DU MONDE

Trop est faus qui en toi se fie.

Les liens jues de trahison

Par ta vaine promecion,

Dont âme n'est fors esvuidie.

Mondes, cil qui plus estudie

En toi et plus fet grant folie; i i\- »■ ï ..-

L'en n'i aquert se paine non ,

Et s'est par tant l'âme périe:

ÎPor ce istrai de t'abéie,

Tant qu'aie fet profeclion.

Mondes, je praing à toi congié; Se piéçà t'eusse estrangié J'eusse fet mon avantage, Nés que se j'eusse songié, Mes désirs que tu m'a^paié N'en truis en moi fors qu'arriérage Famine, acroisseraent de rage.

Or voi, quant connois mon domage, Comment tu m'as le dé changié ; Or vueil issir de ton servage, Et corre à mon droit héritage, Que Diex m'a fet et esligié. .

Expliciunt les Vers du Monde.

Dis Brotz ou Clerc frf iD ouïrai.

Mss. 7218 et 1132, supplément français, Bibliothèque Royale.

Or, entendez une complainte Dont la réson est si bien jointe, À paines orrez mè^plus bêle :

Li clers de Voudai nous acointe.

De son bordon use la pointe Ne n'a mes que la manuele; De la pointe orrez la novele :

Trente-sept anz en s'escuele À eonversé mingnos et coinle, Or est tornée la roele, Si s'en veut partir comme celé Qui désormès s'en désacointe.

De la pointe dirai m'cntcnle :

La pointe si est ma jovente Qui de moi se veut départir; Se j'ai quarante anz ou cinquante, Bien est droiz que je me repante Et de jurer et de mentir.

Puisque je me vueil repentir,

Si me covient à consentir Et la dolor et la tormente Qu'il covient à la char sentir :

Ainsi puis m'âme garantir De la dolor d'enfer pullenie»

Je vieng dès ore en grant eage, Si doi changer mon fol usage Se devant m'i sui maintenuz, Que por biauté ne por paragc, Por terre ne por héritage N'est hom ne famé chier tenuz, S'il pert ses dras et II est nuz ; Et s'il les a, s'est retenu z Partout à meult grant avantage; Qui ce ne fet, li pains menuz, Quant il est et viex et chenuz, A tart li monstre son outrage.

Je vou&ai mains mos fabloiéz, Diz et contez et rimoiez; Mes or m'en vueil dti tout retrère.

J'ai esté lonc tens desvoiez, Or si doi eslre toz proiez Del mal lessier et du bien fère; Quar qui veut à Dame-Dieu plère,.

S'il ne fet l'anemi contrère, Il est et fols et desvoiez.

Dame-Diex est plus débonère Que ne soit ne provos ne mère :

Tost a péchéors ravoiez.

134 ' " DÈSDROIZ :

Por ce vueil dire une chtfsete * Petite, qui est nôvèlete,

« Dans le Ms. 1132, supplément français, 1» pièce commence à cette strophe; elle ne contient que dix-sept stances, et se termine par les suivantes, que n'offre pas le flfs. talft :

Droit dit, et ce n'est pas frivole, Qnar le mawtfeng de tune foie Vaut pis que serpent ne que uivre *, Quar quanqu'iî a tout partout vole, Pour li despent et sa rigole De son avoir tant qu'est délivre.

Droit dit que Tomme ne doit vivre Qui par famé est fol et yvre, Quant de «on or vient foire estaifo Un proverbe avons en no livre Que droit nous aprent à descrire :

«Tant as, tant vaus et autant t'aim.u

Droit dit et vient que père et mère, Se sont de naturel affaire, Qu'apreignent leur enfansà bien faire, Et eus de folie retraire.

Pères qui n'en fait son devoir Ou à tout le mains son povoir, Et li filz son mauves vouloir Acomplit, sachent-il pour voir Que il leur sera chier vendu.

Maint filz en a esté pendu, Maint père trahi et vendu :.

Tort as, se ne m'as entendu.

Droit dit que devons Dieu servir Et en tout temps li obéir, Quar cil qui bien le serviront En Paradis après iront.

Servons aussi dame Marie ; Li oublier est grant folie :

Souvent soit en nostre mémoire, Quar elle est mère au Roi de gloire, Et fi prions que par sa grâce Nous lace voir de Dieu la lace Et empestrer la joie sans fin ; S'en dison amen de cuer fin.

