LIVRE PREMIER

Du commenceraent et origine des dernières guerres en la Gaule belgique , puis de ce qui 's'est fait en Champaigne,

à sa première ouverture, en l'an 1551.

[1551] Le seigneur Pierre Loys Farneze, investy des duchez de Plaisance et Parme par pape Paul troisième , son père, par eschange fait à l'Eglise desdits duchez à autres terres et pièces, confirmé et ratifié par la plus grand' part du collège et le consentement de l'Empereur (l), moyennant quelque recompense et le mariage de sa fille naturelle avec le seigneur Octave , fils aisné dudit Pierre Loys , se raeit 'le plus diligemment que luy fut possible en reale possession desdits duchez , et employa tout son pouvoir à les fortifier et munir, prévoyant que, non sans difficulté, il en pourroit jouir paisiblement; puis, au plus bref temps qu'il se veit avoir le moyen , feit construire un chasteau à Plaisance, antant fort et defensable qu'il avoit à se douter et rendre asseuré de ceux qui le pouvoient troubler en sa jouissance ; selon aussi qu'il avoit le lieu et le pouvoir commode , principallement pour tenir la ville en subjcction, de laquelle , et spécialement d'aucuns citadins , se souspeçonnoit. Toutesfois ne sceut-il de si loing prevoh- et conduire ses entreprises, qu'enfin par ceux mesmes peut estre desquels se doutoit ne fust tué, et dedans sa forteresse mal-heureusement meurtry, avec telles intelligences, que si tostque sa mort fut publiée dom Fernand de Gousagues , lieutenant pour l'Empereur au duché de Millau, qui estoit prochain de là , entra dedans avec cavallerie etfanterie, saisissant la ville et le chasteau au nom de l'Empereur son maistre.

Le pape Paul se sentant plus griefvement offensé de la mort de son fils qu'en la perte du bien , par le moyen de celuy qui non seulement de Sa Saincteté et de toute la maison Farneze avoit tiré innumerables plaisirs, mais qui s'y estoit allié ; craignant d' estre entièrement frustré et dessaisy du surplus , envoya le seigneur Camille Ursin, l'un des capitaines de l'Eglise, avec

(1) Charles-Quint avoit, au contraire, refusé son consentement, et les cardinaux s'ctoient opposes à cet échange.

(2) Mort le G novembre 155!).

bon nombre de gens de guerre , à Parme , pour la garder et défendre ; estans toutefois déjà prins et renduz plusieurs chasteaux du Parmesan aux chefs et serviteurs de l'Empereur. Peu de temps eusuyvant, le pape Paul (2) ja fort vieil , et d'avantage ses jours plus avancez de tel ennuy et tristesse , par sa dernière et expresse volonté testamentaire , voulut et ordonna avant mourir que Parme fust rendue au seigneur Octave son nepveu.

Apres que le siège pontifical eut vacqué aucuns jours, les cardinaux assemblez au conclave pour l'élection d'un autre pape furent par intervalles en controverse , pour les prioritez d(!S degrez , dignitez et nations. Finalement fut esleu un cardinal Aretin, de la maison de Monté, intitulé Jules troisiesme ; lequel, cognoissant selon équité le droict qu'avoit le duc Octave au duché de Parme , l'en revestit , et manda au seigneur I Camille Ursin luy céder et rendre ce qu'il occupoit, comme au vray propriétaire; nonobstant que l'Empereur, long temps auparavant , eust requis instamment que Parme luy fust rendue , soubs couleur de se dire protecteur de l'Eglise ; ayant desja fait menasser le seigneur Camille Ursin , à fin que la luy rendist entre ses mains : ce que ne pouvant obtenir par ce moyen, en après feit offrir recompense au seigneur Octave, adjoustant diverses promesses ausquelles ne voulut adjouster foy, craignant demeurer devestu de l'un et l'autre, se remémorant de divers exemples qu'il avoit veu advenir en pareil cas. Et de ce refuz l'Empereur davantage irrité, recourut une autrefois au Pape , avec plus véhémentes persuasions entremeslées de menasses, luy faisant entendre les grands fraiz , que luy conviendroit exposer coutinucllement pour la défense de ce pauvre seigneur et de ses places; au contraire luy remonstroit les moyens et l'authorité qu'il avoit selon son affection , pour non seulement défendre le bien de l'Eglise , mais d'avancer et eslever les siens. Tant y a que toutes ses persuasions eurent telle efficace à l'en-

COMMENTAIRES DE FRANÇOIS DE RABUTIN, [456lJ

droict du Pape, qu'il feit scavoir au duc Octave que ne vouloit plus supporter ceste extraordinaire despense comme luy avoit promis.

Se trouvant le duc Octave de ce nouveau changement à bonne cause troublé , lequel avoit eut tousjours bonne opinion que le Pape luy seroit amy, comme ayant receu de sa maison le premier poinct de son advancement , luy feit remonstrer le peu de moyen qu'il avoit si de Sa Saineteté ne luy estoit subvenu , et le grand péril qu'il encourroit si elle luy defailloit. Pour resolution luy fut respondu que n'y eiistplus d'attente, et quese retirant ailleurs où sentiroit pouvoir recouvrer meilleur secours. Parquoy [veu les grandes apparences que toutes ces menées estoient conduites à l'adveu de son beau père, qui ne tendoit à autre fin que le spolier et devestir de son propre], prudemment considéra que s'il retiroit devers luy peu d'avantage luy en adviendroit, et promptement ne peut eslire meilleur moyen que s'adresser au Roy ; lequel , tant pour cognoistre la chose digne de commisération, que pour estre , à l'imitation de ses prédécesseurs , affecté à ta défense et tuition du bien de l'Eglise , le consola en premier d'un espoir de son secours; toutefois après avoir par son ambassadeur, qui lors estoit à Rome , fait remonstrer toutes raisons au Pape pour l'induire à meilleur moyen, et ne l'ayant peu resouldre, des-lors en accepta la protection soubs conditions obéissantes et favorables à l'Eglise.

Le Pape estant vaincu et diverty entièrement par les continuelles exhortations de l'Empereur et ses ministres , de premier mouvement trouva fort mauvaise ceste capitulation ; et , de cholere, avec plusieurs menasses feit courir le bruit de publier une censure sur le Roy et son royaume: qui luy donna occasion de se défier aucunement de luy, et de faire fermer les passages de ses pays , avec défenses de transporter à Rome or n'argent monnoyé ou non monnoyé , pour bulles, dispenses ny autres despesches , jusques à ce qu'autrement il y auroit pourveu. Puis estant condamné le duc Octave comme rebelle vassal, pour n'avoir voulu quitter son bien à tel marché qu'on le demandoit , le Pape consentit à i'Empereur de recouvrer Parme en toutes les sortes que luy seroit loisible. Parquoy dom Fernand (1), qui n'attendoit quecestarrest, espérant participer au proufit, ou pour se monstrer bon serviteur a exécuter la volonté de son maistre, assembla en diligence toutes les garnisons du duché de Milan et de ce qu'il tient en Piedmont, et

(1) Don Fornand iW (ionzapuc.

