ÔS

COMMËNTÀIBKS DE FAANCOl» DE RABUTIN. [1553J

lité que pour luy donner cognoissance de leurs vertus et bonne volonté.

De toute l'artillerie , qui n'estoit en grand nombre, environ cent pièces, grosses et menues, le seigneur d' lustrée estoit grand maistre et premier gouverneur, gentilhomme vigilant et de bon esprit.

Pour le jour que ceste puissante armée fut mise à la campagne, ne feit grande traitte, se campant ce soir à une lieue de Corbie , en deux petits villages selon un torrent et petit lleuve , en stance (1) fort commode, estant le Roy logé en un chastelet sur un coustau qu'on disoit estre des terres du seigneur de Hely ; duquel lieu le lendemain partit, suy vaut presque le trac et les brisées de l'armée impériale , pour aller loger à Miraumont. Advint qu'en chemin [ne sçay par quel advertissement] M. de Nevers se tira hors de l'armée avec son régiment, tirant à main gauche devers les bois et forests contre Arras, où furent descouvertes aucunes escoutes , qui tost nous ayans apperceuz , débusquèrent et se sauvèrent de vistesse de:îans le profond de ces bois et forests. Lesquelles furent après du long et du large descouvertes et visitées, où ne se trouva nombre d'ennemis faisant teste ; seulement quelque fort dedans un village, qui, peu après, fut forcé par noz harquebusiers, et trouvé moins prouveu qu'on en avoit opinion ; pourquoy retournasmes à Miraumont pour prendre nostre quartier.

Le lendemain, qui estoit le deuxième septembre, M. de Guise , avec deux régimens de gendarmerie, environ mille ou douze cens chevaux, tant de cavallerie légère que des nobles, et dix enseignes de fanterie francoise, partit de ce lieu, tirant la rotte(2) de ces bois vers Arras, pour descouvrir etescumer les lieux suspects et dangereux, et dompter les forts et carrières des volleurs et larrons; mais ne trouva chose que ce soit de difficile résistance , s'estant deseouvert jusques près des fauxbourgs de ceste bonne ville ; retournant, pour enseignes de ce voyage, fut mis le feu en tous les villages, cassines des environs, avec une désolation et lamentable pitié.

Or de ce lieu de Miraumont ne peult avoir que deux bonnes lieues jusques à Bapaulme, lieu fort, plus pour l'assiette stérile que de naturel ne artifice , mais odieux et dommageable aux François circonvoisins, autant ou plus que Teroenne estoit à ses voisins les Bourguignons. Parquoy couroitun bruit par nostre camp[con-

(I) I*osition.

(i) La route.

trouvé et issu, comme je pense, du commun populaire] qu'avant entreprendre autre chose on raseroit ce chasteau en vengeance des nostres. Tant y a [ou pour contenter ce désir du pays , ou pour tenter si ce fait seroit aisé et facile à estre en peu de temps parachevé] que le troisième de ce mois, M. le connestable , avec la pluspart des princes, accompagné de près de cinq ou six mille chevaux, et autant de fanterie francoise, alla recognoistre ceste place , de laquelle est gouverneur le seigneur de Haulsimont , chevavalier [bien estimé entre les Bourguignons] prouveu de dix ou douze enseignes de pied, et de trois ou quatre cens chevaux. Lequel , à l'arrivée de ceste belle compagnie, ne se monstra point chiche de pouldres et boulets , nous envoyans de telle marchandise plus qu'on n'en vouloit. Au surplus, ceux de dedans ne furent fort paresseux et rétifs à sortir à l'escarmouche; mais, tant loing que les boulets de leur artillerie pouvoient donner, s'eslongnoient, et assez bravement faisoient leur devoir presque quatre bonnes heures que l'escarmouche dura. En ceste escarmouche furent blessez le capitaine Breul d'une harquebuzade en la cuisse. Aussi fut le jeune Molinont, fils de M. de Molinont, gouverneur de Sainct-Disier, et le seigneur de logent, lequel depuis mourut à Peronne : durant laquelle escarmouche, M. l'Admirai feit le tour et circuit, en petite compagnie, à l'entour de la ville et chasteau, et fut trouvé le tout prenable, estant le rempart de mauvais conroy, et la terre dont il est fait estre sable mouvant et délié, qui n'est de bonne tenue ; faisans de ce apparence un quartier de muraille qui estoit tombé , et autres du rempart qu'on pouvoit facilement cognoistre couler et decheoir ordinairement dessus ; mais la plus grande difficulté qu'on y trouva estoit la nécessité irrémédiable d'eau. Encore que ]\L le connestable y eust fait aller grand nombre de vastadours, pour chercher des sources et fonteniz , toutefois ne peurent trouver veines de durée. Pourquoy, à mon advis fut rompue la délibération de ce siège, et remise à une autre fois.

En ce séjour de Miraumont, plusieurs certiffioient que le cardinal de Sai net-George, légat du Pape , estoit là arrivé pour traitter paix ou trêves entre ces deux princes. Quant à moy, n'en ayant rien sccu à la vérité, ne le veux et ne puis asseurer pour les merveilleux orages et feux que faisoient les François sur les terres de l'Empereur, qui me contraint dire avec pitié que le Pape devroit avoir un grand regret en sa vie , ayant esté l'occasion d'une si sanglante et très-cruelle iiuerre.

