I. C. D. M. T. VII

saccagé une maison de gentilhomme prochaine de Thoul , où ils avoient perpétré et commis des malheurtez incroyables. Parquoy M. d'Aumalle escrivit et manda à ce marchis qu'il eust quelque esgard à la foule et oppression de ce pauvre pays neutre , et qu'il eust souvenance de l'alliance qui estoit entre luy et la maison de Lorraine. Dequoy il ne feit grand compte, mais continuoient ses soldats à faire de pis en pis dont redoubloient ordinairement les clameurs addressées à ce prince, tant qu'il fut contraint finalement de respondre à ce populaire qu'il ne pouvoit autrement y remédier, et ne vouloit oultrepasser sa charge. Et deslors les communes commencèrent à se mutiner et s'assembler, et où ils les trouvoient escartez en despechoient le pays , et les assommoient comme pourceaux. Ce que estant venu à la cognoissance de ce marchis , envoya son trompette devers M. d'Aumalle, l'advertissant du sacment et perte de ses gens , laquelle se doutoit advenir à son adveu. Auquel M. d'Aumalle feit response qu'il sçavoit assez l'asseurance et promesse que luy avoit esté faite, à sçavoir de luy donner passage libre et ouvert pour se retirer sans porter dommage aucun aux François ny à leurs alliez , qu'il asseuroit luy avoir esté maintenu et gardé ; mais que de son costé ne s'acquittoit justement de ce qu'il avoit promis, pour les oppressions et foules que faisoient ses gens, encore en pays neutre et non ennemy, pour lesquelles les communes estoient fort mutinées , tellement que s'il n'y mettoit ordre mal luy en pourroit advenir. Le semblable ce marchis manda par un gentilhomme de ses plus favoris au seigneur d'Esclavolles, gouverneur de Thoul , plus, à ma fantaisie , pour avoir cognoissance du dedans de la ville , des fortifications , des soldats , et de toute la police, que pour autre raison. Toutefois le recueil luy fut fait si hounesle, et la conduite tant prudente , avec une response sage et gracieuse qu'il n'entendit et ne veit chose de grande importance , ne dont il luy peust faire dangereux rapport.

En ceste ophiion ce marchis deslogea d'auprès de Thoul. et lui redoubla de beaucoup plus le jour ensuivant son mescontentement. Car au partir de Thoul , à la première stance qu'il feit , alla camper au long d'un estang, sur un marets; et tant mal luy advint, que celle nuict il pleut comme si le ciel se fust ouvert, tant que il ne cuida jamais trouver les moyens de s'arracher de ces paluds, ny en faire mettre hors son artillerie, estant embourbée jusques aux affûts et moyaux des roues. Enfin , tant travailla avec grands efforts d'hommes et chevaux, qu'il s'en

meit hors : en cela pouvant cognoistre que M. d'Aumalle n estoit là envoyé pour luy nuire, selon que le lieu etletempsestoient commodes, et comme beaucoup d'hommes volontairement luy conseilloient. Mais nous laisserons le marohis en ces mauvais chemins, pour parler de ce qu'adonc faisoient les armées du Roy et de l'Empereur.

Nous estions desjà bien avant au mois d'octobre, quand l'armée impérialle estoit encore au pays de Vaulges et devers les Deux Ponts , estant tousjours l'Empereur mal disposé, aussi qu'il attendoit le secours des Pays-Bas, qui n'estoit encore arrivé , et son artillerie et munitions qu'il faisoit amener sur le Rhin , jusques à Confluence (1) , pour de ce lieu la faire monter contremontsur la rivière de Mozelle, jusques auprès de Metz ; et pource que les plus grandes froidures de l'hyver commencent en ceste saison , ce séjour faisoit penser à beaucoup de personnes que l'Empereur n'entreprendroit si tard tant grande besogne , et qu'il n'exposeroit une tant belle et biencomplette armée à cuider vaincre et la rigueur du temps, et une ville bien pourveue-, mesmement, selon le rapport des espions, la pluspart de tous ses capitaines estoient de cest advis , et luy conseilloient de plustost essayer à recouvrer toutes les autres petites villes, tant du duché de Lorraine que sur la frontière des duchez de Barrois et Luxembourg , èsquelles feroit hy verner son armée et la tiendroit à couvert toute la mauvaise saison , cependant que ceux de Metz seroient contraincts de manger leurs vivres et consumer leurs munitions ; estans tousjours neantmoins tenus en subjection par les courses que ses soldats feroient sur eux et es environs , pour de plus en plus les affoiblir et leur oster tous moyens de recouvrer vivres, dont se trouveroient avoir faute sur le temps nouveau : lors il les pourroit à son grand advantage assaillir ; au contraire luy remonstroientqu'avaut qu'il cust ordonné de la disposition du siège de ceste grande ville , et que son artillerie fust assise et préparée pour la battre , l'hyver seroit entièrement venu ; qui seroit cause d'interrompre tous moyens, tant par neiges et froidures faisant mourir grand nombre de ses soldats , que pour la difficulté qu'on auroit à recouvrer vivres, estans détenus et arrestez par la contrariété et indisposition du temps , comme aussi pour estre sur les chemins destroussez et destourbez par les François. Davantage , avec la perte y pourroit recevoir une telle et tant grande honte , qu'il voudroit en après luy avoir cousté sa couronne d'empereur, et ne s'y estre trouvé; car ayant

(I) CoWontz.

