I. c D. M. T. vir
part de monsieur le maresehal, qu'il me prioit bien fort que je parlasse à tous les princes , afin qu'ils n'eussent ceste opinion de luy : ce que je fis, encore que je n'eusse pas peut estre autant de crédit que beaucoup d'autres ; mais je ne sçay que c'est , j'en ay tousjours eu plus que je n'avois espéré. Or , pour un mot seulement que je dis à ce Verbin , qui estoit qu'il semhloit advis à messieurs de Gounort , vicomte de Gourdon et à moy , que monsieur le maresehal devoit mander au Roy qu'il pleust à Sa Majesté retarder la venue de monsieur de Termes pour quelques jours, car peu t-estre ces princes feroient difficulté d'obeyr à un gentil-homme , car ledit sieur de Termes n' avoit lors autre tiltre , et que cela peut-estre les occasionneroit de quitter l'armée; ce qu'ils ne pouvoient faire sans que beaucoup de gens les suivissent, qui pouvoit apporter beaucoup de préjudice à son service. Lesdits sieurs Gounort, de Gourdon et moy, n'avions tenu , le soir auparavant , autre langage; mais cest homme de bien alla dire à monsieur le maresehal que je luy avois déclaré que je n'obeyrois point à monsieur de Termes ; à quoy je ne pensay jamais , car autres-fois je luy avois obey , et n'estois pas si haut monté sur mes mulets de coffres, que je voulusse faire le prince. Il a tousjours esté mon amy et de tous mes frères, autant ou plus que gentil-homme de la Guyenne; et tout jamais avons vescu ainsi. Cela se passa en ceste sorte , et marchasmes droit à Montcalvo , attendant la venue de monsieur de Termes , qui arriva au siège , et en usa fort sagement; aussi estoit-il fort advisé, car il ne se voulut jamais entremettre de commander. Nous mismes le siège au chasteau , car la ville fut emportée , aussi n'estoit-elle pas forte , et le battismes par le cul d'un bastion , à main droicte de la porte. Il ne fut possible y faire bresche , car il eust fallu monter avec des eschelles ; de sorte que nos gens, l'ayant voulu tentei-, furent repoussez. J'allay , la nuict , recognoistre le fossé , jusques sous le pont-levis, tout contre la muraille, pour voir s'il y avoit point de flanc qui deffendist la porte ; et trouvay qu'il y en avoit un bas qui battoit au long du fossé : ils me jetterent des cercles de feu, et m'y blessèrent un sergent de la compagnie de monsieur de Lieux , mon frère ; et si n'estions que trois qui entrasmes dans le fossé.
Je fis une consultation avec monsieur de Caillac , que nous missions deux canons sur la contre-escarpe , vis à vis de la porte , afin de tirer
(2) De Bouille, comte de Créance.
(.3) Boyvin du Villars donne plus de détails sur ce i>iége.
droit aux pièces de bois où les cliainnes estoicnt attachées , afin que le pont tombast d'un autre costé; et ainsi nous mettrions bien tost en pièces la porte qui estoit par le dedans. iVous dismcs tout à monsieur d'Aumalle, qui nous eu laissa faire. La nuiet suivante, nous logeasmes les gabions et trois canons ; ce qui fut faict à une heure après minuict. Tous les princes vindrent veoir iiostre besongne , et monsieur d'Anguyen , me prenant par le faux du corps, me dit': « Vous avez esté mon soldat autresfois , à présent je veux estre le vostre. — Monsieur, dis-je, vous soyez le bien venu : un prince ne se doit pas desdaigner au besoin de servir de pionnier ; voicy besongne pour tous. » Monsieur de Cossé y arriva peu après , lequel je prins par la main , et l'amenay voir tout nostrc faict. Apres que ces princes et seigneurs eurent vcu tout , ils s'en allèrent reposer attendant le jour. Je demeuray là. Le matin , comme le capitaine du chasteau se vit bridé de ceste sorte , il commença à faire sonner la chamade , et se rendit ■vies et bagues sauves (l), avec permission de traisner une petite pièce d'artillerie pour luy sauverson honneur et s'en alladroit au pont d'Asteure (2) , où estoit dom Arbre, leur maistre de camp , qui ne luy donna pas le loisir d'entrer en aucune maison pour compter sa fortune, car soudain il le fit pendre et estrangler, comme il meritoit , car, pour le moins , devoit-il attendre un assaut ; il nous eust donné prou d'affaires. Vous c^ui vous enfermez dans les places , advisez à ne prendre pas si tost l'effroy , et , encore que vostre ennemy ait bien accommodé tout son fait , et que vous ayez occasion d'entrer en quelque soupçon que le vostre aille mal , si est-ce que s'il y a tant soit peu d'apparence de vous pouvoir deffendre, esvertuez vous, retranchez vous , et pensez que vostre ennemy a plus de peur à vous attaquer, que vous n'avez à vous deffendre; car la place est bien chetive si vous n'avez quelque moyen de soustenir , puisque vous avez osé attendre le canon. Ne pensez pas sauver vostre honneur pour emporter , ou vostre enseigne, ou quelque pièce d'artillerie , comme fit cestuy-cy ; car tout cela en fin n'est pas grand cas , et celuy qui vous assiège le vous accorde aisément , pourveu qu'il en ayt le profit , et vous la honte et le dommage. Songez les regrets que ce pauvre capitaine , qui se rendit si légèrement, faisoit estant sur la potance, et s'il n'eust pas mieux aymé mourir sur la bresche. Lorsque vous
(<) Le 8 oclolji-e.
(2) Poiile-Stuia, petite Tille du Moalfcrrat.
(5} Do Tlion (lit plus de (junianlo.
aurez fait tout ce qu'un homme de bien peut faire, il n'y a point d'ordre , il se faut rendre.
Cette prise importa fort , car Montcalvo bridoit et teuoit suject, non seulement le pont d'Asteure , mais toutes les places le long du Pau et de la plaine du marquisat de Montferrat , et , avec cela, asseuroit fort Cazal. L'armée séjourna là sept ou huict jours (3) , pendant lesquels arriveront les nouvelles aux princes et à monsieur d'Aumalle , que le Roy avoit quelque mesconteiitement pour la desobeyssance dont j'ay fait mention cy dessus. Je fus meslé parmy ceste belle histoire, m'ayant preste quelque bon personnage ceste bonne charité de dire que je mestois le feu aux estouppes; et vint la chose si aA'ant, que monsieur le counestable m'envoya une lettre , par laquelle il me mandoit que le Roy lui avoit commandé m'escrire que je me retirasse chez moy , et que pour ceste guerre il ne vouloit plus que je m'en entremisse. Cela ne m'estonna pas fort, car je seavois bien que le Roy me feroit cest honneur de m'ouyr. Monsieur le mareschal de Brissac envoya son frère , monsieur de Cossé , à la Cour , lequel asseura le Roy du contraire de ce qu'on luy avoit faict entendre de moy , dont le Roy m'en tint quitte à mon arrivée : car cela fut cause que je m'en allay à la Cour , et me fit aussi bonne chère que de coustume , s'informant bien particulièrement des affaires du Piedmont , mesmes des princes qu'il y avoit en nostre armée , desquels le Roy n'estoit gueres contant ; mais je n'avois garde de trop parler , car après , ou monsieur le connestable , ou madame de Valentinois l'eussent soeu , et de main en main il eust esté dit que c' estoit Montluc qui en avoit compté.
0 qu'un homme qui vit parmy les grands doit estre sage ! Les rapporteurs n'ont rien de bien au ventre : autant en voulut on faire de monsieur de Strossi au retour d'Italie ; bien me servit d'en parler sagement, car la Royne et luy m'en sentirent bon gré. Il faut bien, si vous scavez quelque chose fort importante , en advertir vostre maistre ; mais pour l'aller entretenir , en disant : Sire, un tel fait mal , un autre va laschement en besongne, un autre fait cccy et cela; vous méritez qu'on vous donne des poignardades. Car il faut parler autrement des grands. Celuy qui avoit dit au Roy que j'estois cause du trouble, c' estoit un meschant homme , car il n'en estoit rien. Il ne faut pas trouver estrange si l'on preste des charitez à moy , qui suis pauvre gentil-homme, l'on en preste bien aux princes et aux autres , pour bien grands seigneurs qu'ils soient : ce sont choses ordinaires à la cour des princes ; c'est là où on fait profit , car le recul-
lement d'un sert d'avancement à l'autre : ils jouent aux bouttebors. Il n'y a ordre, il faut passer par là ; car un bon cœur ne peut demeurer chez soy, et qui se veut eschauffer, il faut qu'il s'approche du feu ou du soleil. Nostre soleil, c'est le Roy , qui nous esclaire et escliauffe de ses rayons, quelque part que nous soyons. Si quelqu'un se met au devant, il faut prendre patience avec la devise de monsieur de Guyse : Chacun son tour.
[1Ô.56] Apres avoir quelque peu séjourné à la Cour , je prins congé de Sa Majesté , et m'en vins à ma maison , où je demeuray cinq ou six mois en repos. Lorsque j'estois occupé pour accommoder les affaires de ma maison, laquelle je navois eu le loisir jamais de recogûoistre , Sa Majesté me depescha un courrier pour me faire venir là où il seroit , en poste , m'escrivant que j'envoyasse mon train droit à Marseille , sans me mander là où il me vouloit envoyer : ce que je fis ; car je n'ay jamais esté rétif. Et estant arrivé à !a Cour, je trou vay deux gentils-hommes sienois, qui estoient venus supplier Sa Majesté , de la part de tout leur pays , me vouloir envoyer par de là pour les commander, faisant de grandes plaintes contre monsieur de Soubise (l) , non qu'il les tirannisast ny fist aucun desplaisir, mais pour quelques places qu'estoient perdues de leur Estât ; et croy que monsieur de Soubise y avoit faict ce qu'il avoit peu , mais nul ne prend en gré aucune perte. Tout le monde juge les choses par l'événement. A mon arrivée , le Pioy dit qu'il falloit que je retournasse à Montalcin , pour y estre son lieutenant gênerai ; je contestay une grand pièce (2) pour n'y aller point, non que la charge ne fust honnorable, mais j'avois crainte de m'y embarquer sans biscuit. Et à la vérité , qui veut bien faire ses affaires , il ne faut aller si loin , car on ne s'en souvient pas ; et , si quelque chose se présente pour vostre advancement , vous n'en avez nulle nouvelle. Mais pour l'honneur et la réputation , il vaut mieux estre souvent loing que près : vostre renommée croist plustost , et les estrangers vous révèrent plus que les vostres. D'ailleurs je desirois estre employé aux guerres en la France près de Sadicte Majesté; maisil ne fut possible m'en pouvoir excuser : aussi je n'eusse sçeu refuser mon bon maistre. Les Sienois', dés que je fus arrivé , pressèrent Sa Majesté encore pour me faire partir, preschant plus de loiianges de moy que je n'en meritois. Or, sans plus séjourner , je partis , et prins mon chemin à Mar-
(I) Jean , l'archevêque Alias de Parthenay, baron de Souhise , vicomte de Rohan,
seille, où jetrouvay sept enseignes de gens'de pied que le Roy envoyoit à Rome, lesquelles monsieur de La Molle commandoit ; et mon fils aisné Marc-Anthoine estoit un des capitaines , avec le capitaine Charry. Le baron de La Garde nous embarqua , et nous descendit à Civitavechia ; et incontinent prins la poste , et m'en allay à Rome.
Or le cardinal Caraffe , qui estoit venu en France , supplia le Roy de commander que s'ils avoyent affaire à Rome pour le service du Pape , que je m'y arrestasse pour quelque temps ; ce que Sa Majesté me commanda. Et trouvay ledit cardinal desja arrivé à Rome , et fus fort bien venu de monsieur le mareschal de Strossi , dudit sieur cardinal , et du duc de Palliane (3) son frère ; et le lendemain me menèrent baiser les pieds du Pape , lequel me fit fort grand chère , s'enquerant de moy des particularitez de la France. Le duc d'Albe avoit desja son camp à vingt mil près de Rome. Ledit cardinal avoit fait une levée de trois mil Suysses , qui desja estoient arrivez à Rome. J'estois tousjours d'opinion que nous sortissions à la campagne à dix mil de Rome , et que là nous nous campissions en attendant que le duc d'Albe s'approchast des murailles de la ville , craignant tousjours qu'il adviendroit ce qui advint : mais le sieur Camille Ursin, qui gouvernoit les affaires de la guerre pour le Pape, n'y voulut jamais entendre, et commença à designer des fortifications par dedans la ville, près des murailles, et me fut baillé un quartier. Plus de trois semaines s'escoulerent sans que le duc d'Albe s'approchast de plus de cinq à six mil. Et se donnoient toute la nuict les Romains l'alarme entr'eux-mesmes , de sorte qu'on ne voyoit que fuyr gens vers Sainct Pierre , autres aux maisons des cardinaux qui tenoient le parti du roy d'Espagne ; et ne vis jamais tel desordre. Ce peuple n'est gueres aguerry; aussi est-il composé de diverses nations. Je croy que ce n'est pas la race des Césars, Catons, Scipions et autres; il y a là trop de délices et voluptez pour produire grand nombre d'hommes de guerre. Et parce qu'il sembla advis à messieurs les cardinaux d'Armagnac, du Rellay , de Lansac et d' Avanson , que , si je faisois une remonstrance aux capitaines commaudans en la cité , pour leur apprendre l'ordre que j'avois tenu à Siene, qu'ils le prcndroient en meilleur part de moy que de tout autre, leur souvenant , et à toute la cité , de la réputation que j'avois acquise audit siège , monsieur le ma-
(2) Longtemps.
(.5) Jean Caraffe, comte de Montorio et duc de Palliano.