COMMENTAIBES DE FRANÇOIS DE KABUTIN. [l553j

Au depai'ty de ce lieu, estans tous les villages, abbayes et tous domiciles des ennemis , voire jusques aux moulins à vents, auprès des portes deBapaulrae, partie consommez, et le reste encore en flammes et fumée , le terroir et chemins devindrent tant fangeux et pesans, pour les pluyes tombées par un jour et une nuict, que les soldats et gens de pied, à grand travail, peurent altaindre l'autre logis, nommé Morlencourt, à deux petites lieues près de Peronne ; à cause de laquelle difficulté en endurèrent les charrois et bagages, sur lesquels, tant la garnison de Bapaulme que les paysans, feirent de bons butins, et destrousserent les plus esgarez et mal conduits. Et faut entendre que l'armée impériale nous costoyoit à cinq et six lieues près, estant la rivière comme une barre et séparation entre eux et nous, faisant tousjours autant de chemin que nous, se logeans en lieux forts, marescageux, ou environnez de bois et rivières, pour n'estre pareille ains de beaucoup moindre que la uostre, que deux raisons faisoient assez cognoistre. Premièrement, qu'au plus près de leur camp nos soldats alloient brusler et mettre le feu es villages, et le peu d'alarmes qu'ils donnoient aux nostres, sinon quelquefois sur les vallets et fourrageurs : ce que nous estimions plustost advenir par les villains et paysans , destruits et désespérez que d'eux. Et moins encore d'empeschemens estoient donnez à noz vivandiers et aux provisions amenées en nostre camp; estans tous vivres à marché competant , au milieu d'un pays ennemy, auquel on ne trouvoit que les granges pleines de bleds et fourrages ; tout le bestail et autres vivres jà transportez et retirez dans les places fortes. Ce qu'estant venu à la coguoissance du Roy, et prévoyant assez que son ennemy n'espéroit et n'attendoit autre chose , sinon que le faire temporiser devant une ville, ou es autre entreprise de petite valeur, pour le tirer jusques à la saison de pluyes, lesquelles commencent tost sur ces pays froids et occidentaux ; cause de le ruiner et affoiblir, tant pour luy trancher tous vivres, que par maladies et froidures, afin de le précipiter en un abysme de malheurs, pour après luy donner ceste bataille que nous avoit promis; conclud avec le conseil d'y remédier. Le conseil du Roy estoit [s'il m'est permis d'en dire un mot, selon que j'ay peu cognoistre, et s'est veu par effect] de réduire son ennemy en deux extïemitez grandes : l'une desquelles luy estoit impossible d'éviter, à sçavoir que, s'il vouloit tenir son armée forte et unie, sans la départir pour en fournir beaucoup de villes grosses sur ces pays, non fortes ne fortifiées , que des hommes dont elles seroieut pourvues et garnies le plus soudainement

que seroit possible, en saisiroit la première qu'on pourroit surprendre par force , par ruse et par toutes autres voyes, pour, après l'avoir saccagée, et le plus qu'on pourroit ruinée avec tout le plat pays, promptement nous retirer. Et s'il la départoit, tant par ses villes qu'es forteresses, comme il fit, estimant, selon le commun bruit que nous raesmes faisions, qu'en yrions assaillir quelqu'une, sans sçavoir laquelle, pour ce que bien peu de personnes lesçavoient, voyant nostre armée tournoyer , ne pouvant autrement com* prendre uostre délibération, sans temporiser, et cependant que elle seroit tousjours en sa première force, on yroit lui présenter la bataille; laquelle, pour son honneur, ne pourroit refuser, puisqu'il en estoit le premier demandeur, et qu'on l'yroit chercher dans ses terres ; que s'il la recevoit, nous en pouirions avoir si bon marché [estant de beaucoup en plus petit nombre que nous] , que les autres et ceux qui resteroient après, auroient plus d'occasion de fuir et se retirer , que se remettre ensemble pour attendre nostre venue.

Elpource que l'Empereur se douloit tousjours de ceste ville de Cambray , pour plusieurs raisons, entre autres, que se disant ceste ville neutre , ne luy estoit loisible d'y avoir là-dedans plus d'authorité que le Roy, et se doutant que les magistrats ou le populaire, se sentans grevez etoultragez par l'usurpation qu'avoitfait sur eux, s'estant advantagé jusques à là, que de bastir une citadelle pour les tenir en subjeetion et le pied sur la gorge , ne feissent pleine ouverture au Roy , comme estant adonc le plus fort : parquoy en seroit frustré et débouté, et sa citadelle eaforcée et renversée ; si-tost qu'il sentit uostre armée esbranlée , en feit approcher la sienne. Le Roy , par la prudence duquel , et de son conseil, toutes ces choses estoient prévenues, ne demandoit autre occasion que luy-mesme luy preseutoit, à sçavoir, estant là près en une si belle et espacieuse plaine, luy présenter la bataille ou de sommer ceste ville, selon l'accord de neutralité , de luy faire ouverture, et luy donner vivres comme à son ennemy. Pourtant , d'une traite , de ce lieu près de Péronne, allasmes camper en un village, à deux lieues près de Cambray. Le lendemain , dès la poincte du jour, le Roy feit mettre toute son armée en bataille et ordonnance , preste à combattre. Ainsi se vient présenter devant cesie ville. Quant et quant envoya son herauld d'armes pour la sommer et admonester de son devoir, leur faisant entendre que, non pour les fouler et oultrager estoit là venu , mais plustost pour les remettre et confermer en leur première liberté ; laquelle il sçavoit bien avoir eslé desja corrompue par l'Em.-