(2) Jcan-Baptistc dcl Moule , neveu du pape Jules 111.

commença le gast au territoire parmesan , accompagné du seigneur Jean Baptiste (2), ayant certain nombre de soldats, soubs tiltre et authorité apostolique ; lesquels estans conjoincts avec leurs armées , pour demonstrer que ce n'estoit seulement au duc Octave qu'on en vouloit, assiégèrent Parme et La Mirandolle , petite ville adjugée dès long temps au paravant par pape Paul , pour estre tenue soubs la protection du roy François et des autres roys de France ses successeurs ; dont fut exposé à totalle perdition le plat pais circonvdisin , ceste armée excédant de façon de vivre la cruauté barbare, au temps mesmement que restoit encor quelque espoir de pouvoir pacifier ces troubles , estant peu de jours ensuyvans envoyé le seigneur de Montluc devers le Pape pour esclaircir tous ces differens , et sçavoir la dernière intention de Sa Saineteté (3) : neantmoins continuèrent ces excez, tant que le Roy fut contraint d'y envoyer le duc Orace Farneze, frère du duc Octave, avec les sieurs de Termes, d'Andelot et Sypierre , et bon nombre de capitaines et gens de guerre , pour subvenir à ce pauvre seigneur, et à son pais qu'il avoit accepté en sa protection ; et d'autre part, manda au seigneur de Brissac, lieutenant-geueral de Sa Majesté en Piedmont, de se mettre en campagne avec telle armée qu'il pourroit recouvrer, et de chercher le moyen et occasion de faire retirer dom Fernand du siège de Parme et de La i^lirandolle , pour retourner deffendre et garder ce que son maistre tenoit seur et sien , plustost que s'entremettre aux choses où il n'avoit aucun droit. En quoy il besogna si heureusement en peu de temps , qu'il se feit maistre de Quiers, et recouvra Sainct Damian , avec d'autres chasteaux au marquisat de Monferrat ; et se fust davantage estendu , si dom Fernand ne fust eu brief retourné , pour luy venir empescher l'entrée au duché de Millan.

Ainsi du costé de Levant et d'Italie commença une ouverture de guerre entre le Roy et l'Empereur : lequel encore qu'il eust par plusieurs fois asseuré a l'ambassadeur de France, qui lors residoit près de Sa Majesté , qu'il vouloit persévérer en l'amitié du Roy, ne desistoit pourtant à innover grandes menées tendantes à luy préparer une furieuse guerre es parties de deçà; faisant amasser deniers en tous ses pays , estans faictes secrettes levées de gens de guerre, et toutes ses frontières munies en diligence , tant de soldats que d'artillerie ; estans aussi equippez vaisseaux de guerre en tous les endroits des mers

(3) Moiilluc lie dit rien de cette mission dans ses Mémoires.

COMMENTAIKES DE FKANÇOIS DE RABUTlN, [1551

qui sont en sa subjectiou , mesmement es Pays- Bas selon la coste de Flandres , et en toutes les contrées où la royne Marie, douairière de Hongrie , a toute puissance et commandement [ laquelle on sçait de tout temps n'avoir eu grande affection et plaisir de veoir ces deuz grands princes en paix ] : tellement que desjà on commençoit couvertement à user de rigueur à l'endroit des marchands frauçois qui trafiquoient celle part. Toutesfois le Rôy , taisant toutes ces petites fascheries pour se monstrer désireux du repos public , envoya amiablement un ambassadeur devers ceste princesse , pour modérer et diffinir toutes ces difûcultez, qui, au lieud'estre receu d'elle avec gracieux accueil , fut , par son commandement , estroittement resserré , et pour quelque temps détenu prisonnier en un vieil chasteau. Et, peu après, ne se pouvant plus contenir sans apertement declairer le vray de son intention, feit généralement par tous ses ports détenir les vaisseaux et marchands de France, comme confisquez, commandant leur estre ostez les voiles et autres instrumens nécessaires à la navigation ; mettre la marchandise en terre, laissant consommer les mariniers, qui estoient eu grand nombre , avec les pauvres marchands , en frais de poursuytes , sans leur donner autre response de leur en faire restitution. Davantage ceste cholere s'esteudit sur les marchands qui trafiquoient par terre à Anvers , estant faite inquisition de leurs marchandises et autres biens de tous les François qui y habitoient , comme si deslors ils fussent declairez pour ennemis , et n'eust plus esté question que de butiner. Et non-seulement en toutes ces choses proraptuaires [ pour estre présentement soubmises à sa disposition ] se monstra fort ennemie des François, mais à l'endroit de cinq ou six honnestes gentilshommes françoisqui , ayans veu l'Allemagne, curieux de cognoistre et veoir les meurs et conditions des nations estranges , retournans en France parles Pays-Bas, furent arrestez long-temps à La Haye en Hollande, et de là menez prisonniers dans des chariots à Bruxelles , avec non moindre d'opprobre comme l'on meine les criminels et ceux qui appellent de la sentence de mort. Où, pour réparation de l'injure qu'ils avoient receuë , leur fut prononcé par le président d'Estat qu'ils avoient esté arrestez à juste cause , qui ne pouvoit estre autre sinon qu'ils estaient François , et que desjà et de tout temps on les tenoit pour ennemis , nonobstant que le Roy , poiu' oster tout moyen à l'Empereur de chercher occasion de luy c ommencer la guerre, eust faict battre" et ruiner \ e fort de Lynchant , non pour autre cause sinon que les subjects de

l'Empereur se plaignoient que le seigneur de Roignac, à qui il appartenoit, les grevoit et endommageoit grandement, encore que ce fort luy eust peu estre propre pour en temps de guerre tenir une partie des Ardeunes en subjection. Ainsi donc il me semble qu'on peut aucunement cognoistre , par ces principaux poiucts , le premier autheur de ces guerres , et auquel de ces deux princes le tort doit estre imputé.

