I. C. D, Al. T. VII

ritoient autant ou mieux que luy, et toutes-fois n'ont rien eu du tout. Vostre Majesté prendra en bonne part, s'il luy plaist, ce que je luy en dis. J'ay un pied dedans la fosse, l'aflection que je porte à vostre couronne me faict tenir ce langage. Je suis voisin de l'Espagnol , mais il n'y a eu jamais que des fleurs de lis chez moy. Si j'osois, je vous dirois bien d'autres choses, car certes il n'y a que trop à dire et refformer. II faut que j'entretienne un peu Monsieur vostre frère (2), vostre nouveau chancelier des armes, avec vostre congé.

C'est à vous donc , raonseigneur, à qui je m'addresse : je seroismarry que ce livre partist de chez moy qu'il ne portast quelque honnorable tesraoignage de vostre grandeur. Vous estes sorty de la plus grande race qui soit au monde : il n'y a poiuct de mémoire que , de dix races en ça, les roys de France n'ayent esté tous hardis et belliqueux, et bien peu, depuis le premier roy chrestien , ont esté autres , encor que les races ayent fini et changé, et que de nouvelles se soient emparées de la couronne ; qui est chose admirable, car en quatre races de gentils-hommes , à peine en trouverez vous deux de suite vailians : ce que nous doit faire croire que Dieu a mis la main sur ce royaume , puis qu'il a donné de si grands dons et grâces à ceux qui tiennent sa place, comme aux roys vostre ayeul , père et frère; et encor que vous ne soyez pas roy, si participez vous à !a bénédiction que Dieu leur a departy. 0 monseigneur, que vous avez grand argument de penser, et vous asseurer que Dieu vous a esleu (3) pour faire de grans faicts, comme on commence à cognoistre par les victoires qu'il vous a données en vos jeunes ans , lesquelles on peut manifestement juger vous estre advenues, plus par la volonté de Dieu que par le combat des hommes. Doncques il faut que chacun confesse que ce royaume est à Dieu , et que le Roy vostre frère est son lieutenant, et vous le sien. Voyia de beaux titres.

Il faut que je parie un peu à vous : vous estes le baston sur lequel il s' appuyé ; vous estes celuy qui doit commander les armes, qui les doit porter à tous hazards, périls et fortunes ; vous estes la trompette qui nous doit faire entendre ce que nous devons faire ; vous estes nostre recours et nostre espérance , pour nous faire avoir la recompense de nostre Roy. C'est vous qui nous devez faire cognoistre à Sa Majesté, et qui, vray chancelier de l'espée , luy devez faire le rapport de ce que nous avons faict pour son ser-

(5) Ce prince a bien trompé ceux qui a voient conçu de de Jni une limite opinion Inrs de ses premières armes.

vice ; et quand nous serons morts , vous luy devez faire cognoistre nos enfans, si nous avons faict ce que gens de guerre doy vent. Bref , toute la France a les yeux tournez sur vous qui présidez aux armées , et qui avez battu et rebattu si souvent les Huguenots : toute la chrestienté sçait que c'est vous , car le Roy est contrainct, puis que son conseil le veut , faire la gueire de sou cabinet. Puis que vous tenez si grand lieu , d'où dépendent toutes les cbarges qui procèdent des armes, et qu'il faut que nous tous mourions auprès de vous pour le service du Roy et le vostre , il faut que vous mettiez tout vostre soing et vos pensées en nous qui suivons les armes, car tous les autres estats ne participent rien avec le vostre , d'autant que tout le reste dépend des gens de robbe longue : il y eu a prou au conseil du Roy, vous n'avez rien à demesler avec eux , car on dit que qui trop embrasse peu es- Ireiut.

Si vous voulez un peu considérer ma remonstrauce , vous trouverez qu'il faut , puis que vous tenez si grand lieu , que vous pesiez qu'est-ce qui vous peut aider à maintenir une si grande charge et honnorable; elle ne le peut estre davantage. Sera-ce des jeunes capitaines que vous attendrez cela? non certes, car en ceste manière de gens il n'y a point d'expérience , mais plustost de la légèreté. Sera-ce des gens de robbe longue? encores moins : ils en parleront en clercs d'armes ; ils s'en meslent trop et veulent sur le tapis verd juger des coups. De qui doncques ? ce sera des vieux capitaines qui de longue main seront expérimentez aux guerres , et passez par les rudes examens des batailles, combats , escarmouches, sièges et assauts. Ils seront memoratifs de ce qu'ils auront veu , et auront bien retenu les pertes , et pourquoy elles sont advenues. S'ils ont esté battus , ils s'en souviendront, et s'ils gaignent, aussi. Si vous prenez advis et conseil de telles gens , vous ne pouvez faillir de maintenir vostre grandeur, accroistre votre renommée et réputation; car de telles gens vous apprendrez de sçavoir bien commander, et retiendrez deux ce qu'ils vous mettront en avant, racomptant ce qu'ils auront veu. Vous ne sçauriez employer mieux les heures, afin que la postérité sçache vostre nom. Vous estes de trop bon lieu pour ne vouloir qu'il soit parlé de vous après vostre mort.

Il y en pourroit bien avoir de vieux près de vous qui n'auront pas veu ou faict de grandes choses , ou pour avoir plus aymé leurs maisons et richesses que l'exercice des armes. Certes, monseigneur, il n'yaquctropde gentils-hommes lie telle humeur : le Roy devroit dégrader telles

gens de noblesse , qui sont cazaniers et ne commandent qu'aux chiens et aux lévriers cependant que les autres cerchent les coups , et leur semble que c'est assez de sçavoir donner dans le trou d'une bague. Il en y a aussi d'autres qui à faute d'esprit n'ont peu retenir ce qu'ils ont veu : ils peuvent bien dire : J'ay esté aux batailles de Cerizolles, de Dreux , de Jarnac et Moncontour; mais de sçavoir discourir comment monsieur d'Anguyen gaigna la première, et monsieur de Guyse sauva la seconde , la faute que fit monsieur l'Admirai aux deux autres, la belle resolution vostre, bref comme tout passa, et les raisons de l'un et de l'autre , rien de tout cela ; vous diriez qu'ils n'en ont jamais ouy parler, non plus que le plus rude lansquenet qui s'y seroit trouvé. Ce ne sont pas les gens qu'il vous faut. Vous ne les devez pourtant rebutter, car il se faut ayder de toutes personnes , mesmement à la guerre.

Ceux que vous devez avoir près de vostre personne et de vostre conseil estroit , doivent estre les vieux capitaines qui ont eu réputation d'estre gens sans peur, vigilans et de prompte exécution. Un capitaine lent fera quelque chose de bon en sa vie , mais pour sa longueur il laissera perdre cent belles coramoditez où il eust eu de l'honneur et du profit. Je ne diray pas pour cela que vous deviez du tout mépriser ceux-là, et ue suis pas si fol d'avoir ceste intention , car je me bruslerois peut estre à la chandelle. Tel que je suis, vous me verrez dans mon livre. Je puis bien dire qu'aujourd'huy il n'y a pas de bons et grands capitaines à douzaines. Vous devez faire pour un chacun, en quelque degré qu'il soit, non esgallement , mais chacun selon son mérite et renommée. Je sçay bien qu'on vous dira que si vous attirez tant de gens près de vous , qu'ils vous importuneront à faire de grandes demandes au Roy, car les gens de guerre sont grands demandeurs, et peut estre que Sa Majesté se faschera ; en cela il y a bon remède , suy vez le dire des anciens :

Qui n'a de l'argent on bourse, Qu'il ait du lulel dans la bouclie.

Ainsi vous ne mettrez personne hors d'espoir que vous n'ayez souvenance d'eux , lors que la commodité se présentera , et que vous y tiendrez la main: un bon accueil, unsousris, une accolade les tiendra en haleine. Que s'il y a quelque fascheux et importun qui ne se vueille contenter de vos amiables reponces , vous devez croire que celuy-là ne sert poinct le Roy ne vous de bon cœur, ne pour amitié qu'il vous porte.

De telles gens vous n'en pouvez rien faire qui vaille; si la guerre ne vous en depestre, il y a assez de moyen de s'en deffaire ; car tout homme qui sert son maistre plus par avarice que amitié , n'a rien de bon au ventre. Car en premier lieu , ou peut dire que là où il y a faute d'amitié il y a faute de loyauté ; car, comme le serviteur avare ne peut accomplir son avarice , il voudroit desja avoir changé de maistre , pensant qu'il fera mieux son profit, et corrompt les autres pour les plainctes ordinaires qu'il faict. Fuyez doncques , monseigneur , telles gens de bonne heure , avant que leur poison et venin n'empoisonne le reste ; car telles gens font tout ce qu'ils peuvent pour faire hayr le prince , afin de couvrir leur mauvaistié par l'opinion qu'ils auront mis en la teste de leurs compagnons : telles gens sont aysez à recognoistre : j'en ay cogneu de tels, et vous les voyez tous les jours ; encores qu'ils crèvent sous les biensfaicts du Roy , ils ne cessent pourtant de demander, et demanderont sans cesse.

