CHAPITRE L

Comment le duc de Nemours reprist la ville de Bresse sur les VénicienSy où le bon Chevalier sans paour et sans reprouche acquist

grant honneur ^ et comment il fut blessé quasi à mort.

Le duc de Nemours^ qui ne voulut point songer en ses affaires, après qu'il fût monté au chasteau, assembla tous ses cappitaines pour sçavoir qu'il estoit à faire ; car dedans la ville y avoit gros nombre de gens, comme huyt mille hommes de guerre , et douze ou quatorze mille vilains du pays, qui s'estoient avecques eulx assemblez : et si estoit la ville forte à merveilles. Ung bien y avoit , qu'on deseendoit du chasteau en la citadelle sans trouver fossé qui guères donnast empeschement : bien avoient fait ung bon rampart.

Or, en toute l'armée du roy de France n'estoient point alors plus de douze mille combatans ;. car une grosse partie estoit demourée à Boulongne : toutesfois , au peu de nombre qui y estoit, n'y avoit que redire, car c'estoit toute fleur de chevalerie , et croy que cent ans paravant n'avoit esté veu pour le nombre plus gaillarde compaignie , et davantage avecques le bon vouloir que chascun avoit de servir sou bon maistre le roy de France. Ce gentil duc de Nemours avoit tant gaigné le cueur des gentilzhommes et des adventuriers, qu'ilz feussent tous mors pour luy. Eulx assemblez au conseil , fut demandé par ledit seigneur à tous les cappitaines leur advis, que chascun dist au mieulx qu'il sceut ; et , pour conclusion , fût ordonné qu'on donneroit l'assault, sur les huyt ou neuf heures, lendemain matin. Et telle fût l'ordonnance : c'est que le seigneur de Molart , avecques ses gen» de pied , conduyroit la première pointe; mais devant luy yroit le cappitaine Hérigoye , et ses gens, escarmoucher. Après, en une troppe, marcheroient ce cappitaine Jacob, qi e l'empereur Maximilian avoit devant Padoue , en la bende du prince de Hanno , mais par. moyens fût gaigné au service du roy de France, et avoit alors deux mille lansquenetz ; les cappitaines Bonnet, Maugiron, le bastard de Clèves et autres^ jusques au nombre de sept mille hommes; et le duc de Nemours, les gentilz-hommes que conduysoit le grand séneschal de Normendie, avecques la plus grosse force de la gendarmerie à pied , marcheroient à leur costé, l'armet en teste et la cuyrasse sur le doz ; et monseigneur d'Alègre seroità cheval à la porte Sainct- Jehan, qui estoit la seulle porte que les ennemys tenoient ouverte, car ilz avoient muré les autres avecques trois cens hommes-d'armes, pour garder que nul ne sortist.

Le vertueux cappitaine , seigneur de La Palisse, ne fut point à l'assault; car, le soir de»