esté combattu et en partie desfait par la fureur et violence du temps , il avoit encore un autre ennemy fort et puissant, qui n'attendoit que l'occasion pour de tous poincts le ruiner. Cest advis, encore qu'il fust le plus certain pour 1" Empereur, ne fut pourtant tel receu de luy. Mais ayant l'esprit picqué et solicité de un extrême désir de se venger, oublioit tousaccidens et périls pour mettre heureusement a lin un seul poinct par lequel on peust cognoistre qu'il se seroit vengé du Roy; et entre autres lui sembla meilleur de s'addresser premièrement à ceste ville de Metz , dedans laquelle il sçavoit estre beaucoup des principaux princes et grands seigneurs de France ; au surplus qu'elle estoit parfaitement fournie et pourveue de grandes munitions : parquoy luy sembloit que , si dedans le surplus de ceste année, pouvoit tant bien besogner que seulement la peust recouvrer facilement par le moyen des prisonniers qu'il auroit trouvé dedans, pourroit obtenir et r'avoir ce que le Roy auroit prins sur luy ; sinon qu'il s'aideroit de nos mesmes bastons et préparatifs pour nous y contraindre; et qu'estant venu au dessus , et ayant subjugué ceste première et principale forteresse, où estoit la ileur des soldats francois, il se promettoit aisément venir à bout des autres moindres; tant y a [quelle que fust l'intention de l'Empereur] qu'il s'achemina avec sou armée devers la rivière de Mozelle , sans toutefois suyvre le droit chemin, comme s'il eust voulu descendre vers Theonville et le duché de Luxembourg ; de quoy M. de Guyse adverty , pour ne laisser perdre et demeurer en proye une des vieillesenseignes du capitaine La Prade qui estoit dedans Roc de Mars , donna si bon ordre, qu'à la veue des ennemis , moyennant la faveur d'une escarmouche que M. de INemours et le comte de La Roche Foucault dressèrent devant Theonville, ladite enseigne [ayant mis le feu par tout ce chasteau] fut retirée et mise à sauveté avec la meilleure part de l'artillerie qui estoit là dedans. M. le connestable avoit tousjours attendu à Sainct-Michel , pour veoir et cognoistre ce que l'Empereur voudroit entreprendre : ayaiit sceu que l'armée impérialle marchoit tenant le chemin susdit, doutant l'advenemeut de diverses choses, entre autres que, délaissant Metz, ne s'adressast à >'erdun qui n'estoit encore fort ne presque en bonne défense, ou à quelque ville foible et despourveue, feit pareillement marcher l'armée françoise et s'approcha près de Verdun, en laquelle ville estoit lieutenant pour le Roy M. le marcsc'hal de Sainct-André, avec sa compagnie de cent hommes d'armes, et le sieur de Tavannes. qui eu estoit gouverneur, avec la

COMMENTAIRES DE FEANÇOTS DE RA-BÏJTIN. [1552]

sienne de cinquante hommes d'armes , et huict enseignes de .fanterie françoise de la légion de Champagne, deux compagnies de chevaux légers et autant d'harquebusiers à cheval ; lesquels sans cesse jour et nuict faisoient travailler à la fortification , faisant amener et remplir ceste grande ville de bleds , vins et tous vivres qu'on pouvoit trouver à Tentour. Autant en faisoient , s'efforçant de mieux eu mieux améliorer leurs places, le sieur de Rabaudanges , gouverneur de Danvilé , et le sieur de Blaineau , lors gouverneur d'Yvoy, et le capitaine Baron, gouverneur de Montmedy; jacoit qu'elles fussent desjà fortes et bien munies, si veilloient-iis continuellement pour adjancer ce que presumoient y falloir et estre nécessaire.

Or ne restoit plus que la ville de Sathenay [autrement par langage corrompu appelée Astenay] laquelle, s'il fust advenu que Tennemy eust prins la campagne, l'on estimoit que elle auroit le premier assault, tel peult-estre qu'elle n'eust peu soutenir , estant donc dénuée et despourveue de toutes choses. Combien qu'auparavant le feu roy François l'eust fait remparer et fortifier, pour luy servir de quelque umbre ou parement contre ceux du duché de Luxembourg; qui depuis luy ayant esté remonstrée sa mauvaise assiette , et plus incommode pour luy , si après l'avoir fortifiée elle tomboit es mains de l'ennemy , feit demollir et sapper en plusieurs endroits les forts et boulevers, et ruiner les flancs et défenses , la remettant ainsi au domaine du duc de Lorraine. Et derechef le Roy l'ayant recouverte et mis hors les Bourguignons qui l'avoient saisie, et qui commencoient à la reparer, comme j'ay discouru précédemment, pour s'en ayder contre luy , l'avoit tousjours tenue en ses mains , sans toutefois y avoir rien adjousté de nouvelle fortification , ains seulement pour empescher que elle lui fust dommageable. Quelque temps après, luy estant reraonstré par M. de Nevers qu'on la pourroit rendre forte et defensable, et que luy-mesme sans danger entreprenoit de la garder , desiors commanda à estre cherchez et employez tous moyens et artifices pour la fortifier en extrême diligence; à quoy ce prince se rendoit volontairement tant subject et enclin , que tout grand labeur luy sembloit plaisir pour parfaire cest œuvre , qui luy estoit en telle recommandation, qu'on le trouva de beaucoup et du principal avancé, avant qu'on presumast les fondemens estre encore assis.

Et non-seulement à ces remparts et fortifications M. de Nevers avoit l'esprit vigilant et adonné , mais estant adverti qu'en une petite ville nommée Vireton, prochaine de Sathenay de cinq

lieues , s'estoit assemblé un nombre de volleurs et bannis, ne vivans d'autres proyes que de volleries et destrousses qu'ils exerçoient es environs; prévoyant que si le siège arrivoit devant Sathenay, ce réceptacle de brigands pourroit estre fort propre aux ennemis à y retirer leurs vivres, munitions et toutes nécessitez, avec une conduite si prudente et secrette les alla surprendre, si qu'un matin avant qu'ils le pensassent estre encore esveillé , n'ayans aucun moyen de se sauver ou avoir secours , se trouvèrent enclos et enveloppez par ce prince , accompagné de dix enseignes de fanterie françoise : à sçavoir , deux de Verdun, deux de Danvilé, deux d'Yvoy, deux de Montmedy et des deux de Sathenay ; de cavallerie, des compagnies de M. le duc de Bouillon , des sieurs de Jametz et de La Roche-du- Maine ; des chevaux légers et harquebusiers à cheval du capitaine Sapoigne , et de plusieurs gentilshommes de sa maison; lequel, estant ainsi arrivé devant ceste ville , afin d'exécuter promptement sa délibération, la feit battre le plus soudainement que se peut faire, sans donner loisir de faire tranchées , ne dresser gabions ; mais estant couverte l'artillerie seulement d'aiz, tables, portes , charrettes , et ce que sur le champ on pouvoit trouver pour mettre au devant, la feit asseoir et bracquer si à poinct, qu'en peu de temps la muraille fut fort empirée et la brèche cogneue raisonnable : ce que ceux de leans endurèrent sans faire semblant d'avoir peur ni de se vouloir rendre. Les soldats francois voyans l'ouverture , avoient si grande ardeur d'aller à l'assault , impatiens de tant temporiser , que , sans attendre le commandement du prince , Le Chesne , enseigne du capitaine La Lande, suivy de quelque nombre de ses soldats, se lancea dedans le fossé pour donner, la teste baissée, droict à la bresche : qui toutefois fut vaillamment repoulsé par les Bourguignons , et fort blessé, dont depuis mourut. Arbelay aussi , enseigne du capitaine Baron , y fut tué , et beaucoup de vaillans soldats. Enfin les assiégez , voyans et ne se sentans assez roides et forts pour soustenir un assault gênerai , feirent signal de vouloir parlementer, requerans que l'on leur donnast quelque peu de respit , dedans lequel s'ils n'avoient secours promptement, promettoient se rendre les vies et bagues sauves. M. de Nevers ne leur voulut accorder une seule heure de delay , ains leur feit response qu'à l'instant, s'ils ne se rendoient les vies sauves et à sa discrétion seulement , qu'ils attendissent l'assault et les feroit tous passer au fil de l'espée. Eux , ayans un peu pensé à ce danger , se rendirent à la mercy et discrétion de ce prince. Ce qui advint si à pro-

