I. C. D, M. T. VIT

si peu qu'il y en avoit, la pluspart perdoit cueur pour se veoir trop foibles. Ce propos fut un peu long, de sorte qu'il les peut tenir jusques à ce qu'ils arrivèrent à la porte d'Isle. Parquoy M. l'Admirai à l'instant ne luy en fit autre response , sinon qu'il luy dist qu'ils advjsassent à ce qu'il falloit faire et besongner pour l'heure. A quoy il respondit qu'il iavoit desjà monstre au capitaine Sallevert et aux capitaines de gens de pied qui y estoient. Et, après leur avoir fait monstrer de rechef, il fit deslors mettre la main et commencer besongné. Il y eut bien quelque capitaine qui dit à M. l'Admirai qu'aucuns des soldats se faschoient de l'artillerie qui les grevoit et endommageoit fort en besongnant : ce neantmoins, y demeurant là quelque temps , et devisant avecques eux, les soliicitoit et encourageoit de préposer la tuition et défense de Ihonneur et de la vie à la crainte et défaillance de courage • de façon qu'au partir de là il luy sembla les laisser en bonne volonté.

Il print son adresse, au partir de là , au quartier où estoit M. Dandelot son frère , pour luy dire qu'il seroit bon commettre quelqu'un pour commander en la compagnie du capitaine Sainct André , à cause qu'il estoit malade et ne bougeoit de son logis. Son lieutenant aussi avoit esté fort blessé ceste nuict, et son sergent tué; tellement qu'il ne s'y trouvoit homme de commandement qu'un jeune homme qui portoit son enseigne. Lequel sieur Dandelot luy fit response qu'il avoit entendu comme le capitaine Sainct André se portoit assez bien , et qu'il iroit passer en son logis, où ayant sceu qu'il n'y peust vacquer, y commettroit un autre. Et ainsi devisaus ensemble, continuèrent leur chemin qui estoit commun à tous deux , pour aller où chacun d'eux tiroit et se vouloit rendre.

Après que M. Dandelot eut parlé au capitaine Sainct André, pource qu'il commencoit à guérir et retourner en santé , il se fit porter en une chaire où estoit sa compagnie, pour y avoir plus d'authorité sur eux , et tirer plus d'obéissance d'eux que nul autre.

Cejour, qui estoit le septième que les ennemis avoient commencé leur batterie, dès que la clarté le matin commença à se monstrer, ils canonnerent de plus grande furie , et à plus grand nombre de pièces qu'ils n'avoit accoustumé : de sorte qu'il estoit facile à juger ce jour là qu'ils vouloient faire quelque grand effort. Ce que voyant et considérant M. l'Admirai, il appella M. Dandelot son frère , et le seigneur de Sainct Kemy, et les retira à part; et, s' adressant au seigneur de Sainct P.emy, le pria de luy dire son advis de son entreprise, et qu'il voyoit celles que les ennemis

faisoient sur eux [mesraement des mines] , le requérant luy declairer le moyen qu'il auroit d'y remédier. Ils luy firent response qu'ils n'estoieut à cette heure là à y penser, mais qu'ils n'y trouvoient un seul remède, pource que les ennemis estoient maistres des fessez, d'où ils pouvoient pied à pied gaigner le parapect , lequel n'avoit que cinq ou six pieds d'espesseur, et lequel ils leur leveroient en moins de rien, demeurant le rempart si estroict, qu'il n'y auroit lieu pour eux retirer et couvrir, et aussi peu de moyens pour se retrencher par derrière, à cause que le rempart estoit si haut qu'il maistriseroit en beaucoup le retranchement : adjoustant sur cela le seigneur de Sainct-Remy que M. l'Admirai se pouvoit encore souvenir de ce (jue peu auparavant luy avoit dit, qu'il n'avoit en sa vie mis le pied en une plus mauvaise place. Quant aux contremines qu'il avoit commencé , il partoit à l'instant pour en faire fermer deux , et les tenir prestes pour y mettre le feu ; mais il craignoitque l'une , qui estoit la principale, ne fist tomber le reste d'une tour, la ruine de laquelle peust servir d'eschelle à l'ennemy pour monter, combien que , s'il y voyoit quelque danger, il n'en prendroit que ce qu'il en faudroit. Et, ces choses considérées, M. l'Admirai dit qu'il voyoit que l'on luy pourroit imputer qu'il auroit eu bien peu de considération de mettre en hazard les forces qu'il avoit, qui estoient des principales, comme de la gendarmerie, se voyant réduit en telle extrémité ; ce qui eust bien servi à conserver autres places, voire tout le royaume; mais qu'il avoit pensé une chose , à sçavoir : qu'ils pouvoient juger qu'après la furieuse batterie qu'ils avoient redoublée, ils s'efforceroient de les emporter d'assault ; parquoy il se falloit préparer et délibérer se bien défendre ; que si on les avoit bien frottez et battuz la première fois, après ils essayeroient de les avoir et matter à la longue. Et cela voyant , en parlementant , ou par quelque autre expédient, i! pourroit advertir et faire entendre ses nécessitez au Roy, oultre ce qu'il gaigneroit autant de temps. La conclusion de son propos fut que l'on pouvoit ouyr les ennemis renforcer leur batterie, faisans penser que ce jour ils desployeroient toutes leurs forces, et mettroient toutes choses au dernier poinct pour les combattre : pourtant il prioit un chacun se disposer à les bien recevoir et repoulser ce premier coup; et le Seigneur Dieu en après les conseil leroit du demeurant qu'ils auroient à faire. Sur cela se départirent, et s'en alla chacun pour donner ordre à ses affaires .

Avant poursuivre plus oultre ce propos, il est

bien requis déduire le nombre des brèches et le nombre d'hommes qui estoient pour les garder. La première estoit celle du capitaine Rrueil , gouverneur de la ville, qui y avoit sa compagnie; la seconde, du capitaine Humes, lieutenant de la compagnie des Escossois, du comte d'Arran où elle estoit, et en cest endroit je veux dire que M. l'Admirai a tesmoigné en ce qu'il en a escrit qu'il ne veit point, tant que ce siège dura, chefs ny soldats qui s'employassent mieux ny plus volontairement que ceux de ceste compagnie , ne qui monstrassent visages plus asseurez ; la troisième, du sieur de Cuzieux avec une partie de la compagnie de M. le Dauphin ; la quatrième, du sieur de La Garde avec une partie de ladite compagnie. La compagnie du capitaine Sainct- André estoit départie en trois , à sçaN oir avec les capitaines Humes, Cuzieux et de La Garde. La cinquième estoit celle de M. l'Admirai avec une partie de sa compagnie , et le capitaine Gourdes avec quelques harquebusiers. A la sixième y avoit une autre partie de la compagniede M. l'Admirai, etle capitaine Rambouillet. La septième, celle de M. deJarnac, où estoit sa compagnie avec le capitaine Bue et ce qu'il pouvoit avoir de la sienne. A la huitième estoient les capitaines Forces, Ogier et Soleil, avec ce qu'ils pouvoient avoir de leurs soldats , et quatorze ou quinze hommes d'armes et archers , que M. l'Admirai avoit donné au sieur de Yaulpergue pour leur commander. A la neufvieme, M. Dandelot y estoit avec environ trente cinq hommes d'armes qui luy avoient esté baillez de toutes compagnies, et quelques gens de pied, harquebusiers de Saincte Romain , lequel se faisoit bien apparoistre entre les autres. La dixième, du capitaine Lignieres avec ce qu'il pouvoit avoir de sa compagnie. L'unzieme , le seigneur de Sallevert avec la compagnie de M. de La Fayette, et les capitaines La Barre et Hacqueville avec ce qu'ils pou^ oient avoir de leurs compagnies. Et fault noter que par toutes lesdites brèches il n'y avoit point huit cens hommes de guerre pour les défendre , tant de pied que de cheval , bons et mauvais ; car M. l'Admirai n'avoit point meslé ceux de la ville parmy eux , ains les avoit départi es autres endroits, à fin que s'ils eussent esté assaillis à escalades es endroits et lieux où l'on n'avoit point battu, ils eussent eu gens pour soustenir et en débouter l'ennemy.

Il y avoit eu précédemment beaucoup d'hommes tuez et blessez , et autres malades, lesquels ne pouvoient faire aucun secours , non plus que s'ils eussent esté morts : mesmement à la brèche que gardoit M. l'Admirai, le capitaine Gourdes y avoit du commencement plus de cinquante

soldats des siens , comme ils furent nombrez ce matin , et laprès disnée , quand ils furent assaillis , ne s'en trouva que dix-sept; encor y eut il cinq de ceux là tuez en sentinelle avant que l'assault se donnast.Et fut contraint M. T Admirai mander à M. Dandelot son frère qu'il le secourust de quelque nombre des siens, combien qu'il luy faschast fort , le sachant estre en lieu où il en avoit fort bon besoing ; si ne laissa il pourtant de luy en envoyer ce qu'il peut.

Il a esté dit cy dessus comme les ennemis redoublèrent le septième jour leurs batteries , ce qu'ils continuèrent jusques environ les deux heures après midy , qu'on les voyoit ce pendant dresser tous leurs préparatifs pour donner l'assault et de toutes parts. M. l'Admirai alloit et envoyoit en tous endroits , à fm que chacun fust prest de les soustenir et repoulser. En fin , sans faire bruit et sans sonner tabourin , il veit trois enseignes au pied du parapet lors qu'il fit présenter un chacun pour combattre 5 mais ils ne les enfoncèrent point par cest endroit, et commencèrent à couler , et à monter file à file à une tour qui tivoit esté battue d'artillerie au coing du quartier du sieur de La Garde. QuandM. l'Admirai veit qu'ils prenoient ce chemin, il fut fort aise , car ils y grimpoient et montoient fort malaisément, et si du lieu où il estoit il les voyoit un peu par le flanc, et leur donnoit le plus d'ennuy qu'il pouvoit avec trois harquebusiers qui luy restoient , pensans véritablement qu'il fust impossible les forcer par cest endroit. Finalement il veit ces enseignes qui montoient au hauit de la tour et se jettoient en bas; mais il presumoit que ce fust dans une trenchée qui estoit devant le parapet , pour estre plus à couvert , jusques à ce que l'on luy alla dire que les ennemis forçoient ceste bresche. Lors, se tournant devers ceux qui l'environnoient , il leur dit qu'il la falloit secourir. Sur cela arrivant le sieur de Sarragosse, luy demanda où il vouloit aller et qu'il vouloit faire; auquel il respondit qu'il deliberoit aller aider et soustenir l'effort de ceste brèche que l'onforcoit, à laquelle il falloit tous mourir ou en repoulser les ennemis : et sur cela il commença à descendre du rempart; et fault sçavoir qu'adonc il n'estoit pas loing de la tour par où les ennemis entrèrent ; mais il y avoit une longue traverse et hau'ite, qui empeschoit de veoir ce qu'on faisoit. Estant M. l'Admirai descendu au bas du rempart, il veit tout ce quartier là abandonné, sans que personne y fit teste. Et ne sçay d'où vint cest effroy , ne qui en fut l'autheur, si ce n'est qu'on n avoit peu empescher la venue à l'ennemy, pour ne le pouvoir point descouvrir lorsqu'il vint à la brèche;

de sorte qu'y arrivans les ennemis en abondance, et s'y appelians les uns les autres, il fut fticile s'y faire maistres, n'y trouvans personne de résistance.

