LIVRE ONZIESME

Du mariage de François , premier fils du Roy et daulphin de France, avec Marie de Stuart, royne héritière d'Escosse. — De la prise de la très-forte ville de Theonville , et de la ruine d'Arlon. — Delà desfaite des François près Graveliues , et autres choses advenues depuis. — Finalement de la pais faite et accordée entre ces deux grands rois, en l'an 1558.

[ 1-5.58] Ayant le Roy, ainsi qu'a esté déclairé ey-dessus, pourveu et donné ordre de recouvrer deniers comme la première et plus nécessaire chose pour venir à bout de toutes autres, il voulut en second lieu de bonne heure s'asseurer d'hommes, mesmement d'AUemans, sur tout de reitres et pistolliers , pource que , Tan précédent , les plus grandes forces que son ennemy eust , et dont l'on estimoit qu'il s'estoit peu le plus advantager sur luy , estoit par le moyen de ces reitres , qu'ils ont depuis appelle harnois noirs , lesquels se trouvans tous chargez de pistoUes , armes de traict à feu, furieuses et espouvantables , sembloient estre inventez pour l'estonnemeut et roupture de la gendarmerie francoise. Et pourtant , afin d'en affoiblir d'autant son ennemy , et pour accoustumer et apprendre aux François à estre usagiers et asseurez de telles armes , voulut en retirer à son service , et pratiqua celéement etcouvertementen estre faite en toute l'Allemagne la plus grande levée qu'il seroit possible , n'y espargnant la solde ny l'accoustumée libéralité des rois de France : aussi que la première entreprise où il vouloit entamer son ennemy advenoit en tel endroit , que ceste nation y estoit la plus proche et moins suspecte. Par mesme moyen ordonna aux capitaines de ses vieilles enseignes, qui estoient en garnison es villes fortes le long des frontières , qu'ils eussent à tenir leurs compagnies complettes et bien armées ; départant , oultre plus , à nouveaux capitaines nouvelles commissions , pour faire levées de soldats et gens de guerre , spécialement en la Guyenne et os provinces les plus esloignées de deçà, et que ce fust le plus tacitement et sans bruit que se pourroit faire , leur enchargeant très-expressement ne mettre rien aux champs sans spécial commandement de luy. La gendarmerie, afin de ne rien éventer, n'en fut plustost hastée , ains, selon l'ordonnance ordinaire, fut advertie de se trouver avec tout équippage aux

monstres generalles qui ont accoustumé estre faites sur la fm du mois d'avril. Ainsi le Roy de bonne heure assigna les arres, et dressa sou premier estât, pour rassembler et mettre aux champs son armée à l'esté prochain.

'En après , avant commencer toute autre œuvre , voulut estre parfait et accompli le mariage de François, son premier fils, daulphin de France , et de Marie de Stuart , royne héritière d'Escosse, l'une des plus belles et vertueuses princesses de l'Europe , fille de Jacques de Stuart v du nom , et dernier roy d'Escosse, et de Marie de Lorraine, auparavant veufve du duc de Longueville ; moyennant lequel mariage l'on dit que, par le consentement des Estats, ce royaume d'Escosse seroit comme uny et joint à la couronne de France , et auquel succederoient par cy-après les premiers fils et daulphins ; et deslors leur fut donné ce tiltre de Roy Daulphin. Ceste mémorable solemnité fut célébrée en la fameuse ville de Paris le vingt-quatrième d'avril en cest an 1 558, avec très-opulentes et très-magnifiques pompes et triomphes, qui seroienttrop prolixes à ici particulariser , où se trouvèrent plusieurs prélats et grands princes de ces royaumes, comme les cardinaux de Bourbon , de Lorraine , de Guise, de Chastillon et de Sens ; et le iw et royne de Navarre , les ducz de Lorraine , de Guise , de Nevers , de ^'emours et d'Aumalle ; les princes de Coudé et de La Roche-sur-Yon , et plusieurs autres princes et grands seigneurs francois. Du royaume d'Escosse y viudrent l'archevesque de Glasco , métropolitain de ce royaume ; le révérend prélat Robert Reid , evesque des isles Orcades et premier président d'Escosse , lequel décéda à Dieppe en retournant; le prieur de Sainct-André , fils naturel du dernier roy ; le comte de Rothes , le comte de Casselles , le milord Flemyng , le milord Setomi , le baron de Dun , et autres seigneurs et gentilshommes de ce pays ; lesquels estoient fort aises et contents

de se trouver et veoir ceste très-grande et indissoluble alliance de ces deux royaumes. Durant ces festins et jours de bonnes chères , vindrent quelques nouvelles de proposition de paix > moyennée par la duchesse douairière de Lorraine, laquelle, estant lors près duroy Phiiippes son cousin , pour sa vertu, de Sa Majesté grandement favorisée , faisoit tout devoir et employoit jusques au bout son gentil esprit pour accorder et unir ces deux grands princes , et auquel tant sainct œuvre elle s'est rendue si ententive et persévérante, que Dieu luy a fait la grâce par son moyen l'issue en avoir esté heureuse , ainsi qu'on le verra cy-après.

Ceste très-illustre princesse , deslors comme mère très-affectionnée et désireuse de la veuë et présence de son fils le duc de Lorraine, qui estoit en France , obtint sauf-conduit de ces deux princes , à ce qu'il l'allast veoir à Peronne où elle l'attendoit , comme il fit , accompagné de M. de Vauldemont son oncle , et où . peu de jours ensuivaus , se trouva aussi M. le cardinal de Lorraine , que le Roy y envoya pour entendre sur quels moyens et articles l'on pourroit entrer eu termes de paix ; toutefois que pour l'heure les choses ne peurent trouver bon fondement , et s'en retourna ledit sieur cardinal sans aucun effect, et avec un bruit qui s'esleva de par-deçà que les ennemis l'avoient voulu arrester et surprendre par les chemins : depuis il fut sceu que c'estoient les garnisons de Sainct-Quentin et de Han , et quelque autre petit amas d'armée qui , s'estant mis aux champs, avoient desfait ceux de Kelles , et saisi et prins ceste petite ville. Au mesme temps vint d'autre part advertissement comme une armée de mer anglesque avoit esté descouverte sur la coste de Normandie , au nombre de sept à huict vingts vaisseaux , que l'on doutoit faire descente au Havre de Grâce ou à Dieppe , ou en quelque autre endroit qu'ils sentiroient despourveu et mal gardé : parquoy soudainement et en diligence y fut envoyé le duc de Bouillon, pour y pourvoir et commander; mais estant desjà les communes adverties. selon qu'elles ont accoustumé s'assembler et mettre en armes au signal que l'on fait de garde en garde, ceste armée marine ne print point terre et ne fit descente en aucun lieu , ains se jetta en haute mer. L'on a voulu dire depuis que les Anglois avoient mis en mer ceste armée pour empescher ravitaillement que l'on faisoit à Calais , ou bien pour la doute qu'ils avoient que nostre armée mesme, qui portoit cest avitailleraent , en après ne fist descente en leur pays.

