes, qui bien te connistroit Et qui très-bien t'es garder oit, Tes oevres et tes paiemenz, Nule fiance en toi n'auroit; Quar qui te sert, il se déçoit, Ausi trespasses comme venz.

Si est uns hom de si grant sens, Si plains d'avoir et de parenz Que nelui riens ne priseroit, Ci est si viex et si pullenz Que chascuns H vuide les renz, ISis uns chiens ne l'aprocheroit.

Mondes, je di que tu trespasses Et que cortes sont tes espasses C'on a en toi de joie avoir.

Tu es uns viviers plains de nasses Por prendre les chétives lasses D'âmes qui n'ont mestier d'avoir; Mes amors les fet enchéoir