COMMENTAIRES DE FRANÇOIS DE RABIITIiN. |l552l

pos et à bonne heure, qu'il ne restoit plus que deux boulets de couIe\ rine. Eux sortis, pour ne donner loisir au\ soldats Irançois de s'abuser au sac, le feu fut mis en divers lieux de la ville. Quant aux prisonniers, M de Nevers leuravoit jà donné conj;é , quand fortune leur fut encore tant ennemie qu'ils furent rec()<j;nuz par le capitaine Sapoi^ine leur voisin, lits de (iilles de Levant, autrefois gouverneur de Luxembourg pour l'Empereur; lequel Sapoigne remonstra à ce prince que le plus homme de bien d'eux tous avoit cent fois mérité la mort, et qu'il leur feroit encore grande grâce de leur sauver la vie; et si on les mettoit eu liberté , ce seroit leur donner moyen de faire d'avantage de mal aux François. Pour ce furent la pluspart d'eux retenuzet ramenez prisonniers à Sathenay. depuisune partie renvoyez , reservez les principaux , mesmement le capitaine, nommé Dalaumont , autrement Maladeric, et son enseigne, appelle Arbonniere. Toutes ces choses heureusement mises à fin dans ce seul jour,retouruasmes le soir mesme coucher à Sathenay avec toutes les compagnies, réservé celles de Montmedy, lesquelles pour estre prochaines se retirèrent de ce lieu , leur estant fait commandement de venir jourl'.ellement par centenes démolir et ruiner ce que le feu n'avoit peu desfaire etconsumerde Vireton. Le lendemain ayant depesché le seigneur de Saiuct-Symou pour porter les nouvelles au Roy, qui estoit toujours à lleims, et commandé au sieur des Potz, gouverneur de Sathenay, de recevoir des habitans de la ville le serment de fidélité au Roy , partit pour aller trouver M. le coimestable , qui faisoit temporiser l'armée du Roy, attendant que voudroit attenter l'enuemy : lequel , selon l'advertissement et rapports des espions , se trouvant avoir toutes ses forces assemblées , et le secours qu'il attendoit des Pays-Ras estant arrivé, avoit repris le chemin devers Metz, et s'estoit approché jusques à Serebruc ( I ) , sept ou huict lieues près. Et peu dejours ensuyvans vindrent autres nouvelles comme le duc d'Albe, lieutenant gênerai de l'Empereur , et le marchis de Marignan , colonel des gens de pied italiens, avec quatorze mille hommes de pied, quatre mille chevaux, et six pièces d'artillerie de campagne, s'estoient davantage approchez, jusques à venir recognoistre la ville et les lieux les plus commodes pour asseoir leur camp. Et ne s'acheva ceste leur entreprise sans une furieuse et brave escarmouche de noz sol-

(1) .Saarhnick.

(2) La rt'latiuu de Salignac fera partie de celte collection.

(3) r^eurcliùteau.

dats, qui , estans sortis, pour le commencement leur feirent veoir, et sentir à leurs soldats, de ((uelle affection et volonté ils avoient délibéré de se défendre et les soustenir. En quoy les nostres acquirent dès-lors un grande réputation, tant de M. de Guise que des ennemis; lesquels après se retirèrent à Saincte-Rarbe , deux lieues en arrière , avec peu d'avantage , et perte de près de huict ou neuf vingts hommes ; et de nostre costé y perdismes le seigneur de Marigny en Picardie, issu de l'ancienne et bien renommée maison de Salezart , et cinq soldats qui furent tuez sur le champ. Les seigneurs de Mompha, lieutenant de la compagnie du seigneur de Randan , de Silly , le capitaine Sainct-Aulbin , le capitaine Soley et son enseigne La Vaure , et l'enseigne du capitaine Gourdan , avec dix ou douze soldats, y furent blessez; et peu de jours après moururent Silly, Mompha et La Yaure, J'ay bien voulu escrire ce mot d'advertissement et rapport qui nous en fut fait, à lin de donner à entendre qu'adonc n'estions tant esloignez que n'en eussions souvent nouvelles, non que je vueille entreprendre de tant parfaitement narrer et déduire les escarmouches, sorties, et tout ce qui s'est fait durant ce siège, comme beaucoup de gentils esprits d'hommes qui y estoieut presens, et plusieurs fois se sont trouvez aux mesiées, et après, de la mesme main qu'ils avoient combattu, escrivoient les faicts dignes de mémoire. Entre lesquels je puis nommer Saliijnac (2), gentilhomme de nostre temps , de méritée réputation tant aux armes qu'aux lettres, lequel en a tellement bien et selon la vérité escrit, qu'il n'estoit presque besoing en parler davantage, ni en atteindre autre chose ; mais si quelquefois je viens eu dire aucuns poincts, c'est seulement pour m'acquitter de ma promesse et entreprise d' escrire les affaires ausquels je me suis trouvé, et selon les nouvelies qui nous estoient rapportées.

