OIS DE UABL'TIN

sent voulu attendre; mais, ne se sentans assez forts, se retirèrent devers les villes fortes et plus avant en leur pays, luy quittans et abandonnaus les passages , pour exécuter son bon plaisir et moyen de se venger des cruautez qu'ils avoient commises en ses terres.

Au temps que ces affaires se demenoient par de-là, M. de Nevers, comme j'ay devant discouru, ayant fait du costé de Sainct-Michel plusieurs et diverses courses au grand dommage des ennemis , à l'augmentation de sa gloire et louange, en partit par un advertissement qu'il eut comme du costé d'Espinaux , par le comté de Vaudemont, descendoient ordinairement de la Franche -Comté grandes quantitez de vivres et provisions conduites au camp de l'Empereur. Pour ce , avec ce peu de gendarmerie que pouvoit avoir, qu' estoit environ deux cens hommes d'armes , cent ou deux cens chevaux légers , et autant d'harquebusiers à cheval , se retira devers Vaucouleurs , petite villette françoise assez renommée, sur la rivière de Meuse, prochaine de Thoul de cinq lieues, enclavée dedans plusieurs terres de Lorraine ; de laquelle un jour ou deux ensuyvans partit pour aller audit Thoul, faisant y approcher ses forces, quil feit loger en un fort beau et grand village nommé Blaineau, terre du temporel, et justice du chapitre de Sainct-Estienne de Thoul, et en d'autres petits à l'entour. Tost après leur venue, fut fait un rooUe des hommes d'armes et archiers les plus disposts et mieux montez, au nombre de cent ou six-vingts, à la conduite du sieur de Mouy, pour aller rompre et percer la chaussée d'un fort grand estang , en la comté de Vaudemont, afin de noyer et perdre plusieurs villages qui estoient au dessoubs, où se retiroient plusieurs vivandiers, et ou les fourrageurs des ennemis y trouvoient encore grandes quantitez de bleds et fourrages. Laquelle toutefois fut trouvée desjà rompue et percée, aux grands interests du comté. Nos gens ayans agrandy le pertuis, et s'en retournans , rencontrèrent une grande lile et suite de chariots et charettes chai-gées de toutes sortes de vivres et munitions addressées au camp impérial, desquelles du tout ayans fait grand degast. et défoncé grand nombre de vins d'Arbois, et mis à perdition le surplus, ayant tué une partie des guides et chartiers, amenèrent ce que peurent des chevaux, et se retirèrent avec grand danger; car estoient contraincts de passer en plein jour dedans plusieurs villages où estoient logées aucunes compagnies des ennemis, tant de pied que de cheval. Ce que toutefois par bonne fortune advint sans perte d'un pour n'estre eogueuz , estans habillez eu marchans sans croix

COMMENTAIHES DE FRANÇOIS DE RABUTIi\

n'escharpes blanches apparentes , et leurs harnois couverts de manteaux, estimez ainsi avantcoureurs servans pour les attirer en embuscade, où craignans les ennemis que leur plus grande trouppe fust couverte et cachée; pourquoy M. de Nevers, fort content de leur devoir, peu après se retira à Vaucouleurs.

Or, pour reprendre ce que faisoit l'Empereur devant Metz , c'estoit peu à son ad vanta ge et proufit, n'ayant sceu, avec toute la fouldre et impétuosité estrange de son artillerie , faire un seul pertuis ne passage pour donner l'assault que luy avoit demandé ce marchis Albert , pensant davantage s'advancer en sa bonne grâce ; pource qu'ayant brisé presque toute ceste grosse Tour d'Enfer, tout le grand pan de mur entre ladite tour et la porte Champenoise, et ce boulevert qui la couvroit, ne peut raser l'avant-mur, autrement dit fausse braye , laquelle soustenoit les quartiers de la muraille qui tomboient et estoient arrestez les uns sur les autres entre cest avautmur et le pied de ladite muraille ; et, par ce moyen [comme ils desiroieut], n'emplissoient le fossé, mais servoient à ceux de dedans de plus fort rempart ; parquoy fut advisé par son conseil de changer la batterie en un autre endroit un peu au-dessus , et de miner celle part pour renverser dedans le fossé cest avant-mur et fausse braye, dequoy M. de Guyse adverty, feit par dedans contreminer en divers lieux, esquels on pouvoit coguoistre et prévoir leurs advenues, en sorte qu'ils n'eurent loing estendu ne cave leurs mines, que les sentinelles et escoutes des assiégez les pouvoient ouyr et sentir ; ce que commença à les décourager, affadir et desgouter grandement de leur entreprise.

Deslors, tant pour les merveilleuses et grandes froidures qui les empeschoient, que pour les nécessitez et default de diverses choses, à tous leurs soldats defailloit le courage, mesmement aux Allemands ; lesquels feirent remonstrer à l'Empereur qu'il pleust à Sa Majesté de commander faire bresche raisonnable pour entrer et prendre ceste ville, aymans trop mieux tous mourir honorablement en l'assault, qu'ainsi misérablement de faim et de froid. Ceesar adonc [comme on peult le croire] fut piqué de la recognoissance de sa faute, avec un regret d'y avoir assis si mauvais commencement, prévoyant une honteuse fin et pernicieuse issue. Toutefois , pour leur croistre le cueur et encourager , les asseuia et leur promit que , si , dans la fin de l'an bien prochaine, ne venoit à chef de ceste besogne, leur donneroit congé pour se retirer. Ce que les feit temporiser et prendre patience ; et, pour faire preuve et demonstrance de ceste affection, commanda de re-

chef au duc d' Albe eu extrême diligence de faire continuer et poursuyvre ces mines commencées; ce qu'il faisoit, ainsi que nous estoit rapporté, avec si grande volonté et ardeur , que n'abandonnoit cest œuvre jour ne nuict ; mais le temps lui estoit si maling et contraire, que tout demeura imparfait. Parquoy deslors au camp des ennemJs chacun decheoit de force et courage ; les nostres en accroissoient, faisans de plus eu plus continuelles sorties et charges sur eux, diminuant journellement leur armée : car les uns se desroboient et retiroient par troupes en leur pays ; les autres en grand nombre estoient trouvez roides et transis dedans les tranchées et leurs loges; les autres pâlies, etiques, morts de faim, pource [en partie] qu'ils estoient mal payez, estant fort espuisé et vuidé le thresor de l'Empereur.

Lequel, voyant approcher le terme promis aux AUemans , ayant devant les yeux une craintive honte de s'en retourner sans avoir fait aucune bonne chose [estant là en personne], les feit pratiquer pour souder s'ils vouldroient le suivre à aller assiéger Thoul , ville impériale , laquelle on n'avoit peu parachever de fortifier pour la peste, qui fort eschauffe (1) longtemps précédemment avoit là régné. A quoi feirent response qu'ils n'avoient délibéré , et ne leur estoit commandé des princes et électeurs de passer oultre que premièrement Metz ne fust prinse et rendue; partant, s'il piaisoit à Sa Majesté leur faire ouvrir brèche, comme avoit promis, ils estoient tous prests à y mourir ou entrer : ce que ne leur pouvoit asseurer et qu'estoit hors de sa puissance. De ce temps, environ le dix-huictieme de décembre, commença à faire retirer les plus grosses et meilleures pièces de son artillerie; peu après, ayant assemblé son conseil pour conclure une honorable retraite , fut commandé au comte d'Aiguemont , colonel et chef sur deux regimens de cavallerie logée à Pont Camouson , descendre avec ses forces le long de la rivière jusques à Thoul , et le plus bas que lui seroit possible, pour descouvrir le pays et sçavoir quel nombre de gendarmerie pouvoit estre là au long avec M. de \evers; doutant peult estre qu'à sa retraite ne luy feissions plus grands empeschemens. Donc ce comte avec sa cavallerie partit de Pont Camouson, et le long de Mozelle devalla jusques à Thoul, laquelle il feit sommer en passant par les faulxbourgs, adressant son trompette au sieur d'Esciavolles, qui en estoit gouverneur ; lequel ayant entendu la semonce du trompette luy feit signal de la

(\) Intense.

COMMEWTAIRES DE FBAiVÇOlS DE RABUTIN. [1552 ]

main qu'il se retirast , combien qu'il eust juste occasion de douter sur ceste semonce , voyant la faulte de vivres, la ville prenable et battable de tous costez, mal pourvue d'artillerie et munitions, dequoy advertit M. de Nevers, qui estoit à Vaucouleurs. Le gentilhomme de sa maison qui portoit les nouvelles , nommé Tortespée , fut prins sur les chemins par quelques uns de ceste cavallerie qui s'estoient espanchez pour trouver quelque butin esgaré , comme leur advint; car , luy ayans osté cent escus qu'il avoit soubs Tesselle, ne le fouillèrent plus avant, et fut si escort ( l ) , que , se voyant à demy bandon (2), se sauva à travers les bois par l'obscurité de la nuict : ainsi parfeit son message. Et si tost que M. de Ne vers eust cest advertissement , manda toute la nuict quérir sa gendarmerie, pour à l'instant se rendre près de luy , laquelle estoit logée à une et deux lieues près; et combien que fust le temps de repos et que la plus part fussent desjà au sommeil , ce mandement l'eist tautost prendre à chascun les armes sur le doz et promptement monter à cheval. Ainsi toute la nuict passasmes à faire bon guet, comme estoit de besoing , d'autant que ce comte s'approcha de nous le plus près qu'il peut, et vint sur le bord de la rivière , en un village appelle Pagny sur Meuse, pensant bien nous surprendre; mais voyant les feux de tous costés , oyant le bruit et bannissement des chevaux , et par autres apparences cognoissant qu'estions advertis et l'attendions , se retira par les brisées par lesquelles estoit venu; et retournant contremont la rivière de Mozelle , passa au plus près d'une petite ville nommée Gondreville, assise sur le bord de ceste rivière du costé de Nancy. De l'autre part , peu auparavant estoit arrivé le baron des Guerres , qui retournoit freschement d'une course , et non adverti d'avoir ses ennemis si près de luy ; peu s'en fallut qu'il ne passast la rivière au bac , ce que s'il eust fait luy fust advenu autant comme à quelques uns de sa compagnie , lesquels , pour avoir jà traversé la rivière du costé des ennemis, furent surpris, les uns blessez , les autres prisonniers , et peu ou point de tuez. Le baron se sauva , comme je croy , dedans ceste petite villette et ne fut rigoureusement poursuivy, tant pour l'obscurité de la nuict, que pour la crainte qu'ils avoicnt d'estre chargez et suiviz. Geste nuict fut envoyé le sieur de Sainct-Simon , gentilhomme de la maison de M. de Nevers, avec vingt-cinq ou trente chevaux jusqucs à Thoul, pour entendre du sieur d'Esclavolles comme estoit advenu de tout ce

(I) Habile. (2) Garde.

succez à la vérité , à son retour. Par son rapport fut par M. de Nevers depescbé le sieur de Fouronne, gentilhomme de sa maison, pour advertir le Koy de toutes ces affaires ; lequel en briefve response luy manda et pria de chercher tous les moyens qu'il seroit possible de donner ordre que ceste ville de Thoul fust gardée, et peust tenir quinze jours seulement, dedans lequel temps ne faudroit luy mesme la venir secourir avec toute sa puissance. Monsieur , à ceste response, ne se voulut iier à autre de ceste charge; mais, la reservant à soy, le vingt-deuxiesme de décembre, le lendemain de la feste Sainct Thomas avant Noël, suivy de messieurs deBourdillon, de Bigny , maistre d'hostel de la Reyne ; d'Eschenetz, de Giry, enseigne de sa compagnie; de Mouy , guydon, de Sainct-Simon , de Plaisance, de Jars et de Blarru, gentilshommes de sa maison, avec sa compagnie , s'alla loger dedans cette ville ainsi desnuée et despourveuë.

