CHAPITRE XIX

Quels furent les sujets de l'ambassade du sieur d' Argentan y auprès de la république de Venise,

Or faut dire quelle fut ma charge , qui fut à cause des bonnes réponses qu'ils avoient faites à deux serviteurs du Roy, qui avoient esté vers eux; et qu'à leur finance, il tira hardiment avant en cette entreprise , et ce fut avant qu'il partit de la ville d'Ast. Aussi je leur remontray les longues et anciennes alliances, qui avoient esté entre les roys de France et eux , et davantage leur offris Rrandis et la ville d'Otrante, par condition que leur baillant mieux en Grèce, ils fussent tenus les rendre. Us me tinrent les meilleures paroles du monde, du Roy, et de toutes ses affaires, car ils ne croyaient point qu'il allât guères loin ; et de l'offre que je leur fis , ils me firent dire qu'ils estolent ses amis et serviteurs, et qu'ils ne vouloient point qu'il achetât leur amour (aussi le Roy ne tenoit point encores les places), et que s'ils vouloient, ils se mettroient bien en guerre, ce qu'ils ne vouloient point foire , combien qu'il y eût vers eux ambassade de Naples, les suppliant tous les jours, et leur offrant ce qu'ils voudrolent, et confessoit le roy Alphonse (qui lors régnoit) avoir failly vers eux , et leur remonstroit le péril que ce leur seroit , si le Roy venoit au-dessus de son entreprise.

Le Turc de l'autre eosté leur envoya incontinent ambassadeur, que je vis plusieurs fols, qui ù la requeste du Pape les menaçoit, s'ils ne se déclaroient cx>ntre le Roy. A chacun faisoient bonne response , mais ils n'avoient à ce commencement nulle crainte de nous , et ne s'en faisoient que rire ; et aussi le duc de Milan leur faisoit dire, par son ambassadeur , qu'ils ne se souciassent point , et qu'il sçavoit bien la façon de renvoyer le Roy , sans ce qu'il tint rien'en Italie ; et autant en avoit mandé à Pierre de Médicîs, qui le m'a dit. Mais quand ils virent, et le duc de Milan aussi , que le Roy avoit les places des Florentins entre ses mains, et par espéclal Pise , ils commencèrent à avoir peur , et parloient de la façon de le garder de passer plus avant; mais leurs conseils estoient longs, et cependant le Roy tiroit avant, ei gens alloient et venoient des uns aux autres. Le roy d'Espagne commençoit aussi à avoir peur pour ses isles de Cécile et de Sardaigne. Le roy des Romains commença aussi à estre envieux , et luy faisoiton peur de la couronne impériale, disant que le Roy la vouloit prendre , et en avoit requis le Pape, qui n'estoit point vray.

Et pour ces doutes , ces deux roys envoyèrent grosses ambassades à Venise , moy estant là , coDome dit est. Devant y envoya le roy des Romains, car il estoit voisin. L'évesque de Trente (1) en estoit le principal, et deux chevaliers, et un docteur, à qui fut fait grand honneur et révérence : et leurs logis comme à moy, et dix ducats par jour, pour leurs despens, et leurs chevaux deffrayez , qui estoient demeurez à Trévis. Incontinent après vint un trèshonneste chevalier d'Espagne (2) , bien accompagné et bien vestu , qui aussi fut fort honoré et deffrayé. Le duc de Milan, outre l'embassadeur qu'il avoit, y envoya l'évesque de Corne, et messire Francisco Remardin Vicomte; et commencèrent secrettement et de nuict , à convenir ensemble , et premièrement par leurs secrétaires; et n'osoient encores en public se déclarer contre le Roy , par espécial le duc de Milan, et les Vénitiens, qui encores ne sçavoient si la ligue , dont estoit question , se concluroit ; et me vinrent voir ceux de Milan , et m'apportèrent lettre de leur maistre; et me dirent que leur venue estoit, parce que les Vénitiens avoient envoyé deux ambassadeurs à la ville de Milan, et ils avoient de coustume de n'y en laisser qu'un (aussi ne firent-ils à la fin); mais cecy estoit mensonge et tromperie, et toute déception ; car

(1) Ulrlc de Frondsperg.

(2) Il s^appelait Lorenço Soarex de Fignero y Blendocâ ; Il moiinit à Yealte.

MBMOIRBS DB PHILIPPB DB COMINES. [M94]

tout oda estolt asseoiblé pour faire ligue contre le bon Roy : mais tant de villes ne se purent accorder en peu de temps. Après me demandèrent si Je ne sçavois point qu*estoit venu faire cet ambassadeur d'Espagne, et celuy du roy des Romains , afin qu'ils en pussent advertir leur maistre.

