XX> CHAPITRE XXII

(Comment quelques pratiques menées en faveur du Roy , par aucuns seigneurs d'Italie y

(1) Atella, peliie ville à deui lieues au sud de Melphi, dans la Basilicate.

tant pour Naples que pour déchasser le duc de Milan , furent rompues, par faute d*y envoyer; et comment une autre entreprise contre Gènes, ne put aussi venir à bon effect.

Depuis le retour du Roy dudit voyage de Naples, comme dit est , il se tint à Lion grand temps , à faire tournois et joustes , désirant tousjours ne perdre point ses places dont J'ay parlé, et ne luy chaloit qu'il luy coustast; mais nulle peine ne vouloit prendre pour entendre à son affaire. Pratiques luy venoient assez d'Italie , et de grandes et seures pour le royaume de France , qui est fort de gens , et a largement bleds en Provence et Languedoc, et autres pays pour y envoyer, et argent; mais à un autre prince que le roy de France, seroit tousjours se mettre à l'hospital , de vouloir entendre au service des Italiens , et à leurs entreprises et secours : car tousjours y mettra ce qu*il aura , et n'achèvera point, car ceux-là ne servent point sans argent, et aussi ils ne pourroient , si ce n'estoit un duc de Milan, ou une des plus grandes seigneuries ; mais un pauvre capitaine, encores qu'il ait bonne affection de servir un prince de la maison de France, qui prétendroit raison au royaume de Naples , ou un autre qui prétendist droict à la duché de Milan , quelque loyauté qu'il tinst, et encores qu'il soit vostre partisan, si ne vous sçauroit-il servir guères longuement , après le payement failly , car ses gens le laisseroient , et le pauvre capitaine auroit perdu son vaillant : car la pluspart n'ont rien que le crédit que leur donnent leurs gens-d'armes , lesquels sont payez de leur capitaine , et luy se fait payer de celuy qu'il sert , et plus grand seureté#ie sçauroit-on demander en Italie que la partialité.

Mais pour sçavoir quelles ont esté ces pratiques que j'ay dites , si grandes furent , qu'elles commencèrent avant que Gajette fust perdue , et durèrent encores depuis , deux ans après le retour du Roy , quand le duc de Milan ne tenoit choses qu'il eût promises. Ce qu'il ne faisoit point du tout par tromperie, ne malveillance, mais en partie de crainte : car il craignoit que si le Roy estoit si grand qu'il ne le deffist. Après il estimoit aussi le Roy estre de peu de tenue et seureté. Il fut entrepris finalement que le duc d'Orléans iroit en Ast , avec un nombre de gens, bon et grand, et le vis prest à partir, et tout son train partit. Nous estions asseurez du duc de Ferrare , avec cinq cens hommes-d'armes , et deux mille homme»-de-pied , combien qu'il fût beau-père du duc de Milan , car il le faisoit

MÉHOIBES DB PHIL1PPB DB COMINES. [l49Cj

poar 8*oster du péril où il se voyoit estre entre les Véuitiens et le due; car pièça , comme a esté veu dessus , lesdits Yénitieus luy avoient osté le Polésan , et ne demandoicnt que sa destruction. Il eût préféré sa senreté, et de ses enfans, à Tamitié de son gendre , et par aventure luy sembloit que ledit duc s'appointeroit avecques le Roy , quand il se verroit en cette crainte. Le semblable eût fait par sa main le marquis de Mantoûe , qui naguères estoit capitaine des Vénitiens, et encores estoit , mais en suspicion d'eux, et luy mal-content d'eux, séjournoit avec son beau-père le duc de Ferrare^ avec trois cens bommes-d'arroes, et si avoit pour femme, et a encores , la sœur de la ducbesse de Milan , et fille du duc de Ferrare. Messire Jehan Bentivoille (qui gouverne Boulogne, et y est comme seigneur) eût fourny cent cinquante bommesd'armes , et deux de ses fils , qui avoient gensd'armes, et de bonnes gens-de-pied, et si est assis en lieu où il peuvoit bien servir contre le duc de Milan. Les Florentins qui se voyoient destruicts, si par quelque grand inconvénient ne se ressourdoient, de peur d'estre dessaisis de Pise , et d'autres places dont il a esté parlé , foumissoient buict cens bommes-d'armes , et cinq mille de pied, et cela à leurs despens, et avoient provision de leurs payemens pour six mois. Les Ursins , et aussi le préfect de Rome, frère du cardinal de Sainct-Pierre-ad-vincula , dont plusieurs fois a esté parlé ( car ils estoient à la solde du Roy ), eussent bien amené mille hommes-d'armes , mais entendez que la suite de leurs hommes-d'armes n'est pas telle que celle des nostres, qui ont archers : mais la solde est assez pareille. Car un homme-d'armes bien payé couste cent ducats 1'^ , et il nous faut le double pour les archers. Ces gens souldoyez faloit bien payer; mais aux Florentins, rien. Quant au duc de Ferrare et an marquis de Mmitoûe et Bentivoille, ils parloient seulement de leurs despens : car ils prétendoient gains de terres aux despens du duc de Milan ; et s'il se fût trouvé soudainement assailly de ce qu'eût mené le duc d'Orléans , et de tous ceux que J'ay nommez 9 ceux qui se fassent sceu mettre en ordre pour le deffendre, comme les Vénitiens , n'eussent esté prests à moins de quatre-vingt mille escus , devant qu'il eust esté contraint de se tourner du costé du Roy^ qui eust tenu tous ces Italiens aux champs long-temps. Et de faict, le duché de Milan gagné , le royaume de Naples se recouvroit de soy-mesme.

