M. T. VII

au temps des deux plus grands et ambitieux princes qui furent jamais, lesquels avoient grand'euvye mettre le pied en Italie ; mais l'Espagnol a esté plus fin que le nostre, et ce duc s'est très bien gouverné. Il s'appelloit Cosme, et croy qu'encores il est en vie. Pendant tous ces pour-parlers , allèrent et revindrent huict jours durant de Florence au camp. Or le lundy sur le soir la capitulation fut apportée, et le matin le marquis m'avoit envoyé un trompette, me priant que je luy envoyasse deux gentils-hommes en qui j'eusse fiance , pour leur dire quelque chose qu'il vouloit que j'entendisse, et estoit venu à Sainct Lazare pour cesteffect. Je luy envoyay le sieur Cornelio et le capitaine Charry, ausquels il dit ce que portoit la capitulation, laquelle devoit arriver ce soir mesmes à la cité , et qu'entre autres choses il y avoit un article qui disoit que le sieur de Montluc avec les compagnies italiennes et françoises et tous officiers du Roy , sortiroient , bagues sauves , enseignes desployées, les armes sur le col et tabouria sonnant , et que cest article là ne me servoit de rien , car nous n'estions pas aux Sienois, ains au Roy ; et puis que nous n'estions à eux , ils n'avoyent aussi puissance de capituler pour nous , et qu'il falloit qu'on capitulast de la part du Roy pour nous , et que je capitulasse seulement de la part du Roy ; qu'il m'asseuroit que j'aurois tout ce que je demandois , et que, hors le service de l'Empereur, il feroit autant pour moy que pour le cardinal son frère ; et que luy et moy estions deux pauvres gentils-hommes qui avec les armes estions parvenu aux degrez d'honneur , que des plus grands de France et d'Italie seroient bien aises d'avoir nos places ; et leur dit qu'il attendroit là ma responce. Ils me trouvèrent à la porte Nove , où je me pourmenois avec messer Hieronym Espano; et, après avoir entendu ce qu'il me mandoit , je leur dis qu'ils luy allassent dire que je sçavois bien qu'il avoit leu les histoires romaines, là où il pouvoit avoir trouvé que du temps des anciens Romains belliqueux ils envoyèrent une de leurs colonies habiter en Gascogne, près des monts Pirenées, d'où j'estois natif; et que , s'il ne se vouloit contenter de ce que les Sienois m'avoient compris en leur capitulation , à la sortie je luy monstrerois que j'estois sorly et extrait des belliqueux Romains , qui aymoient mieux perdre cent vies , si tant en pouvoient recouvrer , qu'un doigt de leur honneur et réputation ; et que j'aymois mieux que les Sienois capitulassent pour moy que si je capitulois pour eux; et que pour moy, le nom de Montluc ne se trouveroit jamais en capitulation. Et ainsi s'en

COMMENTAIRES DE BLAISE DE MONTLUC. [l555j

retournèrent vers luy ; et comme ils luy eurent fait la responce, il leur dit eu italien : Che vol dire questo? mi pare che voljocar à la disperata. Altre voile io rese due forteresse cou ragione,ne per questo ne fui mai ripreso de Vlmperatore e no resta su Mujcsta a servir si di ine {i). Alors le sieur Cornelio luy dit que j'estois résolu en cela , et que j'aymois mieux mettre le tout au hasard de l'espée qu'au hasard d'une capitulation. Kt alors il leur dit : « Or bien, recommandez moi à luy, et dictes luy que je luy monstreray que je suis son amy, hors le service de l'Empereur et du duc de Florence, et qu'il sortira eu toute asseurance , selon la capitulation des Sienois , ou comme il luy plaira. » Et ainsi s'en retournèrent vers moy.

0 capitaines , que vous pouvez prendre icy un beau exemple : c'est que , comme vous vous trouverez en telles affaires , ne monstrez jamais avoir peur ; car il n'y a chose au monde qui mette tant l'ennemy en crainte , que quand il cognoist que le chef contre qui il a affaire ne s'estonne de rien , et (lu'il lui monstre tousjours en ses paroles qu'il se rengera plustost au combat qu'à la capitulation ; car il n'y a rien qui mette plustost l'ennemy à deviner ce qu'il doit faire , et user de ceste sorte , afin de donner aux siens grand courage. J'avois autant de peur qu'un autre , me voyant bien engagé , et nulles nouvelles de secours, ny de vivres, ny d'hommes ; mais que l'on demande à ceux qui sont encore en vie si jamais ils cogneurent que je m'estonnasse non plus que le premier jour que j'y entray ; et au dernier , que nous estions réduits en extrême nécessité de toutes choses , ce fut alors que je fis plus le résolu de combattre qu'auparavant. Et croy que cela servit de beaucoup aux Sienois et à nous d'avoir toute telle composition , comme si nous l'eussions faicte dés le premier jour que les ennemis nous assiégèrent. Le soir arriva la capitulation bien tard, et le mardy matin quatre de la seigneurie portèrent la nostre , où je trouvay un article qu'un chacun , de quelque bas estât et condition qu'il fust, sortiroit avec leurs bagues sauves , femmes et enfaus qui voudroient sortir, sauf et réservé les bannis et rehcUes de l'Estat de l'Empereur, du roy d'Angleterre qui estoit le roy Philippe (2), et du duc de Florence. Alors je cogneus bien que cest article tomboit sur les pauvres Florentins qui estoient dans la cité avec nous , et qui avoient esté bannis pour la part de

(I) «Que veut dire ceci? Il me paroît que "M. de Montluc veut agir eu desespéré. J ai aulrelois rendu deux places par coiupositiou , sans que l'Empereur m'en ait

monsieur de Strossi. Il y avoit aussi des Neapolitains et Milanois, de façon que je voyois là perdre plus de cent hommes , et mettre leurs testes sur l'eschaffaut. Alors je dis aux seigneurs qu'ils s'en retournassent , et que dans une heure je m'en irois à eux , et leur monstrerois la tromperie qui estoit dans leur capitulation , et que promptement ils assemblassent les plus grands . de la cité , ce qu'ils firent ; et prius le sieur Cornelio et Bartholomé Cavalcan, qui pensa mourir de peur quand il entendit ma proposition , car il estoit Florentin.

Seigneurs, j'ay veu vostre capitulation, qui tend plustost à vous faire coupper la teste que non à la conservation de vos vies et biens. Vous voyez un article, que tous generallement jouyrout de la capitulation, leurs bagues sauves, sauf et réservé les rehelles de l'Estat de l'Empereur , du roy d'Angleterre et du duc de Florence. Or vous sçavez que l'Empereur vous a faiet déclarer rebelles à la chambre imperialle , comme sujets de l'Empire , pour vous estre rebellez contre luy. Vdir là donc , vous voyez que vous estes déclarez sujects , et vous autres dictes que non , et que vous estes seulement recommandez à l'Empire. Le procès n'est point encores jugé , pour voir si vous estes sujects ou recommandez ; et quand les ennemis seront icy dedans, et que vous serez en leur puissance, quels juges voulez-vous qui jugent ce procès , sinon les bourreaux avec vos testes ? ce seront les pièces qu'ils visiteront. Or , messieurs , je vous vois tous morts , vos biens confisquez , vos femmes et vos enfans en perdition. Quant à moy et aux soldats , ils nous laisseront sortir seurement ; car les gens de guerre passent par tout , et tousjours avec meilleur marché que les autres : ils sçavent que nous n'avons rien à perdre que nos armes , et que nous sommes tenus d'obeyr à nostre prince. Que s'ils nous font quelque outrage , à nostre tour nous en aurons la raison , car les hommes se rencontrent plustost que les montaignes. Mais tout le malheur tombera sur vous, veu l'inimitié que l'Empereur et le Duc vous portent. Un prince ne pardonne guère à son suject qui s'est rebellé, et, s'il a moyen d'y trouver à redire, il ne faudra d'en prendre l'occasion. Et pource que nous avons vescu si longuement ensemble sans jamais avoir eu une seule parolle de coUere entre vous et moy qui ay receu tant d'honneur de vous autres , si vous me voulez croire , nous ferons penser au marquis

témoigné de méconlenlemeut ; et il n'en a pas moins con» tinué depuis de m'employer à son service. »

(2) PliilippeU, depuis roi d'Espagne. Il avoU épousé Marie V^, reine d'Angleterre,

chose à laquelle peut estre n'a il encore pensé ; c'est que nous sortions les armes à la main au combat , et luy donnions la bataille : et faut croire que Dieu nous aydera et sera pour nous , veu la cruauté qu'ils veulent exécuter en vostre endroit. Et de moy . je vous offre ma vie , et de tous mes capitaines et soldats pour mourir avec vous, afin que tous mourions et vivions ensemble , plustost que de vous voir ainsi trahis et vendus. Credete à me , à me dico , cheson vecchio , et à cui sono passatc moite cose inanzi U occhi (1). »