Si tost que ce prince y fut arrivé , feit la ronde sur les murailles a l'entour de la ville , et visita un commencement de remparts et deux plates formes que le sieur d'Esclavolles avoit fait bastir et commencer au dedans ; ce que fut trouvé très-bien inventé par les ingénieurs et maistres des fortifications , qu'il avoit fait venir pour considérer et estre instruite la disposition et parachèvement de ceste fortification , entreprise et imprimée tellement en son affection, qu'il ne restoit homme près de sa personne à qui n'en donnast quelque commission, et luy mesme la pluspart du temps n'en bougeoit, interrompant les heures ordinaires de ses repas : tant estoit enclin le prince à. ceste besongne , qu'il ne resta guères de temps que ne fust eslevée une plate forme , qui portoit son nom. M. de Bordillon estoit aussi soigneux après une autre, et sembloient presque estre jaloux l'un de l'autre sur la perfection de leurs œuvres.

D'avantage feit visiter par toutes les maisons, greniers et caves , et prendre le serment de ceux qui y habitoient pour sçavoir à la vérité quels bleds, vins, foings, fourrages et tous vivres qui pouvoient estre dedans la ville, à fin d'y ordonner une police; mais l'on eu trouva bien peu, ayans esté transportez par les bourgeois et ceux qui s'estoient retirez en autres lieux pour le danger de la peste , et ce qui estoit resté dedans la ville consumé et gasté sans raison par les soldats et ceux qui estoient demeurez durant ce péril ; dont estant informé qu'en deux petites villettes, l'une nommée Foui , l'autre Gondreville , l'on en< avoit retiré grande quantité en ce temps, tant du plat pays (|ue des petites villes et terres françoises, pour la crainte des ennemis, les envoya

sommer et faire commandement de les amener et rendre dans Thoul. Devers Gondreville fut envoyé le sieur des Eschenetz , suivy de loing d'une enseigne de gens de pied, avec certain nombre de gens de cheval ; le prevost et les habitans après quelques difficultez se trouvèrent tant soudainement surpris, qu'enfin s'adviserent que mieux leur vaudroit d'obéir. Ceux de Foui furent opiniastres et fols , s'oublians à l'endroit du sieur de Mouy, qui devers eux estoit mandé avec environ cinquante chevaux , tant de la compagnie de M. de Nevers qu'autres , venant après luy une enseigne de fanterie , pour les sommer humainement d'obéir à ce grand prince , lieutenant du Roy, sans davantage l'inciter et luy donner occasion de sentir la gravité de sa cholere : toutefois , après ses honnestes remonstrauces , voyant le prevost témérairement contester , et à sa dissimulée presumption les villaius estre rebelles , feit incontinent escheller la ville ; et prise que fut d'assault, aucunement sentirent le payement de leur folle incousideration , mais non tellement qu'ils le meritoient , leur estant secourable l'humanité du sieur de Mouy, lequel feit cesser la furie des soldats francois , jà eschauffez au carnage. L'enseigne de fanterie y demeura logée jusques à ce que tous les vivres qui estoient dedans furent conduits à Thoul , sans ravir ne transporter autre chose, pour estre tousjours maintenus en leur neutralité.

Ainsi de toutes parts es environs , au commandement de Monsieur, tous vivres et munitions furent amenez dedans Thoul avec si bon ordre , que chacun vivoit un peu mieux et avec plus grande discrétion qu'auparavant. Depuis, il advisa qu'advenant le siège la ville seroit mal pourveuë de gens de pied, y estans quatre enseignes seulement, sçavoir : deux du sieur d'Esclavolles, gouverneur, celles des capitaines Mont Sainct Père et Le Fresne , dont feit venir encore les deux du capitaine Volusseau et Éloy;, y adjoustant le capitaine André de Maye-More iivec ses chevaux légers et harquebusiers à cheval italiens. Le baron des Guerresy estoit jà avec sa compagnie de chevaux légers. En cest appareil nous attendions de jour en jour le siège , oyans d'heure à autre un nombre infini de faux rapports et menteries de leur venue : dequoy tant peu nous soucions et avions crainte , que le plus souvent ne laissions à sortir et les aller veoir de près , pour estre asseurez de leur délibération. Le comte d'Aigueniont estoit tousjours à PontCamouson avec sacavallerie, lequel, comme je croy , estoit refroidi de sa colère ; car ce peu de temps qu'il y séjourna , nous estans à Thoul, ne feit aucun semblant de se mettre en pays

pour nous visiter ; aîns, peu après, en partit sans parachever un seulpoinct de ses menasses.

M. de Nevers estant adverti comme l'Empereur estoit esbranlé à se retirer, et son armée se rompre et diminuer journellement , ne laissoit guères passer jour sans envoyer gens sur pays pour les haster d'aller , et le plus souvent , au lieu de les advancer on les faisoit reculler , estans amenez prisonniers. Toutefois , on les trouvoit en si grande pitié , que, sans leur faire mal , on les laissoit passer. Eu cest estât demeurasmes jusques au dernier jour du mois de décembre, que l'Empereur, ayant eu nouvelle de la reprise du chasteau de Hedin , se voyant decheoir et diminuer de toutes choses , craignant le retour de l'armée du Roy, et tomber en plus grande honte et vitupère pour trop attendre , se retira des premiers le premier jour de l'an, laissant au duc d'Albe toute charge pour départir son armée et ordonner de la retraite. Si tost que fut sceu par le camp que César estoit party , les chemins et villages à l'entour estoient couverts et pleins de ses soldats , qui se retiroient les uns en leur quartier, les autres où ils pouvoient, en si grande indigence et misère, que je ne fais point de doute que les bestes mesmes , voire les plus cruelles , n'eussent eu quelque pitié de ces misérables soldats, tombans, chancellans par les chemins par extrême nécessité , et le plus souvent mourans près des hayes et au pied des buissons, pour estre proye aux chiens et oyseaux: ce qu'à plus grande raison doit esmouvoir les cueurs des personnes que fortune a rendu tant heureuses en ce monde , que jamais ne sentirent ny essayèrent les duretez de la guerre ; et quand ils eu parlent le ventre plein et le verre au poing, parmy leurs plaisirs et délicatesses, leur semble que soyent nopces ou voluptez exercer cest estât, qui ne consiste , parmy mille et mille périls , qu'au danger de l'ame et du corps, s'il n'est justement et prudemment exécuté.

Pour ne perdre de temps , et par advertissement que M. de Nevers a voit receu sur le chemin de la Franche-Comté, envoya le sieur de Moye et le capitaine André de Maye-More, avec environ cinq cens chevaux , tant de gendarmerie que d'harquebusiers à cheval , pour chausser les espérons à messieurs les Comtois, se retirans par ces climats : et peu s'en fallut que le fils du sieur de Granvelie, le baron de Corlaou, le sieur de Dissay et le comte de Pondevaux , avec autres gentilshommes de leurs limites, ny laissassentdu poil ; qui , se doutans de ceste venue , faisoient petites poses où ils passoient et longues traictes. Lesnostres, ayans failly ceste première entreprise, d'une traicte s'allèrent au poinctdujour

embusquer pns dune petite ville appelléeRambevillers (i) , dedans laquelle estoit un commissaire des vivres qui venoit de la Franche- Comté pour l'Empereur, et le maistre de la monnoye de Bezanson , avec deux autres marchands qui conduisoient grande quantité de tous vivres et provisions. Ces commissaires et marchands estoient au paravantchevallez (2) et conduits à l'œil par un Lorrain qui servoit d'espion, par lequel M. de INevers estoit seurement adverty de ce qu'estoit à exécuter pour les surprendre et saisir prisonniers. Parquoy , embusquez que furent assez près de ceste ville, le sieur André envoya certain nombre de ses soldats italiens, qui dévoient ad vertir l'embusquade par un signal , s'ils entroient , et dévoient gaigner la porte et en dejetter les gardes. Adonc eux faignans de venir du camp impérial , et d'endurer grand froid et faim, se complaiguirent tant, qu'ils furent mis dedans pour trouver des vivres. Tost après quelques autresy arrivèrent^ lesquels feirent comme les premiers, et se trouvèrent leans assez forts pour repoulser les gardes des portes, qui n'estoieut que gros paysans lorrains , armez de vieilles hoguines, de basions rouillez ou bruslez au bout. Le capitaine André, parlant fort bon espagnol, y arriva aussi peu après, demandant à entrer , ce que luy refusèrent à l'instant. Ses soldats , qui jà estoient advertis du signal qu'il leur avoit donné, quant et quant chargèrent sur les portiers à demy endormis, et les autres y vres ; desquels les uns furent massacrez , les autres contraints à leur faire place et abandonner les portes , desquelles fut faicte peu après pleine ouverture ; dont l'embuscade advertie , à bride abbatue donna dedans ceste ville. Je laisse à penser quel mesnage y fut fait. M. le commissaire y fut trouvé caché dedans la paille d'un Met, qui, avec ces marchands, fut amené prisonnier à Thoul , les vivres et provisions dissipées, renversées , gastées , et le plus que l'on peut mises à perdition. Autant en feirent à Espinaux, Chastel sur Mozelle et Remiremont, où fut fait de grandes violences à l'abbesse et aux dames, et mesmement parées Italiens nouvellement veuuz du camp de l'Empereur au service du Roy.