Pour reprendre donc notre marchis Albert [lequel M. d'Aumalle costoyoit tousjours avec tel desastre que l'importunité du temps luy en faisoit assez de preuve] , ayant suivy ce chemin jusques assez près de Neuf-Chastel (3) , continuaus ses soldats leur première et accoustumée façon de vivre , estoit en fort grand travail d'esprit de ce qu'il avoit à faire et conclure, ou de se retirer à fin de n'acquérir pour luy et les siens un immorrel filtre d'inlidelité, ou d'entendre aux promesses et offres ausquels le sollicitoit l'Empereur : à la fin [comme si la fortune eust eu plus de pouvoir sur luy que la vertu] , se persuadant luy pouvoir succéder à son souhait , comme , au nom de l'Empereur , le duc

d'Albe luy promettoit , qui ne pretendoit qu'à le divertir et interrompre son proposé cliemin pour retourner vers Sainct-lNicoias, adhéra et s'arresta à telles persuasions , non sans depuis en avoir ressenty la repentance.

M. d'Aumalle estant adverty de toutes ces menées et sollicitations , en advertit le Roy, qui estoit tousjours à lleims pour prouvoir a tous costez , tant de cette part que de Picardie , luy faisant entendre , selon aucuns de son conseil , prochains de sa personne , que le plus expédient estoit de le desfaire , plustost que ie permettre se joindre à Tennemy et le renforcer d'autant. Et pour ce faire, luy faisoit entendre les moyens qu'il avoit, pourveu qu'on luy baillast deux cens hommes d'armes. Le Roy luy feit response qu'il trouvoit bonne ceste délibération , mais qu'elle fust exécutée prudemment et sans trop grand hazard. Et quant et quant manda à M. de Rordillon d'aller trouver M. d'Aumalle avec lesdits deux cens hommes d'armes, et lui obéir en ce qu'il voudroit l'employer pour son service. A quoy ne feit faute, approchant de luy trois lieues près; duquel lieu l'advertit promptement comme par le commandement du Roy , à la plus grande diligence qui luy avoit este possible , l'estoit venu trouver pour luy obéir , le suppliant de luy mander son bon plaisir et ce qu'il auroit à faire. M. d'Aumalle luy feit response qu'il se contentoit fort de sa bonne diligence , et que ce marchis avoit jà passé la rivière de Muz , et estoit prest à traverser l'autre de Madon pour se retirer au camp de l'Empereur, et ne cognoissoit grands moyens de le suivre davantage ; parquoy deliberoit en brief de se retirer à Thoul pour faire la guerre à Tennemy. Ceste response fut cause que M. de Rourdilion ne bougea de Blaineau, attendant son retour.

Or , deux ou trois jours auparavant , mondit sieur d'iVumalle avoit envoyé son trompette avec lettres devers ce marchis , la teneur desquelles est fort difficile de seavoir ; tant y a que le trouvant au bourg de Sainct- Nicolas , où estoit allé en petite compagnie pour conclure et arrester sa révolte , faisant peu de cas de ces lettres , le trompette fut retenu , afin que retournant promptement il ne descouvrit le secret et feist rapport de ce qu'il avoit veu; lequel, esbahyde ce nouveau traictement, se retira devers le truchement de ce marchis , pouree qu'on le disoit avoir esté nourry en France , estimant par ce moyen qu'il auroit encore quelque bonne affection de faire plaisir à ceux de la nation de laquelle il auroit receu toute doulceur et humanité : mais au contraire le trouva homme brave et presumptueux ;, quise jugeoit de grandissime

valeur pour la familiarité quMl avoit avec son maistre. Ce trompette le supplioit procurer sa despesche et retour, et luy au contraire, sans faire response à sa prière, disoit diverses injures des François, et, leur souhaittant mille malheurs, protestoit avec grands juremeus que, avant qu'il fust long-temps, se baigneroit en leur sang. Ainsi force fut au trompette d'attendre jusques au jeudy précédant le malheureux jour de la desfaite de son maistre , qu'on luy dit qu'il seroit expédié , et que le lendemain s'en retourneroit avec sa response. Ce que n'advint toutefois; car ce jour , toutes choses estant changées eu pis , et fortune ayant monstre son triste visage à son maistre , le rendant prisonnier de ce marchis , le pauvre trompette fut traité de ces malpiteux Allemans plus rigoureusement qu'auparavant , estant mené lié et garotté et traisné , comme si d'heure à autre il n'attendist que d'estre pendu ou mourir malheureusement. Ainsi ce marchis avoit délibéré le lendemain de prendre le chemin au camp de l'Empereur , et ne restoit plus qu'à reunir et appaiser aucuns de ses capitaines et soldats , lesquels n'avoient point envie de tourner visage pour faire serment à l'Empereur.

Ce vendredy vingt-huictiesme d'octobre, jour infortuné, de ceparteraent estant M. d'Aumalle acertené , à la diane partit avec toute sa cavaL lerie du port Sainct Vincent où il avoit couché , et se vint mettre en bataille sur le hault d'une montagne appellée la Croix du Monstier, audessus de ce marchis , pour [ comme je croy ] considérer et veoir ce qu'il voudroit faire , et quel chemin il prendroit. Lequel aussi ordonnoit ses batailles , pour [comme j'estime] suivre sou chemin accordé, sans avoir opinion pour ce jour de combattre contre les François. Toutefois ces deux armées ne furent longtemps voisines ; que les escarmouches commencèrent à se dresser chaudement . tant par gens du pays que d'aucuns soldats françois qui estoient accouruz , pensans voler et destrousser quelque butin sur la queue de ce marchis. Auquel en fut fait le rapport par deux ou trois fois avant qu'il en voulust rien croire , ou pour ie moins le dissimuloit , faisant response à ceux qui luy faisoient tels rapports, que M. d'Aumalle ne le cherchoit pas. Mais les plaintes luy ledoubloieut si souvent, que luy-mesme avec son truchement voulut aller reeognoistre comme il estoit du tout à la vérité, où il fut repoulsé fort rudement, et d'une harquebusade près de luy fut tué son truchement. Ce que soudainement l'eslonna si fort,quilpensoit estre adouc à ses derniers termes. Depuis estant revenu à soy , à toute bride retourna vers