LE BON CHEVALIER

devant , il avoit esté blessé en la teste , d'ung eselat , par ung coup de canon qu'on avoit tiré de la ville au chasteau. Geste ordonnance faicte, ehascun la trouva bonne , excepté le bon Chevalier, qui dist après ce que le duc de Nemours, selon son ordre, eut parlé à luy : « Monseigneur, « saufve vostre révérence et de tous raessei- » gneurs, il me semble qu'il fault faire une chose » dont nous ne parlons point. > 11 luy fut demandé par ledit seigneur de Nemours que c*estoit. « C'est , dist-il , que vous envoyez monsei- » gneur de Molart faire la première pointe ; de « luy je suis plus que asseuré qu'il ne recullera » pas , ne beaucoup de gens de bien qu'il a » avecques luy ; mais si les ennemys ont point « de gens d'estoffe , et bien congnoissans la y* guerre, avecques eulx, comme je croy que » ouy, sachez qu'ilz les mettront à la i^ointe , et » pareillement leurs hacquebutiers. Or, en telz " affaires, s'il est possible, ne fault jamais re- » cuUer; et si d'aventure ilz repoussoient lesditz » gens de pied , et ilz ne feussent soustenuz de « gendarmerie , il y pourroit avoir gros désor- « dre. Parquoy je suis d'advis que avecques » mondit seigneur de Molart^ on mecte cent ou » cent cinquante hommes-d'armes , qui seront » pour beaucoup mieulx soustenir le fès , que » les gens de pied qui ne sont pas ainsi armez. » Lors , dist le duc de Nemours : « Vous dictes » vray. Monseigneur de Bayart ; mais qui est le >» cappitaine qui se vouldra mettre à la mercy « de leurs hacquebutes? — Ce sera moy, s'il » vous plaist , Monseigneur, respondit le bon » Chevalier; et croyez que la compaignie dont » j'ay la charge fera aujourd'huy de l'honneur au « Roy et à vous , et tel service que vous en ap- » percevrez. » Quant il eut parlé , n'y eut cappitaine qui ne regardast l'ung l'autre , car sans point de faulte le faict estoit très-dangereux : tontesfois il demanda la charge , et elle luy demoura.

Quant tout fut conclud , encores dist le duc de Nemours : « Messeigneurs , il fault que selon » Dieu nous regardions à une chose : vous voyez » bien que si ceste ville se prent d'assault elle » sera ruynée et pillée, et tous ceulx de dedans >» mors^ qui seroit une grosse pitié : il fault en- » cores sçavoir d'eiilx , avant qu'ilz en essayent » la fortune, s'ilz se vouldroient point rendre. » Cela fut trouvé bon ; et le matin y fut envoyé une des trompettes , qui sonna dès ce qu'il partit du cbasteau , et marcha jusques au premier rampart des ennemys , où estoient le providadour messire André Grit et tous les cappitaines. Quant la trompette fut arrivée , demanda à entrer en la ville. On luy dist qu'il n'entroit point,

mais qu'il dist ce qu'il vouldroit , et que c'e^toient ceulx qui avoient puissance de luy respondre.

Lors fist son message tel que vous avez entendu cy-dessus, et que , s'ilz vouloient rendre la ville , on les laisseroit aller, leurs vies sauves, sinon et où elle se prenâroit d'assault, qu'ilz povoient estre tous asseurez de mourir. Il luy fut respondu qu'il s'en povoit bien retourner, et que la ville estoit de la seigneurie ; qu'elle y demoureroit , et davantage qu'ilz garderoient bien que jamais François n'y mettroit le pied. Hélas I les povres habitans se feussent voulentiers renduz,mais ilz ne furent pas les maistres. La trompette revint, qui fist sa response ; laquelle ouye, n'y eut autre délay, sinon que le gentil duc de Nemours, qui desjà avoit ses gens en bataille , commença à dire : « Or, w Messeigneurs , il n'y a plus que bien faire et » nous monstrer gentilz compaignons : mar- » chons , ou nom de Dieu et de monseigneur » sainct Denys. » Les paroUes ne furent pas si tost proférées que tabourins , trompettes et clérons ne sonnassent l'assault et l'alarme si impétueusement , que aux couars les cheveulx di*essoient en la teste , et aux hardiz le cueur leur croissoit ou ventre.