Et s'il faut prendre les choses de plus loing, je pourray adjouster que l'Empereur ne pouvant tant couvertement faindre son intention que le Roy n'en eust tousjours quelque advertissement, advint qu'après le décès du feu roy François , quand le Roy voulut renouveller et confirmer les alliances des cantons des Suisses et des Grisons , il n'oublia à mettre en avant tous exploits pour les en destourner et distraire , tant par promesses que par menasses , voire jusques à envoyer quelque nombre de cavallerie sur les limites de leur pays , pour recognoistre les accès et entrées les plus commodes pour les assaillir ; enfin ne peurent tant faire ces menasses , promesses et presens , que de séduire et aliéner ces hommes constans et certains compères ( i ) etamis du Roy. De quoy l'Empereur, pour monstrer un signe de vengeance , feit deffendre aux Grisons le commerce et traicte des vivres qu'ils souloient avoir au duché de Milan , sçachant leur pays fort aspre et infertile , espérant par ceste nécessité et incommodité les contraindre à entrer en sa ligne et obéissance. Je pourray aussi dire combien luy a despieu et qu'il a trouvé mauvaise l'alliance du roy de France et du roy d'Angleterre, et la restitution deBouloigne : ce que peut estre cogneu quand M. le mareschal de Sainct André porta l'ordre de France au roy d'Angleterre , s'estant l'armée de mer de l'Empereur opposée et plantée entre Douvres et Calais pour empescher ce voyage , que toutesfois n'advint , pour ce qu'il print autre chemin. On sçait aussi en combien de sortes l'Empereur s'est parforcé de rendre les François et les AUemans ennemis ; desquels mesmement il en a fait aucuns mourir et traiter rigoureusement, pour cause seulement qu'ils avoient esté au service du Roy, afin qu'estans divisez et espuisez de finances, et sans espoir de secours, tant plus facilement les peust tousjours tenir en servitude : et ne prendray pour exemple que Sebastien de Volgeberg , colonel de lansquenets, ancien serviteur delà maison de France, auquel [au temps de paix et que mesmement s'estoit le plus de-

(I) Les Suisses avoient teuu sur les fouis de baptême la secoude fille de Henri II.

COMMENTAIRES DE FRANCO DE RABUTIN. [iSol]

claire amy du RoyJ l'Empereur feit trancher la teste en la ville d'Auguste (0; et fut prononcé par le ministre de l'exécution, tenant encore l'espée sanglante au poing, qu'autant en seroit fait de tous ceux qui partiroient du pays pour aller servir la couronne de France ; comme à la vérité ledit de Volgeberg testilia sur l'eschafaut qu'il mouroit pour avoir esté au service du Roy. Et pour déclarer le moyen par lequel il vouloit esloigner les AUemans et mettre hors d'espoir de pouvoir recouvrer secours des François, c'est chose toute commune et claire qu'il se vouloit saisir de Lorraine par le moyen de la duchesse douairière sa niepce , laquelle y avoit desjà appelle et fait venir certain nombre d'Espagnols, desquels elle estoit contente veoir manger et outrager ses pauvres subjects , à celle fin de se rendre tant plus forte et asseurée d'eux, s'ils se vouloient rebeller et contredire à ce qu'elle pretendoit , de soubsmettre tout ce duché soubs la protection de son oncle. De quoy fera foy et donnera tesmoignage le refuz que long-temps elle a fait de faire la foy et hommage au Roy à cause du duché de Rarrois. Outre cela, l'Empereur se vouloit emparer de ces trois villes neutres, Metz, Verdun et Thoul , et en faire comme de Cambray, afin de réduire toute celle région obéissante et soubmise à luy, pour plus facilement avoir accès et dresser commodément ses entreprises sur les terres du Roy. Je pourrois déclarer et déduire plusieurs autres menées et sollicitations pratiquées par l'Empereur à son plus grand advantage pour entreprendre sur nous, que je suis content de taire; et me suffit d'en avoir escrit les principaux poincts de la plus fresclie mémoire, que chacun [comme l'on dit eu commun langage ] presque voit encore à l'œil , et ne peut ignorer, tant pour n'obscurcir mon histoire de choses ennuieuses ne concernantes mon intention , que pour osier l'occasion à quelque lecteur scrupuleux de dire qu'estant François j'ay voulu colorer nostre querelle , rejettant le tort sur l'Empereur; ce que je n'entend et ne pourrois faire, pour cstre la vérité de tout ce différent universellement publiéeet descouverte. Enquoy toutefois je ne me veux tant oublier que de vouloir en mes escrits aucunement injurier ou altérer la vertu et grandeur de l'Empereur , sçachant bien que c'est un des plus vaillants princes qui soit au monde . qui a mis heureusement à fin des faits autant grands que feirent en leurs règnes Les Casars , et croy qu'il eust passé plus outre s'il ne se fust arresté à détenir le propre des autres princes ses parents

(t) D'Augsbourp.

et voisins, ains qu'il eust retourné ses forces conjoinctes avec les leurs, au recouvrement de ce très -grand et très-opulent empire de Levant.

Or , pour continuer la narration de mon histoire, et reprendre ce qu'estoit fait à Tadvenement de ceste guerre , le Roy avoit veu que , nonobstant tout le devoir qu'il avoit mis à conserver les traictez d'amitié , son ennemy commettoit tous actes d'hostilité : après avoir longuement attendu que les navires et biens de ses pauvres subjects, détenus injustement aux Pays- Ras, leur fussent rendus, ce que n'avoit peu obtenir ; et recevant continuels advertissemens , que sondit ennemy mettoit sus grands préparatifs pour l'envahir et surprendre, ne peut de moins faire que lascher la main aux armes, tant en Levant qu'en Ponant , avec tant heureuse fortune, que d'entrée dom Fernaud fut contraint honteusement quitter le siège de Parme et de La Mirandolle , pour retourner secourir le duché de Millan; et eu ce mesme temps ayant eu André d'Orie (2) , avec l'armée de mer de l'Empereur , deux fois la chasse en la mer de Levant. En celle de deçà en la coste de ÏNormandie, par le capitaine Paulin , furent prins et arrestez aucuns vaisseaux et marchands de Flandres , lesquels , soubs couleur de trafiquer , transportoient en leurs contrées vivres et munitions pour après s'en ayder contre nous.

L'empereur adverty de toutes ces exécutions, fort irrité et despité, feit saisir et mettre en ses mains toutes seigneuries , terres et chevances que possedoieut en ses pays gentilshommes et autres François , leur faisant faire commandement , à peine de la vie et confiscation de bien , d'en sortir et vuider dedans certain brief temps prefix ; et renvoya le seigneur de Marillac , qui lors residoit ambassadeur près de luy, avec plusieurs propos de menasses addressez au Roy , de le rendre le plus pauvre prince de son sang; et pour ce faire commença deslors à rappeller et racointer tous ceux qu'il avoit declairé ses ennemis, et à mettre eu avant tous artifices et efforts pour endommager le Roy et ses pays, principalement se voulant addresser devers la Champagne , la sçachant adonc assez mal pourveuë de frontières et villes fortes , et la pluspart de celles qui y estoient, estre en si mauvaise situation pour estre fortifiées, qu'à peu de temps et frais les paurroit emporter. Pourtant estoit tout son dessein de retourner une autre fols par ces mesmes brisées qu'il estoit venu.

Le Roy, encore qu'il eust de longue main

(2) André Doi'ia.

COMMENTAIRES DÉ FRANÇOIS DE RABUTIN. [l55l]

pourvcu à tous les attentats et délibération de son ennemy , seachant ceste publication et ouverture de guerre , avoit adverty tous les princes , gouverneurs et capitaines de ses pays et forteresses , qu'ils se tinssent prêts et se retirassent aux lieux où leurs charges estoient commises et addressées ; et au reste avoit mis tant bon ordre d'avoir ses forces préparées promptement, où le besoin requerroit et seroit prochaine la nécessité , que , sans estre faites soudaines levées ny émotions , pouvoit en moins d'un mois jetter aux champs une bien grosse armée et puissante, avec une tant honneste et paisible façon de vivre, que ses subjects ne s'en pourroient douloir, ne s'en sentir grandement grevez, au moyen de la bonne reformation et ordonnance qu'y avoit érigée et establie messire Anne de Montmorancy, pair et connestable de France.