pereur, dont, s'ils vouloient se venger et mettre hors de ceste servitude, ne pourroient demander meilleur moyen que sa venue. Que, si l'Kmpereur y vouloit quereller autres advanta^es ne droicts, estoit la en personne pour hiy monstrer et le combattre avec ses forces sur le contraire. Si autrement le faisoient , ils seroient cause de beaucoup de mal pour eux : premièrement , de perdre ce tiltre et privilège d'estre dits neutres, qui est de n'estre affectionnez à la querelle de l'un ne de l'autre; pourquoy avoient liberté de trafiquer es pays de chacun d'eux. Davantage exerapteroient leur plat pays d'estre bruslé et fouldroyé [comme a esté depuis], sans ce qu'ils demeureroient à perpétuité subjects à tailles, emprunts, subsides, et toutes exactions, et plus au danger d'estre coustumierement comprins à divers travaux , ausquels un pays particulier est abandonné de souffrir pour son prince. Telles et plus grandes remonstrances encore furent faites à messieurs de Gambray , non pour leur demander de l'argent [ comme par une vulgaire et incertaine voix estoit publié J, n'estant vray semblable qu'un si grand royse soitabbaissé jusques là. Parquoy , à bonne cause , estoient suspens et douteux de ce qu'estoit le meilleur à eslire pour eux , et demandèrent au Roy vingt-quatre heures deux fois pour y adviser et lui en rendre response. Ainsi le Roy feit reculler son camp une grande lieue plus arrière , estant logé à Crevecueur, terres des appartenances de la royne de France à présent régnante. Et fut crié par toute l'armée que personne n'eust à prendre chose quelconque au territoire de Gambray sans payer, à peine de punition corporelle. Gonstont lequel temps (1) , messieurs de Gambray fcirent sçavoirà l'Empereur ceste semonce, qui estoit adonc à Bruxelles, comme chacun clisoit; lequel, pour les consoler, leur manda des plus belles raisons du monde, entre autres qu'ils reprenoient (2) de la chambre d'Empire, et qu'il estoit empereur pourlesgarderetdefendre.nonunroydeFrance, qui ne cherchoit que leur ruine, leur remettant devant les yeux l'exemple de Metz ; leur promettant là ou ils seroient assiégez, et que les François se parforceroient de les grever , les secoureroiten tout et partout. Et deslors manda au prince de Piedmont. qui s'estoit reculé avec son armée devers Valencicnnes, de leur donner tout le secours qu'ils demanderoient et leur seroit de besoing; y estant ordonnez pour chefs et principaux gouverneurs, les seigneurs de Bossu et de Brabanson. Le temps expiiv et passé, encore que le Roy sceust toutes ces belles beson-

(I) Durant lequel temps.

gnes, les envoya de recbef sommer pour luy en rendre resolution. Ils mandèrent, quant à eux , s'il plaisoit à Sa Majesté , qu'ils estoient tous contens de demeurer ses humbles voisins et amis, ne refusans de luy donner vivres , mais qu'ils n'estoient adonc les maistres de leurs biens propres ; que l'Empereur, malgré eux , avoit envoyé gens dans leur ville, et grosses garnisons, parquoy estoient hors de leur liberté et puissance de plus en pouvoir disposer. Sur ceste responce et frivole excuse, fut jugée ceste ville ennemie. Et ce jour mesme, qui estoit le huitiesme de septembre , M. le conne-stable , avec deux regimens de gendarmerie et trois ou quatre cens chevaux légers et de rierebans , M. l'Admirai avec dix enseignes de fanterie francoise , l'allercnt recognoistre et visiter à l'entour; et, au lieu qu'auparavant nous eussions bien ouy chanter un poulet là dedans, pour le silence qui y estoit, on n'entcndoit que canonnades , harquebuzades et bruit de toutes pars ; mesmementde la citadelle; qui faisoit trembler la terre des coups d'artillerie qu'elle tiroit sur les François, sortans de là dedans soldats autant espessement que les frelons de quelque trou de arbre après un viateur qui les auroit irritez. Les nostresy couroient de tous costez , et n'y avoit jusques aux vivandiers et charcutiers qui ne voulussent avoir le passetemps des braves escarmouches d'eux et de nous. Lesquelles , de plus en plus fortes, continuèrent six jours entiers , en l'une desquelles fut tué le seigneur de Breze, capitaine des gardes françoises; et, devant la citadelle, fut tué aussi le capitaine Cornet , capitaine d'une compagnie de gens de pied francoise; et, des Bourguignons, y furent pris et amenez prisonniers, d'hommes de réputation, le comte de Pondevaux, de la Franche-Gomté , et le seigneur de ïrelon, de la duché de Luxembourg.