Les ennemys , oyans ce bruit , deslaschèrent plusieurs coups d'artillerie , dont , entre les autres , ung coup de canon vint droit donner an beau milieu de la troppe du duc de Nemours , sans tuer ne blesser personne, qui fut quasi chose miraculeuse ; considéré comme ilz niarchoient serrez. Alors se mist à marcher avant le seigneur de Molart et le cappitaine Hérigoye avecques leurs gens ; et sur leur esle , quant et quant , le gentil et bon Chevalier sans paour et sans reprouche, à pied avec toute sa compaignie, qui estoient gens esleuz , car la pluspart de ses gens-d'armes avoient en leur temps esté cappitaines, mais ilz aymoient mieulx estre de sa compaignie, à moins de bien fait la moictié, que d'une autre , tant se faisoit aymer par ses vertus. Hz approchèrent près du premier rampart, derrière lequel estoient les ennemys , qui commencèrent à tirer artillerie et leurs hacquebutes aussi dru comme mouches. Il avoit ung peu pluvyné ; le chasteau estoit en montaigne , et pour descendre en la ville on couloit ung peu : mais le duc de Nemours en monstrant qu'il ne vouloit pas demourer des derniers, osta ses souliers, et se mist en eschapins de chausses. A son exemple le firent plusieurs autres ; car, à vray dire , ilz s'en soustenoient mieulx.

Le bon Chevalier et le seigneur de Molart combatirent à ce rampart furieusement : aussi

SANS PAOUE ET SANS nBPBOUCUE.

Ait-il merveilleusement bien def fendu. Les François cry oient: France! France! ceulx de la compaignie du bon Chevalier cryoient : Bayart! Bayart! les ennemys cryoient : Marco! Marco! Bref, il faisoient tant de bruyt que les hacquebutes ne povoient estre ouyes. Messire André Grit (1) donnoit merveilleux courage à ses gens, et, en son langage ytalien, leur disoit: « Te- » nons bon, mes amys, les François seront » tantost lassez, ils n'ont que la première pointe; » et, si ce Bayart estoit deffaict. Jamais les » autres n'approcberoient. » Il estoit bien abusé, car, s'il avoit grant cueur de deffendre, les François Tavoient cent fois plus grant pour entrer dedans. £t vont livrer ung assault merveilleux , par lequel ilz repoussèrent ung peu les Véniciens : quoy voyant par le bon Chevalier, commencea à dire: Dedans! dedans!

compaignons , ilz sont nostres; marchez^ tout est deffaict; luy-mesme entra le premier et passa le rampart , et après luy plus de mille ; de sorte qu*iiz gaignèrent le premier fort, qui ne fut pas sans se bien batre , et y en demoura de tous les costez, mais peu des François. Le bon Chevalier eut ung coup de picque dedans le hault de la cuysse , et entra si avant que le bout rompit , et demoura le fer et ung bout du fust dedans. Bien cuyda estre frappé à mort, de la douleur qu'il sentit, si commencea à dire au seigneur de Molart : « Compaignon, faictes mar- » cher voz gens , la ville est gaignée ; de moy » je ne sçaurois tirer oultre, car je suis mort. » Le sang luy sortoit en habondance : si luy fut force , ou là mourir sans confession , ou se retirer hors de la foulle avecques deux de ses archiers , lesquelz luy estanchèrent , au mieulx qu'ilz peurent, sa playe, avecques leurs chemises qu'ilz descirèrent et rompirent pour ce faire.

Le povre seigneur de Molart, qui ploroît amèrement la perte de son amy et voisin ( car tous deux estoient de l'escarlate des gentiizhommes), comme ung lyon furieux , délibéré le venger, commencea rudement à pousser, et le bon duc de Nemours et sa flote après , qui entendit en passant avoir le premier fort esté gaigné par le bon Chevalier , mais qu'il y avoit esté blessé à mort ; si luy-mesmes eust eu le coup, n'eust pas eu plus de douleur, et commencea à dire : « Hé! messeigneurs mes amys, » ne vengerons-nous point sur ces villains la ■ mort du plus acomply chevalier qui feust au » monde? Je vous prie, que chascun pense de

(1) Il ignorait d*abord qae Bayard fût du nombre des assiégeants ; qoand il en fut instruit : « Je crois, dit-ll.