Devers Metz M. de Nevers avoit envoyé le sieur de Chastelluz, lieutenant de la compagnie de M. de iîordillon , avec pareil nombre de cavallerie, pourrecognoistre et rapporter le certain de ceste relraicte; lequel, passant par le Pont Camousou, trouva que le comte d'Aiguemont avec son régiment de cavallerie en estoit party; ou n'estoit demeuré qu'un grand nombre de mi-

{\) KaiTiborvillif^rs. (2) Kpirs.

sérables malades. De ce lieu passa jusques à Metz , où il trouva que le duc d'Albe et Brabanson avec la plus grande partie de l'armée impériale, estoient deslogez eu un desordre estrange, et, presque oze-je franchement dire, chassez de punition divine, partans de nuict avec deux feux seulement pour signal , le plus secrettement qu'ils pouvoient, sans bruit de trompettes ou tabourins, laissant les tentes dressées et grande quantité de toutes sortes de barnois et armes , de caques pleines de pouldre à canon , un nombre infini de meubles et ustensilles , ayans caché soubz la terre une partie de leur artillerie , demeurant pour ostages une multitude incroyable de pauvres malades , envers lesquels M. de Guise , les princes qui estoient dedans Metz, et généralement les autres, jusques aux simples soldats françois , usèrent de charité tres-humaine , leur administrant toutes nécessitez et tels soulagemens que pauvres malades estrangers ont besoing, non avec telle rigueur et austérité que peult estre ils eussent traicté les subjects du Roy, quand fussent tom bez entre leurs mains à leur mercy. Sur la queue donna M. le vidasme de Chartres , ayant desfait une compagnie de leurs chevaux-legers , et fait brusler un grand nombre de leurs pouldres qu'il avoit destroussé à leur veuë, et retourna avec plus de prisonniers qu'il ne vouloit , sans perte ne dommage des siens.

Le marchis Albert estoit demeuré le dernier à partir, pour servir d'escorte et arriere-garde, et pense que depuis ne fust sans s'en repentir; car si-tost que M. de Guise sceut qu'il gardoit la queue du loup, chercha tous les moyens pour le festoyer , luy donnant tant d'allarmessans cesse, qu'à peine pouvoit avoir heure de repos. Oultre ce , advertit et pria i\L de JNevers de le secourir avec toutes ses forces , pour le desloger. Soudain qu'il eut ces nouvelles en feit part à ÏNL le marescbal de Sainct-André estant à Verdun , pour s'assembler et joindre à ceste entreprinse. Parquoy le troisième jour de janvier il partit de ïhoul avec toute sa gendarmerie et cavallerie et trois enseignes de fanterie , accompagnié de M. de Bordillon et de plusieurs gentilshommes et capitaines. Ce matin mesme alla disner à Pont Camousou , ou le reste de ce jour attendit nouvelles de M. le mareschal , lequel estoit jà party, et avoit prins un autre chemin plus bas, ayant aussi envoyé le siem- de Mouy devers M. de Guise, le priant de l'ad vertir de sa resolution sur cest affaire , duquel attendoit response. Estant de retour le sieur de Chastelluz, et par luy acertené de tout , mesmement que ce marchis cherchoit tous moyens pour se sauver et retirer,

COMMEIN'TAÎEES DE FRANÇOIS DE KABTITTN. |1552]

le cinquième de ce mois partit avec M. de Bordillon , suivy d'aucuns gentilshommes de sa maison et compagnie , au nombre de deux cens chevaux, pour aller à Metz , où, avec sa troupe, fut bien venu et caressé , tant de ce magnanime et victorieux prince de Guise , que de tous les autres grands seigneurs, gentilshommes et bons compagnons qui estoient demeurez après ce siège. Lesquels nous monstrerentà Tccil et au doigt les grandes ruines et abatiz détours et murailles, faites par l'artillerie de l'Empereur, les mines commencées et interrompues, les contremines par dedans , leurs remparts et tranchées basties et complettes avec si grande diligence . que les espaules leur douloient , et les avoient encore enflées de tant y avoir jour et nuict porté la hotte; les appareils estranges qu'ils avoient apprestez pour recevoir les ennemis à l'assault, commepotz, lancesàfeu, cercles, tortiz , chaussetrappes , grenades et toutes sortes de feux artificiels, desquels estoitun des premiers autheurs M. de Sainct-Remy, gentilhomme vertueux, et en ces choses et autres de gentil et subtil esprit. Le reste de ce jour ces princes eurent le plaisir à veoir les braves sorties et escarmouches de leurs soldats sur ce marchis et ses Allemans ; lesquels on alloit chercher en leur fort, et donner coups de picques et harquebuzades , jusques dedans leurs loges , pour les attirer au combat en la plaine; ce que ne vouloient faire qu'à contrainte, se tenans serrez et uniz, sans se rompre ni escarter. En cest estât et continuelle peine estoient contraints demeurer dès le matin jusques au soir , ne s'osaus espancher ne eslargir pour chercher vivres ; car si-tost qu'estoient trouvez en petit nombre tout soudain par les marangets et fouillards, villains du pays, estoient esgousillez et desfaicts. Dequoy davantage ennuyés se dévoient plustost lever, comme les nostres desiroient , attendu que l'on ne les pouvoit forcer qu'avec perte. M. de Guise feit mettre en une petite isle au dessoubs du pont des Mores , quatre moyennes coulevrines , lesquelles tiroient à voilée jusques dedans eux. Tant leur fut fait d'ennuis, que deux jours après ce marchis, ayant perdu la meilleure part de ses hommes , en plus petit nombre qu'il n'estoit venu partit de là, prenant son chemin vers Trêves. Il fut quelque peu suivy , et avoit on bon marché de ses gens , estans assez combattuz de froid, faim et toute misère ; mais les François , esmeuz de grand'pitié, n'en tenoient compte ; ains au lieu de les tourmenter, ils leur ouvroient le passage et laissoient aller les membres quittes, ne souhaitans que tenir le chef seulement, pour payer l'escot de tous.

Ainsi à sa confusion et honte deslogea l'Empereur de devant Metz, sans avoir fait un seul poinct des rigoureuses menasses qu'il avoit mandé au Roy , estant une si grande et merveilleuse armée qu'il y amena, desfaite et ruinée, non totalement par fer et faim , mais plustost par ire divine ; par laquelle il peut entendre et cognoistre qu'en la force des hommes , ou es grandes armées, ne consiste la victoire; laquelle fauit requérir et attendre avec juste querelle du seul régnant éternellement, tout bon et tout puissant. Quant au reste , il demeura si à sec et espuisé d'argent , que au partir du logis il de voit presque toute la solde de ses misérables soldats. Voylà où il employa les promesses et juremens faicts aux électeurs du Sainct-Empire, et en quoy furent exposées tant de grandes provisions qu'il tira d'eux , estant, à brief dire, destitué de tous moyens pour entreprendre de long temps après chose de conséquence et de valeur. M. de Guise, par le sieur de Randan , manda au Roy toutes ces nouvelles ; lequel , ayant rendu très-dignes et très-devotes grâces au roy des roys , qui luy avoit concédé une si triomphante victoire , incontinent manda par tout son royaume que en cantiques et hymnes on chantast à Dieu omnipotent les louanges de sa haultesse , grandeur , puissance admirable et ineffable bonté ; le suppliant de nous tenir en sa garde, défense et tuition , ainsi qu'il faisoit les enfans d'Israël , gardans ses commandemens.

M. de Guise feit le semblable à Metz avec une triomphante et générale procession, où il se trouva en toute humilité et dévotion , comme aussi feirent tous les princes, messieurs d'Anguian , de Condé , Montpensier , de La Roche- Surion , de Nemours , et les sieurs Horace Farneze , Pierre Strossy , le vidasme de Chartres , les sieurs de Montmorancy , de Banville , de Gonnort , gouverneur de Metz ; de La Broce , lieutenant de la compagnie de M. ie duc de Lorraine , et de La-Roche-Foucault ; les vicomtes de Thuraine et de Martigues; les sieurs de Lanques, Antragues de Biron et Sainct-Remy, et généralement tous les gentilshommes, capitaines et vaillans soldats qui estoient demeurez après ce siège ; lesquels tous le seigneur Dieu veuille conserver en santé et prospérité.

Puis ayant ordonné la garnison laquelle demeureroit dedans Metz , et disposé de toutes affaires , après les monstres faictes, tant de la gendarmerie que fanterie , on nous donna congé pour nous aller reposer et rafraischir en noz maisons, et luy s'en alla à la Cour trouver le Roy. Le semblable feirent M. de Nevers et les princes que j'ay cy-dessus nommés.

LIVRR CINQUIESME.

De la prise de Teroiieniie et llediii par l'armée de rFmpcreiir , puis de ce (jue s'est fait au pays de Artois et (kiiiil)iesis, par telle du lloy , eu Tau 1553.

