DOCTRINAL LE SAUVAGE

Après vous voudrai dire qu'est bons entendement : Ce est se H hom est avoec les bones genz, Qu'il sache bien garder sa parole et son senz 9 Et qu'il sache couvrir toz ses mauves talenz.

Se vous véez un fol foie vie mener,

Jà por ce ne devez vostre bon sens muer,

Ne por lor grez avoir ne 's devez resambler

Ne d'els à cont réfère ne vous devez pener.

Les enuiex devez sagement eschiver,

Quar foie compaignie fet maint homme blasmcr.

Se vous estes vaillanz et de haute puissance, Onques por ce n'aiez les powes en viltance, Ne jà por ce ne fêtes foie desmesurance, Ne por ce ne soiez de mauvèse beubance; Mes aiez en vo cuer toz jors en remembrance Que Diex vous a doné le sens et la poissance. Et celui qui vous done le biea et l'abondance En devez.-vous servir sanz mètre eaoubliance.

S'il mescbiet aucun homme, ne li reprovez jà, Quar vous ne savez mie quanqull vous avendra : Tels est ore granz sire qui moult abessera, Ne cbascuns ne set mie comment il ûnera.

Se vous véez un fol plain de mélancolie, Onques devant la gent ne le tariez mie, Quar il vous diroit tost ou feroit vilonie; Et s'il fesoil par vous une grande folie, Certes vous auriez part en celé vilonie.

Se vous amez un homme et vous foi i trovez, Gardez ne soit à tous légièrement meslez ; S'on vous dit mat de lui, por ce ne le créez Jusqu'à tant que fi droir-en soit bien esprovez, Que mains hom est à tort empiriez et grevez.

Se vous véez un homme aucune foiz mesprendre, Vous ne le devez mie vilainement reprendre, Mes si cortoisement enseigner et aprendre Que vous à bien le fêtes revenir et entendre.

Se vous estes cortois et larges et mélanz, Et que vous herbregiez sovent les repéranz, Vous porrez bien avoir en tel point sorvenanz Que vous ne serez mie bien aaisiez toz tanz : Selonc ce vous covient adès estre sachanz.

S'a vostre mengier estes d'aucune gent sorpris, Qu'il viegnent sanz viande çà cinc, çàsept, çà dis, Ne devez samblant fère que soiez esbahis; Mes Tètes bone chière, joie, solas et riz, Etlor prometez miex quant vous serez garnis.

Se ce sont bones genz, vous vous en passerez : Li uns bons c'on croit, l'autre jà mar le cuiderez ; Et se ce sont mauves, ne vous desconfortez, Que plus i auriez mis, plus seriez enganez.

Ne devez plus en cels reprendre ne remetre Que vous véez d'angoisse et d'envie remetre, Ainz les devez lessier, et aus bones gens mètre Qui de vous avancier se vuelent entremetre.

Se vous véez un homme vilainement mesdire, Ne devez pas son blasme avancier ne redire :

Ainçois le devez bien sagement escondire, Que maintes genz mesdient par envie ou par ire Ou par desconnoissance qu'il ne sevent bien dire. S'on blasme un homme à tort, jà n'en doit estre pire, Ainz doit-on assez miex le mesdisant despire.

Se vous volez un homme festoier ne joïr, .

Ne fère biau samblant, acoler ne chierir, Vous ne le devez mie en derrière escharnir :

Gentiz cuers ne doit mie en décevant trahir.

Se vous fêtes samblant d'amer aucune gent, Gardez que vostre cuers s'i acort bonement; Quar qui fet bone chière avoec mauves samblant, C'est rains de trahison et péchiez ensement.

Gardez-vous d'une chose, si ferez que senez, Que tout vostre couvine à la gent ne contez, Se ce n'est à tel gent que vous moult bien créez, De qui vous dorez estre aidiez et confortez.

Se vous avez richece, moustrez-le bêlement À Dieu et à ses proismes trestout premièrement Et puis après au siècle si débonèrement Que l'en n'en puist tenir nul vilain parlement.

Onques devant la gent ne vous chaut de tencier, Ne à vostre mesnie ne à vostre moi Hier; Ainçois les devez bien sagement chastoier Et de vostre parole durement csmaier,

S'il vous aiment et prisent, ce lor fera teirgjer.

Se voz sire vous baille son chastel à garder, En vo cner vous devez sagement aesmer Que vous soies hardiz et fier comme sengler ; S'en son chastel entrez, vous li devez tensser : Jà por roi ne por conte ne li devez fausser.

Et se voz sire n'a ne force ne poorr Du chastel à desfendre, fère vous doit savoir Que du chastel issiez par engien de savoir :

Quar qui pert bon serjant à tout son fort manoir, Li cuers li en doit moult et noircir et doloir.

