C. D. M.. T. II

si très-grands coups que tous les destranchoit. Le chevaleureux admirai de France restât d'autre part, qui n'en faisoit mie moins. Le seigneur de la Trlmouille qui à merveilles estoit beau chevalier, vaillant et bon , faisoit souvent Sarrasins tirer en sus. Iceulx barons etesprou* vez chevaliers, et de grand vertu, reconfortoient et donnoient hardiesse de faict et de parole aux nobles jouvenceaux de la fleur de lys qui là se combatoient noYi mie comme enfans, mais comme si ce feussent tres-endurcis chevaliers. Et besoing leur en estoit. Car tousjours croissoit sur eulx la presse et la foule. Les autres vaillans chevaliers et escuyers françois tant bien s'y portèrent que oncques nulles gens mieulx ne le feirent. Si feit le grand comte de Hongrie et tous les siens , à qui moult desplaisoit de la laide et honteuse départie que les Hongres avoient faicte. Aussi moult s'y efforcèrent tous les autres estrangers.

Helàs I mais que leur valoit ce ? Une poignée de gens estoient contre tant de milliers. Car si peu estoient que ils ne pouvoient occuper fors seulement le front de l'une des susdictes batailles, où il y avoit de gens plus de trois contre un d'eulx. Et toutesfois par leur très-grand force , vaillance et hardiesse , desconfirent icelle première l)ataille, où moult en occirent. Pour laquelle chose Bajazet feut tellement espouventé que luy ne sa grant bataille de cheval n'osèrent assaillir les nostres , ains s'enfuyoit tant qu'il pouvoit luy et les siens, quand on luy alla dire que les François n'estoient qu'un petit de gens qui là ainsi se combatoient , et n'avoient aide de nuls. Car le roy de Hongrie à toute sa gent s'en estoit fuy et les avoit laissez , si seroit grand honte à luy d'ainsi fuir à tout si grand ost devant une poignée de gens. Quand Bajazet oiiit ce, adonc retourna à tout moult grande quantité de gens qui frais estoient et reposez. Si coururent sus à nos gens qui ja estoient foulez , navrez, lassez, et n'estoit mie de merveilles.

Quand le bon mareschal veid celle envahie, et que ceulx qui lesdebvoient secourir les avoient délaissé, et que si peu estoient entre tant d'ennemis, adonc cognent bien que impossible estoit de pouvoir résister contre si grand ost, et qu'il convenoitque le meschef tournast sur eulx. Lors feut comme tout forcené, et dict en luy mesme que puisque mourir avec les autres luy convenoit que il vendroit chère à ceste chiennaille sa mort. Si fiert le destrier des espérons, et s'abandonne de toute sa vertu au plus dru de la bataille , et à tout la tranchante espée que il tenoit fiert à dextre et à senestre si grandes collées que tout abatoit de ce qu'il atteignoit devant soy.

LE LIVfiE OU FAIGT8

£t tant alla ainsi faisant devant Iny que tous les plus hardis le redoutèrent et se prirent à destoomer de sa voye : mais pourtant ne laissèrent de luy lancer dards et espées ceulx qui approeher ne Tosoient, et luy comme vigoureux bien se sçavoit deffendre. Si vous poignoit ce destrier qui estoit grant et fort, et qui bien et bel estoit armé au milieu de la presse, par tel randonqu'à scm encontre les alloit abatant Et tant alla ainsi faisant tousjours avant, qui est une merveilleuse chose à raoompter, ettoutesfois elle est \Taye , comme tesmoignent ceulx qui le veirent, que il transpercea toutes les batailles des Sarrasins, et puis retourna arrière parmy eulx à ses compaignons. Ha Dieu quel chevalier! Dieu luy sauve sa vertu. Dommaige sera quand vie luy fiuidra. Mais ne sera mie encores , car Dieu le gardera.

Ainsi se combatirent nos gens tant que force leur peut durer. Ha quelle pitié de tant noble oompaignée, si esprouvée gent, si dievaleureuse , et si excellente en armes, qui ne peut avoir secours de nulle part, ains cheurent en la gueule de leurs ennemis, si comme est le fer sur Tenclume. Car tous les environnèrent et envahirent de toutes parts si mortellemement que plus ne se peurent deffendre. Et quelle merveille ! Car plus de vingt Sarrasins estoyent contre un Chrestien. Et toutesfois en ocdrent nos gens plus de vingt mille : mais au dernier plus ne peurent forçoyer. Ha quel dommaige et quelle pitié ! Ne deust-on pendre les desloyaux Ghrestiens qui ainsi faulsement les abandonnèrent? Que nûde honte leur puisse venir : car si de bonne volonté eussent aidé aux vaillans François et à ceulx de leur compaignée, il n'y feust demeuré Bijazet ny Turc que tout n'eust esté mort et pris, qui grand bien eust esté pour la chrestienté. Si feurent là mort et occis de ceste chiennaille la plus grande partie des Ghrestiens. Et des barons le seigneur de Coucy, dont moult feut grand dommaige. Car vaillant chevalier, saige et esprouvé estoit. Aussi feut Tadmiral et maints autres.

Mais nos seigneurs du sang de France, et la plus grande partie des barons, et plusieurs chevaliers et escuyers feurent retenus prisonniers, qui avant ce moult vigoureusement se combatirent. Entre lesquels le mareschal, lequel comme celuy qui tenoit sa vie pour perdue, et cher la vouloit vendre, avoit faict entour luy à force de ^cpupssi grand cerne de morts et il*abatus que nul ne Tosoit approcher pour le jprendre. Car co'mme lyon forcené qui rien ne redoubte sembfoit que il feust entre eulx. Pour laquelle chose moult y eurent grant peine, et plésieurs des Sar-

rasins y ooaveint mourir avant qu*ilpeust estre pris : mais au dernier tant le pressèrent qu\ force avec les autres remmenèrent.

OCO