M. l'Admirai, seulement accompagné de trois ou quatre, entre lesquels estoit un page, et y allant pour ramasser les troupes et faire teste aux adversaires , ne fut si tost là arrivé qu'il ne se veit enveloppé de tous costez : cognoissant donc n'estre plus en sa puissance de remédier à ce desordre , estans desjà la ville pleine de soldats ennemis, y entrans les Allemans à grandes foulles, il fit ce qu'il peut pour tomber es mains d'un Espagnol , comme il luy advint, aimant mieux en ce lieu attendre la commune et générale fortune, et tout succès bon ou mauvais , qu'en fuyant acquérir une honte et reproche. Celuy qui le print prisonnier, après l'avoir fait un peu reposerau pied du rempart, le voulut emmener en leur camp , et le fit descendre par la bresche mesme qu'il gardoit, où il estoit seul ayantperdu toutes ses forces. De là le coula et fit entrer en l'une desmines qu'ils avoientfaites pour gaigner le fossé, où il trouva à l'entrée lecapitaineAlonce de Gazieres, maistre de camp des vieilles bandes espagnoles : auquel lieu survint incontinent le prince de Piedmont , qui commanda audit Gazieres le mener en sa tente. Voilà comme tout le fait du siège et de la prise de Sainct Quentin s'est passé , et a esté déduit par un discours qui m'est tombé es mains, et que l'on m'a asseuré avoir esté rédigé et mis par escrit par M. l'Admirai mesmes, et lequel j'ai mieux aimé suivre [comme prochain de la vérité] que me trouver en faulte.

Maintenant il m'a semblé bon d'y adjouster ce qu'au par-dessus j'en ay peu apprendre et sçavoir : qui est que certainement à la bresche du fauîxbourg d'isie, où estoit M. de Jarnac, il y fut aussi bien et vaillamment combattu que l'on pourroit avoir jamais leu et veu estre fait : de sorte que les ennemis par les autres endroits estans entrez dans la ville, et qui desjà saccageoient et butinoient partout, les vindrent prendre et desfaire par derrière, avant qu'ils pensassent leur monstrer visage : tellement que, pour résolution, avec le défaut qui y estoit d'hommes, il y eut de la main de Dieu voulant punir nos fautes. Les ennemis mesmes ont escrit que le premier assault fut donné à ce capitaine Gazieres cy-dessus nommé , et au colonel Lazare , colonel de quinze cens Allemans, qui y furent presque tous tuez et desfaits. Le second fut assigné au capitaine Navarret avec les Espagnols, et au comte de Meigue avec les Wallons. Le troisième au capitaine .Tulian Romerou , avec trois ensei-

gnes d'Espagnols et deux mille Auglois ; lequel tombant du hault de la bresehe se rompit une jambe. Le quatrième au capitaine Carrondelet, avec trois enseignes de Bourguignons, qui y eut une main emportée.

Enfin fut cette belle et riche ville de Sainct- Quentin conquise et prise le vingt-septième jour d'aoust mil cinq cens cinquante sept, en laquelle ils trouvèrent de grands butins et richesses, pour estre icelle ville un magazin de diverses marchandises qui se transportoient es bas pays, et (|ui estoient aussi de ces lieux apportées pour le commerce et trafique de pardeçà , sans y comprendre encore plusieurs bons prisonniers qu'ils y recouvrèrent, tant de ceux de la ville que des chefs et capitaines qui y estoient entrez pour la défendre. Quant à en nommer de ceux de la ville, il m'est fort difficile, pour en avoir bien peu de cognoissance. Quant aux gens de guerre, je pourray mettre icy les noms de ceux dont j'ay esté adverti, tant de ceux qui y sont morts que faits prisonniers. M. l'Admirai, comme principal chef, ainsi que l'on a peu voir cy-devant, fut emmené prisonnier : toutefois depuis a esté quelque bruit qu'il fut au hazard de se sauver par la conduite d'un Espagnol ; mais n'estant ce mystère bien dressé et entendu, il fut reserré, et l'Espagnol pendu et estranglé. M. Dandelot y fut pris aussi ; mais , se resentant encore du mauvais traitement qu'il avoit receu d'eux en sa prison d'Italie , aima mieux adventurer sa vie que retomber une autre fois en ceste captivité et misère: de façon que, luy aidant la grâce de Dieu , il se coula par dessoubs les bords d'une tente, et de nuict, après avoir sondé divers guez et passages dans le marets, trouva moyen de sortir de leurs guetz et gardes, et se sauva à Han. M. de Jarnac y demeura prisonnier, aussi firent les seigneurs de Sainct-Remy, de Humes, de La Garde, de Cuzieux, de Moulins, les capitaines Breuil de Bretagne, de Rambouillet, Sancte Roman , Sainct-André, Lignieres et Soleil. Ceuxcy y furent tuez ; et y moururent, comme l'on m'a dit, le iils du seigneur de La Faiette, le capitaine Sallevert, enseigne de la compagnie dudit sieur de La Faiette, les capitaines Ogier, Vicques, La Barre, l'Estang et Gourdes. Plusieurs autres y ont esté tuez ou faits prisonniers, les noms desquels me sont incoguuz, et ne les ay peu sçavoir pour leur faire part de quelque mémoire de leur vertu : toutefois j'ai opinion que quelqu'un cy après en pourra encore mieux escrire que moy, qui ne les laissera en oubly, et supplcra mon défault en ce que je pourrois avoir obmis.

Durant le temps de toutes les exécutions cy-

devant déclarées, M. de Nevers n'est oit bougé de Laon, attendant d'y recueillir et amasser toutes les forces du Roy, et pour pourvoir aux autres entreprises que d'ailleurs les ennemis pouvoient mettre sus , et surtout de fournir et munir les villes circonvoisines de Sainct-Quentin, non seulement de soldats , selon qu'ils luy estoient envoyez et y arrivoient, mais aussi de toutes autres commoditez et provisions, afin qu'ils pussent par courses d'autant plus affoiblir et rompre l'ennemy, en luy coupant les vivres, et massacrant les soldats aux fourrages, et s'asseurassent et tinssent forts de bonne heure s'ils estoient assiégez, prévoyant mesmement l'obstinée continuation des ennemis au siège de ceste ville, laquelle il doutoit à la longue estre prise et emportée, ne pouvant estre de luy en autre sorte secourue ; dont il ne faull douter qu'en son esprit il ne supportast un fort grand et triste regret, ainsi que son visage et ses gestes le faisoient paroistre. Et pourtant d'heure à autre advertissoit le Roy de tout ce qu'il scavoit, et luy cstoit rapporté estre advenu dedans et dehors ce siège : tellement que, le jour de la prise de ceste ville, le Roy luy faisoit response à ce qu'il luy avoit escrit, s'il advenoit que l'ennemy emportast Sainct Quentin, qu'il auroit à faire, lui avoit mandé que le mieux de sa charge et de son faict serolt de pourvoir Guise, La Fere et Peronne, sans oublier Corbie, où il escriroit au sieur de Villebon se retirer, et faire si diligemmoit travailler au remplissement du boulevert et rehaulsement du retranchement, que bion tost ils se retrouvassent en leur perfection. Oultreplus il l'advertissoit derechef que, selon qu'il luy mandoit par le sieur de Sansac, si Sainct Quentin tenoit, qu'ils dressassent une forme de camp à Han, pour retrencher encore plus estroittement les vivres aux ennemis, et là où ils le prendroient, que, retirant des places qu'il avoit laissé derrière toutes les garnisons, il les suivist à la queue et envoyast les lansquenetz qu'il avoit à Soissons, Villiers-Cottretz et Dommartin ( l ) , pour se retirer la part où il seroit ; et quant aux François, que, lesdites quatre places pourvues, il les départist à Laon et à Coussy, avec quelques bons chefs, luy laissant le surplus de la charge de pourvoir ix Compicnne, où, oultre les quatre compagnies qu'ij y avoit ordonnées des capitaines Certeau et Fontaines, il sedélibéroitdy envoyer encor celles du capitaine i'uchet, et une autre du capitaine Antoine de iNovion. Or, quant à ce camp dont il est fait cy-dessus mention devoir estre dressé à Han, est à scavoirque. deux ou trois jours précédem-

(Il DniMiiini'liii.

COMMENTAIKES 1>E FKAINÇOIS DE llABtTlN. [1557J

obd

meut, enlre autres mémoires que le Roy avoit envoyé à ce prince, luy enchargeoit et l'advertissoit quMl entendoit fortifier un camp à Han, où se dévoient trouver, pour le considérer et entreprendre aveeques luy, les seigneurs de Sansac , d'Estrée et de Villebon , et autres expérimentez capitaines, suivant ce que M. le mareschal Sainct-André en avoit desjà fait désigner pour la fortification du camp, qui un peu auparavant y estoit. Et d'autant qu'en ceste entreprise l'on craiguoit que les ennemis, se mettans entre ledit Han et les vivres, et erapeschassent ceste entreprise, et contraignissent ceux qui seroient làdedans de venir à la bataille, l'on avoit pourveu d'avoir cinq cens muiz de bled en farines, que le sieur de Chaulne, gouverneur de Corbie, prestoit au Roy, pour la nourriture des forces qui entreroient dedans, suffisans pour un long- temps à vingt-cinq ou trente mille bouches , oultre laquelle quantité de farines, on en avoit encores autres quatre cens muiz. Toutefois ces délibérations n'eurent aucun effect, et fut autre changement dadvis par la prise de Sainct Quentin, plus soudaine et plutost advenue que l'on n'esperoit; car, incontinent après, M. de Nevers n'avoit autres choses aux oreilles qu'advertisseraens des gouverneurs et chefs des places des environs, que l'ennemy tournoit devers eux, se plaignans de leurs defaults et nécessitez , et demandans secours, ou d'hommes, de vivres, de pouldres, ou de quelques autres munitions : de sorte que l'on ne sçavoit ausquels premièrement entendre, et là où estoit le plus proche et urgent besoing. M. de Rordillon , qui estoit à La Fere, encore que ce prince eust mis gens dans ceste place autant qu'il luy avoit esté possible , et l'eust munie au mieux que le moyen s' estoit peu recouvrer, ce néanmoins, craignant la longueur du siège , et ne voulant attendre l'extresme nécessité, vouloit en avoir plus que moins, et demanda à M. de Nevers secours de vivres et de gens. Parquoy fut commandé au président Bourgeois, que le Roy avoit envoyé à Laon pour estre commissaire gênerai des vivres, de luy envoyer des munitions qui estoient dans ceste ville de Laon, tant de farines que de vins, et d'un mesme train luy furent envoyées une ou deux des vieilles compagnies de gens de pied qui estoient venues nouvellement de Metz. Au comte de Sancerre, qui estoit à Guise, se plaignant d'avoir faute d'hommes , pour avoir esté ceste place accrue d'une nouvelle fortification, disant que, par la revue cfu'il avoit faite de ses gens, ne se trouvoit avoir quedeux mil ettrois ou quatre cens hommes de pied, où 11 estoit nécessaire de plus de trois mil cinq cens, fallut encore luy renvoyer autres