Or m'asseurois-je bien que cest article n'y avoit pas esté mis pour eux, mais seulement pour ceux que j'ay nommé ; et trouvay ceste invention afin d'emmener les Sienois au combat avec nous , car j'ay mois mieux mettre le tout au hazard , que de perdre un seul homme de ceux qui estoient dedans la ville, et qui sous ma parole s'y estoient opiniastrez. Ils prindrent cela pour argent comptant , et se résolurent tous, après que j'en fus party , à combattre. Et tout incontinent leur manday ce qu'il falloit faire, qu'estoit que les gonfaloniers commanderoient de faire affiner les poudres de leurs gens, et esmoudre leurs espées, hallebardes et fers de picques , et qu'à peine de la vie , il n'y eust homme de ceux qui pourroient porter les armes, qui ne fust près dans deux jours, et que tous les prestres et religieux qui avoient pris les armes pour deffendre la cité à la batterie , les eussent à prendre sous les mesmes capitaines qu'ils estoient. Et croy que , pour deux ou trois jours , il ne se vit un plus grand remuement de gens en ville. Les deux députez, qui avoient sauf conduit du duc de Florence et du marquis , tournèrent vers les trois heures après midy au marquis , et luy monstrerent cest article , qui avoit mis en desespoir toute la cité et les soldats mesmes, et luy dirent la délibération ; et par quelques advertissemens , il entendit le remuement et appareil qui se faisoit dans la cité pour le combattre : ce qui fut cause qu'il depescha toute la nuict vers le duc de Florence et dom Johan Manricou , lequel je vis depuis près la royne d'Espagne à Bayonne , les advertir du tout , et qu'il les prioit qu'à présent qu'il estoit sur le poinct d'avoir la ville, pour cet article là, ne le missent au hazard de perdre le tout , et qu'ils considérassent qu'il

(1) Il Croyez-moi, moi qui suis vieux et qui ai yu bien des choses. »

(2) Cette capitulation fut arrêtée à riorence'le 2 avril, Pecci l'a copiée sur l'original, conservé aux archives de Sienne : on n'y trouve pohit le changement dont il est ici question. Comme elle ne contient rien qui puisse nous

avoit affaire avec un bon chef et vieux soldat , me louant deux fois plus que je ne vallois ; et que ;, comme ils seavoient eux-mesmes , il avoit perdu près de la moitié de son armée, et encores en avoit-il beaucoup de malades , et qu'il n V voit pas vingt hommes de cheval, car il n'avoit rien pour les nourrir , ny moyen de les y faire venir ; et qu'ils considérassent et pesassent bien cest affaire ; que , quant à luy , il se deschargeroit sur eux. Et comme le duc de Florence et dom Johan virent la délibération, ils luy envoyèrent le CousigQou, secrétaire et principal du duc , avec la carte blanche , et qu'il y mist tout ce que nous voudrions, car il luy tardoit qu'il ne fust maistre de la ville. Ce fut le mercredy matin que le Cousignou arriva : et envoya chercher ledit marquis les deux députez qui estoient rentrez le mardy au soir dans la ville , et couchèrent dedans les articles , que tous ceux qui seroient bannis et rebelles de l'Estat de l'Empereur , de l'Empire et du duc de Florence , sortiroyent en toute seureté comme les autres (2). Et ainsi allasmes jusques au dimanche matin , qui estoit le vingt deuxiesme d'avril , que nous sortismes , ainsi que s'ensuit.

Avant que personne de nous sortist , je remis la citadelle et le fort de Camolia entre les mains des Sienois, là où ils meirent une enseigne en chacun ; et leur fis mettre une enseigne eu chasque porte de la cité, que nous tenions ouverte , puis revins à porte Nove. Le marquis avoit fait mettre toute son infanterie espagnolle tout au long de la rue qui va à Sainct Lazare deçà et delà , ses Allemans en bataille un peu à main droicte dans un champ ; et à Sainct Lazare estoit le sieur Cabry , son nepveu , avec cinquante ou soixante chevaux , qui est tout ce qu'ils avoient, comme desja j'ay escrit, et trois cens arquebusiers italiens qu'il avoit pris dans les forts de Sainct Marc et Camolia, qui estoit la garde que le marquis avoit ordonné pour nous faire compagnie. Le sieur Cornelio et le comte de Gayas armez , la picque sur le col , coste et coste, une trouppe d'arquebusiers après eux, et après, deux capitaines qui amenoieut la teste des picquiers là où il y avoit force corselets, et au milieu des picquiers les enseignes desployées et haussées , et à la queue des picquiers le demeurant des arquebusiers , et deux

intéresser, nous croyons inutile d'en donner la traduction, Pecci ne parle point de la resolution, prise dans le sénat, de combattre le marquis ; il ne s'accorde pas avec Montluc sur le jour de l'arrivée de Coucino. Les détails qu'il ajoute sont peu importants; mais ils fout i-essortir la fermeté du maréchal et la noblesse de son caractère.

COMMENTAIRES DE BLAISE DE MONTLUC. [ISSàJ

capitaines à leur queue. Le samedy j'avois envoyé prier le marquis qu'il voulust userd'honuesteté envers les femmes anciennes et les enfans qui sortoient avec nous , de nous prester quarante ou cinquante mulets de ceux de sa munition ; ce qu'il fit , et avant sortir les fis distribuer aux Sienois, lesquels chargèrent les anciennes femmes et quelques enfans sur leurs genoux. Tout le reste estoit à pied, là où il y avoit plus de cent filles suyvant leurs pères et mères , et des femmes qui portoient des berceaux où estoient leurs enfans sur leurs testes ; et eussiez veu beaucoup d'hommes qui tenoient en une main leur fille, et en l'autre leur femme ; et furent nombrez à plus de huict ceus hommes , femmes et enfans. J'avois veu une grande pitié aux bouches inutiles , mais j'en vis bien autant à la despartie de ceux qui s'en venoient avec nous , et ceux qui demeuroient. Oncques en ma vie je n ay veu despartie si désolée; et, encores que nos soldats eussent paty jusques à toute extrémité, si regrettoient-ils infiniement ceste despartie , et qu'ils n'eussent la commodité de sauver la liberté de ce peuple, et moy encore plus , qui ne peus sans larmes voir toute ceste misère , regrettant infiniement ce peuple , qui s' estoit monstre si devotieux à sauver sa liberté. Et après que le sieur Coruelio fut dehors (1) , tous les Italiens sortirent , et les citadins à la queue des Italiens (2). Puis sortit , à la teste de nos François. Sainct Auban et Lussan armez, les picques sur le col , et après eux , une trouppe d'arquebusiers , et à la teste des picquiei-s deux capitaines : plus une trouppe d'arquebusiers que le capitaine Charry etBlacon comraandoit, ayans chacun une hallebarde à la main, et les enseignes au milieu des picquiers, tout ainsi que les Italiens. Apres je sortis armé et messer Hieronym Espano coste à coste de moy ; car je eraignoisque l'on le prist, pource qu'il estoit l'un des principaux autheurs de la révolte de la cité : il estoit sur un cheval turc vieux , et moy sur un autre bien maigre et harassé ; encore faisois-je bonne mine. Je laissai deux enseignes sienoises à la porte , et les priay de la fermer incontinent après moy , et ne l'ouvrir jusques à ce que le marquis luy-mesme arrivast à icelle. Ledict marquis alloit et venoit , et le seigneur Chiapin Vitello avec luy, tout au long des files, pour garder que personne ne touchast

aux Sienois ; car . quant à nostre bagage , il estoit si petit qu'il ne faisoit poinct de nombre. Les trois maistres de camp des Espagnols me vindrent saluer , et tous leurs capitaines. Les maistres de camp ne descendirent poinct , mais tous les capitaines descendirent et me vindrent embrasser la jambe , puis remontèrent à cheval et m'accompagnèrent jusqu'à ce que nous trouvasmes le marquis et le sieur Chiapin , qui pouvoient estre à trois cens pas de la porte de la ville; et là nous nous embrassasmes , me meircnt au milieu d'eux , et allasmes tousjours parlant du siège et des particularitez qui y estoient survenues, nous attribuant beaucoup d'honneur ; mesmes me dict qu'il m'avoit beaucoup d'/Obligation, car, outre qu'il avoit aprins beaucoup de ruses de guerre, j'estois cause qu'il estoit guery des gouttes. Et me conta la peur qu'il avoit eu, et le gentilhomme de l'Empereur. Gela ne se passa pas sans rire. Je luy dis qu'il m'avoit bien faict plus de peurlanuict de l'escallade , et si pour cela je n'estois pas guery de ma fièvre. Sur quoy je luy dis qu'il avoit fait une grande faute d'estre venu à moy, comme firent les Juifs pour prendre nostre Seigneur, car ils avoieut apporté lanternes et flambeaux, qui me donnoit grand advantage. Il me respondit, baissant la teste , car il estoit fort courtois : Signor, un' altra voila saro più savio (3). Apres je luy racontay que, s'il eust continué sa batterie , il n'en eust pas eu si bon marché ; que les Gascons estoient d'une nation opiniastre , mais qu'ils estoient de chair et d'os comme les autres , qu'il falloit manger. Sur ce propos et autres nous nous entretinsmes jusques à ce que nous fusmes un mil au delà Sainct Lazare ; et là il dict au sieur Chiapin Vitello qu'il allast à la teste de nos gens, et qu'il parlast au sieur Cabry qu'il gardast bien qu'aucun desordre ne se fist , et que , si personne faisoit semblant de rien prendre du nostre , qu'il tuast tous ceux qui y mettroient la main , et qu'il commandast le mesme au capitaine des trois cens arquebusiers. Et comme le sieur Chiapin se fust departy de nous, le marquis m'embrassa, me disant ces paroles en aussi bon françois que j'eusse sçeu dire : a Adieu , monsieur de Montluc , je vous prie , recommandez moy tres-humblement à la bonne grâce du lloy ; asseurez le que je luy suis très humble et affectionné servi-

(1) De Thou , dans ce qu'il dit du siège de Sienne, se conforme au récit de Montluc.