[ 1 503] Nous avions desjà passé une partie du mois de jam ier avant que ces princes chrestiens, fort esmeuz l'un contre l'autre, eussent retire leurs puissantes années pour donner repos à leurs soldats, mesmement l'Empereur, lequel avec une très-grande perte avoit en ce temps k'\e son sie.^e devant la grande cité de Metz , tenant le chemin a\ec ceste infortune devers le llhiu ; le reste de ses misérables soldats se retirans comme le moyen se presentoit, la pluspart mendians avec une incredible pitié , entre autres les Allemans , lest}uels pour leur butin tant espéré et promis reportoient en leurs maisons nécessité , maladie et tout malheur ; ayant esté cesie nation sur toute autre la plus odieuse aux François, pour la haine qu'ils portoieut à ce marchis Albert , lequel après recogueut sa grande faute , et ressentit sa prochaine ruine , se voyant abandonné par celuy qui luy avoit par tant de sermens asseuré toute faveur et amitié , et restitution de tous ses biens , le relevant par promesses en plus grands honneurs qu'il n'avoit onqiies esté par cy-devant. Parquoy se cognoissant au but et presque à la fin de son espérance, comme homme de toute espèce de furie tourmenté , adjouslant malheur à mallieur, proposa commettre toutes sortes de tyrannies , et tous genres de crimes et ravissemeuts , de beaucoup plus estrauges que les premiers, principalement sur le propre et domaine des evesques ses voisins, ses alliez, et d'un pays. La principale cause qui l'induit le plus à tant se oublier fut qu'au rompement de son camp l'Empereur le laissa le dernier, sans luy laisser argent, ne luy donner contentement ou asseurance de mieux le récompenser, selon sa première promesse , et que, pis estoit , sans luy faire distribuer un seul denier pour la paye de ses soldats. Pour ce , craignant d'estre massacré et tué par ces mesmes soldats , pour les appaiser et maintenir, les mettoit en quelque petite ville , bourgade ou chasteau,elleur en bailloit le sac pour les contenter, leur avallaut la bride sur le col d'exécuter

cruautcz non jamais ouyës. En ceste meschante façon de vivre fortune l'affrianda pour quelque tonps, mais d'autre costé lui brassoit plus grande confusion ; car les evesques et seigneurs ecclésiastiques , ausquels avoit esté tant pernicieux , avec leurs voisins , et ceux que tant avoit grevez et endommagez , assemblèrent une armée où aucuns d'eux se trouvèrent en personne, et le duc Maurice, qui, peu aupara\ant, estoit retourné de son voyage contre le Turc pour le roy des Romains, enserablement le suy virent, et serrèrent de si près, que , luy ayans donné la bataille en cest an , le neufvieme de juillet devers Coulogne . près d'un petit village appelle Siferhausen , le desfeirent et ruinèrent, estans demeurez morts de ses gens de quatre à cinq mille hommes, et luy pour un long temps tenu pour mort, avec petite perte tant des leurs, mesmement des hommes de réputation, que du duc Maurice , lequel , pour y avoir esté fort blessé , mourut peu après. Voilii l'issue qui souvent advient aux hommes violateurs des loix divines et humaines.

L'Empereur devallant le long du Rhin et des basses Allemagnes, se plaignant grandement d'eux , et remettant la faute en partie sur leur négligence , ne luy ayans envoyé secours si tost que luy avoient promis . laissoit entre les haults Allemans une guerre civile, et sédition si grande, que le père en devint ennemy du fils , et le lils du père , le frère prenant les armes contre son propre frère : chose très-piteuse et cruelle. Toutefois il envoya , peu de temps ensuyvant, ses ambassadeurs avec lettres de toute douceur et confort, pour les reconcilier, s'excusant de la faute sur la contrariété du temps , avec mille autres honnestes excuses faisans couverture à les conserver en leur première volonté encliuée à sa faveur ; laquelle estoit esvanouye et perdue en eux , pour se sentir avoir esté par tant de fois séduits de tels et semblables attraicts. Et ce que en restoit encore en aucuns le Roy effaça entièrement par la harengue et remonstrance

COMMENTAIRES DE FRANÇOIS DE RABUTIN. [l553j

que ses "ambassadeurs leur proposèrent. Dequoy l'Empereur ad verty en conceut tel despit en son esprit, qu'il en fut presque Jusques à payer le tribut naturel , dont fut si grand bruit par tout, que chacun le tenoit pour estre mort et consumé en terre, quand il nous recommença la guerre plus aspreque jamais. Et pource que la publique opinion est par la France, quand on le dit ainsi mort, que c'est adonc qu'il songe et conspire grandes inventions contre ses ennemis, ce qu'il attenta peu après m'en fait avoir quelque doute; car à la primevère et sur le nouveau temps , pour donner fondement à sa délibération, mesmement que l'argent est le nerf de la guerre , dont estoit fort desgarny, feit dresser imposts, tailles, subsides, et toutes sortes d'exactions sur ses pays etsubjects, voire , selon qu'a esté rapporté pour vérité , jusques à exiger et prendre tribut du servant et delà servante, des plus pauvres et raendians. Puis, se sentant un peu remis et renforcé de deniers, solicita ses amis et confederez de luy lever gens et soldats. De la part des hauts Allemans, peu en vint à son service, pour le grand mescontentement et la raison susdite ; des bas Allemans, comme des Clevois, Gueldrois, et Walons, en recouvra assez grand nombre. Des Espagnols naturels on peut croire que ne s'est trouvé luy en estre venuz de nouveaux , que le reste du siège de Metz , certainement les meilleurs soldats et les mieux experimentezqu'il a en son armée ; car les Espagnes estoient tant chargées d'ennemis et diverses alarmes , faites continuellement par les Argives (1) et Barbares, que malaisément, et sans leur grand dommage, ne pouvoient desfournir leur pays. Des Italies, on ne trouvera que soit venu grand nombre d'Italiens en sou camp , pour le mauvais traitement qu'ils avoient eu devant Metz. Davantage, depuis que la seigneurie de Senes (2) s'estoit soubmise en la protection du Roy, le prince de Salerne et le duc de Somme , tenans son party en ces pays par de là, avoient retiré devers eux, avec bonne solde et paye asseurée , les meilleurs soldats qu'ils cognoissoient et scavoient estre de leur nation, et de ceux raesmes de l'Empereur; lesquels acceptoient ce party, tant pour l'amitié de leurs parents , voisins et amis , qui les y semondoient et solicitoient, que pour estre la guerre sur leurs lieux, ayans moyen de mieux y faire leur proufit. On peult aisément conjecturer que le Roy de toutes ces praticques et menées estoit , tant par ses secrets amis que par espions , asseurémentadverty. et que de son costé faisoit

(I) Algériens.

{2) Sienne.

M. T. vu.

toutes les diligences que l'on sçait estre en la puissance d'un grand roy, et n'estoit rien espargné pour le prévenir, et divertir les uns et gagner les autres. Estant la chose assez commune et publique, par tous les moyens que luy estoit possible , il faisoit amasser et assembler deniers pour tendre à ses fins ; mais aussi on ne peut nier que ce n'ayt esté avec une si grande humanité d'un roy demandeur, trouvant son peuple plus libéral et prompt à luy donner et départir de ses biens pour sa tuition, qu'il n'estoit volontaire à leur demander. Tel et si grand heur a donné Dieu aux roys de France, d'avoir en obéissance le meilleur et le plus fidèle peuple qui soit au monde , car si , en la nécessité, après l'exposition de tous biens, leur prince se presentoit, requérant pour son salut de leur propre sang, il n'est rien plus certain que de leurs mains se saigneroient pour luy en départir. De ce que j'en dis et ay dit, j'appelle Dieu et les hommes àtesmoings si c'est pour plus noter l'ancien ennemy de France, que pour exalter et louer nostre francoise nation , et défendre la querelle de nostre Roy, jacoit que mon naturel y soit avec raison plus enclin ; ce que j'abbregeray pour suyvre mon premier propos. Comme en France , le reste de cest hyver, on ne parloit de la guerre en sorte que ce fust , sinon par murmures et conjectures, et n'en estoit rien sceu par ceux quialloient et venoient au commandement de ces deux princes . estant remis le délibéré et conclusion de cest affaire au sein et secrette mémoire du conseil privé. A la Court, le plus souvent, on ne faisoit mention que de festins et triomphes, de toutes sortes de jeux et passetemps ; mesmement en ces jours furent célébrées à Paris les festes et nopces du seigneur Orace Farnaize, duc de Castres, et de madamoyselle Diane, fille naturelle du roy Très-Chrestien, avec une sumptueuse magnificence.

Mais ne tarda gueresque l'Empereur ne feist troubler ces temps de bonnes chères , nonobstant que toutes ses affaires n'eussent si entier effect qu'il espéroit; car, environ la fin du printemps, sur le commencement d'esté, avec ce qu'il avoit peu assembler d'hommes, et à la conduite premièrement du seigneur du Reux , envoya assiéger Teroenne , qui toutefois ne demeura guères en cest estât , estant prévenu de mort ; et depuis fut ceste charge donnée au seigneur de Binecourt, chevalier entre eux estimé un peu plus doux et gracieux. Ceste cité, combien qu'elle fust petite de circuit , avoit un renom immortel par tout le monde, comme on peut venir es commentaires de Jules César. Elle estoit située sur la petite rivière du Liz , es confins de la Gaule

COMMENTAIRES DE FRANÇOIS HE RABUTIN. [l553]

Belgique, gens belliqueux comme Tasseurent les historiographes , nommée par les latins Morini : maintenant on l'appelle le comté de Pontieu , assez prochaine de la grande mer Oceane , en assiette quelque peu pendante environnée de paluz et lieux marescageux, de bois et grandes forests; au reste, curieusement fortifiée par les rois de France , ausquels, depuis un long temps est escheuë [selon qu'on peut cognoistre parles chroniques] , pour leur servir de boulevert et frontière, tant contre les Anglois que les Flamens et Hennuyers . entre lesquelles elle est enclavée, leur ayant fait maintes destrousses et empesché diverses entreprises qu'ils pouvoient dresser sur la Picardie. Parquoy desjà une fois futrazée (1), rez pied rez terre, par les Anglois, et y fut semé du sel en signe de perdurable extermination, et de rechef maintenant ruinée et destruicte par les Bourguignons, Flamens et Hennuyers , leur estant fort odieuse \ lesquels ont imporlunément induit l'Empereur à ceste entreprise.