quatre des vieilles compagnies , lesquelles aussi estoient venues de Metz. Le capitaine La Motte Rouge, gouverneur de La Capelle, envoya aussi advertissement à ce prince , comme par ses espions il avoit sceu que les ennemis, après la prise de Sainct-Quentin, délibéroient aller assiéger Guise ou La Capelle, et pource qu'il estoit besoing le secourir de gens. Ainsi , encore que M. de Nevers eust bien fort peu de compagnies de gens de pied auprès de sa personne, et toutes celles qui y estoient estans encore nouvelles, si fut il force luy en envoyer deux des capitaines Fouquault et Brumes. M. d'Humieres, gouverneur de Peronne , d'autre part disant avoir entendu pour vray qu'au partir de Sainct-Quentin les ennemis tiroient droit vers luy , demandoit encore plus grand nombre d'hommes qu'il n'avoit : combien que sa ville fust desjà pourvue de soldats en la sorte que j'ay dit cy-devant, l'on y renvoya les compagnies du capitaine Vezigues. Certainement il y avoit de grandes opinions et conjectures que les ennemis s'addresseroient à ceste ville , pour beaucoup de causes : entre autres pour de tant plus renforcer Sainct- Quentin, et la tenir en seureté, estans ces deux villes voisines l'une de l'autre, et pour estre maistres d'une grande partie de la rivière de Somme, qui leur serviroit comme d'une barrière. Mesmement M. de Rordillon avoit mandé à M. de Nevers qu'il avoit sceu de l'enseigne de M. l'Admirai , estant prisonnier au camp de l'ennemy, qu'ils pourparloient desjà de tirer là, ayans esté advertiz, par un Italien et un soldat du capitaine Vicques , de l'endroit où ils la dévoient battre , qui estoit depuis la porte de Bourgongne jusques à une tour qui est pendente , et depuis le chasteau jusques à un flanc où le terroùer et le rempart ne valloit rien ; pour ces causes estoit bien requis y pourvoir à temps et heure. Et en cela se peult voir si ce prince avoit guères de repos, sans que je fasse ici plus ampie narration d'infinité d'autres fatigues où sa personne et son esprit estoient incessamment tendus , que je laisseray à descrire à ceux qui l'ont peu voir comme moy . Or , le roy Philippes avec son armée estoit tousjours campé à l'entour de Sainct-Quentin , sans qu'on peust scavoir , à la vérité , ce que de nouveau il vouloit attenter. Seulement, après que ceste pauvre ville eust esté d'un bout à autre fouillée et saccagée , et vuide de tant de biens qui y estoient, commencèrent à la retrencher pour donner commencement à la fortifier. Toutefois depuis , sur la fin de ce mois d'aoust, M. de Rordillon advertit M. de Nevers comme son espion luy avoit rapporté que les ennemis avoient tiré de leurs trenchées devant Sainct-Quentin

quelques pièces d'artillerie, et estoit le bruit par toiitleur campque c'estoit pour aller assiéger Le Castellet. Ce qui fut trouvé véritable; car, peu de jours après, l'on sceut que pour vray il esloit enveloppé, et que lecomtc d'Aramberg[autremeutdit Je Brabansonjcbef de ce siège , estoit campé avec mil ou douze cens cbevaux le long du marets et devers l'abbaye de Sainct-Martin. Au-dessus de luy estoient logez trois regimens d'Allemans , à sçavoir : Monichuissen avec dix enseignes, et plus haut, sur le chemin de Sainct-Quentin , un autre régiment de Poris-vanholf de sept enseignes, où se faisoitune batterie de quatre pièces. Plus haut encore , entre les chemins de Sainct- Quentin et de Cambray, s'estendoit un autre régiment de Claes Holstat de sept enseignes; et là estoit la plus grosse batterie de vingt et une pièces , qui tiroient aux deux bouleverts et à la courtine, avec une furieuse et admirable tempeste, comme les nouvelles couroient parmy nous , et aussi que le tonnerre en retentissement en estoit le plus souvent entendu. Dedans estoit gouverneur, comme j'ay desjà dit, le baron de Solignac, gentilhomme duquel la valeur et bonne opinion que chacun avoit de luy faisoit croire qu'il ne rendroit ceste place qu'à l'extrémité , et csprouveroit le dernier danger avant que succomber de son honneur ; mesmement tant de braves entreprises qu'il avoit exécutées sur les ennemis durant le siège de Sainct-Quentin [ entre autres avoit destroussé quelque argent qu'on apportoit à leur camp], luy redoubloient une fort grande et louable réputation. De quoy s'asseurant N. de Ne vers , et luy estant conformée ceste continence par les advertissemens que le baron de Solignac luy mandoit de garder ceste place tant longuement que le Seigneur Dieu luy presteroit la grâce, et jusques au dernier souspir de sa vie , en donna advis au Roy, dont Sa Majesté eut grand espoir et contentement Et ce que confirma la response que sur cela en feit M. le cardinal de Lorraine , escrivant à ce prince que le sieur de Ricourt, cousin et parent du baron de Solignac, avoit asseuré le Roy et luy que ledit de Solignac mourroit pkistost dans Le Castellet, que le rendre sans extrémité irrémédiable. Ceste espérance , que pour le moins il tiendroit quinze jours ou trois sepmaines, faisoit faire toute diligence d'amasser et rassembler les forces que le Roy proposoit mettre sus de nouveau : de sorte que Sa Majesté avoit mandé et fait response à M. de Nevers qu'il s'asseurast que dans ce tempslà il auroit auprès de luy une autant belle armée que la première pour empescher que l'ennemy n'entrast en pays. Et de faict, c'est chose cer- .aine que l'on faisoit haster à grandes journées

le secours des Suisses , et les Dandes nouvelles d'Allemans que les colonels Reichroch et Reifberg amenoient. Pareillement l'on avoit sceu que M. de Guise s'achemineroit bientost de par deçà ; et, d'autre part , journellement arrivoient à l'entour de Laon quelques compagnies de cavalierie et fanterie , estans toutes les autres places bien pourvues , y ayant ce prince mis un tel et si bon ordre , qu'elles estoient hors de doute , ainsi que chacun le scait. Mais tout le rebours de tout ce qu'on proposoit adviiit ; car dès le six ou septième de septembre , sur le soir, vindrent autres advertissemens de M. de Rordillon , comme Le Castellet estoit rendu ; ce que M. de Nevers ne vouloit croire aucunement , pour autant que ce jour mesme le baron de Solignac luy avoit de rechef raandé qu'il n'estoit encore prest à se rendre , et qu'il déliberoit y mourir ou y faire un si grand service au Roy qu'il en auroit à jamais mémoire. Et encore que les rapports redoublassent , si en demeura il toujours en doute, et ne luy pouvoit tomber en l'entendement, jusques à ce que toute la nuict il envoya recognoistre et sçavoir la vérité ; et fut trouvé qu'il estoit ainsi , et que davantage , comme l'on rapporta, s'estoit rendu à bien petite occasion, veu qu'il n'y avoit autre brèche raisonnable pour donner l'assault, lequel, pour le moins, il devoit endurer, estant place de marque , encore qu'elle soit petite , autant deffensable qu'il en soit sur ceste frontière , autant bien pourveue de munitions [comme l'on dit que M. d'Estrée l'asseura ) qu'il estoit possible. Ainsi ceste reddition , si soudaine et au despourvu , fut trouvée fort estrange de chacun, veu l'espérance précédente , et que l'on n'avoit point ouy plaindre ceux qui estoient là dedans d'aucun défaut. Pour ce mescontentement et souspeçou, estant iceluy baron de Solignac depuis à Paris, le Roy le feit arrester prisonnier; lequel se voulant justifier , a allégué , sur ceste si soudaine reddition de la place qu'il avoit en garde , les causes cyaprès déclarées , à sçavoir : qu'il avoit esté frustré du secours par luy requis et nécessaire à la conservation de sa place, qui estoit de deux mille hommes de garde, comme le seigneur d'Estrée , auparava)jt gouverneur , attendant le siège les avoit autrefois eus. Davantage, qu'ayans trouvé les ennemis ce chasteau sans fossé du costé que ils commencèrent leur principale batterie , et un bastion demeuré bas et à revestir , exploitèrent tellement que les soldats ordinaires à la garde de ce bastion furent bientost contraincts l'abandonner, pour la grande quantité de bricque et terrain qui , de la courtine ueufvc , les eudommageoit et tomboit ordinai-