Monsieur, pour entretenir l'amitié des gentils-hommes et capitaines , vous leur pouvez escrire quelquesfois, afin qu'ils s'asseurent d'estre en vos bonnes grâces et souvenance : cela leur faict penser que vous avez quelque opinion de faire quelque plus grande chose , et que vous voulez suyvre rostre fortune. Or de cecy sort ce que je vous diray : c'est qu'ils monstreront les lettres à leurs parens et amis , et comme ceuxlà verront que vous faictes cas de l'un, que vous l'honorez de vos lettres , ils se mettront en devoir et despence de le suyvre : ainsi un serviteur vous en acquerra vingt et trente, pour l'espérance qu'ils auront qu'en vous faisant service vous ne les oublierez non plus que luy. Cela ne vous sera pas grand peine, mais à vos secrétaires : quittant une heure de vos plaisirs , vous signerez plus de despesches qu'il n'en faudra pour tout ce royaume. Que si c'est à quelque grand seigneur , un petit mot de vostre main par apostille ne vous donnera pas grand peine ; mais il ne faut pas aussi que cela soit trop commun , en mesmes temps ny en mesmes termes, .l'ay tousjours remarqué ceste faute aux secrétaires des princes et aux nostres aussi , car les uns les monstreut aux autres , et après en font peu de cas.

Si vous ne faictes ce que je vous dy , monseigneur , voycy ce qu'il vous adviendra : quand le capitaine verra que vous ne faites compte de luy, ny n'en avez souvenance, il pensera que vous vous contentez de la fortune que Dieu vous a donné, et qu'il-ne faut plus espérer que vous veuillez estre plus grand que vous estes, et faut

que chacun pense de se retirer en sa maison , sans se soucier plus des armes. Et depuis que l'homme de guerre, pour peu de bien qu'il aye, commence à sentir le plaisir de sa maison , de sa femme et de ses chiens, et qu'on luy laisse prendre ce ply , il est bien mal-aysé de le tirer plus du foyer pour aller à la guerre , et de quitter la plume pour dormir sur la dure ; et s'il y va , ce sera à regret , désirant tousjours de revoir sa femme et ses enfans : il n'ouyra tirer arquebusade que, comme le franc archier, il ne pense estre mort. En toutes ces choses il n'y a que continuer : les canonnades et arquebusades estounent ceux qui ne les ont pas accoustnmées , mais après qu'on les a ouyes souffler aux oreilles , on ne s'en soucie pas tant. Il n'y a rien si ennmy de la guerre que de laisser rouiller le soldat ou le capitaine : mettez vostre sallade et vostre cuirasse au crochet , en peu de temps la rouille s'y mettra et les araignées : ainsi est-il des gens de guerre si on les laisse en oysiveté. Parquoy il vous faut prendre garde à cecy , car, tenant esveillez les capitaines avec quelques lettres et quelque peu de bien-faicts du Roy, vous tenez tout le monde en cervelle et prest à marcher quand le commandement du Roy et le vostre arrivera. Instruisez vos secrétaires de vous en faire souvenir , car les dames ou le plaisir de la Cour vous en osteront la mémoire : vous estes jeune , je voy bien qu'il faut que vous goustiez le plaisir du monde; il est raisonnable que vous sachiez que c'est : ainsi avons nous fait et feront ceux qui viendront après nous ; mais allez y sobrement.

Par ce reveiile-matiu que vous donnerez aux gens de guerre par vos lettres, vous monstrerez à tout le monde que vous ne voulez oublier ny laisser en arrière le don de grâce que Dieu a mis en vous. Chacun qui aura envie de suyvre les armes se résoudra d'accompagner jusques au bout vostre fortune. Vous ferez cognoistre que, puis que Dieu vous a desja mis la main sur l'espaule , vous essayerez s'il la voudra mettre sur la teste : vous devez avoir vous-mesme ceste opinion de vous , et prendre le vers du pseaume en vostre devise , qui dit : cœlum cœli Domino, terram autem dédit /Uns hominum, qui vaut autant à dire que Dieu a gardé le ciel pour luy , et a laissé la terre pour nous , pour la conquérir. Ces vers n'ont pas esté faicts pour des petits compagnons comme moy , mais pour des roys et des princes tel que vous estes. Si faut-il cjueje vous die que je suis pauvre gentil homme , et n'ay pas le cœur de prince ny de roy ; mais si Dieu m'avoit conservé mes enfans , et qu'il me donnastunpeu piusdesanté que je n'ay, je penserois,

COMMENTAIRES DE BLAISE DE AlONTLlIC. [1570]

avec l'aide de mes amis , pourveu que la France fust en paix , acquérir quelque coing du monde : que si je n'avois un gros morceau, pour le moins en aurois-je quelque lopin. Au fort je ne perdrois que les frais et la vie , que je tiendrois bien employée , puis que c'est pour acquérir de Thonneur. Si mon fils eust vescu, je croy qu'il fust venu à bout du dessein que monsieur l'Admirai sçait bien qu'il avoit dans la teste . qu'il vous pourra dire , monseigneur. Vous estes jeune , vous avez vostre frère qui a le gros morceau , il faut que vous alliez busquer fortune ailleurs , et , au lieu d'cstrc suject , vous acquérir des sujects. Voyez donc, puis qu'un pauvre gentilhomme comme moy ose voiler si haut , puis que mesme , à ce que j'ay ouy dire, car je ne le sçay pas bien , des enfans de laboureurs et de forgerons par leurs vertus sont parvenus à l'empire , que devez-vous espérer, vous qui estes fils et frère du plus grand roy de la chrestienté ? Vous ue devez doncques perdre ceste espérance quand l'occasion se présentera et que vous cognoistrez qu'il sera temps. Un prince de cœur ne doit jamais estre contant , ains faut pousser sa fortune : la terre est si grande, il y a prou à conquérir. Le roy vostre frère a assez de moyens pour vous assister; vous avez l'aage et la bonne fortune. Je suis marry que vous ayez laissé ce beau et brave nom d'Alexandre (l ) , qui a esté , si je ne me trompe , le plus vaillant homme qui porta jamais armes. Sa Majesté vous aydera pour mettre sur vostre teste quelque couronne estrangere. Que si Dieu vous faict la grâce de mettre fin à ces misérables guerres , essayez à dresser vos desseings et immortaliser vostre nom. Employez tant de serviteurs à conquérir quelque fliose. l'uis que mes ans et mes blessures ue me permettent de vous y servir, au moins vous donneray-je conseil de ne vous arrester jamais, ains tousjours entreprendre choses grandes et difliciics , prenant la devise de l'empereur Charles, qui a donné tant de peine à vos ayeuls. Si vous ne pouvez arriver au bout , pour le moins atteindrez-vous à la moitié. Je n'espère pas , estant si maladif et cassé , vous y pouvoir servir , mais je vous laisse trois petits Montlucs , lesquels j'espère ne dégénéreront de leur ayeul ny de leurs pères. Je ne vous diray autre chose , car il est temps que je mette fin à mon livre.

V'oyià, mes compagnons qui lirez ma vie , la fin des guerres où je me suis trouvé depuis cinquante cinq ans que j'ay commandé pour le scr-

(I) Le (lue <i'Anjou quilLi le iioni ir.\li'\;iii(lrc (Kiiir prcmlii' celui iK' Henri.

vice de nos roys. J'en ay rapporté sur moy sept harquehusades pour m'en fi\ire ressouvenir, et plusieurs autres blesseures , n'ayant membre en tout mon corps où je n'aye esté blessé, si ce n'est le bras droict. Il m'en reste l'honneur et la repu- • tation que j'ay acquise par toute la chrestienté , car mon nom est cogneu par tout : j'estime plus cela que toutes les richesses du monde , et , avec l'ayde de Dieu qui m'a assisté , je m'enterreray avec ceste heureuse réputation. Ce m'est un merveilleux contentement quand j'y pense, et lors qu'il me souvient comme je suis parvenu de degré en degré , ayant eschappé tant de dangers pour jouyr de si peu de repos qu'il me reste en ce monde en ma maison , afin d'avoir loisir de demander pardon à Dieu des offenses que j'ay commises. 0 que si sa miséricorde n'est grande, qu'il y a de danger pour ceux qui portent les armes , et mesmement qui commandent , car la nécessité de la guerre nous force en despit de nous-mesmes à faire mille maux , et faire non plus d'estat de la vie des hommes que d'un poulet; et puis les plaintes du peuple qu'il faut manger en despit qu'on en aye ; les veufves et orphelins que nous faisons tous les jours nous donnent toutes les malédictions dont ils se peuvent adviser, et à force de prier Dieu et implorer l'ayde des saincts , quelqu'une nous en demeure sur la teste : mais certes les roys en pâtiront encores plus que nous, car ils le nous font faire, comme je dis au Roy l'entretenant à Thoulouse, et n'y a mal duquel ils ne soient cause , car puis qu'ils veulent faire la guerre , il faut payer pour le moins ceux qui s'en vont mourir pour eux , afin qu'ils ne puissent faire tant de maux qu'ils font. Moy doncques bien heureux , qui ay le loysir de songer aux péchez que j'ay commis , ou plustost que la guerre m'a faiet commettre , car de mon naturel je n'estois pas addonné à faire mal , et sur tout ay tousjours esté ennemy du . vice, de l'ordure et vilenie, ennemy capital de la trahison et desloyauté. Je sçay bien que la colère m'a fait faire et dire beaucoup de choses , dont j'en dis mea culpa ; mais il n'est pas temps de les reparer : une en ay-je sur le cœur par dessus toutes les autres. Si je n'en eusse ainsi usé, on m'eust baille des nazardes , et le moindre consul de village m'eust fermé la porte au nez si je n'eusse tousjours eu le canon à ma queue, car ehacun vouloit faire le maistre. Dieu sçaitsi j'estois pour l'endurer; meshuy cela est faict. J'avois la main aussi prompte que la parolle. J'eusse voulu , si j'eusse peu , ne porter jamais de fer au costé, mais mon naturel estoittout autre : aussi porfe-je en ma devise , Dco duce ,ferro confite. L ne chose puis-je dire a\ec la vérité, que jamais

COMMENTAIKES DE BLAISE DE MONTLUC. [lôTO]

lieutenant de Roy n'eut plus de pitié de la ruyne du peuple que moy, quelque part que je me sois trouvé. Mais il est impossible de faire ces charges sans faire mal , si ce n'est que le Roy ait ses coffres pleins d'or pour payer les armes; encor y aura-il prou affaire. Je ne scay si après moy on fera mieux , mais je ne le pense pas. Tous les Catholiques de la Guyenne porteront tesmoignoge si je n'ay pas espargné le peuple; car des Huguenots, je les récuse; je leur ay faict trop de mal , et si n'en ay pas faict assez , ny tant que j'eusse voulu , il n'a pas tenu à moy. Je ne me soucie s'ils disent mal de moy , car ils en disent autant ou ont plus dit de leurs roys.