(2) On lit, dans une chronique du temps, que deux cent (luarantc-doux familles nobles et trois cent quarantc-cini| familles i)k'bc'iennes sortirent avec Montluc , t>t que les Autrichiens, à leur entrée, ne trouvèrent pas

si\ mille habilans dans Sienne , qui en avoit compté jusqu'il (inaraiite mille. Los réfugiés s'établirent à Montalcin, où ils créèicnt une petite république, qui se soutint pendant quatie ans , et lut ensuite soumise au duc de Florence.

(.3) ■ Monsiçur, je serai plus sage une autre fois. »

teur, autant que gentilhomme qui soit en Italie, mon honneur sauve. » Alors je le remereiay de la bonne volonté qu'il portoit au Roy , et courtoisies que j avois receués de luy, desquelles je porterois tesmoignage par tout, et m'en revaneherois là où j'aurois moyen de luy faire service. Il m'en offrit de mesme , et ainsi nous tournasmes r'embrasser. Il n'avoit pas avec luy alors que quatre ou cinq chevaux , car tout estoit derrière en mesme ordre qu'il avoit laissé, et s'en retourna ; et bientost après reprins le sieur Chiapin Vitello ( 1 ) , et nous embrassasmes et dismes à Dieu.

Nous allasmes à Arbierroutte , qui est un petit village sur la Tresse , ou bien la rivière mesme s'appelle Arbie, et là trouvasmes dixhuict asnes chargés de pain , que le marquis y avoit envoyé pour le nous distribuer en passant; et en baillay une partie aux Sienois, une autre aux Italiens , et l'autre aux François ; et , passant parmy les Espagnols, les soldats avoient porté des pains toutexprez, et en donnoient aux nostres. Je veux dire, au tesmoignage de ceux qui y estoient, avec moy, que ce pain là sauva la vie à plus de deux cens personnes , et s'en trouvera prou qui diront à plus de quatre cens. Et encore ne se peust-il faire qu'il n'en mourut plus de cinquante ce jour-là mesme ; car nous avions demeuré depuis le mercredy jusques au dimanche sans manger que six onces de biscuit le jour pour homme; et le jeudy, de deux chevaux que j'avois, j'en fis tuer un qui vaudroit à présent plus de deux cens escuz : il est vray qu'il estoit pour lors bien maigre; et le despartis par toutes les compagnies françoises et italiennes, et fis prendre toute l'huilie des lampes des églises, et la distribuay pareillement aux soldats; et avec des mauves et orties faisoient cuire ceste chair et huille , et ainsi se sustentèrent jusques au dimanche matin , qu'il n'y avoit homme , quand nous sortismes , qu'eust mangé un morceau. Le marquis me fit apporter quatre flascons de vin, avec cinq ou six pains blancs; et, comme nous fusmes à Arbierroutte, fismes halte au long de la rivière , sous des sauls qu'il y avoit, mangeans ce pain. Je donnay deux des flascons de vin aux Sienois, les autres deux nous les beusmes, chacun un peu , et après nous mismes en chemin droict à Montalsin. Et comme nous fusmes près de Bonconvent, où estoit la garnison , le sieur Cabry en fit retourner l'escorte à pied ; et jusques à ce qu'il veit monsieur de Strossi , qui ^ enoit au devant de nous avec trouppe de gens à cheval y il ne nous

(I) Ghiaplno Vitelli, mai-quis de Cetoaa.

abandonna ; et alors il me dict à Dieu , et nous embrassa, comme U fit les sieurs Cornelio, comte de Gayas , et tous nos capitaines , car il estoit un fort honneste gentilhomme et brave soldat , s'ils en avoient en leur camp. Et ainsi arrivasmes à monsieur de Strossi , et nous embrassasmes sans nous pouvoir dire mot ; et ne sçay lequel de nous deux avoit plus le cœur serré, pour le souvenir de nos fortunes. Et ainsi arrivasmes tous descharuez, et presque ressemblans des morts , à Montalsin , qui estoit le dimanche ; et le lundy et le mardy demeurasmes enfermez avec les thresoriers et contrerooUeurs, pour regarder à la despence et à ce que j'avois emprunté pour prester aux soldats; et trouvasmes que le Roy nous devoit quatre mois. Et me donna ledict sieur de Strossi du sien propre, pour m'en retourner en France, cinq cens escus : je jurerois qu'il ne luy en demeura pas la moitié autant, car le sieur Cornelio et moy fusmes contraincts d'emprunter quatre cens escus pour desengager son grand ordre, qu'il avoit engagé chez un Juif au commencement qu'il arriva à Siene. Je les luy voulus rendre depuis, et mesme à Thion ville, mais jamais il ne les voulut reprendre, et se mocquoitde moy. Voilà la fin du siège.

0 mes compaignons qui me ferez cest honneur que de lire mon livre , ne m'accordez vous pas ce que j'ay dict cy-dessus, que Dieu avoit accompaigné autant ma fortune qu'il feit jamais à capitaine de mon aage. Vous avez noté les grandes adversitez que j'euz en ce siège , et le peu de moyen que j'avois, sans qu'on m'en peust donner de dehors , pour estre le Roy fort engagé de tous costez. Vous avez entendu qu'aucun n'espargnoit rien ; vous avez aussi veu la grand famine que j'y enduray, les traverses que me donnoit le marquis , l'extrémité où je fuz reduict. Et si bien le considérez , trouverez que j'ay esté autant secouru de Dieu qu'homme qui ait porté les armes il y a cent ans. Je ne peus mentir en mon livre, car il y a trop de tesmoins qui sont en vie. Cognoissez vous si je vous ay dict la vérité, quand j'ay escrit qu'il faut employer tout ce que Dieu a mis aux hommes, avant que se tenir pour vaincu? Cognoissez vous s'il me fallut rien oublier, et que , si j'eusse rien oublié , en quel estât je me trouvois et mettois ceste pauvre cité, et mettois encores l'honneur du Roy et sa réputation en dispute par tout le monde? Il ne m'en souvient jamais que je n'en demeure eu tristesse, pour la folie que j'avois faicte d'avoir mis la cité, et tous nous autres, jusques au dernier morceau , et à la discrétion des ennemis, et perte de l'honneur et réputation

lôO

du Roy ; car il ne vouloit pas que je me laissasse réduire à cela : et que l'on le demande à monsieur de La Chappelle aux Ursins (1), que Sa Majesté despescha expressément pour m'advertir que je ne me laissasse mettre à telle extrémité de sortir avec une réputation honteuse pour luy.

Les princes sont glorieux, et combattent plus pour la gloire et l'honneur que pour acquest. Et veux dire que ce ne fut pas œuvre d'hommes, mais œuvre de Dieu, d'en eschapper en ceste sorte. Deux jours avant que nous sortissions de Siene, le sénat me bailla mon acquit en patente , signée de leur seel , confessant làdedans que je n'avois point voulu capituler pour la ville ny pour nous, mais aussi que, veu l'extrémité en quoy ils estoient reduicts, je ne les avois pas voulu empescher, m'appellant en tesmoignage de la loyauté et fidélité qu'ils avoient monstre au service du Roy, n'ayant aucunement failly au serment qu'ils luy avoient donné, et que je sortois sur leur capitulation, et non eux sur la mienne. Or, où trouverez vous Hvre qui parle que jamais homme soit sorty d'une place sans capitulation , sinon qu'il en sortit de nuict à la desrobée , mais non de la sorte que j'en sortis? car chacun confessera que je n'estois pas aux Sienois , et par conséquent ils ne pouvoient pas capituler pour moy , comme dict le marquis au seigneur Cornelio et au capitaine Charry. Si est-ce que , par la volonté de Dieu , j'en sortis en ceste sorte ; et se trouvera la patente dans le thresor du Roy, comme je diray cy après.

Je sçay bien , messieurs les gouverneurs , que plusieurs d'entre vous prendrez plaisir à ce que j'ay à vous dire sur le gouvernement et conservation des places, et que d'autres l'estimeront fort peu , parce qu'il y en a de si bon naturel , qui pensent sçavoir toutes choses d'eux mesmes, et n'estiment rien le sçavoir ni l'expérience d'autruy , comme si Dieu les avoit fait naistre sçavans dés le ventre de leur mère, comme sainct Jean Baptiste. Voyla pourquoy il ne se faut pas estonner si on voit tomber tant de gens en malheur; car l'outrecuidance les y mené par la main , et après les faict tomber du haut en bas un si grand saut , qu'ils ne se peuvent relever. Ce ne seroit rien si la cheute ne faisoit mal qu'à eux, mais le Roy et le peuple s'en sentent. Ne desdaignez donc d'apprendre; et, encore que vous soyez bien expérimentez, cela ne vous peut nuire . d'escouter et lire les discours des vieux capitaines. Estant en l'aage de vingt cinq

(•) Christophe Jouveael de La CbapclIc-aux-Ursius.

ans, je prenois plus de plaisir à ouyr discourir les vieux guerriers, que je ne fis jamais à entretenir la plus belle dame que j'aye jamais aymé. Escoutez donc ce que j'ay à vous dire.