rement sur eux , estant si furieuse et violente la batterie , qu'en peu d'heure elle feit voye et chemin pour monter à cheval sur ledit bastion , estant facile pour venir de là à la bresche ; laquelle , combien que elle ne fust de tout suffisante , s'agraudissoit dans deux voilées de canon , et s'estendoit de six vingts pas ou plus, s'inclinaut et courbant desjà le mur en ceste longueur , et le terrain ouvers d'un pas en largeur , et de la longueur d'une picque en profond. Ce que voyans les soldats , qui ne se trouvoieut là-dedans en nombre de trois cens , ny la moitié d'eux en force et santé , prindrent tel et si grand estonnement et desespoir de résister , que, pour quelques remonstrances que leur sceussent faire leurs capitaines avec offre de mourir avecques eux des premiers , ne les peurent asseurer et remettre en volonté de combattre et attendre l'assault. Réservé quelques gentilshommes et vieux soldats qui se présentèrent à toute fortune et s'offrirent à tout devoir, les autres prindrent resolution de quitter là tout , abandonûans la brèche , et déclarèrent ouvertement au gouverneur qu'ils ne combattroient aucunement , ne cognoissans , comme ils alleguoient , moyen ny apparence aucune de pouvoir résister et garder ceste place , ny faire un seul service àli Roy ; et pourtant qu'il valoit mieux reserver leurs vies à un autre qui seroit de plus grande importance. Qui fut un autant plus grand desplaisir et crevecœur audit gouverneur et autres capitaines , que plus de réputation ils avoient acquis , tant es guerres précédentes que freschement aux saillies de ceste place sur les ennemis , et jusqiies à renverser de leurs gabions et leur faire abandonner leurs trenchées. Durant le siège du Castellet , le quatriesme de septembre , M. de Rordillon advertit M. de Nevers qu'il avoit sceu que le roy Philippes ne desiogeroit d'auprès de Sainct Quentin , jusques après avoir veu qu'il adviendroit du siège du Castellet, selon qu'il l'avoit peu apprendre de quelques soldats qui avoient esté pris ce jour là à Vandeuil , lesquels luy avoient asseuré que la batterie devant Le Castellet commençoit le landemain. Ces soldats là faisoient escorte à leurs fourrageurs, desquels en avoient esté tuez plus de quarante en ce lieu , et en furent emmenez force chevaux par ceux de la compagnie du comte de Villars , que M. de Bordillon y' avoit envoyé , avec quelque nombre d'harquebusiers à cheval de la compagnie du capitaine Lamenaz, qu'il faisoit soustenir par deux ou trois cens barquebusiers à pied le long du marets. La compagnie de chevaùx-legers du prince de Condé et une d'Escossois , estans en embuscade près du

grand Essigny, feirent rencontre de quelques gens de pied qui venoient à l'escorte des fourrageurs , desquels environ vingt furent exécutez et mis en pièces ; et , sans leurs gens de cheval qui leur vindrent à secours , estans iceux gens de pied bien cinq cens , on eust fait carnage de tout cela.

Après la reddition du Castellet , M. de Nevers eut quelque opinion que les ennemis tournassent à Guise , ayant pris ce chasteau pour s'asseurer de ce qui estoit à leur doz , et pour aussi rendre le chemin de Sainct-Quentin à leur camp libre et sans danger, afin que de l'un à l'autre on peust envoyer tout secours : toutefois , se tenant fort bien asseuré du comte de Sancerre , vaillant chevalier s'il en est point au monde , et que la place estoit seurement pourveue et munie d'autant vaillaus capitaines et soldats qu'il estoit possible les eslire , et généralement de toutes les autres provisions et munitions de guerre, il en avoit un grand repos et contentement en son esprit , s'asseurant que s'ils s'y addressoient ils trouveroieut de la besongne taillée pour un long séjour : et cependant luy resteroit tousjours le loisir de recouvrer gens , et si pourroitde plus en plus fortifier les autres places circonvoisines, et finalement se presenteroit quelque propre occasion pour leur appareiller une strette qui leur feroit sentir combien seroit dangereux en pays d'ennemy s'estendre et eslargir. Toutefois il n'advint rien de ce que ce prince en esperoit ; car, peu de jours après la prise de ce chasteau, les ennemis, sans passer plusoultre,prevoyans, à mon advis , autant clairement que nous leurs intérêts etadvantage, se retirèrent à Fonssomme, où jà estoit campé le roy Philippes avec l'autre partie de l'armée. Et estoient là , à mon jugement, sur le poinct de la délibération dece qu'en après ils auroient à poursuivre; aussi que l'on disoit que le roy Philippes attendoit response de l'advertissement qu'il avoit envoyé en Espagne à l'empereur Charles son père , pour le resjouir de sa prospérité , le suppliant en oultre luy commander et ordonner de ce qu'en après auroit à entreprendre. Il est facile à juger que, selon leurs mutations et diversitez d'entreprises, il falloit aussi que M. de Nevers changeast et accommodast les siennes; car alors ils estoient les plus forts, et noz forces encore si naissantes et petites, que c'estoit tout ce qu'on pouvoit faire que ruiner pays au devant d'eux et à l'entour, où Ton sçavoit qu'ils se vouloieut eslargir et estendre, et au surplus fournir les villes où l'on craignoit qu'ils délibérassent s'attaquer, pour temporiser et les amener ou jusques à l'hiver, ou les faire consommer temps en si petits exploits , que l'on

COMMENTAIRES ï)E FRANÇOIS DE RABUTIN. [1557]

peust cependant reunir nouvelles forces pour aller au devant d'eux. Or desjà en ce temps commençoit à s'engendrer entre eux un mutinemeut, mesmc entre les Allemans et les Espagnols , tant pour le sac et butin de Sainct Quentin, que pour les prisonniers de la journée de Sainct Laurent ; de sorte qu'on disoit parmy nous que le roy Philippes et le duc de Savoye, se voulans vendiquer (1) et dire leurs les princes et grands seigneurs de France prisonniers, desquels la rançon exccderoit certaine somme limitée , et les voulans retirer et avoir presque comme de force des mains des princes et grands seigneurs d'Allemagne qui estoient en ce camp, les mutinèrent tellement , qu'ils délibéroient se départir et s'en aller expirant le serment de leur service : ce que estant sceu de nous , estoient praetiquez et retenus au nostre , et dès lors peu à peu à la file s'y en retiroit. Avec cela les Anglois ayans esté fort maltraittez en ce voyage, aussi qu'il avoient sceu comme les Escossois remuoient mesnage en leur pays , et leur faisoient une forte guerre , avoient desjà demandé congé , et s'en vouloient retourner : toutefois , pour remédier à toutes surprises qui peuvent advenir soubs la credence de telles nouvelles et bruits apposiez , l'on ne delaissoit à pourvoir à toutes choses ; mesmement pour la doute qu'on eust peu avoir que ces Anglois , en eux retournant, ne feissent quelques raffles et destrousses improvistes, l'on contremanda M. de Seuarpont, lequel auparavant l'on vouloit retirer de pardeçà , pour se mettre dans Abbeville, de ne bouger deson gouvernement deBoulongne et de ^lontereuil , pour tenir ceste contrée en asseurance : au lieu duquel y fut commandé M. de SansRC avec sa compagnie et celle de feu M. d'Anghien.

Ayant le roy Philippes pour quelques jours campé à Fonssomme , tant, à mon jugement, pour les causes précédentes que pour estre certainement adverty de noz forces et des empeschemens qu'il trouveroit, ou que luy pourrions donner s'il entroit avant en pays, prit dernière resolution d'aller assiéger Han, où feit prendre le chemin à son armée, scachant la situation de ceste place fort commode à estre fortifiée , de la- (fuelle un commencement estoit desjà projette et desseigné , et toutefois si imparfaict et délaissé, qu'il ne luy pourroit faire grande résistance : et, s'asseurant l'obtenir en peu de temps, proposoit, en paradîcvant la fortification , la rendre l'une (l'-s plus belles places de guerre qui se peustveoir sur tonte la frontière , et qui scroit comme le secours et appuy de la ville de Sainct-Queutin ,

(I) llc\oiuli(|ucr.

qu'il delibéroit aussi rendre inexpugnable , pour avoir de ses Pays-Bas les stances et journées raisonnables de retraittes pour entrer et sortir dans le royaume de France quand bon luy sembleroit. Or, pour dire un mot de la situation de Han , elle est entièrement plaine et descouverte, sans qu'il y ayt rien qui luy commande : flanquée d'un costé de la rivière de Somme , et de l'autre d'un marets destendue , en certains endroits , de plus de cinq cens pas , sans que il y ayt que bien peu de plaine et terrouer sec pour y arriver. Il y a la villette et le chasteau. La villette , en Testât qu'elle estoit pour lors , ne pouvoit tenir en sorte que ce fust; et combien qu'il y eust quelques foudemens et sorties de boulevers , si est-ce qu'ils estoient si peu apparans et mal defensables, qu'il n'en falloit faire aucun estât. Le chasteau estoitd'assez bonne apparence, et se representoit assez furieux , selon les anciennes fortifications, ayant la forme quarrée, Uanqué de quatre gros bouievers ronds, avec une grosse tour quarré et massive de large espesseur, servant de plateforme aux courtines qui luy estoient alliées , et commandant en tout et partout ce chasteau : mais le tout estoit à sec de pierres et maçonnerie , sans qu'il y eust aucuns rempars et terreplains, ny autres fortifications selon les modernes inventions, pour soustenir et défendre une place longuement contre l'esmerveillable tempeste et furie de l'artillerie de maintenant : toutefois , pour ne laisser du tout le chemin libre et ouvert à l'ennemy de entrer encore plus avant s'il ne trouvoit quelque arrest, M. de Sepois, qui en estoit gouverneur, avoit donné advis au Roy qu'on bruslast la villette . si l'on voyoit que le siège y vint , pour ne laisser lieu à l'ennemy de s'y pouvoir loger; mais quant au chasteau , qu'on le pourroit tenir et garder pour quelques jours, cependant que l'on se fortifieroit en avant : car il estoit facile à juger qu'ayant pris Han il ne planteroit là son but , ains ou passeroit plus oultre ou se jetteroit à droite ou à gauche, et s'addresseroit tousjours aux lieux foibles et faciles à estre en bref occupez , pour ne perdre et mal employer la saison qui luy estoit fort propre. Ces choses estans sceues de M. de NcA ers , de Laon envoya pour renfort le seigneur de Helly (2), chevalier sage et bien expérimenté, pour essayer d'y entrer, comme il feit, encore qu'il fust desjà enveloppé, ayant combattu et passé sur le ventre de quelques ennemis qui le vouloient retenir et empescher; et, d'autre part, M. de Montmorency prit le chemin à Amiens avec sa compagnie et celle de M. le connestable

(2) De Pisseleu , seigneur de IIcllj .

COMMENTAIRES DE FRANÇOIS DE RABUTlN. [l557]

son père, et les quatre mille AUemans que le Roy avoit mandé à M. de Nevers luy envoyer, combien qu'en ceste ville d'Amiens fassent desjà le vidasme d'ieelle(l) et les sieurs d'Auguessant et de Morvillier, avec leurs compagnies. Et à Soissons alla le prince de Condé avec une partie de sa cavallerie légère , départant le surplus le long des rivières pour en défendre les guez et passages aux ennemis, envoyant le baron de Clere à Noyon avec sa compagnie et une autre d'Escossois. Le Roy, comme j'ay cy-dessus dit , avoit desjà pourveu à Compienne , envoyant oultrepius à Beauvais le seigneur de Marrivault, pour y recevoir et mettre dans la ville quelques compagnies de gens de pied françoises, desquelles il en devoit envoyer deux à Montdidiei- avec des farines et autres provisions. A Senlis aussi avoit este envoyé le seigneur de Race. Quant à Cliauny et Coussy d'un costé , l'on a veu cy-dessus comme elles estoient pourveues selon qu'elles le pouvoient comporter, et que l'on estimoit qu'elles pourroienttenir, comme aussi de l'autre part en estoit de Peronne , de Corbie et d'Amiens , comme aussi de toutes les autres places le long de la rivière de Somme. En ceste sorte, et au mieux qu'il avoit esté possible, l'on avoit garny les places circonvoisines de Han, alin que les ennemis estans à ce siège , ne se peussent eslargir et escarter pour recognoistre et empiéter davantage d'estendue, aussi pour faire tousjours le gast devant eux, et les affamer en leur rompant et coupant les vivres.