Apostrophe à M. de Bordillon.

Et vous, monsieur, de vostrecosté de Champagne n'estiez adonc en repos , ainsi que tesmoignercnt les deux enseignes de gens de pied , et les deux cornettes de cavallerie des Bourguignons qu'envoyastes au Roy eu ce lieu par le seigneur de Neufvy , enseigne de vostre compagnie ; lesquels aviez rompuz et desfait à la Haiette, près de Maubert-Fontaine . y estant demeuré prisonnier le gouverneur deCimets, l'un de leurs chefs, s'estant de vitesse, et à bien fuir , sauvé le bastard d'Avannes, l'autre de leurs conducteurs. Parquoy non-sculementavez augmenté la bonne grâce et l'aveur de ce grand Roy envers vous,

(2) Rclcvoicnt.

avec une louaDge et immortelle estimation de tout le monde ; mais avez obligé le pauvre peuple de ces frontières à prier Dieu à jamais pour vostre prospérité et santé.

Or, pour retourner à ce qui estoit fait devant Cambray, ceste cité fut parfaitement recogneuë, et fut trouvé, selon l'advis de ceux qui la visitèrent par dehors d'un bout à autre , selon aussi le rapport des espions et de ceux qui l'avoient veuë par dedans , autant subjecte à estre canonnée et minée que ville pourroit estre. Et , pour en dire mon opinion et ce que j'en ai pu cognoistre , c'est une grande ville , située . demie en un fond , et demie en pendant , où il n'y a apparence de boulevers, rempars ou fortifications selon la nouvelle façon. Du costé de France et du soleil levant, est une campagne et pais de labourage, descouverte , de bien huict cens ou mil pas d'estendue, non encore tant plein que ne aille tousjours en descendant quelque peu jusques à la ville , ayant aucun petit fond entre deux ; mais je l'appelle plaine pour ce qu'elle n'est umbragée d'arbres ne buissons, ou autres lieux empeschans la descouverte. Du costé de ponent , ou elle est la plus basse , où est aussi le fauxbourg , sont jardinages et saulsayes sur la rivière, et quelques prairies et marets. Devers midy, est une petite plaine pendant devers la ville , et, un peu par de là, sont collines et vallées. A costé de septentrion est une petite montagne sur un des coings de la citadelle, laquelle est de ce costé là construite sur le plus haut de toute la ville , où souloit estre , ce dit-on , une abbaye ou église cathédrale : elle a aucunement la forme de quadrature; toutefois l'un des coings est alongé plus devers cette petite montagne qu'es autres lieux , estant un coullon en façon d'esperon, servant de défense aux deux ilancs , avec une plate forme. Quant à la situation et fondement de ceste citadelle, on la jugeroit extérieurement estre subjecte à la mine et sape , estant terre blanche comme la marne. Si le dedans estoit perriere , je la dirois tendre et fort aisée à estre taillée, ainsi qu'on peult cognoistre de la pierre de taille dont sont faits les édifices , qui est plustost craie que pierre. J'estimerois cette citadelle avoir esté édifiée plustost pour tenir cette ville neutre en subjection , que pour en faire une forteresse imprenable; car, estant conjointe à la ville comme elle est , seroit besoing de la fortifier pour se secourir l'un l'autre . à raison . qu'estant occupée la ville, pourroit grandement la citadelle estre intéressée; laquelle aussi , estant forcée , seroit cause de faire perdre la ville ; mais l'Empereur, tant pour considérer ceste grande ville fort difficile à estre fortifiée , pour le moins qu'avec grands fraiz et

un long temps , que pour n'agraver les habitans soudainement de surcharges, bastit en premier ceste petite citadelle là dessus , pour avoir un pied là dedans , et obvier aux mutinements et rebellions , à fin que , peu à peu , s'y feist maistre du tout. Et croy fermement, si on les eust assiégez , qu'ils n'avoient espérance qu'en l'un de ces poincts , à sçavoir : au grand nombre d'hommes qui estoient logez là dedans, estant ceste ville abondamment munie de vivres et toutes choses au surplus de l'armée impériale, qui se fortifioit près d'eux pour nous coupper les vivres , et donner tous empeschemens ; finablement, aux pluyes qui commencent communément en ceste saison en ce Pays-Bas. Tant y a , qu'on leur donna diverses présomptions d'avoir le siège; car, avec ce qu'on leur donnoit diverses alarmes, et estoient dressées escarmouches journellement devant , on feit partir de nostre camp une partie de l'artillerie de campagne , et faisoit-on courir le bruit qu'on en amenoit de plus grosse d'Amiens , Corbie , Sainct Quentin et Catelet , estant dressé desjà un nombre de gabions, et les traîneaux faits pour les porter jusques aux lieux où les approches seroient faites, et les mareschaux de camp allèrent remarquer et compartir l'assiette. Toutefois je doute que n'estoit l'intention de nostre conseil , comme on a depuis veu ; mais estoient faites toutes ses ruses afin de les tenir en ceste verdeur et opinion que nous romproient et consumeroient lentement , dont s'estoient eslargis les Impériaux , et séparez. Nous au contraire , sans nous séparer, n'affoiblir, les voulions chercher et combattre. Parquoy, sans davantage y temporiser, estans tous les forts des environs rompuz et ruinez, jusques aux églises, tours et clochers sapez et abbatus, et le feu mis par tous les villages, granges et cassines, voire jusques auxfaulxbourgs et près des portes de la ville, en deslogeasmes tenans le chemin droict au Chasteau Cambresis. En chemin furent forcez deux forts opiniastres à petite occasion , dont ils resentirent aigre punition. Le premier endura trente-six coups de canon , et ouverture y estre faite grande et large sans se vouloir rendre; devant lequel fut tué le capitaine Pierre Longue et douze ou quinze soldats francois, que tuez que blessez. Toutefois que dedans ne fut trouvé homme que ce fust, s'estans retirez et sauvez par dessoubs terre , ou cachez dans quelques cavins et minières. Pourquoy furent estoupez et bouchez tous les conduits qu'on y peut trouver. L'autre estoit moins fort que le premier, pource que c'estoit un meschant poulier de terre , en appentiz contre la moitié d'une vieille tour ruinée , où y avoit quelque fossé a l'entour à sec. Pourtant

