CHAPITRE LI

Comment le bon Chevalier sans paour et sans reprouche partit de Bresse 2)our aller après le duc de Nemours et l'armée du roy de France; de la grande courloijsie qu'il fist à son hostesse^ au partir; et comment il arriva devant la ville de Ravenne.

Environ ung mois ou cinq sepmaines, fut malade le bon Chevalier sans paour et sans reprouche, de sa playe, en la ville de Bresse, sans partir du lict, dont bien luy ennuyoit; car chascun jour avoit nouvelles du camp des François, comment ilz approchoient les Espaignolz ; et espéroit-ron de jour en jour la bataille , qui, à son grant regret, eust esté donnée sans luy. Si se voulut lever ung jour, et marcha parmy la chambre pour sçavoir s'il se pourroit soustenir : ung peu se trouva foible; mais le grant cueur qu'il avoit ne luy donnoit pas le loysir d'y longuement songer. H envoya quérir le cyrûrgien qui le pensoit alors , et luy dist : ^ Mon amy, je vous prie, dictes-moy s'il y a » point de dangier de me mettre à chemin ; i\ " me semble que je suis guéry, ou peu s'en fault; M et vous prometz ma foy que , à mon juge- »' ment, le demourer doresnavant me pourra

»> plus nuyrc que amender , car je me fascbe w merveilleusement. » Les serviteurs du bon Chevalier avoient desjà dit au cyrûrgien le grand désir qu'il avoit d'estre à la bataille, et que tous les jours ne regrètoit autre chose : parquoy, ce sachant, et aussi congnoissant sa complexion, luy dist en son langaige: « Mon- » seigneur vostre playe n'est pas encores close ; » toutesfois par dedans elle est toute guérie. » Vostre barbier vous verra habiller encores » ceste fois; et, mais que tous les jours au matin » et au soir il y mette une petite tente et une » amplastre , dont je luy bailleray l'olgnement , « il ne vous empirera point ; et si n'y a nul » dangier , car le grant mal de la playe est au- » dessus, et ne touchera point à la selle de » vostre cheval. » Qui eust donné dix mille escus au bon Chevalier , il n'eust pas esté si ayse. Son cyrûrgien fut plus que bien contenté. Et se délibéra de partir dedans deux jours, commandant à ses gens que, durant ce temps, ilz meissent en ordre tout son cas. La dame de son logis , qui se tenoit tousjours sa prisonnière , ensemble son mary et ses enfans, et que les biens meubles qu'elle avoit estoient siens (car ainsi en avoient fait les François aux autres maisons, comme elle sçavoit bien ) , eut plusieurs ymaginacions : considérant en soy-mesmes que, si son hoste la vouloit traicter à la rigueur et son mary, il en tireroit dix ou douze mille escus, car ilz eu avoient deux mille de rente, si se délibéra luy faire quelque honneste présent, et qu'elle Tavoit congnu si homme de bien et de si gentil cueur, que , à son oppinion , se contenteroit gracieusement.

Le matin dont le bon Chevalier devoit desloger après disner, son hostesse, avecques ung de ses serviteurs portant une petite boëte d'acier, entra en sa chambre , où elle trouva qu'il se reposoit en une chaire , après soy estre fort pourmené, pour tousjours peu à peu essayer sa jambe. Elle se gecta à deux gcnoulx ; mais incontinent la releva, et ne voulut jamais souffrir qu'elle dist une parolle, que premier ne fust assise auprès de luy, et puis commença son propos en ceste manière : « Monseigneur, la grâce que » Dieu me fist , à la prise de ceste ville, de vous » adresser en ceste vostre maison , ne me ftit » pas moindre que d'avoir sauvé la vie à mon » mary, la myenne et de mes deux filles, avec- » ques leur honneur, qu'elles doivent avoir plus » cher; et davantage , depuis que y arrivastes, >» ne m'aestéfait,neaumoindredemesgens,une » seulle injure, mais toute courtoysie; et n'ont » pris voz gens, des biens qu'ilz y ont trouvez, la » valleur d'ungquatrin sans payer. Monseigneur,

SANS PAOUR BT SANS BBPBOUCHE.

