CHAPITRE LIL

Comment le siège fut mis par le noble duc de Nemours devant Ravenne , et comment plvr sieurs dssaulx y furent donnez^ le vendredi/sainct où les François furent repoussez.

Quant le gentil duc de Nemours fut arrivé devant Ravenne , assembla tous les cappitaines, sçavoir qu'il estoit de faire; car le camp des François commençoit fort à souffrir par faulte de vivres, qui y venoient à moult grant peine ;

et y avoit desjà faulte de pain et de vin , parce que les Yéuiciens avoient couppé les vivres d'ung costé , et l'armée des Espaignolz tenoit toute la coste de la Rommaigne; de sorte qu'il failloit aux aventuriers manger cbair et fromage, par contraincte. Il y avoit encores ung gros inconvénient , dont le duc de Nemours ne nul des cappitaines n'estoit adverty, c'est que l'Empereur avoit mandé aux cappitaines des lansquenetz que sur leur vie eussent à leur retirer incontinent sa lettre veue , et qu'ilz n'eussent à combatre les Espaignolz. Entre autres cappitaines almans , y en avoit deux principaulx : l'ung s'appelloit Philippes de Fribourg , et l'autre Jacob , qui si gentil compaignon estoit; et de fait tous deux estoient vaillans hommes et duytz aux armes. Ceste lettre de l'Empereur estoit tumbée es mains du cappitaine Jacob ; il estoit allé veoir le roy de France quelquefois en son royaulme^ depuis qu'il estoit à son service, où il luy fut fait quelque présent ; de façon que son cueur fut tout françois : pareillement ce duc de Nemours avoit tant gaigné les gens, que tous ceulx qu'il avoit avecques luy feussent mors à sa requeste.

Entre tous les cappitaines françois, n'y en avoit nul que le cappitaine Jacob aymast tant qu'il faisoit le bon Chevalier; et commencea cest amour dès le premier voyage de l'Empereur devant Padoue^ en l'an 1509, où le roy de France luy envoya cinq ou six cens hommesd*armcs de secours. Quand il eut veu la lettre, et qu'il eut sceu la venue du bon Chevalier, le vint visiter à son logis, avecques son truchement seulement, car de tout ce qu'il sçavoit de françois, c'estoit, bon jour j monseigneur. Hz se firent grant chère l'ung à l'autre, comme la raison vouloit, et que chascun cherche son semblable; et devisèrent de plusieurs choses , sans ce que personne les ouyst. Enfin le cappitaine Jacob déclaira au bon Chevalier ce que l'Empereur leur avoit mandé, et qu'il avoit enoores les lettres que personne n'a voit veues que luy : et ne les vouloit monstrer à nul de ses compaignons, car il sçavoit bien que si leurs lansquenetz en estoient advertiz, la pluspart ne vouidroient point combatre et se retireroient ; mais que de Iny il avoit le serment au roy de France, et sa soulde, et que, pour mourir de cent mille mors , ne feroit jamais ceste meschanceté qu*ll ne combatist , mais qu'il se falloit haster ; car il estoit impossible que l'Empereur ne renvoyast bientost autres lettres , lesquelles pourroient venir à la notice des compaignons de guerre, et que, par ce moyen , les François pourroient avoir trop de dommage ; car lesdltz lansquoiets. es-*

SANS PAOUfi ET SANS R8PB0UCHB.

toient la tierce part de leur force, pour y en avoir enyiroD cinq mille. Le l>on Chevalier, qui bien congnoissoit le gentil cueur du cappitaine Jacob , le loua merveilleusemeDt , et luy dist par la bouche de son truchement : « Mon com- » paignon, mon amy, Jamais vostre cueur ne 1» pensa une meschanseté; vous m'avez autres- » fois dit qu'en Almaigne n'avez pas de grans » biens : nostre maistre est riche et puissant, » comme assez entendez, et en ung jour vous en » peult faire dont serez riche et opulent toute « vostre vie; car il vous ayme fort, et je le » scaybien. L'amour crolstra davantage, quant » il sera informé de l'honneste tour que vous luy » falotes à présent, et il le sçaura, aydant Dieu, » quant moy-mesmes le luy debveroys dire. Vèlà » monseigneur de Nemours , nostre chef, qui a » mandé à son logis tous les cappitaines au con- » seil ; allons-y , vous et moy, et à part luy dé- » clairerons ce que m'avez dit. — C'est bien ad- » visé, dist le cappitaine Jacob , allons-y. >•