Dès le commencement du mois de may ensuivant, M. de Bordillon fut envoyé à Metz pour se-

crettement recognoistre encore une autre fois les moyens et endroits par où se pourroit assiéger Theonville, et pour entendre quels vivres et gens de guerre estoient dedans , soubs couleur et un bruit que l'on faisoit que le Roy l'avoit là envoyé pour aller au-devant et recevoir certains grands princes d'Allemagne qui venoient devers Sa Majesté , et par mesme moyen pour à l'improviste faire envelopper ceste ville par les forces d'Allemagne qui y dévoient bien-tost arriver, comme il fit ; car , tost après estant venu des premiers l'un des fils du duc de Lunebourg , les colonels Grombak , Scheneveux , Baudo-pré et Henry Stoup , avec chacun quatre cornettes de reitres, comme aussi Reifberg avec quatre autres cornettes dont il estoit lieutenant , pour l'un des fils du lansgraf de Hess , qui sont en tout de quatre à cinq mille chevaux, et les regimens de gens de pied des colonels Rocquendolf , Reicroch, deLussebourg, fils dudit Reicroch, et celuy dudit Reifberg , chacun de dix enseignes, avec celuy de Waldebourg, qui n'estoit que de quatre, montant le tout au nombre de treize à quatorze mille hommes de pied, avec toutes ces troupes alla des premiers environner et enclorre ceste très-forte place , où alla pareillement M. de Vieilleville , gouverneur de Metz , avec sa compagnie et une partie des vieilles enseignes françoisesquiestoient là en garnison ; et d'autres furent tirées aussi des plus prochaines garnisons, comme de Verdun , de ïoul et Danvillé. Peu de jours ensuivans . le dixhuictieme de ce mois de may, M. de Nevers partit de Chaalons en Champagne pour se trouver à ce siège , et alla passer à Steuay, afin d'y amasser le surplus des vieilles enseignes , où l'on les avoit mandées se rendre ; et semblablement pour faire marcher l'artillerie , pouidres et munitions qui y estoient, et que desja en ce lieu l'on avoit assemblées pour ceste entreprise. Au partir de là M. de Nevers print le chemin du Pont Gamouson , où se trouva aussi M. de Guise ; et de là ensemble allèrent au coucher à Metz , d'où ils départirent le premier jour de juin environ minuict , pour aller recognoistre ceste ville, et adviser et conclure avec tous les capitaines des moyens que l'on devroit tenir pour l'obtenir et recouvrer.

Un jour ou deux ensuivans , ces deux princes se départirent le commandement de l'armée , M. de Guise demeurant campé deçà la rivière de Moselle , vers Florenges , pour commander en la bataille , et comme lieutenant-general pour le Roy ; et M. de Nevers passa de l'autre part , et alla loger en un chasteau appelle La Grange aux Poissons, pourcommander en l'avant-garde. M. de Nemours, avec la cavalerie légère, campa

un peu plus avant sur le chemin de Lu.xembourg, au-dessoubs d'un mont qu'on appelle Mont d'Estraing; et M. de Jametz , avec quelques compagnies de gendarmerie et reitres , encore plus avant sur l'advenue et chemin de Metz. Dès le commencement furent les premières approches et trenchées faites deçà la rivière , et prises d'assez loing, fort larges et creuses, et au-dehors devers la ville relevées fort haultes , ayans les terrains et gabionnadcs en façon deplatesforraes, tant pour estre à couvert contre la fouldre de l'artillerie qui tiroit incessamment de la ville , que pour donner plus aisément à plomb là-dedans , et pour de temps plus facilement descouvrir les endroits où il falloit battre et rompre les défenses. Là-dessus furent logées trois ou quatre longues coulevrines et cinq ou six canons renforcez , qui tiroient de droict fil aux parapects d'un gros boulevert qui estoit en teste, et taschoient à démonter trois ou quatre pièces que les ennemis avoient mises sur une tour au dedans de la ville , lesquelles pièces battoient et descouvroient tout le circuit, et faisoient de grands meurtres par nostre camp. D'autre part , au couvert et seurté de ces premières trenchées , en furent reprises et recommencées la nuict ensuivante deux autres aux deux bouts , le long desquelles l'on fit tant que l'on coula et affusta en chacune cinq ou six canons , pour rompre en croisant et traversant les flancs et défenses de ce boulevert et des platesformes 'qui estoient aux deux coings de eeste courtine. A [la faveur desquelles trenchées l'on en approcha d'autres plus près de la rivière , où furent logées autres dix ou douze pièces en batterie ; et n'est à douter que ce ne fust avec un grand labeur et hazard de M. d'Estrée et des commissaires et canonniers , voire des princes et grands seigneurs qui s'y trouvoient le plus souvent des premiers , y pleuvant les boulets aussi espais que la gresie , dont estoit fait grand massacre de ces misérables pionniers et vastadours.

Tant y a que , nonobstant tous ces dangers , le cinquième jour de juin l'on commença abattre ceste ville de trente cinq grosses pièces; qui estonna fort pour le premier advenement les assiégez , voyant que , contre leur espérance , et malgré toute la tempeste de leur artillerie, en si peu de temps l'on en avoit approché la nostre en telle quantité et en tel endroit qu'ils ne se doutoient pas , et ce que desjà les faisoit craindre et débattre et mal espérer de ce siège , mais surtout pour le principal default, qui estoit d'hommes, sur lequel au despourveu avoient esté enveloppez. Parquoy de là en avant tous les efforts des ennemis tendoient h recouvrer secours, telle-

ment que, dès le troisiesme de ce mois, environ minuict, le comte de Home y estant en personne, pensant surprendre nostre guet , essaya d'y faire entrer trois enseignes de vieilles bandes espagnoles; mais trouvant les advenues bien gardées, et les guets renforcez , fut contraint se retirer avec sa courte honte, ne trouvant à son retour au logis le nombre de ses gens aussi complet comme il l' avoit mené. Et derechef un jour ou deux après, à la diane et changement du guet , se vindrent présenter quatre enseignes de gens de pied wallons et namurois, soustenuz de cinquante hommes d'armes; lesquels, pour la seconde fois , ne se retirèrent à si bon marché encore que les premiers. Après que, par deux jours entiers, l'on eut tiré aux défenses , et qu'elles semblèrent assez rompues et desarmées, l'on commença le huictieme jour de tirer en batterie fort furieusement et soudainement, estant principalement l'artillerie addressée à ce gros boulevert rond et à la courtine joignante ; de telle sorte que , dans deux ou trois jours ensuivans , ce boulevert fut en la meilleure part escartelé et ouvert , et la muraille abbaissée et ruinée de près de quarante pas de long. Toutefois la brèche , pour en parler à la vérité , estoit fort douteuse et non raisonnable pour estre assaillie, d'autant que , oultre ce qu'il falloit passer la rivière de Moselle à gué pour y aller, encore que l'on la voulust dire gueable en cest endroict, elle davantage estoit bien haulte , et le rempart derrière bien peu offensé.