En ccst endroict, et pendant que le roy Philippes séjournera au siège de Han , il m'a semblé n'estre point trouvé mauvais, ny hors de propos, faire une brefve digression d'autres particularitez et accidens advenus es autres endroits de l'Europe, et toutesfois appartenans et provenans de ces guerres ; d'autant ou qu'ils tendoieot à un mesme effect, ou estoient prédictions et présages de troubles régnans, adversités présentes , et de l'issue qui en devoit succéder. L'on a peu veoir, et selon que l'ay descrit briefvenient, les causes pourquoi M. de Guise fut envoyé avec une armée en Italie ; qui estoit , comme la plus commune opinion se publioit, pour le secours du Pape , adonc réduit en fort estroitte puissance. L'on a pu sçavoir aussi les exploits et exécutions qu'y a fait ceste armée, et l'advantage et profits qui eu sont revenus et réussis au Roy et à son royaume, dont je n'ay fait aucune mention, pour cstre mal certain de

(1) Antoine d'Ailly, y idama d'Amiens. •

(2) Défaite de Satnt-Queutiu.

(.3) Palestrine.

la vérité; aussi que l'occasion de la faulte, comme il est croyable , redonde entièrement , et est rejettée , par la voix publique , sur les plus proches du conseil du Pape et le mauvais ordre que trouva M. de Guise à sou arrivée en Italie ; dequoy pareillement je ne veux traiter aucune chose , et délibère m'en taire , délaissant à le déduire à ceux qui l'ont vu et le peuvent mieux sçavoir que moy , et reprendray ce que j'ay desjà dit. Le Roy avoit mandé, incontinent après ceste routte de Sainct-Laurent (2) , à M. de Guise qu'il pacifiast de pardelà , et accordast de toutes choses le plus advantageusement et sagement qu'il se confioit de luy , mesmement pour le repos du Saint Père, pour, cela faict, se retirer de pardeçà avec ses forces où il en avoit bon besoing. Ce prince incontinent le fit sçavoir au Pape , et luy donna à entendre la nécessité qui le rappelloit et revoquoit en France , et les affaires qui environnoient le Roy, qui estoient cause de luy faire supplier Sa Saincteté le licencier et permettre qu'il se peust retirer, après avoir toutefois composé et transigé à son profit de ses affaires, selon son bon advis et conseil. Le Pape, adonc desjà désireux de terminer ceste guerre, de laquelle il savoit celle de pardeçà estre procédée, comme il cognoissoit évidemment , et laquelle il doutoit prendre fin par la ruine de l'un de ces grands princes , et finalement par la sienne, avec une confusion de Testât ecclésiastique , et avec infinité de maux et dépopulation universelle , proposa plus qu'au paravant s'appointer avec le roy Philippes. Et deslors, qui estoit le huictième de septembre en cest an, envoya les cardinaux Carlo Caraffe, Sainct-Fleur et Vitel, accompagnez de grands seigneurs romains et gentilshommes, avec bon nombre de cavallerie, devers le duc d'Albe, lieutenant général d'iceluy Roy, qui estoit lors à Cavy , place assise en la campagne romanesque , assez près de Pilastrine (3) , pour en conclure et resouldre une pacification amiable. Tous lesquels s'estans assemblez à Genassan , lieu assez proche de là, en peu de jours tombèrent d'accord; et, le mardy ensuyvant , qui estoit le quatorzième de ce mois , les susdits cardinaux retournèrent à Rome avec la paix entre le Pape et le roy Philippes , à telles conditions que s'ensuit : Premièrement , que , de la part du roy Philippes, le duc d'Albe fera les obéissances et hommages qui seront convenables à notre sainct père le Pape, comme dévot fils, et en signe d'obéissance et humilité, pour impetrer grâce et pardon de lui; aussi que le Roy envoyera homme exprès vers nostre Sainct Père pour faire le semblable ; et que le Pape , comme bon père

et clément , le recevra et acceptera pour bon fils et obéissant, et du Sainct Siège apostolique, en le faisant participant des grâces communes aux autres princes chrestiens. Qu'icelui Sainct Père renoncera à la ligue faite avec le tres-chrestieu roy de France , et qu'il sera également pour l'advenir père commun et neutre. D'autre part , que le roy Philippes rendra désarmées sur le champ au Sainct Siège apostolique toutes les cités, villes, chasteaux et villages, assis en quelques pais que ce soit, qui auroient esté occupez depuis le commencement de ceste guerre jusqu'au jour ci -dessus déclaré. Que par même moyen l'on rendra, tant d'un costé que d'autre, l'artillerie qui a esté prise et transportée en ceste guerre , en quelque manière et lieu que ce soit; et que de la part , tant du Sainct Père comme du roj' Philippes , on remettra à toute communautez et personnes particulières, ecclésiastiques et séculières de quelque estât, degré, ou condition que ce soit, toutes contumaces et peines, tant spirituelles que temporelles , esquelles ils pourroient avoir encouru à cause de ladite guerre , en leur faisant pardon et grâce générale de leur rendre leurs estats, degrez, dignitez, jurisdictions, forteresses, villes et chasteaux, offices, bénéfices, facultez, et autres biens immeubles, desquels ils ont esté privez et despouillez ou empeschez , en quelque manière que ce soit , pour occasion de ladite guerre seulement, et non pour autre ; en déclarant expressément que cet article n'y comprent point et n'apporte aucun support aux seigneurs Marc Antoine Colonne et Ascanio de La Cornia , ains resteroient aux contumaces où ils se trouvoient alors , et à la franche volonté et disposition du Sainct Pere-Oultreplus, que Pallian seroit remis, en Testât qu'il se trouvoit, au seigneur Jean Bernardin Carbon, confédéré et approuvé des deux parties , lequel jureroit fidélité au Sainct Père et au roy Philippes , d'observer toutes les conventions passées entre le cardinal Caraffe et le duc d'Albe , pour le service de leurs princes , et demeureroit à la garde dudit Pallian avec huict cens hommes de pied, les frais desquels se fourniroient par moitié. Adjoustant à tous ces articles trefves pour un certain temps , contenans passeport et saufconduit à M. de Guise, et à tous les princes, seigneurs, gentilshommes, capitaines et généralement à tous soldats du party du roy trèschrestien de sortir d'Italie et des pays appartenans au roy Philippes , tant sur terre que sur la mer. Toutes ces conventions estant apni-ouvées et accordées entre toutes les parties , le dimanche , dixneufieme de ce mois , le duc d'Albe entra dans Rome, environ une heure de nuit,

avec fort grandes démonstrations et signes de joie, tant par les salués de l'artillerie, qu'avec un nombre infini de fusées et autres allégresses que l'on a accoustumé faire , mesmement de pardelà , à la bien venue et amiable réception de quelque grand prince , et en preuve et apparence de rejouissance. Le lundy ensuyvant l'on tint consistoire, où furent esleuz et députez deux légats pour traiter la paix universelle; l'un, qui estoit le cardinal Trivolce, devers le très chrestien ro,y de France , et l'autre , qui estoit le cardinal Carlo Caraffe , vers le catholique roy Philippes.

En mesme temps que se traittoit ceste susdite paix , M. de Guise estoit parti d'Italie pour s'acheminer de pardeçà , s'embarquant à Hostie dans les galieres et vaisseaux de France qui l'attendoient là, avec une partie des grands seigneurs et capitaines , et quinze cens ou deux mille harquebuziers esleuz. L'autre partie de l'armée, soubs la conduite de M. d'Aumalle, retourna par les terres du Pape devers Bolongne et à Ferrare, et de là par les Grisons et les Suisses. Et ainsi démembrée retourna ceste armée du voj'age d'Italie.

En ces mesmes jours aussi advindrent de par de là estranges déluges et inondations de rivières à Rome et à Florence. Celuy de Rome advint ce mesme jour de la paix, quatorzième de septembre : s'estant le Tybre, l'un des plus renommez fleuves de l'Europe, grandement enflé, comme s'il eust voulu menasser Rome de nonpareille ruine et démoUtion , croissant d'heure à autre, la nuict ensuivant commença à s'espandre par les plus prochains et bas lieux de Prato et des vignes qui sont à l'entour. Le lendemain s'estant eslargi et desbordé par la ville , et regorgeant par tous les conduits des rues et édifices, la creuë se trouvoit encore en plusieurs lieux de la ville de la haulteur d'un homme et davantage, principalement en la place d'Agone, à la Rotonde et à la Doane. Tant y a que ceste merveilleuse et espouvantable inondation ue donna pas loisirau peuple de se rejouir de ceste paix , ains le rendit encore plus triste , esbahi et désolé qu'auparavant : qui fait croire cela estre advenu comme un signe et advertissement de Dieu, ou pour les choses présentes, oupourles futures, ou, à mieux dire, pour nous esmouvoir à conversion etamenderaentde noz péchez. Or ceste creuë et furie d'eau dura tout ce jour , et jusques à quatre ou cinq heures de nuict qu'elle commença un peu à s'abbaisser et decroistre : tellement que , le malin ensuivant, sur lepoinct du jour, l'eau estoit déjà abbaisséedcplus d'une palme; et ainsi, petit à petit décroissant, après midy chacun pouvoit aller facilement à ses affaires. Pour parler