» bien faire. » A sa venue furent les Véniciens mal traictez , et guerpirent la cytadelle , faisant myne se vouloir retirer vers la ville et lever le pont; car trop eussent eu affaire les François par ce moyen, mais ilz furent poursuy vis si vivement qu*ilz passèrent le palais , et entrèrent pesle mesie en la grant place , en laquelle estoit toute leur force , la gendarmerie et chevaulxlégiers bien à cheval, avecques les gens de pied , en bataille bien ordonnée selon leur fortune.

Là se monstrèrent les lansquenetz et aventuriers françois gentilz compaignons. Le capprtaine Bonnet y fist de grans appertlses d'armes ; et, sortant de sa troppe la longueur d'une picque, marcha droit aux ennemis, et fut aussi trèsbien suivy. Le combat dura demye-hcure ou plus; les cytadins et femmes de la ville gectoient des fenestres gros carreaux et pierres, avecques eaue chaulde , qui dommagea plus les François que les gens de guerre. Ce nonobstant, enfin furent Véniciens deffaictz , et y en demoura sur ceste grant place de si bien endormis qu'ilz ne se réveilleront de cent ans , sept ou huyt mille. Les autres , voyans qu'il n'y faisoit pas trop seur , cherchèrent leur eschappatoire de rue en rue ; mais tousjours de leur malheur trouvoient gens de guerre qui les tuoient comme pourceaulx. Messire André Grit, le conte Loys Adnogarde et autres cappitaines estoient à cheval, lesquelz , quant ilz veirent la rotte entièrement sur eulx , voulurent essayer le moyen de se saulver , et s'en allèrent droit à ceste porte Sainct- Jehan , cuydans sortir , si firent abaisser le pont, et cryoient: Marco! Marco! Ytalie! Ytalie! mais c'estoit en voix de gens bien effrayez. Le pont ne fut jamais si tost baissé que le seigneur d'Alègre , gentil cappitaine et diligent, n'entrast dedans la ville avecques la gendarmerie qu'il avoit ; et en s'escriant: France! France! chargea sur les Véniciens, lesquelz tous, ou la plus grant part, porta par terre, et , entre autres , le conte Loys AdDogadre , qui estoit monté sur une jument coursière pour courir cinquante milles sans repaistre.

Le providadour, messire André Grit, veit bien qu'il estoit perdu sans remède si plus attendoit; parquoy, après avoir couru de rue en rue pour eschapper la fureur , descendit de son cheval, et se gecta en une maison, seulement avecques ung de ses gens, où II se mist en deffense quelque peu ; mais , doubtant plus gros inconvénient , fist enfin ouvrir le logis, où il

M qna les Bayards croissent en France comme cbampi- » gnons; on ne parle en toute bataille que de Bayard. »

LB Bon CHEVàLIEB

ftit prins prisonnier. Bref, nul n'en eschappa qui ne fenst mort ou prins , et fût ung des plus cruelz assaulx qu*on eust jamais veu , car des mors , tant des gens de guerre de la seigneurie que de ceulx de la ville , y eut nombre de plus de vingt mille, et des François ne s'en perdit Jamais cinquante, qui fût grosse fortune. Or, quant plus n'y eut à qui combattre , chascun se mist au pillage parmy les maisons ; et y eut de grosses pitiez : car , comme povez entendre, en telz affaires il s'en trouve tousjours quelques ungs meschans , lesquelz entrèrent dedans monastères, firent beaucoup de dissolutions, car ilz pillèrent et desrobèrent en beaucoup de façons, de sorte qu'on estimoit le butin de la ville à trois millions d'escuz. Il n'est riens si certain que la prinse de Bresse fut en Ytalie la ruyne des François; car ilz avoient tant gaigné en ceste ville de Bresse, que la pluspart s'en retourna et laissa la guerre ; et ilz eussent fait bon mestier à la journée de Bavenne , que vous entendrez cy-après.