Or du costé de M. de Nevers, à l'un des coings de la courtine , estoit une tour ronde assez basse qui servoit d'un flanc, et au dedans de la ville, en l'encoignure estoit une plateforme plus haulte qui commandoit dans ceste tour ; mais elle estoit si mal percée , et la plateforme si inégalement appropriée, et sans contremines, que l'une apportoit bien peu de secours et d'advantage à l'autre; de façon qu'estant tout cela bien considéré de M. de Nevers , M. de Guise et luy adviserent ensemble qu'il n'y avoit ordre d'emporter ceste ville si ce n'estoit par cest endroit. Parquoy fut conclud de faire une trenchée de ce costé pour gaigner le pied de ceste tour; et nonobstant que les marais y fussent fort humides et abreuvez d'eauë, Ton les plancha d'ais et de clayes , et furent les costez et entredeux affermis et conroyez de gazon , de paulx et de joncs , de telle industrie et diligence , que , contre l'opinion de beaucoup de gens, ces trenchées se trouvèrent autant belles et seures que si elles eussent esté en terre ferme. En quoi il faut dire et confesser que M. de Nevers ne s'y employoit point seulement en qualité de prince , pour non-

COWMENTATRKS DE FRANC

seulement y commander, mais , comme le moindre soldat de toute la troupe , n'en bougeoit et jour et nuict ; et avec telle promptitude continua ceste œuvre , que , nonobstant les boulets d'artillerie qui y gresloient innumerablement, qui estoient cause que l'on n'y pouvoit besogner que deux ou trois heures de la nuict , dans bien peu de jours il approcha ces trenchées fort près du but et jusques-là où il vouloit aller. Aussi avoit-il tellement gaigné le cueur des hommes, qu'estant suivy de plusieurs gentils-hommes et soldats, il n'y avoitceluy, depuis le grand jusques au petit, qui volontairement n'y meist la main. Pendant que l'on travailloit à ceste besongne, M. de Guise , tant pour sçavoir si la brèche commencée estoit ou se pourroit parachever raisonnable , et quels flancs et défenses restoient encore aux ennemis, que pour considérer et recognoistre l'asseurance des assiégez , le soir du 9 de ce mois , après minuit , envoya cinq ou six cens soldats des plus braves et expérimentez harquebusiers et corcelets , soubs la conduite des capitaines Cypierre le jeune , Sainct-Estef , Millas , Sarlaboz et Jacques, y donner un faulx assault, avec commandement de ne rien bazarder et entreprendre, si ce n'estoit avec bien grand advantage. Estans arrivez au pied de la brèche, et erians de toutes parts : Escalle , escalle , comme s'ils eussent voulu combattre et assaillir généralement, ils effroyereut tellement ceux de la ville qui y estoient en garde , ou les trouvèrent si endormis , que cela leur présenta occasion de poulser encore plus oultre , et , sans grande résistance, gravirent et montèrent jusques au hault du rempart , exécutans à la première rencontre ceux qui se présentèrent des premiers ; de sorte qu'en cest effroy inespéré , ils se faisoient maistres de toute la ville si tous les soldats eussent esté aussi hardis et courageux que les chefs , et les eussent suivis. Mais estant l'allarmc généralle par toute la ville, et s'adressans celle part tous les gens de guerre qui estoient là-dedans, ne fut possible aux chefs et plus hazardeux soldats soustenir ceste recharge , et furent ainsi repoulsez et renversez, y restans plusieurs des plus vaillans soldats des nostres tuez et blessez , et des principaux capitaines, entre lesquels fut tué le capitaine Jacques, soldat fort estimé et plainct, et le capitaine Sainct-Estef fort blessez au bras, comme aussi fat l'enseigne du capitaine Cypierre. Les assiégez voyans qu'on les tenoit et serroit de si près que les aller forcer dans leur ville parsipetite entrée, et que, d'un autre costé, l'on fouilloit et cherchoit-on un autre passage et entrée pour assaillir leur ville, en lieu qu'ils jugeoient inaccessible, présumèrent mal, et I. C. î), M. T. vir.

OTS BK RABIITIN. [1558] .593

préveurent deslors leur futur danger, s'ils n'estoient en brief secourus. Et pourtant en toutes les sortes qui leur estoient possibles, cherchèrent moyens d'advertir ceux de Luxembourg les vouloir secourir ; toutefois ils se voyoient de si près tenuz et enveloppez, et les passages si occupez, qu'ils ne pouvoient y envoyer personne , sinon avec un grand hazard. Ainsi , après avoir fait plusieurs signais de nuict avec feux et torches allumées, et cognoissans que pour tout cela ne leur arrivoit rien de renfort, ils eutreprindrent de faire une sortie à la faveur de laquelle ils envoy eroient gens pour advertir le prince Mansfel gouverneur de Luxembourg, de leurs nécessitez, et pour entendre deluy ce qu'ils auroient à faire, principalement soubs couleur que l'un des premiers chefs de ceste entreprise se disoit avoir cognoissance au duc de Lunebourg , que ils sçavoient ou avoient esté advertis avoh- son régiment de reitres en garde en l'endroit où ils vouloient passer. Parquoy, suivant ceste délibération , le 11 ou 12 de ce mois, entre trois et quatre heures après midy, sortirent de là dedans environ de trois à quatre cens hommes de pied, et cent ou six-vingts chevaux à l'escarmouche , partie desquels , tirans droit le chemin de Luxembourg , furent arrestez sur cul , et là escarmouchans et combattans, l'un d'eux commença à crier et demander le duc de Lunebourg, pour parlementer avecques luy de la reddition de la ville, et cependant se parforceroient de faire gaigner chemin à leurs gens. En quoy estant descouverte leur fraude et intention , furent ramassez et recueillis de telle strette, que, sans leur donner loisir de passer oultre, furent remis et rembarrez jusques dans leurs portes.