Ainsi M. de Nevers se retira en son gouverment de Champagne, avec sa compagnie de cent hommes d'armes, où jà estoit M. de Bordillon, lieutenant de roy en son absence ; où tost après luy furent envoyées les compagnies de gendarmerie cy-après déclarées , pour les départir et mettre es villes fortes et endroits qu'il verroit estre foibles , comme il feit. Celle du seigneur de Chastillon à Mesieres ; celle du comte de Nantueil au Chesne Populeux ; celle du seigneur de La Roche du Maine à Mouson, dont il est gouverneur ; celle du duc de Montpensier audit Mesieres , à Ouart et es environs; celle du seigneur d'Aubigny à Beaumont en Argonne et Sathenay (l) ; celle de M. le mareschal de la Marche estoit jà à Sedan et Donchery; la sienne demoura à Attigny , Chastel en Porsean (2) et Rhetel , pour estre tant plustost preste et prochaine de sa personne^,

Aussitost que les ennemis eurent nouvelle que ce prince visitoit ceste frontière , pour adviser à munir les plus foibles lieux et loger commodément toutes les compagnies et garnisons que le Roy y vouloit envoyer , afin de faire teste à tout ce qu'ils voudroient entreprendre , proposèrent et se meirent à l'essay de luy donner aucun destourbier et empeschement : estans advertis qu'il estoit au Chesne Populeux, gros bourg distant de Mouson environ cinq lieues , en petite compagnie, donnant ordre à tous affaires qui pouvoient survenir , le comte Mansfel , gouverneur lors du duché de Luxembourg , avec les gouverneurs d'Yvoy et Banville (3) , assemblèrent un nombre d'hommes des prevostez qui es-

(1) Scilhenay: Stenay.

(2) Chastel en Porsean : Chàteau-Porcien. (5) Dam'illé : Daravilliers.

toient soubs eux , ensemble quelque Clevois et Gueldrois qu'on y avoit logé et retenu en garnison pour ce duché , et certain nombre de cavallerie; et avec tout cela, proposèrent de luy venir faire une cargue en ce lieu. Dequoy toutefois ce prince ne demoura long temps à estre adverty , et pour ce fut tant bien pourveu pour les recevoir par la conduite de M. de Bourdillon , qui ayant assis bon guet et fort sur le passage d'un raarets et le Pont-Bar , et sur toutes les advenues, à veoir l'ordonnance qu'il y avoit mis, estoit fort aisé à juger que s'ils fussent venus comme nous menassoient , encore que fussions en plus petit nombre qu'eux, malaisément se fussent retirez à leur honneur ; mais ne comparurent point, et fut dit qu'il n'avoient peu passer les rivières adonc fort grosses, et hors rive , pour les importunes pluyes tombées par l'espace d'un mois ou six sepmaines au paravant. Aucuns murmuroient que c'estoit faux rapports , et controuvé advertissement. Tant y a qu'il fut cause de faire avancer huict compagnies des vieilles enseignes , que le Roy envoyoit celle part pour la seurté de la frontière. Parquoy ce prince le lendemain au matin partit de ce lieu pour retourner à Attigny, attendant de veoir faire les monstres desdites compaignies, pour en après les départir où verroit estre besoing, et les trouva desja arrivées. Pourtant le jour ensuy vaut les voulut veoir en bataille en une prairie le long de la rivière d'Aisne , où devant luy se meirent en ordonnance de combattre, et feirent le limaçon à réitérées fois ; et puis asseurer de ce que j'en vey , non de ma seule opinion , que n'est possible de veoir soldats en meilleur équipage, ny portans meilleur visage de gens de guerre. Leurs monstres faites , ayans touché leurs soldes , le prince les feit départir ainsi : Les capitaines Villefranche et Boisseron à Mesieres, le capitaine Lignieres à Mouson , le capitaine Saincte Marie à Sathenay , les capitaines Gourdes et La Lande à Maubert-Fontaine et Montcornet, le capitaine Favaz à Saincte-Menehou , le capitaine Glanay à Donchery. Assises ainsi ces garnisons , sembloit que desja le populaire de la frontière se fust renforcé et redoublé de courage; et n'y avoit, depuis les grands jusques aux petits qui ne se préparassent de prendre les armes, pour non seulement se défendre des ennemis , mais pour davantage les aller chercher. A ceste cause journellement couroient les uns sur les autres , demonstrans un présage d'une cruelle et longue guerre.

Apres avoir mis bon ordre à tous ces precedens affaires , ce prince prudent et bien conseillé voulut visiter les villes de ceste frontière, et

COMMKNTAUIES DE FRANÇOIS DE B4BUTIN. [I55l|

veoii* comme elles estoient munies , et avec quelle diligence les remparts et défenses s'avancoient, où journellement et sans cesse on besoignoit. Et , partant d'Attigny , retourna au coucher au Chesne Populeux , où luy furent apportées les nouvelles par le seigneur Jacques Marie, honneste et sage gentilhomme italien, mareschal des logis de la compagnie de M. de Chastillon, comme par ladite compagnie, à la conduite du seigneur de Luzarche , vaillant et bien expérimenté chevalier qui en est lieutenant, avoient esté desfaits quatre cens Bourguignons (1), desquels estoient capitaines un nommé Bel-homme , et un autre parent ou allié du sieur de Lûmes, qui y demeura prisonnier. Geste desfaite fut exécutée près de Montcornet es Ardennes , et y restèrent tuez à la furie de sept à huit vingts hommes , le reste mis et chassé à vau de route, et trente ou quarante amenez prisonniers; des nostres, peu ou point en demeura de tuez : vray est qu'aucuns gentils-hommes y furent blessez , entre autres le sieur de Montifauit , qui y receut un coup de picque en la cheville du pied , pour lequel coup depuis par nécessité on luy a couppé la jambe, qui ne pouvoit estre sans regret et dommage, estant gentilhomme bien loué et estimé. Quelques chevaux de ladite compagnie y furent tuez et blessez.

