LIVRE QUATRIESME

A peine avois-je demeuré trois sepmaines à ma maison, que Sa Majesté me depesclui un courrier, me mandant que je ['allasse trouver là où il seroit, sans marchander ny attendre autre commandement ; ce que je fis incontinent , n'ayant presque veu ma maison et mes amis ; mais la gloire de l'honneur est un poignant esguillon. A mon arrivée, Sa Majesté me dict qu'il falloit que je m'en allasse en Piedmont trouver monsieur le mareschal de Brissac, lequel m'avoit envoyé demander pour commander les gens de pied, faisant estât que, pour secourir Sainct lago où monsieur de Bonnivet s'estoit enfermé, il luy faudroit donner une bataille. On me depescha deux jours après que je fuz arrivé , me monstrant le Roy beaucoup de signes d'amitié, et d'avoir aggreable mon service. Je trouvay monsieur le mareschal de Brissac à Turin, malade de la goutte ; et le lendemain j'allay trouver monsieur d'Aumalle , qui commandoit l'armée à Sainct Valant, près Vulpian , laquelle estoit composée de cinq mil hommes de pied, mil hommes d'armes, et douze cens chevaux légers. Le Roy me donna à mon départ un coursier des siens , qui estoit très bon. Je faisois venir mon train après moy, car je m'en allay en poste. Le mesme jour que j'arrivay vers monsieur d'Aumalle , je voulus aller recognoistre Vulpian pour y mettre le siège; car le duc d'Albe (l) , ayant mal faict ses besongnes, avoit quitté Sainct lago. Ledict sieur d'Aumalle me presta un petit cheval gris. En plein jour, j'allay recognoistre la ville à moins de cinquante pas; car je leur voulois monstrer que, pour avoir veu ma femme, je n'avois rien oublié de ce que je soulois faire. Geste recognoissance se fit à sa veuë et de plusieurs autres. Je luy en rendis si bon compte , qu'il trouva que du tout je luy avois dict la vérité. Lendemain il mit partie de l'armée vers le chasteau , où les ennemis avoient faict un grand terre-plein environné d'un grand fossé, avec une tenaille (2) qui couvroit le chasteau ; et entre la tenaille et le chasteau y avoit quatre vingts pas ou plus , et une tranchée qu'ils avoient faict encores au milieu ,

(1) Ferdinand Alvarez de Tolède, duc d'Albe.

(2) Espèce de fortification avancée.

afin que, s'ils perdoient la teste de ce grand bastion et tenaille avant qu'ils fussent au chasteau , se peussent retirer à ceste tranchée. Monsieur d'Aumalle avoit pour lors pour commissaires de l'artillerie Duno et Balasergues, qui firent commencer les tranchées à plus de cinq cens pas de la ville (3) , et trouvèrent que la terre estoit pleine de petits cailloux, de sorte que cent hommes n'eussent pas faict en un jour vingt pas de tranchée, et amusèrent deux jours ledict sieur en ceste besongne. J'estois fort mal content que nous ne faisions ce que je voulois. A la fin , monsieur d'Aumalle se résolut de veoir luy mcsme ce que je luy conseiilois de faire , et allasmes à une heure de nuict par le costé du coing de la ville à main gauche , et par derrière une petite chapelle qui estoit à quinze ou vingt pas de, la contre-escarpe: il ne mena homme du monde avec luy, que moy et requières (4), qui depuis, h ce que j'ay entendu, a tourné le visage à la maison de Guyse, combien que ledict seigneur luy faisoit autant d'honneur, ou plus , qu'à gentilhomme qui fust près de luy. Ledict seigneur et moy marchasmes par dessus la contre-escarpe, et requières par dessous. Nous mesurions combien de contre-escarpe nous falloit coupper pour mettre l'artillerie sur le bord du fossé, et voir aussi si le recul du canon seroit veu de l'arquehuserie des ennemis , et nous aussi, si nous logions contre la contre-escarpe. Nous eu allasmes par dessus icelle, et tout le long des fossez plus de six vingts pas, passasmes deux sentinelles des leurs , sans qu'elles nous dissent mot parlans à l'oreille : que si nous eussions porté deux eschelles, il eust faict tenter la fortune, pour veoir ce qu'il en fust advenu , car elle se présente souvent sans y penser, et lors que moins on n'y songe. Et quand se vint à la troisiesme, elle cria et esveilla toutes les autres, lesquelles, à ce que je pense, dormoient; et ainsi ledict seigneur, et moi avec luy, nous retirasmes vers la petite chapelle, beaucoup mieux accompaignez au retour qu'à l'aller, mais c'estoit de bonnes arquebusades ; et fusmes con-

(3) L'armée française arriva devant Vulpian le 3 septembre 1555.