Quand les trenchées de M. de Nevers furent parachevées , et parvenues jusques à la contrescarpe et entrée du fossé , l'on commença à y relever et terrasser une gabionnade , et y furent approchez cinq ou six canons pour rompre la caze-matte , d'un ravelin qui estoit et joiguoit ceste tour à l'encoignure de la courtine : et, de mesme suite , de l'autre costé de la rivière , l'on creusa et approcha une trenchée bien fort près du bord, et là pareillement l'on amena cinq ou six canons, pour rompre le costé et flanc de la plateforme de devers Metz, qui pouvoit cognoistre et voir jusques au pied de ladite tour. Tout à l'instant, l'on amena en ces trenchées cinq ou six cens harquebusiers , les plus seurs et justes que l'on peut eslire : lesquels estans couchez sur le ventre, et ayans fait avec des gazons de petites lumières par dedans lesquels ils prenoient leur mire, tiroient à couvert si justement et espessement, que il n'y avoit homme des assie-

gez qui s'osast présenter ny seulement se descouvrir sur le hault de ceste tour ny de la plateforme, à qui ils ne fissent faire le saut : de manière que le seizième de ce mois , sur les neuf heures du soir, d'une furie et hardiesse incredible , ils entreprindrent et gaignerent le pied de ceste tour, fort près de une palissade qui estoit joignante, et fermoit l'un des bouts de ceste contrescarpe; de laquelle ils arrachèrent les pieux et pallis , larges de quatre pieds et d'un en espesseur, qu'ils mettoient devant eux, et s'en couvroient contre les harquebusades et mousquetades que ceux de la ville leur envoyoienten infinité. Nonobstant toutes lesquelles, s'y fortifians et couvrant d'une petite trenchée qu'ils y relevèrent incontinent, occupèrent oultre plus ce ravelin qui y estoit joignant, où ils se logèrent si près des ennemis, qu'ils se pouvoient de main à main tirer coups de pierres et de picques. En après l'on fit passer quarante ou cinquante mineurs et pionniers , pour ensapper et dérocher les fondemens, maispource que le ciment et maçonnerie estoit fort dure et espesse , et qu'avec leurs pics et marteaux ils n'en pouvoient guères elocquer et arracher, l'on amena un ou deux canons jusques dans le fossé , au plus près du pied de ceste tour, desquels , ayant esté tiré trois ou quatre volées , le pertuis commença fort à s'aggrandir et ouvrir.

Cependant, de l'autre part, l'artillerie quitiroit en batterie ne se refroidissoit , ains se renforçoit d'heure à autre, tonnant sans intermission, faisoit voiler esclats des murailles et maisons , remplissoit de toute horreur ceste ville : avec noz soldats travailloient continuellement les assiégez d'innumerables harquebusades , de manière que, d'un costé et d'autre, on ne voyoit que fouldres , feuz et esclairs. Estant l'ouverture de ceste tour continuée , et une partie de la muraille sur laquelle estoit posé le parapect de ceste tour abattue, fut question en après de l'occuper et gaigner , et ce que fut par noz soldats aussi-tost entrepris que commandé : toutefois que la résistance des ennemis s'y trouva tant désespérée , que pour la première et seconde fois en furent reculez. Ce neantmoins le danger évident , et la terreur des feuz et artifices, ne les peut tant intimider et affoiblir de courage , qu'ils n'y retournassent aussi hazardeusement que le premier coup : et là certainement fut veuë la vertu et valeur des princes et chefs, et la militaire et bien affectionnée obéissance des soldats ; car, et M. de Guise et M. de INevers, chacun endroit soit, sans avoir respect, et oublians le degré et aulhorité qu'ils tenoient , et faisans autant bon marché de leurs

personnes que le moindre de tous ceux à qui ils commandoient , les morions en teste , et les grandes targes d'acier au bras , se présentèrent les premiers pour monstrer le chemin à chacun. Aussi ne se peut-il dire qu'ils ne fussent bien suivis ; et croy qu'il ne peut estre leu ny avoir esté veu soldats mieux faire et combattre qu'à ceste fois, pource que d'autant que les assiégez résistoient et se parforçoient de toutes leurs forces et avec toutes sortes de feuz artificiels, et en toutes inventions les repoulser et renverser , il sembloit que d'une rage furieuse les nostres en fussent davantage enflammez et poulsez, grimpans les uns le long de leurs picques ; les autres, avec eschelles et quelques pièces de bois et perches , batissoient des taudis, et se chafaudoient les uns sur les autres comme maçons ; et où les armes leur defalloient aux mains , arrachoient les pierres des murailles pour les ruer.

En ce très-furieux combat se passa toute ceste nuict, esclairée de divers feux, tant d'artillerie et harquebuserie que d'autres artificiels, comme trompes à feu, grenades, et plusieurs fricassées qui se appareillent à un assaut. Tant y a que l'obstinée résistance des ennemis ne sceut estre si ferme et opiuiastre, que les nostres ne demeurassent maistres, et furent veuës ce matin les enseignes françoises plantées sur le parapect et le hault de ceste tour. Il ne se faut esbahir si les assiégez employoient tous leurs efforts à débouter et repoulser les nostres de ceste advenue, s'asseurans [et comme un jour ou deux précédemment ilsavoientrecogneuàune sortie qu'ils avoient faite], sitost que ceste tour seroit gaignée et occupée , facilement tomberoient en prise ; d'autant que par là l'on pouvoit sapper et miner le pied de ceste plateforme, et la faire sauter sans qu'ils y peussent remédier, n'ayant aucunes contremines et caze-mates, ainsi qu'il en fut fait ; car tost après que les nostres s'en furent saisis, l'on y fit entrer force mineurs et pionniers, qui commencèrent à grotter (1). Ce matin, ainsi que ces princes estoient encore en ces trenchées, délibérans et concluans de tout ce fait, M. le mareschal de Strossy fut attaint d'une harquebusade au-dessus du tetin gauche, M. de Guise parlant à luy, et ayant l'une des mains sur son espaule, duquel coup ce vaillant seigneur décéda bien peu après, fort regretté de chacun, depuis les grands jusques aux petits, pour beaucoup de bonnes vertus qui reluisoient en luy, estant l'un des bons serviteurs dont le Roy eust sceu faire perte. Les grottes et mines dessoubs ceste tour et plateforme, s'en alloient

I (I) Faire une grotte sous terre , miner.

prestes à y mettre le feu, quand les assiégez, le 2 1 de ce mois , environ les neuf heures du matin , feirent monter un trompette devers la porte de Luxembourg, pour demander à parlementer pour leur reddition ; lequel estant entendu , fut accordé que pour cest effect le sieur de Caderobbe, qui en estoit gouverneur, pourroit à fiance venir devers ces princes pour en traiter et transiger. Pour la seureté duquel , et comme en manière d'hostages, pendant le pourparler, furent envoyez dans la ville le seigneur de Haultcourt, gouverneur d'Yvoy, et le capitaine Cadiou , gouverneur de Montmedy : cependant , toutefois, l'on ne laissoit à poursuivre la batterie , et la continuation des mines n'estoit intermise. Finablement , après que les vaincus eurent esté entièrement déboutez de plusieurs frivoles demandes et réquisitions , leur fut ceste capitulation proposée et approuvée d'eux à tels articles qui s'ensuivent :