Or J'estois Jà adverty , et de plusieurs lieux , tant de serviteurs d'ambassadeurs qu'autrement, que celuy d'Espagne estoit passé par Milan, desguisé, et que les Allemans se condnisoient tons par ledit duc; et aussi sçavois qu'à toute heure l'ambassadeur de Naples bailloit des paquets de lettres qui venoient de Naples ( car tout cecy estoit avant que le Roy partit de Florence ) , et despendois quelque chose pour en estre adverty, et en avois l)ons moyens; et si sçavois jà le commencement de leurs articles , qui estoient Jettez, mais non point accordez , car les Vénitiens sont fort longs à telles conclusions. Et pour ces raisons, et voyant la ligue si approchée , ne voulus plus faire de l'ignorant, et respondis audit ambassadeur de Milan, que puisqu'ils me tenoient termes si estranges, que je leur voulols monstrer que le Roy ne vouloit point perdre l'amitié du duc de Milan , s'il y pouvoit remédier, et moy comme serviteur, m'en voulols acquitter, et l'excuser des mauvais rapports qu'on en pourroit avoir faits audit duc leur maistre , que je croyois estre mal informé , et qu'il devoit bien penser , avant que perdre la recognoissance de tel service, comme it avQit fait au Roy ; que nos roys de France ne fuirent jamais ingrats , et que pour quelque parole qui pouvoit avoir esté dite , ne se devoit point départir l'amour d'eux deux , qui tant estoit séante à chacune desdites parties; et les priois qu'ils me vousissent dire leurs doléances, pour en advertir le Roy , avant qu'ils fissent autre chose. Ils me jurèrent tous et firent grands sermens qu'ils n'en avoient nul vouloir; toutesfols ils mentoient, et estoient venus pour traiter la^te ligue.

Le lendemain j'ai lay à la seigneurie leur parler de cette ligue, et dire ce qu'il me sembloit servir au cas , et entre autres choses , je leur dis qu'en l'alliance qu'ils avoient avec le Roy , et qu'ils avoient eue avec le feu roy Louys, son père, ils ne pou voient soustenir les ennemis l'un de l'autre, et qu'ils ne pou voient faire cette ligue, dont l'on parloit, que ce ne fdkt aller contre leur promesse. Ils me firent retirer , et puis quand je revU» , me dit le duc que je ne devois point croire ce que l'on disoit par la ville , car chacun y estoit en liberté, et pouvoit diacun dire ce qu'il vouloit : toutesfois quils n'avoient jamais

pensé faire ligue contre le Roy, ne jamais oliy parler , mais au contraire, ils disoient faire ligue entre le Roy et ces autres deux roys et toute ritalie , et qu'elle fût contre ledit Turc , et que chacun porteroit sa part de la despense , et s*il y avoit aucun en Italie qui ne voulût payer ce qui seroit advisé, que le Roy et eux l'y contraindroient par force , et vouloient faire un très-bon appointement,que le Roy prist une somme d'argent comptant, et qu'eux l'avanceroient et tiendroient les places de Poûille en gage , comme font à cette heure, et le royaume sevoit reoognu de luy, du consentement du Pape , et par certaine somme de deniers l'an , et que le Roy y tiendroit trois places : et pleut à Dieu que le Roy y eût voulu entendre lors.

Je dis n'oser entrer en cet appointement, leur priant ne se haster point de conclure cette ligue, et que de tout j'advertirois le Roy , leur priant , comme j'avois fait aux autres , me dire leurs doléances, et qu'ils ne les teussent point, comme faisoient ceux de Milan. Ils se doulurent des places que le Roy tenoit du Pape, et enoores plus de celles qu'il tenoit des Florentins , et par espécial de Pise, disans que le Roy avoit mandé par escrit en plusieurs lieux , et à eux-mesmes, qu'il ne vouloit en Italie que le royaume de Naples , et aller contre le Turc, et qu'il monstroit à cette heure de vouloir prendre tout ce qu'il pourroit en Italie , et ne demander rien au Turc ; et disoient encores que monseigneur d'Orléans , qui estoit demeuré en Ast , faisoit crainte au duc de Milan, et que ses serviteurs disoient de grandes menaces ; toutesfois qu'ils ne feroient rien de nouveau que je n'eusse response du Roy, ou que le temps de l'avoir ne fût passé; et me monstreroient plus d'honneur qu'à ceux de Milan. De tout j'aidvertis le Roy , et eus maigre response; et d^lors s'assembloient chacun jour, veu qu'ils sçavoient que l'entreprise estoit descouverte; et en ce temps estoit le Roy encores à Florence; et s'il eût trouvé résistance à Yiterbe, comme ils cuidoient, ils eussent envoyé des gens à Rome, et encores si le roy Ferdinand fust demeuré dedans; et n'eussent jamais pensé qu'il eût deu abandonner Rome : et quand ils la virent abandonnée , commencèrent à avoir peur : toutesfois les ambassadeurs des deux roys les pressolent fort de conclure , ou vouloient départir : car jà y avoient esté quatre mois ; chacun jour alloyent à la seigneurie; et je faisois le mieux que je pouvols à rencontre.

MEMOIRES DE PniLrPPB DE COMINBS. [l494]