Quand vostre maistre vous baille une place en garde, vous devez considérer trois choses: la première , l'honneur qu'il vous faict de se fier tant en vostre sagesse , valleur et bon entendement, de faire choix de vous pour vous bailler une charge de telle importance. L'honneur qu'il vous fait n'est pas petit, car il honnore non seulement vostre personne, mais toute vostre race, vous baillant en charge une clef de son royaume , ou quelque ville qui luy importe grandement, comme estoit celle dont je vous ay représenté le siège. Cest honneur, disje, qu'il vous fait, traisue une queue si longue, que non seulement vostre renommée s'estend par tout le royaume d'où vous estes sorty, et aux environs de la place que vous deffendrez , mais aussi par tout le monde. îNous sommes curieux d'entendre ce qui se faict , bien et mal , qui est bon et mauvais; et, encore que nous n'y ayons interest, si voulons nous sçavoir toutes choses : c'est le naturel de l'homme. Et ainsi par tous les pays estrangers vostre nom sera cogneu pour jamais , en bien ou mal ; car tout ce qui se faict est mis par escrit; et , sans les escritures qui se font parmy le monde, la pluspart des gens d'honneur ne se soucieroient d'acquérir de la réputation, car elle couste trop cher. Jamais homme n'en eust à pire marché que moy; mais l'honneste désir que nous avons de perpétuer nostre nom, comme on faict par les escrits, est cause que la peine semble bien douce àceluy qui a un cœur généreux. Il me sembloit , lors que je me faisois lire Tite-Live , que je voyois en vie ces braves Scipions , Gâtons et Césars ; et quand j'estois à Rome, voyant le Capi toile, me ressouvenant de ce que j'avois ouy dire (car de moy j'estois un mauvais lecteur ) , il me sembloit que je devois trouver là ces anciens Romains. Donc les historiens, qui ne laissent rien à mettre en leurs livres, marquerojit vostre nom en blanc et eu noir, avec gloire ou avec honte, comme vous voyez qu'ils ont faict de tant de capitaines qui nous ont devancez.

La seconde chose que vous devez mettre devant vos yeux , c'est que vous devez penser, si vous perdez vostre place , quel dommage vous apportez premièrement au Roy ; car c'est son bien et sa maison , n'y ayant aucune place de garde que ce ne soit proprement la maison du Roy ; outre que les revenus sont siens , et dont vous le privez en perdant la place , et enrichissez son cnncmy , augmentez son honneur, et faietes

qui voit dans les his

honte à vostre maistre toires escrit pour jamais que sous son règne une telle place s'est perdue. Puis vous devez penser au dommage que vous portez à ses pauvres sujects , combien de malédictions vous donneront ceux qui sont voisins de la place que vous aurez perdue, car ils seront destruits. Par vostre nonchalance , ou faute de cœur, ils sont ruinez et perdus. Ils maudiront l'heure que vous fustes jamais né , et sur tout les pauvres habitans qui ont , par vostre faute , changé de roy et de maistre , ou bien , chargeant leurs enfants sur les espaules , ont esté contraints d'aller cercher domicilie ailleurs. 0 que ces pauvres Anglois, qui sestoient accasez depuis trois cens ans dans la ville de Calais, doyvent maudire la lascheté et poltronnerie de celuy qui si laschement laissa perdre une si bonne place ! Comment pourrez vous lever les yeux si vous tombez en tel malheur ? Au para vaut , vous estiez honoré et estimé ; tout le monde se resjoiiissoit de vostre venue , priant Dieu pour vous qu'il vous conservast. Que si ce malheur vous advient, au lieu de louanges, vous aurez des injures, pour prières malédictions, et vous donneront à tous les diables ; et, au Heu de vous caresser, on vous tournera le dos, chacun vous monstrera au doigt ; de sorte que cent fois le jour vous maudirez l'heure que vous n'estes mort dans vostre place, plustost que de la rendre honteusement.

Non seulement vostre maistre , les princes et seigneurs vous verront de mauvais œil , mais les femmes et les enfans. Et veux encore passer plus outre , que vostre propre femme , encore qu'elle face semblant de vous aymer , elle vous hay ra et estimera moins dans son cœur; car le naturel de toutes les femmes est tel , qu'elles hayssent mortellement les couards et les poltrons , encore qu'ils soient bien peignez, et ayment les hardis et courageux, pour laids et difformes qu'ils soient. Elles participent à vostre honte; et , quoy qu'elles soient entre vos bras dans le lict , faisant semblant d'estre bien aises de vostre retour, elles voudroient que vous fussiez esté estouffé, ou qu'une canonnade vous eust emporté. Car, tout ainsi que nous pensons que la plus grande honte d'un homme est d'avoir une femme putain , les femmes aussi pensent que la plus grande honte qu'elles ayent est d'avoir un mari couard. Ainsi vous voy-là bien accommodé , monsieur le gouverneur qui aurez perdu vostre place , veu que dans vostre propre lict on vous maudira.

Mais que dirons nous de vos enfans? on leui* reprochera qu'ils sont fils d'un père lasche , et

verront son nom par escrit , et les mal-heurs dont il aura esté cause ; car il n'y eut jamais perte de place , si petite soit elle, qui n'apporte une infinité de maux. Il court un si grand malheur pour vos enfans , qu'il faut que , pour esteindre vostre vilaine renommée , et mettre la leur en crédit , ils bazardent leur vie à tout propos , sans discrétion ; et bien peu eschappent sans mourir , de ceux qui par ce moyen se veulent faire remarquer. Combien enay-je veu en. mon temps, lesquels, ayant fait quelque signalée faute , la voulant reparer se sont perdus, voire exposez à la mort au premier hazart, ayant regret de vivre ! Que si vos enfans eschappent de ce malheur , encore craindra le Roy , quelque grande réputation qu'ils ayent acquise, de leur bailler une place en garde , craignant que les enfans ne ressemblent au père , comme il advient ordinairement. Ainsi vous ne vous ruinez pas seulement , mais toute vostre postérité.

Pour éviter et rompre le col à vostre mauvaise fortune et à tous ces malheurs , il y a bon remède, lequel je me suis appris moy-mesme, et suis contant de le vous enseigner si vous ne le sçavez. Premièrement vous devez considérer tout ce que je vous ay dict , et mettre d'un costé la honte , de l'autre l'honneur que vous aurez si vous deffendez courageusement vostre place, demeurant victorieux, ou, pour le moins, ayant fait tout ce qu'un homme de bien peut faire , de sortir triomphant et comme vainqueur , encore que vous soyez vaincu , comme vous voyez que je fis en ce siège. Songez tousjours que vous voyez vostre prince et vostre maistre devant vous , et quel visage vous devez espérer si par vostre lascheté vous perdez sa place. Et pource qu'il n'y a eu jamais commencement en une chose qu'il n'y aye aussi sa fin , songez dés l'entrée quelle doit estre la fin , et pensez que vostre maistre ne vous a pas baillé ceste place pour la rendre, mais pour la sauver; (fu'il ne vous l'a pas donnée pour y vivre seulement , mais aussi pour y mourir , s'il est besoin , en combattant. Si vous luy demandiez à vostre départ : voulezvous que je meure avant la rendre? il vous dira que vous devez combattre jusques au dernier jour de vostre vie, car puis que vous estes sou suject elle est à luy. Le seigneur de Jarnac diso'it quelque jour au Roy nostre maistre que c'estoit la plus grande ruze et finesse dont les roys se soient jamais advisez, d'avoir fait accroire à leurs sujects que leur vie estoit à eux, et que leur plus grand honneur estoit de mourir pour leur service, mais aussi c'a voit esté une grande sottise à nous de le croire , ny faire tant d'estat de ce beau lict d'honneur. Si est-il vray

COiMMEMAUlES DE I5LAISE J)!: MO.NTLliC. [1555J

pourtant, car nos vies et uos4)ieus sont à nos roys , 1 ame est à Dieu , et l'honneur à nous ; car sur mon honneur mon roy ne peut rien.