Ne guerroiez à tort plus baut homme de vous, Quantpiuslra que vousn'esles vouspuet metreau desouz :

Li hom qui par coustume est mesliz et estous, S'il en a une joie il en a sept corouz.

Se vous avez meslée à foible ne à fort, Gardez que par vo sens le metez à son tort ; Quar quant li hom a droit, por voir le vous acort,. Assez plus de gent l'aiment et sont à son acort,

Et se vous poissanz estes, bien vous devez garder De plus povre de vous lédengier et fouler, Et se aucuns anuis vous i fet descorder, Gardez que l'en n'enpuistsor vous le tort torner.

Gardez-vous bien d'envie; quar sovent fet nuisance, Quar li enviex dervé quant li preudom s'avance, Jà volen tiers n'orra parler de sa vaillance,

Ainz le voudra blasmer d'aucune mésestance Por itant que le puist rceorder de s'enfance.

Certes, j'ai grant merveille d'une chétive gent Qui biaisaient les preudomraes à conseil coiement Et il méismes sont mauves à escient :

Bien sachiez que il font lor grant avillement.

D'une autre gent me sui merveilEez mainte foiz Qui font granz aatines, outrages et desroiz Et si ne valent riens aus guerres n'aus tornoiz : Certes, ce poise-moi qu'il ne sont plus cortoiz; Àusi puet aus peser quant si bien les connois.

Se vous estes aus armes corageus et hardis , Gardez par maies tèches ne perdez vostre pris ; Soiez cortois et sages, léaus et bien apris, Si que vous ne soiez vilainement repris.

Cuidiez-vous estre sires por un poi de proece? Puisque il n'a en vous aucune bonne lèche, Droiz est que voz bons pris faille tost et remccc : Honiz soit hardemenz où il n'a gentillece.

Ne devez jà mesdire por talent qui vous viegne, Mes de Dieu et d'onor tout adès vous soviegne, Et 8*0 a en vous lèche qui trop i mésaviegne, Ostez-le ensus de vous, si qu'ele n'i reviegne : Nus ne maintient folie que jà biens l'en aviegne.

Et quant li hora est plains d'aucun mauves anui Et il de ce méismes veut trop blasmer autrui*

i56 DOCTRINAL

N'est pas bien apenssez, irestoz certains en sui, Mi ex li venist oster sa mauvestié de lui.

S'aucuns hom vous fet bien, sa bonté essauciez; S'il a mauvèses tèches, toz cois vous en lésiez, Se ce n'est à conseil que vous le chastoiez; Et s'il ne vous veut croire, tout qoi si le lessiez. Celui qui bien vous fet, onques ne despisiez : Ou vous foi li portez, ou vous tost l'eslongiez; Quar li hom est moult fols vilains outrecuidiez Quant il blasme celui de qui il est aidiez.

Ne se venge pas bien qui le mauves Maslenge, Quar s'il vous mesfet rien, sa mauvestié vous venge; Et s' on prise preudomme, jà ni metez calenge, Ne devez abessier son pris ne sa loenge.

Vous ne vous devez mie par mesdire avancier, Ne por vous aloser autrui désavancier, Ne par mauvèse envie nul bien fet desprisier, Mes fêtes bones oevres, si vous ferez prisier.

Se vous mêlez le vostre en biaus mengîers doner,

N'en biaus ostex tenir, n'en la gent honorer,

Por Dieu et por le siècle et por vous aloser.

Ne devez mie après vo despens dolouser ;

Mes à cels qui l'ont pris plus biau samblant moslrer.

Et s'il avient ainsi que maies genz le prenent, Qui le vostre bien fet vous blasment et reprenent, Vous n'en valez rien pis, mes cil vers vous mesprenent,. El à garder le vostre assez miex vous aprenent.

S'il estoit aucuns hom et riches et poissanz Qui fust Tel et meslis, au siècle mal queranz, Dangereus à l'os tel, borderes et jenglanz, En la (in en seroit abaluz ses bobanz.

Or devons-nous parler de la bien haute gent, De rois, de dus, de contes, de princes ensement D'évesques,d'archevesques, de toz prélasbrîéme De trestoz cels à cui grant seignorie apent, Comment il doivent vivre et bien et saintement.

Se li hons a grant rente, ou terre ou chasement, Il est droiz et résons, par droit enseignement, Qu'il aint Dieu et sa Mère et honort hautement, Sainte Yglise desfende bien viguereusement,

Et si tiegne justice si droiturièrement Que amors ne haîne n'i ait avancement, Ne fausse covoitise n'i puist vaincre noient, Ne por mauves loier n'i ait faus jugement.