COMMENTAIBES DE PRANÇOTS DE RABUTIN. fl553]

avoient moindres raisons , ou apparence de refuser dès la première l'ois à se rendre , et faire response à la première et seconde semonce qu'ils ne se rendroient jamais sans canon. Kncore l'avoient-ils veu bracqnc, et desjà y avoient esté tirez deux coups de moyennes , quand ils feirent signal de se rendre; mais c'estoit trop tard, car les soldats françois, non encore refroidiz de leur première fureur, n'attendirent que le canon eust déchargé une seule fois, qu'ils se jetterent là dedans comme enrapicz, et enfoncèrent la porte. Après, la pitié fut grande de veoir le carnage qui y fut fait, et n'en fut un seul pris à mercy.

Tout à l'entour de ceste petite ville du Chasteau Cambresis estoit campée la bataille , sans que personne entrast dedans qu'une enseigne : laquelle y fut logée pour en repoulser les nostres mesmes , s'ils y eussent voulu faire aucun effort. Et peult-on aisément penser que les habitans estoient en grand doute de ce que leur estoit à advenir. Toutefois a la fin trouvèrent l'humanité de ce grand roy estre tant débonnaire, qu'aux humbles et débiles est propice et miséricordieux, aux rebelles et présomptueux est austère et plein de toute rigueur. Sa Majesté estoit logée, et la plus part des princes et grands seigneurs, en une magnifique et triomphante maison de plaisance près de là , qui estoit à l'evesque de Cambray ; où davantage fut cognue sa grande bénignité, pource qu'au lieu de se venger du brusiementdesonchasteau de Foulembray, fait à la poursuitte du seigneur du Raux , parent d'iceluy evesque, non-seulement défendit estroitement ny estre rais le feu, mais, bien davantage , de n en estre aucune chose transportée ne ravie. Un peu au dessus , le long de la rivière , estoit M. le connestable avec l'avantgarde.

Or tous ces tours et menées que nous faisions, n'estoient que pour considérer la contenance des ennemis ; car , estans advertis qu'ils ne ^'esmouvoient en sorte que ce fust pour nous suyvre sans alarmes , ne faire semblant de donner sur nostre queue , se doutant peult estre de quelque entreprise , ayans un seul jour séjourné en ce lieu , devallasmes audessoubs du Quesnoy , approchaos à deux lieues près de \ alenciennes , où l'armée impériale estoit parquée en un fort. Le lendemain , (|ui estoit le dix-scptieme de septembre , estans demeurez tous les bagages en ce lieu , et deux cens hommes d'armes, avec environ deux mille hommes de pied pour la garde et défense, allasmes les chercher pour leur présenter la bataille. Leur fort estoit à la portée d'une coulevrinc près de cette grande et riche ville ; sur ceste mesme rivière de Lescau qui