Or , pour cstre estimée imprenable , et que , tant par advertissemeus que par bonnes considérations , on présumoit que l'ennemy ne convertiroit ses forces en cest endroit, mais plustost qu'il s'adresseroit en Champagne devers Mesieres et Yvoy, on ne l'avoit si soigneusement pourveuë de vivres et toutes munitions, comme estoit requis à soustenir un long siège. Dequoy advertis les voisins ennemis , feirent si bonne diligence et si prompte , qu'elle fut assiégée à l'improviste, estant seul là-dedans principal chef le seigneur de Losses, avec ses chevaux légers et quelques gens du pays , non en grand nombre ne de grande défense ; et pour en parler sans dissimulation , selon la naturelle négligence de nous autres François , ou par l'avarice des precedens gouverneurs estoit ceste clef demeurée devestuë et dénuée de toutes provisions. Pourtant fallut faire de nécessité vertu, et, où prudence n'avoit eu lieu fut besoing que force secondast : tellement qu'à la barbe des ennemis, et malgré eux, estant, comme on lesjugcoit, lapins grande part non usitez à l'art militaire, on la renforcea d'hommes, de vivresetde tout ceque l'on peust ; estant envoyé là dedans lieutenant pour le Boy, M. d'Hessé, chevalier de l'ordre, très-sage et très-vertueux, comme aussi fut le seigneur de Montmorency, fils aisné de M. le connestable , avec la pluspart de leurs compagnies, suyvis d'un grand nombre d'autres seigneurs, gentilshommes et vaillans soldats; lesquels y entrèrent, les uns pour acquérir honneur, et les autres suyvons leiirs capitaines pour la de-

(U Km 15I.-Î.

fendre et garder. Je laisse à penser combien ceste brave entreprinse et exécution rapportée à l'Empereur, rengregea son despit, et rendit de plus en plus opiniastre à la faire battre et assaillir. Le Boy , au contraire , sçarhant ainsi sa ville renforcée de braves hommes, de vivres et de toutes munitions , receut en son esprit telle asseurance et contentement , que , sans de plus loing considérer les ruses et inventions estranges de l'ennemy , sans plus diligens préparatifs ne amas d'armée, pour soustenir une poignée d'hommes, encore qu'ils fussent les plus braves et hardis du monde, subjects toutefois à estre, par le temps et continuel labeur, affoiblis et rompus, se promit qu'estoit impossible de la pouvoir forcer sans permission divine. Ainsi fut donné le loisir aux Impériaux de faire tous leurs efforts, et user librement de ce qu'ils pouvoient imaginer propre à enfoncer et démolir une forteresse : vous asseurant que ne perdirent vainement ceste occasion ; car encore que ceux de dedans, et que M. de Vandosme, avec gendarmerie des garnisons à l'environ, leur donnast les empeschemens et alarmes que luy estoit possible , p'our leur nombre de beaucoup plus gros et fort que le nostre, ou ne peust empescher que ne feissent leurs approches ou bon leur sembla. Si assiégèrent leurs batteries en tous les lieux où leur pleut , et cogneurent qu'ils pouvoient endommager la ville et ceux de dedans, voire jusques à approcher et mettre les bouches de leur artillerie au plus près et sur le bord du fossé , entre le chasteau et la tour du Chapitre, et sur une petite montagne où estoit la Justice, qui en est assez prochaine, ayans amené, je crois, de toutes les villes et chasteaux de Flandres et Artois, toute sorte d'artillerie, avec munitions innumerables de pouidres et boulets. Tant ceste gent scmbloit estre aise de la veoir ainsi environnée , que les femmes et petits enfans , non seulement y accouroient, ains de joye en chantoient chansons et rythmes, amenans et apportans en leur camp tous grains , breuvages , bestails et autres vivres a monceaux , qui demonstroient leur armée plus grande en nombre que prouveuë de bons soldats.

Leur batterie commença environ la fui du mois de juing , la plus estrange et furieuse qui ayt esté faite, selon le rapport de ceux qui l'ont ouye, depuis cent ans en çà, tellement que, à ouir le tonnerre qu'elle rendoit, on eust plustost jugé estre montagnes qui tomboient les unes sur les autres, et toutes sortes de fouldres y estre meslées, qu'inventions humaines; mais jacoitque les boulets tombassent aussi espessement dedans la ville, que grosse gresle descend du ciel, et que

COMMENTAIRES DE FBANÇOTS DE KABUTIN. [1553J

n'y eust sur le rempart , par les rues et dedans les maisons , lieu seur et sans danger , toutefois ces vaillans et hardis capitaines et braves soldats en avoient peu de frayeur; car, faisans continuelles sorties et recharges sur les ennemis au milieu de ces esclairs et fumées, les rechassoient et rembarroient à monceaux dedans leurs forts et tranchées , à la similitude qu'un loup affamé sortant d'un bois fait fuir et serrer ensemble les troupeaux de moutons espars ; et quelquefois les contraignoiesit abandonner leurs tranchées, et avoient le loisir d'enclouer de levu"s pièces et mettre le feu en leurs pouldres; mais bien plus, en leur despit entraînèrent jusques dans la ville une de leurs coulevrines, et depuis en tirèrent divers coups sur eux, combien que le grand nombre d'arlil'erie et munitions qu'on amenoit de tous costez ordinairement en leur camp, réparoit en peu d'heure le desordre et default que les nostres avec grand labeur et danger y avoient mis; estant, comme j'ay retenu d'un sage et expérimenté en cest art , phis grande perte à l'assiégé d'un homme seul qu'à l'assiégeant de dix. La tempeste et fouldroyante batterie des ennemis renforçoit de jour en jour , et ne demeuroit dedans la ville tour ne tourelle , jusques à une girouette , qu'ils ne portassent par terre ; il n'y avoit de défense dedans ne dehors qu'ils ne rasassent : bref, à la veoir ainsi battre et démolir, on eust bien creu qu'ils avoient délibéré de l'abysmer et anéantir, comme ont depuis fait. Ceux de dedans, sans aucun respect de leurs vies, au mesme lieu qu'ils veoient que le boulet donnoit de moment en moment portoient sur leur doz la terre, la fassine, le gazon et le fumier ; ce qu'affoiblissoit de beaucoup noz soldats pour la continuelle fatigue qu'ils avoient le jour de remparer , et la nuict au guet, à la sentinelle, et soustenir diverses alarmes avec peu de repos, faisans à la nécessité l'office et faction de soldat et du vastadour, pour le mauvais ordre que ceux qui en avoient la charge avoient mis à munir la ville d'artizans et vastadours , encore moins d'outils nécessaires à tel besoing, comme de pioches, picqs, pâlies, rancoins, serpes, coignées et telles sortes de ferrailles dont ils avoient si grande disette là- dedans, que les pauvres soldats estoient aucuuefois contraincts de piocher la terre avec pâlies à feu , et , en manière de parler , la gratter avec les ongles ; pour lesquelles , ou semblables nécessitez, plusieurs villes de France ont esté emportées par les ennemis, encore qu'elles feussent prouveuës des meilleurs hommes du monde, et n'est à moy d'en accuser personne sinon ayant la liberté et la langue d'en parler après les autres. Pour auquel besoing subvenir

et donner aucun resjouissement an travail des assiégez, on feit entrer dedans le capitaine Grille, avec cent harquebusiers à cheval ; ce qu'il entreprint et exécuta tant bravement, et avec telle conduitte, qu'ayant forcé leurs guets à petite perte de ses vaillans soldats, il se guinda dedans , ce qu'accreut grandement leur courage. Ce mesme jour , ensemble feirent une sortie sur eux assez heureusement, et feirent leur retraitte comme gens de guerre, et sans avoir du pire.

Ceste gent se monstroit tant ennemie de ceste misérable ville, qu'elle n'oublioit rien pour faire apparoistre son extrême désir de la veoir à totalle destruction. Et combien que jour et nuict on ne cessast de la tourmenter par toutes les sortes que l'on pouvoit imaginer , de tant plus croissoit le courage aux François à les repoulser; ce que vous peult estre admirable d'ouyr reciter et entendre la très- grande diligence qu'ils faisoient à remparer et se fortifier, qu'à moy avsé à le vous escrire et proposer; car, en moins d'une heure , ils avoient enlevé le rempart hors d'eschelie, où veoient que l'artilierie faisoit esbranler la muraille , et rendoienî plus fort en un instant ce qu'elle avoit demoly en un jour, qu'il n'estoit auparavant. Toute -fois la fouidre de leur artillerie estoit si terrible et impétueuse, tonnant sans intermission, que n'y avoit rempart, levée, ne défense , qu'elle ne dissipast et renversast sans remède; laquelle ainsi furieusement continua près de dix jours entiers. Dedans lequel temps estimans les ennemis la brèche assez grande et raisonnable, ce qu'eile estoit à la vérité, car elle avoit au moins soixante pas de longueur; estant la muraille, le rempart et toutes les défenses, tant du chasteau que de ceste grosse tour, brisées et fracassées, ne restant plus qu'une petite levée que noz gens avoient basty au dedans ; et !e parapect et haut du fossé qui estoit encore fort roide , et pour eux difficile à monter , nonobstant que , tant avec les quartiers et ruines de la muraille qu'avec fagots et clayes , ils eussent fait grand devoir d'emplir le fossé pour gravir plus facilement. Cela estant cogneu par les nostres , conclurent de les sousteuir et vertueusement renverser, et peut-on croire qu'ils ne laissèrent rien au logis qui ne fust rapporté en jeu. Après plusieurs volées d'artillerie, tant de la montagne qui donnoit droit au doz des François voulans défendre la brèche, que de celle qui tiroit en front du costé de la rivière, avec grands bruits de tabourins et trompettes , avec divers criz à leur mode , furieusement, la teste baissée, vindrent à l'assault de toutes pars , portans esehelleset toutes sortes d'engins pour monter et

forcer cette ville. Il faut estimer qu'il y fut fait un des merveilleux combats dont jamais fut mémoire, car si les ennemis estoient opiniastres et désireux d'y entrer , encore plus les François avoient grande ardeur et volonté de se défendre et les repoulser , causant une très-aspre mesiée et sanglante bataille. On n'y voyoit que feux grégeois et inextinguibles : on n'y oyoit que froissement de harnois , chapliz de toutes espèces d'armes, piteux cris des bruslez , fracassez et mourans; généralement toutes sortes d'exécutions de très-cruelle furie, laquelle dura plus de dix grosses heures . se rafraischissans les ennemis jusques à trois fois. Enfin la magnanimité et vertueuse constance des François prévalut et vainquit l'obstination des Impériaux , les repoulsans avec une grande boucherie de leurs plus braves hommes, non aussi sans une grande perte et interest pour nous . y ayant laissé la vie le tres-valeureux chevalier, le seigneur d'Hessé, de la vertu duquel , aujourd'huy et à jamais . Ijruiront les mers de Ponent , estans les trophées et enseignes de ses chevaleureux actes eslevez et assez publiez es isles d'Angleterre et Escosse , comme aussi feirent les seigneurs de Pieunes, de Beaudisné , de La Rocheposé , de Blandy , et le capitaine Ferrieres, tous vertueux hommes, et de louable estimation, et d'autres vaillans gentilshommes et soldats , aux âmes desquels Dieu vueille avoir fait miseridorde.