Mais avant que je mette fin à ce mien escrit, lequel mon nom fera veoir à plusieurs , je les supplieray de ne me penser si ingrat que je ne recognoisse , après Dieu , tenir de mes princes et de mes maistres tout ce que j'ay , je dis biens et honneurs, mesmement de mon bon maistre le roy Henry, que Dieu absolve. Que si par fois dans livre mon j'ay dict que les playes sont les recompenses de mes services , ce n'est pas pour leur reprocher mon sang. Geluy de mes enfans qui sont morts pour leur service est bien employé: Dieu me les avoit donnez, et ils me les ont prins ; j'en ay perdu trois à leur service : Marc Anthoine mon aisné , Bertrand, auquel par chaffre (1) je donnay le nom de Peyrot, qui est un mot de notre Gascongne , parce que ce nom là de Bertrand me desplaisoit, et Fabian , seigneur de Montesquieu. Dieu m'en a redonné trois autres , car j'ay du second Biaise , et du dernier Adrian et Biaise , Dieu les veuille conserver pour faire service à leurs roys et à leui- patrie, sans faire honte au nom qu'ils portent ! et qu'ils estudient bien mon livre et se mirent dedans ma vie, taschant à surmonter leur aycul s'ils peuvent. Sire, souvenez vous d'eux, s'il vous plaist; je laisse parmy leurs papiers la lettre que vous m'escrivistes , de ^ illecostrets , le troisiesme de décembre 1 570 , où il y a ces mots : Tenez vous tout asseuré que ftmraij souvenance à jamais de vos longs et grands services , desquels , si vous ne pouvez recevoir la recompense condigne , vos enfans achèveront d'en cueillir le fruit , joint qu'ils sont tels, et tnontja si bien servi/, que d'eux 7nesmes ils ont mérité que Von face pour eux ce que je seray bien aise défaire quand l'occasion se présentera. Sire , voylà vostre promesse , un roy ne doit jamais rien dire ny promettre qu'il ne le vucille tenir.

Je n'use donc de reproches à l'endroit de mes

(I) Par plaisanterie.

maistres ; il me doit suffire , encore que je ne sois pas riche , qu'un pauvre cadet de Gascongne soit parvenu aux plus hautes dignitez de ce royaume : j'en vois plusieurs aujourd'imy qui entrent en reproche contre leurs Majestez , et le plus souvent ceux qui n'ont rien faict se plaignent le plus ; aux autres il est un peu pardonnable. Tout ce que nous avons , grands et petits, nous le tenons de nos roys : tant de grands princes , seigneurs , capitaines et soldats qui vivent et qui sont morts , doivent au Roy l'honneur qu'ils ont receu , car leur nom vit encores pour les charges qu'ils ont eues des roys. Ils se sont non seulement enterrez en ce grand honneur, mais encores ils ont honnoré ce qui est descendu d'eux : il s'en parlera tant que les escritures dureront au monde. J'en ay couché un bon nombre dans mon livre : j'ay veu des soldats, fils de laboureurs , qui ont vescu et se sont enterrez en réputation d'estre enfans de grands seigneurs, pour leur valleur et le compte que les roys et leurs lieutenans faisoient d'eux. Quand mon fils Marc Anthoine fut porté mort à Rome , le Pape, tous les cardinaux , le sénat et le peuple romain, luy firent autant d'honneur que s'il eust esté un prince du sang. Qui fut cause de cela ? sa valeur et ma bonne renommée , et mon Roy qui m'avoit fait tel. Le nom de Marc Anthoine se trouve encore parmi les escrits des Romains. Quand je commençay d'entrer aux armes , sortant de page de la maison de Lorraine , ou ne nous parloit d'autre chose que du grand Consalvo , appelle le grand Capitaine. Quel honneur fut-ce à luy, qui durera éternellement , d'estre couronné de tant de victoires ? J'ay ouy compter qu'estant le roy Loys et le roy Ferdinand ensemble (2) , je ne sçay où c'estoit , car ils avoient assigné lieu pour s'entrevoir , estaus ces deux grands princes en table , le nostre pria le roy d'Espagne qu'il trouvast bon que Consalvo dinast à leur table , ce qu'il fit , pendant que de plus grands seigneurs que luy estoient debout. Le Roy son maistre et sa valleur l'avoient faict tel. Voyla l'honneur qu'il receut du roy de France , lequel , pour recompence de ce qu'il luy avoit fait perdre le royaume de Naples, luy mit une grosse chaisne d'or au col. J'ay ouy dire à monsieur de Lautrec qu'il ne print jamais tant de plaisir à voir homme que celuy-là. 0 le bel exemple pour ceux qui veulent parvenir par les armes! Quand je retournay la seconde fois en Italie , passant par les rues de Rome, tout le monde accouroit aux fenestres pour voir celui qui avoit deffcndu Sienne: je prisois plus cela ({uc tout le bien du monde.

(2) A Savone.

COMMENTAIBES DE IJLAISE DE MONTLUC. [1570]

Je pourrois bien escrire icy des exemples de nos François qui sont sortis de bas lieu , qui par les armes sont parvenus à de grauds grades, mais pour ne faire tort à leurs maisons , je m'en tais: ce sont les bienfaits des roys qui ont recompensé leurs services.

Reeognoissons donc que nous ne serions rien sans eux. Si nous les servons, c'est obeyr aux commandemens de Dieu sans tascher avoir des récompenses par reproches etimportunitez; et le tort n'est pas à nos roys si quelqu'un est mal recogneu , mais a ceux qui sont près d'eux , qui ne leur font cognoistre ceux qui les servent bien ou mal , car il y en a prou des uns et des autres, alin que ces l.iienfaits ne soient bien employez. Il n'y a rien qui face tant de mal de cœur des bons .que quand le Roy faict bien à ceux qui le servent mal : c'est ce qui m'a le plus fasché. J'en ay veu souvent qui disoicut : Le Roy ou la Royne ont fait cecy, ont fait cela pour un tel, pourquoy n'en feront ils autant pour moy ? le Roy a remis et pardonné une telle faute à un tel, et pourquoy ne me pardonnera il aussi à moy? Je sçay bien que leurs Majestez ont souvent dit : On ne fera plus de ces fautes, pour ce coup il faut fermer les yeux ; mais le lendernain c'estoit à recommencer. C'est le compte de Marc de Bresse ; il ne faut pas pourtant se despiter contre son maistre. L'honneur de telles gens demeure en petit lieu , puis qu'ils estiment plus les biens que leur renommée et réputation , et qu'ils sont si prompts à se despiter. Et encor, comme j'ay dit, ce sont des gens qui ne tirèrent Jamais trois coups d'espée, et se vantent cependant d'avoir souffert beaucoup de peineet de travaux. Quesion lesdespouilloit tout nuds, l'onverroit de beaux personnages quin'auroieut pas une seule playe sur le corps. Telles gens, s'ils ont gueres porté les armes, sont bien heureux , car le jour de la résurrection, s'ils vont en paradis , ils y porteront tout leur sang sans en avoir respaudu une seule goutte sur la terre.

J'en ay ouy d'autres et de toutes manières de gens qui se p!ai;;nent , et jusques aux moindres , qu'ils ont servy le Roy quatre , cinq et six ans , et neanlmoins n'ont peu acquérir que trois ou quatre mil livres de rente : les voyià bien gastez ! Je ne parle pas des gens de guerre seulement , mais de tous les autres estats dont le Roy se sert. J'ay ouy dire à mon père , qui estoit vieux , et autres plus anciens que luy , qu'il se disoit à la Cour et par toute la France , du temps du roy Louis XI :

riiM.slillon , Koiirdillon, (liilliot et RoniKvnl , Ciouvciucnt le saiiproval.

J'oserois dire que tous ces quatre seigneurs , qui ont gouverné deux roys, n'acquirent jamais tous ensemble dix mil livres de rente. Je l'ay dit autres-fois à monsieur le mareschal de Bourdillon, lequel me respondit que tant s'en faut que son prédécesseur eust acquis trois mil livres de rente, qu'il en avoit vendu quinze cens, et les avoit laissé pauvres. Que l'on demande à monsieur l'Admirai qu'il monstre ce que son prédécesseur, qui gouvernoit tout, a acquis, je gageray qu'il n'en sauroit monstrer deux mil livres de rente. Quant à Galliot , il a vescu grand aage après les autres ; il a acquis par adventure trois ou quatre mil livres de rente ou revenu. QuantàBouneval, monsieur de Bonneval , qui est aujourd'huy , et monsieur de Biron sont héritiers. Je croy qu'ils ne sçauroient pas monstrer grandes acquisitions. 0 bien-heureux roys d'avoir eu de tels serviteurs! on peut bien juger qu'ils servoient leurs maistres pour l'amitié qu'ils leur portoient, et non pour l'avarice. J'ay ouy dire qu'ils demandoient plustost pour les serviteurs du Roy que pour euxmesmes. Ils sont morts avec honneur, et leurs successeurs ne sont pas nécessiteux.