• Il faut sçavoir que devint le bon Chevalier sans paour et sans reprouche, après qu'il eut gaigné le premier fort, et qu'on l'eut si lourdement blessé , que contrainct avoit esté , à son grant regret , de demourer avecques deux de ses archiers. Quant ilz veirent la cytadelle gaignée , en la première maison qu'ilz trouvèrent, desmontèrent ung huys sur lequel ilz le chargèrent , et le plus doulcement qu'ilz peurent, avecques quelque ayde qu'ilz trouvèrent: le portèrent en une maison la plus apparente qu'ilz veirent là à l'entour. C'estoit le logis d'ung fort riche gentil-homme : mais il s'en estoit fuy en ung monastère , et sa femme estoit demourée au logis, en la garde de Nostre-Seigneur, avecques deux belles filles qu'elle avoit , lesquelles estoient cachées en ung grenier , dessoubz du foing. Quant on vint heurter à sa porte , comme constante d'attendre la miséricorde de Dieu , la va ouvrir : si veit le bon Chevalier qu'on apportoit ainsi blessé, lequel fist incontinent serrer la porte, et mist deux archiers à l'huys, ausquclz il dist : « Gardez sur vostre vie que » personne n'entre céans , si ce ne sont de mes » gens , je suis asseuré que quant on sçaura que » c'est mon logis , personne ne s'efforcera d'y » entrer 5 et pourçe que , pour me secourir , je

(1) Gbampler donne le détail de ropératfon : « Des- » coaverte la cuisse, le fer et lie boi|t de la |»ique es- » tolent dedans encores. SI dist le noble Bayard aux » cyrarglens : tirez ce fer dehors. Respondlt le Bressien, » qui tremblolt de paour qu'il avoit : Seigneur, J'ai bien ]» grand paour que sincopisez en tirant le fer. — Non fe- » ray, dist Bayard ; J'ay autrefois sçcu qu'est de tirer

» suis cause dont perdez a gaigner quelque » chose , ne vous souciez , vous n'y perdrez » riens. »

Les archiers firent son commandement, et luy fut porté en une fort belle chambre , en laquelle la dame du logis le mena elle-mesmes , et , se gectant à genoulx devant luy , parla en ceste manière, rapportant son langage au françois : <t Noble seigneur , je vous présente ceste » maison et tout ce qui est dedans , car je sçay » bien qu'elle est vostre , par le debvoir de la » guerre , mais que vostre plaisir soit de me « saulver l'honneur et la vie, et de deux jeunes » filles que mon mary et moy avons, qui » sont prestes à marier. » Le bon Chevalier, qui oncques ne pensa meschanseté , luy respondit : « Madame , je ne sçay si je pourray eschapper » de la playe que j'ay ; mais , tant que je vivray, >» à vous ne à voz filles ne sera fait desplai- » sir, non plus que à ma personne : gardez-les » seulement en vos chambres, qu'elles ne se » voyent point , et je vous asseure qu'il n'y a 9 homme en ma maison qui se ingère d'entrer » en lieu que ne le vueillez bien; vous as- » seurant au surplus que vous avez céans ung » gentil-homme qui ne vous pillera point ; » mais vous feray toute la eourtoysie que je » pourray. »

Quant la bonne dame l'ouyt si vertueusement parler, fût toute asseurée. Après il luy pria qu'elle enseignast quelque bon cirurgien , et qui peust hastivement le venir habiller; ce qu'elle fist , et l'alla quérir elle-mesmes avecques ung des archiers , car il n'y avoit que deux maisons de la sienne. Luy arrivé, visita la playe (1) du bon Chevalier , qui estoit grande et profonde : toutesfois il l'asseura qu'il n'y avoit nul dangier de mort. Au second appareil le vint veoir le cirurgien du duc de Nemours, appelle maistre Claude , qui depuis le pensa ; et en fist très-bien son debvoir , de sorte qu'en moins d'ung moys fut prest à monter à cheval. Le bon Chevalier, habillé; demanda à son hostesse on estoit son mary. La povre dame toute esplorée luy dist : « Sur ma foy. Monseigneur , je ne sçay s'il est » mort ou vif : bien me doubte , s'il est en vie, » qu'il sera dedans ung monastère , où il a » grosse congnoissance. — Dame , dist le bon » Chevalier , faictes-le chercher , et je l'envoye-