Premièrement , que le seigneur de Caderobbe et les capitaines mettroient et delivreroient présentement en l'obéissance du Roy et des princes là presens la ville et forteresse de Theonville au mesme estât qu'elle se trouvoit , sans y rien ruiner ny demollir. Laisseroient en Icelle toute l'artillerie , pouldres , boulets et munitions , tant de ladite artillerie que de guerre, sans plus en consommer, gaster, cacher ny demollir aucune chose , ny es choses susdites procéder de maie foy; laisseroient pareillement leurs armes avec les enseignes , tant de cheval que de pied , de quelque langue et nation que ce fust , et sans en rien gaster, comme dessus. En ce faisant, sera permis ausdits gouverneur et capitaines , et généralement aux gens de cheval , d'en sortir avec leurs armes , et aux soldats avec leurs espées et dagues , pour toutes armes, et les uns et les autres avec ce qu'ils auront d'habillemens et argent, sans qu'ils fussent fouillez ne qu'il leur fust fait aucun desplaisir. Sortiroient pareillement les doyen et gens d'église , gentilshommes et bourgeois , avec tout ce qu'ils pourront emporter d'or, d'argent, et autres leurs meubles; et leur sera baillé, au sortir de ladite ville, bonne et suffisante conduite, sans qu'il leur fust fait tort en leurs personnes et biens meubles, or n'y argent, n'y toucher à l'honneur des femmes et des filles , que ces princes sur leur foy promeirent conserver de tout leur pouvoir. Et seroient semblablement accommodez de bateaux et chariots , pour emporter leurs malades la part que bon leur sembleroit, et recevroient en ladite ville tels personnages qu'on leur voudroit envoyer, jusques au nombre de quatre , et en envoyeroient lesdits gouverneur et capitaines quatre autres

des principaux d'entre eux devers les princes , • pour seureté et accomplissement de la présente capitulation. Laquelle fut signée de la main desdits princes et d'iceux gouverneur et capitaines le 22 de juin mil cinq cens cinquante-huit.

Ces choses ainsi passées et accordées, ce jour mesme sortirent de la ville près de trois à quatre mille personnes du populaire , hommes , femmes , filles et petits enfans ; comme aussi feirent le lendemain les gens de guerre ou nombre de quatorze à quinze cens , la pluspart blessez et fort mal de leurs personnes : en quoy se pouvoit cognoistre le travail et continuel dommage que nostre artillerie leurfaisoit. Au mesme instant, M. de Nevers entra dans ceste ville pour policer et donner quelque commencement d'ordre à ceste nouvelle conqueste, et pour empescher qu'il ne survint aucun mutinement et meurtre, ainsi que bien souvent l'on voit advenir es recherches et pilleries que font les soldats , où ils pensent et espèrent recouvrer quelques butins et profits. Et d'autre part, M. de Guise estoit demeuré au dehors , à ce qu'il ne fust fait aucun grief et tort aux misérables et pauvres habitans , n'y aux soldats aussi , selon qu'il leur auroit esté promis, usant encore ce prince envers eux de sa tant accoustumée pitié et clémence , que retenir les plus malades et blessez pour les faire panser et guérir, ordonnant expressément chirurgiens et autres gens pour ceste charge. Oultre plus , commande une bonne forte escorte pour la conduite de ceux qui estoient sains et qui pouvoient s'acheminer, afin que par les champs ils ne fussent devallisez et brigandez : et , par mesme moyen , fait serrer et amasser tant de chariots et bateaux que faire se peut, pour emmener et transporter le résidu des blessez et malades , et le meilleur de leurs meubles. Ainsi gracieusement furent traitez ceux de Theonville après la reddition de leur ville , dans laquelle l'on feit depuis entrer neuf ou dix enseignes de fanterie françoise; et en fut donné le gouvernement à M. de Vieilleville, pour estre ceste place fort voisine et comme un secours de Metz. Au recouvrement de laquelle le Roy borna fort bien et seurement sa frontière celle part, estant , en ce qu'elle comporte , l'une des fortes villes et de naturel et d'artifice qui peult estre en toute l'Europe , et comme de toute ancienneté elle en a aussi la réputation, combien que ce seul défaut s'y soit trouvé dont la prise seroit advenue. Mais sur cela il faut confesser que les esprits des hommes sont pour ce jourd'huy si subtils et aigus, que je croy n'estre rien impossible maintenant aux hommes , mesmement ou la volonté et permission divine s'entremesle : aussi faut-il con-

COMMENTAIRES DE FRANÇOTS DE RABUTIN. [l^>.^8]

• fesser que l'effect de ce siège fut tenu de si près , et poursuivy avec tant de promptitude, et le torment des assiégez tellement redoublé, qu'à peine leur donnoit-on loisir de respirer, qui est le principal moyen pour rendre toutes choses dificiles et laborieuses, traitables et faciles.

Geste ville , encore que quelques-uns qui se sont essayez de la portraire luy aycnt donné forme ronde , me semble toutefois plustost pentagone qu'autrement, ou à parler plus familièrement , presque de la vraye forme et desseing d'une escarcelle, ayant ducostéde la rivière de Mozelle , à l'endroit où on la battoit, une courtine de trois à quatre cens pas de profil et diamètre , aux deux bouts de laquelle sont deux plateformes fort belles et massives, mais non encore accomplies comme il seroit requis pour le mieux , à cause que elles ne sortent assez en dehors, et qu'en cest endroit il y a faute de flancs, lesquels, encore si peu qu'il y en avoit, furent tantost ostez et rompuz , n'ayant ceste courtine en tout pour la flancquer que ceste tour ronde , qui fut aussi batue , comme a esté dit cy-dessus. Aux autres trois encoignures sont aussi trois platesformes fort bien terrassées, desquelles les défenses paroissent aucunement en dehors ; mais c'est si peu et de si facile oppugnation , qu'elles ne pouvoient empescher d'y assaillir une bresche. Il est vray. et c'est mon advis, ou ceux qui l'ont fortifiée ont eu plus d'esgard, qu'en la pluspart de ce circuit elle est close de marets et de petits ruisseaux qui les abbreuvent et s'y escoulent, qui faisoit penser et croire qu'il n'y avoit lieu d'y pouvoir approcher et loger artillerie, et par ainsi , qu'à si peu de remparts qu'on adjousteroit au dedans la ville, la difficulté et naturel du lieu inaccessible leur serviroit au surplus assez de défense : mais, suivant ce que j'ay dit cy-dessus , les inventions des hommes sont en ce règne si estranges et incredibles , que l'usage et longue expérience y sont novices et comme appreutives. Au demeurant, ceste ville est au-dedans autant parfaitement remparée et terrassée que l'on peut dire et souhaiter, n'estant aucunement commandée n'y subjecte à aucune montagne ou colline en tout sou contour et environ; qui me fait dire , pour conclusion , que c'est l'une des plus belles oppugnations d'une très-forte ville que le roy de France peut avoir faite pour oslendre ses limites , et autant duisible pour la conservation des frontières de son royaume. Je ne veux oublier à dire, avant davantage m eslongner de ces termes , que M. de Guise , incontinent après ceste prise, envoya devers l'evcscfue de. 'Ireves, qui est l'un des électeurs de l'Empire, n'estnnt In ville de Trevesdistant deTheon-