de la haulteur et de la crue, aucuns ont dit qu'en plusieurs endroits elle a passé la marque qui en l'ut faite à l'autre grand déluge qui advint l'an mil cinq cens trente. Les autres ont voulu dire qu'il s'en falloit bien une palme : surquoy ils alieguoient beaucoup de raisons, entre autres que les caves qui ont esté faites et cherchées dans Rome, car elle est augmentée en édiflcesd'un tiers, auroient, en s'abreuvant, receu et englouti une grande partie de ces eaues. Aucuns ont jugé que le grand nombre des rues neufves a esté cause de la creue ; et les autres afferment que la terre, qui a esté rehaulsée depuis ce temps là, faisoit sembler l'eau plus haulte qu'elle n'estoit. Mais, quoy que ce soit, il fault croire, par la commune opinion, que ceste inondation a esié plus grande et impétueuse que la ^précédente, veu qu'en la ville d'Horta et Narni, et tous autres lieux où elle passa , elle délaissa un admirable abbatiz et ruine , ayant emporté la moitié du pont Saincte Marie, avec l'excellente chappelle que le pape Jules troisième y avoit fait édifier. Elle mina et remua certaines grosses pierres de marbre , et gros quartiers de pierre qui défcndoient le pont du chasteau Sainct Ange. Elle démolit et renversa une grande partie des bouleverts et bastions qu'on avoit fait édifier depuis un an joignant ce chasteau. Elle abbatit en outre la moitié du temple et la plupart des édifices du monastère Sainct Barthélémy, qui est assis en l'isle Tyberine. A bref conclure, il n'y eut dans Rome rues, palais, ny édifices où cest impiteux orage d'eau eust passé, qui ne portast marque et tesraoignage du courroux et violence de cest élément irrité. Quant au déluge de Florence par le desbordement du fleuve Arno, l'on le juge encore avoir esté plus grand que celuy de Rome , et avec trop plus importantes et incomparables ruines et pertes, tant en démolitions d'édifices qu'en subversion et dépérissement d'or, d'argent, marchandises et toutes sortes de meubles , sans encore, qui est plus à plaindre , la mort et suffocation de plusieurs personnes. Il ruina en premier lieu, et démolit es plus entières parties les couvents et monastères de pauvres filles de Saincte Verdiane , des Recluses et de Saincte Marie nouvelle. II emporta les ponts de Rubaconde et de la Trinité; il abbatit quasi du tout et jusques à la prairie , et du costé de Sainct Pol , le bourg d'Ognifanti ; comme il fit du marché Neuf, oùs'exerce l'art et artifice de filer et tistre la soye ; de sorte que tous les magazins et boutiques furent la plus part dépéries et gastées , qui estoit perte foi't grande. Le palais du duc n'en fut exempt , et s'en trouva offensé en plusieurs endroits. Quant à la région

circonvoisine , le grand chemin de Cazentin fut creusé et enfoncé de telle façon, qu'il ne se pouvoit plus racoustrer pour y passer; et y mourut au bourg septante quatre personnes, emmenant les maisons entières à Pontasienne, et demourans abysmez Pereole et Sainct Donin , et plusieurs autres édifices le long de ce fleuve Arno. Au surplus , pour parler de la marque où monta l'eaue sur la place de Saincte Croix, elle excéda quatre bons doigts de creue le déluge et inondation qui advint à Florence en l'an mil trois cens quarante-sept, qui fait juger que celle moderne estoit fort grande , veu que la précédente estoit comme admirable et incroyable. Il y avoit la haulteur d'une toise et demie à Saincte Croix ; par la rue Belline , quatre toises ou environ; vers Sainct Ambroise et Sainct Pierre Majeur , trois toises ; joignant Monteoro , deux toises ; à Cestel, une toise et demie,, et autant vers Nostre-Dame de l'Annunciade ; par la rue des Servi, deux toises; du costé de Saincte Marie de la Fleur , deux toises ou environ , et autant quasi à Sainct Jan; aux palais des Antinori et Strossi, une toise ; et ainsi conséquemment à Sainct Marie nouvelle, et par toute la ville de Florence, Or, pour faire évidente preuve que les esmerveillables et incogneuz miracles et faits prodigieux de Dieu l'omnipotent ne sont exécutez et démontrez en un seul lieu, je pourrai encore icy adjouter qu'au mesme mois et presque jours semblables , advint de pardeçà un déluge en la bien antique ville de Nismes en Languedoc, toutefois différent des autres en ce que ce n'estoit par desbordemens et ingurgitations de fleuves et rivières , mais par un esclatement de nuées et ouvertures des portes célestes , comme les philosophes l'ont voulu appeller; lequel accidentadvint le neufieme de septembre en cest an , avec tonnerres, coruscation, esclairs et fouldres si horribles et espouvantables , que tout le peuple pensoit ce jour estre le dernier période de ce siècle. Persévérant ceste fureur céleste jusques après huict heures de nuict , il tomba une si merveilleuse abondance d'eaue, que ces misérables citoyens pensoient subitement eux avec toute leur ville devoir estre engloutiz et abysmez. Et combien qu'il ne fùst de longue durée , comme de douze ou quinze heures, si est-ce qu'il apporta un très grand dommage et intérest à ceste ville, laquelle en fut en plusieurs endroits et lieux, tan! publics que privez, difformée et empirée, et le territoire circonvoisin fort dégasté et appauvri , d'autant que les champs et labourages en furent pervertis, encavez et creusez, ou couverts de pierres et autres ruines , qu'un ravage d'eauës entraîne et délaisse où sa force et vio-

COMMENTAIRES JDE iï\^^^

lence cesse et diminue ; et les oliviers, dout cette province est grandement abondante, et qu'elle cultive soigneusement pour le grand émolument et profit qu'elle en tire des huilles, tous froissez etdérompuz, et les vignes desracinées, arrachées et sablées, avec infinité d'autres dommages et calamitez. Bref, Ion estimoit n'y avoir eu guerres chose qui n'eust senti la pesanteur de la main de Dieu. Par ce déluge aussi furent des couvertes plusieurs antiquitez cachées et ensevelies soubs terre, pour le moins depuis que les Gothz mirent à sac ceste ville, mil cent ans sont passez, comme l'on le trouve, oultre le temps qu'elles pouvoient avoir esté faites auparavant , comme anciens sépulchres et monumens, grande quantité de médailles de bronze, et quelques unes d'or et d'argent; grandes collonnes d'une pièce également proportionnées; testaments et épitaphes de pierre dure , escrits et gravez en lettres cancellates et romanesques. Se descouvrirent semblablement de beaux et riches pavez, et les plans de salles basses, chambres et portiques, desquels se trouvent encore des entablemens de marbre, porphyre et jaspe, marquetez à la mosaïque. Et davantage l'on a trouvé des fragmens de vases antiques , et quelques uns entiers, d'une terre rouge, si très fine et déliée, qu'elle mesme porte son verniz : lesquels les anciens faisoient apporter de Samos en Grèce, enrichis d'histoires ou ramages rustiques, fort plaisans et récréatifs à l'oeil. Plusieurs autres singularitez et choses rares y furent déterrées et mises en lumière, qui ont donné grand esbahissement à ceux qui les ont veues , lesquelles seroieut trop prolixes et longues à icy particulariser. L'on a voulu dire et affermer autres citez et lieux avoir esté frappez de semblables déluges, mesmemeut Venise et Rovergne, dont je ne feray description, pour n'en avoir rien sceu à la vérité, ny leu par mémoire ; et me suffira dire que plusieurs autres signes ont esté démontrez et sont apparuz : comme de la cornette de l'an précédent , des collonnes de feu, et en aucuns lieux une chasse de chiens abboyans en l'air; et en d'autres, hommes armez combatfans , et les deux soleils rouges et enflammez, qui ont esté veuz en Allemagne, sans que Je parle de plusieurs portentes (l) et monstrueux ouvrages de nature , produits en ce temps sur la terre. Tous lesquels signes je ne puis juger estre autre chose que menasses et messages du courroux divin, nous admonestant ou cà volontaire recognoissanceet amendement , ou à prochaine vengeance et punition de noz iniquitez. Puis que j'ay le plus briefvement qu'il m'a

(f) Du liil'm poitinUim , prodige.

:01S DE BABUTIN. [1557]

été possible , discouru aucunes particularitez et accidens advenuz es autres endroits, mesmement en Italie , pour démonstrer que si en une sorte nous estions affligez de pardeçà, les autres nations pareillement en autres varietez en resentoient leur part , maintenant je retourneray au siège de Han , qui ne fut long , et où ne furent faites exécutions de grande importance, au moins dont j'aye esté adverty, et qui méritent grande longueur de propos; car ayant le roy Philippes d'abordée dressé une très furieuse et soudaine batterie contre ce petit chasteau , où il n'y avoit, comme j'ay dit , aucuns remparts ny fortifications , et y estant toutes les murailles à sec, après avoir enduré quinze cens ou deux mille coups de canon, ayant fort grande et large bresche, tant à la grosse tour qu'à la courtine , luy fut rendu le douzième jour de septembre.

Quand Ton vit que Fennemy prenoit ce chemin, la diversité et abondance des doutes commença à croistre. Car s'estant advancé jusques là, sans trouver grand contredit ny résistance, estoit encore en pouvoir de poulser plus avant . et suivre le chemin de Compiegne et de là droit à Paris, ou, suivant la rivière de Somme , tourner à main droite devers la Picardie et le Boulonnois, ou, voltant à la gauche devers Coussy, Soissons et Laon, se retirer en Champagne. Mesmement le Roy en avoit eu divers advis et advertissemens, lesquels il avoit fait sçavoir à M. de INevers : entre autres , que ce baron de Polleville (2) . duquel jai déjà parlé cy-dessus, au partir de Saverne , avoit esté mandé du roy Philippes de le venir trouver en son camp avec sa trouppe, qui pouvoit estre alors de vingt enseignes d'Allemans, et de douze à quinze cens chevaux , pour de là l'envoyer en Angleterre . et qu'au demeurant la résolution dudit Roy estoit, après avoir prins Han , de faire une grande eavalcande jusques à Compienne, et en passant brusler et ruiner Chausny et Noyon. L'autre advis estoit que le roy Philippes, les choses susdites exécutées, avoit délibéré de faire passer sadite armée entre La Fere et Laon , et de là suivre les brisées de Champagne jusques aux environs de Mesieres, pour de là la licencier et rompre, et par ce moyen, ruinant les pays du Roy, sauver les siens. Ainsi , encores que noz forces fussent si petites adonc et foibles, que toutes ensemble ne fussent à la moitié près suffisantes pour luy présenter teste, et nous opposer à ses entreprises, si falloit-il néautmoins luy faire paroistre et croire le contraire, et luy donner à entendre qu'en quelque lieu qu'il s'adressast il

(2) Pohviiler.

COMMENTAIRES DE FRANÇOIS DE RARUTIN. |l557|

trouveroit qui lui respondroit. Mais, ce qui advenoit le plus mal, c'estoit qu'il falloit de contrainte escarter et séparer nos troupes de loing, pour prévenir ces accidens douteux : tellement que pour remédier à ce dernier advis il fut de besoing renvoyer M. de Jametz en Champagne avec sa compagnie, et pareillement M. d'Eschenetz avec la sienne ; et à M. de Jours, auquel, comme j'ay touché cy-dessus, avoit esté donné la commission de lever huict enseignes de la légion de Champagne, dont au paravant il estoit colonnel, fut mandé de costoyer ceste frontière, et se jetter incontinent dans la première ville où il seroitadverti que ce PoUeville se voudroit attaquer. Et d'autre part, pour fournir Soissons de soldats, estant l'une des plus belles villes, et en autant commode assiette qu'il en peult estre en toute ceste contrée, et le long du cours de ceste rivière d'Aisne, pour estre fortifiée selon que déjà elle est bien commencée et avancée, y fut envoyé M. d'Estrée, avec deux autres compagnies de gens de pied levées nouvellement, oultre celles qui y estoient auparavant, et quatre vingts harquebusiers à cheval, soubs la charge du capitaine Faverolles. Et, pour remédier aux advenues de Compiegne, le prince de Condé avoit du bord de deçà ceste rivière d'Aisne estendu toute sa cavallerie légère, et avoit fait rompre tous les ponts et passages : pour lequel mesme effect le Roy avoit de rechef envoyé les sieurs de Charmazel et de Gondrin : estant au surplus la ville de Compiegne bien pourvue et munie de gens de guerre et toutes munitions pour arrester l'ennemy en sa première furie. Quant aux autres endroits, M. de Wevers ne voulut point encore bouger de Laon, qu'il ne veist quelle addresse suivroitle roy Philippes après ce dernier exploit de Han, craignant surtout ce retour de Champagne.