Le Roy, adverty du très-vertueux devoir des siens, se persuada que, selon ce victorieux commencement, la fin ensuy vroit plus heureuse, sans autrement ordonner de plus grand secours pour ceste petite ville, offensée et dessirée presque de toutes pars , sinon de faire partir de Hedin les capitaines Breul et Sainte Roman , avec environ trois cens hommes de pied , pour essayer à y entrer; ce qu'ils parfeircnt heureusement, non sans hazard de leurs personnes et soldats . ayans les ennemis de leurs tranchées et levées presque circuit environné toute la ville, estans leurs corps de guets assis dedans les fossez. Lesquels, pour ceste première bastonnade , n' estoient refroidiz et descouragez d'y retourner , pour par tous efforts tenter et se parforccr de l'emporter, combattans journellement main à main avec les François qui gardoient la brèche; et non seulement donnèrent feu à diverses mines qu'avoient creusé en plusieurs endroits [ desquelles la pluspart se trouva fausse et éventée ] , mais encore prali- ([uoient une ruze non trouvée de nostre temps [ comme on peut veoir par Vegece , ^'itruve, et d'autres anciens autheurs], qu'estoit de saper soubs le parapect et doz du fossé , difficile et fort malaisé pour monter à la brèche, estant, comme

j'ay dit, avec l'artillerie brisez et rompuz tous les fiancs et défenses, ayans fait certains taudiz, qu'on a appelle manteletz, en façon de ponts, pour seulement se couvrir des coups de main et des pierres . tant que ils approchèrent jusques au pied de la brèche, soubs lesquels ils creusoient et trainoient leur sape. Dequoy estoient les François tant esmerveillez et esbahis, qu'ils ne sçavoient qu'en juger , encore moins du remède ; les uns disans que c'estoient ponts qu'ils vouloient approcher et advancer sur la brèche , et les autres qu'ils minoient et creusoient là dessoubs; mais non asseurémen.t : car on n'eust jamais creu qu'ils eussent entrepris de creuser et saper jusques soubs les pieds de ceux qui estoient au dessus d'eux sur la brèche, mais plustost qu'ils tiroient soubs le chasteau ou soubs ceste grosse tour de Chapitre, ce qu'estoit bien au contraire: car ils sapoient soubs le parapect le longdemesme la brèche , soubstenans lefaiz avec appuis et pilotis : de la terre qu'ils en mettoient hors estoit rempli le fossé. Estant ccst œuvre achevé , et y ayant donné feu , advint qu'une partie de ce parapect s'enleva hault , et se renversa en dedans le fossé; et le reste fondit en un morceau , engloutissant plusieurs soldats francois, rendant l'ouverture de la brèche de beaucoup plus grande et tant facile qu'un homme d'armes eust monté à cheval armé de toutes pièces.

Considérant M. de ^Montmorency, et selon le conseil de tous les capitaines qui estoient restez là dedans avec luy, qu'il n'y avoit plus ordre de défendre la ville et faire quelque résistance, advisa au moins de sauver les personnes , et demanda capitulation ; laquelle luy fut en premier concédée ; mais ainsi qu'on estoit après pour en parlementer, les Aliemans et Bourguignons entrèrent dedans par divers lieux. Les vieilles enseignes espagnolles vindrent donner à la grande brèche, crians : Bonne guerre! bonne guerre! et a esté dit qu'aucuns François en tirèrent avec les picques, et leur tendoient les mains, pour s'exempter et garder d'estre tuez des Aliemans. Ainsi ne fut autrement conclud de cette composition, estant de ceste façon surprise ceste brave petite ville de Teroenne. Apres, estoit chose estrangere et incredible à ouyr raconter les estranges vacarmes et cruautez qu'y perpétrèrent les Aliemans et Bourguignons, ne parlans que de couper gorges; tellement que bien heureux s'estimoicnt les misérables François tomber prisonniers es mains de plus gracieux seigneurs , de la fureur desquels, à toute peine, se peut presque sauver M. de Montmorency, qui seul estoit demeuré là dedans lieutenant du Roy, pour lequel ! couvrir et défendre en sa présence fut outragé et

COMMËNTAIBES DE FBANÇOIS DE BABUTIN. [1553]

navré ce vaillant seigneur cVOvarty, toutefois depuis fut recogneu et amené prisonnier au seigneur de Bineoourt , lieutenant de l'Empereur. Les autres plus apparents prisonniers , comme le vicomte de Martigues , le seigneur de Dampierre, le seigneur de Losses, le seigneur de Beaudiment , de Baillet et Sainct-Romaia , les capitaines Grille, Le Breul et Saincte Boman se rendirent à divers maistres, selon que la fortune leur advenoit. Et fault entendre , pour autant que les simples soldats furent les premiers qui y entrèrent, et non les capitaines ne seigneurs d'authorité, les prisonniers qui pouvoient promptement recouvrer argent en sortoient à bon marché , comme advint du vicomte de Martigues , du seigneur de Dampierre , du seigneur de Sainct-Bomain et du capitaine Le Breul; mafe ceux qui demeurèrent tard furent recogneuz, et en grand danger d'y tremper longuement : le surplus des soldats trouvèrent les Espagnols, à la mercy desquels estoient la pluspart tombez , et receurent d'eux un honneste traitement, prenant de ceux qui avoient moyen raisonnable rançon; et des pauvres, les ayans desvalisez de leurs arraeures et meilleures bardes, les reuvoyoient en sauveté, et bien souvent euxmesmes les conduisoient. Dedans ceste petite ville fut trouvé grand nombre de bonne et grosse artillerie, mesmement deux fort belles et longues coulevrines; l'une appelée madame de Haire , pource qu'elle portoit jusques dedans le marché et la grand'place de ceste petite ville, à deux lieues de là; l'autre, dite madame de F relia, qui n'estoit gueres moindre.

L'Empereur estant à Bruxelles, promptement fut adverty de la prise de Teroenue , en quoy il priust aussi grand plaisir que si c'eust esté l' empire de Constantinople, et par tous les pays de Flandres , Artois et Henault , en célébrèrent une joye grande, et allumèrent feux de joye, qui depuis en ont esehauffé d'autres à leurs trèsgrands dommages , comme nous dirons cy-après. Puis il commanda qu'elle fust rasée et démolie jusques aux fondements , afin qu'il n'en restast que la place , où on diroit que Teroenue auroit esté. Si envoya dès-lors le prince de Piedmont , son neveu, lieutenant-général en son armée, pour esteindre une sédition et envie que portoient les princes et grands seigneurs de ses pays et autres prochains de Sa Majesté au seigneur de Binecourt , se sentans peult-estre aussi grands et puissans que luy en biens , authorité et crédit, capables avec autant ou plus pour telles conduites entreprendre, combien que le seigneur de Binecourt a une fort bonne réputation de vaillant chevalier. Mais telle est la malice et en-

vie des hommes : et ne fut onc, ne jamais sera, qu'il n'y ait envie entre pareils , encore que bien souvent elle soit dissimulée.

Le Roy eut les tristes nouvelles de ceste captivité aussi-tost que l'Empereur, ce qu'il trouva à l'instant autant estrange que chose dont on luy eust sceu faire rapport , veu que , peu auparavant , avoit receu ample contentement de ce triomphant assault que les François avoient soustenu victorieusement ; mais estant le certain averé, tristesse le saisit si aigrement que long-temps il demeura sans parler , et les regrets qu'il faisoit donnoient assez d'apparence du grand deuil qu'avoit Sa Majesté , non de sa perte , luy estant ravie sa ville et le pays à l'environ ; mais des vertueux hommes qu'il estimoit en plus grand nombre estre morts là dedans qu'il ne fut trouvé en après ; dont , encore que la perte fust assez grande, il estimoit neantmoins les personnes, comme la raison luy commandoit , plus que les biens. De laquelle , au lieu que les ennemis s'esjouyssoient , par toute la France fut démené un triste deuil : les pères plaignoient leurs fils , les frères leurs frères, les parens leurs amis, les femmes leurs maris. Et n'estoit en tous lieux autre bruit que de la prise de ïeroenne , advenue sur le commencement du mois de juillet en cest an 1.553.

Mais combien qu'entre les François la plainte fust grande , et la perte beaucoup préjudiciable, si est ce que nécessité, laquelle est appellée inventeresse et maistresse de tous arts, aiguisant les esprits des hommes à esprouver choses estranges , excita et esleva l'esprit du Roy , et de ce dueil et regret l'esmeut , mettant elle mesme l'argument au milieu des bons jugemens du conseil, pour prévenir à plus grand danger eminent. Car, estant adverti que les ennemis peu de temps après ceste ruine dressoient leur chemin , et se preparoient d'en venir faire autant à Hedin , de son costé se parforça davantage à le fortifier d'hommes, et de toutes choses bastantes pour les arrester et empescher d'exécuter plus grande entreprise , jusques au temps qu'il projettoit son armée pouvoir estre preste et assemblée, à fin de les lever de ce siège et les repoulser en leurs confins. Ainsi M. le duc de Bouillon, mareschaldeFrance, voulant de plus en plus persévérer au service du Roy, avoit longtemps auparavant entrepris la tuition et défense de ce chasteau ; à laquelle le voulurent accompagner ce gentil et de très-grande espérance le seigneur Horace Farneze , duc de Castres , et le comte de Villars , avec grand nombre d'autres seigneurs , gentilshommes et vaillans soldats ; lesquels . pour donner preuve de leur vertu, volontairement et sans

COMMENTAIBES DE FBAiX»

frayeur du précèdent péril , se presentoieut à ce service et devoir . encore que le Roy eust quelque doute et valeur de ce chasteau , et qu'il n'eust affection d'y exposer tels personnages de telle authorité ; toutefois proposans vertu et honneur à pusillanimité, postposans la vie et tous biens mondains à une immortelle renommée, s'allèrent enfermer là-dedans ce petit fort, non capable à la vérité de contenir tels liommcs, ne méritant que tant de gens de bien y laissassent la vie pour une vaine défense qui peu a apporté de proufit.