Ne lest pas ses baillis régner vilainement, Mes face toz jors droit bien et apertement, Et si voist droite voie sanz nul détriement, Si que il n'i regart ne ami ne parent, Et s'aucuns hons mesprent par fol entendement, Merci en doit avoir sans toz droiz bonement.

Vous qui poez doner les biens de sainte Yglise, Vous les devez doner léaument, en tel guise Que Diex en soit servis bien et bel sanz faintise;

Et se vous les vendez par coverte devise, Moult chier le comparrez ainz le jor du juise.

Oiez le Doctrinal, clerc et lai ensement :

Quant il co vient à Tomme despendre largement, Il le doit si bel fère et si avenanment Que l'en n'en puist tenir nul vilain parlement.

Après son grant despens se doit bien porvéir En quel point il porra son afère joïr, S'il entreprent la chose qu'il ne puisse soufrir ; Por un poi mètre avant ne se doit repentir, Que nus hom ne l'en puist par réson escharnir, Quar poi de chose fet un despens embelir Dont li espargnemenz fet grant blasme venir, Et si n'en puet l'en pas durement enrichir.

En quel point que il soit larges et despendanz, Des povres soufreteus li doit membrer toz tanz, Et s'il trueve les povres angoisseus et coustanz, Onques por ce ne soit d'à uni os ne repentanz.

Cil est por estre au siècle devant la gent joianz , Si soit toz jors vers Dieu de cuer humelianz Et vers ses bons voisins débonères et franz Et vers les outrageus ne soit pas si soufranz.

Bien retiegne son droit s' on à tort li cort seure ; Et si soit si cortots s'il en vient au deseure, S'on li crie merci, qu'il pardoinst en pou d'eure ; Quar qui mesfet pardone, il s'essauce et boneure,

Quant il sauve son droit et s'orior li demeure.

Puis que li haus hom set bien par son sens ouvrer Et que si conseiller ne 1' sevent miex loer, Ne doit son bon conseil por autrui sens muer; Quar autrui sens voit-on moult sovent achalcr.

Ce ne vous di-}e mie, ne ne doi tosmoingnier, C'on ne doie bien croire son mestre conseil lier, Mes cil qui par son sens se set bien avoier Ne doit son bon conseil por autrui sens lessier, Se on ne le puet fère à meillor apoier.

Bien doit li hauz hom estre jolis devant la gonl, Coin tes et acesmanz se il est de jovent, Et doit son cors tenir bel et apertement, Et si se puet vestir et bien et richement, Se Diex l'en done grâce par son avancement.

Or devons-nous le povre monstrer aucun savoir, Li povres hom doit tant aprendre et savoir Et tant de bones tèches et tenir et avoir, Que il en puist aquerre et honor et avoir.

/ Et qui n'a en cest siècle ne avoir ne richece, Si aint tant Dieu et croie et tout son cuer i mece Qu'il voist en Paradis en la très-grant hautece Où toz jors aura joie sanz ire et sanz tristrece.

Se li povres sert Dieu, si riches devendra Que jamès de povreté jor ne li sou vendra,

Et se li riches l'aime et croit à ce qu'il a,

Très-bien li doit garder, et fère ça et là

Son preu en toutes choses au miex que il saura.

Et li riche et li povre, tuit devons Dieu servir! Li riches lions doit bien tant fère et déservir Qu'il puist de sa richoise en plus haut leu venir Et en la haute joie de là sus avenir Où tempes ne orages ne' s puet espaorir.

Or i a une gent qui par fin estovoir

Les co vient- il au siècle et tenir et avoir

Les chevaus et les armes et les chasliaus avoir ;

Por bien tenir justice, moult i pueent valoir:

Ne poons pas tuit estre ne blanc moingne ne noir.

Bien pueent K riche homme bêle robe porter, Tenir bêle mesnie et riche don doner, Et fère fier samblant por lui fère douter, Et puis après si puet es biaus déduis aler ; Ne doit por son déduit sainte Yglise oublier, Ainz le doit essaucier et croislre et amonter, Et toz vilains péchiez ensus de lui oster; Nul vilain mot ne doit oïr ne escouler :

S' uns hom maine tel vie et ainsi puet finer, Par le mien escient, moult bien se puet sauver.

Ce dist li Doctrinaus Sauvages sanz mesprendre : Àinçois c'on doie un homme trop lédement reprendre Doit chascuns soi-méisme enseignier et aprendre : L'en doit bons mos oïr où l'en puet bien aprendre.

Gest Doctrinal doit l'en aprendre et retenir

Et les biens qu'il enseigne entendre et détenir:

Des bons entendemenz cscouter et oïr

Puet l'en tel chose aprendredont l'en puet bien j oïr.

Explicit le Doctrinal le Sauvage.