COMMENTAIRES DE BLAISE DE MOMLUC. [1o5G]
rescluil de Strossi et monsieur le cardinal Caraffe le trouvèrent bon , et firent venir tous les principaux , et tous leurs capitaines , enseignes et lieutenans dans la basse-court du logis de monsieur d'Avanson, qui pour lors estoit ambassadeur; et là je leur fis la harangue qui s'ensuit, en la présence desdicts sieurs , en langage italien. Monsieur de Lansac est en vie, qui me dit qu'il n'eust jamais pensé qu'un Gascon fust devenu bon Italien, comme j'estois lors.
(( Messieurs, depuis que le duc d'Albe s'est approché un peu de voslre cité , il nous semble, à nous qui sommes francois, que vous avez conceu quelque nouvelle peur, et sans grande occasion ; de sorte que pour la moindre chose vous entrez en un merveilleux effroy : que si les ennemis s'approchoient de vos murailles lors que ceste confusion est parmy vous; ilsentreroient dedans tout à leur aise, sans grande contradiction , pource qu'au lieu que vous deviez tenir un silence dans vostre cité, mesmement la nuict , et que vous deviez pluslost courir aux murailles que de vous mettre au grand desordre , que vous faites ; car on voit une partie courir à Sainct Pierre, autres aux églises, autres es maisons des cardinaux espagnols, avec toute la confusion du monde : cela ne peut procéder que d'une de deux choses , ou bien faute de cœur, ou faute que vous ne commandez pas bien l'ordre qu'il faut que vos gens tiennent quand les affaires se présentent, tant la nuict que le jour. Si vous le faictcs pour faute de cœur, c'est donc signe que vous n'aviez pas bien considéré quelles gens sont vos ennemis. Kt que peuvent-ils estre autres qu'hommes comme vous? ne portons nous pas les armes pareilles aux leurs, et aussi bonnes que les leurs? ne sont-ils pas sujects à recevoir la mort de nos coups comme nous des leurs? la querelle du J'ape n'est-elle pas juste et saincte, et meilleure que la leur? ce ([ue nous doit faire espérer que Dieu est avec nous. Et quelle part et portion a le roy d'Espagne à Rome, ny aux terres du Pape , ny en vos maisons, pour faire que Dieu le veuille ayder plus qu'à nous? Qu'est devenue la hardiesse de vos anciens Romains , qui vous ont laissé ceste grande renommée qu'ils ont acquise en leurs vies? Quelle autre nation habite aujourd'huy à Home, pour vous avoir osté le cœur que vous ont laissé ceux de qui vous descendez de toute ancienneté, comme vous dites? 0 messieurs , que vous faites un grand tort à la renommée de vos prédécesseurs, de montrer que vous ayez crainte des gens qui ne sont qu'hommes comme vous?
Vous faites beaucoup pour les ennemis , de ce
qu'ils se pourront vanter avoir fait peur à ceux qui anciennement faisoient trembler toutes les nations du monde. Si ceste peur procède du mauN ais ordre que vous y avez donné à vostre commencement jusques icy, il n'y a rien encores tant gasté , qu'en un seul jour vous n'y puissiez remédier. Vous en allant tout à ceste heure, advisés d'où procède ce deffaut, et promptcmcnl y remédier : et ainsi vous ferez cognoistre à tout le monde que ce n'est pas faute de cœur, mais que c'est faute de l'ordre; et ainsi tout vostre peuple reprendra courage , se voyant dans le bon ordre que vous y aurez donné. Ne trouvez pas estrange si je m'esbahis de ce que je vois dans vostre cité; m'estant trouvé dans Siene commandant au peuple, ayant le marquis de Marignan plus de force deux fois que n'a le duc d'Albe, je puis dire, avec beaucoup d'honneur pour lesSienois, que je ne cogneus en ma a ie un seul citoyen avoir peur. Bien-heureux sont les Sienois , qui ont monstre estre extraicts et vrais enfans légitimes de vos anciens pères qui ont fondé ces murailles et les leurs aussi, à ce qu'ils m'ont asseuré; aussi portent ils mesmes armes que vous. Et encore que la cité soit perdue, leur renommée et valleur n'est pas pour cela enterrée , qui donnera tousjours espérance à un ebacun qu'elle se pourra quelque jour recouvrer par leur vertu et hardiesse. Que si vous ne faites autrement que comme j'ay veu jusques icy, je ^eux dire que je seray tousjours plus asseuré de deffendre Siene , n'ayant que les femmes sienoises avec moy pour combattre, que non deffendre Rome avec les Romains qui y sont. Excusez moy, je vous prie, si je vous dis la vérité ; car je ne le fais pour aucune commodité que je pense en pouA oir revenir au Roy mon maistre ny à moy, mais pour vostre bien, et pour éviter la ruine totalle de vostre ville, laquelle si elle est envahie par vos ennemis, vous serez misérablement saccagez, et la ville pirement traiclée qu'elle ne fut du temps de monsieur de Bourbon. Croyez , messieurs , que si j'esiois aise de vostre perte, je ne vous ferois pas la remonslrancc, en la présence de ces seigneurs, que je vous fais; mais en estant marry comme votre serviteur, puis que vous estes bons amis et confederez du roy de France mon maistre , et désirant mourir avec vous pour vostre conservation , cela m'a contrainct vous faire entendre ce que je vous ay dit , et aussi que messieurs les ministres du Roy qui sont icy, m'ont asseuré que vous la prendrez en meilleure part de moy que de tout autre , pour l'estime que vous avez de moy depuis le siège de'
COMMENTAIRES DE BLAl
Slene : ce que je vous prie de ma part vouloir faire. Et si eu aucune chose je vous y puis ayder, me le faisant sçavoir, je me transporteray incontinent ù vostre conseil. Je croy que le souvenir du sac de vostre ville , fait par le seigneur de Bourbon , vous met en doute. Vous fustes lors surpris, à présent vous avez les armes aux mains. JN 'ayez peur, ne craignez vos ennemis, ains départez vostre ville, donnez à chacun son lieu , pour se rendre au besoin , affm que vostre confusion ne nous oste le moyen de vous secourir, si l'ennemy se présente. Et chassez la peur de vos citoyens, s'il en y a : qu'on ne voye nulle confusion , et ne vous faschez du reste. Vous verrez bien tost vos ennemis forcez de se retirer, sçachant le bon ordre que vous y aurez mis. » lis me remercièrent bien fort, et ainsi se départirent de nous, nous asseurant qu'ils alloient donner tel ordre , que les accidents qui estoient survenus n'y adviendroient plus, me priant bien fort me vouloir trouver en leur conseil le lendemain matin , et que là ils me monstreroient l'ordre qu'ils y alloient donner, pour prendre là dessus mon advis et conseil. Ce qui fut fait : et regardasmes tous ensemble si bien à leurs affaires , qu'il ne se parla plus de crainte ny de desordre. Je m'accostay des principaux du peuple, et leur monstray ce qu'il falloit faire : je les cognus de bonne volonté. Toutes-fois cette grande multitude est formée de diverses humeurs : il y a moyen de les ramener toutes à une , quand c'est pour leur bien et salut. Bref, toutes choses se portèrent mieux , dequoy le Pape me sentit bon gré.
Or le duc d'Albe, quelques jours après, remua son camp , et print son chemin vers Thiboly (1), à douze mil de Rome. Je ne sçay si ce fut qu'il entendit que la ville se gardoit mieux qu'elle ne faisoit, et que les choses estoient changées, ou bien que son opinion n'estoit de s'approcher plus près de la ville. Et , pource que dans Thiboly estoit le sieur Francisco Ursin avec cinq enseignes italiennes, et que la ville n'estoit point forte, messieurs le mareschal , cardinal de Caraffe et duc de Palliane, eurent crainte que le duc d'Albe s'en allast prendre Thiboly, et mettre en pièce ce qui estoit dedans; ce qui fut cause qu'ils me prièrent de partir toute la uuict pour aller retirer le sieur Francisco , me baillant les deux compagnies de chevaux légers de !a garde du Pape , et les deux compagnies à cheval du duc de Palliane, que les capitaines Ambros et BartlioJomc ^2; com-
(i) Tivoli.
(2) Bartolomeo de Beuevento.
SE DE MOWTLUC. [l556| 165
mandoient, et quatre cens arquebusiers qui estoient sous la charge de mon fils Marc-Anthoine et du capitaine Charry. Le cardinal Caraffe m'avoit asseuré sur son honneur que les ennemis ne pouvoient passer le Tybre , et que je pouvois faire la re traie te , ayant tousjours le Tybre entre les ennemis et moy. Je fus au soleil levant avec lés gens à cheval à Thiboly , et les gens de pied arrivèrent deux heures après moy , et trouvay que le sieur Francisco ne sçavoit aucunes nouvelles des ennemis ; et après l'avoir entendu , je me doutay de ce qu'il ra'advint, car je sçavois bien , avant que partir de Rome, que le duc d'Albe avoit prins le chemin de Thiboly, et qu'il venoit à la desrobée surprendre le sieur Francisco, puisqu'il n'en sçavoit aucunes nouvelles. Je ne fis que manger bien peu , et faire repaistre mes chevaux , et manger un peu nos gens de pied. J'ordonnay au sieur Francisco de faire sonner le tabouriu pour desloger et mettre aux champs, et le priay de me prester un cheval ou deux de ses gens qui cognoissoient le pays , car moy-mesmes je voulois aller faire la sentinelle cependant que tout le monde s'appresteroit pour partir : dont bien m'en print, car le sieur Francisco avoit envoyé deux de ses gens pour descouvrir, et avoient rapporté , cependant que nous disnions , qu'ils n'y avoit aucunes nouvelles d'ennemis eu tout le pays ; mais je ne me voulus pas arrester là , et m'en allay avec ces deux mesmes. Et comme je fus hors de Thiboly, au long d'un cottau, je me mis sous un arbre, car il commençoit à faire grand chaud; et tout en un coup j'aperceus au long d'un petit bois taillis force gens à cheval qui alloient droit au Tybre contrebas, et d'autres que je voyois au long d'un vallon , qui venoient droit à moy ; et au milieu d'une plaine, au deçà de ce bois taillis, je voyois quelque chose , ne pouvant discerner que c' estoit. Je manday promptement au seigneur Francisco que j'avois descouvert le camp, et qu'à toute diligence il fist sortir ses gens, et s'acheminast par l'autre costé du Tybre. Jamais le soldat qui l'alla advertir ne fut dans la ville, que voyla dixhuit ou vingt enseignes d'Espagnols qui estoit couchez dans la plaine , Itvez et marcher. Je m'en vois au galop , et trouvay qu'il n'y avoit encores un seul homme dehors ; et fis diligence de faire cheminer les enseignes italiennes , faisant fermer la porte de la ville : et fis là le tour d'un fin homme , car j'emportay les c'efs avec moy, pensant que les ennemis ne peussent de long temps rompre les portes; car le Tybre passe par le milieu de la ville, où il y a un pont, et de bons et beaux
moulins dans la ville mesmes , lesquels j'avois commencé à faire rompre dés mon arrivée ; mais cela ne peustestre achevé. J'avois laissé le capitaine Cliarry à la porte , et mon fils Marc- Anthoiuc au pont pour le soustcnir ; et j'allois et veuois faire haster les Italiens de cheminer. Et comme ils furent tous dehors la porte , j'allay retirer le capitaine Charry , et commençasmes à rompre le pont , qui estoit de bois , et tout incontinent les ennemis furent dans la ville. Je mis des arquebusiers dans des maisons qui regardoient au long de la rue. Les soldats firent extrême diligence d'achever de rompre le pont, puis m'acheminay droict à la porte. J'avois mis la cavallerie devant les Italiens, et falloit que nous passissions par le détroit des rochers , ne pouvant aller qu'un à un, Jusques ù ce que nous fusmes à la sortie de la porte, nous eusmes les ennemis sur les bras; et n'y a pas cinquante pas jusques au destroict du chemin. Et voyant qu'cux-mesmes ne pouvoient venir qu'un à un , ils nous laissèrent et retournèrent saccager la ville. Leurs Italiens venoient après les Espagnols, et pensoieut entrer dans la ville pour avoir leur part du sac; mais les Espagnols ne leuï- voulurent jamais ouvrir, et s'amusèrent à la porte, et les Espagnols à saccager. Et comme nous fusmes à la plaine, je fis prendre à mon fils et au capitaine Chai-ry, avec les quatre cens arquebusiers , à main droicte au long d'un costau à plus de mil pas de nous, et les deux compagnies du duc de Palliane; et leur dis le secret, que si les ennemis passoient le Tybre , qu'ils gaignassent tous jours au long du costau tirant à Rome , et qu'ils ne se souciassent poinct de moy. Autant eust valu perdre toutes les enseignes qu'avoit monsieur de La Molle , comme ces quatre cens arcpiebusiers, carc'estoit la fleur de toutes les compagnies. Je ne fus jamais à demy mil dans la plaine, que voy-la toute la cavallerie sur le Tybre, et leurs Allemans qui commencèrent à passer, mesmement quelques gens à cheval auprès du moulin, qui ne pouvoient passer qu'un à un. Je tcnois tout pour perdu, car il me falloit retirer douze mil devant tout le camp , et pensois bien que la cavallerie passeroit force arquebusiers en crouppe : mais si je perdois les uns , je ne voulois pas perdre les autres. Or le sieur Francisco marchoit tousjours le grand pas à une arqiiebusade du Tybre, et les autres au long du costau vis à vis de nous. Voy-cy arriver cinquante ou soixante chevaux des leurs. Je prins l'un des capitaines de la garde avec sa cornette , et l'autre suy voit tous-
(1) Ascanio di'lia toroia.