ville que neuf ou dix lieues , ce me semble, pour l'asseurer et oster de toute crainte et suspicion de l'armée du Roy, la Majesté duquel ne vouloit en aucune sorte entreprendre sur ses terres , biens et appartenances, ains plustot le conserver et ayder de son pouvoir et faveur, et tout ce qui estoit et attentoit au Sainct-Empire.

Pour quelques Jours après la prise de ceste place , l'armée françoise demeura campée à l'entour , tant pour faire reparer et raccoustrer les brèches , pour la munir et la rafreschir de nouveau , que pour attendre le surplus de la gendarmerie, qui arrivoit tous les jours à la file; aussi que le nombre des estrangers que le Roy avoit asseuré et retenu à sa solde n'estoit pour lors encore complet et venu : mesmement l'on attendoit l'un des frères du duc de Saxe , qui , dès ce temps, s'estoit acheminé de son pais pour venir au secours et faire service au roy et à la couronne de France, en recognoissance des plaisirs et faveurs que leur maistre en avoit receu. Pendant lequel temps l'on envoya deux ou trois mille chevaux recoguoistre la ville de Luxembourg, estant adonc la délibération en termes, et mise en avant si on l'iroit assiéger ou non. Surquoy aucuns alléguoient estre le plus expédient qu'adonc l'on pourroit entreprendre, jugeans que ceste grande villasse, non aucunement forte , pleine de populaire pauvre et effrayé , ne tiendroit jamais vingt quatre heures , et encor que l'on sceut bien que le prince Mansfel et comte d'Horie, et plusieurs autres seigneurs et capitaines , fussent dedans avec force gens de guerre , si est-ce que la terreur générale des hommes surpasseroit et surmonteroit l'assurance du plus petit nombre , outre ce ce que il seroit fort difficile que les vivres qui estoientlà dedans pussent longuement suffire pour toute la multitude qui s'y estoit réservée ; par ainsi que c'cstoit le meilleur au plustost les aller assaillir eu cest effroy, avant leur donner loisir de penser aux remèdes, et se pourvoir et fortifier. Autres remonstroient tout le contraire , disansque, nonobstant ([ue ceste ville fust foible et peu fortifiée , si est-ce qu'elle estoit si grande et d'estendue si diverse et séparée , qu'il faudroit une fort grande armée pour l'enclorre et envelopper entièrement, laquelleencoreil faudroit démembreret séparer en lieux où il y auroit difficulté de se pouvoir secourir les uns les au- i| très, estant mesmement garnie et pourvue, comme l'on l'avoit peu scavoir certainement , de bons chefs et gens de guerre expérimentez, entre autres du nombre des vieilles enseignes espagnol les que le prince Mansfel y avoit fait venir en ferme asseurance de défendre et garder

COMMEMTAIREîs DE HUINi

la capitale ville de son gouvernement, au siège de laquelle pour le moins se consommeroit un long temps qu'il vauldroit beaucoup mieux employer en plus longue estendue et recouvrement du territoire circonvoisin , pendant lequel temps ceux qui seroient dedans ceste ville mangeroient leurs vivres , ou seroient contraints vuider et se descharger de nombre ; et cependant l'on apprendrait tousjours quelque chose de leur faict et nécessitez, pour, selon ce que l'on verroit pour le mieux, resouldre de ce siège.

Selon cest ad vis, ainsi que j'en puis juger par l'apparence qui s'en est demonstrée , l'armée françoise , au deslogement d'auprès de Theonville, alla camper auprès du Mont Sainct Jean, dont elle départitle premier jourde juillet, s'approchant près de Arlon : dedans laquelle ville le bruit estoit estre environ cinq ou six enseignes de gens de pied et quelques gens de cheval. Ceste ville , le soir du deuxième de ce mois , fut sommée de se rendre : toutefois , ceux qui estoient dedans , voulant contrefaire des braves , et se persuadans reporter quelque honneur en leur reddition, voulurent parlementer, proposans certaines conditions assez audacieuse et téméraires , dont ces princes irritez , ou plustost se mocquans , soubs fainte de ce parlement , leur appareilloient couvertement une camisade, pour leur faire sentir l'effect et payement de leurs réquisitions, ayans ordonné dix-huict enseignes françoises pour leur en aller porter tesmoignage par certains endroits que l'on avoit recogneuz faciles à estre eschellez; mais ceux qui estoient dedans , se doutans ou advertis de cest appareil , en ces entrefaites sortoient par une poterne , en un endroit où Ton ne; se doutoit point, et abandonnèrent ainsi la ville , après y avoir mis le feu par tout. Ce qu'estant apperceu des François, à la foule entrèrent là-dedans, et essayèrent en toutes sortes d'esteindre ce feu , pour seulement recouvrer les meubles et butins qui brusioient : toutefois, il y estoit desjà si embrasé, qu'il n'y eut ordre d'en sauver la meilleure partie. Trois ou quatre jours après, quand la plus grande violence du feu fat amortie , l'on fit sapper et démolir les fondemeus des murailles et fortifications ; et fut ainsi démantelée et ruinée en la meilleure part , afin d'oster en après toutes occasions à l'ennemy de soy pouvoir reloger et fortifier de ce lieu. Derechef, M. de IS'evers avec trois ou quatre mille chevaux, la pluspart reitrès, alla recognoistre Luxembourg, ou furent dressées de fort braves et furieuses escarmouches , et sortirent ceux de dedans de fort grande asseurance au combat , et en grand nombre , faisans suffisante démonstration de n'avoir au-

;01S DE JUBLTIJN. [15.38] Ô'J7

cune crainte , et d'avoir volonté de se bien défendre ; avec ce , l'infinité de canonnades qu'ils deschargerent, faisoit juger qu'ils n'avoieut faute de munitions , et la multitude de gens qui se presentoient en armes sur les murailles couvertes d'enseignes , donnoit à penser qu'il y avoit force soldats là-dedans. De ce lieu aussi , M. de Haultcourt, gouverneur d'Yvoy, avec cinq ou six compagnies de gens de pied et cent ou deux cens carabins [qui sont harquebusiers à cheval] , et M. de Prie avec la compagnie de gens d'armes du comte de Villars, dont il est lieutenant, y estant les sieurs de Guevant , enseigne , et de Vauzay, guidon, avec deux pièces d'artillerie, allèrent prendre et saisir les chasteaux de Rossignol , Villemont et Chigny, que les ennemis avoient repris depuis le voyage de Herbemont ; desquels les deux , à sçavoir Rossignol et Villemont, furent bruslez et ruinez, et Chigny fut gardé et fortifié pour favoriser, tant Herbemont que Yvoy.