passe à Cambray , estant compassé en forme quarrée, circuy de tranchées et levées delà haulteur près d'une picque , et creusées près de dix à douze pieds , estant assis moitié en pendant du costé de Valenciennes, et moitié en fond, le long de la rivière ; estant aussi de nostre costé une petite colline qui alloit en avallant jusques à ce fort ; sur laquelle pouvoit estre colloquée nostre artillerie qui pouvoit tirer en plomb làdedans , et leur faire beaucoup de mal. Dont ainsi que toute l'armée marchoit en bataille son pas ordinaire , les avant-coureurs et chevaux légers , qui estoient devant pour attaquer l'escarmouche , trouvèrent un grand nombre de leur cavallerie desjà en bataille sur ceste petite colline, en estât de combattre, et près de là prindrent un contadin en habit de marchand , à cheval [ que j'eusse plustost jugé espion qu'autrement ] ; lequel leur certifia que l'avantgarde des ennemis passoit la rivière pour nous venir combattre. Parquoy fut mené à M. le connestable, et de luy renvoyé au Roy, et à tous deux en dit et asseura autant; qui fut cause d'avancer l'armée, et au plustost ordonner les bataillons eu leurs lieux. Cependant l'escarmouche s'aigrissoit continuellement 1 estant sorti du fort certain nombre de gens de pied , braves hommes , qui faisoient grand devoir de soustenir nos avant-coureurs et enfans perduz , sans ce que leur gendarmerie , laquelle se tenoit un peu au dessus d'eux , se bougeast, que quelques uns qui se debandoient de leurs rancz pour venir donner le coup de lance où ils voyoient leur portée. Autant en faisoient nos chevaux légers , qui estoient front à front durant ces escarmouches. Leur armée se meit une partie en un seul bataillon quarré dedans ce fort , et le reste furent partis par les flancs , principalement leur harquebuserie , à la mesme façon qu'est disposée à un assault de ville. Leur artillerie estoit mise une partie sur cavaliers de terre , qui tiroit par dessus ceste colline que j'ay dit estre de nostre costé , et le reste aux défenses, et pour tirer le long des tranchées.

Rostre armée estoit ainsi ordonnée, si bien m'en souvient : à l'avantgarde estoient deux bataillons quarrez; en la main droite estoient vingtquatre enseignes françoises, estant sur ceste aisie M. le connestable, leducdeMontpensier,M. l'Admirai , avec leurs regimt'ns de gendarmerie, qui estoient six cens hommes d'armes ; et un peu au dessus, une partie des nobles, et encore un peu plus haut tous leurs harquebusiers achevai. Celuy de la main gauche estoit de dix-neuf enseignes de lans(juenets ; estans en ceste aisle messeigneurs les princes et ducs de Yandosme . de

Nevers et d'Anguian , avec pareil nombre de gendarmerie que le susdit, et une partie des nobles , lesquels estoient un peu plus reculez de nous que les autres, pour couvrir une petite montagne qui nous estoit au costé gauche , et nos harquebusiers plus avant, près d'un petit village qui brusloit, pour empescher que les ennemis ne coulassent à couvert par cest endroit jusques sur nos bras. A la bataille estoient deux autres bataillons quarrez : celuy du costé droit estoit des vieilles enseignes, en nombre de vingtcinq, si bien m'en souvient, et en ceste aisie estoit le Roy avec toute sa maison et ses gardes , M. le mareschal Sainct-André avec son régiment de gendarmerie ; à la main seneslre estoit celuy des Suisses et Grisons de trente enseignes , faisant belle et furieuse monstre, estans la plus part armez de corselets , brassais , cabassets ou secrettes , et , à bref dire , les mieux en equippage qui viniîrent long temps y a en France. En ceste aisie estoient messeigneurs le prince deFerrare, le duc de Guise , le prince de La Roche Suryon , avec leurs regimens de gendarmerie, qui estoient six cens hommes d'armes. Les capitaines Momas et Enard , deux des plus vieux expérimentez , conduisoient les en fans perdus. Et fault entendre qu'ayant le pays fort à propos vuide et descouvert de près d'une grande lieuë , le tout estoit si esgaliement comparti, qu'ilbransloitd'un mesme pas et mesure , et estoient les limites et espaces, qui dévoient demeurer entre les bataillons de gens de pied et les rancz de gendarmerie, avec tant parfaite industrie compartis, qu'estoit impossible, sinon avec un malheureux désastre, d'y advenir desordre; car, pour commencer aux bataillons de gens de pied , c'estoit une ordonnance tant bien dressée , qu'estans les premiers rancs repoulsez, se dévoient retirer dedans les seconds, et les premiers et seconds dans les troisièmes ; ainsi se pouvoient par trois fois rassembler et combattre jusques aux derniers , à la mesme façon que j'ay quelque fois leu que les légions latines anciennement estoient ordonnées , ayant chacun bataillon ses flânez de long bois et harquebuserie , qui pouvoient faire teste à tous endroits , et secourir tant la gendarmerie que les corps de leurs bataillons, le tout tant bien armé et couvert, qu'ainsi les veoir , et la lueur du soleil réverbérante dessus , on eust dit toute ceste contrée estre d'argent. Quant à la gendarmerie, chacun régiment estoit estendu d'un long tellement qu'il y avoit tousjours deux cens hommes d'armes d'un front , et leur suitte d'archers au doz d'un mesme long. En sorte que si l'homme d'armes eust esté renversé, le second se remettoit en sa place; ainsi pouvoient tous combattre jus-

