LIVRE QUATRIESME

De ce qui s'est fait en Lorraine devant la puissante cité de Metz et pays de Picardie , tant par l'armée de l'Empereur que celle du Roy, en l'an 1552.

[1552.] Le Roy, comme j'ay discouru , fut contraint de rompre son camp dès la fin du mois de juillet , tant pour les grandes maladies qui y survenoient, causées des non accoustumées chaleurs précédentes , que pour l'abondance des pluyes, qui commencoient desjà à tomber en ces pays occidentaux et froids ; et voyant son armée journellement se desfaire, pour la rafreschir et soulager , la feit mettre et départir es garnisons, avec estroites défenses, tant à la gendarmerie que fanterie , de n'en départir et s'absenter, se doutant que l'Empereur, prince de grand cueur, ne laisseroit passer le surplus de ceste année sans , en quelque sorte que ce fust , tenter tous moyens pour avoir sa revanche. Mais, nonobstant ceste ordonnance , la pluspart des soldats ne tindrent aucune garnison, et n'y eut ordre que, pour reveoir leurs femmes et enfans, aucuns a toute haste ne gaignassent leurs domicilies ; les autres pour se remonter et remettre en équipage , ceux principalement qui avoient fait pertes en ce voyage ; et ceux qui avoient amassé butins, pour les rendre et conduire en leurs maisons. Aucuns aussi estans malades s'efforçoient d'atteindre ou leurs propres habitations ou de leurs amis , ou bonnes villes, pour se rafreschir et recouvrer santé. Parquoy , entre tous ne demeura que les estrangers et les plus loingtains; qui fut en partie cause que tant promptement que le besoing requeroit le Roy ne peust rassembler son armée, et en partie l'opinion que chacun tenoit que l'Empereur estoit mort, ou de pouvoir fort dénué , veu qu'il n'avolt fait aucune résistance ny à ce duc Maurice, ny à nous, qui avions à la rigueur ainsi traité ses pays et subjects. Toutefois depuis chacun se trouva fort estonné quand par toute la Fiance fut publié et mandé expressément à tous soldats de retourner à la guerre , et sur le commencement de l'hyver , ayant le Roy reçeu advertissement qu'es Allemaignes estoient faites diverses levées de gens de guerre , et la pluspart à l'adveu de l'Empereur, sans qu'on sceust

à la vérité où on les voulolt employer, sinon par quelques rapports et présomptions , qui menassoient Metz devoir estre assaillie.

Pour à quoy obvier, et afin de prouvoir en diligence à la fortification de ceste grande ville , le Roy envoya dès le commencement du mois d'aoust M. de Guise , tant pour l'esgard de l'amitié et révérence que ceux de ce pays portent à ce prince et a tous ceux de sa maison, que pour se confier en sa prudence et bonne conduite ; lequel , nonobstant la breveté du temps et l'incredible labeur , usant de toute la commodité que la saison luy permettoit , non-seulement la fortifia et prouvent de toutes choses nécessaires , mais l'ayant gardée et défendue contre toutes les forces que le plus grand prince de l'Europe pouvoit assembler, en a acquis une immortelle et glorieuse renommée par tout le monde. Si-tost que ce prince y fut arrivé, à fin d'estre mieux adverti où l'Empereur proposoit conduire toute ceste grande armée qui se dressoit aux Allemaignes, à raison d'un bruit qu'on disoit le roy des Romaiûs la vouloir mener en la Transsylvanie contre le Turc , envoya en divers lieux explorateurs afin d'en apprendre aucunes nouvelles certaines ; lesquels , estans de retour , rapportèrent que pour vray ces préparatifs estoient mis sus pour le recouvrement de Metz ; car l'Empereur, cognoissant la première fureur des François estre violente et d'abordée intolérable, nous avoit laissé jetter uostre premier feu , espérant après recouvrer la commodité de se pouvoir venger : et pourtant appaisa [ nonobstant tous interests ] premièrement ces tumultes des AUemans , et se reconcilia avec le duc Maurice eu eslargissant le landgrave de Hessen , son beau-pere, et le duc Jean de Saxen, son cousin-germain, cognoissant ce duc Maurice estre homme subtil, et celuy qui luy pouvoit nuire ou ayder en ses entreprises. Quant aux autres princes et seigneurs [desquels, à mon opinion, volontiers se fust vengé s'il ne s'en fust voulu servir en ce mesme affaire ] , il