Quant ilz furent au logis dudit duc de Nemours , se misrent en conseil , qui dura longuement. Et y eut de diverses opplnions;car les ungs ne conseilloient point le combattre, et avoient de l)onnes raisons, disans que, s'ilz perdoient ceste bataille, toute i'Ytalie estoit perdue pour le Roy leur maistre, et que , d'entre eulx , nul n'en eschapperoit, par ce qu*ilz avoient trois ou quatre rivières à passer ; que tout le monde estoit contre eulx, Pape, roy d'Espaigne, Véniciens et Suysses; et que de l'Empereur n*estoient pas trop asseurez : parquoy vauldroit mieulx temporiser que se bazarder en ceste manière ; autres disoient qu'il convenoit combatre, ou mourir de faiu comme meschans et làscbes , et que desjà estoient trop avant pour se retirer, sinon honteusement et en désordre. Bref, chascun en dist son oppinion.

Le bon duc de Nemours, qui avoit desjà parlé au bon Chevalier et au cappitaine Jacob, avoit bien au long entendu ce que l'Empereur avoit mandé, et sçavoit bien qu'il estoit force de coml)atre ; aussi qu'il ne venoit poste que le roy de France , son oncle , ne luy mandast de donner la l>ataille; et qu'il n'attendoit que l'heure d'estre assailly en son royaulme par deux ou trois endroitz. Il demanda toutesfois encores i'oppinion du bon Chevalier ; lequel dist : « Monseigneur, vous sçavezqueje vins encores 1» hier; Je ne sçay riens de Testât des ennemys : » Messeigneurs mes eompaignons les ont veuz » et escarmouchez tous les jours, qui s'y cong- » noissent mieulx que moy. Je les ay ouyz , les » ungs louer la bataille , les autres la blasmer ; » et , puisqu'il vous plaist m'en demander mon

» oppinion , sauf vostre révérence et de mes- » seigneurs qui çy sont, je la vous diray. Qu'il >» ne soit vray que toutes batailles sont péril- » leuses, si est , et qu'il ne faille bien regarder » les choses avant que venir à ce point, si fait ; » mais , à congnoistre présentement l'affaire des » ennemys et de nous, il semble quasi difficile » que nous puissions départir sans bataille : la » raison , que desjà avez fait voz approuches » devant ceste ville de Bavenne, laquelle de- » main matin voulez canonner , et, la berche « faicte , y faire donner l'assauit. Jà estes- vous » adverty que le seigneur Marc-AnthoineCo- » lonne, qui est dedans puis huyt ou dix *» jours , y est entré soubz la promesse et foy «jurée de domp Baymon de Cardonne, vis^ » roy de Naples et chief de l'armée de noz en- » nemys, de son oncle le seigneur Fabricio » Colonne , ensemble du comte Pedro Navarre, » et de tous les cappitaines, que s'il peult tenir » jusques à demain , ou pour le plus tard au jour » de Pasques , qu'ils le viendront secourir. Or >» lesditz ennemys le luy monstrent bien, car » ilz sont aux faulxbours de nostre armée. » D'autre costé^tant plus séjournerez, et plus » maleureux deviendrons ; car noz gens n'ont » nulz vivres, et fault que noz chevaulx vivent » de ce que les sauUes gectent à présent; et » puis vous voyez le roy nostre maistre , qui » chascun jour vous escript de donner la ba- » taille, et que non seulement en voz mains » repose la seureté de son duché de Milan, mais V aussi tout son Estât de France, veu les enne- » mys qu'il a aujourd'huy. Par quoy , quant à 9 moy, je suis d'advis qu'on la doibt donner, et » y aller saigement, car nous avons à faire a » gens cauteleux et bons combataus. Qu'elle ne » soit dangereuse, si est, mais une chose me re- ^ confoite : les Espaignols ont esté depuis ung » an en ceste Bommaigne, tousjours nourriz » comme le poisson en Teaue , et sont gras et » repletz ; noz gens ont eu et ont encores grant » faulte de vivres, parquoy ilz en auront plus >» longue aiayne , et nous n'avons mestier d'au- » tre chose ; car qui plus longuement combatra, » le camp luy demourera. » Chascun commença à rire du propos ; car si bien luy advenoit à dire ce qu'il vouloit, que tout homme y prenoit plaisir. Les seigneurs de Lautrec, de La Palisse, le grand séneschal de Normandie , le seigneur de Crussol , et tout ou la pluspart des cappitaines, se tindrent à I'oppinion du bon Chevalier, qui estoit de donner la bataille ; et dès l'heure en furent advertiz tous les cappitaines de gens de cheval et de pied.