Pour retourner à ce que je vous ay dit , si vous n'avez ceste resolution en vous-mesmes acceptant la charge qu'on vous donne , vous ferez mieux de vous excuser : il y a assez moyen de se descharger, et y en a prou (1) qui prendront volontiers ce que vous refuserez. Que si vous l'acceptez en ceste dehberation pour en venir bien à bout, faictes une chose, ne pensez jamais à vostre mort : c'est affaire à un sot d'avoir peur de mourir s'il ne la void à trois doigts de luy; encore faut-il qu'il pense lors qu'elle est à cent lieues. Songez au contraire comment vous la pourrez donner à vos ennemis; car si vous entrez en l'appréhension et crainte de la mort , tenez hardiment vostre place pour perdue ; car ceste peur vous desrobe le sens et l'entendement , qui est la meilleure pièce de vostre harnois : vous avez beau estre vaillant si cela vous mau([ue au besoin. Donc si vous la voulez conserver, il ne faut pas que vous entriez en ceste crainte de mourir, car la peur ne nous vient que trop d'elle mesme et de nostre naturel, sans que nous l'aydions à venir par nos imaginations. Il la faut rejetter si elle s'offre devant vous : ayez soudain recours à l'intention du Roy, et pourquoy il vous a mis là ; songez au deshonneur et honte où vous allez entrer ; lisez ou faites vous lire souvent les livres qiu parlent de l'honneur des grands capitaines , mesme ceux qui ont escrit de nostre temps, comme Laugey, et un autre qui a escrit en itahcn, je ne scay comme il s'appelle, qui a si bien escrit depuis le roy Charles huictiesme : souvent je me le suis fait lire , c'est un bon autheur. Pleust à Dieu que nous qui portons les armes prinsions ceste coustume d'cscrire ce que nous voyons et faisons ; car il me semble que cela seroit mieux accommodé de nostre main [j'entends du fait de la guerre] que non pas des gens de lettres : car ils desguisent trop les choses, et cela sent son clerc. Lisezdonc ces livres, et songez en vousmesmes : Si je fais comme Anthoine de Levé à Pavie , le sieur de Lude à Fontarabie , le seigneur de Bouillon à Peronne , le seigneur de Sansac à la Mirande, et Montluc àSiene, que dira-on de moy ! quel honneur rapportera y-je à ma maison! et au contraire si je me rends, quelle honte et infamie pour moy et pour les miens ! Ayez après vostre recours à Dieu, et le priez qu'il vous gai-de de tomber en ces mal-heurs, luy remettant le tout entre les mains. Apres cela aydez vous de

0) Assez.

tout ce qu'il a mis en la puissance des hommes, comme vous voyez que j'ay fait en ce siège; et sur tout soyez diligens et vigilaus, songeant tousjours il vostre charge. Si vous faites cela avec l'oubly de la mort et du danger , vous aurez le moyen de conserver vostre place , quand ce seroit un pigeonnier ; et quand bien elle se perdra , y ayant fait vostre devoir , croyez qu'alors Dieu y a mis la main. H faut tousjours tenter; car j'ay veu souvent perdre ce qu'on n'eust jamais pensé, et sauver tel qu'on tenoit pour perdu. Si vous y mourez , vous ne vous deshonnorerez ny vostre postérité , et si vous vous enterrerez avec une immortelle réputation , qu'est tout ce que les hommes qui portent les armes doivent désirer ; car l'homme qui a peur de mourir ne doit jamais aller à la guerre, puis qu'au monde il y a tant d'autres exercices ou l'homme peut appli({uer son esprit et son entendement , mesmement en ce royaume de France où il y a tant d'ordres , soit de justice , soit des finances, et trop pour le bien du Roy et de son Estât; car tant de belle jeunesse vit inutile , laquelle seroit propre à porter les armes. Entrant quelque fois aux parlemens de Thoulouse et Bordeaux , depuis que je fus lieutenant du Roy en Guyenne, je me suis cent fois estonné comme il estoit possible que tant de jeunes hommes s'amusassent ainsi dans un palais , veu qu'ordinairement le sang boult à la jeunesse. Je croy que ce n'est que quelque accoustumauce; et le Roy ne sçauroit mieux faire que de chasser ces gens de là , et les accoustumer aux armes. Et pour retourner à vous qui commandez dans les places , et vous qui vous y voulez enfermer , si vous craignez tant la mort, n'y allez pas, combien que ce soit une folie de la craindre : ceux qui soutient les charbons en leurs maisons n'en sont pas plus exempts que les autres ; et ne sçay pas quel choix il y a de mourir d'une pierre dans les reins ou d'une balle par la teste : si Dieu me donnoit le choix je n'aurois pas grand peine de le prendre.

Sur tout, mes compagnons, il faut avoir l'esprit tendu à espier ce que vostre ennemy peut faire , et jouer deux roolles , disant à part vous: Si j'estois l'assaillant que ferois-je? par quel costé pourrois-je entreprendre? Car croyez que le plussouvent vostre jugementet celuy de vostre ennemy se rencontrent. Communiquez en à ceux que vous avez cogneu personnes d'entendement , tantost en commun , afin de ne mettre personne en jalousie, et le plus souvent en privé. Que si vous vous trouvez sous une nation où il faille manger du chou , et que vous ne soyez le plus fort , composez vous selon leurs humeurs. Mordez vous la langue plustost que trop parler.

COMMENTAIRES DE ELAISE DE MONTLLC. [l5o5J

Ramenez les par douceur et courtoisie , et sur tout monstrez leur le chemin lorsqu'il faudra pâtir; car si vous, monsieur le gouverneur , voulez vivre à chère ouverte , et cependant retrancher le manger des autres, vous tirerez sur vous la haine de vos capitaines et soldats. Il est raisonnable que vous , qui avez plus d'honneur , ayez plus de part à la peine.

Je vous veux advertir d'une autre chose, c'est que , lors que l'extrémité vous pressera, vous ne demeuriez guère enfermé en vostre cabinet ; mais monstrez vous aux capitaines et soldats , voire au peuple , avec un visage asseuré : vostre seule présence leur redoublera le cœur. J'ay cogneu en mon temps prou de lieuteuans de roy qui esloignoieui d'eux les gentils-hommes, pour les faire attendre quelquefois trop en leurs salies, et ne parler à eux. Le gentil-homme veut estre caressé , mesmemeut le gascon ; et cependant ceux-là font les empressez. J'en ay cogneu un une fois en ma vie : parce qu'il avoit de très belles parties , je ne le veux nommer, car nul n'est parfaict au monde. Celuy-là deux heures du jour s'enfermoit dans son cabinet, feignant faire quelque depesche d'importance ; mais c'estoit pour lire Rolland le Furieux, enitalien : son secrétaire mesme nous le disoit ; ce qui nous faisoit dcspiter , car cependant nous estions à arpenter sa salle ou sa cour. N'en faites pas ainsi : vos heures de plaisir doivent estre à vous promener sur les rempars , visiter vos magasins et regarder si rien vous deffaut.

Si vous vous trouvez en lieu où vous soyez pressez, n'oubliez à vous servir du moyen que je tins pour me deffaire des Allemans , et prenez exemple à ma faute, car je tarday trop ; mais je pensoistousjours que le marquis me voulust forcer par l'espée et non par la faim , mais il fut aussi fin que moy. Que si vous vous doutez de quelque trahison , et que vous n'en puissiez sçavoir le fons, faictes vous donner des avis supposez , et , sans nommer personne , dites que vous estes adverty qu'il y a eutreprinse sur vous et que vous estes sur le point de la descouvrir. Faignez aussi avoir quelque intelligence en l'armée de vostre ennemy, eucores que vous n'en y ayez pas , car ce sera une contremiue. Je ne vous diray que ce mot , que vous vous représentiez , et la bonne grâce de vostre prince , et son inimitié ; car vous avez le choix : elle ne s'efface pas comme la nostre. Les Roys ont autre cœur que nous : ils ne pardonnent gueres à. ceux qui leur font perdre quelque chose, car ils veulent tousjours gaigner. Quel mauvais visage eust ce brave seigneur de Lautrec à son retour de Milan ! et Dieu sçait s'il eu estoit cause : il sou-

loit dire que ce fust le plus grand ennuy qu'il eust de sa vie. Souffrez doncques toutes les extremitez : n'oubliez rien de ce que doit faire un homme de bien. Je scay bien qu'il faut perdre , qu'il faut gaigner, et n'y a rien d'imprenable ; mais desirez cent mille fois plustost la mort , si tous moyens ne vous deffaillent , que dire ce meschant et vilain mot : Je la rends.

Monsieur de Strossi me presta une gallere pour me ramener en France , et envoya un sien parent , jeune homme de vingt ans , chevalier de Sainct Jean, à Civitavechia, pour l'apprester, et voulut que le chevalier mesme m'amenast à Marseille. Le mercredi matin je prins la poste et vins à Rome , où j'arrivay environ les quatre heures après midy , et fis aller les capitaines Lussan , Blacon et Sainct Auban , m'attendre à Civitavechia , car monsieur de Strossi leur donna congé pour quatre mois. Les autres demeurèrent avec ledit sieur. Monsieur le cardinal d'Armaignac me logea, et fus aussi bien reçeu de tous les ministres du Roy que gentilhomme sçauroit estre. Ils avoientdesja entendu ma sortie , car le marquis l'avoit mandé par un courrier à son frère, monsieur le cardinal. J'y trouvay monsieur le cardinal de Guise et monsieur le duc de Ferrare, père de cestui-cy, estant là encore depuis la création du pape Marcel. Sa Saincteté demanda à monsieur le cardinal de Guise sij'estois arrivé, comme l'onluy avoit dit; il dit qu'ouy : et alors il le pria de me faire venir devant luy , car il avoit grand envie de me voir. Et monsieur le cardinal me trouva près le logis de monsieur d'Avanson (i) , ambassadeur, lequel me dit que j'allasse faire la révérence à Sa Saincteté, qui avoit envie de me voir. Monsieur d'Avanson me presta son coche. Je trouvay le Pape levé, sur une chaire près son lict , si mal , qu'à peine pouvoit-il guère parler ; mais nonobstant il me fit fort bon accueil. Je luy dis que je ne le vouiois importuner de parolles, mais que j'esperois que Dieu luy envoyeroit la santé daûs deux ou trois jours , et qu'après je luy viendrois rendre compte comme les choses estoient passées à Siene. Il me dit qu'il en estoit bien informé , mais qu'il seroit encores bien aise de l'entendre de moy; et me dit ces mots , que je pouvois dire que jamais homme, dequelque nation qu'il fust , n'avoit eu tant de crédit , ny n'avoit encores avecques les Sienois , que moy. Là , je prins congé de luy pour ne le fascher, et trouvay monsieur le cardinal de Guise au logis de monsieur d'Avanson , auquel je dis qu'ils pouvoicut bien rentrer au conclave pour

(I) Jean de Saint-Marcel, seigneur d'Avanson, etc.

lo4

faire un autre pape , car eeluy-là ne seroit pas en vie le lendemain au soir, eomrae il fut \ray ; car le lendemain , environ vespres , il trespassa. Et le jour après je prins congé de tous , et m'en allav à Civitavechia ; qui fut un vendredy, et le samedy , à la pointe du jour, je m'embarquay. Les pompes, les plaisirs, les délices, la curiosité de ceste ville, ne me pcust arrcster un jour, pensant que peut estre ailleurs je pourrois faire service à nostremaistre. Une chose veux-je dire, encore qu'elle soit à ma louange , qu'allant par les rues , et allant au chasteau Sainct Ange, tout le monde couroit aux fenestres et sur les portes , pour voir celuy qui avoit si longuement deflVndu Siene. Cela ne me faisoitque d autant plus eslever le cœur pour acquérir de l'honneur; et , encore que je n'eusse pas presque d'argent pour m'en retourner , si me sembloit-il que j'estois plus riche que seigneur de France.