COMMF.NTAIEES DE FRANÇOIS DE RABIITIN

'es attira et endormit si doucement au son de ses amiables parolles et promesses, que ils ont esté les premiers à lui donner entrée et accez es principales villes de toute la Germanie . comme à Auspourg, rsuremberg, Ulme, Francfort, Spire, Strasbourg et autres , esquelles si bien besongna avec ses persuasions, qu'il on tira argent, armes, hommes et toutes provisions de guerre, leur faisant grandes protestations, et les assurant devoir estre employées au recouvrement de ces trois citez franches , Metz , Verdun et Thoul , desquelles il se promettoit mettre hors facilement les François, et de tout le duché de Lorraine chasser entièrement, mesprisant etbiasmant le voyage que le Roy avoit fait en leur pays, le desguisant avoir esté entrepris plus à leur désadvantage , diminution de leur grandeur et biens , que pour la publique liberté. En quoy je ne puis que je ne m'esmerveille de la trop facile crédulité de ceste gent , veu que lorsqu'il usoit de tels langages pour les distraire de l'alliance et amitié du Roy, à peine pouvoient estre reparées les grandes bresches qu'il avoit fait en leurs villes , à peine pouvoient estre leurs despouilles départies entre ses soldats, lesquels à peine pouvoient estre hors de leurs maisons dont avoient esté dechassez , et eux remis en liberté par le duc Maurice à la faveur du Roy , et desquels encore ne pouvoient estre mis en oubly les estranges ravissemens et rançonnemens. Je ne sçay aussi s'ils avoient point aucune eogooissance de son intention , qui estoit de s'emparer desdites trois villes franches , et les adjouster à son propre, comme il a fait Cambray , les fortiOer et munir d'Espagnols , comme aussi il proposoit autant en faire de tout le duché de Lorraine, à fin de clore le passage aux François , et leur oster le moyen de pouvoir secourir les Germains et délivrer de sa servitude , voulant serablablement , par cest accez , eslargir ces limites sur les pays du Roy. Donc les persuasions de l'Empereur eurent telle vertu et efficace à l'endroit des Estats du Sainct Empire et les villes franches, qu'il luy fut ottroyé et fourni un gros nombre de gens de guerre payez pour un certain temps. Oultre, feit venir de ses vieilles enseignes de fantcrie, tant dl-^spagnols que d'Italiens, un autre grand nombre qui estoient es garnisons des forteresses d'Italie, Lombardie et Piedmont; avec ce, de la Franche-Comté et haute Rourgongne et de ce qu'il tient encore au duché de Luxembourg, il tira un autre grand nombre , tant de cheval que de pied; de Hongres, Polacques, Rohcmes, autre grand nombre , principalement à cheval , desquels estoit gênerai le grand seneschal de la Moravie. La revue Marie luv envoya assez bon

secours de Flamens, Hennuyers et \Valons, desquels estoit gênerai le sieur de Rrabanson. Et quant à nommer particulièrement les chefs d'une si grande armée, telle que ce prince amena devant Metz [ sinon des plus grands et principaux] il m'est très-difficile, pour n'en avoir eu aucune apparente cognoissance. On disoit que le duc d'Albe estoit son lieutenant- gênerai et colonel sur tous les Espagnols , duquel estoit lieutenant de la cavallerie espagnolle le seigneur Loys de Avilla; le marchis de Marignan estoit chef et colonel des Italiens; un comte d'Allemagne estoit lieutenant-general du marchis Joachim de Rrandebourg, sur les AUemans. Sur d'autres commandoient le comte de Nanssau ( l ) et le sieur de Bossu. Le comte d'Aiguemont (2) estoit gênerai de certain nombre de cavallerie. Pour conclusion , le commun bruit estoit en ceste grande armée estre près de deux cens cinquante enseignes de gens de pied de diverses nations, et près de vingtouvingttroismillechevauxcombattans(3).