Puis que j'ay parlé des autres, je veux parler de moy-mesmes : peut estre quelqu'un après ma mort parlera de moy comme je parle des autres, Je confesse que je suis tres-obligé aux roys que j'ay servy , mesmeraent au Roy mon bon maistre, comme j'ay dit souvent. Je ne serois qu'un simple gentil-homme si ce n'estoient les moyens qu'ils m'ont donné pour acquérir la réputation que j'ay gaigné , que j'estime plus que tout le bien du monde , ayant immortalizé le nom de Montluc ; et encor que je n'aye acquis pendant si long temps que j'ay porté les armes que fort peu de biens , si ne m'a on jamais ouy plaindre des roys mes maistres , ouy bien de ceux qui estoient près d'eux, lors qu'en ces dernières guerres ils m'ont calomnié , comme si de rien je pouvois faire tout. Croyez que les playes que j'ay reçues m'ont plus donné de reconfort que d'ennuy ; et m'asseure , quand je serai mort , qu'à grand peyue dira on que j'emporte au jour de la résurrection en paradis tout le sang, os et veines que j'ay apporté au monde du ventre de ma mère. Pour le bien, j'en ay prou : il est vrai que si j'eusse esté nourry en l'escole du bayle (l) de l'Ksperon, j'en eusse d'avantage : le compte mérite qu'on le sache et que je le mette icy.

Le roy Louys douziesme , allant à Bayonne, logea en un petit village nommé l'Esperon, lequel est plus près de Bayonne que de Bordeaux.

(l)Bailly.

COMMENTAIRES Dlî BLAISE DE MONïLUC. [l5T0]

Or sur le grand chemin le bayle avoit fait bastir une très belle maison : le Roy trouva estrange qu'en un pays si maigre et stérile , et dans des landes et sables qui ne portoient rien , ce bayle eust fait bastir une si belle maison , de quoy il entretint pendant son soupper son mareschal des logis, qui luy fit responce que le bayle estoit un riche homme, ce que le Roy ne pouvant croire, veu le misérable pays où la maison estoit assise, l'envoya quérir sur l'heure mesme, et luy dit ces mots : « Venez ça, bayle, pourquoy n'avez vous faict bastir ceste maison en quelque endroit où le pays fust bon et fertile ? — Sire, dit le bayle. Je suis natif de ce pays, et le trouve prou bon pour moy. — Estes vous si riche , dit le Roy, comme l'on m'a dit? — Je ne suis pas pauvre, dit-il , grâces à Dieu j'ay dequoy vivre. » Le Roy dit lors : « Comment est-il possible qu'en un pays si maigre et sterille tu sois peu devenir si riche? — Cela m'a esté bien aysé , dit le bayle, Sire. — Dittes moy donc comment, dit le Roy? — Par-ce, Sire, que j'ay tousjours plustost fait mes affaires que celles de mon maistre et de mes voisins. — Le diable ne m'emport, dit le Roy [ ainsi estoit son serment ] , la raison est bonne , car en faisant de ceste sorte et te levant matin , tu ne pouvois faillir de devenir riche. » 0 combien d'enfans a laissé ce bayle héritiers de ses complexions! je n'ay jamais esté de ceux-là. Certes je croy qu'il n'y a si petit mercadant au monde qui , ayant tant trotté , couru et tracassé comme j'ay fait , ne se fust enrichy ; et n'y a financier ou recepveur , pour homme de bien qu'il fust, en ce royaume , que s'il luy eust passé tant d'argent par les mains comme il a faict à moy , qu'il ne luy en fust plus demeuré. J'ay esté sept ou huict fois capitaine de gens de pied, qui n'est pas petit moyen pour commencer à gaigner quelque chose. J'ay veu de mon temps plusieurs capitaines qui se sont faits riches seulement sur la paye de leurs soldats. Je n'estois pas si ignorant ny si mal habile , que je n'eusse sceu faire le tour du baston aussi bien qu'eux : il n'y a pas si grand affaire pour apprendre cela , car avec un bon fourrier et un peu d'aide, cela estoit facile. Puis après j'ay esté maistre de camp par trois fois : Dieu sçait si je pouvois trouver force passe-volans , et avoir intelligence avec les commissaires des vivres ; car je pouvois descouvrir s'il y avoit rien à gaigner aussi tost ou plustost qu'homme de l'armée, carj'avois assez bon nez. Apres j'ay esté gouverneur des places : je pouvois tousjours avoir à ma dévotion quatre vint:;ts ou cent hommes pour les faire passer, comme messieurs les gouverneurs le scavent trop bien faire. Ainsi, ayant eu ces charges long temps , et faict tant de

monstres comme j'ay fait en ma vie , avec quelque peu d'espargne, mon Dieu quelle montagne d'or aurois-je ! quand il m'en souvient , je le trouve estrange. Et puis encore j'ay esté lieutenant de Roy à Siene, et une autre fois à Montalsin, où il y avoit bien dequoy faire son proffit , comme d'autres qui ont eu pareilles charges l'ont fait, car il ne falloit sinon que j'eusse intelligence avec trois ou quatre marchans , lesquels eussent advoùé que les bleds que les soldats mangeoient avoient esté acheptez par eux , et prins sur leur crédit ; et Dieu sçait quel profit on fait à ces magasins. Puis je pouvois faire des demandes par manière d'emprunt, députant quelques uns qui en eussent pris la charge et eussent apporté cent ou deux cens mille francs de debtes. Mais au lieu de cela, Sa Majesté nousdevoit cinq payes quand nous sortismes de Sienne, dequoy je luy en fis quitter les trois dés que nous fusmes arrivez à Montalsin. Puis à la seconde fois que j'y fus renvoyé au lieu de monsieur de Soubize , je demeuray six sepmaines par le commandement du Roy à Rome auprès du Pape et des ambassadeurs et agents du Roy : c'estoit au temps que le due d'Albe faisoit la guerre à Sa Saincteté ; toute la coste de la mer s'en alloit abandonnée, et Grossette n'en pouvoit plus , pour n'y avoir un seul grain de bled, non plus qu'aux autres garnisons. Je trouvay à Rome quelques gentils-hommes sienois , lesquels estoient sortis avec moy de Siene, qui me mirent en cognoissance avec un banquier, nommé Julie d'Albie , aussi sienois, lequel sur ma parolle presta six cens moges de bled , qui sonttrois cens tonneaux à douze muids pour tonneau , moyennant que tous les mois je luy donnerois six cens escus à chaque monstre. Je ne pouvois prendre cet argent que de l'espargne que je faisois sur les monstres; et au lieu de mettre cela dans'mes bouges, je le fis du tout payer, sauf le dernier pact , car il n'y eut plus d'argent, ny moyen d'en avoir , de sorte que nous ne fismes point monstre. Je pouvois bien faire mon profit là dessus , car j'en pourveus des places qui en avoient besoin, selon la charge que j'en euz, et si espargnay encore la moitié du b!ed , lequel je prestay aux paysans , qui mouroieut de faim encore plus que les soldats. Ce fut là où je commençay à estre usurier, mais ce fut aux despens de la conscience du Roy, car pour un muid à la récolte j'en eus deux , car il vailoit deux fois plus quand je le prestay. Ce gain n'entra non plus en ma bourse, car je le laissay tout au Roy. Je sejournay encore en ce pays là sept mois sans tirer une seule paye . et fis vivre mes gens quatre mois, à vingt onces de pain le jour, du gain que j'avois fait sur les bleds , espargnant tant que je

COMMEiNTAlRES J)K BLAISK UK MOlNTLUC. [1570]

pouvois le bieu de mon maistre. Je payay les autres trois mois les soldats avec remonstrances et bonnetades (l), commejefaisoisqufind j'estois à Siene : quelque temps après arriva le seigneur dom Francisco , lequel trouva encore des bleds aux munitions. Encore iis-je uue praticque avec la duchesse de Castro , femme du duc qui fut tué à Plaisance, laquelle cognoissoit monsieur de \ alence mon frère du temps qu'il estoit au service du pape Paule Férues. !.e pape Paul Caraffe avoit fait deffonce de ne laisser sortir hors la Romanie aucuns bleds ; mais ceste duchesse par dessous main permettoit que des raarchans en fissent apporter de nuict dans nos terres, et nos marchans les alloient achepter. Je menay ceste praticque bien secrettement , sur laquelle je pouvois jxaigner beaucoup ; mais un seul liard n'en vint à mon profit.