(4) De Paz de Feuquières.

traincts nons jetter dans la chapelle, le derrière de laquelle Fequieres gaigna. Or icelle chapelle estoit ouverte devers la ville, et là où la porte se tenoit quand il y en avoit; c'cstoit un pillicr de pierre carré de la grosseur d'un homme qui ne fust pas esté guère gros; et nous hastoient tant les arquebusades, que monsieur d'Aumalle fut contrainct se jetter tout en un coup derrière le pillier, tout droict, et moi derrière luy, car toute la chapelle estoit ouverte. Je n'oins à ma vie de plus grandes arquebusades; je ne sçay si c'cstoit la peur : il y avoit dequoy en avoir, car les balles presque tousjours touchoient le pillier duquel monsieur d'Aumalle se couvroit. Il me servoit à moy de pavois, car je lui tenois ma teste et mon corps contre le sien. Ils nous tindrent \h assiégez plus d'une grand demy heure ; et faut bien dire qu'ils nous avoient ouys quand nous nous estions jettez dans la chapelle, car nous les oyons crier : Jvro à Dios ellos son en la capilia ; io los è entendidos (1). Monsieur d'Aumalle m'a depuis souvent faict le conte des belles affres que nous eusmes; car je croy que plus de cent arquebusiers se vindrent affuster pour nous tirer : ils jettoient des brandons de paille allumés dans le fossé : « Aous voicy bien , dict-il , s'ils font une sortie. — Taisons-nous, monsieur, luy dis-je, ceux de Lorraine ne sont pas si malheureux que d'estre pris en tapinois. Le droict de la guerre ne veut pas qu'ils sortent sans savoir que c'est. Nous avons icy un bon bouclier barselonnois. »

Les balles donnoient tousjours contre la pierre ; il nous servoit bien de serrer les fesses. Fequieres lit un tour mal habile ; car, ne sachant où nous estions, il siflloit comme pour nous appeller. Je croy que cela les fit opiniastrer à tirer tant. Cependant l'alarme se donna partout ; à la fin ils se fascherent autant de tirer, comme nous d'avoir patience, puis sortismes , et trouvasmes requières derrière la chapelle , qui avoit esté plus ht'ibile que nous; et là monsieur d'Aumalle conclud qu'il meneroit la nuict en suyvant l'artillerie sur le bord du fossé, et toutes nos enseignes; et par là je gaignay la bataille contre les commissaires de l'artillerie, qui disoient (jue tout le monde y mourroit, et qu'il faudroit abandonner l'artillerie. Et par bonne fortune arriva monsieur de Caillac : le matin monsieur d'Aumalle luy conta tout ce que nous axions veu la nuict, moy présent, et luy bailla Fequieres pour aller reeognoistre par derrière la chapelle ; car la nuit mesmes ledict sieur or-

(I) Je jure sur mon Dieu qu'ils sont dans la chapelle; je les y entends.

(2j Gilbert , comte de Lévis, duc de Ventadour.