COMMENTAIRES DE FRANÇOIS DE RABLTiN. [1552]

sesgens, et avec viveset affectionnées prières et exclamations leur remonstra que M. d'Aumalle, avec grand nombie de gendarmerie fi-ançoise, les atteudoit là au passage pour les hacher en pièces, tellement que le moins qu'il leur pouvoit advenir c'estoit la mort, laquelle ils ne pouvoient éviter sans faire une extresmc et grandissime preuve de leur force et hardiesse. Leur proposoit aussi , s'ils avoient doute de la rigueur et punition de César (l ) , qu'il ne leur falloit attendre uy espérer meilleur traitement des François. Ces propos, avec moitié frayeur et asseurance , leur monstrant au doigt cette montagne presque couverte de cavallerie françoise , les peurent tellement esbranler et irriter , qu'ils se mutinèrent en telle sorte , qu'ainsi que forceuez et désespérez , la teste baissée vindrent charger les compagnies de M. d'Aumalle , lequel adonc estoit sur le poinct et délibération de se retirer. i\lais c'estoit si tard, qu'ils estoieut jà près à se joindre et combattre , avec si grand malheur , que de première abordée rencontrèrent une troupe de valets que l'on avoit fait demeurer en un lieu pour faire monstre, lesquels ilsmeireut incontinent à vau de route ; et quant et quant chargèrent sur un autre squadron de chevaux-legers et harquebusiers à cheval, lesquels pareillement meirent en desordre , trouvans ouverture sans combattre pour donner jusques aux rancs de la gendarmerie; laquelle ils enfoncèrent et contraignirent reculer à coups de pistolets , dont ils portent grand nombre, estans la pluspart des compagnies mal pourveuës de lances pour les soustenir, M. d'Aumalle voyant sa cavallerie ainsi rompue et fuyr de tous costez , picqué et attaint de véhémente tristesse , prévoyant une malheureuse lin à ceste entreprise , manda au seigneur de Brezé , lieutenant de sa compagnie, qu'il se retirast, et le mieux qu'il luy seroit possible sauvast sadite compagnie. Depuis voyant le grand feu allume près de luy , et les ennemis fort meslez avec la principale troupe de sa gendarmerie , et la plus prochaine de sa personne , où le combat estoit fort asprc , et les ennemis vertueusement soustenuz par ce petit nombre , qui estoit de gentilshommes bien renommez et vaillans jusques au bout, se rallia avec sa compagnie, leur criant avec un visage riant et asseuré : « Mes compagnons et mes amis! bataille! bataille! » Puis avec le hazard de fortune , sans respect de sa vie, l'espée au poing, donna dedans ceste mes- I ce, et feit tous les plus grands efforts qu'on pourroitdirc de la vertu humaine. Toutefois la foule des ennemis renforçoit continuellement , et le

(I; L'tmpcrcur.

nombre des siens diminuoit, tant pour estre abandonné d'aucuns quis'enfuyrent, que les plus vertueux estoieut tuez et abbatuz devant luy , et les autres fort blessez et mis à pied , prius et emmenez prisonniers par ces Allemans. Luy, estant blessé de deux ou trois coups de pistoUets au corps et en la teste , son cheval tué soubs luy , linablement fut abbatu et prins. M. de Rohan y fut tué , et ne sçait-on comment à la vérité : aucuns ont dit que son cheval estant hors d'haleine, et ne se pouvant plus tenir en pieds, depuis la prise de M. d'Aumalle fut tué en un petit -s illagepres de là. Les autres ont rapporté que deux Allemans letenoient prisonnier, et luy avoient desjà osté l'accoustrement de teste, querellans auquel demeureroit, quand y arriva un troisième , qui après plusieurs disputes luy donna un coup de pistoUet dedans la cervelle , dont il mourut sur l'heure. Mais comment qu'il soit advenu, ce fut un fort grand dommage de la perte de ce prince , qui estoit de la maison de Bretagne , et qui contrarioit et opiniastroit fort contre ceste entreprise. La compagnie de M. d'Aumalle y fut presque toute desfaite, et entre autres d'hommes de renom tuez, desquels, j'aye cognoissancc, le sieur de Nançay, guidon de ladite compagnie, le sieur de la Motte Dusseau , guidon de la compagnie de M. le visdame de Chartres , le guidon de la compagnie du comte de Sancerre , le sieur de Sainct-Forgeux , capitaine de chevaux-legers , le baron de Couches , le sieur de Joncy , puisaisné de la maison de Rochebaron en Charrolois , le jeune Vaux , et plusieurs autres gentilshommes au nombre d'environ deux cens. De prisonniers en demeura beaucoup avec M. d'Aumalle , entre autres le sieur Desgully , maistre de camp des chevaux-legers, le baron des Guerres, et le sieur Dau (2) , lieutenant de la compagnie du vidasme de Chartres, lesquels, pour n'estre cognuz , avec le moyen de leurs amis eschapperent à petite rançon.

Quant à M. de Bordillon, ce soir mesme luy estans rapportez aucuns propos que tenoient les paysans de ceste desfaite venans de ce costélà , sur l'heure feit monter à cheval un gentilhomme de sa compagnie, nommé le sieur de La Tournelle, accompagné de quelques autres chevaux , pour l'aller de plus près scavoir, et luy en rapporter le certain. Depuis peu de temps ensuyvant par deux gentilshommes d'authorité [qui s'estoicnt de ceste cruelle meslée sauvez et eschappez] luy fut dit et recité comme le tout estoit passé. A ceste raison, sans faire plus grand'pcrtC; ne donner plus grand travail aux hommes,

(2) Jcaud'O.

COMMENTAIRES DE FRANÇOIS DE RABUTIN. [l552]

despescha cette nuictle sieur de Chastellus, lieutenant de sa compagnie , pour en porter les tristes nouvelles au Roy, et quant et quant envoya son trompette devers le comte de Vaudemont , pour le prier de permettre les corps de M. de Rohan et du baron de Couches estre ensepulturez dedans l'église de Nancy, comme ils furent, et d'autres aussi.