* Titre pour cuivre , vipère.

Que je vueil de droiture dire :

S'est bien droiz que je m'entremets De dire chose si très-nete C'on ne puisse par droit desdire ; Droiz en ert jugement et sire :

Droiz dit c'on ne doit pas mesdire De la chose qui est bien fête ; Quar qui est en bone matire, Droiz dit c'on ne 1' doit contredire : Ci auroit vilaine retrete.

Droiz monstre toute eortoisie,

Droiz desfent toute vilonie

Et enseigne loz biens à fère ;

Droiz dit c'on soit de bone vie, m

Droiz dit c'on n'ait en lui envie

Par c'on puisse l' autrui fortrère;

Droiz dit que l'en soit débonère,

Droiz dit que L'en se doit bien tère

De chose qu'à lui n'afiert mie;.

Droiz dit c'on soit de tel afère

Que l'en puisse à toz iceus plère

Lez qui on est en compaignie.

Droiz dit, et je 1' ferai es table, Que puis c'on est assis à table C'on ne doit mie trop parler; S'on dit chose qui n'est metable L'en H torne ses diz à fable,, Si le vendroit mieux reposer, C'on puet tel chose révéler Que s'on le voloit rapeler

i3ft l DES DR01Z

Qui ne se r oit pas honorable.

Droiz dit e'on doit trois foiz pensser La chose c'on veut recorder Ainz c'on s'en face connestabie.

Droiz dit, se je vor conseiller, Que je ne m'en doi a p roc hier Se l'en ne m'i apéle avant ; Quant je voi la* gent trère arrier, Droiz dit je ne doi encerchrer Ce qu'il vont entr'eus reponant ; Mes losengier se va muçant Et fet à son seignor samblant Que il l'aime de cuer entier ^ Dijpiz dit que qui aime tel gent, 11 se fet fols à escient Et si se bée à avillier*

Droiz dit que mesdisant sont tel Qu'il cuident honir un oslel Et cuident bien tout trère à aus; Il dient : Cil sont tel et quel.

Cil qui servent de tel chalel, Il lor devroit bien venir maus; Se chascuns esloit Perchevaus Ou que il fust ausi loiaus Gom prestres qui chante à autel , Si diroient : Cist est faus; Mes Droiz fet jugement de ciaus, Que ce sont anemi mortel.

Droiz dit c'uns mesdisanz vaut pis

Qu'avoir deus mortex an émis, C'on en liet la gent sanz réson ; Uns mesdisanz dît son avis, Celui qui bien est mes amis Je I' ban irai de ma meson.

Droiz dit c'est mortel trahison Que d'alever mauves renon, Tost ait-on le raesfet a pris; Droiz dit et nous fet mension , Jugement par élection, Trère la langue à tels chélis.

Droiz dit c uns mesdisanz dira Et à son seignor contera ltel mesdit, itel losange, Et sor tel son mesdit melra Que li sires celui barra Et le fera de lui estrange.

Or se puet cil froter au lange, Vez son afère qu'il li change; James véoir ne le querra* Droiz dit que qui ainsi losange, C'on dcvroit celui en la fange Geter qui de rien le croira*

Droiz dit : S'on voit aucune gent Mouteploier et bel et gent C'on ne 's doi mie destorber, Ainz doit-on avoir cuer joiant Quant Diex lor done avancement Par qu'il se puissent amender; Droiz fel le povre haut monter

138 DES DROLZ

Et Tort fet le riche avaler, Ce voit-on avenir sovent.

Droiz dit c'on doit ses gas celer, Si ne doit-on nului gaber :

Chascuns ne set qu'à l'ueil li pent

Droiz dit que cil trop se mesfel Qui son père et sa mère let, Dont il doit vivre et en vit pou ; Bien doit avoir et honte et let Quant il pert si tout entreset Ne li remaint vaillant un clou :

Sages qui le voit nice et fou Se pensse : Lez cestui m'agrou , À cestui ferai-je mon plet.

Entendez qui je blasme et lou , Je di grant besoing a de fou Qui de lui-méismes le fet.

Droiz dit un mot aperlement, Que qui est fols naturelment Qu'à son preu n'a s'onor lie bée; Que s'il fet sens à escient, En sa folie se desment ; Folie est toz jors forsenée.