Je pouvois apporter au Roy pour deux ou trois cens mil francs de debtes , aussi bien qu'a fait le seigneur Jourdain de Corsegue (1), et autres que je neveux nommer, lesquels ont este bien payez. Je n'estois pas garny desipeu d'entendement ny de moyens , que je ne l'eusse sceu faire aussi bien qu'eux. J'ay esté lieutenant de Roy en ce pays de Guyenne ; j'ay fort couru le monde , mais je croy qu'il n'y a rien qui esgalle ce pays, soiten richesses, commoditezet vivres. Ayant une telle charge , je pouvois bien avoir Intelligence avec le receveur de la province [ces gens ne demandent pas mieux] , et emplir bien mes coffres . car tant sur les monstres et garnisons, qu'attellages d'artillerie, je pouvois faire un grand gain. Combien d'impositions pouvois-je faire sur le pays? car le Roy m'en avoit baillé le pouvoir, lesquelles fussent tournées à mon profit; car, encore que Sa Majesté entendist que ce fust pour son service . si j'eusse voulu j'eusse bien sceu faire le change, de sorte que la pluspartfust demeuré entre mes mains. Je pouvois , si j'eusse voulu , avoir un homme de paille , pour aller par les villes et villages dire h l'aureilleaux principaux qu'il me falloit donner de l'argent pour estre soulagez , ou qu'autrement je les ferois ruyner et manger jusques aux os aux gens de guerre , car nous ne laissons mal à faire. Je pouvois aussi faire dire aux Huguenots qui demeuroient en leurs maisons sous l'authorité d'un edit, que , s'ils ne crachoicnt au bassin , je les ferois tous ruyner. Combien m'en eussent-ils donné pour estre asseurez de leurs vies et biens ! car ils ne se fioient gueres en inoy, scachnnt comme je les avois accommodez. Mais au lieu

(1) Rnnnrtfidts .Salulalioiis.

(2) Jourdan Ursin.

d'user de tous ces artifices pour me faire riche , je laissois prendre le tout aux capitaines et gensdarmes , et gens faisant service au Roy qui me ledemandoient, n'en ayant que peu ou point tourne à mon profit, et encore ce que j'eus de Clairac je le prins avec permission du Roy. Or que les autres se eontantent , je suis contant. Que si Dieu me faisoit la grâce de guérir de ceste grande arquebusade que j'ay au visage, je pense encores que, si la guerre recommençoit jamais, que je serois homme pour monter à cheval. Je croy qu'elle n'en est pas loing, car, tant qu'il y aura deux religions , la France sera en division et en trouble : il ne se peut faire autrement, et le pis est que c'est chose qui ne peut pas finir de long temps. Les autres querelles se pacifient aisément, mais celle de la religion a longue suite, et , encore que les gens de guerre ne soient pas fort religieux, ils prennent party , et estant engagez ils suivent puis après. Aux termes que je voy les affaires , je ne croy pas que nous soyons au bout ; pour le moins ay-je ce contentement en moy-mesme de m'y estre opposé autant que j'ay peu, et fait mon devoir. Pleusl à Dieu que tous ceux qui ont eu les forces en main , n'eussent non plus connivé que moy. Il faut laisser faire Dieu : après qu'il nous aura prou fouettez il mettra les verges au feu.

Or, seigneurs et capitaines qui me ferez cest honneur de lire ma vie, ny apportez nul maltalent; croyez que j'ay dit le vray sans dérober l'honneur d'autruy. Et sçay bien qu'il en y aura qui mettront en dispute mon escrit , pour voir si j'auray touché quelque mensonge, pour-ce qu'ils trouveront que jamais Dieu n'a accompagné plus la fortune d'un homme , pour les charges qu'il a eues, que la mienne; silesasseuray-je que j'ay laissé infinies particularitez à escrire. car je n'avois jamais rien eserit ny pensé à fciire des livres : j'estois incapable de cela ; mais pendant ma dernière blesseure et mes maladies j'ay dicté ce que je vous en laisse, afin que mon nom ne se perde , ny de tant de vaillans hommes que j'ay veu bien faire; car les historiens n'escrivent qu'à l'honneur des roys et des princes. Combien de braves soldats et gentilshommes ay-je nommé icy dedans . desquels ces gens ne parlent du tout , non plus que s'ils n'eussent jamais esté! Celuy qui a escrit la bataille de Cerizolles, encore qu'il me nomme , en parle toutesfois en passant : si me puis je vanter que j'eus bonne part en la victoire , aussi bien qu'à Bologne et Thionville, et ces escrivains n'en disent rien, non plusquedc la valleur d'un grand nombre de vos pères et parens que vous trouverez icy. Or ne trouvez pas cstrange si j'ay esté

si heureux comme j'ay escrit , car je ne me suis jamais proposé que ma charge ; et ay recogneu que tout -venoit de Dieu , auquel je remettois tout , quoy que les Huguenots m'ayent estimé un atheiste : ils sont mes ennemis , et ne les faut pas croire. Encore que j'aye eu des imperfections et des vices , et ne sois pas sainct non plus que les autres [ils en ont leur part quoy qu'ils facent les mortifiez], si est-ce que j'ay tousjours mis mon espérance en Dieu , recognoissaut qu'il falloit que de luy vinst mon heur ou mon mal-heur, luy attribuant toutes les bonnes fortunes qu'il me donnoità la guerre. Je ne me suis jamais trouvé en faction quelconque que je ne l'aye appelle à mon ayde , et n'ay passé jour de ma vie sans l'avoir prié et demandé pardon. Et plusieurs fois je puis dire avec la vérité que je me suis trouvé en voyant les ennemis en telle peur, que je sentoisle cœur et les membres s'affoiblir et trembler [ne faisons pas des braves , l'appréhension de la mort vient devant les yeux]; mais comme j'avois fait mon oraison à Dieu je sentois mes forces revenir. Elle estoit ainsi , l'ayant dés mon entrée aux armes apprise en ces mots : Mon Dieu qui m'as créé , je te supplie , garde moij l'entendement, afin qu' aujourd'hui/ je ne le perde , car tu le m'as donné , et ne le tiens que de toy. Que si tu as aujourd'huy déterminé ma mort ,fais que je meure en réputation d'un homme de bien, laquelle je recherche avec taiit de périls. Je ne te demande point la vie , car je veux tout ce qu'il te plaist : ta volonté soit faille , je remets le tout à ta divine bonté. Puis ayant dit mes petites prières latines , je promets et atteste , devant Dieu et les hommes , que je sentois tout à coup venir une chaleur au cœur et aux membres , de sorte que je ne l'avois pas achevée que je ne me sentisse tout autre que quand je l'avois commencée : je ne sentois plus de peur, de façon que l'entendement me revenoit , et avec une grande promptitude et jugement je cognoissois tout ce qu'il me falloit faire, sans l'avoir jamais perdu en combat que je me sois trouvé.

Combien y en a-il de morts qui pourroient, s'ils estoient en vie, tesmoiguer si jamais ils m'ont veu effrayé ny perdre l'entendement à la guerre, soit à assaut, rencontre ou bataille! Messieurs de Lautrec, de l'Escut, deBarbezieux, de Monpezat , de Termes , du Bié , de Strossi , de Bourdillon, de Brissac , d'Anguien , de Botieres , de Guy se , en pourroient bien dire la vérité, car ils m'ont tous commandé, et m'ont veu en mil et mil périls sans peur ny estonnement ; que s'ils pouvoicnt retourner en vie, ils seroient bons tesmoings de ce que je dis. Encores ne sont

pas morts tous ceux qui m'ont commandé, car, combien que je sois plus vieux capitaine qu'eux, il estoit raisonnable que je leur obeyssc : monsieur le ducd'Aumale, messieurs les mareschaux de Cossé et de Vieilleville sont de ce nombre. Je vous supplie , mes bons seigneurs , si mon livre tombe entre vos mains , de faire jugement si ce que je dis est vray ou faux, car vous en avez veu une partie , et croy qu'après ma mort vous voudrez veoir ce que j'ay escrit. Il y en a d'autres aussi qui me peuvent desmentir, comme le seigneur Ludovic de Birague et monsieur le président de Birague, lequel n'abandonna gueres ce brave mareschal de Brissac. Plusieurs autres vivent , qui ont esté mes compagnons d'armes , et plusieurs aussi qui ont marché sous moy, tous lesquels peuvent estre fidèles tesmoings de ce que j'ay dit , et si , quand il a esté question de faire une exécution, j'ay jamais trouvé rien impossible; mais au contraire, ce qu'on tenoit impossible je le trouvois possible, je l'entreprenois et en venois à bout, ayant tousjours ceste ferme fiance en Dieu qu'il nem'abandonneroit point, et m'ouvriroit tousjours l'esprit pour cognoistre ce qui estoit besoing pour venir au bout de mon entreprinse. Je n'en ay trouvé jamais aucune impossible , si ce n'est celle de Thionville : il en faut donner l'honneur à monsieur de Guyse seul ; il y eut là plus de l'heur que de la raison , quoy que ledit sieur de Guyse asseurast tousjours de l'emporter, comme il fit.

Mes compagnons , combien de choses grandes ferez vous si vous mettez toute vostre fiance en Dieu, et si vous proposez tousjours l'honneur devant les yeux , discourant en vous mesmes que si vos jours doivent finir sur la bresche, vous avez beau à demeurer dans le fossé. Un bel mourir, dit l'italien, luta la vila honora : c'est mourir en beste, de ne laisser nulle mémoire après soy. Ne taschcz jamais à desrober l'honneur d'autruy , ny à vous proposer l'avarice ou ambition , car vous verrez lors le tout tomber en mal-heur et infortune; je ne dis pas cecy pour faire le prescheur , mais pour la vérité. Combien y en a-il au monde qui ont eu le bruict d'estre fort vaillans , mesmes qui sont en vie, que je ne veux nommer ; neantmoins ils ont esté fort mal-heureux en leurs entreprinses : croyez que cela venoit de Dieu ; et encores qu'ils l'appellassent à leur ayde , leur zèle n'estoit pas bon , voyla pourquoy Dieu leur estoit contraire. Il faut, si vous voulez qu'il soit à vostre secours, que vous despouilliez toute ambition, avarice et haync, et soyez pleins de la loyauté et fidélité que nous devons à nostre

COMMENTAIRES DE BLAISE DE MONïLUC. [15711

prince ; et encore que sa querelle ne soit juste , il ne laissera pas pourtant de nous assister , car ce n'est pas à nous de demander à nostre Roy si sa querelle est bonne ou mauvaise , mais seulement d'obeyr. Que si vous n'estes recogneus des services que vous avez faicts , vous ne vous en fascbercz pas , par-ce que vostre intention n'aura pas esté de combattre pour ambition ny grandeur, ny pour convoitise des richesses, mais pour la fidélité que Dieu nous a commandé de porter à nostre Roy. Vous vous resjouïrez d'estre estimez et aymez de tout le monde , qui est la plus belle richesse et acquisition que tout homme d'honneur doit désirer , car les richesses et grands estats périront avec le corps , et la bonne renommée vivra à jamais avec l'ame. A présent je me vois tirant à la mort , dans le lict, je me sens grandement soulagé ; en despit d'elle mon nom vivra , non seulement en la Gascogne, mais parmy les estrangers.