Cependant que ceste grande armée s'assembloit aux AUemagnes , Ferdinand , roy des Romains et de Hongrie, en faisoit dresser une autre pour mener en la Transsylvanie contre le Turc, qui descendoit ceste part avec une très-grande puissance ; à raison de quoy estoient faictes diverses levées dont faut présupposer que de l'armée , laquelle le duc Maurice avoit assemblé estant d'accord avec l'Empereur , et restitué en tous Estats et biens , une partie s'en alla avec luy en ce voyage contre le Turc. Et pource qu'en ce traicté n" estoit compris , ainsi que peut estre vraysemblable , le marchis Albert de Brandebourg , ou pour certain autre mescontentement, se sépara , prenant son chemin à travers l'Allemagne , avec le duc de Zimmeren . parent du comte palatin, landgrave de Lytembourg, le comte Ludovic d'Ottingen , le comte d'Altembourg et d'autres vaillans hommes des reliques de la guerre des Allemans contre l'Empereur, qui , estans assemblez au nombre d'environ soixante ou soixante-deux enseignes de gens de pied et près de deux mille chevaux , selon leur dire, venoient au service du Roy, et portoient en leurs enseignes desployées les armoiries de France, vivans neantmoins, soubs ce prétexte, d'autre façon que le droit ny équité le permettoient; ce que continuèrent jusques à Trêves, ville imperialle, laquelle à leur venue ils pillèrent avec grands exccz. Le Roy.adverty promptement, envoya l'evesque de Rayonne devers le

(1) Nassnu.

(2) Kfîmont.

(5) Cetfp arint-e ëtoit environ de cent mille hommes.

marchis Albert pour entendre son intention et convenir avec luy de sa solde et de celle de ses gens, qui continuoient leur façon de vivre soubs le tiltre et adveu du service de France, endommageans les ennemis en toute sorte, mesmement sur les limites du duché de Luxembourg. La première response de ce marchis fut honneste et gracieuse , disant , quant à son appointement , n'estre venu au service du Roy pour un proufit particulier et espérance d'y thésauriser; mais que toute sa vie avoit eu désir d'employer sa personne , biens et puissance , pour luy faire entendre combien il avoit souhaitté, et encore desiroit d'entreprendre chose qui fust agréable à Sa Majesté, pour le bon zèle qu'il y avoit cogneu d'avoir favorisé à la réduction des franchises et libertez de la Germanie ; et que pour ceste raison s'estoit departy et séparé d'avec le duc Maurice ; estimant le Roy tant juste et équitable, qu'il feroit donner suffisante solde et appointement à ses soldats , hommes esleus et vaillans , prests à mourir pour son service, et qui de mesme intention l'avoient suivy, adjoustant davantage plusieurs autres bons propos qui seroient trop longs à reciter. Mais le Roy et sou conseil regardoient les choses de plus loing , et se desfioit-on que l'Empereur ne fust après ce marchis pour le pratiquer, se monstrant quelque opinion et apparence que son appoinctement estoit desjà en terme que lEmpereur avoit tousjours délayé à conclure , espérant le prévenir , et soubs ceste dissimulée fiance , le serrer et joindre de si près avec son armée, qui estoit en campagne, qu'il Tauroit à tel marché et condition que desiroit. Dequoy , à mon advis , ce marchis se doutoit, ayant en fresche mémoire le traitement qu'il avoit veu estre fait à ses parens et alliez. Parquoy tendoit à gaigner tousjours le devant, s'asseurant, s'il pouvoit atteindre les pays du Roy, et se seroit mis à sauveté , que ne luy pourroit manquer d'estre receu du Roy , ou que l'Empereur seroit encore fort aise de le retirer à luy, et accorder ce qu'il demanderoit , ainsi qu'on a veu depuis estre advenu. Toutefois j'ay ceste ferme opinion que si dès-lors se fust voulu arrester et recevoir les raisonnables offres que le Roy luy presentoit, en toutes choses eust cogneu la différence de la fidélité de ces deux princes. Sur ces menées secrettes , ce marchis ne laissa de passer outre : montant contre mont la rivière de Mozelle et costoyant Theonviile, vint camper àRoranges, trois lieues près de Metz, où, si-tost qu'il fut arrivé , envoya demander vivres à M. de Guise poiu- la fourniture de son armée; lequel , tant pour oster toute occasion à ce marchis de former un mescontentement sur un re-