» je suis assez advertye que mon mary, moy, » mes enfans et tous ceuU de la maison, sommes » voz prisonniers, pour en faire et disposer à » Tostre bon plaisir, ensemble des biens qui » sont céans , mais, congnoissant la noblesse de » vostre cueur, à qui nul autre ne pourroit at- » talndre , suis venue pour vous suplier très- » humblement qu'il vous plaise avoir pitié de » nous , en eslargissant vostre aceoustumée li- » béralité. Vècy ung petit présent que nous vous > faisons; il vous plaira le prendre en gré. » Alors prist la boëteque le serviteur tenoit, et l'ouvrit devant le bon Chevalier, qui la veit plaine de beaulx ducatz. Le gentil seigneur, qui oncques en sa vie ne fist cas d'argent , se prist à rire , et puis dist : « Madame , combien de du- » catz y a-il en ceste boëte? » La povre femme eutpaour qu'il feust courroucé d'en veoir si peu, luy dist : « Monseigneur, il n'y a que » deux mille cinq cens ducatz , mais si vous » n'estes content , vous en trouverrons plus lar- » gement. » Alors il dist : « Par ma foy, Ma- » dame , quant vous me donneriez cent mille » escus , ne m'auriez pas tant fait de bien que de » la bonne chère que j'ay eue céans , et de la » bonne Visitation que m'avez faicte ; vous as- » seurant qu'en quelque lieu que je me trouve , » aurez , tant que Dieu me donnera vie , ung » gentil-homme à vostre commandement. De » voz ducatz je n'en vueil point et vous remer- » cye; reprenez-les : toute ma vie ay tousjours » plus aymé beaucoup les gens que les escuz, et » ne pensez aucunement que ne ra'envoyse aussi « content de vous , que si ceste ville estoit en » vostre disposition et me l'eussiez donnée. »

La bonne dame fut bien estonnée de se veoir esconduyte. Si se remist encores à genoulx ; mais guères ne luy laissa le bon Chevalier ; et , relevée qu'elle fut , dist : « Monseigneur, je » me sentirois à jamais la plus malheureuse » femme du monde, si vous n'emportiez si peu > de présent que je vous fais, qui n'est riens au » pris de la courtoysie que m'avez cy-devant » faicte, et faictes encores a présent par vostre » grande bonté. » Quant le bon Chevalier la veit ainsi ferme , et qu'elle faisoit le présent d'ung si hardy courage, luy dist : « Bien donc- » ques , Madame , je le prens pour l'amour de » vous ; mais allez-moy quérir voz deux filles , » car je leur vueil dire adieu. » La povre femme, qui cuydoit estre en paradis de quoy son présent avoit enfin esté accepté , alla quérir ses filles , lesquelles estoient fort belles , bonnes et bien enseignées , et avoient beaucoup donné de passe-temps au bon Chevalier durant sa maladie , parce qu'elles sçavoient fort bien chanter,

jouer du luz et de l'espinète, et fort bien besongner à l'esguille. Si furent amenées devant le bon Chevalier qui , ce pendant qu'elles s'acoustroient, avoit fait mettre les ducatz en trois parties, es deux à chascune mille ducatz et à l'autre cinq cens. Elles arrivées , se vont gecter à genoulx ^ mais incontinent furent relevées ; puis la plus aisnée des deux commença à dire : « Mon- » seigneur^ ces deux povres pucelles, à qui » avez tant fait d'honneur que de les garder de » toute injure, viennent prendre congé de vous, » en remerciant très -humblement vostre sei- » gneurie de la grâce qu'elles ont receue , dont » à jamais , pour n'avoir autre puissance , seront » tenues à prier Dieu pour vous. »