COMMENTAmES DE BLAISE DE MONTLUC. [1556]
jours les gens de pied , et les faisoit hastcr ; et tournay visage droit aux ennemis , lesquels firent alte, et moy faisant semblant de les charger, ils me tournèrent le dos pour se retirer, ne sçay pourquoy; et je retournay à mon chemin. Depuis ne llrent semblant de venir à moy, combien que tousjours arrivoient de leurs gens , mais c'estoient trois ou quatre ; et , comme ils me virent bien avant , ils tournèrent en arrière, et s'allèrent amuser à prendre du bestail dans les prez. Il faut'sçavoir quelle estoit ma délibération, et voir si je me voulois perdre avec ceux-là, ou si me voulois sauver avec les nostres. Le duc de Palliane m'avoit donné un turc gris qui volloit sur terre. J'estois deUberé de mesler les cartes là , et , n'y voyant aucun ordre de se sauver, je me voulois retirer jusques aux nostres qui alloient droit à un chasteau qui tenoit pour le Pape , et y avoit garnison : et faisois estât de sauver la pluspart de la cavallerie , car 11 n'y avoit que cinq mil jusques au chasteau. Un trompette nous dit deux jours après que jamais le duc d'Albe ne voulut laisser passer le seigneur Ascanio de La Corne (1), pource qu'il n avoit là un seul arquebusier que des Allemans , car tous les Espagnols et Italiens estoient à Thiboly. Et ainsi me retiray droit à Rome , et manday à nos gens venir à nous , et nous r'alliasmes au pont qu'est le plus près de Rome, où passasmes, estant trois heures de nuict quand nous arrivasmes à Rome. Voylà la fortune que j'eus à ceste re tirade.
Ne vous liez jamais , capitaines mes compagnons, quand vous arriverez en quelque lieu, si vous estes tant soit peu en doute , à ce qu'on vous dira; car c'est tousjours la coustume quand vous arrivez , on vous caresse , on vous prie de reposer. Ne faites pas cela; voyez le lieu où vous estes , recognoissez le tout. Un des plus grands capitaines que l'Empereur eut jamais, qui fut le seigneur Pescaire , pours'estre fié à son arrivée en une ville d'Italie, fut pris ; et si avoit trois ou quatre mille hommes, qui fut une grand honte à un si grand capitaine. Il en jettoit la faute sur un autre, comme luymesme m'a dict : « Si j'en eusse fait ainsi, le seigneur Francisco m'eust fait souffrir une escorne , et peut estre perdre la vie.
Deux nuicts après , lesdits seigneurs me baillèrent deux compagnies italiennes pour les mener à I3ellistre (2) au duc de Somme , qui est au delà de Marin , au long de la mer six ou sept mil. Je chcminay toute la nuit, ayant avec moy les deux compagnies du duc de Palliane , et
(2) Vcllelri.
COMMENTAIRES DE BLAISE DE MOKTLUC. [l556]
commanday que nos chevaux eussent repeu dans une heure et demie. Le duc de Somme me vouloit arrester à toute force ceste nuict là , mais je n'y voulus jamais entendre : car je pensois bien que le duc d'Albe n'estoit pas sans espions à Rome , veu qu'il y avoit tant d'Espagnols et gens qui tenoient le party du roy d'Espagne ; et me mis , après avoir repeu , en chemin , qui fut quarante cinq ou quarante six mil à aller ou venir , et arrivay à trois heures de nuict à Rome : dont bien m'en print, car deux heures avant jour arrivèrent six cens chevaux et cinq cents arquebusiers à cheval à Marin , et trouvèrent les nouvelles que j'estois repassé. Et voylà un autre fortune qui m'advint , où il ne me fut pas besoin avoir laissé l'entendemeût au logis. Or il faut que j'en mette par escrit un autre qui m'arriva six jours après , et ne fust ce que pour faire rire ceux qui liront ce livre et le discours de ma vie.
Cinq ou six jours après ce rencontre , estant tousjours le camp du duc d'Albe à ïhiboly , le baron de La Garde manda à monsieur le mareschal de Strossi de Civitavechia , que s'il luy vouloit envoyer quatre cens arquebusiers, qu'il les embarqueroit dans les galleres, et qu'il les iroit descendre à Neptune, qui est une place plus forte sur le bord de la mer, laquelle entre dedans les fossez , et qu'on pourroit brusler les batteaux que le duc d'Albe y avoit fait amener pour faire un pont à Ostie afin de passer le Tybre du costédedeça, comme il fit après. Or monsieur le mareschal m'en laissa la charge : j'y envoyay mon fils Marc-Antoine et le capitaine Charry , avec les quatre cens arquebusiers, lesquels y allèrent par envie. Et comme ils furent à Civitavechia , il les embarqua et les alla descendre audit Neptune ; mais il ne fut possible de les brusler , car il les avoit mis dans le fossé et les deffendoient de la forteresse. Et comme les affaires de la guerre sont incertains , il m'advint que le jour mesmes qu'ils arrivèrent à Neptune, où ils demeurèrent deux jours , je m'allay promener le soir hors la porte de Rome qui va à Marin , et trouvay un homme qui venoit de Marin : je luy demanday qui il estoit ; il me dict qu'il estoit l'hospitalier (2) de Marin ; et cogiieus à sa langue qu'il n'estoit pas italien, ce qu'il me confessa , car il me dit qu'il estoit françois , et qu'il estoit pauvre homme , réduit à cest hospital de Marin. Je luy demanday qui estoit à Marin ; il me dit que le matin le sieur Marc-Antoine Colonne y estoit arrivé avec sa compagnie de cinquante hommes d'armes,
(I) L'aubergiste.
n'ayant rien avec luy d'avantage homme de pied ny de cheval. Les compagnies d'hommes d'armes en Italie n'ont point d'archiers comme les nostres. Marin est audict Marc-Antoine (2) , et par ce que j'avois entendu à Rome quel il estoit , l'on le m' avoit despeint un jeune seigneur de vingt à vingt-deux ans, plein de bonne volonté , et riche de quatre vingts mil escus de rente. Paliane estoit à luy, que le Pape luy avoit osté et donné à son neveu , que l'on appelloit depuis le duc de Paliane. Le tiltre ne luy dura guères , car il la recouvra après. Ayant laissé cet hospitallier , il me va en l'entendement que facillement je prendrois prisonnier ce seigneur romain , et que , si je le pouvois attraper^ j'estois riche à jamais; car pour le moins j'en aurois quatre vingt mil escus de rançon , qui estoit son revenu d'un an : ce n'estoit pas trop. Je vay discourir en moymesme que monsieur de La Molle viendroit avec moy , menant trois cens arquebusiers seulement , et les laisserois à moitié chemin auprès d'une tour , où il y avoit des cabanes pour retirer le bestail , car j'avois recogueu le chemin allant et retournant à Belistre , et que je prendrois le capitaine Ambrosi, lieutenant d'une compagnie, du duc de Paliane, avec vingt cinq chevaux des meilleurs et les plus courans de sa compagnie, et que j'emprunterois du seigneur Aurelio Fregouse son lieutenant et sa cornette , avec trente cinq sallades seulement des meilleurs qu'il eust, et les meilleurs chevaux, et que je laisserois à une portée d'arquebusade de monsieur de La Molle , tirant vers Marin , le capitaine Ambrosi avec les trente cinq sallades ; et moy je m'en irois, avec celle du sieur Aurelio, me mettre en embuscade auprès de Marin , sous les vignes, et un peu à main gauche du grand chemin, et que j'envoyerois six sallades donner l'alarme un peu devant le jour à Marin , et qu'estant le sieur Marc-Antoine jeune et plein de bonne volonté , il ne feroit point de faute de sortir. Je faisois estât qu'à point nommé il sortiroit au point du jour, et que les six sallades l'ameneroient à nostre embuscade , et que je prendrois la fuitte avec les six sallades à sa vue, et qu'il me suyvroit à toute bride , voyant une cornette , laquelle luy feroit joye de la pouvoir prendre, pour avoir plus de réputation de sa victoire. Or , comme j'eus tout cela discouru en mon entendement , je le tenois aussi asseuré mon prisonnier comme si je l'eusse eu entre mes mains. Et m'en retournay dans la ville , et parlay au sieur Aurelio , lequel me presta son
(2) Marc-Antoine Colonne.
COMMENTAIRES DE lîLA
lieutenant et son enseigne avec les trente cinq
sallades : pareillement j'en parlay à monsieur de La Molle et au capitaine Ambrosi. Le lieutenant du seigneur xVurelio, qui estoit grec, s'appelloit le capitaine Alexis. INous uoiis assignasmesà l'entrée de la nuit à la porte , et ne voulus rien dire de mon entreprise à monsieur le mareschal , ny à personne de ceux que j'amenois, jusques à ce que nous fusmcs hors la ville : et à lors je tiray à part monsieur de La Molle et les capitaines Ambrosi et Alexis, et leur dis mon entreprise , laquelle ils trouvèrent tous trois Ibrt bonne, et en cela nous eusmes aussi bon entendement les uns que les autres. Il nous tardoit que nous n'y fussions , et eux me faisoicnt l'entreprise bien aisée , affermant les deux qui le cognoissoient qu'il sortiroit , et le capitaine Ambrosi ayant couru sept mil après moy , nous asseurant que nous l'emporterions et toutes ses gens. Et ainsi nous nous en allasmes chaque trouppe à part, la niionue tousjours la première. Et comme nous fusmes près de la tour, j'y laissay monsieur de La Molle, et plus avant, derrière la petite chapelle, le capitaine Ambrosi. Or comme nous fusmes le capitaine Alexis et moy au fond des vignes près Marin , il voulut que l'enseigne menast les six et baillast le drappeau à un autre. Je luy baillay un gentil-homme des miens, et nous nous mismes dans un marais où l'hy ver l'eauë croissoit et l'esté n'en y avoit point ; car en autre lieu nous ne nous pouvions cacher : et ainsi s'en allèrent les six droict à la porte de la ville. Et comme le jour commença à venir, nous n'avions point nouvelles que nos gens eussent donné l'alarme : je pensois , ou bien que le seigneur Marc-Antoine ne vouloit point sortir, ou bien qu'il s'en estoit retourné. Or à main gauche de nous il y avoit un grand vallon ; je m'estois mis sur un petit haut où il y avoit des pierres d'une ruine de maison ou bien de chapelle , et commeuçay à veoir par de là le vallon sur la montée trois ou quatre chevaux, lesquels une fois paroissoient, d'autres fois non. Je les montray au capitaine Alexis, qui estoit plus bas que moy : il fît partir des sallades tout au long des vignes où le vallon commcnçoit. Je n'avois jamais encore jette les yeux dans le vallon, pource que le jour ne faisoit que commencer à sortir , et je regardois tousjours vers la montagne , ou se monstroient ces trois ou quatre chevaux à cinquante pas de nous. Quand je tournay ma v eue dans le vallon , je vis trois trouppes de gens de cheval : à la première y pouvoit avoir plus de cent chevaux , a l'autre plus de deux ou trois cens, et en la grande sept ou huictccns. Or il
ISE DE MOWTLUC. [1556]
faut dire la raison pourquoy ils y estoient : comme le baron de La Garde faisoit la descente de nos gens à Neptune , ceux de Neptune firent partir deux chevaux en poste vers le duc d'Albe à Tiboly, lequel incontinent depescha le sieur de La Corne avec douze cens chevaux et douze enseignes de gens de pied qui cheminèrent toute la uuict ; et une heure devant le jour il arriva à ce vallon , et les gens de pied à la crouppe de la montée : ils avoient faict alte là, jusques à ce que le sieur Marc Antoine seroit prest, luy ayant envoyé vingt cinq sallades pour le faire monter à cheval. Et comme ils furent à la porte de la ville , ils trouvèrent nos six sallades [l'aube du jour ne faisoit que commencer à poindre] et se demandèrent les uns aux autres , Qui vive ! et au cry ils chargèrent les nostres de telle sorte , qu'il ne fut possible qu'ils reprinssent leur chemin à nous , et prindrent la fuitte vers le chemin qui vient de Jîelistre à Rome, et au long de la plaine romaine, les chassèrent jusques auprès de Rome , et donnèrent l'alarme à monsieur le mareschal et à toute la ville , et dirent qu'il n'estoit possible que je ne fusse prius , et toutes les gens que j'avois avec moy perdus. Or, comme le capitaine Alexis eut rappelle ses deux chevaux , nous prinsmes la retraicte par le chemin que nous estions venus : et voilà les cent chevaux après nous , les deux ou trois cens après qui venoient le trot, et les enseignes de gens de pied venoient après le pas; et ainsi nous menèrent sept mil jusques au capitaine Ambrosi , les lances tousjours sur la crouppe de nos chevaux. J'estois sur ce cheval turc gris que le duc de Paliane m'avoit donné , un des vistes chevaux que je montay jamais, et qui bondissoit le mieux un fossé : aucunesfois je sautois en chemin dans le champ à main droicte , autresfois à main gauche. Quand nous fuyons parle grand chemin, le capitaine Alexis estoit tousjours à la queue comme moy , et celuy qui portoit la cornette devant. J'allois tousjours parlant aux soldats qu'ils ne s'esbahissent point, ores du costé de main gauche , ores du costé de main droicte. Le plus que nous pouvions avoir devant eux , estoit de la longueur de trois ou quatre lances. Or , le capitaine Ambrosi , comme nous approchasmes de luy, sort de derrier la chappelle, et je commence à crier : Volte! ro/^e .' à nos gens, qui tournèrent incontinent ; et tout en un coup je leurs fis une cargue, et les rembarray jusques dans l'autre trouppe , laquelle, ayant veu nostre embuscade , avoit faict alte pour voir ce que c' estoit ; et toutes les deux trouppes se serrèrent, faisant semblant de nous vouloir faire la cargue.