Geste petite desfaite pour un commencement estonna beaucoup les ennemis , et resjouyt fort ce prince, pour les continuels rapports qu'on luy faisoit que ceste manière de gens, pires que volleurs , exerceoient grand pillage à l'entour de Mesieres , et emmenoient le bestail des paysans , èsquels ne trouvoient grande résistance. Donc pour continuer sa délibération, ce prince le lendemain parfit du Chesne Populeux , suivy de plusieurs grands seigneurs et capitaines, tant de sa maison que compagnie , et le reste y demeura avec le sieur de Giry qui en estoit enseigne, et arriva à Mouson environ les deux heures après midy. Au devant duquel vindrent le sieur de La Roche du Maine, qui en est gouverneur, avec sa compagnie de gendarmerie en armes, et le capitaine Lignieres avec la sienne de gens de pied. Si-tost que ce prince eut à loisir visité et tournoyé à cheval les remparts et murailles, en petite suitte devalla au grand portail devers Yvoy, remontant au long du grand chemin jusques au-dessus d'une haulte montaigne entre ces deux villes, pour considérer et re-

(i) On tli'signoit sous ce nom les Iroiipos flamandes, parce que les ducs de Bonr<;o<riie avoiesit loiitrlenips dominé sur leur pays.

I) De La Mark.

cognoistre à plain la situation de ceste ville adonc ennemie; et, non content de la venir de si loing, envoya quérir les compagnies, tant de cheval que de pied, n'ayans encor posé les armes, pour luy servir d'escorte. Parquoy estans arrivées , furent desparties en trois escadrons ; l'un desquels, celuy qui estoit le plus esloigné de corselets, estoit plainement descouvert, et les deux autres les plus approchez estoient embusquez dedans des fossez et levées de terre au long de la prairie. La gendarmerie estoit à couvert en un petit bosquet à main droite. Gcpendant furent envoyez quelques harquebusiers pour attaquer l'escarmouche et attirer la garnison au combat, lesquels approchèrent jusques sur la douve du fossé, et tirèrent à veuë d'œil jusques sur le pont leviz, sans que personne de leans monstrast le nez : seulement fut par eux entendu un grand tumulte et murmure là-dedans, estans peult estre en doute de veoir leurs ennemis aux portes , et leur ville estre desgarnie, estant allée leur garnison courir, presumans ceste entreprinse avoir plus grand effet que n'advint par la breveté du temps et la nuict qui approchoit : toutefois ceste compagnie donna telle frayeur à une trouppe de trois ou quatre mille Allemans, Glevois et Gueidrois, qu'elle les feit à l'instant tous serrer ensemble, et se mettre en bataille dedans un lieu fort, en un village au-dessus d'Yvoy où ils estoient logez ; d'où ne départirent avant nous sentir et cognoistre retirez.

Ge prince ainsi satisfait, tant du devoir de ses soldats que pour avoir à l'aise veu ce qu'il avoit en affection, ayant prins sa revanche de leurs folles menasses, feit tout retirer à Mouson. Le jour ensuyvant, environ les huict heures du matin, il en partit en compagnie de beaucoup de grands seigneurs et gentils-hommes, entre autres des sieurs de Borpillon, Bussy d'Amboise et de La Roche du Maine, avec ses gens-darmes et quelques harquebusiers pour l'escorte de ses mulets et du bagage. Estant à une bonne lieue près de Sedan, au lieu où se devoit trouver la compagnie de M. le mareschal (2) pour tenir escorte à ce prince, alors, ainsi que M. de La Roche du Maine estoit sur le poinct de s'en retourner avec la sienne, les pages de l'escurie, qui estoient montez sur les grands chevaux, et quelques autres qui alloient devant avec eux, tournèrent soudain visage devers nous; ausquels le prince mesme demanda pourquoy ils retour- Doient, et luy fut respondu par l'un d'eux que les Bourguignons combattoient et estoient à l'escarmouche avec la compagnie de M. de Sedan près de la. Adonc de grand et asseuré courage commanda au sieur de La Roche du Maine de

COMMENTAIRES DE FRANÇOIS DE RABîJTIN. [1551]

ne l'abandonner, et feit prendre à chacun l'accoustrement de teste, en délibération d'y arriver assez à temps pour leur faire paroistre combien sa vertu et présence renforceroit le petit nombre des nostres auprès du leur, et sur ce poinct nous meismes au gallop gaillard. Je croy qu'ils nous descouvrirent; car, encor qu'ils fussent au double de nous, apperceusmes de dessus une petite motte comme ils se retiroient à la haste, pour gagner un bois qui leur estoit prochain, leurcavallerie couvrant leur gens de pied : qui fut cause de nous remettre au pas pour suyvre nostre chemin proposé. Passant au dessus de Sedan, aucuns gentilshommes de la compagnie de M. le mareschal s'avancèrent, et racontèrent à M. de Nevers comme le tout estoit passé en ceste escarmouche, et comme les ennemis avoient usé de grande ruse pour les attirer au loing dedans la grosse trouppe embusquée derrière la montaigne, et le moyen par lequel les François la descouvrirent. En ces propos et autres arrivasmes à Douchery, où ce prince disna avec peu de temps, afin d'arriver à meilleure heure à Mesieres, où il devoit coucher ce soir là. Or, falloit il passer à la portée d'une longue coulevrine, près le chasteau de Lûmes, la rivière de Meuse entre deux, qui nous faisoit penser que n'approcherions si près sans quelque allarme, ou pour le moins estre saluez de coups de canon : ce que n'advint ainsi ; mais pource que c'estoit sur le tard et et le vespre prochain, il y eut cinq ou six rustres qui sortirent de ce chasteau, se trainans sur le ventre le long de la prairie , marehans à quatre pieds, et feirent tant qu'approchèrent le bord du costé où ce prince et la plus grosse trouppe de sa suyte dévoient passer, que luy-mesme le premier apperceut, et commanda à ceux qui lui estoient les plus prochains d'aller recognoistre si c'estoient hommes ou bestes. Aussitost qu'ils se veirent descouverts, sans avoir eu le loisir d'approcher de plus près , par advis de pais, deschargerent harquebusades, qui ne fut que vent. J'ay opinion qu'ils s'estoient là mis, pensans faire meurtre de quelque grand seigneur, ou quelque destrousse sur le bagage ; on feit advancer de noz harquebusiers, qui tantost les deslogerent de là; peu après arrivasmes à Mesieres.

Le lendemain, jour de dimanche, pour essayer à faire sortir les soldats qui estoient dedans le chasteau de Lûmes, et sçavoir si d'aussi grande asseurance ils combattroient main à main comme ils en faisoient le semblant, commanda le prince que la compagnie de M. de Chastillon, laquelle estoit adonc logée à Mesieres , se preparast de l'accompagner avec celle du capitaine Villefran-

