CHAPITRE XIV

La fin du livre où la personne qui ra faict s'excuse vers le marcschal de ce que il ra faict sans son sceu et commandement, et non si bien mis far escript que il appartiendroit.

Or est temps que je tire à fin la matière de mon livre, nonobstant que dire encore assez se pourroit. Mais pouc ce que rentendement de l'homme se travaille aulcunes fois de moult oûir, tant soyent les choses bonnes, iey conciiieray mon dire, délaissant à parler de luy au temps qu'il est encores en la droicte fleur de sou aage; dont j'espère que ses biensfaiets ne fauldront mie à tant, ains croy que tousjours iront croissans de mieulx en mieulx : car tout ainsi que on

DD MA.BESGHAL DE BOUCICAUT

Tcoid que l'un vice attire l'autre, pareillement croissent et multiplient les vertus. Donc comme nous soyons tous mortels, s'il advient que mort ou autre encombrier me défende à plus escrire et adjouster à mon livre ce que le dict mareschal fera doresnavant, je supplie tous saiges escrivains que aucun d'eulx veuille parfaire le surplus jusques à sa fin, que Dieu bonne luy octroyé I

Si prie et requiers humblement aux nobles et notables personnes par l'ordonnance desquels il a esté faict, que ils me veuillent pardonner si si suffisamment que la haultc matière le requiert ne l'ay sceu traicter ne mettre en ordre : car vrayement il n'a mie tenu à faulte de bonne volonté, mais à non plus sçavoir. Si leur plaise corriger les defaults, et avoir agréable mon labeur tel comme il est.

Et aussi je supplie tres-humblement le bon chevalier de qui il est faict, que s'il advient que en son vivant il vienne entre ses mains, ou en oye parler, que pareillement me veuille pardonner si si suffisamment que il appartient n'y ay enregistré et mis ses nobles faicts et dignes mœurs ; ne mauvais gré ne me veuille sçavoir, si j'ay eu hardiesse d'entreprendre à parler de luy et de sa vie, sans en avoir auparavant congé de luy et licence, et sans son sceu : car j'ay receu la charge et commission de ce faire volontiers et à bonne intention, pour ce que la belle matière dont il traicte pourra à tousjoursmais estre cause de bon exemple à ceulx qui désirent hault attaindre, et qui mirer s'y voudront. Si ne luy debvra pas desplaire d'avoir le payement de ce qu'il a bien desservy, c'est à sçavoir los et renommée à tousjoursmais au monde par les mei'ites de ses bienfaicts. Car il ne desplaisolt pas jadis aux vaillans preux que mémoires authentiques et perpétuels feussent faicts de leurs bontez; ainçois, dit Valere, et maints aultres autheurs le tesmoignent, que en intention et espérance que ils acquissent bonne renommée faisoient et tiroient à chef les merveilleuses choses que ils entreprenoient. Et dict à ce propos Aristote que los et honneur n'est mie encore assez suffisant mérite à donner à l'homme qui est vertuenx.

Et qu'il soit vray que un chascun prince et gouvemeor de pays , ou chef de chevalerie ou de communauté de gent , doibve raisonnablement vouloir avoir los, gloire et honneur, afin que la réputation de leurs personnes soit tenue en plus grande révérence de leurs subjects, par qooy ils en soyent plus craints et plus obéis, dit Varron , qui feut un tres-saige autheur des Romains , que il estoit expédient que les roys et les grands princes se faignissent estre du li-

gnaige des dieux , comme plusieurs le feirent jadis , comme le roy Alexandre , les empereurs de Rome , et autres. Et de ce faict mention sainct Augustin au livre de la Cité de Dieu. Parquoy nous pouvons dire que c'est chose convenable que ceulx qui ont soubs eulx administration de gens et de peuple accroissent leurs authoritez le plus que ils peuvent , non mie par orgueil , mais pour estre plus craints et obéis , comme il appartient. Doncques ne me sçaura pas mauvais gré ce vaillant preud'homme si je luy ay procréé et enfanté un nouvel hoir, voire si durable que il ne pourra jamais mourir au monde : car voirement les livres qui sont faicts représentent les personnes de ceux de qui ils parlent , si comme faict le fils la mémoire du père. 0 il ne sera pas plus desdaigneux que fut jadis Pompée le grand, à qui ne despleut mie de ce que le saige poëte qui feut nommé Teophanes avoit escript sans son sceu ses gestes et ses nobles faicts , que il meit en moult beau langaige et notable stile. Il ne l'eut pas à desdaing; ains quand le volume luy présenta , il en feit joie à grand merveilles , et dit que celuy qui avoit mis peine à prolonger sa mémoire a tousjours-mais au siècle Taimoit de grand amour, quand il desiroit sa perpétuité ; si avoit bien desLTvy que grand guerdon luy rendist de tel bénéfice et service. Si le rémunéra si grandement, que il le pourveut de son vivre tres-honnorablement ; et avec ce ,poar ce que il avoit honnoré et exaussé son nom par escript, pareillement le voulut honnorer : car il le meit au rang des chevaliers , et le feit citoyen de Rome , qui estoit adonc le plus grand honneur que on peust faire à homme, et n'estoit mie chose accoustumée que on y receust nuls estrangers. Si estoit moult grande dignité pour les grands privilèges , franchises et excellences de quoy usoient les dicts citoyens. Et avec ce l'honnora de grand louange en ses escripts , en moult bel langaige et tres-omé , en luy rendant grâces de ce qu'il avoit dict de luy; et à tousjours feut son familier et amy singulier , avec les guerdons d'autres grandes largesses que il luy rendit

<XX