En ce lieu , près d' Arlon, commença le premier mutinement entre les François et Allemans ; mesmement les reitres , le troisiesme de ce mois , environ les quatre heures du matin , lesquels estoient desjà tellement eschauffez et aigris , qu'ils s'estoient mis en armes , prests à se choquer, se couper la gorge les uns aux autres, quand M. de Guise et M. de Nevers, en estans advertis , se présentèrent et mirent entre deux , et les séparèrent sans coup ruer, et dèslors cherchèrent tous moyens, et donnèrent tout ordre , à ce que tels mutinemens et séditions , qui sont fort dangereux en une armée , n'advinssent. Sur quoy je ne puis que je ne die , n'estant toutefois aucunement picqué et transporté d'affection naturelle , que ceste nation , là où elle se sent la plus forte , est , ou est devenue la plus présumptueuse et hautaine qui peult estre entre toutes les autres, et laquelle se peult moins converser et hanter sans querelles, mesmement pour beaucoup de bonnes complexions qui sont en elle , et qu'ils honorent fort aussi, .le laisseray ce propos odieux et inutile , pour parachever de dire qu'en ce lieu M. de Guise récent une grande perte par feu , lequel fut mis en ses tentes , ne sçay-je comment à la vérité ; luy furent bruslez et estouffez les meilleurs de ses chevaux de service , et la pluspart de sa vaisselle d'argent dépérie fondue et perdue, avec plusieurs autres bons meubles estimez à la valeur de plus de sept ou huit mille escuz ; et a-t-on voulu dire davantage, que sa personne fut en danger avec d'autres gentils-hommes de sa maison. Il en advint autant à M. de Rordillon, qui fut encore poursuivy de ce feu de si près , jusques à brusler

son lit de camp. Ce sont les faveurs et largesses que fortune le plus souvent a accoustumé départir à ceux qui suivent les armes.

L'armée françoise demeura campée à l'entour d'Arlon, depuis le premier jour de juillet jusques au neufvieme , tant pour ruiner ceste ville d'Arlon que les autres forts des environs , pareillement aussi pour adviser et attendre s'il se presenteroit quelque occasion d'assiéger Luxembourg. Toutefois, se représentant l'entreprise de plus en plus douteuse , et d'ailleurs estant de longue main, les principaux desseings premedidez et tendaus devers la Picardie, où jà M. de Thermes devers Calais avoit une petite armée, et M. d'Aumalle à La Fere dressoit un autre amas et assemblée , pour se joindre et assembler à certain lieu ordonné , au partir de là , le camp s'alla former auprès de Vireton , où il fit séjour huict jours entiers , pendant lesquels , le plus souvent , se dressoient force escarmouches devant Luxembourg ; quelquefois aussi ceux de là dedans estoient bien si hardis que de venir escarmoucher et donner allarmes jusques en nostre camp ; qui faisoit de plus en plus penser que ce seroit perdre temps de les assiéger. En ces entrefaites et pendant ce séjour, vindrent nouvelles que M. de Thermes , le treizième de ce mois , avoit esté desfaict près de Gravelines , et m'est fort difficile de déduire et narrer certainement tout le faict de ceste adventure , tant pour n'y avoir esté présent, que pour en estre les rapports si différens et partiaux , que la vérité s'y trouve le plus souvent masquée et dissimulée , et par ainsi , en la cuidant quelquefois ensuivre , on fait bien souvent tort et injure à qui l'honneur appartient , oultre ce que , pour le jourd'huy , à la trop tenir de près et declairer, il n'y va que de la vie (1). Toutefois, ne voulant offenser personne, je diray simplement ce que j'en ay appris. Ayant M. de Thermes assemblé à Calais de quatreà cinq cens hommes, trois compagnies de chevaux légers escossoises, quatorze enseignes de gens de pied françoises, et dix-huict d'Allemans , où se trouvèrent semblablement pour chefs et capitaines messieurs de Yillebon, de Senarpont, d'Anuebault, de Chaulnes et Morvilliers; et estant adverti que la pluspart des villes selon la coste de la marine estoient mal pourveuës et garnies de gens de guerre, fit une entreprise de s'aller emparer d'une fort belle ville appellceBuinkerke, belon ceste coste, où il y a un fort beau et riche port; délibérant encore d'entrer plus avant , voire en-

(I) (le mot pst à lemarqucr , et fait prcsuracr qu'un personnage puissant raéritoit des reproches.

treprendre et essayer Gravelines , s'il s'en offroit quelque occasion. Suivant ceste délibération , et feignant toutefois prendreautre chemin, passa au dessus de Gravelines , et alla assiéger une petite ville appellée Berghe, laquelle il print en peu de temps , et fut pillée et saccagée , où furent trouvez et prins de grands butins : cela faict, sans y faire séjour, il vint assiéger Duinkerke ; laquelle , après avoir tenu quatre jours seulement, fut prinse, pillée et saccagée, et où se trouvèrent de plus riches et précieux meubles et butins que les précédens : de sorte que Ton disoit qu'il n'y avoit jusques aux gougeats et laquais, qui ne s'y fussent faits riches. Durant ces exécutions, M. de Thermes va devenir malade à Duinkerke ; ce nonobstant , afin de poursuivre ce bon commencement et première pointe, mesmement en ceste terreur et espouventement où il voyoit tout le pays esbranlé, il fait marcher et approcher l'armée de Gravelines, en remettant la charge à messieurs de Villebon et de Senarpont. Ainsi , estant ceste armée campée le long de la marine et des dunes , près de Gravelines , quelques jours se passèrent en escarmouches et sorties de ceux de la ville , attendant la convalescence et bonne disposition de M. de Thermes, afin d'adviser et resouldre de ce siège, ou d'autre exploit pour le mieux . Et cependant le comte d'Aiguemont , qui est lieutenant pour le roy Philippes en ces Pays-Bas , assembla les garnisons à la plus grande diligence qu'il peut, et ramassa , tant de gens du pays des communes que de gens de guerre , jusques au nombre de quinze ou seize mille hommes de pied , et de trois à quatre mille chevaux , y comprins douze ou quinze cens reitres , qui estoient ceste part en garnison , en intention de venir faire teste à nostre armée , et luy retrencher le chemin d'entrer plus avant , ou pour le moins interrompre l'entreprise et siège de Gravelines, dont il se doutoit. Dequoy l'on dit que messieurs de Villebon et de Senarpont advertireut M. de Thermes; lequel, encore qu'il ne fust bien sain, luy estant redoublé que le comte d'Aiguemont avec ses forces marchoit desjà vers eux , se retira la par où estoit l'armée ; où il ne fut sitost arrivé que l'ennemy se trouva desjà fort près et voisin, toutefois sans que ces deux armées fissent aucun semblant de venir aux prises. M. de Thermes, sentant ses forces inégales , et beaucoup moindres que celles de son ennemy , délibéra se retirer devers Calais : d'autre part l'ennemy , ou s'en doutant , ou en estant adverti , proposa de s'y opposer et luy couper chemin , et l'enserrer entre Gravelines et luy, et le contraindre de combattre à son désavantage, ou l'affamer. Ce