Quant à la partie d'Amiens et de Picardie, M, de Montmorency y estoit, seigneur autant pourveu de sens et d'expérience qu'il en peut estre pour son aage, accompagné de tous ces vieux et sages chevaliers que j'ay ci-dessus nommez : et les villes de ceste frontière estoient parfaitement garnies d'hommes et toutes autres choses nécessaires. Que si l'ennemy se fust voulu tourner à l'un de ces trois endroits, la résolution estoit prise, à mon jugement, qu'en brusiant au devant de luy le plat pays et ce qui ne luy pouvoit résister, luy laisser en front toutes les villes fortes, ausquelless'addressant, c'estoit le moins qu'il y pourroit consumer de temps que de trois semaines ou un mois, dans lequel séjour certainement noz forces pouvoient estre sur pied, et lesquelles à réitère/, et redoublez

mandemens l'on faisoit haster et avancer, pour interrompre tous ces desseings et délibérations dont l'on se doutoit. Toutefois, après la prise de Han, le roy Philippes, sans poulser son armée plus avant en campagne, s'ar resta à poursuivre et continuer le commencement de la fortification de ceste place , l'améliorant néantmoins, et y adjoustant ce que peult estre y avoit esté oublié. Vray est que cependant, pour s'eslargir et accommoder des lieux eirconvoisins qui luy pourroient servir, et estoient propres pour la faveur et appuy d'icelle, et qui, estans occupez de nous , lui seroient grandement nuisibles et suspects , les envoya saisir , la pluspart desquels il trouva déjà bruslez et ruinez et abandonnez, pour ne les sentir tenables, ou pour n'y estre les nostres assez forts. L'une des premières entreprises qu'il fit fut celle de Noyon, dedans laquelle ville furent surprises les compagnies de chevaux légers du baron deClere, et une autre d'Escossois , pensans des ennemis habillez de semblable parure que d'autres compagnies françoises, et lesquels ne portoient croix ni escharpes blanches ny rouges, que ce fussent amis et des leurs. Ainsi, trouvant les portes ouvertes , leur fut après fort facile de se rendre maistres de ceste ville : laquelle toutefois ne leur apporta grand advantage, pour avoir esté déjà auparavant bruslée. Ils se saisirent aussi deChauny, non, à mon advis, qu'ils eussent en délibération de le fortifier pour attendre le canon , pour estre en situation fort difficile et commandée de deux ou trois endroits, et subjecte à autres imperfections, ains en y logeant bonnes et fortes garnisons, pour de tant plus facillement faire la récolte des vendanges et amas de vin, pour y avoir en ceste contrée un vicnoble de grande estendue, ainsi que la saison estoit arrivée, et conséquemment tant pour la conduite de tous autres vivres qu'ils vouloient retirer en leurs places fortes, que pour y avoir une fort grande aisance des meilleurs moulins qui soient sur ceste rivière. En ceste sorte s'arresterentles ennemis aux fortifications de Sainct Quentin et de Han, faisant cependant, les garnisons des uns et des autres, courses ordinaires, destrousses et rencontres, selon que les occasions et cas fortuits les addonnoient , confinuans en cest exercice et guerre guerroyable le surplus du mois de septembre et le commencement de celuy d'octobre ensuivant; et ne veux oublier qu'en ces entrefaites peu à peu l'armée du roy Philippes s'affoiblissoit journellement, tant pour le retour des Anglois (I) que pour le départe-

(!) Sons oiileiidii (lam^leur ]>(iys.

ment d'autres garnisons ; aussi que, comme j'ay déjà dit cy-dessus, beaucoup d'Allemans, expirant le terme de leur service, se retiroient à nostre party : et ce qu'ayant M. de Nevers fait sçavoir au Roy par le sieur de Montereuil, luy avoit mandé qu'il avoit fort aggréable, et que Von en retirast le plus qu'il seroit possible : tellement que noz bandes d'Allemans, auparavant fort desfaites, se trouvèrent en peu de jours bien complettes, et du surplus l'on en dressa nouvelles compagnies. Et ne sçay si sur cela, de ma seule opinion, j'oserois dire que ce mescoutentement précédent et affoiblissement couvert, et non sceu de l'armée du roy Philippes, seroit cause qu'il n'auroit peu, ou auroit douté d'entreprendre et d'entrer plus avant : toutefois, requérant cest argument plus subtile et mieux advertie diffiuition que la mienne, je n'en diray pas davantage pour ce coup. Tant y a que, pour la considération de ces choses, et que l'hiver s'approchoit, le Roy redoubla toute diligence et solicitude de remettre ses forces ensemble, et redresser une autant belle et forte armée que son ennemy l'eust peu avoir en l'assaillant, afin d'avoir sa revenche sur luy. Et pourtant de rechef fut envoyé au devant des Suisses le sieur de Varassieux, pour baster ceux qui venoient de leur pays freschement, lesquels estoient déjà sur les marches des duchez de Bourgongne et de Champagne , et les sieurs de Maudosse et Bois Rigault furent envoyez à Lyon au devant des quatre mil qui venoient de Piedmont. Pareillement en ce temps, qui estoit environ la my-octobre, le sieur de MaroUes, ordonné commissaire pour recevoir et conduire les Allemans nouveaux de Reifberg, manda qu'ils estoient arrivez à Issutille. sur les lisières de Champagne. Et de ailleurs, messieurs de Guise et d'Aumalle estoient au chemin de leur retour, que l'on esperoit estre en bref, selon que les nouvelles en estoient récentement arrivées, et lesquels encore se hastoient pour ne défaillir à la nécessité. Estans toutes ces choses rangées en telle disposition que l'ay cy-dessus narré, et mieux encore que ne le pourrois exprimer, le Roy manda à M. de Nevers se retirer à Compienne, où i! avoit proposé recueillir son armée : auquel lieu incontinent que ce prince fut arrivé, s'employa à rendre ceste ville forte et defensable, adjoustant au naturel l'artifice, d'autant qu'il falloit qu'à la nécessité, et pour l'heure, elle servist de frontière à la France, faisant en premier lieu eslever deux fort larges et hautes plateformes, et autant belles qu'il en soit en tout ce royaume : l'une, pour commander sur toute la planure qui est entre la forest et la ville, et

l'autre sur tout le bas et le cours de la rivier© et le long de la prairie, et au surplus départant toute diligence à remparer ceste ville, flanquer de bastions , caze-mattes , terrasses , cavaliers et traverses ; de sorte qu'y arrivant le siège, l'artillerie de l'ennemy y eust trouvé à manger et despendre pour un long temps. Avec tout cela feit desseigner et relever de trenchées l'enclosture d'un camp, si large et spacieuse, qu'une armée de cent mil hommes y eust peu loger avec tous équippages et provisions , et aussi seurement que dans une ville , avec toutes aisances tant de la rivière que d'estendue.

Pendant que M. de Nevers entendoit à fortifier la ville de Compiegne, et y dresser le camp et l'enclore de trenchées, ne délaissoit pourtant, selon qu'il avoit accoustumé d'en user à Laon, d'envoyer journellementvoir et recognoistre l'ennemy, mais je dy de si près , qu'il laisoit peu souvent délibérations et sorties que ce prince incontinent ne le sceust. Aussi, sur ce propos veuxje bien et puis affirmer de luy qu'il n'y a prince en tout le monde qui face plus grande despense ny meilleure récompense aux espions et à ceux qui luy font certains rapports que luy : qui est cause qu'estant seurement adverty il ne met rien au danger, et n'entreprend gueres de besongnes dont il ne vienne heureusement à fin. Mais, pour ne donner opinion à personne que je veuille blandir et flatter, je diray qu'entre autres entreprises que ce prince ayt fait à Compiegne, estant un jour, dont je me suis records, adverty que la garnison de Chaulny, qui estoit ibrt grosse, de quatorze à quinze cens chevaux, ordinairement avoit accoustumé de sortir en campagne , et ne se conteutoit seulement de venir voiler et faire destrousses bien avant en pais , ains trouvaus nos garnisons de Coussy et de Soissons, pour estre en plus gros nombre et les plus forts, les rembarroient jusques dans les bois proches dudit Coussy, sans qu'ils les osassent attendre, proposa de leur dresser une cargue , et de s'y trouver si à poiuct, qu'en une fois les recompenseroit pour toutes : parquoy, pour mieux celer ceste conduicte, voulut aller àSoissons, soubs couleur d'aller voir dix huit enseignes de Suisses qui y estoient arrivées ; duquel lieu manda incontinent à M. de Bordillon se trouver à certain jour et endroit en embuscade avec deux cens harquebusiers à pied et partie de ce qu'il avoit de cavallerie à La Fere ; et luy d'autre costé avec deux cens hommes d'armes et les reitres, et le prince de Condé avec sa cavallerie légère, à ce mesme jour se trouvèrent embusquez dans ces bois assez près de Chaulny, d'où fut envoyé