Or nous fismes voile environ lapointedu jour, et eusmes aussi bon vent que nous l'eussions sçeu désirer; et vinsmes à Capocorée (l) sur l'entrée de la nuict. Là donnasmes sonde , et deux heures devant jour nous passasmes le destroit qui est entre la Corée et la Sardaigne , et fusmes à Bonil'ace (2) , où estoit monsieur de La Molle, vers les neuf heures du matin. J'avois sçeu à Civitavechia que le prince d'Orie (3) estoit party devers Plombin (4) avec trois ou quatre mil soldats qu'il avoit embarquez dans cin quaute deux galleres, et qu'il alloit pour combattre monsieur de Ternies qui battoit Calvy; ce qui fut cause que je passay à Boniface pour en advertir ledit sieur de La Molle , lequel incontinent depescha vers ledit sieur si à propos, qu'à peine peut-il estre levé assez à temps pour qu'il n'y fut surprins , et fut contrainct, comme il me dit depuis , de mettre trois canons dant la mer, lesquels depuis il retourna pescher. Je luy fis là un bon tour, et un bon service à mon maistre. Vous qui portez les armes, et qui voulez bien servir vos princes . ayez tousjours l'œil à ce qui les concerne , pour donner advisde ce que vous jugez propre pour leur service. J'en ay veu de si bons amis qui s'csjouissoyent de la perte de leurs compagnons, pour penser augmenter leur gloire de leur honte : je n'ai jamais fait cela , ny ne le voudrois faire au plus grand cnnemy que j'aye au monde ; j'en pourrois bien dire de grands et notables exemples , mais je les laisse pour revenir à mon propos. Le baron de La Garde estoit aussi en un port de mer près du lieu où estoit monsieur de Termes , il fut ndverty promptement que l'armce du prince d'Oric es-

(I) Au Cap-Corse. - (2) Bonifacio.

toit en mer, mais il ne sçavoit de quel costé. Si est-ce que par opinion il se leva promptement tenant la routte de Marseille, qui fut cause de la salvation de monsieur de Termes; car. comme le prince d'Orie pensoit surprendre le baron de La Garde à ce port de mer où il estoit , il fut adverty qu'il estoit party il n'y avoit pas cinq ou six heures ; ce qui l'occasionna de le suivre , tenant mesme route: cela estoit le samedy mesme que j'avois eu ce bon vent, et le suivit jusques aux isles d'Hyeres. Le baron sans s'arrester vogua vers Marseille; car s'il se fust arresté aux isles il estoit troussé , d'autant qu'il n'avoit que quatorze ou quinze galleres. Je me départis de monsieur de La Molle le dimanche environ dix heures, et tout le jour je ne peus faire chemin, pource que le vent m'estoit contraire. Environ deux heures avant jour , le mesme vent qu' avoit couru le samedy retourna , et nous mismes en chemin, qui estoit le lundy.

Or sur la pointe du jour je dis au chevalier s'il avoit plus grand voyle que celle-là : il me dit que c'estoit la plus grande ; s'enquerant alors pourquoy je le demandois , si je voudrois faire plus grand diligence, je luy dis qu'ouy : et tout incontinent il mit un voyle sur la courcie près la pouppe. Et sur la pointe du jour il survint un brouillard qui dura jusques à ce que le soleil fut haut , et commença le brouillard à passer. Et alors la garde de la gabie commença à crier : Velle! vellel et bien tost après commence à crier : Gallcre ! (jallere ! Alors le chevalier me dit que ce ne pou\ oit estre autre que le prince d'Orie ou le baron de La Garde. Et tout à un coup le brouillard s'abbatit , et nous trouvasmes au milieu de cinquante deux galleres : quatorze, qui s'estoient départies de latrouppe, prenoyent le chemin vers la Sardaigne, et nous fusmes au milieu. Tout le monde commença à se désespérer dans la gallere : les pilottes vouloient gaigner la coste de Barbarie pour nous sauver; le comité n'estoit pas de cest advis , ains que nous devions tirer outre à force de rames et de voyles. Sainct Auban et les autres capitainesavoyent les plus belles affres que gens eurent jamais, disant qu'après estre sortis d'une si grande extrémité que du siège de Siene, ils estoient sur le point d'estre réduits à ce mal-heur , de se voir attachez à la cadene (.3) ; que, plustost que se voir réduits à ce malheur, il valloit mieux mourir les armes à la main. Quelque mine que je fisse, je n'estois gueres plus asseuré, et eusse bien voulu estre à planter des choux. Tout à un coup quatre des ([uatorze commencèrent à tour-

(3) Le priacc Doria. — (4) Piombiuo. — (o) A la chaîne.

iSS

ner les voyles à nous pour nous donner dessus, et les autres amenèrent jusques à la moitié de l'arbre (l) pour attendre ceux-cy. Et comme les quatre eurent haussé la voyie pour venir sur nous à rame rancade (2) , la pointe de leurs galleres fut à l'endroit de nostre fougon (3) ; et, pourcc que le chevalier ne disoit mot, et que tout le monde crioit dans la gallere avec une misérable confusion , je lui dis : « 0 chevalier , il semble que vous vous perdez : vous avez esté nourry avecques un des vaillans hommes qui jamais monta sur la mer, qu'estoitle prieur de Capue (4) . » Alors il me respondit :Nome perdo, no 7ne perdo per Dio, nias io cjardo la mie (5). Les galleres ennemies cependant vindrent à une portée d'arquebuzade de nous pour nous investir ; et alors le chevalier , allant de poupe en prouë, accouragea tout le monde, faisant tirera voile rancade (6), tirant tant que nous pouvions ; de sorte que , quand ils nous cuiderenf investir, nous fusmes plus de cinquante pas devant eux , et leur commençasmes à tirer arquebuzades. Ils nous suy virent environ mil pas , et à cause de ces trois voyles que nous avions , avec la peur que nous donnoit des aisles , il nous sembloit que nostre gallere volloit devant les leurs, de façon que tout à un coup ils haussèrent les rames. Et nos mariniers lors à belles injures firent à qui mieux mieux; ainsi nous sauvasmes en despit d'eux , pour la grande diligence de nos gens. Et, pource que nous n'eusmes pas le vent vers le soir , qui nous commença un peu à changer , ne peusmes estre à Marseilles jusques au mardy à soupper. Et trouvay monsieur le comte de Tande , madame la comtesse , et le baron de La Garde, qui souppoient au jardin de monsieur de Saiuct Blancart , lesquels furent tousesbahis de me voir, ayant fait estât que j'estois mort, et Siene saccagée et bruslée ; car ils sçavoient nouvelles , estant en Corsegue (7), de jour à autre, de la Romanie (8), et que j'estois à l'extrémité , sans espérance d'avoir jamais composition; et tenoit toujours le baron de La Garde ceste opinion, quand il estoit avec monsieur de Termes en Corsegue , et à Marseille lorsqu'il fut arrivé, et que je jouerois à la desesperade sur la sortie , si le marquis ne nous faisoit telle composition que je voudrois. Autres disoient que j'avois perdu l'entendement, et que Dieu me vouloit punir de ma trop grande témérité et folie. Ils parloient de moy ainsi que j'entray dans le jardin. Ils ne voulurent que je leur disse

(1) Du mât. — (2) A force de rames.

(3) Foyer, cuisine de vaisseau.