Le lendemain matin , qui fut le vendredy-

LE BON CHEVALIER

sainct , fut canonnée la ville de Ravenne bien asprement, de sorte que les ennemys, de leur camp j entendoient bien à cler les coups de canon. Si délibèrent, selon la promesse qu*ilz avolent faicte, de secourir le seigneur Marc- Anthoine Coulonne, dedans le jour de Pasqoes. Durant la baterie furent blessez deux gaillars cappitaines françois , Tung le seigneur d'Espy, maistre de Tartillerie, et l'autre, le seigneur de Chastillon, prévost de Paris (0^ <Ï6 coupz de bacquebute; Tung au bras, Fautre à la cuysse, dont depuis ilz moururent à Ferrare, qui fut fort gros dommage. La berche faicte à la ville, ceulx qui avoient esté ordonnez pour Fassault, qui estoient deux cens hommes-d'armes et trois mille hommes de pied, s'approchèrent : le reste de l'armée se mist en belle et triumphante ordonnance de bataille , laquelle désiréement ilz attendolcnt; et mille ans avoit que gens ne furent plus délibérez qu'ilz estoient; et , à leurs gestes, sembloit qu'ilz allassent aux nopces. Si tindrent escorte, trois ou quatre grosses heures, à leurs gens ordonnez pour assaillir, lesquelz firent à la ville de lours et divers assaulx. Et y flst très-bien son debvoir le viconte d'Esto*

ges

lors lieutenant de messire Robert de La

Marche , et le seigneur Fédéric de Razolo ; car plusieurs fois furent gectez du hault du fossé en bas. Si les assnillans faisoient bien leur debvoir, ceux de la ville ne se faignoient pas.

Et là estoit en personne le seigneur Marc- Anthoine Coulonne, qui disoit à ses gens: « Messeigneurs , tenons bon , nous serons se- » couruz dedans demain ou dimenche ; je vous » en asseure sur mon honneur : la berche est » fort petite ; si nous sommes pris, il nous tourw nera à grande lascheté, et davantage il est » fait de nous. » Tant bien les confortoit ce seigneur Marc-Anthoine , que le cueur leur croissoit de plus en plus ; et , à dire aussi la vérité, la berche n'estoil pas fort raisonnable.

Quant les François eurent donné cinq ou six assaulx , et qu'ilz veirent qu'en ceste sorte n'emporteroient pas la ville, firent sonner la retraicte : et Dieu leur en ayda bien , car, s'ilz l'eussent prise, jamais n'en eussent retiré les aventuriers, pour le pillage, qui eust esté peult-étre occasion de perdre la bataille. Quant le duc de Nemours sceut que ses gens se retiroient de l'assault, il fist pareillement retirer l'armée pour le soir, affin d'eulx reposer ; car d'heure en autre estoit attendu le combat, pour estre leurs enncmys à deux milles ou environ d'eulx.

(1) Jacques de Coligny, oncle du fameux amiral de Collgny.

Le soir, après soupper, plusieurs cappitaines estoient au logis audit duc de Nemours , devisans de plusieurs choses, mesmement de la bataille. Si adressa sa parole au bon Chevalier sans paour et sansreprouche, icelluy seigneur de Nemours , et lui dist : « Monseigneur de Bayart , » avant vostre venue , les Espaignolz, par de » noz gens qu'ilz ont prins prisonniers , deman- » doient tousjours si estiez point en ce camp; et - à ce que j'en ai entendu , font grosse estime » de vostre personne. Je serois d'advis, s'il vous » semble l)on , car jà de long-temps congnoissez » leur manière de faire, que demain au matin, » ilz eussent de par vous quelque escarmouche, » de sorte que les puissez faire mettre en bao taille , et que voyez leur contenance. »

Le bon Chevalier, qui pas mieulx ne demandoit, respondit : « Monseigneur, je vous prometz » ma foy que, Dieu aydant, devant qu'il soitde- » main midy , je les verray de si près que je vous » en rapporteray des nouvelles. » Là estoit présent le baron de Béam (*2) , lieutenant du duc de Nemours , lequel estoit advantureux chevalier, et tousjours prest à l'escarmouche. Si pensa en soy-mesme que le bon Chevalier seroit bien matin levé s'il la dressoit plustost que luy ; et assembla aucuns de ses plusprlvez, ausquelz il déclaira son vouloir, à ce que ilz se teinsissent prestz au jour poignant. Vous orrez ce qu'il en advint.

