CHAPITRE XV

Comment après que le jeune ray FerrandfiU couronné roy de Naples , alla asseoir son camp à SaincU Germain^pour résister contre la venue du Roy ,' et de l'accord que le roy Charles fit avec le Pape , estant encor à Rome.

£t pour esclaircir le tout , faut dire comment, dès que le roy Ferrand fût couronné , il devint comme un homme neuf, et luy sembla que toutes haines et offenses estoient oubliées par la Alite de son père , et assembla tout ce qu'il peut de gens , tant de cheval que de pied , et vint à Sainct-Germain (1), qui est l'entrée du royaume et lieu fort, et aisé à deffendre, et par où les François sont passez deux autres fois; et là mit son camp et garnit la ville , et lors revint le cœur aux amis dudit Ferrand. Le lieu est deffendu d'une petite rivière, qui quelquefois se passe à gué , et quelquefois non , aussi se deffend par la montagne qui est dessus.

Le Roy estoit encores à Rome , où il séjourna environ vingt Jours, où plusieurs choses se traictoient. Avec luy estoient bien dix-huict cardinaux, et d'autres qui venoient de costé et d'autre; et y estoient ledit monseigneur Ascaigne , vice-chancelier et frère du duc de Milan, et Petri-ad-vincula (qui estoient grands ennemis du Pape , et amis Tun de l'autre), celuy de Gurce (2), Sainct-Denis (3), Sainct-Severin (4), Savelly (5), Coulonne (6), et autres, qui tous vouloient faire' élection nouvelle, et qu'au Pape (7) fût fait procès , lequel estoit audit chasteau. Deux fois fût l'artillerie preste, comme m'ont dit des plus grands , mais tousjours le Roy par sa bonté y résista. Le lieu n'est pas deffensable, car la motte et de main d'homme faite , et petite. Or alléguoient-ils bien que ces murs estoient tombez par miracles , et le chargeoient d'avoir acheté cette saincte dignité ^ et disoient vray ; mais ledit Ascaigne en avoit esté le principal marchand , qui avoit tout guidé , et en eut grand argent , et si eut la maison dudit

tagèrent sa déponille entre eux ; Il moarat en France en

(1) San-Cxermano.

(2) RalmondPéraalt, néàSorgères, enSaintooge, évéqae de Saintes, puis de Gurce, en Allemagne; cardinal en 1493, mort en 1506.

(3) Jean de la Grolaye ou de Tilllers, religieux et abbé de Salnt^Denis en France, puis évéque de Lombez { car • dlnal en 1403, mort en 1499.

(4) Fils de Robert, comte de Citasse, et de Jeanne de Corrégé ; cardinal en 1489. et conarmé par le collège

Pape, luy estant vice-chancelier, et les meubles qui estoient dedans , et son office de vice-chancelier , et plusieurs places du patrimoine. Car eux deux estoient à l'envy à qui seroit pape. Toutesfoisje croy qu'ils eussent consenty tous deux d'en faire un nouveau , au plaisir du Roy , et encores d'en faire un François ; et ne saurois dire si le Roy fit bien ou mal ; toutesfoisje croy qu'il fit le mieux d'appointer ; car il estoit Jeune et mal accompagné pour cour conduire un si grand œuvre que réformer l'ËglIse, combien qu'il eût le pouvoir , mais qu'il l'eust sceu bien faire , Je croy que toutes gens de cognoissance et raison l'eussent tenu à une bonne ^ grande et très-saincte beçongne ; mais il y faudroit grand mistère; toutesfois le vouloir du Roy estoit bon, et est encor en ce cas , s'il y estoit aidé.

Le Roy print aultre chemin et appointa avec le Pape un appointement , qui ne pouvoit durer , car il estoit violent en aucun point, et fût grand couleur, de faire une ligue, dont après sera parlé. Par cestuy appointement devoit estre paix entre le Pape et ses cardinaux et autres , et aulcuns dévoient lesdits cardinaux estre payez du droict de leur chapeau, absens comme présens. Il devoit prester au Roy quatre places. Terracine, Civita-Vechia, et Yiterbe que tenoit le Roy, et Spolète aussi ; mais il ne la bailla point , combien qu'il l'eût promise ; et se devoit rendre au Pape, comme le Roy partiroit de Naples ; et ainsi le fit, combien que le Pape l'eût trompé. Il bailla au Roy pour cestuy appointement, le frère du Turc (8), dont il avoit soixante mille ducats par an dudit Turc, et le tenoit en grande crainte. Promettoit de ne mettre aucun légat en lieu ne place de TÉglise , sans le consentement du Roy : et y avoit autres articles , qui touchoient le consistoire , et bailloit en ostage son fils le cardinal de Valence , qui alloit avec ledit seigneur pour légat, et luy fit le Roy l'obédience filiale en toute humilité que roy sauroit faire , et luy fit le Pape deux cardinaux ; c'est à sçavoir le général Rrissonnet , qui jà estoit évesque de Sainct-Malo , qui a esté souvent appelle général , et l'autre l'évesque du Mans ,

des cardinaux après la mort de ce Pape , en 1492 ; mort en 1516.

(5) Jean-Baptiste Savelly, romain ; cardinal en 1480. mort en 1496.

(6) Jean Colonne, romain , fils d* Antoine . prince de Salerae , et neveu du cardinal Prosper Colonne; cardinal en 1489, mort en 1506.

(7) Alexandre YI, qu^on voulait déposer comme simoniaque.

(8) Djem ou Zizim, frère de Bsjazet 11.

HÉMOIRES DB PHILIPPE DE GOMINES. [1494]

de la maison de Luxembourg , qui estoit par deçà (1).