ques aux derniers. Les enseignes des hommes d'armes estoient au milieu, et les guidons au milieu du rang des archers. Quant à la cavallerie légère , elle estoit en quatre squadrons : celuy des avant- coureurs , qui estoit à l'escarmouche , estoit conduit par le seigneur Paule Raptiste; l'autre , M. de Sansac le tenoit embusqué dedans un petit cavin , au pendant d'une petite montaigne, à main gauche ; M. de îNemours en avoit un autre derrière une cassine entre nostre armée et leur fort ; M. le prince de Condé en avoit un embusqué en un petit fond , sur le chemin de la ville, pour empescher l'advenue de ceste part. Quant à nostre artillerie , une partie , scavoir celle de l'avantgarde, estoit sur le front de l'aisle droite , et celle de la bataille estoit sur le pendant d'une petite colline . à main gauche des Suisses et Grisons. Telle estoit la belle ordonnance de nos batailles. Mais pource que c'est petite force que toute ceste monstre d'hommes sans la vertu et asseurance, j'en diray ce que j'en scay, qui est selon l'apparence et démonstration extérieure. Je proteste sur la foy chrestienne , en laquelle je veux vivre et mourir, appellant tous ceux qui y estoient à tesmoings , qu'il n'est possible de veoir hommes en meilleure volonté et ardeur de bien faire leur devoir qu'ils estoient, tant les François que les estrangers , mesmement les Suisses , lesquels avoieut jà fait leurs cérémonies en intention de combattre et mourir jusques à un seul, avant que d'y faire une faulse poincte; et quant à moy encore que je fusse l'un des moindres soldats de toute l'armée, je n'euz en ma vie plus grand desir que de veoir donner ceste bataille; ayant ceste ferme opinion que , si les Impériaux n'eussent voulu chercher ces excuses et raisons pour se dire en plus petit nombre que nous, sçachant bien et les estimant hommes vailtans et vertueux , au moins nous nous fussions bien frottez et battuz , à qui demeureroit la place et le camp. Lors de plus en plus nous enfloit le cueur nostre magnanime Roy ; lequel , accompagné de grands princes , nous venoit visiter et enhorter , tant de sa présence qu'avec son affable langage, avec telle véhémence et affection , que chacun prenoit la mort aggréable pour son service.

Or estant ainsi toute nostre armée en bataille , et s'aigrissant de plus en plus l'escarmouche d'une part et d'autre , ceste cavallerie des ennemis se tenoit et monstroit tousjours en bataille sur ceste petite colline, et fusmes ain.si attendans leur venue plus de trois grosses heures entières , volletant parmy nous ce bruit : « Ils viennent ! ils viennent ! » et tant longuement que la nuict approchoit, et chacun s'eunuyoit de tant attendre. Enfin M. le connestable, prévoyant

COMMENTAIRES DE FRANÇOIS DE RABÏITIN. [iSSa]

qu'ils temporisoient sciemment jusques à l'obscurité de la nuict, pour nous mettre ou surprendre en desordre , feit advertir nostre cavallerie légère de se joindre pour cliarger ce liot (i) de cavallerie impériale; ce que fut fait promptement, mais avec une tant grande allégresse et dextérité, qu'ils les repoulserent et rembarrèrent vivement; en moins de rien, jusques sur le bord de leurs tranchées, les faisant culbuter pesie mesle là-dedans , où furent tuez , d'hommes de réputation des François , le seigneur de Geniiz , de la duché de Bourgongne, gentilhomme qui nvoit esté nourri page en la maison du Roy. A ceste heure là leur artillerie, tant celle des flancs que celle qui estoit sur les levées de terre, commença à faire son office, laquelle en tua et blessa plus des nostres qu'il ne s'en trouva attaints de coups de main ; dont y furent tuez , entre autres hommes d'estimation, le capitaine Steph, gentilhomme italien, lieutenant de la compagnie de chevaux légers du capitaine Sennetaire , et le seigneur de Ferrieres , lieutenant de la compagnie de chevaux légers du seigneur de Givry, de la maison d'Flstauges. Ceste mesiée dura plus d'une grosse heure, y estant morts des François, tant de cheval que de pied , environ cent hommes , quand la retraite fut sonnée , que le soleil estoit jà couché et la nuict close. Longuement avoit esté débattu si on les devoit aller assaillir Jusques dans leur fort ; toutefois la meilleure part du conseil fut d'advis qu'on se devoit contenter de leur avoir fait ceste honte en leur pays propre , non seulement d'avoir exécuté une partie de nostre volonté , mais bien , nous estans offert en leur présentant ceste bataille dont ils nous menaçoient dès le commencement , assez froidement et a petite excuse l'auroient refusée. On considéroit beaucoup de dangers : premièrement quenoz soldats estoient lassez et ennuyez, tant du chemin que de l'attente , estans chargez d'armes , et les ennemis fraiz et reposez ; que le pays estoit pour eux et leur propre héritage , pourquoy combattoientplus courageusement, et comme gens désespérez, et ne les pourroit on assaillir qu'à leur grand advantage , estant pour exemple les batailles de Foictierset de la Jîicocque : aussi que n'avions seulement à combattre à ce premier fort , lequel encore que nous eussions forcé , se pouvoient les ennemis retirer facilement dans la ville ; parquoy n'eussions rien lait . et eust esté à recommencer. Kl prenons le cas que nous eussions peu parachever l'un et l'autre, on peult aisément penser que les François eussent les premiers porté la paste au four,

(I) Corps.