Ce marchis ayant le cueur enflé , estimant par ce beau faict s'estre davantage avancé en la bonne grâce de l'Empereur, reprint son chemin devers Nancy , où il eut plusieurs propos avec le comte de Vaudemont sur ceste desfaite , qui , parmy ces devis et plaisans contes , se rioit de la grande hardiesse de M. d'Aumalle. Après retourna camper , au partir de là, au Pont Camouson, de l'autre costé de la rivière, où peu après l'Empereur luy envoya deux mille chevaux pour le renforcer et luy faire escorte, jusques à ce qu'il fust joint à son camp , qui desjà estoit tout assemblé et campé à l'entour de Metz. Un peu au-dessus du pont aux Mores , dedans les vignes, près d'une abbaye dédiée à Sainct-Martin, estoit le quartier où le treizième de novembre s'alla parquer ce marchis Albert.

L'armée du Roy estoit arrivée à Clermont en Argonne , petite villette bien située , au duché de Barrois, au-dessus de laquelle sur le hault d'une montagne est un chasteau naturellement fort , pour la haulteur inaccessible en deux ou trois endroits ; lequel , pour estre commode et duisant à beaucoup de -nécessitez, M. de Chastillon, partie par ruse , partie par frayeur qu'eut le capitaine de ce chasteau, voyant arriver l'armée françoise, surprit et rendit à la volonté de M. le connestable son oncle pour le Roy. Depuis on a besongné par un long temps à davantage le fortifier et améliorer. En une autre petite ville aussi , nommée Varennes, et aux villages à l'environ , toute à couvert estoit logée l'armée du Roy. M. le connestable , estant demeuré M. de Nevers lieutenant-general en l'armée , partit de ce lieu pour aller trouver ie Roy à Reims , fort triste et ennuyé de ceste mauvaise adventure. Mais fortune, ne se pouvant contenter de ceste première touche, voulut davantage esprouver sa constance et magnanimité, luy rechargeant deux ou trois mauvais tours ensuy vans : car peu de jours après la desfaite de M. d'Aumalle, luy fut rapporté comme son chasteau de Hedin estoit rendu à l'Empereur par le seigneur de Rasse , qui en estoit gouverneur.

Et pour dire comme le tout s'est passé [selon que je l'ay ouy reciter ] , le sieur du Reux, lieutenantpour l'Empereur èsPays-Bas, avec unnombre de Flamens , Heuauyers et Waloiis montant à

quarante enseignes de gens de pied , et environ deux ou trois mille chevaux, s'estant mis en campagne en délibération de forcer et surprendre La Fere en Picardie, qui est à M. de Vandosme, et depuis ayant trouvé que mal-aisément en viendroit à son honneur , y estant dedans M. l'admirai d'Amiebault, bien pourveu de ce que luy estoit nécessaire , après avoir bruslé les villes de Noyon , Nelle , Chaulnys , Roye et une magnifique maison que le feu roy François avoit fait édifier pour le plaisir de la chasse, nommée Foulembray , et de sept à huict cens villages , desquelles la pluspart estoient du patrimoine de M. le duc de Vandosme , et , pour en parler au vray, fait des maux infiniz , tousjours à l'adveu de la royne de Hongrie , alla assiéger Hedin. La ville fut tantost prise , n'estant assez forte pour soustenir batterie ny assault. ïost après le chasteau fut assiégé du costé du parc , où une grosse tour qui defendoit les flancs de cette part , fort cassée, et les défenses abbatues et fracassées, trouvèrent façon de sapper et trancher par le pied un grand pan de muraille , et à coups de canon rompre les quarres et espérons, tant de cette grosse tour que de la muraille. Parquoy le tout fondit et fut renversé dedans le fossé, qui le remplissoit et faisoit pont fort aisé pour aller à l'assault, estant demeuré le rempart entièrement devestu et empiré, ou n'avoit gabions ne cavaliers pour le couvrir et défendre ; toutefois que l'on disoit le rempart estre encore de sept à huict pieds de hauteur. Ceux de dedans voyaus ceste muraille tombéesoudainement, et leur fossé plein , furent si esperdus et eslounez , que , sans attendre aucun assault , se rendirent à composition , vies et bagues sauves. De cette composition estoient chefs les sieurs de Rasse et de Janlis, à laquelle ne voulut onc consentir ne l'accorder le sieur de Douric de la m-aison de Querquy. Pour ceste tant soudaine perte, on dit que le Roy fut fort esbahy, veu que peu auparavant le sieur de Rasse luy avoit mandé qu'il n'eust aucune doute de son chasteau de Hedin , et ce que depuis on trouva fort estrange , et qui donna aux nostres argument d'en parler diversement, d'autant que le sieur de Rasse avoit fort bonne réputation de vaillant chevalier.

Depuis peu de jours ensuy vans, le Roy sceut comme M. l'admirai d'Annebault par une fièvre continue estoit decedé à La Fere en Picardie , où s' estoit mis pour la défendre contre les ennemis.

Tous lesquels accidens de mauvaise fortune advenus subsecutivement , ne peurent fleschir ny abbattre le magnanime et très-haut courage de ce grand Ptoy ; mais scachant assez que ceste fortune , que les hommes feignent , n'est autre

COMMENTAIRES DE FBANr.OlS DE KABUTIM. [ 1 .)52 1

chose que permissiou divine , meu du zèle et desir de tres-clirestien prince, recourut au seiiineur des seigneurs, qui départ ses grâces sans acception de personne, autant aux grands que aux petits , taisant admonnester son peuple de se humilier et mettre en jeusnes et oraisons , pour requérir la pitié et miséricorde éternelle, et invoquer le Créateur, dieu des batailles et de paix , qu'il lui pleust les regarder en sa clémence, ne les pcrmettans tomber es mains de noz einiemis. En cette grande confidence [ comme feit le prince des Hebrieux ] , remettant sa totale force en la main dextre de l'Omnipotent, partit de Reims pour s'approcher jusques à Chaalons, où manda venir JM. de devers, messieurs le raareschal de Saiuct-André et de Chastiilou , et les principaux chefs de son armée, à fin d'adviser et conclure au plustost le plus expédient pour recouvrer le chasteau de Hedin.