(4) Léon Strozzi.

rien jusques à ce que j'eusse souppé, car ils avoient presque achevé. J'eus bien tost faict, car il m'estoit deffendu de ne manger guieres après avoir tant jeusné , et croy que cela fut cause de la mort de plusieurs après estre sortis ; car il faut peu à peu remettre nature. Apres je leur contay tout de point en point comme j'avois fait ; ils tindrent cela pour une chose estrange. Le baron se trouva fort esbahy quand je luy dis que le prince d'Orie l'avoit suivi jusques aux isles d'Hyeres , et remercioit Dieu de ce qu'il n'avoit creu aucuns de sa trouppe qui vouloient qu'il donnast sonde aux isles , et tint monsieur de Termes pour perdu , à tout le moins son artillerie ; mais je luy dis que, sur ma relation , monsieur de La Molle avoit envoyé à toute diligence vers luy pour l'advertir. Je depeschay le lendemain matin le sieur de Lecussan en poste devers le Roy , pour lui donner advis de mon arrivée; car monsieur le comte me dit que Sa Majesté estoit fort mal contante de moy, de ce que je m'estois laissé réduire au dernier morceau , et qu'il n'en pouvoit espérer que la perte mienne et la ruine de la cité, d'où dependoit toute sa réputation en Italie. Voyez les dangers qu'on court à sei'vir les princes. Il n'y a ordre ; ils sont nez pour commander , et nous pour servir et obeyr; et Dieu sait si j'avois occasion de me plaindre d'avoir ainsi esté abandonné et mis en proye; mais c'est tout un : il leur semble qu'encores ce nous est trop d'honneur de mourir pour leurs querelles. Le baron me pressa fort d'y depescher , et fit promettre au sieur de Lecussan qu'il courroit nuit et jour; ce qu'il fit. Je demeuray avec eux jusques au vendredy matin que je prins la poste, et arrivay à Sainct Mathurin le neufiesme ou dixiesme jour de may , où je trouvay ledit sieur de Lecussan ([ui m'atteudoit' pour me dire la grand joye que le Roy avait eu, quand il luy eut le tout racompté, s'esmerveillant Sa Majesté de ma fortune , et disoit à tout le monde qu'il croyoit que j'estois le plus heureux homme du monde , après un tel et si long siège, sans espérance de secours, estre sorty si hounorablement, ayant affaire non seulement à l'Empereur, mais aussi au duc de Florence , qui desiroit se venger des Sienois. Il tenoit pour un grand heur l'escapade que j'avois faite sur la mer des pattes du prince d'Orie. Le lendemain matin je fus au lever de monsieur de Guise , qui ne se pouvoit saouller de m'embrasser , et m'amena en la chambre du Roy , lequel

(5) « Non, de par Dieu , je ne me perds pas, je sauve ma galère. »

(6) A force de voiles, (7) En Corse. (8) De la Romagne.

CO-MMENTAIBES DE HLAISE DE MONTLLC. [15ô5]

estoit encores au lict, loutosfois esveillé; et à l'eutrée de la chambre il commença à crier tout haut, me tenant par la main : « Sire, voicy \ostrc homme perdu. » Et alors je m'approchay pour iuy baiser les mains; il m'embrassa de tous ses deux bras, et me tint la teste conte sa poictrine presque autant comme on demcureroit à dire uu Paty-nostre , me disant par deux fois en me tenant de ceste sorte : n ilé . monsieur de Montluc , vous soyez le bien venu ! Je ne vous pensois jamais voir. » Alors je Iuy dis que Dieu m'avoit conservé pour Iuy faire encore en ma vie un bon service : il me dit qu'il le eroyoit , et estoit bien asseuré que pour ce faire je n'y espargnerois ma vie ; et me retourna encores r'cmbrasser , puis se leva. Je me retiray au logis que le mareschal des logis avoit baillé audict sieur de Lccussan par le commandement du Roy mesme, aussi content du bon visage de mou maistre , comme s'il m'eust donné quelque riche présent; car j'ay esté tousjours glorieux : aussi suis-je gascon. Cela seul estoit bastant pour me faire passer toutes impossibilitez. Monsieur le cardinal de Lorraine et monsieur le connestable estoieutpour lorsàArdres, traictantquelquepaix entre r Empereur et le Roy. Apres que sa Majesté eut disné, vers une heure après midy, il se retira dans la gallerie , monsieur de Guise seulement avec Iuy; il me fit appeller. Monsieur de Guise ferma la porte après que je fus entré. Lors il voulut que je Iuy rendisse compte par le menu de ce qui s'estoit passé durant le siège, depuis le premier jour que j'entray dans Sicue jusques au dernier, tellement que le propos en dura si longuement , que les capitaines qui estoient venus avec moy, qui estoicnt demeurez sur la terrasse, me dirent qu'ils avoient ouy sonner l'horloge cinq fois. 11 print un grandissime plaisirau retranchement du pain, et de la sorte que j'en avois usé, et des remonstrauces que j'avois faict aux capitaines et au sénat. Print aussi grand plaisir à la délibération que j'avois prins de leur donner la bataille dans la \ ille , et sur tout à l'ordre que j'avois fait , duquel il me souvcnoit beaucoup mieux lors qu'à présent , car il fut imprimé en Italie ; et la dernière fois que je suis retourné de la Toscane, le duc d'Urbin me dict à Pesero (1) qu'il l'avoit, et que jamais n'avoit trouvé chose qui plus Iuy pleust que celle-là. Sa Majesté voulut aussi que je le misse par escrit ; il eu fit donner la coppie à plusieurs gouverneurs , et me souvient bien qu'il commanda qu'on l'envoyast à Mariembourg, ou monsieur le mareschal de Cossé cs-

(II Pcsaro.

toit, ou bien monsieur de Fumcl. Il eut grand pitié quand il entendit le foict des bouches inutillcs; et sur la fin il me demanda deux choses: la première, comme j'avois peu faire d'accorder les quatre parts et nations, ennemis mortels les uns des autres; car tous generallement. comme l'on Iuy avoit dit, s" estoient comportez si bien les uns avec les autres sans desordre, qu'il n'estoit possible de mieux, ayant passé Espagnols et Flaniens avec sauf-conduit; ce qu'on tenoit à chose miraculeuse . comme faisoit bien l'Empereur mesme, s'estonnant que j'eusse peu accommoder ces gens là de ceste sorte : et des Italiens mesmes qui venoieut d'Italie iuy en faisoient le récit comme d'une chose non ouye- Alors je Iuy respoudis que c'estoit une chose que j'avois trouvée facile ; et comme je le vis affectionné à la vouloir entendre , cognoissaut qu'il prenoit plaisir d'en ouyr conter, je Iuy dis que je m'en estois allé un samedy au marché , et qu'en présence de tout le monde j'avois achepté un sac et une petite corde pour lier la bouche d'iceluy, ensemble un fagot, ayant prins et chargé tout cela sur le col à la veuë d'un chascun ; et comme je fuz à ma chambre, je demanday du feu pour allumer le fagot, et après je prins le sac , et là j'y mis dedans toute mon ambition, toute mon avarice, mes haines particulières, ma paillardise, ma gourmandise , ma paresse , ma partialité , mou envie et mes particularités, et toutes mes humeurs de Gascogne , bref tout ce que je peus penser qui me pourroit nuire à considérer tout ce qu'il me falloit faire pour son service ; puisapresjeliay fort la bouche du sac avec la corde , afin que rien n'en sortist, et mis tout cela dans le feu ; et alors je me trouvay net de toutes choses qui me pouvoit empescher en tout ce qu'il falloit que je fisse pour le service de Sa Majesté. Et si dis que tous sesministresàquiilbailloit les charges vouloient faire de ceste sorte, qu'il n'atteindroit pas à ce que Dieu a réservé pour soy , qui est le ciel, mais si feroit bien ;>. tout ce que Dieu a faict sur la terre, et mis en la puissance des hommes; car mon esprit lousjours estoit demeuré libre, sans qu'aucune chose m'empeschast à considérer ce qu'il me falloit faire pour venir à bout de mon dessein, qui estoit de ne sortir jamais de làqu'avec le dernier morceau à la bouche. Et veux dire que tous ceux (jui se despouilleronl et brusleront ce que j'ai dit cy dessus, que Dieu assistera tousjours avec eux , et , l'ayant ainsi favorable, l'homme ne peut faillir de faire ce qu'il voudra; car Dieu demeure tousjours avec ceux-là, et au contraire fuit ceux qui ne servent leur jnaistre de ceste sorte ; car ils fauceut tous le serment

COMMENTAIRES DE BLAI

tpiMIs out fait, ayant juré de le servir loyaliement et ficlellement, ce que l'on ne peut faire estant garny et plein de tous ces vices et fautes. Sa Majesté se print à rire et me commanda de dire la vérité, et ne luy mentir poinct. Je luy dis que je ne luy mentirois non plus qu'à Dieu. Il me demanda si monsieur de Strossi me pouvoit secourir; car ses ministres de Rome luy avoicnt mandé plusieurs fois qu'il le pouvoit faire . et qu'il n'avoit tenu qn'à luy ([ue je ne feusse secouru. Alors je luy respondis qu'il me demandoit une chose qu'il sçavoit mieux que moy. Surquoy il me dict que ce ne pouvoit estre . car il n'estoit pas là où luy et moy estions. Lors je luy dis : « Vous autres roys et princes avez les oreilles si longues, que vous entendez tout ce qui se fait , encores que vous en soyez à cent lieues. » Toutesfois je luy dis que Sa Majesté estant engagée en Escosse, à Calais, à Mariembourg, et autres chasteaux voisins, à Mets, en Piedmont, enCorsegue, elle devoit mieux sçavoir que moy si, après avoir fourny atout ce qui estoit besoin en ces lieux-là ou il estoit engagé, il pouvoit envoyer argent audit seigneur de Strossi pour faire une levée de gens de pied et de cheval , pour combattre une si grande force que le marquis avoit devant Siene, et, s'il ne l'avoit, en quelle sorte vouloit-ii que monsieur de Strossi me peust secourir, lequel n'avoit pas un homme pour respondre aux Espagnols et Allemans? D'Italiens il n'en eust trouvé que prou , mais cela n'estoit pas jeu party ; que monsieur de Strossi estoit plein de bonne volonté, mais qu'on ne peut voler sans ailes; que par trois fois il avoit couru beaucoup d'hasard pour son service, dequoy je luy fis le conte. Alors Sa Majesté me dit que ma response l'avoit contenté et satisfaict, et qu'il croyoit ledit seigneur de Strossi estre son serviteur, et trop homme de bien pour tenir à luy; et s'excusa grandement à moy de ce qu'estant engagé en tant de lieux, il ne luy avoit esté possible d'envoyer gens en Italie audict sieur de Strossi qui fussent esté assez forts pour lever le siège et combattre le marquis. Alors je lui dis: (( Or doncques , sire, ne vous en faut prendre à monsieur de Strossi ny à vous avec, car l'un et l'autre avez faict tout ce qui estoit en votre puissance ; mais cela vous advisera une autre fois à pourvoir mieux à vos affaires. » C'estoit une charité qu'on prestoit audict sieur de Strossi, qui estoit autant picqué et plus que le Roy pour le faict de Siene, pour la haine qu'il portoit au duc de Florence. Apres cela il sortit, et s'en alla trouver la Roy ne et madame de Savoye (l) qui