che, de gens de pied, et y estoit un aussi grand nombre de soldats, tant de celle ville que de toute la frontière, qui y estoyent accourus pour veoir l'issue de cette escarmouche. Noz gens de pied furent partiz en deux trouppes : les corselets furent mis en un fond, au long du grand chemin qui tire droit à la porte du chasteau ; le surplus en un autre vallon près de la cassine qui eu est prochaine à la portée du canon , où estoit monseigneur avec le sieur de Bordillon , et cent ou six vingts chevaux. La compagnie de M. de Chastillon estoit près d'un village au dessus, à couvert derrière des buissons et bayes. Noz harquebuziers, de grande allégresse et dextérité, allèrent harquebuser et chercher l'ennemy au plus près de leurs barrières et tranchées ; et ne fault douter que la présence de ce prince ne leur creust le cueur et volonté de faire quelque chose bonne et honnorable ; tellement que les soldats de Lûmes, qui s'estoient tousjours tenuz forts dedans les tranchées , rehaulsées de pailiz qui environnent et ferment un cloz de vignes près de ce chasteau, enfin en furent mis hors et déboutez par noz seuls harquebusiers , qui , eu preuve de ce grand devoir, en apportèrent au prince et à M. de Bordillon des pailiz qu'ils avoient arrachez à leur barbe , sans y avoir perte d'un seul François : bien y furent deux ou trois soldats blessez, et le jeune comte d'Aspremont , par trop se bazarder, eut une harquebuzade dedans l'espaule droite. Derechef ou retourna les semondre; mais on les trouva tant refroidiz , avec ce que le vespre nous invitoit à nous retirer, que le prince feit remettre toutes les compagnies en ordonnance, pour reprendre le chemin de Mesieres : ce ne fut toutesfois sans estre convoyez de ceux de Lûmes à coups de canon, tant que leurs boulets se pouvoient estendre. Je ne veux oublier à dire le commandement qui fut fait par ce prince au seigneur de Rare, gouverneur adonc de Mesieres, de faire assembler tant de chariots et charettes que pourroit recouvrer, pour amener et rendre en sa ville tant de bleds, foings et fourrages, qu'on trouv croit es terres du seigneur de Lûmes, afin d'oster le moyen à l'ennemy de s'en pouvoir ayder; aussi que le tout luy estoit confisqué pour la rébellion du vassal contre son souverain. La saison estoit adonc fort basse et mal-propre pour démener la guerre, s'estans les ennemis retirez, et que les monstres de la gendarmerie se dévoient faire en bref pour le quartier de janvier. Cecy fait, le prince se retira à Chaalons en Champaigne, devers madame la duchesse qui se trouvoitmal.

Le repos ne luy fut pas grand , car ayant eu advertissement que les Bourguignons avoient

COMMENTAMES DE FRANÇOIS DE «ABUTIN. [l55l]

prins une église d'un petit village sur la rivière de Chesse, nommé Douzy, des terres du sieur de Sedan , que les paysans , selon leur commodité, avoient fortifiée pour eux retirer et défendre contre les courses des ennemys, et qu'ils la deliberoient renforcer davantage pour estre de celle part maistres de la rivière, ou pour garder ceux de Sedan de sortir librement, délibéra de les aller lever, et rompre ceste entreprise : ayant assemblé de quatre à cinq cens liommes d'armes, et toutes les vieilles bandes et garnisons assises celle part ; accompagné de M. de Eordillon, du comte de iNanteuil, du sieur des Pots, des sieurs de La Roche du Maine, de Bussy d'Amboise et de Losses, sans plusieurs autres grands seigneurs et capitaines ; arrivant avec ceste petite armée près de Sedan , fut trouvé que les ennemis sentans sa venue avoient bruslé le village et abandonné le fort, et d'une mesme traite fut suivy le chemin à Yvoy, au long duquel ne fut trouvée aucune chose de résistance. Vray est qu'estans à une lieue près , ceux de la ville sortirent , une grande partie à cheval , et peu de gens à pied , seulement à la seureté du canon ; mais quand ils apperceurent que noz harquebusiers les affrontoient d'asseurance, sans crainte de leurs boulets, se retirèrent froidement peu à peu dedans leur ville, et nous prinsmes le chemin pour entrer plus avant sur leurs terres; ce qui fut exploité en peu d'heures à leur grand degast. Le bruit se esleva entre les soldats que le prince avec ses compagnies proposoit aller courir tout le plat pays, à î'entour de Luxembourg, ce qu'il pouvoit facilement exécuter; toutesfois, par plus meure délibération, en fut diverti, et tournasmes visage. Au retour, par mauvaises guides, beaucoup des nostres s'esgarerent dedans les forts et bois des Ardennes, sur lesquels les Ardennoisdeschargerent leur furie, se voulans venger du degast qu'on leur avoit fait, et en desfeirent quelque nombre, non de grande estimation, pour estre la pluspart coquins, et gens de là autour, qui s'arrestoicnt au pillage et ù chose de petite valeur. Ainsi retournasmes à Sedan : de là les compagnies reprindrent le chemin pour se retirer chacune en son quartier ordonné, ce prince et ceux de sa compagnie ù Mesieres, et de là, y ayant cpielque peu séjourné, à Chaalons , puis à la Cour pour trouver le Roy, où il fut fort malade. A Mesieres demeura M. de Rourdillon, comme lieutenant de roy en l'absence de AL de Nevers, pour prouvoir (1) aux affaires survenans, esquels si sagement et prudemment mettoit une police, que non-seulement de nous, mais des ennemis

(1) Proiivo'})- : au lieu de pourvoir.

mesmes estoit estimé très -sage gentilhomme^ méritant justement les estats qu'il a. Ce que j'en dis ne me doit estre imputé à flatterie; car, ainsi qu'une petite cloche ne rend grand son, aussi sa louange ne dépend de mon affirmation, mais de ses faits et du Roy, qui , pour tesmoignage de sa fidélité, l'a constitué capitaine sur cinquante hommes d'armes de ses ordonnances, avec la faveur telle que chacun sçait qu'il a de Sa Majesté. Encore que du costé de Champagne la guerre guerroyable fust la plus ouverte et continuelle, si est-ce que de tous endroits de ce royaume les François et les ennemis se cherchoient ordinairement pour s'endommager. Du costé de Picardie estoit M. le duc de Vandosme avec messieurs d'Anguian et de Coudé ses frères, et d'autres grands seigneurs et capitaines, au nombre d'environ quatre cens hommes d'armes et neuf ou dix mille hommes de pied, tant des garnisons que des compagnies mises sus nouvellement, entreprenans grandes fatigues et exécutions sur les Flamens et Hennuyers, les endommageans fort, et ayant fait grandes courses dedans le fond et au milieu de leurs contrées, jusques à estre intromis dedans Arras, si les intelligences que ce prince y avoit n'eussent esté malheureusement descouvertes. En Champaigne, combien que le prince fust absent et près du Roy, le plus souvent M. de Bourdillon, avec telle cavalerie qu'il luy plaisoit eslire, alloit courir bien douze ou quinze lieues dedans le duché de Luxembourg et les Ardennes, mesmement pour aller rompre un fort qu'on luy avoit rapporté les ennemis avoir basti près de Sainct Hubert. Autant en faisoient les sieurs de La Roche du Maine et comte de Nanteuil, noz capitaines et soldats quoy qu'il advint, le plus souvent ne trouvoieut rencontre dont ne vinssent au dessus, et si quelque cas leur advenoit moins à leur proufit, c'estoit par trop grand malheur et mauvais ordre.