La faute d'esprouver cette belle aventure, vint de ce que ledit duc d'Orléans mua de propos , combien qu'on entendoit qu'il deust partir

du soir au matin , parce qu'il avoit envoyé devant toutes choses qui servoient à sa personne, et ne restoit que luy à partir, et l'armée preste et payée : car en Ast avoit buict cens hommesd'armes françois, et bien six mille hommes-depied, dont y en avoit quatre cens Suisses. Ledit duc d*Orléans, ayant ainsi mué de propos, requit au Roy par deux fois , qu'il luy pleust mettre cette matière au conseil. Ce qui fut fait par deux fois, et m'y trouvay présent à toutes les deux fois , et fut conclu , sans une voix au contraire ( et si y avoit tousjours dix ou douze personnes pour le moins) qu*il y devoit aller, veu qu'on avoit asseuré tous les amis en Italie, qui dessus sont nommez, lesquels Jà avoient fait grosse despense et se tenoient prests. Lors dit ledit duc d'Orléans ( qui estoit de quelqu'un conseillé, ou fuyoit son partement , parce qu'il voyoit le Roy assez mal disposé de sa santé , dont il devoit estre propre héritier s'il venoit à mourir) qu'il ne partiroit point pour y aller pour sa propre querelle, mais que très-volontiers iroit comme lieutenant du Roy nostre sire , et par son commandement, et ainsi finit ce conseil. Le lendemain , et plusieurs autres jours après, pressèrent fort les ambassadeurs florentins , et plusieurs autres , le Roy pour faire partir ledit duc d'Orléans ; mais le Roy respondit qu'il ne l'envoyeroit Jamais à la guerre par force. Parquoy ce voyage fût ainsi rompu , et en desplaisoit au Roy, qui en avoit fait grande despence, et avoit grande espérance de se venger du duc de Milan, veu lesdites nouvelles qu'il pouvoit avoir eues à l'heure des intelligences qu'avoit messire Jehan- Jaques de Trevoul , qui estoit lieutenant-général pour le Roy et pour le duc d'Orléans , qui est natif de Milan , et fort aimé et apparenté en ladite duché de Milan, où avoit largement gens qui avoient bonne intelligence avec luy , tant de ses parens comme d'autres.

Faillie cette entreprise, en survint tost après une autre , voire deux ou trois à un coup , de Gènes , là où ils sont enclins à toutes mutations. L'une se dressoit par messire Baptiste de Gampefourgouse , qui estoit un grand chef entre ces partialitez de Gênes , mais il en estoit banny, et n'y pouvoit sa partialité rien y ne ceux de Dorie, qui sont gentils-hommes^ et ceux de Fourgouse, non. Lesdits Dorie sont partisans desdits Fregouses , et ne peuvent estre ducs , à cause qu'ils sont gentils-hommes ; car un gentil-homme ne le peut estre , et ledit messire Baptiste l'avoit esté , n'y avoit guères , et avoit esté trompé par son oncle , le cardinal de Gènes , et cestuy-là avoit mis la seigneurie de Gènes en la main du duc de Milan (il n'y a pas encores fort long-

MBMOIBES DB PHTLIPPB DE COMi;<(BS. [l496]

tanps) , et gouvernoient à Gènes les Adornes, qui aussi ne sont point gentils-hommes , mais soQYent ont esté ânes de Gènes, et aidez par les Spinoles , qui sont aossi %entils-faommes. Ainsi les nobles font bien un duc à Gènes, mais ils ne le peuvent estre. Ledit messire Baptiste espéroit mettre en armes sa partialité , tant en la cité qu'aux champs , et que la seigneurie seroit au Roy , et que luy et les siens gouvemeroient et chasseroient les autres dehors.