Par ce mesme moyen furent despeschez courriers et mandemensaux capitaines de la gendarmerie, de tenir prestes leurs compagnies, et, le plustost que leur seroit possible, les faire marcher et se rendre devers Amiens , où estoit M. le connestable, espérant d'y assembler le camp du Koy. Commissions furent distribuées aux capitaines de fanterie , de faire leurs levées le plus bref qu'ils pourroient, et à ceux des vieilles enseignes et compagnies entretenues, de les fournir complettes et armées, pour les conduire seurement et sans plaintesjusques en ce lieu. Furent aussi par tout le royaume criez les rierebans (1), selon leur devoir et ordonnance du Roy, pour quant et quant marcher, et se venir rendre audit lieu. Furent aussi advertis et priez messieurs les cantons des Suisses de la ligue françoise , d'envoyer secours et certain nombre de gens de pied de leur nation, les mieux armez et complets que leur seroit possible, selon la paction faite entre les roys de France et eux. Et, pour conclure en bref, le Roy feit de grands efforts, et commanda estre pourveu à toutes choses , pour mettre aux champs sa puissance , et faire belle son armée ; dont les ennemis advertis , et estans bien asseurez que si le peu de temps qu'ils pouvoient avoir, dedans lequel l'armée du Roy pouvoit estre preste, ilsu'employoient si à poinct qu'efforcer et gaignerHedin, difficilement pourroient venir à chef de ceste besongne, et se retirer sans ime bataille, ou une grande honte, à toute diligence se parforcerent de l'assiéger et battre en bref, avec une tant grande poursuite et laborieuse industrie, qu'estant la ville vuide des habitans [lesquels estoient fuyset retirez en France, avec cequ'avoient peu transporter de leursbiens], fut en bien peu de temps par eux prise , pour n'cstre fort desfendue des soldats; lesquels se retirèrent lost dansle chasteau, pour la savoir non tenable. Alors ils y assiégèrent d'un coslé l'une de leurs bateries . l'autre devers le parc , et la plus grande de toutes a l'endroit de la tour Ro-

(I) Arriercban.

:OIS DE RABUTIIS. [l553j

bin , où jà les François avoient fait la leur. Mais quelque résistance que les nostres leur eussent sceu faire, ne pouvoit estre assez puissante pour les eu divertir , estant petit ce chasteau , qui en tout pouvoit contenir deux mille hommes, encore fort à l'estroit, ayant esté autrefois basti par les ducs de Bour gongne pour le plaisir delà chasse seulement, et non pour forteresse. Ainsi ne perdoient une seule heure jour ne nuict de le battre le plus furieusement qu'à mémoire des vivans on ait entendu avoir esté place ; et non seulement travailloientà le renverser avec ces artilleries et diaboliques machines, maisle minèrent par dessoubs, si diversement et par tant d'endroits, qu'il est impossible qu'un terrier à connins et tessons (2) eust plus de soubsterrains et cavins que y en avoit soubs les fondemens de ce chastelet; estans toutes les contremines et secrets au*cledans cognuz, et pratiquez par plusieurs des ennemis , et ce lieu fort subject à ceste imperfection.

Et jà avoient les ennemis sapé et renversé la plus grande partie du parapect et rampart de la grande brèche, où estoient demeurez grand nombre de vaillans hommes, et jà donné un faux assault, quand tous ces dangers furent remonstrez à M. le duc de Bouillon , et sur tous la perte irréparable des braves hommes qui estoient dedans cette mauvaise place , et non guères forte, servant de frais exemple la prise de ïeroenne , sans comparaison plus forte que ce chasteau. Parquoy, de chacun costé furent proposez termes de composition ; ce que mesmement le prince de Piedmont accorda trop volontiers, estant asseurë que les chefs qui defendoient et avoient ceste place en garde estoient hommes de valeur , et le reste des soldats dont elle estoit garnie si certains et fidèles , qu'il les falloit premièrement tous hacher en pièces les uns après les autres , avant que de cuider y mettre le pied par force, prévoyant que le temps luy estoit trop court pour temporiser longuement devant. Ainsi estoit content de l'avoir à bon marché , pour après disposer d'autre besongne. Mais ainsi que les gentilshommes et trompettes alloient d'une part a autre pour pacifier ceste composition , et estant venue jusques à si bon effcct qu'il ne restoit plus qu'à départir les hostages de chacun costé , et à estre signée de la main du prince, advindrent deux malheurs : l'un , qu'un maudit prestre, non à son escient, comme on a sceu depuis, mais par inadvertence , ou ne scay quelle malédiction , meit le feu aux artiiices et appareils qu'on avoit affûté a la brèche pour soustenir l'assault ; l'au-

(2) Lapios et blaireaux.

COMIVIENTAIRËS DE FRANÇOIS DE RABUTIN. [lâSoJ

tre que les Bourguignons , de certaine malice , donnèrent feu aux traînées des mines, craignans d'estre frustrez de ceste proye, estans alléchez par le sac de Teroenne : tellement qu'estant une partie des soldats bruslez et consumez en ces feux , et une autre abysmée et perie en ce gouffre , le reste , qui estoit peu , estonnez comme si à l'heure fussent tombez des nues, sans oser faire résistance pour la défense qu'on leur avoit fait de ne bouger de leurs places et ne mouvoir les armes, attendant la signature et confirmation du prince, furent surpris, et se trouvèrent à la merci des ennemis plustost qu'ils ne les pensoient estre encore entrez. Le prince de Piedmont sçachant ceste adventure si heureusement escheuë pour luy, et mieux qu'il n'esperoit, ne voulut après signer ce qu'il avoit promis et accordé, oubliant tout le précèdent , pour l'aise qu'il avoit de recouvrer la place et les prisonniers à si bonne issue; et dès l'heure à beau pied monta à mont la grande brèche, et entra dedans le chasteau, pour aller trouver M. le duc de Bouillon. Si tost que M. le duc de Bouillon l'aperceut, raeu de grande cholere, sans aucune crainte de mort, luy dit : « Comment , Monsieur ! est-ce ainsi que vous tenez vostre promesse ? voulez vous pas m'envoyer les hostages selon que m'avez promis, et tenir ce qu'est accordé entre vous et moy? » Auquel le prince respoudit avec un soubris qu'il avoit parlé trop tard, et qu'il n'estoit plus besoing de donner hostages quand tous ses gens estoient dedans. Après plusieurs propos , la resolution fut qu'ils demeureroient prisonniers, à seavoir: M. de Bouillon, chef et lieutenant du Roy; le seigneur de Riou , gouverneur; le seigneur de La Lobe, enseigne de la compagnie de M. le duc de Bouillon; le comte de Villars , le seigneur de Prie, lieutenant de sa compagnie; le seigneur de Guenan , guidon ; de Vanzé , mareschal des logis; le baron de Culan , le seigneur des Maretz , lieutenant de la compagnie de gens de pied du seigneur de Riou , avec plusieurs autres ; ausquels il tint si grande rigueur, que depuis qu'ils avoient quelque apparence, en tira par escrit le nom et surnom, et les retint prisonniers.

Voilà comme est advenu de la surprise du chasteau de Hedin , selon qu'à la vérité l'ay sceu comprendre , escheuë le dix-huictiesme de juillet, jour de Sainct Arnouit, estans morts dedans, entre autres hommes de réputation, ce gentil duc Horace , prince prouveu de grandes vertus, donnant espérance de future grandeur, d un boulet d'artillerie duquel mesme, près de luy , fut abbattu mort un vaillant gentilhomme , nommé le seigneur de Maguy : aussi y furent tuez ce brave

et vaillantseigneur le vicomtedeMartigues , qui , au partir de prison à la prise de Teroenne , s'estoit remis dedans ce chasteau, et qui s' estoit tousjours trouvé en beaucoup de bons affaires ; le seigneur de Moninville, de la maison d'Amboise ; le seigneur de Cizieux , commissaire ordinaire des guerres; le capitaine Lusignan, enseigne de la compagnie de gens de pied du seigneur de Riou ; le seigneur de Dampierre , qui pareille-^' ment avoit esté prisonnier à Teroenne , et de rechef s'estoit renfermé là-dedans avec le seneschal de Castres et capitaine Vif-Argent, qui furent abysmez dedans les mines ; le capitaine Malestroict, lieutenant du seigneur de Maugeron , le capitaine Merargue , capitaine d'une compagnie de gens de pied, et le capitaine Coq, enseigne de la compagnie de gens de pied du capitaine Cerf, y furent tuez des premiers dedans la basse ville. D'autres vaillans hommes y terminèrent leurs vies , aux âmes desquels Dieu veuille avoir fait miséricorde et mercy.

Il fault croire que sans grand intervalle ces deux princes eurent nouvelles de cest eschet ; l'un en fut très- joyeux et content, et manda qu'à toute diligence on feist raser ce chasteau; l'autre en r'engregea de beaucoup son précèdent ennuy : mais le plus expédient remède fut, encore que auparavant par la France ne fust autre bruit que d'amasser gens de guerre , et que les chemins fussent couverts de soldats, de haster toutes compagnies, et le p!us bref que seroit possible dresser son armée , pour les empescher de faire autre entreprise , estant seur advertissement qu'ils menassoient Dorlan (1) , où jà estoit M. le vidame de Chartres, chasteau moins fort que Hedin , que le feu roy François avoit fait construire de terre , pour estre boulevert et contrefort à Hedin , au temps qu'il estoit ennemy. Pour ce de tous costez alloient et trottoient postes (2), pour solliciter et haster cest appareil. Quanta la gendarmerie et cavalerie françoise , elle fut tantost preste et sur pied , tant pour estre partie es garnisons , que pour la commoditéet le loisir qu'on avoit donné aux gens d'armes de pourvoir quelque peu à leurs affaires domestiques ; la fanterie françoise fut semblableraent aisée à estre mise ensemble, estans les vieilles enseignes complettes en leurs garnisons et lieux ordonnez, avec le bon ordre qu'avoient mis les nouveaux capitaines pour faire soudainement leurs levées, et par l'advertissement qu'avoient donné à leurs soldats de se tenir prêts quand seroient mandez. Quant aux Allemans et iansquenetz , ce que le Roy en avoit

(1) Dourlens.

(2) Courriers.