COMMENTAIRES DE BLAISK DE MONJLLC
Je cogneus bien que j'avois faict un pas de clerc d'avoir faict ceste cargue , et pensay une fois estre perdu ; mais^ par bonne fortune, monsieur de La Molle se monstra sur le chemin avec l'arquebuserie , qui fut cause que les ennemis ne me firent la cargue , ains s'arrestereut. Alors le capitaine Alexis me dit : Quelli primi cite ci seqiiitano sono Greci , per che lo 0 inteso à loro gridi. Me ne vo à vedere se pote rofermar H, per tratenermi con essi loro (l) ; ce qu'il fit, leur demandant parler à fiance (2) ; et cependant je faisois cheminer monsieur de La Molle , et gaignay une petite descente : de sorte que les ennemis ne pouvoient plus veoir ce que nous faisions; et leur fis aller gaigner les pilliers des aqueducs qui estoient par là où anciennement les Romains faisoient venir l'eauc àRome, et de mesmes coramanday aux gens à cheval de les suyvre au grand pas. Ainsi s'acheminèrent, allant le plus grand pas qu'ils pouvoient ; puis je retournay au sieur Alexis , ayant rafreschy la bouche de mon cheval dans un fossé auprès de ia tour , lequel je trouvay après aussi frais que s'il n'eust poinct couru. Or, comme les deux trouppes furent ensemble et eurent faict alte, la grande fit de mesmes alte, et les gens de pied pareillement : le capitaine Alexis parloit tousjours à eux; je pouvois descouvrir tousjours les nostres ; et , comme je les vis près des aqueducs , je m'approchay du capitaine Alexis , et luy dis : Reiiriamo si , capitano , reiiriamo si (3). Ils luy demandèrent qui les menoit , il me nomma : et commencèrent à faire des exclamations , disans qu'en huict ou neuf jours ils m'a- \oient failli trois fois ; c'est à la retraicte de Thiboli , et au retour de Belistre ; et à ceste heure : dont le capitaine Alexis se rioit d'eux , tousjours se retirant. Or à la despartie du capitaine Alexis , plusieurs d'eux me crièrent : A Dio sifjnor di Moniluco, à Dlo{4) : et raoy aussi je leur criay : à Dio, à Dio. Et de là tournèrent tout court droict à Marin , où trouvèrent nouvelles que le baron de La Garde avoit rembarqué nos gens, et retourné à Civitavechia. Le seigneur Ascanio me renvoya trois sallades que j'avois perdu , mais non les chevaux ; car , comme leurs chevaux bronchoient, ils tomboient par terre , et moy je sautois en chemin avec mon turc, et leur donnois sur la croupe du plat de l'espée, de sorte qu'ils s'enfermoient dans la troupe. 11 les renvoya par un sien trom-
(1) " Los premiers qui nous suivent sont" des Grecs; ]e les ai reconnus à leui's cris. Je vais voir si je pourrai arrêter leur raarclie eu leur parlant. »
[1550] icy
pette , lequel nous faisoit rire parlant de son maistre , qui disoit que , s'il eust sçeu que je fusse esté en ceste troupe , il m'eust accompagné jusques aux portes de Rome pour me prendre ; mais en courant ne demandèrent jamais à ces prisonniers qui les conduisoit , jusques à la fin que nous fusmes sauvez ; et me disoit le trompette que, si j'eusse esté pris , il ne me falloit pas avoir crainte qu'on m'eust fait dcsplaisir; car l'on m'eust autant ou plus caressé et honoré que dans nostre camp. Aussi peut-on dire que jamais prisonnier n'est sorti de mes mains , ou de lieu où j'eusse puissance , qui fut mal content de moy : cela est indigne de les escorcher jusques aux os , quand ce sont personnes d'honneur qui portent les armes : mesmement, quand c'est une guerre de prince à prince , c'est plustost un esbat qu'une inimitié.
Ainsi je m'en retournay à Rome, et, après m'estre desarmé, j'allay trouver monsieur le mareschal, monsieur le cardinal Caraffe, et duc de Paliane, lesquels je trouvay ensemble, en un logis à la ville, où ils estoient revenus du palais Sainct Pierre ; et me commencèrent à dire tous trois qu'il scmbloit que je me voulusse perdre pour mon plaisir, et que, s'ils eussent sceu ma sortie, ils m'eussent empesché. Ils voulurent entendre l'occasion de mon entreprise, laquelle je leur racontay de point en point, et leur dis que la nuict en allant je tenois aussi asseuré prisonnier le sieur Marc -Antoine, comme j'estois asseuré de mourir, et que desja j'avois faict estât de tirer de sa rançon quatre vingt mil escus ; ce n'estoit pas trop de prendre son revenu d'un an, et que j'en voulois donner quarante mil à monsieur de La Molle, aux capitaines et aux soldats, et que je voulois garder les autres quarante mil pour m'achepter du bien en France pour estre près du Roy, car la Gascongne en est trop esloignée ; et qu'il me sembloit desja que j'avois du bien près de Paris : de sorte que de toute la nuict je ne peuz oster ceste opinion de ma teste. Et comme ils entendirent mes raisons, ils se mirent à rire si fort, que je croy qu'ils ne rirent jamais tant pour un coup, de ce que j'avois desja faict estât de !a prinse, de la rançon, et d'achepter terres et chasteaux. Et monsieur le mareschal, quand il vou'.oit gaber, parloit tousjours en italien. 11 me dit de bonne grâce : Signor, quundo che vi andaremo visitarjareie voi à noi allri ire bona chiera nei castelU che voleté comprare
(2) .1 fiance: sous sauf-conduit.
(5) i< Retirons-nous, capitaine, retirons-nous. »
(i) <i Adieu, monsieur de Montluc, adieu, »
COJUUEMAIBES DE BLAISE UK MONTLIJC. [l556]
aprcsso Parigis(l). Ils en rirent à mes despens. Or estoient ils sur une depesche qu'ils faisoient au Roy, ctenvoyoieut devers Sa Majesté monsieur de Porriores, de Provence (i>), lequel avoit prins sa part du rire, et tous ceux qui estoient avec eux. Et comme il y a des iicns qui sont sujects à faire plus mal que bien, il y eut quelqu'un qui escrivit par la voye de la banque, à Lyon, comme j'avois perdu toute lacavallerie du Pape en la plaine romaine, et que je m'en estois Tuy, et ne sçavoit-on que j'estois devenu. Je croy que ce sont gens appostez pour faire courir quelque mauvaise nouvelle, afm de degouster nos partisans. Cela fut escrit de Lyon, par la poste, à monsieur le connestable, lequel le dict au Roi, qui ouit ces nouvelles avec beaucoup de desplaisir. Monsieur de Porrieres, qui venoit par le pays des Grisons, ne peust estre si tost à la Cour que les nouvelles ny eussent couru quatre jours auparavant. Et comme monsieur le mareschal et les autres avoient ry de ma folie, le Roy restoit autant mal content contre moy, disant que c'estoit lapins grand folie que jamais homme entreprit, ayant toujours esté heureux; mais qu'à présent j'avois perdu mon heur et ma réputation, estant bien marry que cela me fust advenu, mesmesaux portes de Rome. Ces nouvelles ne furent si cachées qu'on ne les escrivit tout incontinent en Gascogne : je vous laisse à penser comme je fus accoustré de ceux qui nem'aimoient gueres; car il faut estre Dieu pour n'avoir point d'ennemis et envieux, ou bien ne se mesler que de faire son jardin ou son vergier. Et comme monsieur de Porrieres fut arrivé, le Roy le feit venir en son cabinet, et, après avoir leu les lettres et sa créance, dans lesquelles ne se parloit rien de cela, ni monsieur de Porrieres n'en parloit aussi, le Roy lui dict : « Eh bien, monsieur de Porrieres, Monlluc s'y est-il trouvé ? il a faict une belle besoigne! » Lequel lui respondit qu'il m'avoit laissé à Rome ; et le Roy lui dict qu'il sçavoit bien que j'avois perdu toute la cavullcriedu Pape, et que je m'estois sauvé. Surquoi monsieur de Porrieres fut fort esbahy de ces nouvelles , et luy dict que si cela estoit advenu depuis son département, qu'il pourroit bien estre, mais qu'il n'avoit demeuré que neuf jours à venir. Sa Majesté fit regarder combien il y avoit que ces nouvelles estoient venues, et trouvèrent qu'il y avoit quatre jours. Alors le Roy dit qu'il pensoit que c'estoit une baye et
(1) <i Monsieur, lors(|uc nous irons vous \i.silfr, vous nous ferez à Ions trois bonne cliiM'c «laus le eliùteau (juc que vous voulez acliiter près de l'aris. »
(2) Aoloiuc tic Glandcvez, seigueur de Porrieres.
nouvelles de banquiers. Et sur ce il va souvenir à monsieur de Porrieres de ma folie, et luy dit, comme depuis il me conta : « Sire, je vous vais dire que c'est, dequoy vous rirez autant comme nous avons fait : » et luy conta toute mon entreprise, et ce que j'avois respondu, à mon arrivée, à messieurs le mareschal de Strossi , cardinal Caraffe, et duc de Paliane; et qu'en leur comptant mon entreprise, il sembloit que je teaois prisonnier le seigneur Marc-Antoine, l'argent et tout. Et asseurez vous qu'à ce qu'on me dit depuis, on n'avoit veu rire le Roy si fort il y avoit long-temps, monsieur le conucstable et tous tant qu'ils estoient. Et me dict-on que le Roy, plus de huict jours après, voyant Porrieres, lui disoit : « Eh bien, Porrieres, Montluc a-il acheté encores ces places autour de Paris? » et ne luy en souvenoit jamais qu'il n'en rist. Et, pource que j'escris en mon livre que cent ans à homme n'a esté plus heureux ny mieux fortuné à la guerre que j'ay esté, regardez donc si vous le recognoistrez à ces trois occasions, qui me viudrent en huict ou neuf jours l'une après l'autre , outre autres que vous y trouverez, d'avoir eschappé sans perte ces dangers, qui n'estoient pas petits.
Quelques jours après le duc d'Albe entendit que monsieur de Guyse alloit eu Italie pour secourir le Pape; qui fut cause qu'il se retira un peu vers la mer avee son camp, et puis vint assiéger Ostie. Monsieur le mareschal sortit de Rome avec quelques enseignes italiennes, et deux d'AUemans et cinq ou six de François : et voulut le Pape qu'il luy laissast pour sa gaixle Mare- Anthoine mon fils, et le capitaine Charry, avec leurs compagnies. Monsieur le mareschal s'alla camper deçà le Tyhre, vis à vis d'Ostie, et là se retrancha. Le duc d'Albe, avant qu'il y arrivast, avoit fait faire son pont, et fait un fort au dessus d'Ostie, du costé mesmes où monsieur le mareschal s'estoit campé. Je manday à monsieur le mareschal s'il vouloit que je m'en vinsse devers luy, avec cinq ou six enseignes italiennes ou françoiscs, lequel ne le voulut point, craiute que l'entreprinse de Montalsin ne fust pas encores du toutdescouverle. Et pource que monsieur le mareschal avec les compagnies italiennes et françoiscs quïl avoit n'avoit sçeu faire recognoistre le fort des ennemis, voir s'il y avoit eauë dans le fossé ou non, et en estoit demy désespéré, car le duc d'Albe s'estoit reculé d'Ostie, tirant vers le royaume de INaples, et n'avoit laissé que quatre enseignes d'Italiens dans le fort, et quatre dans Ostie; ledit seigneur mareschal avoit faict sortir de l'arlillcrie de Rome pour battre le fort, et avoit envoyé prier le Pape luy laisser
Venir mon fils et le capitaine Charry ; ce qu'il fit à mou grand mal-lieur, et de mon pauvre fils. Comme il fut arrivé, et le capitaine Cbarry, devant monsieur le mareschal; ledit sieur se plaignoit à eux de n'avoir peu faire recognoistre le fort à sou aise. Le lendemain au soir toucha la garde à mondit fils , lequel délibéra de venir à bout de ce que les autres auroient failiy , et communiqua son dessein au capitaine Charry , et au baron de Beynac (1), qui estoit aussi ce jour là eu garde. Il ne faillit pas ; car le lendemain , voyant les ennemis sortir selon leur coustume pour chercher des fascines, ii les suivit et mena battant, sans crainte des arquebusades, jusques au bord du fossé, qu'il recognut aussi sagement et curieusement comme si c'eust esté quelque vieux capitaine ; mais s'en retournant, une meschante arquebusade luy donna dans le corps. Toutes-fois de son pied il se porta jusques au logis dudit seigneur mareschal, parce qu'il disoit qu'avant mourir il luy vouloit rendre compte de sonfaict. Ledict sieur mareschal le fit mettre sur son lict, sur lequel ce pauvre garson, rendant presque l'ame, luy dit ce qu'il avoit veu, l'asseurant que le fossé estoit à sec, quoy qu'on luy eust dit le contraire : bien tost après il rendit l'ame. Ledit sieur mareschal envoya le corps le lendemain à monsieur le cardinal d'Armagnac , et à monsieur de Lansac , à Rome, lesquels le firent aussi hounorablement ensevelir comme s'il eust esté fils d'un grand prince. Le Pape, les cardinaux et tout le peuple romain tesmoignerent le regret qu'ils avoient de sa mort. Si Dieu me l'eust sauvé, j'en eusse fait un grand homme de guerre ; car, outre qu'il estoit vaillant et courageux, je cognus toujours en luy de la sagesse qui excedoit la portée de son aage. Nature luy avoit fait un peu de tort , car il estoit demeuré petit, mais fort et apilé (2), les espaules grosses ; au reste, éloquent et désireux d'apprendre. Monsieur le mareschal de Cossé est en vie ; Marc-Anthoine estoit avec luy à Mariambourg ; il pourra porter tesmoignage, s'il luy plaist, si quelqu'un contreroolle ce que j'en escris , si je ments. Et encor qu'il ne sied pas bien aux pères de louer leurs enfans , si est-ce que , puisqu'il est mort , et c{u'il y a tant de gens qui en peuvent tesm.oigner, je seray excusable et digne de pardon.
Or, pour exécuter la charge que le Roy m'avoit donnée en la Toscane, je demanday congé au Pape pour m'en aller à Montalsin, lequel ne me le voulut donner que pour quinze jours seulement, après luy avoir fait grand instance ; et
(1 ) Philippe de Môntaut, baron de Beynac. ;2) Ramassé.
me fit laisser mes grands chevaux et tout mon bagage, lesquels monsieur le mareschal de Strossi fut contraint faire sortir, disant qu'ils estoient à luy, et par ses serviteurs mesmes. Monsieur le cardinal d'Armagnac me fit sortir mes mulets de coffres avec ses couvertes, disant qu'il les envoyoit à la maison d'un autre cardinal où il alloit quelques -fois demeurer douze ou quinze jours. Et ainsi je retiray de Rome tout ce que j'y avois. Pendant le séjour que je fis par de-là, Sa Saincteté me fit bien cest honneur de monstrer évidemment à tout le monde qu'il avoit grand fiance en moy.