Pour ce fut prudemment advisé d'envoyer envers M. de Guise, afin de scavoir de luy combien de temps il pourroit garder et défendre la cité de Metz , ou s'il avoitdefault et nécessité de quelque chose dont auroit besoin g d'estre plustost secouru ; lequel , s'asseurant à la volonté de Dieu, et de la foy et loyauté de beaucoup de vaillans hommes qui l'avoient suivy et veilloieut près de sa personne, manda au Roy que n'eust aucune doute de sa cité, ne de ceux qui estoient dedans, ausquels tousil avoit cogneu semblable et parfaite affection pour son service , aynians mieux laisser la vie qu'avec desîionneur sortir de ce lieu ; au reste qu'il n' avoit faute de chose que ce fust, dont il eust occasion de ne la pouvoir garder contre toute la puissance des hommes, avec l'ayde de celuy sans lequel en vain veille qui entreprend la garde des citez. L'advertissoit aussi comme , dès le deuxième de novembre, le ducd'Albe avec la plus grande partie de l'armée impériale avoit quitté le logis de la belle Croix [ estant demouré le sieur de J>rabanson avec trois regimens de hauts Allemans, deux de bas et trois mil chevaux], et, ayant passé la ri\ierede Seille, estoit venu camper près de la ville, départant son armée es environs , comme à Saiuct- Clement et à Sainct-Arnoult, ou il estoit logé avec les compagnies espagnoles. Une partie des Allemans estoit logée au Pont de Maigny; dom Loys de Avilla , avec la cavallerie espagnole, à la Maladerie ; le seneschal de la Moravie , avec les chevaux boheraois , àBlery ; le surplus à 01ery, et Sainct-Priech à la Grange aux Dames, à la Grange aux Merciers, et autres lieux a l'cnvirou; luy donnant aussi advertissement qu'ils avoicnt commencé leurs tranchées près de la porte Salnct-Thibaut, coijime s'ils vouloicnt en

cest endroit asseoir leur principale batterie. Sur la fin escrivit les noms et surnoms de ceux qui avoieut fait mieux leur devoir aux sorties et escarmouches, n'oubliant plusieurs autres affaires selon le temps servant à sa response.

Le lioy ainsi asseuré de ceste part, ordoima M. de >Jevers son lieutenant gênerai sur toutes ses forces qui demeuroient en Lorraine ; et , pour les bons et continuels services que luy avoit fait et faisoit journellement M. de Chastiilou, luy octroya et l'honnora de l'estat d'admiral de France, et ta l'instant mesme le constitua son lieutenant pour ramener son armée de Lonaine en Picardie, par resolution de ce qui seroit consideié estre nécessaire et utile. Puis , tous les chefs estans advertis et instruits de leurs charges , l'armée fut levée par M. l'Admirai pour luy faire prendre le chemin droit à Hedin. M. le mareschal de Sainct-André retourna à Verdun. M. de Aevers, avec sa compagnie et celle du sieur de La Roche-du-Maine, se retira à Sainct- Michel , afin de couper les vivres aux ennemis et les divertir de s'escarter par ces vallées. Dedans Sainct- Michel estoient desjà les enseignes du capitaine La Prade et du sieur de La Molte- Gondrin, cent chevaux légers du capitaine i^elou, et centharquebusiersdu capitaine l'Adventure , et M. de Bordillon avec sa compagnie , qui peu auparavant estoit retourné du lieu où M. d'Aumalle luy avoit escrit.

Sitost que M. de devers fut arrivé à Sainct- Michel , fut fait une course par sa compagnie avec quelques chevaux légers et harquebusiers à cheval, de laquelle estoit chef le sieur de Mouy , guidon de sa compagnie , gentilhomme vaillant et hardy, jusques a Malatour, petite villette assez forte près de Gorzes, et eu d'autres gros villages en une vallée assez estrange, pleine de bois, ravins et lieux dangereux, que ceux du pais appellent La Veure, esquels se estoient espanchez et retirez aucuns soldats, tant espagnols qu'allemans, de l'avantgarde impériale, desquels les uns furent tuez et les autres amenez prisonniers, Ceste infortune tomba sur aucuns qui retouruoient du chasteau d'Aspremont, cuidans y prendre au giste le comte ; auquel si bien advint, qu'il estoit à Sainct - Michel , près de M. de Nevers; car, au lieu de penser prendre , furent prins et ramenez avec quelque peu de butin.

Semblables courses là et aux environs furent continuées par M. de Nevers l'espace de trois sepmaines, s'y trouvant luy-mesme en personne; desquelles les ennemis furent tant eimuyez et travaillez, que force leur fut d'oublier le chemin de celle part; et pour ces conliuuelles alarmes

COMMENTAIRES DE FRANÇOIS DE RARUTIN. [ t552j

estoit l'armée impériale maintefois contraincte demeurer la moitié d'un jour en bataille avec grand travail et froidure ; mais s'ils souffroient beaucoup de maux , nous n'en estions point exemptez, pource que le plus souvent nous montions à cheval sur la minuict, endurant les gelées et le froid si aspre , qu'aucuns de noz compagnons en ont eu depuis divers membres endormis , et les autres morts et perdus de la peine et tourment insupportable que ils avoient eu, ayans continuellement les neiges jusques au ventre des chevaux, En tel équipage nous deniourions, passans le jour et la nuict sans repaistre; puis autour (1), lorsque nous pensions reposer et prendre un peu d'haleine au logis, nousfalloit faire le guet pour crainte de la surprinse des ennemis. Ainsi, tant pour nous garder que pour donner de la peine et ennuy aux impérialistes, nous souffrions nostre part de l'incommodité du temps , mais beaucoup moins qu'eux , comme le certifioient et rapportoient plusieurs pauvres soldats italiens; lesquels journellement venoient à la file , du camp de l'Empereur, pour supplier M. de Nevers de les accepter au service du Roy ; lequel , esmeu de grande pitié, voyant les uns nuds et à demy transis, les autres avec les dents longues en bon appétit, sans forme de monnoye, usoit envers eux , comme il est très-humain, de ijrande libéralité, et leur faisoit distribuer sur ses coffi'es argent pour vivre , attendant la solde du Roy ; puis les envoyoit au capitaine André de Maye- More , homme d'esprouvée hardiesse , pour en addresser ( 2 ) compagnies , tant à pied que de cavallerie légère.