Fols qui a la rage dervée Et cort toz nus aval la prée, N'en lui vestir ne met content, Droiz en dit la réson senée :

Ne te pren à lui por rien née, Quar fols est qui à fol se prent.

Droiz dit que cil fet à reprendre Qui ne set ne ne veut entendre Et veut c ont réfère le sage;.

C'est grant folie d'entreprendre.

Droiz dit c'on ne s'i doit atendre Ne qu'en la beste du boschage Qui toz jors veut estre sauvage Sanz aprendre nul bon usage Et ne veut à réson entendre.

Droiz dit que gent de tel usage, S'il n'eussent forme et y mage De Dieu , que on les déust pendre.

Droiz dit, et en ce droit me fi> Que on ait pité et merei D'omme qui pert par meschéance; S'il pert parce qu'il a plevi, Par feu, par mal, par guerre au si, Ne 1' doit nus avoir en viutanee :

Droiz dit, qui en a la poissance, Un poi li face soustenance Selonc ce qu'il a déservi.

Droiz dit c'un poi de soustenance .

Gete homme de désespérance :

Au besoing voit-on son ami.

Droiz dit et retret par le sage, S'il a homme en vostre lingnage C'on vueille à tort le sien tolir, Si comme mueble en héritage, Ou fère de son cors domage, Vous ne le devez pas souffrir.

Droiz dît r Celui devez offrir Et moustrer Irestout par loisir Por qu'il li fet honte et domagc; Droiz dit, s'il oe s'en veut souffrir, Que vous devez celui laidir Et abessier son fol corage.

Droiz dit que ce est double envie

Qui à escoutcr s'umelîe

Le bien quant Tôt et bien Tentent,

Et quant la réson est faillie

H n'en set vaillant uneaillie.

Ne ne vait à œvre mêlant.

Droiz dit : Ci a folie grarct t

Bien oïr ne fère semblant j

Ici a péreilleuse oie.

Droiz dit qu'au jor del jugement

Sera Diex souri contre tel gent

Qui bien oent et ne 1' font mie.

Droiz dit un mot qui est de pris :

C'on honeurt ses povres amis, Non pas sanz plus del sien doner, Mes saluer en mi le vis ; Si en seront plus avant mis, S'on les vous voit arésoner, Lui chastier et lui blasmer, Lui bêlement amonester, Desfendre qu'il ne soit meslis, Les genz bêlement aparler, Non pas avoec les fols aler Où l'en a tost le mal apris.

Droiz dit des bons et dire seul Que cil qui mauveslié conqueut.

Qu'en ce doit-il eslre repris; Qui bone doctrine requeut, Tout adès maintenir la veut S'il est sages et bien a pris.

Sages ne doit estre entrepris Qu'avoec les mauves soit repris, N'est pas sages qui les aqueut ; Mes enluminez et espris De bien fère soit hom de pris; Quar qui de bons est, souef eut.

Droiz monstre que chevalerie A sor toute gent seignorie, Et par haulece et par valor.

Philosophe n'en mentent mie, Ainz que latin fust ne clergie Estoient chevalier seignor; Toz H mons lor portoit honor, Et encor sonl-ce H greignor Du monde, que je n'en dout mie; Et puisqu'il en ont le meillor, Droiz dit que nule déshonor N'en doit issir ne vilonie.

Droiz dit , et j'en sur araparliers, Que quiconques soit chevaliers, Qu'il ne doit de nului mesdire :

Droiz dit qu'il soit droiz justiciers, Droiz dit qu'il soit droiz conseillers, Si c'on ne le puisse desdire.

Droiz dît que trop son non empire Chevaliers là où il est sire, Qui por avoir est lorçoniers ; Ainz doit à son pooir eslire Le droit et le tort desoonfire, Que c'apartient à toz princiers.

Droiz dit, por les seignors du mont Qui desoz aus maintes genz ont , Qu'à droit les doivent conseilliez Et se folie les confont Et vers lor seignor se mesforit, Il ne lor doit de riens aidier.

Droiz dit que l'en doit espargnier Ceus qui béent à espargnier Selonc ce que desoz aus sont, Que Droiz retret en reprovier :

Qui une foiz veut escorcier, Qu'après ne deus ne trois ne tont.