fuz , encore qu'il fust raisonnable , feit tout ce que luy fut possible de luy en départir pour aucuns jours. Ce que toutefois estant par luy mal considéré, ne desistoit de l'importuner journellement pour en tirer en aussi grande abondance comme s'il n'eust esté cjpiestion que de les prendre à son plaisir , sans avoir esgard à la nécessité future ny au lieu où ce prince estoit ordonné qu'il devoit garder pour tems incertain. Et par tant de fois l'importuna , qu'il fut contraint de luy remonstrer par le seigneur Pierre Strossy que la raison de la guerre , qu'il n'ignoroit pas , ne permettoit qu'on defournist une place de garde, mesmement de telle importance que Metz , des vivres et provisions dont elle seroit munie, pour les distribuer à un camp qui seroit maistre de la campagne , et qui pourroit suy vre autre chemin et pays , comme devers les salines, pays très fertil, auquel non seulement trouveroit toute commodité de vivres, mais, en les mangeant et consumant , desavantageroit d'autant l'ennemy de les y pouvoir recouvrer. Be ceste raison , du commencement ce marchis se monstra estre contenté , et sembloit qu'en premier cest advis eust esté bien receu de luy, mesmes demanda un homme qui sceust le pays, pour l'y conduire et mener. A quoy fut ordonné par M. de Guise, et de Metz expressément envoyé Gaspard de Huz , gentilhomme natif de Metz; toutefois en peu d'heure changea de propos ; car, au lieu de prendre chemin vers les salines , il s'approcha davantage à une lieue près de Metz, et vint camper en un lieu appelle Aey , où il feit quelque séjour , usant de toutes les ruses qu'il pouvoit imaginer pour, soubs couleur de se deraonstrer bon serviteur du Roy, et se feindre tel envers M. de Guise , le surprendre et mettre en danger toutes choses, ou les troubler par un desordre , si la prudence de ce prince n'eust esté si grande que de le prévoir et y remédier. Puis ayant ce marchis à divers logis tournoyé toute cette contrée , après estre retourné devers Trêves pour en retirer un nombre de ses soldats qu'il y avoit laissé, finablement devalla au Pont Camouson , sans toutefois avoir encore rien résolu avec l'evesque de Rayonne , tant de sou appointement que de la solde de ses gens , combien que de rechef le Roy eust renvoyé le sieur de Lanssac devers luy pour la mesme cause. Ceueantmoins ne peust avec luy aucune fin conclure, traisnant toujours cest effect en diversité de demandes colorées de bellesparolles, en quoy estoit malaisé d'asseoir bon fondement. Et pourtant on entra davantage en souspcçon de luy, et la première desfiance commença de croistreplus qu'auparavant. Parquoy leplustost que faire se peust, le

COMMENTAIRES DE FRANÇOIS DE RABIITÎN. [lôûS]