Deslors que je fus à Montalsin , monsieur de Soubise partit et s'en alla à Rome. Je trouvay que Montalsin estoit comme assiégée, car à Saint Cricou (3) il y avoit des AUemans ; à la grand hostelerie, au dessous de Montalsin deux arquebusades , il y avoit aussi des ennemis , et à un palais à trois arquebusades à main gauche , pareillement y avoit ennemis , et à une autre tirant à Grossette , un mil près de Montalsin, il y en avoit encores : et tout cela se trouva saisi des ennemis quand la trefve vint. Et ne tenoit le Roy rien jusques aux portes de Siene par ce costé là , et croy que cela fut la principalle cause que les Sienois eurent en peu d'estime monsieur de Soubise. 11 y a grand peine à contenter tout le monde , et , encor que l'on face ce qu'on peut , si tout ne va comme on souhaitte , on n'a rien faict. Je ne le veux ny accuser ny excuser aussi du tout. La trefve duroit encores entre le Roy et l'Empereur , laquelle estoit pour dix ans (4). Les affaires de ces princes estoient si embrouillées et confuses, qu'il ne fut possible pouvoir faire la paix : voy-là pourquoy on fit ceste trefve ; mais j'avois entendu que monsieur de Guyse avoit prins congé du Roy et s'en venoit en Italie ; qui me fit penser qu'encores que je secours qu'il menoit fust pour le Pape , la trefve seroit rompue aussi du costé du Roy , et fis une entreprinse pour aller donner une escallade aux AUemans à Saint-Cricou , qui est une petite viliateà quatre mille près Montalsin; et de là voulois aller attraper tous les autres lieux que j'ay nommez.
[1557] Je ne sçay si les Allemans furent advertis , ou bien s'ils furent commandez de se retirer de là; car, quand je fus hors de la ville deux heures de nuict, un gentil-homme sienois qui avoit sa maison dans Cricou , lequel j'avois envoyé là, me vint dire qu'ils estoient partis à l'entrée de la nuict. J'envoyay de mesmes sça-
(■î) San-Quirico.
i-i) Elle avoit été faite pour cinq ans.
voir nouvelles de ceux qui cstoient à rhostellerie et au palais ; et trouvay qu'à la mesme heure tout avoit vuidé : et ainsi nous eusmes liberté de sortir un peu au large jusques à l'Altesse, un chasteau assez fort , à trois mil de Montalsin et près du chemin de Siene. Puis m'en allay à Grossette, où le colonel Chcremon estoit gouverneur, lequel faisoit de ce pays-là tout ainsi que s'il fust esté à luy , ne rccognoissaut le Sienois, dequoy ils estoicnt désespérez ; et là nous accordasmes que les habitants recognoistroient la seigneurie et non luy , et qu'il n'avoit pas en ce pays-là plus d'avantage que le Roy n'avoit voulu pour luy-mcsmes : et ainsi en peu de jours tout fut changé au contentement des Sienois.
Le cardinal Burguos (1) commandoit à Siene pour le roy d'Espagne, et avoit entreprise sur Montalsin, laquelle il pensoit emporter facilement ; et se devoit exécuter la mesme sepmaine quej'arrivay. Et comme il entendit ma venue, il surçoya quelques jours pour voir si rien se descouvriroit; et, voyant que rien ne s'estoit descouvert, il envoya quérir le capitaine Mantillou, espagnol et gouverneur du Port- Hercule (2) , pour exécuter l'entreprise. En mesme temps, ayant envové quelques gens à cheval pour faire venir des vivres , ils le rencontrèrent et le priudrent luy et un secrétaire du cardinal Burguos , et quatre serviteurs , et me les menèrent. Il se vouloit deffendre, disant qu'il avoit esté prins contre la trefve, car encore il n'y avoit rien de rompu à descouvert. Je fis donner secreltement la géhenne à un sien serviteur, lequel dist qu'il pensoit que le cardinal Burguos avoit mandé son maistre pour exécuter une entreprise qu'il avoit sur Montalsin. ]Nous ne pouvions descouvrir ce qu'en pouvoit estre ; et, comme on entendit à Siene la prise du capitaine Mantillou, cela se commença à divulguer : de sorte qu'un gentilhomme sienois m'envoya sou serviteur m'advertirdu lieu par là où l'on vouloit donner l'escalade , et vint à la porte de la ville, ne voulant entrer dedans, mais seulement qu'il vouloit parler à moy. .le menay messer Hieronim Espano, et nous dit le tout , et qu'il y avoit des soldats françois , des compagnies qui cstoient en garnison, qui estoient de l'intelligence, et que, si nous cherchions bien les maisons prochaines de cet endroit là, nous trouverions par adventure les csc'helles. >ousdonnasmcs dix ezcus au serviteur, qui s'en retourna. ÎNIesser Hieronim et moy allasmes secrettement voir le lieu ; et croy que j'y amenay monsieur de
(I) Franccsfo di Moudoza, cardiiiiil cl archevêque de Burgos.
COMMENTAIKES DE BLAlSE DE MOiMLL'C. [l5ô7|
Bassom-pierre avec nous ; et rcgardasmes que la muraille estoit bien basse , mais qu'il y avoit une tourelle là où l'on mettoit tousjours deux sentinelles, lesquelles estans de l'intelligence, l'entreprise estoit facile et plus que facile. Or messer Hieronim , qui estoit pour lors du magistrat , députa promptement deux hommes pour chercher les maisons voisines du lieu, et ne tarda trois heures qu'ils nous apportèrent plus d'une charge de cheval d'eschelles de corde, les mieux faites que j'eusse encores jamais veu. Dans ceste maison n'y habitoit personne il y avoit long temps, mais nous coguoissions bien qu'il y entroit des gens : et autre chose ne peusmes descouvrir. Et lors j'arrestay avec le sergent major qu'il mettroit tous les soirs quatre sentinelles dans la tourelle , lesquelles seroient prises au fort. .le croy que s'il l'eust voulu exécuter le jour , il l'eust peu faire ; aussi bien ou mieux que la nuict . car du grand? palais , où il n'y avoit que trois arquebusades , il pouvoit venir par un vallon couvert de petits bois jusques auprès de la muraille. Environ un mois après , un Sienois , nommé Fhœbus Turc (o) , se vint addresser à moy , me voulant dire quelque chose en secret ; je le fis venir dans ma garde-robbe : je n'avois rien qu'une dague au costé, et, comme il entra, je le vis armé de jac et manches de maille : oncques eu ma vie je n'ay veu visage d'homme plus farousche que le sien. Une fois j'avois envie d'appellcr quelqu'un ; mais il me disoit tousjours qu'il ne vouloit que personne entendist son affaire que moy. A la fin je m'asseuray , me sentant assez fort pour le colleter s'il avoit entrepris de faire quelque mauvais coup. H me racompta que plusieurs fois le cardinal Burguos l'avoit fait rechercher de tenir la main à une entreprise qu'il avoit sur Montalsin, et que par importunité il luy avoit accordé , et qu'il estoit allé parler à luy deux fois desguisé , et avoit trois soldats qui estoient de l'intelligence, lesquels il luy devoit nommer un jour devant ladicte exécution , et qu'il la venoit exécuter avant que dom Arbre de Sandé fust arrivé , lequel venoit à Siene pour commander les armes; et que , si je voulois, il meneroit l'entreprise si escortement qu'il me les ameneroit tous entre mes mains. INous arrestasmes que ce seroit dans quatre jours, et qu'il s'en retourneroit la nuicl mcsmes à Siene arrester le tout; et le fis mettre hors la ville , car la porte estoit desja fermée; cl de matin dcspeschay vers le colonnel Cheremon à Grossette , qu'il se rendist le jour après à Pagaraegura, moitié chemin
(2) Portd Krcole.
( )j Dci lebo , Turclii.
de Grossette à Montalsin, Et ce jour mesmes que j'avois depesché au colonnel , je fis venir les capitaines qui estoient à Chuse (l) et à Montizel, à l'Hospitalet près Fiance (2) , et là les fis jurer sur le crucifix de ne dire rien de i'eutreprise; et s'en retournèrent apprester leur cas pour estre prests quand je leur manderois. Et fis aller ma compagnie de chevaux légers à la Rocque de Ealdoc, feignant d'y tenir garnison ; et le lendemain allay parler au colonel à Pagamegura , et arrestasmes qu'il tieodroit quatre cens arquebusiers prests. Mon entreprise estoit que, comme les ennemis donneroient l'escalade, le colonel Cheremon ^ iendroit par derrière eux , et la garnison de Chuse et Montizel se mettroit entre eux et le palais , et ma compagnie aussi. Je devois sortir avec quatre cens hommes de la ville sur eux quand ils seroient repoussez. Et au retour de Pagamegura , je trouvay que ledit Phœbus estoit de retour ; et ne parla à moy de tout le soir : qui me donna mauvais soupçon. Le matin il me vint dire que le cardinal ne vouloit point que l'affaire s'executast de quelques jours. 11 me menoit de jour à autre; à la fin je fus conseillé de le prendre prisonnier et luy faire dire la vérité , d'autant que c'estoit une fourbe pour me trahir : ce que je fis ; et le fis mettre dans une basse fosse au chasteau, où par mal-heur il trouva une pièce de bois ou fer. Or , pource qu'il estoit sienois, je voulois voir si les Sienois mesmes le pourroient convertir à dire la vérité : voylà pourquoy je tins l'affaire en quelque longueur ; mais cependant avec ceste pièce de fer il perça la muraille, et se sauva à Siene ; et ainsi je ne peus rien faire qui valust sur ceste entreprise. 11 fut plus fin que moy; toutesfois je lui dois cela, qu'il m'a appris en faiot de telle importance de n'espargner un prisonnier , ains en sçavoir soudain la vérité, car sans doute c'est un traisîre.
Dés que j'arrivay à Montalsin, je pourchassay de faire revenir au service du Roy le sieur Marioul de Santa-Fior, et son frère le Prieur, lesquels par quelque mal-contentement s'en estoient ostez. Nous estions fort grands amis depuis l'escarmouche de Siene : eu fin je les gagnay; ils vindrent à la Cour , où le Roy leur fit fort bonne chère; Sa Majesté luy donna une compagnie de chevaux légers , et au Prieur quelque pension ; et se tindrent tousjours depuis auprès de moy. Or dom Arbre de Saudé fit une entreprise pour venir prendre Piance, une petite ville près Montizel, que j'avois fait reparer le mieux que j'avois peu ; et y avois une compagnie d'Italiens. Je baillay au sieur Marioul ma compagnie , et ce
(!) Chiusi. (-2) Pienzn.
qu'il avoit assemblé de la sienne , et partie de celle du comte Petillane (3), et l'envoyay à Piance pour retirer la compagnie italienne , et l'amener à Montizel , où estoit le capitaine Bartholomé de Pezero.
Quelques jours avant que dom Arbre sortist de Siene , le capitaine Serres , qui estoit lieutenant de ma compagnie de chevaux légers et mon parent, avoit combattu à la veuë de Montalsin le capitaine Carillon , gouverneur de Bonconvent , qui avoit avec luy dix hommes d'armes de la cornpagnie du marquis de Pesquiere ; et l'enseigne de la compagnie menoit huict salades d'une compagnie de chevaux légers, et huict arquebusiers à cheval, qui estoient venus braver devant Montalsin bas , au long de la plaine devers l'hostelerie , lequel ne pensoit pas qu'il y eust cavallerie dans Montalsin ; car j'en avois emmené ma compagnie a\ec moy à Grossette et avois envoyé le capitaine Serres courir avec dix-huict salades par le costé de main gauche , vers Siei-e, et s'estoyent battus auprès de Chuse, de sorte que les miens en eurent le meilleur. Et au retour le capitaine Serres se vint reposer un jour ou deux à Montalsin, pour puis après me venir trouver à Grossette et m'en ramener à Montalsin. Le capitaine Serres sortit avec les dix-huit salades, deux gentils-hommes sienois armez de jac et de manches, et deux soldats à pied qui les suivirent; et comme le capitaine Carrigue vit les salades , il se voulut retirer , et le capitaine Serres luy estoit tousjours en queue. Et , comme le capitaine Carrigue voulut passer un ruisseau estroit , le capitaine Serres le chargea à toute bride, et les print tous , sauf un capitaine qui avoit sa compagnie dans Bonconvent. Ces arquebusiers à cheval estoyent à luy. Il eut une arquebusade à travers du corps, d'un des deux arquebuziers qui estoyent sortis avec le capitaine Serres , lequel ils avoyent fait passer le ruisseau , et une autre avec luy , qui l'amenoit devers Bonconvent ; et mourut à l'entrée de la porte de Bonconvent. Je tenois tous ces gens prisonniers à Montalsin. Dom Arbre s'achemina droict à Piance avecques trois canons et deux coulevrines. Je me doutay bien qu'il n'ameneroit pas tant d'artillerie pour Piance; car il n'estoit pas fort pour l'artillerie. Et comme le sieur Marioul entendit qu'il estoit trois mil près de Piance , il s'en va au devant avecques toute la cavallerie , et commanda au capitaine qui estoit devant , qu'il commençast à faire sortir ses gens pour gaigner Montizel , là où il n'y a que deux petits mil. Il attaqua l'escarmouciie si forte, et
(5) TSicolas fies rrsins, comte de PeligUano.
se mesla si bien , qu'il ne se peiist après demes- 1er , et fut clinrgé à toute bride de trois troiippes de leur cavallerie. Là il fut prins douze ou quatorze chevaux légers de ma compagnie , dont le capitaine Gourgues , qui estoit à la suite de monsieur de Strossij estoit du nombre ; et du comte Petillane ou du sieur iNIarioul, autant ou plus. Or comme il lit alte devant Piance , il trouva que le capitaine n'avoit pas un homme dehors. Les ennemis sulvoyent tousjours ; et là se rompirent encores quelques lances cependant que ce capitaine faisoit sortir ses gens : et à la fin il fut de nouveau chargé de toute leur cavallerie , et fut contraint se retirer à Montizel. Le capitaine Serres et le baron de Cleremon , mon nepveu , qui portoit ma cornette , se sauvèrent vers l'Hospitalet. Le capitaine des gens de pied perdit la tierce partie de sa compagnie , de ceux qui avoient fait les paresseux à sortir , et se sauva avecques son enseigne et sa trouppe qui luy demeura ; et fis teste au passage d'un ruisseau, donnant loisir au capitaine Bartholomé de le venir secourir : car c'estoit à la veuë de îNIontizel , et le sieur Marioul , qui retira encore de la cavallerie. Voy-là ce que Ion gaigne à aller attaquer une escarmouche à la teste d'une armée , comme j'ay dit cy-devant , et se vouloir retirer de jour estant plus foible.