» ung fer de chair humaine : tirez hardiment. Alors ti- » rérent les deux maîtres le ttr, qui estoit moult proj» fond en la cuisse, dont le noble Cheyaller sentit d'une » merveilleuse douleur ; mais quand on luy dist qu'il » n'y avoit ni artère, ni yeine grosse blécée , Il tût lou^ » Joyeu^. »

SÀlfS PAOUR ET SANS BEPBOUGUE.

» ray quérir, en sorte qu'il n'aura point de » mal. » Elle se flst enquérir où il estoit , et le trouva ; puis fut envoyé quérir par le maistre dliostel du bon Chevalier, et par deux archiers, qui l'amenèrent seurement ; et, à son arrivée , eut de son hoste, le bon Chevalier , joyeuse chère : et luy dist qu'il ne se donnast point de mélencolie, et qu'il n'avoit logé que de ses amys. Après la belle et glorieuse prinse de la ville de Bresse par les François , et que la fureur fut passée, se logea le victorieux due de Nemours, qui n'estoit pas l'éflgie du dieu Mars , mais luymesme, et, avant que boyre ne manger , assembla son conseil où furent tous les cappitaines , affin d'ordonner ce qui estoit nécessaire de faire. Premier , envoya chasser toutes manières de gens de guerre, qui estoient es religions et églises , et ûst retourner les dames aux logis avecques leurs maris , s'ilz n'estoient plus prisonniers, et peu à peu les asseura.

Il convint diligenter à vuyder les corps mors de la ville , par peur de l'infection , où on fut trois jours entiers, sans autre chose faire, et en trouva-l'on vingt et deux mille et plus. Il donna lesofQces qui estoient vaccans à gens qu*il pensoit bien qui les sceussent faire. Le procès du oonte Loys Adnogadre fut fait, lequel avoit esté cause de la trahison pour reprendre Bresse; et eut la teste trenchée, et mis après en quatre quartiers, et deux autres de sa faction, dont l'ung s'appelloit Thomas del Duc, et l'autre Hiéronyme de Ry ve. Sept ou huyt jours fut à Bresse ce gentil duc de Nemours , où , une fois le Jour pour le moins , alloit visiter le bon Chevalier , lequel il reconfortoit le mieulx qu'il povoit; et souvent luy disoit : « Hél monseigneur » de Bayart, mon amy, pensez de vous guérir , » car je sçay bien qu'il fauldra que nous don- » nions une bataille aux E^gnolz, entre cy et » ung moys, et, si ainsi estoit, j'ay merois mieulx » avoir perdu tout mon vaillant que n'y feusslez, » tant j'ay graut fiance en vous. » Le bon Che* valier respondit: « Croyez, Monseigneur, que » sll est ainsi qu'il y ait bataille , tant pour le » service du Roy mon maistre que pour l'amour » de vous , et pour mon honneur qui va^devant, » je m'y feroye plustost porter en lictière que je » n'y feusse. » Le duc de Nemours luy fist force présens, selon sa puissance, et pour ung jour luy envoya cinq cens escus , lesquelz il donna 9UX deux archiers qui estoient demourez avecques luy quant il fut blessé.