Roy feit assembler son camp à Sainet Michel { i ) , petite ville de Lorraine sur la rivière de Meuse, six lieues à costé de Pont Camouson, autant de Verdun, et à dix grandes de Metz, où se trou verentM. le conncstablc, Icdue de devers, lecomte d'Anguian , le prince de Coudé, le comte d'Auniaile, le seigneur de Rohan, le marcschal de Saiuct André, le seigneur de Chastiilon , gênerai de toute la fanterie françoise, le comte de Villars,le seigneur de Bordillon, ordonné lors mareschal de camp , les comtes Reiograve et Recroc avec leurs regimens de lansquenets, et plusieurs autres grands seigneurs et capitaines. Quant à l'armée impériale, elle estoit toute preste, et s'engrossissoit journellement, ayant tellement desja cheminé , qu'estant arrivée à Deux Ponts s'estoit eslargie et estendue par tout le pays deVaulges : en sorte que nécessairement estoit requis de loger, et faire entrer dedans Metz, tout le secours , tant d'hommes, d'artillelerie , et toutes munitions qu'on avoit délibéré d"y envoyer. Et pourtant le plus commodément que fut possible , de ce lieu de Sainet Michel M. le coniiestable y envoya les compagnies de gens de cheval et de pied qui pour ce estoient ordonnées. Et eut le seigneur Orace Farneze (2) , duc de Castres , la charge et conduite dudit secours, menant avec luy un nombre de pionniers et de pouldres , pour de tant plus renforcer ceste ville, non toutefois en si grande quantité que M. le connestable eust bien voulu , et qu'il eust fait sans le doute de ce marchis , qui estoit toujours au Pont Camouson , estans ses hommes sur le plat pays de l'environ , abandonnez à maux intolérables, robbans, pillans , et ne laissans que ce dont ils ne faisoient cas, ou que nepouvoient porter ne traisner; ce qu'on trouva estrange , et qui de beaucoup augmenta la desfiance qu'on eust peu avoir de luy : neantmoins pour l'amener à toute raison, furent envoyez devers luy messieurs d'Aumalle, de Chastiilon , et le comte Reingrave, à fin de le prier vouloir faire cesser ce dégast et destruction de peuple, et finalement pour resouidre avec luy le dernier accord de son appointement, et solde de ses hommes. Lors se manifesta grandement le doute qui estoit auparavant formalisé de luy en nuée, rendant une response ambiguë et austère avec un maintien d'homme despité et mal content, demandant presque la moitié de la rançon d'un Roy pour appointement. Et quant à la façon de vivre de ses hommes , sur cela feit response qu'il estoit amy du Roy, et allié de la maison de Lorraine ,

(!) .Saint-Miliiol.

(21 Horace Farnèse , duc de Castro,

mais qu'il vouloit que ses soldats eussent à vivre, et qu'ils en prinssent où en trouveroient ; au refus estoit résolu de ce que il avoit à déterminer, et où se devoit retirer. Ce qu'estoit vray , car l'Empereur le voyant eschappé et hors de son pouvoir, par tous moyens le feit solliciter et attirer cà soy, le remettant en tous ses biens, luy faisant les plus belles offres et promesses du monde, avec lesquelles de long temps sçait allaicter les hommes inconstans ; qui estoit cause de faire \ arier ce marchis, et le tenir suspens : faisant de cecy fort évidente preuve le refus des deniers que M. le connestable luy envoya.