Comme dom Arbre eut demeuré trois jours à Piance , il part à l'entrée de la nuict avec les torches , et priut son chemin au long d'une vallée tirant à la Rocque de Baldoc. Le seigneur Marioul estoit allé en poste à Rome faire venir quelques sallades qu'on luy avoit promis pour refaire sa compagnie. Le Prieur demeura avecques moy le soir que dom Arbre partit. Nous estions sortis le Prieur et moy hors de Montalsin à cheval ; et comme la nuict commença à venir, nous nous retirasmes, discourant eu chemin de ce que dom Arbre vouloit faire de ceste grosse artillerie. Il me tomba en l'entendement que c'estoit pour aller attaquer la Rocque de Baldoc , là où il y avoit un capitaine florentin que monsieur de Soubise y avoit mis , lequel je soupconnois un peu , pour-ce que les gentilshommes sienois m' avoient dit qu'ils avoient esté advertis qu'il avoit envoyé deux fois à Florence. En nous retirant auprès de la porte de Montalsin , je dis à deux chevaux légers de ma compagnie qu'ils allassent descouvrir tout au long des colines d'entre Piance et la Rocque, et qu'ils n'en bougeassent qu'il ne fust la pointe du jour. Or, quelques jours avant, monsieur de Guyse
(1) Jaaiues Boniface, seigneur de la Mùlc.
(2) Aiitoni de Castellano, seigneur d'Entrccastcaïu.
qui estoit venu à Rome , et desja s'estolt acheminé vers le royaume de Naples , avoit envoyé quérir Chcremon avec sa compagnie, à la requeste des Sienois, qui ne se pouvoient accorder avecques luy : et m'avoit envoyé monsieur de La Molle (1), le capitaine Charry et trois ou quatre autres compagnies : aussi en avoit-il envoyé quérir de celles que j'avois. Il avoit donné le gouvernement de Grossette à monsieur de La Molle. Comme je fus au lict, voicy revenir les deux chevaux légers , lesquels me dirent que dom Arbre marchoit avec les torches au long de la valée que j'ay dit, tirant à la Rocque. J'advertis incontinent le Prieur, et montasmes ix cheval avec tous ceux que nous peusmes recouvrer. Je commauday au capitaine André Casteaux (2) , nepveu de monsieur le cardinal de Tournon, qu'il marchast avec sa compagnie sans bagage à extresme diligence après moy, et qu'il marchast par des bois : et luy baillay deux gentils-hommes sienois pour le conduire. Cependant j'arrivay une heure devant jour à la Rocque de Baldoc : et comme le jour vint , arriva André Casteaux avecques sa compagnie. A peine fut-il dedans , que les passages furent prins, et prindrent les guides qui m'avoyent mené s'en retournant , et le fourrier de ma compagnie , par lesquels ils sceurent que je m'estois mis dedans. J'envoyai à Grossette deux paysans par les bois , escrivant à monsieur de La Molle qu'il s'en allast jetter à toute diligence dans Montalsiu , et qu'il commandast en lieutenant de Boy, car je m'estois enfermé , et voulois deffendre la place. Dom Arbre logea son camp à Avignon , vis à vis de la Rocque ; et là demeura trois jours, playdant s'il me viendroit attaquer ou non. A la fm il print party de se retirer, sçachant à qui il avoit affaire , disant : Jtiro à Bios , aquel capitan itenc algiins diabolos en su podcr , o ai algun irahidor tras nos otros ; y si lo piiedo suber , yo tcngo de cortar li las brassos , y las piernos (3). Mais toutes mes intelligences estoient à songer et jour et nuict qu'est-ce que je ferois si j'estois à la place de mon ennemy. Il a de l'entendement comme vous , des pratiques comme vous, songeant à ce qu'il songe, souvent vous vous rencontrerez, et pourvoirez à ce qu'il vous brasse. Que si vous attendez les effets, vous serez souvent surprins. Il faut et jour et nuict estre en cervelle , et souvent considérer que veut faire vostre ennemy, s'il attaquera cecy ou cela : si j'estois en son lieu , je ferois cecy et cela. Et souvent discourez en avec vos
(.") « Je jure Dieu , ce cai)i(aino a quelques diables à sa dis|)ositiou , ou il y a parmi nous quelque trailre : et si je puis le découvrir, je lui couperai bras et jambes, «
capitaines, car tel que vous estimez peu a souvent le meilleur advis. Or dom Arbre s'en retourna, et se vint mettre avec son armée à l'Altesse , qui n'est qu'à trois mil de Montalsin , où, voyant son desseing, je m'en retournay, renvoyant monsieur de La Molle à G rossette. Dom Arbre mit trois compagnies dans Piance , deux Italiennes, et une demy espagnolle et demy italienne , car le gouverneur qu'il y avoit laissé estoit espagnol ; et le sieur Bartbolomé de L'Estephe , nepveu du sieur Cbyapin Vitello (1), qui avoit une des meilleures et des plus fortes compagnies qui fust en Italie , tenoit tous les prisonniers dans le palais , lesquels pouvoyent estre de cinquante à soixante. Au bout de quelques jours, il se retira à Siene avecques son camp , s'estant toutes ses entreprinses evanouyes en fumée. L'enseigne du marquis de Pesquere alloit et venoit pour leur délivrance en eschange des nostres. Il se mocquoit de moy , disant : No sera dicho que yo renda un Frances , que yo no tenga très Espagnoles , y per estas barbas yo havre los mios : et ellos non havran los suos (2). Le cardinal Burguos estoit marry de tout cecy, et eust voulu que nous eussions laissé aller tous les prisonniers d'un costé et d'autre, car je tenois les capitaines Mantillou et Carillou (3) , gouverneurs de Port-Hercule et de Bonconvent , et plus de vingts autres, là où il y aVoit douze Espagnols naturels , sans les gouverneurs. Je portois impatiemment les responces qu'il me faisoit, et avois presque tousjours nouvelles des nostres , qu'ils faisoient mourir de faim : et moy au contraire , car je faisois bien traitler les siens. Sur ceste colère , je fis une entreprinse pour donner l'escalade à Piance, car j'avois esté adverty qae le roy d'Espagne avoit donné Siene au duc de Florence , et tout ce qu'il tenoit en Toscane , et que ledit duc envoyoit trois de ses compagnies à Piance , et une compagnie de gens à cheval. Je prevoyois bien que, s'il y mettoit le pied, que nous ne la pourrions recouvrer sans nous rompre avec le duc de Florence : ce que je n'avois jamais voulu faire, afin que monsieur de Guyse ne fust contraint d'affoyblir son camp pourm'envoyer du secours ; et ainsi je m'estois toujours contenu avec le duc de Florence sans rien gaster. Il faut en ces affaires aller prudemment et sagement , car peu de subjet sert pour rompre l'alliance des princes , ce qui ne se peut après reparer. Plusieurs jeunes fouis ont mis pour leur indiscrétion des
(1) Chiapino Yitelli:
(2) Il no sera pas dit que j'aurai reudu uu Français, si on ue me rend trois Espagnols ; et par ces moustaches ,
princes en guerre, sans qu'ils eussent envie d'y entrer.
Le capitaine Faustau de Peyrouse , qui estoit dans Piance , m' avoit dit qu'il y avoit un trou à la muraille du costé de là où je devois venir de Montalsin , qui estoit par-là où sortoient les immondicitez de la ville , et que par cest endroit là , où il y avoit deux murailles , celle de dehors estoit hors d'eschelle , et celle de dedans de quatorze ou quinze degrez ; et comme l'on estoit passé par ce trou , il falloit passer le ventre à terre, et dans l'ordure on se trouvoit entre deux murailles. J'avois fait faire une petite eschelle de la hauteur qu'il falloit; mais elle estoit foible et desliée , afin qu'elle peust passer par ce trou, de sorte que malaisément un homme se pouvoit tenir dessus. Il y avoit dans ce pan de muraille un bastion au coing de la ville , que dom Arbre avoit faict achever , lequel estoit assez haut ; et entre le trou et le bastion il y avoit une porte que les ennemis avoient murée de brique , et ce avec de la terre, sans s' estre souciez de la faire de meilleure matière, pource qu'ils avoient faict par derrière un rampart de terre. J'ordonnay que le capitaine Blacon , avec sa compagnie , et une compagnie d'Italiens que j'avois faict venir de Grossette , et le baron de Clermon , mon nepveu , avec sa compagnie , et quelque vingt sal lades de celle du comte Petillano , et trente ou quarante gentils-hommes sienois, s'en iroient mettre entre Piance et Montapulfiane, pour combattre les gens du duc de Florence qui se venoient mettre dedans. J'avois faict venir trois cens hommes de Chusi , que le duc de Somme m'avoit envoyé , lequel s'en estoit revenu du camp de monsieur de Guyse, pour quelque bruit qu'il avoit eu avec le cardinal Caraffe : et ceux-là dévoient donner par le coing de la ville, du costé de là où ils venoient ; le capitaine Bartbolomé de Pezero, droit à la porte qui venoit de son costé de Montizel , laquelle les ennemis tenoient ouverte pour sortir et entrer. Ils dévoient mettre le feu à la porte , s'ils pouvoient, et moy je donnois avec les eschelles au bastion, duquel les fossez n'estoient encore faits. Le haut de la porte murée flanquoit le bastion. Et avec moy j'avois les deux compagnies Davanson et André Casteaux , c'est à sçavoir la moitié de chacune , car le reste je l'avois laissé à Montalsin, et la moitié de celle du capitaine Lussan, qui estoit à Castetlotie (4) : estant le plus loing de tous, il fit si grande diligence , qu'une ma-
j'aurai les miens, et eux n'auront pas les leurs. » Montluc ne parloit pas l'espagnol plus purement que l'italien, (5) Mantillo et Carillo. (I) Castello Tierri.
COMMENTATBES DE BLAl
ladie le print par le chemin , de sorte qu'il fut contrainct demeiu-er à l'Hospitalet. Il m'envoya son lils, qui estoit son lieutenant (1). Ledict capitaine Lussan mourut cinq ou six jours après de ceste maladie. 11 m'envoya aussi la moitié de la compagnie du capitaine Charry, lequel j'a- Yois laissé dans Montalsin , à son grand regret , car je n'avois homme pour y laisser, à cause que le sieur Marioul estoit allé à Rome , et le Prieur, son frère, estoit ailé jusquesà leur maison, liref, je pouvois avoir de mon costé en tout quatre cens hommes et les trois cens qui \indrent de Chuzi , et cent hommes qu'avoit le capitaine Bartholomé. Voylà tout ce que j'avois à l'assaut.
>ous avions arresté tous ensemhie que les Italiens du duc de Somme seroieutde la partie, lequel duc desiroit fort de s'y trouver; mais je ne le voulois mander, par ce que Chuzi, d'où il estoit gouverneur, estoit de grande importance, et aussi que , si j'estois tué, je ne voulois pas que les places demeurassent sans quelque hon chef qui peust tenir jusques à ce que monsieur de Guyse eust envoyé homme suffisant pour commander le pays. Il faut tousjours pourvoir à tout comme si on devoit vaincre et estre vaincu : ainsi, \ ous ne lerez rien mal à propos allant exécuter une entreprise. Nous avions assigné de nous trouver deux heures devant le jour, chacun au lieu qu'il devoit combattre; et dévoient donner les gens du duc de Somme , et le capitaine Bartholomé plustost que moy, afin de divertir les ibrces du costé où j'attaquerois la place, pource que le costé où je donnois estoit le plus fort , à cause du bastion et des flancs de dessus la porte. La muraille où estoit le trou faisoit un peu de coing. Je baillay la charge de porter l'eschellc aux gentils-hommes qui estoient à ma suite, que le Roy payoit, et les priay d'entrer par le trou. C'estoit le capitaine La Trappe, qui est aujourd'huy près monsieur l'Admirai ; les Ausillons, nepvcus tous deux de ma feue femme ; le capitaine Cosseil, qui porte aujourd'huy mon enseigne; le capitaine La Motte, Castet-Segrat, le capitaine Ridonnet; le capitaine Bourg , qui est en vie, lequel a une compagnie de gens de pied, et deux ou trois autres; et après eux, vingt Italiens que le capitaine Faustin de Peyrouse , qui avoit esté rompu au sortir de Piance, avoit amenez avec luy, tous hommes choisis qui dévoient monter l'eschelle après que les miens seroient montez. Ledict capitaine et un autre des siens dévoient passer les premiers par le trou, et tirer l'eschelle , à cause qu'il sçavoit
(I) Jean Paul (i'F.sparbez de Lussan.