Droiz dit qu'il afiert à baron, S'on prent en sa terre un larron, Cou en face tan tost justice :

Que plus tost justice en fet-on, Plus tost nomme son compaignon Quant devant lui voit son juise.

Se c'est lerres qui fet murdrisse, Où robe gent ou robe église, On ne 1' doit pas mètre en prison ; Droiz dit que cil s'âme poi prise Qui en fet nule autre devise Fors que pendre sanz raençon .

Droiz dit, el je 1' retrai por droit, r

Qu'en quelque leu que li home soit,

Que il port aus famés honor;

Et se porter ne lor voloit,

Droiz dit que trop se mesferoît

Et qu'il querroit sa déshonor :

Por la mère Nostre-Seignor

En ont les famés le meillor,

Et qui ainsi ne le feroit,

Droiz dit qu'il auroit le pi or,

Ne jà de cort à jugéor

Bon jugement n'enporteroit.

Droiz dit c on doit famé honorer ; Si dirai, ne vous quier celer, En quel manière et en quel guise, Sanz li pincier, sans li taster, Sanz li foie ment a par 1er, Quant ele ert delez vous assise; Droiz dit, s'en son cuer a franchise, Quant el verra vostre devise, Yostre gentement démener, Se de vostre amor est esprise, ; Tant li pléra vostre servise Que jà ne s'en querra lever,

Droiz dit par réson escriée, Que puisque famé est mariée, C'on ne li doit querre hontage; Puisqu'ele est par bien assenée A celui oui on l'a donée, Qui la requiert, il fet outrage,

Que ce tesmoingnent li sept sage; Que puisque famé a mariage Et ele est o autrui travée, Droiz en descuevre son corage, Ele désert par son outrage Que l'en l'apiaut putain provée.

Droiz dit, et s'en sommes certain, Que le maintenir de putain Vaut pis que serpent ne que guivrc; Que s'il a où melre la main, Il despent por li soir el main Tant c'on le voit d'avoir délivre.

Droiz dit que tels hon ne doit vivre C'on voit por famé fol et y vre Tant qu'il fel de son or estai n.

11 a un proverbe en mon livre, Que droiz nous aprenl à descrivre :

Tant as, tant vaus et je tant t'aim.

Droiz dit , et en ce droit m'acueil , Que s'en aucun lieu aler vueil Aucune foiz privéement, Ghascuns ne set dont je me dueil, Se je pens folie ou orgueil , Je me doi porvéoir avant C'on ne s'en voist apercevant; Que s'il i a fol ou enfant Qui se regart com boz soz sueil, Droiz dit que n'en face noient ; Quar Droiz à tout le mont desfent Que l'en se gart du petit oeil.

Droiz dil que cil a double envie Qui eu autrui oeil voit poulie El el sien ne la puet vioir, Quar ce est trop foie mestrie Que de relrère autrui folie Ne que del fère apercevoir; Quar je vous faz bien asavoir Qu'en lui sont li mesfel por voir Dont il autrui blasme et chastie; Droiz dit c'on li face asavoir Ceste honte doit recevoir, Quar qui biau veut oïr, biau die.

Droiz dit que sages est qui fuit Cornpaignie de mauves fruit Qui les genz bée à engingnier; H est bien droiz que cil anuit Qui à mal bée jor et nuit Et dont nus ne puet avancier.

Droiz dit c'on n'i doit pas tencier, Ainçois doit-on du tout lessier Sa cornpaignie et son déduit; S'on ne puet , si s'estuet guétier, Que droiz retret en reprovier Encontre vezié, recuit.

Droiz dit, et por droit ert retret, Que cil en folie se met Qui à prometre s'abandone S'il ne le rent; savez qu'il fet Quant de prometre s'entremet:

Il est haïz s'il ne le clone.

ir. 10

Droiz dit et nous en arésone

Que cil empire sa persone

Qui promesse met entreset;

Si en dit Droiz réson moult bone :

Ce n'est pas dons» ainz est ramposne

A celui oui l'en le promet.

Droiz dit un mot tout abandon , Que cil doit Dieu grant guerredon Quant il maintient marchéandise, S'il la maintient comme preudora ; Moult H a Diex doné biau don Quant il le fet en bone guise, Et s'il a en son cuer franchise Par qu'il en face la devise Si com des anciens l'avon ; Droiz en descuevre la justice Selonc le droit de sainte-yglise C'en dit marchéant ou larron .