Or c'est icy la fin de mon livre et de ma vie : que si Dieu me la continué plus longuement, quelqu'autre escrira le reste , si je me trouve en lieu où je face quelque chose digne de moy , ce que je u espère pas, me sentant si incommodé que je ne pense meshuy pouvoir jamais plus porter les armes. J'ay ceste obhgatiou à ceste meschante arquebuzade qui m'a percé et froissé le visage , d'avoir esté cause que j'ay dicté ces Commentaires, lesquels, comme je pense, du« reront après moy. Je prie ceux qui les liront de ne les prendre point comme escrits de la main d'un historien, mais d'un vieux soldat, et encores gascon , qui a escrit sa vie à la vérité , et en guerrier : tous ceux qui porteront les armes y prendront exemple , et recognoistront que de Dieu seul procède l'heur et le mal-heur des hommes. Et pour-ce que nous devons avoir recours à luy seul , supplions-le nous aider et conseiller en nos tribulations, car ce monde n'est autre chose , et dont les grands ont aussi bien leur part que les petits : en cela se manifeste sa grandeur , veu qu'il n'y a roy ny prince qui en soit exempt , et qui n'aye ordinairement besoing de luy et de son secours.

(I) Il est probable qucMonlluc, ;i caiiso de colle blessure, alla aux eaux de Bagiiiores; voici une leltre que Henri IV, alors roi de Navarre , écrivit à cette occasion à Corisanilre d'Andouins, datée de Bagniéres, le 12 septembre L'iTO:

« Je ne te sçaurois qu'escrire sinon (jne je suis ycy depuis hyer à boii-e de l'eau qui me fait tout b; bien du monde. M. de Montluc y est aussi, qui dit ([u'il est plus à moy qu'à bonmie qui vive. Je le{;on\eiiie. A propos de cela , je te prie rechercher d -us mou i)etit coflre la lettre riu'il n^'escri^it, dans lacpiclle il me mande qu'il ne me pcult continuer la garnison de ma compagnie si près de

Ne desdaignez, vous qui desirez suivre le train des armes, au lieu de lire des Amadis ou Lancellots , d'employer quelqu'beure à me cognoistre dedans ce livre; vous apprendrez à vous cognoistre vous mesmes , et à vous former pour estre soldats et capitaines , car il faut sçavoir obéir pour sçavoir après bien commander. Cecy n'est pas pour les courtisans ou gens qui ont les mains polies, ny pour ceux qui ayment le repos; c'est pour ceux qui par le chemin de la vertu , aux despens de leur vie , veulent éterniser leur nom , comme en despit de l'envie j'espère que j'auray fait celuy de Montluc.

(Icy avoit mis fin le seigneur de Montluc à son livre, mais depuis l'eschantillon qui s'ensuit s'est trouvé.)

[1571] Je pensois avoir mis fin à mes escriptures et à ma vie tout ensemble , ne pensant pas jamais que Dieu me fist la grâce de monter à cheval pour porter les armes ; mais il ne l'a pas ainsi voulu. Toute laFrance jouit quelque temps de la paix et du repos ; moy seul , affligé de maladies et de ma grande blesseure ( i ) , estois le plus souvent dans le lict ; toutes-fois peu à peu je recouvray santé , estant plus aise d'estre deschargé du gouvernement , que si ce pesant faix me fust demeuré sur les espaules : monsieur le marquis de Villars, qui en est chargé, s'en acquittera comme un vieux chevalier et grand capitaine doit faire.

Or je disois tousjours en moy-mesmes, oyant les nouvelles de la Cour, car encore y avois-je quelque amy , qu'on faisoit trop de caresse aux Huguenots , et cognoissois bien qu'il y auroit du bruit au logis. Le Roy, par ses lettres que j'ay encores , parlant à mes amis, tesmoignoit tousjours qu'il u'avoit nul mescontentement de moy, qu'il desiroit me faire paroistre combien il m'aimoit, mais que mon indisposition estoit cause qu'il avoit envoyé monsieur le marquis de Viîlais en ma place; je le crcuz ainsi , car il faut croire ce que les roys veulent , autrement on les offense. Or, quoy que je ne fusse lieutenant de Roy , si est-ce que toute la noblesse et tous les

moy, puisque je l'emploie ailleurs qu'au service du Roy. Dedans celle-là mesme il dit aussi qu'il a entendu que aux états qui se sont tenus en Bcarn je me suis décbiiré contre le service du Roy. Envo\e moi le doubb- de cette lettre, et garde bien l'original, car devant que nous dépailons il faut (luil m'en lasse un petit de réparation; mais je te i)rie , envoyé la moi par honune exprès et à diligence, car une autre fois je ne scrois p:is à telle commodité. Je feiai cela bien joliment et gracieusement . et seront et lui et les siens beaucoup plus mes amis après. Je te prie, n'y fault point s

trois estais de la Guyenne me portoient tousjours beaucoup d'honneur et me visitoient : ce n'estoit pas sans discourir qu'est-ce que ce temps deviendroit , car il me sembloit que les Huguenots estoient venus fort insolens, et parloient presque aussi haut qu'aux premiers troubles. Si j'eusse esté aus&i sain et aussi jeune que j'estois lors, je les eusse fait taire, pour le moins en la Gascogne où j'estois.

[1572] Quelque année estant ainsi passée, la nouvelle survint de ce qui estoit advenu à la journée de Sainct Barthélémy à Paris , où monsieur l'Admirai fut si mal advisé de s'aller enfourner pour monstrer qu'il gouvernoit tout. Je ra'estonne qu'un si advisé et sage homme pour le monde fist une si lourde faute : il la paya bien cher , car il luy cousta la vie et à plusieurs autres. Il avoit aussi mis ce royaume eu un grand trouble , car je scay bien que tout ne venoit pas de monsieur le prince de Condé , ny la moitié : ledit sieur prince ne m'en communiqua que trop à Poissy , et croy que si je luy eusse preste l'oreille , il m'eust tiré le fonds du sac ; je le dis à la Royne , mais elle me commanda de me taire : elle ne pensoit pas lors que les choses allassent comme elles ont fait. Je sçay bien et tout le monde aussi, qu'elle a esté accusée d'estre cause des premiers remuemens qui adviadrent aux premiers troubles , et monsieur le prince luy fit ce tort d'envoyer ses lettres en A'ilemaigne , et les monstrer et faire imprimer par tout : cela n'advança pas ses affaires. Estant ladite dame à Thoulouse , elle me fit cet honneur de me parler plus de trois heures sur ce subject, et me dict beaucoup de choses que je me garderay bien d'escrire ; tant y a qu'il est bien aisé de reprendre et trouver en faute ceux qui ont le maniement des affaires du monde , et mesmes si grands comme elle a eu , ayant sur ses bras le Roy et messieurs ses frères si jeunes , et estans tous les princes bandez l'un contre l'autre, les uns advancez puis reculez , et après ce beau manteau de religion qui a servy aux uns et aux autres pour exécuter leurs vengeances et nous faire entre-manger. Je vous prie , quelle apparence y avoit-il quelle eust intelligence avec ledit seigneur prince ? ce qu'elle a faict depuis a bien monstre le contraire; mais je laisse cela, car peut estre je n'en parle que ti-op , et retourneray à mon propos.

Tout le monde fut fort estonné d'entendre ce qui estoit advenu à Paris , et les Huguenots encores plus , qui ne trouvoient assez de terre pour fuyr , gaignant la pluspart le pays de Eearn ; les autres se firent catholiques , ou pour le moins eu firent semblant ; je ne leur fis poinct de mal

de mon costé , mais par tout on les accoustroit fort mal. Je pensay lors que l'armée qui estoit devant La Rochelle estoit là pour autre besongne que pour aller eu Portugal, et cogneus bien l'encloùeure ; mais je ne pouvois imaginer pourquoy on eust seulement blessé monsieur l'Admirai au commencement, si on avoit le dessein que je vis depuis ; car si le lendemain tous les Huguenots se fussent résolus avec les grands qui leur estoient alliez ou les soustenoient, il leur estoit aysé de se retirer de Paris et se mettre en seureté : or ils furent esblouis, et Dieu leur ferma les yeux. Je ne veux pas icy dire ny me mesler d'escrire si ceste procédure fut bien ou raalfaicte, car il y a prou à dire et de bien et de mal , et puis cela ne porteroit nul profit : ceux qui viendront après nous en parleront mieux à propos et sans crainte , car les escrivains d'aujourd'hui n'osent escrire qu'à demy : de moy j ayme mieux me taire.