et y en fust beaucoup demeuré , peult estre tous, tant à raison que ce n'est le propre ne le naturel du Suisse, ne du lansquenet, d'assaillir villes ne forteresses , que ne sont aussi tant affectionnez ny enclins comme les subjects sont à leurs princes. Dont s'il fust advenu que le Roy se fust trouvé dans un pays eunemy , destitué de la meilleure part de ses forces, estoit à douter grandement divers malheurs luy advenir. Et pourtant fut arresté et résolu qu'il valloit mieux se retirer avec honneur qu'avec perte et mocquerie. Ainsi se remeirent les bataillons de fanterie en simple ordonnance , reprenant le chemin où estoient demeurez les bagages; et M. le connestable, avec toute la gendarmerie et cavalerie de l'avantgarde demeura le dernier à partir , en attendant et pour veoir s'ils voudroient faire les mauvais sur la fin, et donner sur nostre queue ; ce qu'ils n'osèrent toutefois entreprendre : et, à la clarté et lumières des feux des villages qui brusloient à trois lieues à l'entour, retrouvasmes nostre logis précèdent.

Derechef, ce soir mesme, par aucuns grands seigneurs fut proposé au conseil y avoir moyen et cause de retourner une autre fois rechercher les ennemis , pour les assaillir et combattre jusques dans leur parc , selon le rapport d'aucuns prisonniers qui en estoient venuz freschement , disans n'estre en telle défense comme ou le cuidoit; asseurant que, du costé du midy , par le bas de la rivière, estoit foible, et que là leur tranchée n'estoit parfaite n'enlevée (2) de cinq pieds de hault ; parquoy on pourroit, en cest endroit , dresser et ordonner noz batailles , et le faire assaillir par les enfans perduz, cependant que nostre artillerie seroit assise sur les collines que nous aurions aux flânez, qui tiroit à plomb dedans eux, estant cause ou qu'ils sortiroient en campagne pour combattre, ou ([uitteroientlejeu. Et fut cest advis promptement , et selon le premier mouvement, trouvé bon; mais, après que les bien vieux et expérimentez en eurent dit leur mot , et ce que bon leur en sembloit , on trouva que la dernière opinion estoit encores la plus seure : suy vaut laquelle , ayans un jour séjourné en ce lieu pour nous rafraischir , nous retirasmes devers Chasteau Cambresis, où semblablement sejournasmes un jour , sans mettre le feu , ne eu ceste belle maison , ne en la ville ; seulement en furent mis hors tous les vivres qui estoient dedans , à fin que les ennemis ne s'en aydassent. Puis recullasmes jusques à Fonsomme , à deux petites lieues près de Sainct Quentin. Et là fut départie nostre armée, environ le dixneuliesme

(I) ISi ('levée.

COMMENTAIBES DE FRANÇOIS DE BABUTIN. [1553]

et vingtième de septembre. Car estans les Suisses bien payez et contentez , leur fat donné congé pour se retirer en leurs pays, et partie de la gendarmerie logée es garnisons le long des frontières , ou renvoyée es gouvernemens de leurs capitaines. Autant en fut fait de tous les nobles et rierebans.

L'autre partie de la gendarmerie et cavallerie légère avec les vieilles enseignes , et les Allemans, fut retirée et assemblée à Auchy le Chasteau , au dessoubs de Hedin , et , peu de temps après, conduite par M. le mareschal deSainct- André devers la comté de Sainct-Paul , pour la destruire de fond en racine, et parachever le degast et totale ruine , tant du baillage de Hedin que de la comté de Ponthieu, et du reste du pays d'Artois. Ce que fut par luy exécuté à la veuë des ennemis, sans trouver résistance , où il ne demeurast tousjours supérieur, avec une tant admirable furie et désolation , qu'il ne fut pardonné seulement aux taicts et loges des bergers, que tout ce plat pays ne fust mis en feux et cendres à l'entour d'Aire , Sainct-Oraer , Lislars et Perne, de laquelle lechasteau fut prins par force, et environ cinquante soldats espagnols tuez et mis en pièces là-dedans. En ce voyage ne fut fait autre chose de grand effect , mais plustost mou-

vante à pitié que méritant d'estre mise par escrit, si-non une brave escarmouche que le vidame de Chartres [duquel la vertu est assez publiée par tout le monde ] dressa devant Lislars avec quinze enseignes de fanterie francoise , et presque deux mille chevaux , sur dix-neuf enseignes de fanterie espagnolle ; lesquelles estoient demeurées campées à l'entour de ceste petite ville, pource que les habitaus leur avoient fermé les portes , craignans d'estre saccagez par eux , comme en estoit advenu à leurs voisins. Cette escarmouche dura presque un jour entier, estant chacune partie obstinée à obtenir et gaigner la victoire ; laquelle [ après avoir longuement bien combattu , et en doute] advint aux François, y estans morts et blessez peu d'entre eux, et des Espagnolz d'avantage, desquels pareillement en fut beaucoup amené de prisonniers. Après ces orages les François retournèrent à Auchy , où les Allemans , et à l'entour de Hedin , demeurèrent en garnison : duquel le baillage avoit esté donné par le Roy au comte Reiugrave. Et sur la fin du mois de octobre, estans cassées aucunes compagnies, tant de fanterie francoise que de la cavallerie légère, les autres furent départies et mises aux garnisons , pour passer Thyver qui estoit prochain.