SE DE MONTLUC. [l557]
ce qu'estoit en ce lieu là, et ne faisoient pas les miens. J'arrivay à un quart de mil près la ville; le baron de Clermon et Blacon passèrent outre, et s'allèrent mettre à un mil de la ville , sur un chemin tirant à IMontepulsiane. Et comme j'eus attendu une heure là, sans entendre que les italiens commençassent, comme il avoit esté ordonné, cognoissant que le jour s'approchoit, j'envoyay une de mes guides recognoistre le plus sccrettement qu'il pourroit faire; et mon vallet de chambre, qui est encore en vie, alla jusques à vingt pas du bastion, et n'ouyrent rien dans la ville, non plus que s'il n'y eust eu personne ; un petit chien seulement oyons nous abbayer. Ils savoient ma venue dés la nuit, et m'attendoient ainsi sans faire aucun bruit, le feu sur la serpentine. Je ne sçeu faire ma sortie si secrettement, encores que j'eusse fait fermer les portes trois heures avant qu'il ne sortist quelqu'un qui les aliast advertir; et comme ils m'eurent rapporté qu'ils n'entendoient aucun bruit , j'y voulus moy-mesme aller avec eux deux : et comme nous fusmes un peu en avant à quinze ou seize pas du bastion, j'apperçeus un homme à cinq ou six pas de nous, qui s'en alloit se baissant, et se retiroit vers le bastion; et croy qu'il rentra par ledit bastion, dans lequel nous ouysmes alors parler, et nous sembla qu'ils parloieut alieman; mais c'estoit des Albanois, car le sieur Bartholomé de l'Estephe (2) en avoit en sa compagnie; lequel sieur Bartholomé avoit prins le bastion à defi'endre. Et comme je vis que bien tost le jour vicndroit, ayant perdu l'espérance de nos Italiens, lesquels estoient arrivez, comme je sçeus depuis : mais le duc de Somme en avoit baillé la charge à quelqu'un qui ne vouloit pas mourir des premiers, ou bien me vouloit faire cest honneur de me laisser donner le premier, comme lieutenant du Roy ; mais cest homme de bien ne le faisoit pas par honneur : le capitaine Bartholomé attendoit aussi que les uns ou les autres donnassent : et ainsi, sur ce delayeraent, je fus contraint de donner le premier, car encor qu'à ceste sentinelle perdue et à ce silence je cogneusse bien que mes gens avoient senti le vent , si est-ce que , puis que j'avois prins la peine de venir, je voulois tenter fortune.
Tous ces gentils-hommes italiens et françois que j'ay nommé cy dessus prindrent l'eschcile, et nous autres prismes les autres eschelles pour donner au bastion; je les fis prindre aux capitaines, lieutenans, sergens, corporals et lancepassades : et ainsi marchay droit au bastion; et de prime arrivée nous fut tirée une grande salve
(2) Jacques Pierre de la Staffa , suivant de Thou.
COAIMENTATRES DK BLAÎSE DE MONTf.rC. [I5.}7j
(Varquebusiors ; mais pour cela nous n'arrestasmes de dresser nos eschelies. Et j'avois fait une ordonnance que tous les commissaires des guerres et des vivres , trésoriers , contrerool- Jeurs eussent à avoir de grands chevaux et armes , car ces gens ont tousjours argent ; lesquels j'amenois tousjours avec moy, sous ma cornette, pour faire troupe et parade et tromper l'ennemy. Monsieur de Guyse avoit envoyé monsieur de Malassise (l) , qui est aujourd'huy seigneur de Roissi , pour estre superintendant des finances; je luy donuay un cheval turc ; si j'en avois maintenant un semblable, je ne le donnerois pour cinq cens escus. Il me rendit fort mal ce plaisir, et de l'amitié que je luy portois, car il fit tant qu'il me mit en la mauvaise grâce de monsieur de Guyse, comme il fait bien aujourd'huy avec la Royne tant qu'il peut, comme l'on m'a escrit de la Cour. Aussi je m'en suis bien apperçeu, et voudrois que Dieu m'eust faict la grâce de faire souvenir à la Royne quel serviteur je luy suis, et quel j'ay esté le passé là où les occaions se sont présentées, et les plus grandes que jamais Royne se trouvast sur les bras; et Sa Majesté cognoistroit qu'il ne faudroit pas qu'elle creust légèrement mes ennemis, et ceux qui ne luy ont fait ny ne feront jamais tant de services que je luy ai fait. Mais je prendray patience avec Dieu, ayant ma conscience nette de cela, et de toutes autres choses concernant le service du Roy et de la couronne. Pour lors je n'avois rien descouvert des menées dudit sieur de Malassise , qui pourchassoit que monsieur de Guyse m'appellast auprès de luy, et qu'il baillast ma charge à monsieur de La Molle ; car il avoit opinion qu' eux deux ensemble manieroient mieux les affaires que moy, et à leur profit. Je ne veux point mettre icy les raisons , pource que l'on pourroit dire que c'est pour l'inimitié qu'il me porte , et moy par conséquent à luy, qui suis mal endurant, et qui porterois volontiers en ma devise, si je n'en avois une autre, ce qu'un de la maison de Candalle portoit : Qui m'aymera je raymeray (l). Mais il y a beaucoup de gens de bien qui sont encores en vie qui scavent l'occasion, et s'ils la disoient, elle ne seroit guère à son advantage.
Mais, pour laisser ces propos , ne me souciant pas fort qu'il me veuille mal ou bien , je le laissay avec le capitaine Charry, combien qu'il fist grande instance de vouloir venir avec moy ; mais je faisois estât que luy , estant dans la ville, si je mourois, ayderoit fort les citoyens,
( I ) Henri de Mêmes , seigneur de Malassise et de Roissi. (2) Devise de Gastou de Foix.
î. c. n. M. T. vir.
afin de ne perdre cœur, attendant ccluy que monsieur de Guyse y envoy eroit , car il est homme d'entendement et persuasif. Pour en revenir à mes trésoriers et commis, je les fis rondoyer autour de la ville en courant [ils sont plus propres à faire peur que mal ] , pour, par ce moyen , divertir les habitans d'un lieu à l'autre. Or nous douuasmes l'escalade tous en camisade , et furent nos gens par trois fois repoussez , et nos eschelies rompues, sauf une ou deux. Il faut dire à quoy servit la prise du trou : tous entrèrent par dedans iceluy l'un après l'autre ; et, comme ils eurent dressé l'eschelle à la petite muraille pour entrer dans la ville , les gentilshommes miens montèrent , et de dessus la muraille en hors se jettoient sur un fumier. Et connne le capitaine Faustin et ces vingt hommes virent les nostics dedans, ils se voulurent haster de monter, et chargèrent tant l'eschelle qu'elle rompit. Souvent ces ardeurs inconsidérées perdent les entreprises. Le trou csîoit à quatre ou cinq pas de la porte murée , et les ennemis qui estoient sur icelle ne s'attendoient à autre chose qu'à tirer aux nostres qui donnoient l'escalade au bastion ; et , tournant le dos aux nostres du trou , ils n'entendirent jamais aucune chose de l'entrée de nos gens. Les Italiens s'essayèrent de racoustrer l'eschelle avec des ceintures, mais il n'y eut ordre ; ils furent contraints s'en sortir par le mesme trou. Et me vint dire le capitaine Faustin la maie fortune de tous nos gens ; et me voyla en desespoir, voyant que, pour penser recouvrer ceux qui estoyent prisonniers dans la ville, j'avois esté si malheureux de perdre tous les gentils-hommes de ma suitte, et commençay à jouer à la desesperade. Le jour estoit desjà, et le soleil paroissoit à son lever, et tous nos gens repoussez derrière les murailles qu'il y avoit; et en mesme temps le capitaine Bartholomé me manda qu'ils estoient aussi tous de son costé respoussez. Je me jettay lors à terre , car je n'estois encore descendu, et assemblay tous les capitaines, sauf Avanson, fils de monsieur d'Avanson, qui avoit esté ambassadeur à Rome , qui fut blessé d'une arquebusade à la main ; et là je commençay à leur remonstrer que je n'estois pas venu que pour prendre la ville ou crever, et que je leur monstrerois le chemin s'ils me vouloient suy vre : que resoluement je tournerois la teste contre ceux qui feroient les retifs, et en tuerois tant qu'il s'en trouveroit devant moy. « Allons donc mes amis, leur dis-je , suyvez vostre capitaine , et vous verrez que nous aurons de l'honneur. » Lors je baissay la teste ayant i'espée en la main, et mon page qui portoit mon hallebarde auprès de moy, tirant droict à la porte, J'avois douze
COMMENTAIRES DE BLAISE T)E MOiVTUIC. [l-SS?
Suysses de ma garde qui rae suy virent ; aussi fit tout le reste, et cogueu bien à ceste heure là, comme j'ay fait d'autres fois, qu'est-ce que peut le clief, quand il se met devant monstraut le chemin aux autres. Je me mis dessous leur porte, où trois ou quatre hommes pouvoient demeurer à couvert des lianes du bastion. Les ennemis qui estoient sur la porte tiroient à grands coups de pierre sur nos gens. Les Suysses, avec leurs hallebardes , faisoient leur devoir contre ceste muraille de bricque. Javois l'espée à la main gauche et la dague à la droicte, et avec la dague je brisois et couppois la bricque : et comme nous eusmes faict un trou dans lequel je pouvois mettre les bras , je baillay mon espée et ma dague au capitaine de mes Suisses , et mis mes deux bras dedans. La muraille n'estoit que de l'espesseur seulement d'une brique, et y avoit encore bien peu de terre, car c'estoit comme une muraille seiche. Et comme avec les mains j'eus trouvé le bord de la muraille et espesseur d'icelle, je tiray à moy la muraille de telle roideur, que tout le dessus d'icelle tomba sur moi et me couvrit tout, de manière qu'il fallut que le capitaine de ma garde me tirast de dessous la bricque, et me relevast : et tout incontinent avec les hallebardes achevasmes de la mettre par terre. Ils n'avoient pas achevé la terrassequ'ilsavoient mis derrière ceste porte, ets'en falloit environ deux pieds qu'elle ne joignist au haut de l'arc. Là me furent tuez deux Suysses , et le capitaine blessé d'une arquebusade à la cuisse, et quatorze ou quinze soldats morts ou blessez. Je faisois encore donner aux enseignes l'assaut au bastion, avec les deux eschelles qui u' estoient pas rompues ; mais pour cela des lianes du bastion ils ne cessoient de tirer. Or du basti(m à la porte où je combattois il n'y avoit pas plus de trente pas ; je eriay aux soldats qu'ils ra'allassent chercher les eschelles qui estoient rompues contre le bastion, et que les plus courtes seroient les meilleures ; car la hauteur du terrain n'estoit pas plus que de deux aulnes, ny encore, ce croy-je, de tant. Et tout incontinent je les dressay coste à coste, et mis un arquebusier sur une eschelle, et moy sur l'autre, et trois l'un après l'autre après le soldat premier, et deux de mes Suysses après ces trois là : je dis à celuy qui estoit devant , et qui montoit le premier, que tout à un coup il se dressast , et qu'il tirast une arquebusade dedans, ce qu'il lit; et à mesure qu'il tira , je le prins par la fourrure de ses chausses et le poussay dedans; je lui fis faire un saut ou il n'avoit pensé. Les deux eschelles se touchoient : je commençay à crier à ceux qui estoient dessus l'autre , et les pousse, leur di-
sant : « Sautez, soldats, je me jetteray après vous dedans ; » et pousse celuy-là , et l'autre après, et l'autre encore; et comme ils estoient tombez dedans , celuy qui se pouvoit relever mettoit la main à l'espée: mes deux Suysses se jetterent après, et alors je sautay à terre de nostre costé, et commençay à crier : « Poussez capitaines , poussez capitaines , nous sommes dedans. » Et les voy-là les uns après les autres se jetter à coup perdu là dedans. Les gentils-hommes miens, qui estoient entrez par le trou, avoient esté apperceuz sur la poincte du jour et chargez, et avoient gaigné une maison , la porte de laquelle ils deffendoient ; ce qui me fit un grand bien , car une partie de ceux qui gai*doient la porte y estoient courus, ne pensant jamais qu'il fust possible que j'entrasse parla. Et comme les ennemis qui donnoient l'assaut aux gentils-hommes entendirent le cry de France! France! derrière eux, ils les abandonnèrent et voulurent courir à la porte; les gentils-hommes sortirent après eux, lesquels entendant le mesmc cry de France! France! ils cogneurent que nos gens estoient dedans ; et de fortune ils furent mis au milieu de nos deux trouppes, et là tous tuez. Or, après en m.esme instant que ceux-là furent tuez, vint une enseigne des leurs, qui estoit à la place , courant droit à la porte, et les gentils-hommes de ma suitte estoyent desjà r'alliez avecques ceux qui entroyent. Ladicte enseigne trouva bien à qui parler, et les accoustrerent comme les autres. Et en mesmes que nos gens entroyent, je leur criay qu'ils donnassent l'assaut au bastion par dedans la ville, ce qu'ils firent; mais ils y trouvoient une bien grande résistance , à cause que la pluspart de la compagnie des gens de cheval estoient dedans qui combattoient à merveilles.