Peu à leur advantage sur nous en dressoient les ennemis, encore seulement où ils sçavoient n'y trouver grande défense, pour y estre entre eux peu de gens aguerriz et exercitez en ccst art, estant la pluspart laboureurs et paysans tirez freschement de la charrue, amassez par les prevostez à leur mode, ausquels n'y a sçavoir n'experience. Et où ils se trouvent les plus forts, et que noz soldats sont par eux rompuz, et par leur foule renversez, mieux leur adviendroit de tomber entre les griffes des bestes brutes, que se fier en leur miséricorde et pitié, comme ils feirent cognoistre, et que je veux descrire, le jour de Saincte Luce, en une course près de Maubert- Fontaine, en laquelle furent tuez un gentil capi-

COMMENTAIRES DE FBANCOTS DE RABUTIN, |l55lj

laine d'une des vieilles enseignes ^ nommé Gourdes, et vingt-cinq de ses soldats, tous hommes vaillans. Les Bouiguignons auparavant ayans esté le plus souvent battus et repoulsez celle part, délibérèrent s'y trouver si forts, et avec telle astuce, qu'ils se vengeroient une fois pour toutes .

Ainsi s'embusquèrent dedans un bois prochain dudit Maubert, et sortoient dehors peu à peu, faisans monstre de petit nombre, estans là dedans à couvert leur plus grosse force : ce que tantost fut rapporté à ce jeune et trop hazardeux capitaine , qui estoit avec sou enseigne en garnison en ceste petite ville : lequel de prompte chaleur et bonne volonté , comme on le peult estimer , sans attendre d'estre mieux accompagné ne suivy, desbanda avec vingt-cinq ou trente de ses soldats mieux cognuz et fidèles, et d'une tire, la teste baissée , alla donner dedans. Eux, faignans fuyr , se retiroienttousjours près de leur secours pour les attirer ; ce qu'ils conduirent de tel aguet, et en sorte qu'ils le rendirent et ses hommes enveloppez de toutes parts , d'où ne pouvoient eschaper en nulle façon , sans estre tuez ou soubrais à leur discrétion et miséricorde : de laquelle peu usèrent envers eux; car le capitaine, ayant deux coups de picque en la gorge, et plusieurs autres playes sur son corps, y laissa la vie, et la pluspart de ses meilleurs soldats, qui l'avoient suivy, hachez en pièces à ses pieds. Et fault confesser le vray, et ce que depuis a esté dit et rapporté : s'il eust voulu croire un autre capitaine nommé La Lande , en fust autrement advenu , et mieux à nostre proufit et honneur ; lequel estoit d'advis qu'on attendist M. de Bordillon, la gendarmerie et soldats de Mesieres, qui jà estoieut advertis et venoient en extrême diligence pour les secourir ; de la venue desquels sitost que les ennemis eurent nouvelles, au grand trot gaignerent les forts du bois. M. de Bordillou estant arrivé, après avoir entendu le combat de ce capitaine, avec la gendarmerie piquant au grand gallop , pour prévenir et empescher que les ennemis ne se rassemblassent et fortifiassent dedans leurs forts, poulse et entre avant dedans le bois, mais avec si grande infortune, par un chemin si estroit et où la foule s'y trouva si grande , qu'il estoit impossible d'y manier les chevaux. Nonobstant, passant plus oultre, les rencontra à l'entrée d'un petit essart (l)r, lesquels , sans faire teste , se jetterent dedans le bois et s'escarterent des deux flancs du chemin ; dont à coups de pique tuèrent grande quantité de chevaux et peu d'hommes , pour- avoir peu

(1) Lieu défriché.

vn.

d'harquebusiers. Là fut assez veu de quelle hardiesse combattoit M. de Bordillon , et quels grands efforts il faisoit pour encourager ceux qui le suy voient, tant qu'un gentil roussin, que le sieur de Bussy d'Amboise luy avoit donné, fut tué soubs luy. Certainement là plusieurs gentilshommes et vaillans soldats feirent preuve de leur valeur, entre lesquels se trouvèrent le sieur deVigiez, soubs-lieutenant de M. le duc deMontpensier, l'enseigne et le guidon, tous lesquels y perdirent leurs chevaux. La cause de la perte de tant de chevaux estoit que nos soldats, qui venoient de Mesieres, nepeurent, pour quelque diligence qu'eussent sceu faire, arriver à heure pour entrer les premiers dedans les forts du bois, afin de donner ouverture aux gens de cheval ; car, avec quatre grandes lieues qu'il y a de Mesieres jusques-là, les soldats, armez et chargez d'équipage, avoient tant couru pour y arriver à poinct , qu'au plus fort ils estoient hors d'halene et trouvèrent que les gendarmes retournoient desjà. La canaille du pays , nostre raesme, qui au commencement y estoit accourue bien eschauffée à la veoir, faisant plus de monstre que d'effects , nonobstant toutes remonstrances ne voulut onc combattre, et entendoit plus à despouiller les morts qu'à nous sousteuir. Pour retourner à mon premier propos, parlant de la cruauté des Bourguignons et de la mauvaise guerre qu'ils font aux François , aucuns à ceste rencontre tombez prisonniers en leurs mains l'expérimentèrent, lesquels à sens froid misérablement ils tuèrent, et cruellement feirent mourir. Ce que je croy que promptement le capitaine Gourdes cognut, qui ayma mieux être occis en combattant que, se rendant vaincu estre après dissipé villainement. Entre ceux des nostres qu'on trouva perdus, et estimez estre d'eux tuez, y eut un jeune gentilhomme, arcliier de la compagnie de M. de rs'evers, nommé Montigny ; un autre aussi, appelle Pommier, Gascon, qui fut trouvé blessé et decouppé sur toutes les parties de son corps, dont peu de temps après mourut ; un autre aussi, nommé La Serve, jeune gentilhomme de bon cœur, qui fut abbatiu et blessé peu eu la teste ; mais il contrefeit si bieu le mort, qu'ils ne le chargèrent davantage ; puis quand il se veit d'eux pour mort abandonné et mis en chemise, se releva, et tant que les jambes le peurent porter, alla retrouver les François où les peut recognoistre, qui ne fut sans rire. Pour conclure, chacun s'acquitta vaillamment de sou devoir ; eteust-on encore mieux fait à moindre perte si l'entreprinse, dès le commencement eut esté conduite par conseil preveu, et qu'on les eust chargez en lieu aisé et commode à gens de

cheval. Toutefois , les ennemis furent si rudement poursupiz et serrez, qu'ils furent contraints abandonner le bois, et au grand trot se

retirer. Longuement fut débattu si on les devoit

suivre. Enfin on advisa que les gens de cheval

et de pied estoient lassez et harassez , le temps

importun, et qu'y avoit autre bois que pourroient

regaigner avant qu'on les peustattaindre ; pour

ce fut résolu de retourner au logis. Et le corps

de ce gentil capitaine Gourdes fut rapporté à

INIesieres , et honoralilement eusepulturé , avec

grand deuil et plainct de tous les capitaines, et

non moindre regret de tous les soldats.