Le bon Chevalier, quasi larmoyant envoyant tant de doulceur et d'humilité en ces deux belles filles, respondit : « Mesdamoyselles, vous faictes » ce que je devrois faire , c'est de vous remer- » cier de la bonne compaignie que m'avez faicte, » dont je me sens fort tenu et obligé. Vous sça- »» vez que gens de guerre ne sont pas voulentiers » chargez de belles besongnes pour présenter V aux dames; de ma part me desplaist bien fort « que n'en suis bien garny pour vous en faire » présent, comme je suis tenu. Vècy vostre » dame de mère qui m'a donné deux mille cinq » cens ducatz que vouz voyez sur ceste table ; » je vous en donne à chascune mille pour vous M ayder à marier; et pour ma récompense, vous » prierez, s'il vous plaist , Dieu pour moy; » autre chose ne vous demande. » Si leur mist les ducatz en leurs tabliers , voulsissent ou non, puis s'adressa à son hostesse , à laquelle il dist : « Madame , je prendray ces cinq cens ducatz à » mon prouflît, pour les départir aux povres » religions de dames qui ont esté pillées; et » vous en donne la charge , car mieulx enten- « drez où sera la nécessité que toute autre; et » sur cela je prens congé de vous. » Si leur toucha à toutes en la main , à la mode d'Ytalie ; lesquelles se misrent à genoulx , plorans si trèsfort qu'il sembloit qu'on les voulsist mener à la mort. Si dist la dame : « Fleur de chevalerie , à » qui nul ne se doit comparer, le bénoist sau- » veur et rédempteur Jésiichrist, qui souffrit » mort et passion pour tous les pécheurs, le » vous vueil le rémunérer en ce monde icy et en » l'autre. » Après s'en retirèrent en leurs chambres. 11 fut temps de disner.

Le bon Chevalier fist appeller son maistre d'hostel , auquel il dist que tout feust prest pour monter à cheval sur le midy. Le gentil-homme du logis , qui jà avoit entendu par sa femme la grande courtoysie de son hoste, vint en sa chaqfibre , et , le genoil en terre , le remercia

LE BON CHETALIEB

cent mille fois , en luy offrant sa personne et tous ses biens, desquelz il luy dist qu'il povoit disposer comme siens , à ses plaisir et voulenté, dont le bon Chevalier le remercia, et le fist di»ner avecques luy. Et après ne demoura guères qu'il ne demandast les chevaulx , car jà luy tardoit beaucoup qu'il n'estoit avecques la compaignie par luy tant désirée, ayant belle paour que la bataille se donnast devant qu'il y feust.

Ainsi qu'il sortoit de sa chambre pour monter, les deux belles filles du logis descendirent et luy firent chascune ung présent, qu'elles avoient ouvré durant sa maladie : l'ung estoit deux jolis et mignons braceletz , faiz de beaulx cheveulx de fil d'or et d'argent, tant proprement que merveilles ; l'autre estoit une bource sur satin cramoisy, ouvrée moult subtilement. Grandement les remercia, et dist que le présent venoit de si bonne main , qu'il estimoit dix mille escuz. Et pour plus les honnorer, se fist mettre les bracelletz au bras , et la bource mist en sa manche , les asseurant que , tant qu'ilz dureroient , les porteroit pour l'amour d'elles. Sur ces parolles , monta à cheval le bon Chevalier, lequel fut acompaigné de son grant compaignon et parfaict amy, le seigneur d'Aubigny , que le duc de Nemoui*s avoit laissé pour la garde de la ville , et de plusieurs autres gentilzliommes, deux ou trois mille ; puis se dirent à Dieu. Les ungs retournèrent à Bresse , et les autres au camp des François , où arriva le bon Chevalier le mercredy au soir, septiesmc d'avril , devant Pasques. S'il fut receu du seigneur de Nemours, ensemble de tous les cappitaines, ne fault pas demander ; et hommes-d'armes et aventuriers en démenoient telle joye , qu'il sembloit , pour sa venue , que l'armée en feust renforcée de dix mille hommes. Le camp estoit arrivé ce soir-là devant Ravenne , et les ennemys en estoientà six milles; mais le lendemain, qui fut le jeudy-sainct, s'approchèrent à deux milles.

ooo