donna deux enseignes qui estoient loin de la chappclle, pour s'aller camper au derrière d'icelle. Les assiégez firent là une incongruité, car ils ne se dévoient contenter de l'ouvrir, mais dévoient la raser. Et après le retour de monsieur de Caillac, il fut de nostre opinion. Monsieur d'Aumalle permit à monsieur de Caillac et à moy d'aller mener les pionniers coupper la contre-escarpe et ordonna que Duno et Balasergues meneroient l'artillerie après nous, et fit faire une gabionnade dans le pré , à quarante ou cinquante pas de la contre-escarpe, pour mettre les poudres ; et au poinct du jour nous eusines couppé la conti-e-escarpe, les canons placez pour tirer , de sorte que la bouche du canon entroit dans le fossé. Commençant à faire la batterie , monsieur de Bonnivet alloit et venoit à la teste du bastion , et là où monsieur d'Aumalle se tenoit ; aussi faisoit bien monsieur le mareschal de Cossé. Deux nuits devant qu'on fistles tranchées à la teste du bastion qui couvroit le chasteau, pour s'approcher du fossé , le baron de Chipy , maistre de camp, fit mettre encamisade les soldats, et à coup perdu se jetta dans le fossé pesle-mesle avec eux , et gaigna deux cazemattes qui tlanquoient ce fossé , et tua ceux qui estoient dedans , car ils ne se peurent retirer. Et en mesme instant monsieur d'Aumalle commanda les ingénieurs qu'ils fissent des mines à la teste du bastion : ce qu'ils firent, et en firent trois. Monsieur de Cossé couroit au bastion voir si les mines estoient prestes , et puis revenoit à monsieur d'Aumalle , à la batterie que nous faisions. Jusques ici je n'ay peu nommer monsieur d'Anguyen , monsieur le prince de Condé son frère , ny monsieur de Nemours, pource qu'ils y estoient pour leur plaisir, et n'y avoient point de charge , estans accourus de la Cour au bruit d'une bataille qu'on disoit se devoir donner bien tost, parce qu'on n'eust jamais pensé que le duc d'Albe s'en fust retourné sans coup ferir. Ils ne s'abandonnèrent jamais , et à l'assaut allèrent ensemble , et monsieur de Bonnivet avec eux. Il vint plusieurs autres seigneurs, entre autres monsieur de Ventadour (2) , de Lude, de Lausun (3), de Maiicorne (4), de La Cbasteneraye. Or les deux mines firent un grand exploit, car elles renversèrent presque toute la voûte du bastion dans le fossé , et sur la grande poussière qui se fit , le baron de Chipy, qui estoit maistre de camp , et tous les capitaines qu'il avoit avec luy sur la ruine , vindrent aux mains avec quatre vingts ou cent Espagnols qui es-

(.î) François Nompar de Caumont , comte de Lauzun. (5) Jean de Chonrscs, seigneur de Maiicorne.

COMMENTAIRES DE BLAISE DE MONTLUC. [l555]

toient entrez quatre ou cinq jours devant , non sans perte de beaucoup des leurs à l'entrée, et bien deux ou trois cens d'avantage : tous lesquels estoient hommes esleus et choisis parmy toutes les compagnies espagnolles ; et là y en mourut plus de quatre vingts. Et leur gaignerent encore nos gens ceste tranchée qu'ils avoient faicte par le milieu , car ils se voulurent retirer à ceste tranchée, et les nostres les suivirent de si près qu'ils y entrèrent aussi tost qu'eux. Il se voulurent jetter fuyant droit au chasteau : celuy qui le gardoit ne voulut pas abbattre le pont , et là furent achevez de tuer. Et voi-là le succès du bastion, qui fut bravement emporté. Là fut tué un nepveu du duc d'Albe , César de Naples (I) ; entre les prisonniers , le sieur Sigismond de Gonzague, et le capitaine Lazare, lieutenant de la garde du duc d'Albe , et plusieurs autres desquels je n'ay pas retenu le nom. Il faut retourner à la bresche , qui n'estoit pas à la vérité dire trop irraisonnable : elle fut assaillie en mesme heure que le bastion ; ainsi le falloit-il faire; et, quoy que tous ces princes et seigneurs y fissent très-bien leur devoir, y estans montez pour donner courage aux soldats , si est-ce que les ennemis la deffendirent fort bravement, et nous renversèrent bien battus. Là fut tué le comte de Créance (2) , et plusieurs autres luy tindrent compagnie. Sçachant l'effect que d'autre costé avoit esté fait , cela nous consola , et donna espérance à tout le monde que nous viendrions à bout de notre dessein. Estant monté sur le terre-plein du boulevart, qui estoit demeuré entier , je dis à Duno qu'il allast dire à monsieur d'Aumalle qu'il failoit loger trois ou quatre canons sur ce terre-plein, pour foudroyer les ennemis dans la ville : ce qui fut tout aussi tost fait , de sorte que le matin tout joua. Cela estonna ceux de dedans , de sorte qu'ils commencèrent à penser à leur conscience, et parlementer. En fin la capitulation fut faicte (.3), et aussi pour le chasteau, contre lequel , pour sauver l'honneur de celuy qui estoit dedans, on Attirer cinquante coups de canon. Cependant les nouvelles vindrent comme monsieur de Termes s'en venoit avec charge du Roy. Cela fut cause que plusieurs parloient diversement de cela, et en disoit-on diverses raisons. Un secrétaire de monsieur le maresehal de Brissac , nommé Verbin , arriva le lendemain à midy avec des lettres à tous les princes, s'excusant que ceste charge de monsieur de Termes n'estoit jamais venue de luy. Et me dit ledict Verbin , de la

(I) Lisez de Tolède. César de Naples était aussi neveu du duc d'Albe.