Toutes ces choses mettoient M. le connestable et le conseil en grande diversité d'opinions, voyans l'Empereur avec une très-grande armée s'approcher journellement , ce marchis estre jà en pays bien avant, solicité de l'enneray, avec les armes au poing , prest à exécuter divers maux ; du costé de Picardie aussi l'ennemi estre jà en campagne avec une grosse armée , bruslant et fouldroyant tout où il passoit. Et à bref dire, l'on pouvoit préméditer et penser devoir advenir divers malheurs, si le suprême Seigneur n'eust usé de pitié envers nous , détournant le suecez et infortuné advenemeut de tant de prochains dangers , et les changeant eu meilleures adventurcs. dont noz esprits s'asseuroient que le Seigneur nous garderoit, et à noz prières qu'il readroit tant plus prompt l'esprit de M. le connestable à remédier à ceste petite nécessité. Car estant l'Empereur arresté malade de ses gouttes, et, tant pour ceste cause que pour l'importunité du temps , séjournant son armée en la comté de Vaulges, à la plus grande diligence que fut possible on serra nostre armée à Sainet Michel , renforcée tant de fanterie françoise , Allemans et Suisses, au nombre de près de trente raille hommes de pied, que de sept à huit mille chevaux. Parquoy commencasmes à mieux espérer et reprendre cueur : tellement que l'advis de beaucoup estoit d'aller desfaire ce marchis cependant que celle du plus grand ennemy estoit loingtaine, ne pouvant faire sa rctraitte en lieu asseuré pour luy ne ses hommes, sans estre affamé et ruiné. Toutefois d'autres trouvèrent et choisirent ceste délibération meilleure : puis qu'on l'avoit trouvé de si fascheuse convention, que seroit bon de tirer de dessoubs son œsle , et soustraire la meilleure part de ses capitaines et soldats par le moyen et cognoissance de noz Allemans , avec la seurté de leur faire bon traittement : ce que fut si bien conduit, qu'avec grand mutinement entre eux un colonel , nommé Reifberg , avec son régiment, des lors accepta le parti françoisetse retira devers nous.

COMMENTAIRES DE FRANÇOIS DE RABUTIN. [l552]

Ce marellis voyant l'armée tIeFrance qui s'eniloit tous les jours , luy estaut fort voisine , que desjà on murmuroit de luy appareiller une cargue , et que ses soldats se mutinoient , desquels plusieurs à la file se rangeoient de nostre costé , et par tous ces accidens estre en péril d'estre surpris et enclos, feit entendre à M. le connestable , puisque ne plaisoit au Roy l'accepter et retenir à son service , ne luy voulant accorder appointement etpaye raisonnable, qu'on luy donnast passage pour se retirer, disant, pour couvrir son intention , que là où en autres lieux sur les terres de son ennemy, luy pourroit faire service autant ou plus que celle part , et pourroit conquérir terres qui luy demeureroient perpétuellement , sans s'arrester à petite chose , protestant toutefois sur sa foy de ne prendre party avec l'Empereur contre îuy. De cecy le Roy adverty, et cest affaire bien disputé au conseil , fut opiné le plus expédient de faire pont à l'ennemy se retirant , que mettre les armes en la fournaise pour les eschauffer davantage , tant pour asseurer le peuple de limpetueux advenement de cest homme ne cherchant que son adventure sans respect de sa vie, que pour honnestement le convoyer et contenter. Car de vouloir combattre à main forte [encore que la fortune nous fust favorable] ne pouvoit advenir la victoire sans perte peut estre de beaucoup de vaillans hommes dont le Roy avoit lors bon be soing, estant prochain un ennemy plus grand que l'autre : à fin aussi par priidente considération que ne nous fust reproché avoir desfait un qui venoit à nostre secours , mesmement de noz anciens amis et confederez les Germains. Pour ce demoura près de luy l'evesque de Rayonne pour seurté et conduite à luy faire donner libre passage par tous les pays du Roy. D'autre part fut ordonné M. d'Aumalle pour le costoyer avec environ deux cens hommes d'armes et cinq cens chevaux légers.

Ainsi ayant séjourné environ trois sepmaines ou un mois à l'eniour de Pont Camouson , se leva, et, suyvant la vallée, se vint asseoir et camper en la prairie au dessus de ïhoul , sur le bord de la rivière de Mozelle, estant la generalle opinion qu'il vouloit donner dedans la Franche Comté et la comté de Ferette. Durant l'espace d'environ quinze jours qu'il y feit séjour, Dieu sçait les vacarmes et e:>tranges extortions que ses soldats faisoieut sur le commun peuple à l'entour. Le peuple, estimant que M. d'Aumalle fust constitué pour y mettre ordre , incessamment s'addressoit à luy avec grandes plaintes, pour l'esmouvoir à pitié et compassion. Entre autres luy fut raporté que ces barbares avoient forcé et