C'est ce que puis sçavoir de la course du jour

Saincte-Luce , faite près Maubert-Fontaine; et

ne passeray outre qu'en cest endroit n'escrive la

brave entreprise que paracheva le capitaine Ville- Franche avec sa compagnie, peu de jours après. J'estime que chacun sçait assez que le chasteau de Lûmes n'est qu'à une demie lieuë loiiig de Mesieres. Or, est-il que le plus souvent ses soldats alloient veoir ce chasteau, qui tenoit le party impérial , pour inviter ceux de leans à donner le coup de picque ou d'harquebusade : tant qu'une nuict, assez près de la sentinelle, allèrent planler des fantosmes de paille, armez et habillez , ayans la façon et faisans mine d'harquebusiers, avec les mesches et cordes allumées ; et d'autre costé feirent chaudement donner alarme. Ceux de dedans, descouvrans ces marmousets, les jugeans estre hommes en camisades , feirent tirer sur eux force coups d'artillerie : cependant les soldats entrèrent dedans un jardin, où ils coupperent une grosse voicture de choux , et avec des limes ayans destaché des sentines et gondelles (i) qui estoient dedans les fossez, enchaisnées au pied de la muraille, les meirent dedans pour les avaller à Mesieres. D'autres , avec des solives et grosses pièces de bois, rompirent et enfoncèrent la muraille d'une bercerie en la basse court, et emmenèrent un bon troupeau de moutons et bestes blanches à Mesieres. Puis, voyans que c'estoit petit fait s'ils ne se moutroient vivement , dressèrent avec la scopeterie une brave et furieuse escarmouche. Parquoy une enseigne blanche avec les croix rouges se voulut advaucer de sortir la première, qui fut tantost rembarrée là-dedans , et remise jusques dans les portes. Ainsi nos soldats, ayans exécuté acte de bonne grâce et digne de mémoire, retournèrent joyeux au logis, bien prouveus de chairs et herbages pour vivre et passer un long temps en la garnison. Que m'a semblé ne devoir être mis en silence , tant pour la lecture , don-

(«) Bateaux plats.

nant plaisir et augmentation de bon vouloir aux lecteurs, que pour conserver l'estimation deuë à ceux qui sont inventeurs de bonnes choses , tels que , suy vaut mon premier propos , sont les hommes excrcitez en l'art militaire , ayans tousjours plus en recommandation l'honneur et la gloire que la vie , ou qu'avec une cruauté et certaine avarice leur profit particulier ; principalement aymans mieux perdre et l'un et l'autre , que la vertu et réputation d'humanité.

Or, pour de trop loing ne m'esloigner, et suyvre tousjours mon intention , les Bourguignons , après ce massacre, s'assembloient journellement , et de plus en plus leur nombre croissoit , jusques à cinq et six mille hommes de pied et mille ou douze cens chevaux. Estans advertis qu'un jeune capitaine , nommé Sainct-Amand , duquel je n'ay autre cognoissance , assembloit gens pour le Roy, au long de la lisière de Lorraine , le vindrent surprendre et desfeirent , et luy et ce qu'il avoit amassé , non loing d'une abbaye nommée Gorzes ; ce que leur estoit aisé [à ce que ay ouy dire] , pource que c'estoit toute canaille , et autre chose n'en sçay . En ce mesme voyage, la veille de Noël, allèrent assiéger le chasteau d'Aspremont, es marches de Lorraine, qui est à présent à M. de INevers , par une donation que luy en a fait ce jeune comte qui fut blessé devant Lûmes , auquel ils entrèrent aisément et sans grande résistance, pour n'estre ce chasteau fort ne remparé , et qu'adonc n'y avoit dedans que neuf ou dix hommes villageois et paysans , à raison que ce prince ne l'avoit fait autrement fortifier ne munir , estimant que seroit compris en la neutralité de Lorraine. En ce peut-on veoir évidemment la petite défense que trouvèrent dedans , quand aussi-tost on sceut la prise que le siège, combien que , le plus soudain que fut possible , M. de Bordillon avec gendarmerie et gensde pied y allast pour le secourir, qui toutefois plustost qu'estre à moytié du chemin eut nouvelles que les Bourguignons estoient jà dedans. On dit que de la surprise de ce chasteau le Roy sceut fort mauvais gré à la duchesse de Lorraine; et murmuroit-on que certainement elle y avoit donné tout port et faveur.

J'estois à Chaalons quand les nouvelles furent apportées à monseigneur que les ennemis , ayans mis le feu en la basse court de ce chasteau, ravy ce qu'avoient trouvé de bon là dedans, et fait pendre un de leurs espions à la porte , s'estoient retirez dedans Lorraine, tenant le chemin de l'abbaye de Gorzes. J'estois aussi en la chambre de M. de Bordillon quand luy fut rapporté comme de rechef avoient mis le feu en ceste abbaye , et se retiroient prenans le train vers Au-

COMMENTAIRES DE FRANÇOIS DE RABUTIN. [l55ij

benton , petite ville non forte en la contrée de Thirasse ( i ) , dedans laquelle estoit le sieur d'Aubigny avec sa compagnie de quarante hommes d'armes , et le capitaine La Lande avec son enseigne de gens de pied. Toutefois changèrent d'opinion; aussi le temps leur estoit divers, qui rendoit le pays presque inaccessible , contraire à leur délibération , et se tenoient pour bien asseurez que nous estions advertis, et n'eussent gueres temporisé sans nous tenir à leur queue.

Un peu auparavant , après les grandes pluies et inundations d'eau , estoit tombé un grand pan de la muraille de la ville Saincte-Menehou : à ceste cause, pour renforcer la garnison qui estoit dedans, y furent envoyez les dix hommes d'armes et leur suyte d'archers , que M. de Nevers avoit eu de creuë par le decez de M. de Longueville , jeune prince prévenu de mort avant qu'il eust fait preuve de tant de vertus dont sa jeu-

(1) Thiérarche,

nesse donnoit grand présage ; estant dedans le sieur d'Esclavolles , gentil chevalier , sage et hardy , auparavant lieutenant de feu M. le duc de Guyse. On doutoit quelque surprise , pource que les ennemis en gros nombre estoient prochains , sans sçavoir certainement leurs délibérations. Enfin ne s'ingererent d'attenter aucune chose de ce dont on se doutoit ; mais dèslors commencèrent à se rompre , tant pour sçavoir que journellement nous nous renforcions', que pour estre mal conduicts, et ne trouver lieux desgarniz , faciles à estre surpris promptement. Ainsi dès ce temps, sur la fin du mois de janvier, ne furent exécutées au long des frontières choses meritans d'estre mises par escrit, sinon quelques petites courses de chacun costé , en l'une desquelles fut tué le capitaine Lignieres , et la pluspart de sa compagnie desfaite, entre Hediu et Montereuil, desquelles je ne feray long discours, pour cy-apres narrer meilleures choses.

tP^