COMMENTAIRES DE FKANÇOIS Ï>E fiABUTIN. [l558j

que considérant et prévoyant , M. de Thermes se mist en devoir de prévenir et de passer le premier la rivière, qui vient devers Saint Orner, et passa auprès de Gravelines : toutefois ce ne fut encore si tost que les ennemis ne l'eussent desjà la pluspart passée, et la passoient encore, se voyant les uns et les autres.

Quand l'avant garde de M. de Thermes fut arrivé à l'autre bord, elle se rangea un peu plus avant en bataille , pour couvrir et soustenir le surplus de l'armée , qui traversoit par la rivière au plustost qu'il estoit possible , lorsque deux troupes d'ennemis , partie reitres , partie cavallerie , chacune de douze à quinze cens chevaux, qui estoient arrestez et se presentoient en front, commencèrent à marcher comme voulans charger; l'une desquelles, et la première s'advançant, donne en teste à nostre avant garde, qui fut fort bien et vaillamment soustenue , comme aussi fut l'autre , pensant couler et donner en flanc ; et l'une et l'autre furent à ce premier choc si bien rembarrées et repoulsées . que les nostres deslors pensoient avoir gaigné le camp et estre demeurez les maistres, crians desjà victoire! victoire! Sur cela, et comme ils estoient escartez , arriva un gros bot de gendarmerie d'autres quinze cens ou deux mille chevaux , où l'on dit qu'estoit le comte d'Aiguemont , qui , les rechargeant de nouveau , les renversa et mist à vau de route , estant mesmement mal secouruz du surplus de nostre gendarmerie, et où l'on accuse aucuns des chefs et quelques compagnies avoir fait mauvais devoir , ainsi que les ennemis mesmes l'ont rapporté et tesmoigné , disans que si les premiers des nostres eussent étésoustenuz et secouruz à la première charge où ils avoient fait si bien , de deux ou trois cent chevaux seulement , ils eussent tenu leur armée en ordre et avoient la victoire en main. Au surplus , en ce desordre , s'etans nos gens de pied mis et serrez en bataillons , quant ce vint à combattre et que les ennemis se présentèrent pour les rompre , les compagnies françoises soustindrent et combattirent tant longuement qu'ils se peurent remuer , et jusques à ce que les armes et les vies leur défaillirent : mais Ton dit que les Allemans ne firent aucune résistance , ains , se rompaus d'eux mesmes, haulserent leurs picques, etjetterent là leurs armes ; ce que l'on a trouvé bien estrange et mauvais. Voilà comme pour vérité l'on m'a fait entendre la desfaite de M. de Thermes près Gravelines, où, estant fort blessé, il demeura prisonnier ; comme aussi firent les seigneurs de Senarpont, d'Annebault, de Villebon, de Morvilliers et de Chaulnes, et beaucoup de gentilshommes et vaillans soldats, les noms des-

quels certainement je voudrois sçavoir , afin qu'en les nommant ici , par leur mémoire ils peussent servir d'exemple à leurs successeurs : et n'y ay point ouy parler qu'il y soit mort gens de renom de nostre part , combien que jesçache bien, et comme il ne peut estre autrement , qu'il n'y ait eu beaucoup de gens de bien tuez et blessez , lesquels , encore qu'ils n'ayent grand bruit, et ne soient grands seigneurs, ont autant vertueusement et honorablement combattu et fait leur devoir que aucun des chefs mesmes : toutefois, n'en ayant peu recouvrer les noms, je suis contraint les passer en silence , soubs protestation que , s'ils estoient sceuz de moy , je ne serais receleur de leur vertu et mérite , ains le declairerois d'autant bonne volonté que du plus grand capitaine de ce royaume. Geste double recharge (1 ) de fortune adverse interrompit, comme l'on a voulu dire , beaucoup de belles et advantageuses entreprises qui avoient esté de longue main préméditées et préveuës, pour avoir sa revanche sur l'enneray; neantmoins que deslors le bruit estoit de quelques propositions de paix, et disoit-on que M. le mareschal de Sainct-André avoit eu sauf-conduit et congé sur sa foy pour en venir faire l'ouverture , et porter lespropos au Roy , à la sollicitation de ceste vertueuse princesse la duchesse douairière de Lorraine; laquelle . ainsi que l'ay touché dès le commencement de ce livre , aura à jamais ceste gloire d'avoir donné le commencement et fin à ceste paix, et d'avoir reconcilié ces deux grands rois, si fort irritez. Auquel bon et sainct œuvre chacun sçait bien aussi que ce bonetvertueux chevalier, M. le connestable , s'est employé jusques atout, voire depuis le temps qu'il fut prisonnier; la vertu duquel en cela , et toute autre chose d'importance , a esté révérée et en admiration aux ennemis.

Après avoir sceu ces nouvelles, l'armée françoise fit pende séjour en Champagne; ains, sans longuement camper n'y s'arrester, à raisonnables journées tira et s'approcha de Picardie , mesmement ayant esté rapporté que les ennemis s'assemblôient et tenoient desjà camp en grand nombre près de MaroUes et Maubeuges, qui n'est fort loing de Guise. Parquoy, costoyant ceste lisière, et passant près de Sedan et de Mezieres, et le long du pays de Tirasse, nostre camp se vint dresser et loger le vingt-huictiesme de ce mois de juillet au lieu de Pierrepont, lieu fort propre et en commode assiette pour la stance (2) et séjour d'une armée , pour estre et de naturel

(1) Cetto déroule et celle de Saint-Quentin.

(2) Campement.