LES VERS

Mondes , tu taus nostre Seigneur Ce qu'il racheta de la fleur Et du fruit de virginité.

Hélaz ! corn vez ci grant doleur Quant l'en voit vaincre le meneur, Et celui qui tout a crié À l'en ore si adossé, Si en despit, si en viuté C'on ne li veut porter hoJfeur.

11 samble c'on ne li fet gré De ce qu'il ouvri son costé Por nous toz rem être en valeur.

Mondes , corn ce est granz meschiez De ce que tu as tant de chiez De sainte yglise qui bien voient Qu'il n'a en toi fors que péchiez, Et s'est chascuns si atachiez A toi, qu'il n'aiment ne ne croient Fors toi, dont maint example envoient A cels qui bien se garderoient; Mes quant l'en voit de toi tachiez Cels qui enseignier nous devroient, Je sai bien que tels te fuiroient Qui atenl ore tes marchiez.

Mondes, hardiement me vant Que cil qui te voient devant Sanz toi par derrière esgarder Ne se vont nient apercevant Comment tu les vas décevant Si qu'il ne s'en sèvent garder.