Encore que je fusse lors seulement maistre de ma maison , si est-ce que la Royne me fist cest honneur de m'en escrire , et me mander qu'on avoit descouvert une grande conspiration contre le Roy et son Estât, et que cela avoit esté cause de ce qui estoit advenu. Je sçay bien ce que j'en creus : il fait mauvais offencer son maistre. Le Roy n'oublia jamais quand monsieur l'Admirai luy fit faire la traittede Meaux àParis plus vistc que le pas. Nous perdons l'entendement au bon du coup , et ne songeons que les roys ont encor plus de cœur que nous , et qu'ils oublient plustost les services que les offences. Or laissons cela; il en sera assez parlé par d'autres qui s'en sçauront mieux demesler que moy.

Tout le soin du Roy et de la Royne fut lors à enlever La Rochelle , seul refuge des Huguenots. Dieu sçaitsij'enmanday à la Royne mon advis. Au voyage de Rayonne, et depuis en Sainctonge,je luy avois fait l'ouverture de s'en rendre maistresse sans bruit et sans rien rompre ; et à l'aleine de monsieur de Jarnac, auquel je m'en descouvris un peu, et non pas trop, je croy qu'il n'y eust pas eu grand doubce. Elle craignoit tousjours de faire resveiller la guerre; mais pour un si bon morceau il ne faUoit craindre de rompre lejeusne : cela eust esté faict, on eust eu beau crier. îl y avoit assez de moyen d'appaiser lors les gens ; car qu'eussent ils sceu dire , si le Roy vouloit faire une citadelle dans sa ville? Il n'est plus temps de s'en repentir. Ces^e ville a donné le moyen aux Huguenots de renouveller les guerres, et leur eu donnera encnres plus si le Roy ne la leur oste , pourquoy faire il ne doibt rien oublier ; car par le moyen de ceste ville ils manient et entretiennent les intelligences qu'ils

:OMMENTAIRES DE BLAl

out en AniileteiTC et en Allemagne , et font sur mer de grandes prinses avec lesquelles ils font la guerre. Ils tiennent aussi les isles, d'où sort grand argent, à cause du sel. LaRoyneme pardonnera s'il luy plaist, elle fit là unegrandc faute, et encore une autre depuis, de n■a^oir voulu envoyer des moyens lors qu'on nous commanda de l'assiéger, car en ce temps là elle n'estoit en Testât qu'elle est, et croy que je luy eusse fait grand peur.

[ 157;> 1 Voylà tout le monde à La Rochelle; je fus appelle au festin comme les autres , et , comme je veux qucDieu m'ayde, quand je prins ma resolution de m'y en aller, je fis estât d'y mourir . et que ce seroit là mon tombeau. Estant arrivé, je fus estonné d'y voir tant de gens de diverses humeurs, qui eussent esté bien marris qu'elle eust esté prinse. Ce siège fut grand, long et beau, mais à bien assailly mieux deffendu. Je ne veux pas m'amuser à escrire ce qui fut fait là , car je n'estois que comme un particulier , et ne veux mcsdire de personne. Monsieur . qui a depuis esté roy, lequel commandoit à ce siège, sçait bien que, m'ayant faict cet honneur de m'en parler et sçavoir mon advis , je luy en dis franchement ce que j'en sçavois. Par ce siège, tous ceux que nous estions lors, et ceux qui viendront après , pourront juger qu'il faut mes-huy prendre les places de telle conséquence, ou par famine les blocquant , ou avec le temps pied à pied. Il s'y fit une grande faute d'hazarder tant d'hommes aux assauts, et encore plus d'avoir fait si mauvais guet , afin que secours de poudres n'entrast comme il fit par la mer; mais pour en dire mon advis comme les autres, quel- (jne chose qu'ils eussent sceu faire, ils estoient à nous, et n'eussent sceu s'en desdire, je dis la corde au col , car le secours que le comte Mongommery leur menoit s'estoit retiré; nous estions sur le point de venir aux mains avec eux, tout leur defailloit. Mais en mesme temps mon frère, monsieur de Valence , estoit en Poulongne pour faire eslire Monsieur pour leur roy, comme il fit : et croy que ceste gloire luy en est deuë, mais cela aussi fut cause que chacun pensa à entrer en capitulation , laquelle en fin se fit. Les députez de Poulongne le vindrent saluer là pour leur roy. Or toute la trouppe s'en retourna pour s'apprcsfer et se trouver à la feste de ccstc nouvelle couronne, après avoir laissé plusieurs morts en ce siège, et les Rochellois maistresde leur ville. Il sembloit, aux propos que Monseigneur tint à son départ, qu'il n'estoit pas fort content de ce nouveau royaume : si pcnsc-je que c'estoit grand honneur, et pour luy et pour nous, qu'un royaume si esloigné vinst chercher

SE nE MONTLL'C. [1573]

un roy dans le nostre. Monsieur de Valence mon frère y acquit beaucoup d'honneur ; ses harangues sont belles, lesquelles il mettra , comme je pense, dans son histoire.

Pendant ces malheureuses guerres et ce siège, où je perdis plusieurs de mes parens, monsieur l'admirai de A'illars, qui estoit lieutenant de Roy en Guyenne, fit ce qu'il peut à mon advis : aussi n'y avoit il pas beaucoup à faire, caries Huguenots estoient escartez comme perdriaux ; mais ayant pris cœur pour la longueur de ce siège, ils firent quelques entreprises. Je perdis , pour mon dernier mal-heur , mon fils Fabien , seigneur de Montesquieu, lequel, voulant forcer une barricade à Nogarol , fut blessé d'une arquebusade de laquelle il mourut, f^ncore qu'il fust mon fils, je puis dire qu'il estoit bien né et valeureux. Cela me cuida accabler d'ennuy ; mais Dieu me donna le courage de le porter, non pas comme je devois , mais comme je peus.

Cependant que tous les triomphes se faisoient en France pour le départ du nouveau roy de Pologne, je demeuray chez moy accompagné d'ennuis et tristesses, visité de mes amis et de la noblesse. Le Roy fit un nouveau remuement fort dommageable à la Guyenne : ceux qui viendront après nous , se feront sages par les fautes d'autruy : c'est qu'il départit le gouvernement en deux , ayant donné ce qui est deçà la Garonne et du costé de Gascogne à monsieur de La ^'alette , et ce qui est delà , à monsieur de Losse. Ce fut un grand erreur au conseil du Roy , et à la Royne principallement , car encore elle en vouloit faire trois parts, pour en donner une à monsieur de Gramond. C'est un grand cas que tant de sages testes ne prissent garde quel mal avoit apporté à la Guyenne le pouvoir qui fut donné à monsieur Danville, pour le peu d'intelligence qu'il y avoit entre nous , comme j'ay escrit en mon livre , et que , puis que les forces de tout le gouvernement gênerai unies avoientassez affaire à rendre le Roy obey , qu'en pouvoit-on espérer de les veoir séparées et en diverses mains? cela met de la division et de la jalousie parmy eux , laquelle en fin amené l'inimitié , et tout aux despens du Roy et de son peuple. Les effects s'en ensuy virent peu après , car monsieur de Losse entrcprint le siège de Clerac , lequel ne m'avoit jamais osé fermer la porte, où monsieur de La \ ailette aussi fut , mais pour veoir seulement ce qui s'y faisoit. En fin il ne s'y fit rien qui vaille la peine de l'escrire , aussi il ne touche à moy. Je le dis seulement pour advertir le Roy que , [>our estrc bien seivy , il ne doit des-unir le gouvernement , ains le laisser tout entier : son royaume est assez grand pour contenter

l'ambition de ceux qui demandent des honneurs. Sa Majesté m'excusera s'il luy plaist; ils doivent attendre à leur rang ; il y en aura assez pour tous.

[1574] Quelque temps après, nous oyons dire tant de choses , qu'il me serabloit voir les entreprises d'Amboise renouvellées, car on disoit merveilles, et des plus grands, que je n'eusse jamais pensé si ce qu'on disoit est vray , comme je m'en remets. Peu après survint la nouvelle de la maladie du Roy , de tant d'emprisonnemens qui se faisoient à la Cour; ce qui me fit estimer bienheureux d'en estre loing , car on se trouve souvent engagé là où on ne pense pas. Apres tout cela vint la nouvelle de la mort du Roy , qui fut à la vérité un grand dommage, car j'oserois dire que , s'il eust vescu , il eust fait de grandes choses, et aux despens de ses voisins eust jette la guerre de son royaume ; et si le roy de Pologne eust voulu s'entendre avec luy , et mettre sus les grandes forces qu'il pouvoit tirer de son royaume, tout leur eust obey , et l'Empire eust esté remis en la maison de France. Sa mort nous estonna fort, à cause des grandes entreprises qu'il y avoit , disoit-on , au royaume. Je croy que la Royue ne se trouva jamais si empeschée depuis la mort du roy son mary, mon bon niaistre.