Par eux et autres espions, aucunement estions advertis des grandissimes diligences et admirables préparatifs qu'avoit fait le ducd'Albe pour dresser sa batterie ; les grandes esplanades, les tranchées autant amples, larges et creuses que l'on ayt veu long-temps y a; le grand nombre d'artillerie et munitions , la presque innumerable quantité de gabions et vastadours qu'il faisoit bastir et emplir continuellement sans repos, ne faisant cas de la vie de ces misérables personnes non plus que de bestes brutes , et exposées à la merci de l'artillerie et contrebatterie de la ville. Nous rapportoient aussi les grands empeschemens et fascheries que leur donnoient ceux de dedans incessamment, leurs sorties hardies et furieuses , telles qu'on les estimoit plustost fayez (3) et esprits diaboliques, que hommes mortels ; tellement qu'un sergent de bande, accompagné de cinq ou six soldats seulement,

(1) Au retour, (2) Dresser, former.

avec sa hallebarde, avoit chassé et contrainct abandonner leurs tranchées à plus de trois cens hommes ennemis. Quelques autres aussi osèrent aller enclouer leur artillerie et tuer les canonniers sur leurs pièces, ce que toutefois les ennemis ne reputoient à fait digne ny d'eux, ny de cueuT vaillant et magnanime. Oultre, deux et trois fois le jour, la cavallerie sortoit mettant en tel desordre les ennemis, qu'aucuns des gentilshommes des plus hazardeux qui vouloient faire acte digne de mémoire , ou par souvenance et amour de leurs amyes, alloient rompre leurs bois et donner coups d'espées jusques dedans les tentes des ennemis et en couper les cordages, executans choses estranges et non ouyes de nostre mémoire. Or si les François desiroient par tels efforts se monstrer loyaulx subjects à leur roy, le duc d'Albe ne reposoit de son costé , lequel estant curieusement désireux et enflammé de rendre en l'obéissance de l'Empereur son maistre ceste tres-puissante cité, pour le resjouir de la prinse de tant de princes, grands seigneurs et vaillans hommes qui estoient dedans, quC; n'espargnant tout labeur, ne la vie des siens, rendit sa batterie preste le vingtième de novembre, commençant à tirer aux défenses, àsçavoir, à celle du portail de la porte Champenoise d'un boulevert qui est dedans ; à la grosse tour, laquelle est devers la rivière, appellée la Tour d'Enfer, et surnommée la Tour de Lanques, et à une petite église estant dedans la ville, où estoit une plate forme. A bref dire, ce qu'ils jugeoient estre pour nostre défense et leur pouvoir nuire , rasèrent et ruinèrent.

Nous entendismes pareillement , tant par le commun bruit que par le merveilleux tonnerre de l'artillerie, que le vingt-sixiesme jour il commença à lacanonner avec telle impétuosité, que, de mémoire des vivans, ne s'en est ouye de pareille, ayant d'un front, par le rapport des espions, quarante grosses pièces, lesquelles, portant boulet de poix extraordinaire, tiroient jour et nuict sans intermission que pour les rafreschir. Il faut penser que les assiégez ne dormoientpas, ains que les princes et grands seigneurs, et generalîement jusques aux plus petits, portoient la terre et la hotte pour remparer en telle diligence et solicitude, qu'à l'endroict où il pensoit que la bresche seroit faite , en moins de vingt-quatre heures, deux fois enlevèrent (4) le rempart de la hauteur du parapect, laissant entre la vieille muraille et le rempart les flancs et une tranchée garnie de diverses bonnes drogues, pour festoyer les ennemis s'ils fussent venus à

(5; Favorisés des fées. (î) Elevèreut.

COMMEMAIHES J)E FRAiNt

l'assault , ainsi que depuis nous avons \eu et réciterons en son lieu. Pourtant retournerons à dire ce que l'armée Irançoise feit depuis sou partement.

Sitost que le sieur du Reux, avec l'armée de Flandres, qui estoit encore à l'entour de Hedin , sentit approcher la nostre, sans faire semblant de vouloir combattre pour soustenir ceux qui cstoient prcsts d'estre assicf^ez, soudainement se retira. Dedans ce chasteau demeura le llls dudit sieur du Reux, auquel le père avoit juré et promis une grande punition s'il rendoit ceste place avec deshonneur et reproche. A la mesme charge on disoit avoir esté son compagnon un gentilhomme hennuyer, de bonne estimation, nommé Harenville. Ainsi, ayant fait reparer et remparer la bresche faite par eux plus forte qu'auparavant, et s'estant pourveuz et renforcez de tout ce que pouvoit imaginer leur estre de besoing , semoient le bruit de plustost vouloir, les uns après les autres, mourir là-dedans que se rendre à si bon marché que ceux qui premièrement en estoient sortiz . Bien-tost après , estant arrivée l'armée de France, M. de Vandosme, lieutenant pour le Roy au gouvernement de Picardie , feit faire ses approches et asseoir l'une de ses batteries au mesme endroit que les Bourguignons avoient dressé la leur, et l'autre sur le pendant d'une petite montagne du costé de Therouenue. Ainsi ceste ville de Hedin commença à estre canonnée le dix-septiesme de décembre fort furieusement, et y furent deschargez quatre mille et soixante-six coups de canon, sans faire bresche et ouverture , que n'eust encore le rempart derrière de dix-huictàvingt pieds de hauteur. Toutefois, faute de cueur et crainte de mort saisit les assiégez , et se rendirent à composition telle qu'ils sortiroieni leurs vies et bagues sauves, leurs enseignes ployées, avec deux moyennes pièces d'artillerie à leur queue , sans rien oster ne transporter autre chose de ce qu'avoient trouvé là-dedans. Ainsi fut rendu et remis en l'obéissance du Roy le chasteau de Hedin, par la bonne conduite de M. le duc de Vandosme, le dix-neufieme de décembre. Et combien que le fils de M. du Reux se fust acquitté de son devoir à le garder, neantmoins, craignant la cholere de son père , j'ai entendu qu'il demeura longtemps sans s'oser présenter devant luy. Soudain après, M. de Vandosme estant adverty que les ennemis avoient cuidé tenter la fortune de passer la rivière pour venir donner bataille sur l'heure qu'il parlementoit avec ceux de Hedin , à l'adveu du Roy les voulut relever de ceste peine, et luy-mesme les alla chercher avec ses forces , en intention de les combattre s'ils eus-