DU MONDE

Maugré réson à recevoir

Ce que parmi les cors leur brasse.

Mondes , tu les fez entonoir

De longue vie par espoir,

Nis croire ne vuelent leur faces.

Mondes, en toi n'a fors paintures, Durtez, tribulacions sures, Mes de ce es plains jusqu'en l'ueil; Les tienz fez prester à usures, Por avoir les envoiséures En qui l'en envelope orgueil .

Tels a pou de pain de mestueil Et mendie sus autrui sueil En mauves dras, plains de coustures, Qui plus list de joie en droit fueil Que cil qui ont par ton acueil Robes , chevaus et couvertures.

Mondes» je voi que li plus sage

Devienent tuit fol par l'usage

Que tu leur fez acousturner;

11 ne t'en chaut de lor domage,

Tu leur fez paier le musage;

Tant les fez après toi aler

Qu'el mont d'orgueil les fez monter,

Et là lor fez les iex crever

A covoitise et à outrage,

Si qu'il n'en se vent ravaler;

Mes qui la mort i puet trover, 11 en paie cruels ostage.