L'autre entreprise e«toit que plusiairs persmmes de Savonne s'estoient adressez au cardinal deSainct-Pierre-ad-vincula, asseurant de luy pouvoir bailler ladite ville de Savonne, espérant estre en liberté: car elle est sotis la ville de Gènes, et y paye les gabelles. Qui eust peu av(rir ce lieu , Gènes eust esté fort à l'estroict , veu que le Roy tient le païs de Provence , et que Savoye est à son commandement. Et pour toutes ces nouvelles manda le Roy à messire Jehan- Jaques de Trevoul , qu'il fist espaule audit messire Baptiste de Gampefourgouse, et prestast des gens pour le conduire Jusques aux portes de Gènes, pour voir si sa partialité se pourroit lever. D'autre costé fut empesché du cardinal Sainct-Pierre-ad-vineula , qiii fit tant que le Roy escrivit aussi audit messire Jaques qu'il envoyast des gens avec ledit cardinal , pour le conduire Jusques à Savonne, et le luy mandoit de bouche par le seigneur de Servon en Provence , amy dudit cardinal , et très-hardy parleur. Ledit Roy mandoit audit messire Jehan-Jaques qu'il se mtt en lieu où il pût faire espaule aux deux bandes , et quil n'entreprit rien sur le duc de Milan , ne contre la paix qu'on avoit faite la saison devant avec ledit duc, comme l'on a pA voir ailleurs (1).

Or estoient ces commandemens bien différens, et ainsi se dépeschent les affaires des grands princes , quand ils n'y sont point présens et qu'ils sont soudains à commander lettres, et expédier gens , sans bien ouyr débattre devant les expéditions de si grosses entreprises. Or entendez quant à ce que demandoit ledit messire Baptiste de Gampefourgouse, et à ce que cherchoit ledit cardinal , que c'estoit chose impossible de fournir aux deux à un coup: car d'aller Jusques aux murs de Gènes , sans grand nombre de gens , ne se pouvoit faire , car il y a grand peuple dedans, hardis, bien armez, et vaillantes gens; et en baillant aussi compagnie au cardinal, l'armée estoit départie en trois, car il falloit qu'il en demeurât audit messire Jehan-Jaques , et si y avoit à Gènes et à Sa-

(t) Cbaptire 20.

vonne beaucoup de gens que le duc de Milan y avoit envoyez, et les Vénitiens, qui tous avoient bi^ grande peur que Gènes toumast, et si avoit dom Fédéric et le Pape.

Or messire Jehan-Jaques avoit eu une tierce entreprise en son cœur: car il eût voulu tost tirer droîct contre le duc de Milan , et laisser les autres entreprises, et qui l'eût laissé faire, il eût fait grandes choses , et conmiença. Car sous couleur d'escrire au Roy qu'il ne pouvoit autrement garder de dommage ceux qui iroient à Gènes ou à Savonne , il s'en alla mettre sur le grand chemin par où l'on pouvoit venir d'Alexandrie vers Gènes (car par ailleurs que par ce chemin , ne pouvoit le duc de Milan envoyer gens pour courir sus aux nostres ), et prit ledit messire Jehan-Jaques trois ou quatre petites villes qui luy ouvrirent ; et disoit ne faire point de guerre au duc pour cela , veu qu'il estoit nécessaire qu'il s'y mist, et aussi que le Roy n'entendoit point faire guerre audit duc , mais avoir Gènes et Savonne , s'il eust pu : disant qu'ils sont tenus de luy , et qu'ils avoient forfait. Pour satisfaire au cardinal, ledit messire Jehan- Jaques luy bailla partie de l'armée pour all^ à Savonne. Il trouva la place garnie , et son entreprise rompue , et s'en revint. On en bailla d'autres audit messire Baptiste , pour aller à Gènes, s'asseurant fort de ne faillir point. Quand il eut fait trois ou quatre lieues , ceux qui all<ri«it en sa compagnie entrèrent en aucuns doutes de luy, tant Allemans que François, toutesfois c'estoit à tort; mais leur compagnie, qui n'estoit pas grande , se fût mise en danger d'y aller si sa partialité ne se fût levée; et ainsi faillirent toutes ces entreprises, et estoit Jà fort le duc de Milan , qui avoit esté en grand péril, qui eust laissé faire le seigneur Jehan- Jaques, et luy estoient venus beaucoup de gens des Vénitiens. Nostre armée se retira , et donua-i'on congé aux gens-de-pied, et furent laissées ces petites villes qu'on avoit prises, et cessa la guerre, à peu de profit pour le Roy ; car fort grand argent s'y estoit despendu.

<XX