Or, comme le cœur croist aux hommes qui se vpyent en espérance de victoire , de n'oublier rien de leur devoir à bien et furieusement assaillir , les ayant encouragez , je laisse la porte et cours aux enseignes qui estoient sur les eschelles du bastion , et leur crie que tous nos gens estoient dedans et qu'ils se jettassent à corps perdu dans le bastion , ce qu'ils firent : et pour lors n'y trouvèrent pas la résistance telle qu'ils cuydoient, pour ce que nos gens les tenoyent de si court , qu'ils ne pouvoyent respondre dedans et dehors. Et comme je vis les enseignes dedans , je remonte à cheval , et avecques les commissaires et trésoriers m'en allay au long des murailles , et tous ceux qui sautoient par dessus pour se sauver je les faisois tuer. Kt pour revenir a nos premiers prisonniers , nos gens exécutèrent jusques à la place, où ils trouvèrent le
sieur Bartliolomé de l'Estephe , avecques le demeurant de sa eompagaie , lequel ne fit pas grand deffeuce; car desjà nos gens couroient tout au long des rues de la ville , et mesraeraentaulong des murailles d'icelle. Les Italiens vindrent entrer par la muraille , qui n'estoit pas trop haute et s'aydoyent les uns aux autres. Le capitaine Bartholoiué de Pezero avoit bien mis le feu à la porte , comme il avoit promis ; mais il y fut blessé d'une arquebusade par les fesses , et n'y avoit ordre d'entrer par là , à cause du grand feu qui estoit en icelle porte. On avoit baillé dix huict ou vingt Espagnols pour la garde des prisonniers qui estoient dans le palais en nombre de cinquante ou soixante , et les avoient attachez deux à deux , comme ils me dirent puis après, et en mesme instant qu'ils entendirent le cri : France! France! France! en la place à laquelle le palais est joignant , ils commencèrent à se secouer les uns et les autres , et mesmes le capitaine Gourgues , qui se deslia le premier; et, s'estans destachez , se mirent de telle furie sur ceux qui les avoient en garde , qu'avec leurs armes mesmes et à coups de pierre ils en tuèrent sur le lieu la pluspart , et le surplus tindrent prisonniers et les emmenèrent avec eux. Et voyia la délivrance heureuse et non espérée de nos prisonniers.
Maintenant il reste sçavoir quelle fut l'issue du commandement que j'avois baillé au baron de Clermon et au capitaine Biacon. Les compagnies du duc de Florence , de pied et de cheval , estoient sorties de Monte-Pulsiano , et s'en vindrent à Piance , n'y ayant que trois mil de l'un à l'autre : et comme ils furent à moitié chemin, et cju'ils entendirent l'arquebuserie , envoyèrent six chevaux courir tout au long du chemin pour scavoir que c'estoit. Les trois donnèrent dans nostre embuscade et furent prins , et les trois se sauvèrent , qui firent tourner en arrière leurs gens plus viste que le pas , de sorte que le baron de Clermon et le capitaine Biacon ne les peurent combattre. En ladicte faction et prinse de ville , le sieur Bartholomé de l'Estephe , son lieutenant et son enseigne furent prins ; le gouverneur qui estoit Espagnol aussi ; toutesiois son enseigne lut tué. Le capitaine Pistoye , lequel on appelioit ainsi pour ce qu'il estoit de Pistoye , sou lieutenant et son enseigne pareillement , furent prins, ensemble ie lieutenant et l'enseigne d'un capitaine italien qui s'appeloit Aldet Placit , qui estoit sienois ; lequel estoit pariy deux jours devant pour aller pourchasser leur payement avant qu'ils sortissent de la ville.
Et voyIa l'exécution de l'escallade de Piance, qui fut lanuict de Sainct-Pierre , et de laquelle
on a fait depuis en çà si grand cas par toute l'Italie. Tous les capitaines et soldats, italiens et françois , disoient que j'avois pris moy seul la ville , et non eux , et que si je n'eusse fait ce que je fis, et sans la hardiesse et resolution en laquelle ils me virent, ils ne se fussent jamais plus approchez des murailles , en ayant esté repoussez par trois fois bien vivement : et si Dieu eust voulu permettre queles gens que le duc de Florence envoyoit de Monte-Pulsiano à Piance , fussent partis une heure plustost , ils n'eussent point entendu par le chemin le bruit de mon arquebuserie , de sorte qu'ils fussent tombez dans la troupe que menoient lesdits capitaines Biacon et le baron de Clermon, lesquels estoient aussi bien en camisade comme le reste de mes gens , et les eussent aysément deffaits et taillez en pièces ; car incontinent qu'ils entendirent le rapport que leur firent les trois qui estoyent eschappez , ils tournèrent visage, et se mirent en desroutte, tirant le chemin de Montepulsiano. Je laissay dedans , pour commander , le capitaine Faustin qui y estoit auparavant , et avoit encores cinquante ou soixante soldats de sa compagnie, lesquels le capitaine Bartholomé de Pezero luy avoit tousjours gardez; et luy presta encore le capitaine Bartholomé son lieutenant avecques cent soldats de sa compagnie. Et sur le midy, comme je montois à cheval pour m'en retourner à Montaisin, et que je renvoyois chacun en sa garnison , les capitaines, avec leurs lieutenans et enseignes , me menèrent cent ou six vingts chevaux de service qui avoient été gaignez en ceste faction, outre les courtaux et mulets, me priant d'en prendre ceux que bon me sembleroit ; et entre autres le capitaine La Trape me pria prendre un coursier de Naples, le plus beau et le meilleur cheval qui fust en Italie. Je n'en acceptay, de tous ceux qui me furent offerts, que celuy du capitaine La Trape , lequel depuis monsieur de Guyse m'envoya demander, et le luy donnay. J'arrivay à Montalsin avecques la moitié seulement des trois compagnies de gens à pied que j'avois amenées, après lesquels je fai- «ois marcher tous les capitaines prisonniers et quelque peu de soldats aussi prisonniers, car il ne s'en sauva pas beaucoup. Apres les prisonniers je marchois, et tous nos capitaines avec leurs enseignes despîoyées; et derrière moy les gentilshommes de ma suite portoient la cornette de gens de cheval et les trois enseignes gaignées ; et après toute l'infanterie marchoit le baron de Clermon avecques ma compagnie et les gentilshommes sienois , qui estoient tous à cheval dernier : et croy qu'il ne demeura homme ny femme dedans la ville , car tous sortoyent dehois
ISO
pour me voir entrer, sauf le capitaine du peuple , le conseil et le magistrat , vers lesquels j'avois envoyé pour les prier de ne bouger du palais , au devant duquel j'allay descendre , et enti-ay dedans iceluy armé, lesdites enseignes gaignées devant. Et leur fis entendre au commencement, en peu de mots, de quels moyens il in'avoit fallu ayder pour venir à bout d'une entreprise si hazardeuse , et comment la ville avoit été prise ; et cogneus bien à leurs contenances qu'ils avoyent en admiration une telle exécution: puis les exhortay de continuer en la fidélité qu'ils avoyent promise au Roy, et ne perdre point l'espérance de recouvrer leur liberté et ville ca~ pitalle . leur ayant Dieu monstre et tesmoigné , par une si bonne et heureuse journée , qu'il ne les vouloit perdre ny abandonner , et moins ceux qui combattoient pour eux. Et pour les asseurer que je portois les armes pour leurs vies et pour le recouvrement de leur patrie , je leur donnay la cornette des gens de cheval et les trois enseignes gagnées, lesquelles, après m'avoir remercié et loué plus qu'ils ne firent jamais homme , ils mirent à mesme instant dans la grand salle du palais toutes desployées ; ce que n'amoindrit pas la réputation que j'avois acquise , soit parmy eux , soit à Rome, et par tout ailleurs où les nouvelles de ceste entreprinse et exécution coururent.
Depuis ne se présenta aucune occasion qui mérite estre escrite, saufdeux;qui fut que dom Arbre alla assiéger Chuzi (l) , que le capitaine MoretCalabres,quiestoîtàMontepescayo,aYoitdesrobée par intelligence aux ennemis. Ledict dom Arbre y avoit trente enseignes de gens de pied devant, et trois canons et six cens chevaux. .Te partis de Montalsin un peu après midy , avecques cinq enseignes et environ quatre vingts ou cent cbevaux, et arrivay à Montepescayo sur le point du jour, et la fis accoustrer de petits sacs pour porter delà poudre, jusques au nombre de vingt, y pouvant avoir en tout trois cens livres. De Montepescayo à Chuzi y a six mil. L'artillerie ne leur estoit pas encorcs arrivée, mais elle arriva le matin que j'en partis. Etsur le midy je partis de Montepescayo. et m'en allay camper vis à vis de leur camp, à un quart de mil et auiant de la ville, car ils estoyent campez devant , et ne me vindrent oncques recognoistre. La place ne valloi t rien, car nous n'avions pas eu loysir de la fortifier, et à l'entrée de la nuict je prins le lieutenant du capitaine Avanson, nommé Sainct Génies , avecques trente picquiers et trente arquebusiers que je voulus bazarder, veoir si j'aurois
(I) Lisrz ("liiisdiiio. an lifii «le (ilui/i.
COMMF.XTVTRKS DK BI.\ISE DE MO^TLUC. [1557]
moyen de la sauver. Et parce qu'il y avoit un petit ruisseau qui ne contenoit trois pas entre eux et moy , je fis aller ledict Sainct Génies et le capitaine Charry avec cent arquebusiers pour l'accompagner, et moy, par le costé du camp, je leur allay donner l'alarme avec les gens à cheval et cent arquebusiers. Sainct Génies entra avec la poudre et tous les soldats, sauf quatre ou cinq picquiers : et toute la nuit je les tins en alarme , pour leur donner à penser que le matin je me reposerois, et que, m'ayant reeogneu, ils me viendroient combattre, veu que je n'avois autres forces que cinq enseignes : et sans reposer aucunement sans sonner tabourin ny trompette, je commençay à me retirer au long des bois, et prins mon chemin droit à Montalsin, et fis douze mil sans reposer : et auprès d'un ruisseau je lis alte, où tous, à pied et à cheval, repeusmes des vivres que j'avois faict apporter sur desasnes, où ne demeuray pas une heure et demie, pour m'acheminer droit à Montalsin. Or le jour que je partis de là, environ midy, ils mirent leur artillerie en estât, sans pouvoir faire batterie aucune jusques au lendemain matin.
Le jour mesme que j'estois parti de devant Chuzi, j'arrivay le soir à Montalsin, là où il y avoit trente mil, et toute la nuict je fis apprester un canon et une grande coulevrine que nous avions : et environ neuf heures je m'en allay battre l'Altesse, qui est entre Ronconvent et Montalsin un chasteau fort, et le battis par la porte où ils l'avoient le moins remparé : et sur le soir se rendiient, la vie sauve seulement; il y avoit soixante soldats. Puis le lendemain matin j'allay prendre trois ou quatre chasteaux qu'il y avoit autour de là, qui n'estoient pas forts, et se conservoient à la faveur de la forteresse de l'Altesse. De tout ce jour l'artillerie ne bougea de l'Altesse; cependant je prins les chasteaux. Ou me conseilloit d'aller battre lîonconvent : je l'allay recognoistre. et lis faire des gabions promptement là devant, faisant semblant de l'assiéger; ce que je fcusois pour divertir dom Arbre à ne tirer plus outre, car je craignois qu'après qu'il auroit prins Chuzi, ce que je pensois bien qu'il feroit, il allast assiéger Montcpescaillo, où estoit le capitaine Moret, et deux ou trois autres places qui se conservoient à la faveur de Montepcscaillo. Et le jour que je faisois semblant d'assiéger Ronconvent, j'envoiay le sieur Marioul de Santa-Fior, le capitaine Serres mon lieutenant , et le baron de Cleremon mon enseigne, courir jusques devant Siene. Ils rencontrèrent une compagnie de gens de pied qui estoit sortie de Siene pour s'aller mettre en deux chasteaux qui estoient près de ceux que j'avois prins, laquelle ils
COMMEJNIAIll£S DE BLAISE DE MOMLLC
taillèrent tout eu pièces, sauf le capitaine, le lieutenant et l'enseigne, qui se sauvèrent à cheval. Tout cecy fut faict en trois jours, comptant depuis le jour que je partis de devant Chuzi. L'alarme fut si grande à Siene de cestedeffaicte, que le cardinal Burguos nxanda en diligence à dom Arbre qu'il laissast tout pour retourner à Siene, et qu'il craignoit que les Sienois se révoltassent et qu'ils me missent dedans, veu l'amitié que les citoyens me portoient. Et si ceux de Chuzi eussent peu tenir un jour davantage, il les abandonnoit; mais le deuxiesme jour, après avoir faict une grande bresche, car la muraille ne valloit rien et n'y avoit gueres de gens, ils se rendirent. Le lieutenant du capitaine MoretCalabres estoit dedans, avec partie de la compagnie dudit Moret, et environ cinquante cinq hommes qui entrèrent avec Sainct Génies , de sorte qu'eu tout • n'y avoit que cent hommes. Lendemain matin que le sieur Marioul eust deffaict ceste compagnie, tous les capitaines qui estoient avec moy estoient d'opinion que j'allassse battre Bonconvent ; mais je leur dis ces mots ; « Vous sçavez que depuis hier deux heures après midy nous n'avons ouy tirer l'artillerie à Chuzi, laquelle nous oyons de l'Altesse en hors. Or, faut donc dire qu'ils sont rendus ou bien prins par force : s'ils sont rendus , dom Arbre ne séjournera pas là une heure, pour essayer s'il me pourra surprendre en campagne, car il ne faut point douter qu'il n'aye eu l'alarme de ses gens, que vous autres desfistes hier auprès de Siene , et que le cardinal Burguos ne l'aye mandé retourner pour conserver le demeurant des chasteaux qui sont les plus près de Siene; car je faisois, en mesme instant que je prenois les autres, le tout desmanteler et ruyner, comme aussi fis-je l'Altesse. Or pesons un peu les choses : si nos gens sont rendus, le camp ne demeurera devant Chuzi plus de deux heures : s'ils sont prins par force, la ville est pauvre, les soldats n'y auront demeuré que ceste nuict passée au sac, et à ce matin sera party deux heures devant jour. Et encore qu'il y aye trente mil, l'artillerie sera icy avant que ne soit midy; car dora Arbre sçait bien que je n'ay point cent chevaux en toute ma puissance, ny plus de six cens hommes en ces cinq enseignes. Parquoy la raison de la guerre nous donne asseurance qu'il doitfaire ce que je vous dis. Par ainsi, je vous prie, commençons à retirer nostre artillerie et l'infanterie. Et prenez vous en tous à moy, si vous ne voyez que les affaires iront ainsi. » Le lieutenant du capitaine Moret et Sainct Génies eurent telle composition qu'ils voulurent , pour la. haste que dom Arbre avoit de tourner eu arrière, car ils sortirent bagues sau-