COMMENTAIRES DE FRANÇOIS DE HÂBUTIN. [l55o|

retenu pour son service, ayaus tousjours esté entreteuuz et soldoyez, estoit Jà aux champs. Ainsi en peu de jours et sur le commeucement du mois d'aoust se l'aisoit de plus en plus <zros le camp du Roy à l'entour d'Amiens et Pcquigny , et ne restoit que les Suisses et Grisons, lesquels, tant pour estre lointains questans pesans et massifs, venoient à petites joiu-nées, principalement à fin qu'ils ne fussent harassez quand ils arriveroient au camp, et qu'ils se trouvassent fraiz et prompts à combattre soudainement si le besoinp, y advenoit: pourtant ny arrivèrent que sur la lin de ce mois. Depuis la prise de Hedin, tout le temps que l'armée du Roy s'assembloit, les Impériaux ne feirent autre chose que le démolir et raser, quelques volleries et bruslemens de villages selon (1) la rivière d'Authie ; encore qu'ils eussent somme le chasteau de Dorlan et semé le bruit de le vouloir assiéger, n'en feirent semblant, ne de vouloir attenter chose nouvelle jusques environ le treisiesme de ce mois : ayans eu advertissenient que M. le conuestable avoit fait passer quatre enseignes de fanterie françoise et deux compagnies de chevaux-legers oultre la rivière de Somme délibérèrent avec quatre regimens de leur cavallerie les surprendre et desfaire si cautement, qu'ils auroient exécuté ce massacre avant que ce qui estoit devers Amiens en fust adverti . Advint, ne sçay par quelle bonne fortune, que M. le conneslable ce mesme jour avoit dressé une autre partie pour les aller visiter de près jusques en leur camp , ayant le seigneur Paulc Baptiste la commission de passer la rivière avec cinquante chevaux pour attaquer l'escarmouche et les attirer au combat , demourant M. de Nemours en embuscade avec trois compagnies de chevauxlegers en un bois, sur le bord de ladite rivière de Authie ; lequel se trouvant forcé se devoit venir rendre pour estre soustenu à M. de Sansac , qui estoit une lieue arrière avec cinq autres compagnies légères : M. le prince de Condé estoit à un quart de lieue à la main droite de luy avec trois compagnies légères; aussi M. le mareschal de Sainct André, avec cinq cens hommes d'armes , à deux mille plus arrière, tirant devers nostre camp ; M. le connestable estoit à my-chemin entre toutes ses compagnies et la rivière , accompagne de trois ou quatre mille chevaux , tant de gendarmerie ciue rierebans , et vingt enseignes de fanterie , moitié frariçoise et lansqueneîz , et quatre pièces d'artillerie de campagne; mais au lieu de les aller semondre au long , relevèrent nos gens de ceste peine ; carie premier advcrlissemcnt qu'on sccut d'eux fut

(I) Le long (le.

qu'ils estoient à un demy mille prochains de M. le mareschal de Sainct- André , ayans laissé derrière eux toute leur cavalerie légère, tellement que trois cens chevaux de leurs coureurs donnèrent jusques à M. le connestable sans descouvrir aucunement noz embuscades. La cavallerie légère qu'avoit M. de Sansac attaqua l'escarmouche au plus près de l'embuscade de M. le mareschal , et furent par les ennemis nos gens soustenus et roidement repoulsez jusques sur les bras de ceux qui estoient plus arrière , où prindrent deux prisonniers qui leur dirent que M. le connestable n'estoit qu'à un quart de lieue loing avec toutes ses forces; ce que leur feit haster de faire une charge sur les compagnies de M. de Vandosme et du seigneur de Sansac. Au mesme instant ledit seigneur de Sansac fut couvert et chargé d'autres mille chevaux. Sur ceste meslée M. le mareschal commença à marcher au grand trot droit à eux, ce que les arrestasur cul: quant et quant descouvrirent M. le prince de Condé en bataille serrée, galopant pour les joindre, qui les meit en tel desarroy qu'estans rechargez seulement de cinquante sallades, se meirent à vau de route. Mondit sieur le prince n'oublia de son costé à les entamer et caresser si rudement, que luy et ses compagnies les menèrent battans une grande lieuë plus arrière, où furent tuez des leurs , par le commun rapport , de sept à huict cens hommes, entre lesquels, de gens de renom, on trouva le comte d'Espinoy et autres grands seigneurs des Pays-Bas ; sept , tant enseignes que guidons , gaignez près de cinq cens prisonniers , du nombre desquels fut trouvé le duc d'Ascot. De la part des François , d'hommes de ]|; réputation , le fils de M. de Cannples , M. de '' La Roche Guyon et le guidon de M. Sansac , y demeurèrent prisonniers avec autres soldats ; principalement de la cavallerie légère, non en grand nombre tuez et prius.

Ceste rencontre , heureusement exécutée par les François , rabaissa dès ce temps si fort la hautaine présomption des Impériaux , que depuis ne feirent chose d'importance , ains de plus en plus déclinèrent; car, incontinent après, partirent de ce lieu , où estoient campés à l'entour de Beau([ucsné , ayans razé la tour et le fort , vindrent a grandes journées jusques à Ancre et jMiraumont. quatre lieues près de Péronne, terres françoises , èsquelles ayant mis le feu , et loge dedans Bapaulmc dix enseignes de leurs plusbraves hommes , estimans que , selon le commun bruit , la première fureur françoise y seroit desgorgée , sans faire plus long séjour , le corps de leur armée se retira devers Arras , lequel adonc n'estoit fort gros et puissant; car beaucoup d'eu-

tre eux; mesmement des circonvoisins, d'Artois et Hennault, se retirèrent en leurs maisons, pour amasser le meilleur de leurs biens , et l'enfermer dedans les villes fortes , ou cacher en lieux seurs et secrets , sçachans que l'armée du Roy estoit adonc toute complette, et devoit estre mise aux champs eu bref. Quant à eux , selon leur commun dire , ils faisoieut le bruit , et se vantoient que l'Empereur ne demandoit et ne cherchoit autre chose sur ses vieux jours [s'en promettant un trespas plus doux] que donner une autre bataille à un si grand roy. Pour laquelle raison, et soubs ceste espérance et attente qu'ainsi le feroit , avoit le Roy grande sollicitude à dresser son armée belle, forte et pourveue de ce qui estoit nécessaire pour soustraira la bataille d'un bien grand et fortennemy, ou en personne se vouloit trouver pour luy faire entendre que ce n'estoit à un lieutenant qu'il avoit affaire , mais à un roy ne craignant tant les hazards de fortune comme aymant le bien public et défense de sou peuple. Pourquoy n'y voulut non-seulement ses amis , richesses et avoirs , mais sa propre vie exposer , encore que la fortune par beaucoup de ses tours se fust déclarée assez son ennemie , mesmement ayant receu nouvelles de la mort du roy d'Angleterre , son certain et natutain allié et aray , pour laquelle conceut en l'estomach une tristesse plus aigre et violente que sa constance ne l'exprimoit, ce que nous passerons légèrement pour prendre l'armée françoise.

Laquelle eu ce temps, qui estoit sur la fin du mois d'aoust , se trouva toute assemblée près de Corbie , et le premier jour de septembre commencèrent les enseignes de France à estre desployées par toutes les parts à l'entour de ceste petite ville , en si grand et admirable nombre d'hommes, que plus espessement l'on ne voit au renouveau les mousches à miel voler aux champs sur les fleurs espanies(l) pour en succer le miel . Ce que le Roy, estant en une cassine sur le chemin, voulut veoir, mesmement les Suisses dresser leurs bataillons en belle ordonnance [enquoy de tout temps ont emportez le loz], que luy aggréa fort et print grand plaisir. Quant au nombre de ceste armée, si je le voulois particulièrement et de mot a mot raconter, et reciter les princes et grands seigneurs, gentilshommes, capitaines , vaillans soldats, les compagnies et enseignes , tant de cavallerie que fanterie qui estoient en ce camp, ce ne seroit jamais fait, et ne faudroit que ancre et papier pour en faire un livre entier ; mais j'espère à vous narrer choses plus aggréables.

(1) Épanouies.

De laquelle armée estoit gênerai conducteur le très-vaillant et sage chevalier M. le connestable, et le premier chef en l'advant-garde, estans avec luy ces princes, ducs de Vendosme, de Nevers , d'Anguien , de Montpensier et l'Admirai , ayans chacun de ces princes un régiment de gendarmerie [qui est deux cens iiommes d'armes] soubs eux , et ausquels commandoient. De gens de pied , y estoient quarante-neuf enseignes de fanterie françoise , faisans nombre de quinze à seize mille hommes, desquelles estoit gênerai mondit seigneur l'Admirai. Le comte Reingrave , colonnel des lansquenets , avec Reifberg, avoient quatre régimens , qui sont vingt enseignes, faisans nombre de dix à douze mille hommes; quatre enseignes escossoises et deux angloises, en estimation de douze à quinze cens hommes.

De la cavallerie légère estoit principal chef le seigneur de Sansac , nombrée à près de deux mille chevaux , y comprenant trois ou quatre cens Anglois , braves hommes et propres à ce mestier. Les nobles et rierebans estoient complets , comme on disoit peu après , de trois mille chevaux , desquels estoit général le seigneur de La Jaille.

De l'harquebuzerie à cheval n' estoient guères de compagnies particulières , pource que , peu auparavant , le Roy avoit mis sus une ordonnance à chacun capitaine de cent hommes d'armes , de lever cinquante harquebuziers à cheval , armez de corselets , morions , brassats ou manches de maille, avec la scopette ou harquebuze propre à mèche , ou à rouet , dedans le fourreau de cuir boully . montez sur boas courtaux , et à ceux de cinquante , vingt-cinq en ce mesme équipage , conduits par un homme d'armes, speciallement des plus expérimentez qui seroit esleu en leur compagnie. Tous lesquels faisoieut bien le nombre de douze à quinze cens : chose bien inventée et par bon conseil, pour soustenir l'homme d'armes en lieu estroict et malaisé, et qui donnoit grande parade et grâce à ceste armée, pour estre les premiers devant les compagnies avec la diversité de leurs accoustremens.

Kn la bataille estoit le Roy, près de luy le prince de Ferrare, le duc de Guise, le prince de la Roche Surlon et le mareschal de Sainct-André , ayant chacun de ces princes un régiment de gendarmerie, comme les susdits, le grand escuyer de Roysi, et le seigneur de Canaples avec leurs bandes' de la maison royalle , avec les gardes, tant françoises, escossoises que de Suisses, et un nombre de grands seigneurs et gentilshommes suyvaus ce grand Roy, tant pour Me-