le seigneur de Janliz (l) avec sa compagnie de cavallerie, pour semondre ceste garnison à sortir comme elle faisoit précédemment, et pour les attirer à l'escarmouche , comme il feit fort bravement et hardiment; et ne faillirent ceux qui estoient demeurez , au nombre de trois à quatre cens chevaux, et quelques Espagnols à pied, à sortir, estimans que c'estoieut seulement leurs voisins ordinaires qui les venoient voir, et se jugeoient assez forts pour les recevoir. Lesquels aussi feirent fort bien , comme pareillement le seigneur de Janliz sceut sagement et cautement les sousteuir, prenant sa cargue de loing en les attirant, et essayant d'amener au combat tout le surplus de ces douze ou quinze cens chevaux qui s'y estoient autrefois veus, et qui coustumierement en sortiroient, pour de tout cela à un coup faire desfaitte et routte, et en rendre la victoire plus glorieuse et belle , selon que tout le fait estoit seurement disposé et appareillé : mais de malheur ce jour mesme estoient partiz pour aller à leur camp, où ils avoientesté mandez, et ne s'y trouva que ce nombre que j'ay dit ey dessus; tous lesquels soldats à la vérité démonstrerent fort grand devoir et hardiesse à se bien défendre; ce néantmoins, se seutans foibles, ne s'esloignereut par trop de leur fort : ce qu'estant apperceu de M. de PSevers, et quïis venoient à l'escarmouche plus froidement qu'ils ne souioient, et autrement qu'on ne luy avoit fait entendre, commanda au comte de Barbise, qui estoit adouc chef des reitres, qu'il marchast et se monstrast avec ses troupes, et qu'il se meist en veuë des ennemis ; et d'autre part les chevaux légers se meirent et gaignerent entre la ville et eux , de sorte qu'ils se trouvèrent enveloppez; où fut pris un capitaine albanois, chef de la cavallerie , qui estoit demeurée dans Chauny, et le surplus de ses gens furent tuez ou pris. Et quant aux gens de pied espagnols qui s'estoient coulez le long d'une trenchée, se vo3'ans enfermez et enclos de tous endroits, se jetterent dans une petite maison à cent pas de la ville, laquelle ils percèrent pour se défendre à coups d'harquebusades, et y résistèrent si longuement qu'ils peurent, et tant que le prince Condé feit descendre à pied la compagnie d'harquebusiers du sieur d'Alligny pour les assaillir : ce qu'ils feirent de telle ardeur et promptitude, qu'ils les forcèrent et rendirent aux abbois et en telle extrémité, que le capitaine, ne voulant mourir là dedans misérablement, sortit hors de ceste maison l'espée nue au poing et une targe en l'autre bras , qui fut incontinent saisi , estant le surplus de ses

(1) François d'Haagest, seigneur de Genlis.

gens exécutez ou prisonniers : et ainsi qu'il requeroit et vouloit rendre sa foy le capitaine Launay le vint tuer assez près du prince de Condé , lequel, comme prince de grand cueur, et ne voulant supporter cest oultrecuidé outrage en sa présence, en voulut d'autant recompenser le capitaine Launay, qui , pour éviter ceste fureur, allégua pour ses excuses que ce capitaine espagnol avoit blessé à mort le plus vaillant de ses soldats , et qu'il sçavoit de vray qu'il avoit fait fort mauvaise guerre aux François prisonniers à la journée de Sainct Laurent; suppUant trèshumblement ce prince pour ces causes luy pardonner sonimpatiente et prompte cholere, comme il feit. En après M. de Nevers feit sonner la retraite, reprenant son chemin à Soissons, et faisant marcher au pas et en ordonnance ses forces, sans aucune perte ny rencontre, comme aussi feit M. de Bordillon à La Fere. Depuis l'on a sceu que l'allarme en fut donnée bien soudaine et eschauffée au camp des ennemis , qui n' estoit qu'à quatre lieues de là, tellement que ce jour, quand les nouvelles y arrivèrent, desbandereut plus de quatre mil chevaux pour se mettre à la suite des nostres ; mais ils n'y perdirent que temps et peine, et y arrivèrent trop tard , combien que le lendemain, pensaus que l'on y retourneroit et qu'ils pourroient avoir leur revanche, s'y embusquèrent et y appresterent la bienvenue et réception ; mais ce fut en faute , et demeurèrent tousjours les frais sur eux ; car ce ne fut celle part que M. de îNevers les alla revoir, ains devers Noyon.

En telles et semblables 'courses et entreprises se passa la pluspart de ce mois d'octobre , pendant que les ennemis fortifioient Sainct Quentin, Han et Le Castelet , où ils bcsonguoient à bras desployez, et en assiduité continuelle, voyans leur armée journellement affoiblir par diverses causes etaccidens, et pareillement que l'importune saison d'hyver approchoit fort , et doutaus que l'armée de France, se trouvant forte et bien tost complette, comme ils sçavoient et voyoient à l'œil qu'elle s'engrossissoit ordinairement, de premier œuvre s'y addresseroit, où trouvant les ouvrages imparfaits, seroit aisé à recouvrer ce qu'avec grands fraiz auroit acquis et amélioré. Le roy Philippesdeslors, comme l'on disoit, s'estoit retiré à Cambray et à Bruxelles, avec la pluspart des princes et grands seigneurs qui ont accoustumé de le suivre. Et le Roy estoit aussi à Sainct-Germain-en-Laye, donnant ordre de remettre et renforcer son armée de tous équipages ; laquelle adonc se faisoit fort grosse , et multiplioit tous les jours , car la pluspart des Suisses estoient arrivez , aussi estoient les bandes nou-

COMMENTAIRES DE FRANÇOIS DE RABUTIN. |l5ô7|

velles d'Allemans ; avec ce, ron y avoit fait venir les autres vieilles compagnies qui estoient à Amiens. Et journellement s'y assembloient et venoient compagnies nouvelles de toutes les parts de ce royaume ; tellement que l'on n'attendoit plus pour la rendre du tout complette , que le secours qui retournoit d'Italie, que l'on faisoit séjourner en Bresse et Lyonnois , costoyant ce baron de Polleville duquel j'ay tant de foi s parlé cy dessus. Et pource qu'il tombe à propos, et que le succez de ses entreprises, tout autre qu'il ne le se promettoit , advint en ceste mesme saison, j'en diray icy un petit mot: c'est qu'après qu'il eut son armée dressée, au nombre, comme l'on estimoit , de dix à douze mille hommes de pied, où il y avoit six mille corselets, et de douze à quinze cens chevaux , passant par les montagnes de Vaulges, et le comté de Ferette, et laissant le Bassigny , entra dans la Franche- Comté entre la comté de Montbeliard et Langres : où messieurs les Comtois , soubs couleur qu'ils disoient y estre par luy contraincts , contre les promesses et pactions de leur neutralité, luy donnèrent passage, vivres et autres provisions de camp. Et de là vint descendre en la Bresse, espérant en peu de jours la saisir et s'en rendre maistre, par le moyen de certaines intelligences qu'il avoit avec quelques gentilshommes de ceste province, et autres de leurs voisins mal affectionnez envers le Roy. Et d'abordée alla planter le siège devant Bourg qui en est la principalle ville, estimant la trouver despourvue de toutes choses de défense, et eu bref luy estre rendue. Ce que toutes fois il ne trouva ; car le seigneur de LaGuiche, qui en est gouverneur, et le baron de Digoine, quiy estoit son lieutenant, estans advertiz de sa venue, ou s'en doutans, y avoient desjà fait entrer la compagnie dudit seigneur de La Guiche , et quelques autres compagnies de gens de pied. Et d'autre part l'on a peu voir cy dessus comme le seigneur d'Eschenets avec sa compagnie le suivoit continuellement de près , comme aussi faisoit le seigneur de Jours avec ses huict enseignes de la légion de Champagne; lesquels luy tindrent tousjours si prochain voisinage, qu'aussi tost que luy se trouvèrent près de Bourg, où ils entrèrent; en quoy ils firent un fort grand devoir et service au Roy et à la République; et ainsi se trouva frustré de sa première opinion. Pendant qu'il arrestoit et entreprenoit ce siège, l'armée du Roy, qui retournoit de Italie, arriva tousjours à la file , et estans déjà venus deux mille harquebusiers fort braves, et soldats esleus , conduicts par M. le vidasme de Chartres, furent conduicts et entrèrent dans ceste ville. Et d'ailleurs l'on y feit approcher

couvertement, et sans faire bruit , quatre mille Suisses et trois mille lansquenets , estant toute la gendarmerie qui estoit arrivée, et arrivoit journellement, arrestée et logée es environs de luy, tant en la Bresse que Lyonnois et Masconnois, en intention de luy faire sentir le payement de sa téméraire et mal fondée délibération. Enfin , après qu'il eut par trois fois remué son camp devant ceste ville, se doutant, à mon advis, et prévoyant sou danger advenir, le 10 de ce mois d'octobre, le seigneur d'Eschenets feit sortir de ceste ville, sur l'entrée de la nuict, cinquante harquebusieurs , pour aller recognoistre son camp, et la contenance et asseurance de ses gens. Lesquels harquebusiers , ayans tué d'arrivée les sentinelles , donnèrent , et eurent telle hardiesse que d'enfoncer leurs corps de gardes , qu'ils massacrèrent en partie et tournèrent l'autre en fuite, mettans en tel effroy tout le reste de leur armée , que dès l'heure elle deslogea , et feit si grande diligence à marcher et se retirer , qu'avant que les nostres en sceussent certaines nouvelles , et feussent prests à les suivre, ils avoient desjà cheminé et passé quatre ou cinq grandes lieues sans regarder derrière eux, laissant plusieurs malades, vivres et meubles au lieu d'où ils départirent , et reprindrent le chemin de la Franche-Comté, d'où ils estoient venus. Bien tost après l'on sceut qu'ils se rompoient d'eux mesmes et abandonnoient ce baron de Polleville leur chef, pource qu'il ne leur avoit rien sceu tenir de ce qu'il leur avoit promis. Yoilà lissue et l'effect de l'armée du baron de Polleville, que le commun populaire appelloit le secours que le roy de Bohême envoyoit au roy Philippes , et d'autres , l'entreprise du duc de Savoye, après qu'il eut essayé de mutiner le peuple de Bresse et de Savoye, parmy lequel je peux bien dire qu'il y en avoit beaucoup de très-mauvaise volonté envers le Roy et la France, desquels les aucuns s'efforcèrent la demonstrer alors, et les autres la dissimulèrent.

Incontinent après la retraite de ce baron de Polleville, toutes ces forces qui estoient de pardelà prindrent le chemin, et se retirèrent à Compienne, où se faisoit le plus gros amas à l'assemblée générale de l'armée du Roy ; et estoit M. de Guise desjà quelques jours de retour d'Italie, et arrivé à Sainct-Germain-en-Laye, où il vint trouver le Roy ; lequel, après y avoir quelque temps séjourné , le feit son lieutenant gênerai sur tout son royaume, et l'envoya en ce lieu de Compienne pour disposer et commander sur toute son armée, retirant riere Sa Majesté M. de INevers, pour luy donner intermission et repos j.

COMMENTAIRES DE FRANÇOIS DE RABUTIN. [l;j.'.^]

après avoir supporté toutes les fati^aies et labeurs que l'homme peult soustenir et souffrir pour la tuition de ce royaume avec tant d'heur, moyennant la grâce de Dieu, que sa prévoyance et magnanime constance, avec bien petites for-

ces, a tousjours prévenu rennemi en ces délibérations, et a tenu soubs bride et en doute la prospérité de son pouvoir, dont pour le moins l'Eternel luy fera condigne rétribution , et la France luy sera à jamais redevable.