Droiz dit, et por droit m'en sovient ,

Que s' uns hom en richece vient

C'on ait devant povre vén,

Se léaument ne se maintient

En trestoz les lieus où il vient

On le revoit tost décéu :

Maintes genz en sont décéu ;

Or n'ait mie son sens béu ,

Ainz tiegne bien ce que il tient

Et ait por plus avoir vertu

Paor de ce qu'il a eu :

C'on dit eschaudez eue crient.

Droiz dit por clers et pour gent d'ordqe

Que trop sovent font remordre

Et d'envie et de covoitise;

Genz laies vuelent si près mordre

Qu'il ne lor puet néant estordre

Par malisce qui les alise ;

11 doivent garder la devise

Et de Dieu et de sainte yglise,

Et il font toz les maus en ordre.

Puis que coupe est el mestre mise,

Droiz en descuevre la justice,

Il méismes doit sa hart tordre.

Droiz moustre de papelardie Qui désert que Diex la raaudie Que trop par est chose couverte, Par dehors moustre sainte vie Et dedenz a mal et envie Qui n'est pas au mont descouverte.

Droiz dit que cil font de Dieu perte Qui sanz réson et sanz déserte Ont tel samblant qu'il ne font mie; Droiz dit : Ce n'est pas chose aperta De plaie qui n'est aouverte C'on n'i connoist la maladie.

Cordelier se font gloriex

Et jacobin trop graciex

Et cuident tout le sens avoir;

Vers gent d'ordre son covottex

Et vers provoirës enviex :

Dient qu'il n'ont point de savoir;

Ainsi si se font recevoir Aus églises por décevoir Et mètre au monde déliteus ; Mes Droiz nous fet apercevoir, Et je le retrérai por voir, Conques H mons n'amenda d'eus.

Droiz dit, et j'en sui amparliers, Des jacobins, des cordeliers, Que il ont abessié droiture ; Il seulent maudire premiers Les prestéors, les useriers, Ceus qui presloient à usure :

Or ont lor âmes pris en cure, Exécutor por lor ardure Sont d'aus por avoir lor deniers; S'en vient orgueil et desmesure ' :

Quant il le lor ont sanz mesure, €is cors est au monde pleniers.

Droiz dit : Mar fu nez qui n'amende Et qui veut fère contremande En droit fère c'on doit amer, Et cil doit Dieu crier amende Qui veut que droiz ne se desfende Contre tort c'on doit diffamer.

■ Rutebeuf, dans son Dit des Jacobins et dans celui des Cordeliers (voyez le premier volume de mon édition de ses œuvres), fait exactement à ces religieux les mêmes reproches que le clerc de Voudai. 11 faut remarquer, du reste, à propos de la pièce de ce dernier, que le Ms. 1132 , composé probablement par un frère prêcheur, ne contient pas les strophes satiriques qui la terminent dans le 7218.

Moull par a son cuer plain d'amer Cil qui le tort veut enflamer Contre droit et droit ne demande; Àusi doit-on celui blasmer Qui sa semence veut semer En autrui terre sanz commande.

Explicit les Droiz au Clerc de Voudai.

Bortrtnal £t &avma$t \

Ms.7218, Bibliothèque Royale.

Or escoutez, seignour, que Diex vousbén&e, S'orrez bons moz noviaus qui sont sanz vilonie, Ce est de Doctrinal qui enseigne et chastie Le siècle qu'il se gart d'orgueil et de folie.

Certes, bone chose est de bon entendement :

Bons entendemenz done cortois enseignement, Cortois enseignement fet vivre sagement, Et sage vie done honor et sauvement.

C'est bons entendemenz de Dieu croire et amer Et des péchiez hair qui sont sur et amer; L'en doit bien corte paine soufrir et endurer Por avoir longue joie qui toz jors puet durer.

> Sauvage est le nom de l'auteur de cette pièce.

On lisait aussi dans les écoles le Doctrinale puerorum d'Ébrard de Béthune, publié en 1112. Il en est question dans la pièce intitulée la Bataille des VII Arts, que j'ai éditée p. 412 et suiv. de mon premier volume des Œuvres de Rutebeuf :

Dont Agrecimc et Doctrinal Li esclopèrcnt son cheval*.