Quant le roy de France, Loys douziesme, fut adverty de la prinse de Bresse et de la belle victoire de son nepveu , croyez qu'il en fut trèsfort joyeulx* ToQtesfois il congnoissoit assez

que , tant que ces Espaignolz seroient rouans en la Lombardie , son estât de Milan ne seroit jamais asseuré. Si en escripvoit chascun jour à sondit nepveu , le noble duc de Nemours, le priant , tant affectueusement que possible luy estoit, qu'il luy gectast la guerre de Lombardie, et qu'il mist peine d'en chasser les Espaignolz ; car il luy ennuyoit de soustenir les fraiz qu'il convenoit faire aux gens de pied qu'il avoit , et ne les povoit plus porter , sans trop fouller son peuple , qui estoit la chose en ce monde qu'il faisoit à plus grant regret ; davantage qu'il sçavoit bien que le roy d'Angleterre luy brassoit ung brouet pour descendre en France , et pareillement les Suysses; et que, si cela advenoit, luy seroit besoing de s'ayder de ses gens de guerre qu'il avoit en Ytalie. Et enfin c'estoit en toutes ses lettres la conclusion de donner la bataille aux Espaignolz, ou les exterminer si loing qu'ilz ne retournassent plus.

Ce duc de Nemours avoit si grande amour au Roy son oncle , qu'en toutes choses se vouloit garder de le courroucer ; et davantage il sçavoit certainement que ses lettres ne luy venoient point sans grande raison. Si se mit en total le délibération d'acomplir voluutairement le commandement qui luy estoit fait, touchant mettre fin à la guerre. Si assembla tous ses cappitaines, gens de cheval et de pied, et à belles petites journées marcha droit à Boulongne, où là auprès arriva en son camp le duc de Ferrare , auquel il bailla son avant-garde à conduyre, avecques le seigneur de La Palisse ; et tant alla qu'il trouva l'armée du roy d'Espaigne et du Pape à quinze milles de Boulongne , en ung lieu dit Gastel-Sainct-Pédro. C'estoit une des belles armées et des mieulx esquipées, pour le nombre qu'ilz estoient, qu'on eust jamais veu. Domp Raymon de Cardonne , visroy de Naples, en estoit le chief , et avoit en sa compaignie douze ou quatorze cens hommes-d'armes, dont les huyt cens estoient bardez : ce n'estoit que or et azur, et les mieulx montez de coursiers et chevaulx d'Espaigne, que gens de guerre qu'on eust sceu veoir; davantage il y avoit deux ans qu'ilz ne faisoient que aller et venir parmy ceste Rommaigne, qui est ung bon et gras pays , et où ilz avoient leurs vivres à souhait. Il y avoit douze mille hommes de pied seullement , deux mille Ytaliens , soubz la charge d'ung cappipitaine Ramassot, et dix mille Espaignolz, Biscayns et Navarres, que conduysoit le conte Pedro Navarro ; et de toute la troppe des gens de pied estoit cappitaine-général : il avoit autresfois mené ses gens en Barbarye , contre les Mores, et avecques eulx avoit gaigné deux ou

LE BON CHEVALIER

trois batailles. Brief, c'estoieut tous gens aguerriz, et qui sçavoient les armes à merveilles.

Quant le gentil duc de Nemours les eut approchez, commencèrent Espaignolz tousjours à eulx retirer le long de la montaigne, et les François tenoient la plaine; si furent bien trois sepmaines ou ung moys qu*ilz estoient les ungs des autres à six ou sept milles, mais bien se logeoicnt tousjours les Espaignolz en lieu fort; et souvent s'escarmouchoient ensemble , en façon que prisonniers se prenoient d'ung costé et d'autre, quasi tous les jours : tant y a que tous les prisonniers françois rapportoient que c'estoit une triumphe de veoir Tarmée des Espaignolz. Toutesfois le gentil duc de Nemours, ne tous ses cappitaines et gens de guerre, ne désiroient autre chose que à les combatre, mais qu'on les trouvast en lieu marchant ; cesle finesse avoient que tousjours se tenoient en fort , et encores les y alla-l'on quérir le jour de la bataille de Ravenne , comme vous orrez.

Mais premier parleray comment le bon Chevalier sans paour et sans reprouche partit de Bresse, pour s'en aller après le duc de Nemours, et de la grande courtoysie qu'il fist à son hostesse.

oco