Sa Majesté me fit cest honneur de m'escrire, et me prier l'assister en une si grande affliction, pour sauver l'Estat, attendant la venue du Roy. Encore que je fusse accablé d'années et incommodité de maladies , si est ce que pour m'oster l'ennuy que je portois de la mort de mon fils Fabien , et luy tesmoiguer le désir quej'avoisde luy garder la parole que je luy donnay à Orléans, je m'en allay à Paris trouver Sa Majesté , et l'accompagnay à Lyon, où j'eus le plaisir de l'enti'eîenir là tout à mon ayse de plusieurs choses dont depuis j'en ay veu faire les approches : elle fera beaucoup si elle y peut apporter des remèdes. Le Roy arrivant , à son entrée ou luy fit faire une erreur , car , au lieu qu'il devoit assoupir le tout et nous donner la paix , qui estoit chose bien aysée lors , on le fit résoudre a la guerre , et encore pis , on luy fit accroire qu'entrant au Dauphiné tout se rendroit à luy , et neantmoins la moindre place lui fit teste. Je n'ay affaire de déduire toutes ces choses. A son arrivée il me fit fort bonne chère , et si n'en faisoit pas trop à tout le monde : je le trouvay tout changé. Là furent tenus quelques conseils , mais il y en avoit de privez et de secrets. Or Sa Majesté , se ressouvenant des services que j'avois fait au roy son ayeul , père et frères , l'ayant ouy dire et veu une partie , me voulut honorer de Testât de ma-

reschal de France , me faisant riche d'honneur puis qu'il ne le pouvoit faire de biens; et m'ayant fait appeller et faict mettre à genoux devant luy, après avoir faict le serment , me mit le baston de mareschal de France en la main. Je luy dis en le remerciant que je n'avois autre regret en ce monde , si ce n'est de n'avoir dix bons ans dans le ventre, pour luy faire paroistre comme je desirois en ceste honnorable charge luy faire service et à sa couronne. Ayant receu ses commandemens et de la Royne , je m'en revins en Gascoigoe pour faire les apprests pour la guerre , car tout tendoit là. Mais je cogneus bien à la longueur de mon voyage que je devois plustost songer à ma mort qu'à la donner aux autres , car je n'estois plus capable de porter les grandes courvées , ny prendre grande peine ; et puis je vis bien qu'il adviendroit de mesme entre les nouveaux lieutenans de Roy et moy , que m'estoit advenu avec monsieur le mareschal Banville.

Quelque temps après , la cour de parlement de Bordeaux m'escrivit que les Huguenots remuoieut besongne sur la rivière de Dordoigne, et qu'il falloit y pourvoir , me priant m'approcher d'eux pour y apporter quelque remède , et que le mal n'allast plus avant. Je vins à La Reolle , où messieurs le président JNemond , qui n'estoit pas de ma cognoissance , de Merville, de Monferran et de Gourgues me vindrent trouver , me proposant beaucoup de choses. Je n'estois pas sans responce ny excuse apparente, veu mesmes qu'on ne m'avoit pas tenu ce qu'on m'avoit promis ; leur remonstray ma vieillesse et mon indisposition. Et m'estant venu trouver au lict lesdits sieurs de Merville et de Monferran , je leur fis voir mes playes et blesseures ; je leur dis aussi le serment que j'avois faict de ne porter jamais plus les armes : mais en fin je ne les peus desdire , et me firent parjurer. S'en estans retournez pour aller faire les apprests afiu d'attaquer Gensac, je m'y acheminay. Quelque temps après monsieur de Monferran amena une belle trouppe de noblesse de son gouvernement, comme il en vint aussi d'ailleurs , et bon nombre de gens de pied. D'abordée nous emportasmes le fauxbourg et les barricades ; messieurs de Duras , de La Marque et de La Devese y allèrent en pourpoint , le coutelas au poing , et donnèrent jusques aux portes. Ils n'eu estoient pas plus sages, car les arquebusades y estoient à bon marché : ils le faisoient à l'envi l'un de l'autre, et pour monstrer qu'ils estoient sans peur. Or le mal-heur voulut que monsieur de Monferran eust une arquebusade au travers du corps, de lai[uelle il mourut; qui fut dommage,

COMMENTAIRES Dfi BLATSE DB MONTIUC. [1574]

car il estoit gentil-homme devaleur et fort aymé du pays, qui le trouvera à dire.

Leseonemis , se voyaus bouclez en telle sorte, et le canon prest à jouer , envoyèrent un grand vilain qu'ils appelloient le capitaine Tonnelier , bon soldat pourtant , disoit-on , lequel capitula et rendit la place , où monsieur de Rausan (l) , frère de monsieur de Duras, fut mis. Or je veuK mettre icy une chose qui m'advint en ce siège , laquelle ne m'estoit jamais arrivée. Apres la mort de monsieur de Monferran , je voulus donner la charge qu'il avoit en Tarmée à monsieur de Duras , parce qu'il me sembloit qu'estant seigneur de si bonne maison comme il est, il seroit aggreable ; mais tout le monde ne le trouva pas bon : dequoy sortit une autre chose, c'est qu'on me dit que la noblesse qui estoit venue avec tous ces messieurs me trouver se plaignoit fort de quelques propos que j'avois tenu d'elle, aussi faux que le diable est faux. Les mots estoient vilains et salles, voyla pourquoy je ne les coucheray point dans mon escrit ; tout estoit si mutiné qu'ils furent sur le point de monter à cheval et me laisser engagé avec le canon. Je les envoyay prier tous me faire ce plaisir de se trouver de bon matin en la campagne, où j'avois à leur dire quelque chose , ce qu'ils tirent. J'y fus de bon matin aux flambeaux , tant J'avois haste de descharger mon cœur. S'estans tous mis en rond, je me mis au milieu d'eux et leur parlay le chappeau au poing en telle sorte :

« Messieurs , il y a long temps que plusieurs d'entre vous me cognoissez , ayant porté les armes sous moy , tant es guerres de ceste Guyenne qu'aux guerres estrangeres ; d'autres aussi qui sont presens ont ouy parler de moy , de mes complexions et de mes humeurs ; mais je croy que nul de tous tant que vous estes n'a jamais sceu ne ouy dire que j'aye esté d'un naturel mesdisant et injurieux. Encor que je ne sois pas sans vice , si n'ay-je jamais eu celuy-là. Comment donc m'avez vous faict ce tort de croire que j'aye esté si mal-adviséde parler de vous avec tel mespris , comme on m'a dict qu'il vous a esté rapporté , de vous , qui estes gentils-hommes? Tant s'en faut que je le voulusse faire , que je ne voudrois pas avoir tenu tel langage de la moindre compagnie de soldats qui soit en ceste armée. J'ay tousjours aymé et honoré la noblesse, car après Dieu c'est elle qui m'a fait acquérir l'honneur et la réputation que j'ay acquise. A ous sçavez bien , messieurs , que je suis

(I) Jean de Durfort, Rausan.

scigiiour (le lijissan et non pas

hors de combat , tenant le rang que je tiens , et ne veux donner des desmentis, Bien vous dirayje qu'il n'en est rien , et que je n'en ay jamais parlé , et ne le voudrois avoir fait pour chose du monde. Mes-huy en cest aage et à tant de choses qui sont passées par devant moy , je dois sçavoirque c'est de vivre au monde, et se garder d'offencer tant de gens d'honneur et gentils hommes de bonne maison. Or j'ay sceu la resolution que vous avez prinse de vous retirer chez vous , dequoy je suis bien marry , et qu'aussi vous n'avez eu aggreable la nomination que j'avois faicte de monsieur de Du ras. Je m'en remets à vous aussi ; puis que la chose va en ceste sorte , il n'est plus besoin d'en nommer : le Roy pourvoyra quelque autre de la place de feu monsieur de Monferran que je regrette. Pour le moins, messieurs, ne me refusez pas de me faire ce plaisir d'accompagner le canon en lieu de seureté. Si vous ne le voulez faire pour l'amour de moy , qui ay esté vostre chef et vostre capitaine depuis tant d'années , faictes le pour l'affection et service que vous devez au Roy. Quant à moy , je m'en vois retirer aussi chez moy , car mon aage , mes maladies et playes ne me peuvent plus permettre de porter les armes ny prendre la peine qui est requise à la guerre. Aimez moy tousjours , je vous prie , et souvenez vous de moy. »

Ma remoustrance les satisfit et contenta tous, et me dirent d'une voix qu'à la vérité cela les avoit fort offencez , leur ayant esté rapporté par un homme qui portoit tiltre de gentil homme , mais qu'ils n'en croyoient rien , et estoient mes serviteurs , m' offrant d'accompagner , non seulement le canon, mais me suyvre là où je les voudrois commander. J'ay voulu mettre cela par escrit , afin que ceux qui viendront après moy apprennent comme il se faut comporter en telles occurrences. Je sceus depuis que ce rapporteur estoit un La Mothe ; sije l'eussesceu sur l'heure, je croy que je luy eusse faict mauvais party. Or, le canon ramené , qu'ils accompagnèrent , nous nous dismes à Dieu. Ayant séjourné quelque temps chez moy, j'oyois tousjours d'estranges nouvelles de la Cour et des entreprinses des plus grands. Et quand j'ouys dire que le Roy de Navarre s'en mesloit et qu'il estoit party de la Cour sans dire à Dieu , je jugeay deslors que la Guyenne auroit de nouveau beaucoup à patir, car estant si grand prince , jeune , et qui donne espérance d'estre quelque jour un grand capitaine, il gaigneroit aysément le cœur de la noblesse et du peuple, et tiendroit tout le reste en crainte. Comme je veux que Dieu m'ayde, mille malheurs m'altèrent au devant, de sorte que

COMMENTAIRES DE Et AISE DE MONTLUC. [15T4]

bien souvent il me prenoit fantaisie de faire retraicte, pour n'avoir pas le desplaisir d'ouj^ tant de fascheuses nouvelles et la ruine de ce pauvre pays. Il me ressouveuoit tousjours d'un prieuré assis dans les montagnes, quej'avois veu

autresfoîs, partie en Espagne, partie en France, nommé Sarracoli : j'avois fantaisie de me retirer là en repos; j'eusse veu la France et l'Espagne en mesme temps : et si Dieu me preste vie , encores je ne sçay que je feray .