(I) Marguerite, sœur de Henri II.

est de présent, et leur compta ce que je luy avois

dit, principallement de monsieur de Strossi. Dequoy la Royne fut très aise , et le lendemain me fit cest honneur de me remercier du bon office d'amy quejavois fait audit sieur de Strossi, qui luy appartenoit. Je n'avois garde de faire autrement; car , outre que j'eusse menty , j'honorois trop ledit seigneur de Strossi • il rà'aimoitet estimoit plus qu'homme qui sortit jamais de Gascogne.

Cecy fut fait le lundy : le mardy madame de Valentinois me dit qu'elle n'avoit jamais veu revenir homme d'une charge dont le Roy fust plus content et satisfait que de moy, et qu'il me loùoit grandement : je ne sçay si elle le disoit pour me flatter , mais elle le sçavoit mieux que toute autre, car elle avoit fort gaigné le cœur dn Roy iiostre maistre : elle dit que j'estois bienheureux. Comme je parlois avec elle, le Roy arriva, et me remit encores sur quelques propos de mon voyage. Or avois-je la patente et déclaration que les Sienois m'avoient donnée scellée de leur grand sceau, déclarant que je n'avois jamais voulu consentir à la reddition de Siene, ny capituler au nom du Roy, mais aussi qu'ils m'appclloient en tesmoin s'ils avoient jamais voulu entendre à aucune capitulation, jusques à ce qu'ils s'estoient veus réduits à toute extrémité, et au dernier morceau de pain. Sa Majesté prit la patente et la leut, et après me demanda pourquoy je n'avois voulu capituler pour moy et pour les soldats , et qu'il tiouvoit estrange que le marquis ne m'eust deffait à la sortie. Alors je luy respondis que c'estoit pour deux raisons : l'une, que j'avois pris une resolution de ne rendre jamais place, ains mourir plustost, et que le nom de Montluc, pour moy, ne se trouveroit jamais par escrit à rendre ny capituler, ne m'estantjamais mis dans place pour la rendre, ains pour la deffendre ou y mourir, comme j'avois mandé au marquis par le seigneur Cornelio et le capitaine Charry ; et aussi pource que si Sa Majesté , ou un qui viendroit après luy, venoit à reconquérir Siene . et que les Sienois se voulussent ayder de la protection en quoy ils s'estoient mis , qu'il demeurast en cela à sa discrétion et liberté ; car il n'auroit plus puissance de dire que son lieutenant, qui estoit Montluc, avoit consenty à leur reddition, estant signé eu leur capitulation, et qu'il ne devoit point quitter sa fortune, ny celle de ceux qui viendroient après lui à la couronne de France. « Les fortunes de la guerre sont diverses et variables : Milan et Naples ont esté deux et trois fois à nous; Siene. sire, le sera peut estre encores. Je n'ay rien fait qui vous puisse preju-

dicier. » Il trouva ma raison si bonne qu'il en demeura fort content, et me commanda de faire mettre la patente dans mes papiers , et garder qu'elle ne se perdist jamais. Madame de ^ alentinois luy respondit que les archives d'un pauvre gentilhomme n'estoient pas si asseurez que le thresor d'un roy . et que cela luy estoit de si grande conséquence, qu'il devoit commander estre mis dans le sien. 11 me la reprint de ma main, et la bailla à un vallet de chambre sien ou bien de madame de Valcntinois , pour la donner à monsieur le garde des sceaux, qui depuis a esté monsieur le cardinal de Sens, et lui commanda qu'il la mist en son thresor où sont tous les titres du Roy. Or de cecy ne peut avoir que seize ou dix sept ans : s'il plaisoit au Roy son lils, qui rogne à présent, de commander à monsieur de Fizes, qui estoit pour lors secrétaire dudit sieur cardinal . qu'il fist cercher la patente, je m'asseure qu'elle se trouvera : et en voudrois avoir donné cinq cents escus d'un double , pour laisser mémoire de moy et l'insérer dans ce livre; car cela tesmoignera que je suis sorty de Siene sans capitulation aucune , enseignes desployées, les armes sur le col , et tabourin sonnant ; ce qui ne se trouvera en livre quelconque , et que jamais homme aye fait un pareil trait : de sorte qu'il ne faut trouver estrange si je désire tant d'en avoir un double. Il ne faut pas que le Roy mesprise tant cela , qu'il soit hors d'espérance qu'il ne s'en puisse servir quelquefois ; Sa ]\Iajesté doit estre curieuse de la faire cercher plustost que moy : il y a plus d'interest.

Le jour après, qui fut le mercredy au soir, monsieur de Guyse me dit que le Roy s'estoit résolu de me bailler le lendemain l'Ordre (l), qui estoit en ce temps-là chose si digne et recerchée, que le plus grand prince de France ne se fust tenu pour content s'il nel'eust eu, et eust mieux aymé que le Roy ne luy fist jamais aucun bien, parce que c'estoit une marque d'honneur qu i n'estoi t pas profanée comme i I est à présent. Le lendemain, qui estoit le jeudymatin, le Roy m'en honora; et après disner je luy demanday congé pour m'aller mettre en ordre et séjourner un peu à Paris, car j'estois tout descbiré et rompu pour un nouveau chevalier de l'ordre ; ce qu'il m'accorda, et me donna, avant que je partisse, trois mil francs de pension prins à l'^spargne , trois mil livres de rente sur son domaine où la comté de Guare . où j'ay partie de mon bien , estoit comprise. Bregeyrac faisoit le reste. Je

(I) L'ordre de Saint-Michel.

jouys deux ans de la comté, mais non de Bregeyrac, pour ce qu'il estoit ypothequé ailleurs ; et je desirois fort trouver les moyens de le désengager, à cause que monsieur de Valence, mon frère, y avoit une prieuré, et faisois estât de demeurer là plus qu'ailleurs : j'eusse bien empesché ce que depuis s'est monopole en ce lieu là. Sa Majesté me donna aussi deux mil escus argent comptant, et encores me dit que je luy demandasse quelque autre chose qui me feroit besoin : je luy demanday deux places de conseiller au parlement de Thoulouse, pour ayder à payer le mariage de ma fdle que monsieur de Fontenilles a espousée , m'ayant mandé monsieur de Valence, de Paris, que je luy demandasse cela, dont je retirerois plustost argent que d'autre chose. Lesquels Sadite Majesté me donna, et de cest argent je mariay madite fille , avec quelque peu d'autre que ma femme avoit. Sadite Majesté me promit la première compagnie de gensdarmes qui vaqueroit. Je n'eus pas la première ny la seconde, mais j'eus la troisiesme ; car les rois promettent tant, qu'il n'est pas possible qu'ils trouvent tout. Cecy advint après mon retour de Montalsin, à la seconde fois qu'il m'envoya par delà; c'estoit la compagnie de monsieur de La Guische (2). Voilà les biens-faicts que j'eus du Roy pour lors, qui ne furent pas petits. En somme, j'eus ce que je demanday; et depuis la mort de ce bon prince mon maistre , j'ay souhaitté la mienne cent fois, veu les grandes traverses que l'on m'a donné. Il n'eust esté en la puissance des hommes de me les donner s'il fust esté eu vie , car il n'oublioit jamais les services que l'on luy faisoit , tant petits fussentils; et n' estoit en la puissance des hommes de lui oster la bonne opinion qu'il avoit des personnes, quand ils lui faisoient service; et au contraire, quand un homme avoit fait quelque chose mal à propos en son service, quelque bon visage qu'il fist pour complaire à ceux qui luy vouloient oster la mauvaise opinion qu'il eu avoit pris, cela ne luy partoit jamais du cœur, comme monsieur le marescha! de Sainct André m'a plusieurs fois dict et déclaré sa complexion. Il estoit fort son privé, et le cognoissoit tresbien. Or Sa Majesté vint à Paris cinq ou six jours après , auquel je demanday congé pour aller jusques chez moy, pour veoir ma famille : ce qu'il m'accorda volontiers. Je ne cacheray jamais les biens et honneurs que mesmaistres m'ont faict, car cela est à faire à un cœur vilain et ingrat.

(2) Gabriel de la (iuiche.