OOO CHAPITRE LIIL

D'une merveilleuse escarmouche qui fut entre les François et les Espaignolz , le jour devant la bataille de Ravenne^ où le bon Chevalier fist merveilles d'armes,

Suyvant la promesse que le bon Chevalier avoit faicte au duc de Nemours, luy arrivé à son logis , appella son lieutenant le cappitaine Pierrepont , son enseigne , son guydon et plusieurs autres de la compaignie, ausquelz 11 dist : «Mes- » seigneurs, j'ay promis à monseigneur d'aller » demain veoir les ennemys, et luy en apporter » des nouvelles bien au vray : il fault adviser » comment nous ferons , à ce que nous y ayons » honneur. Je suis délibéré de mener toute la » compaignie, et demain desployer les ensei- » gnes de monseigneur de Lorraine , qui n*ont » encores point esté veues; j'espère qu'elles » nous porteront bonheur; elles resjoayront

(2) Roger de Béam , baron de Rayai et Tlcomle de Gonscrans; Il descendait d'un bâtard de la maison de Foix.

SAi\S PAOIJR ET SA?«S REPBOUCHE.

» beaucoup plus que les comètes. Vous, bastard u Du Fay, dist-il à sou guydon, prendrez ciu- » quaote archiers, et passerez le canal au des- » soubz de l'artillerie des Ëspaiguolz , et yrez » faire Talarnie dedans leur camp, le plus avant » que pourrez; et, quant vous verrez qu'il sera » temps de vous retirer sans riens bazarder , le » ferez jusques à ce que trouvez le cappitaine » Pierrepont , qui sera à vostre queue, avecques » trente hommes-d'armes et le reste des ar- » chiers; et, si tous deux estiez pressez, je se- » ray après vous à tout le reste de la compaignie, » pour vous secourir. Et, si l'affaire est conduit » comme je l'entends , je vous asseure , sur ma » foy, que nous y aurons honneur. »

Ghascun entendit bien ce qu'il avoit à faire ; car non pas seuUeraent les cappitaines de la compaignie , mais il n'y avoit homme-d'armes en icelle qui ne méritast bien avoir charge soubz luy. Tout homme s'en alla reposer, jusques à ce qu'ilz ouyssent la trompette , qui les esveilla au point du jour, que chascun s'arma et mist en ordre, comme pour faire telle entreprise qu'ilz avoient en pensée. Si furent desployées et mises au vent les enseignes du gentil duc de Lorraine , qu'il faisoit fort beau veoir ; et cela resjouyssoit les cueurs des gentilz-hommes de la compaignie, qui commencèrent à marcher, ainsi que ordonné avoit esté le soir précédent, en trois bendes, à trois gectz d*arc l'une de l'autre.

Riens ne sçavoit le bon Chevalier de l'entreprise du baron de Béarn , qui desjà s'estoit mis aux champs , et avoit dressé ung ehault alarme au camp des ennemys , tant qu'il l'avoit quasi tout mis en armes , et y fist ledit baron trèsbien son devoir; mais enfin donna, de la part des ennemys, deux ou trois coups de canon dedans sa troppe , dont de l'ung fut emporté le bras droit d'ung fort gaillart gentil-homme, appelle Ba/illac , et d'ung autre fut tué le cheval du seigneur de Bersac , galant homme-d'armes , et tous deux de la compaignie du duc de Nemours; lequel fut bien desplaisant de l'inconvénient de Bazillac , car il Taymoit à merveilles. Après ces coups d'artillerie , tout d'une flote vont donner cent ou six-vingtz bommes-d'armes , espaignolz et neapolitains , sur le baron , qui contrainct fut de reculler le pas, du pas au trot , et du trot au galop , tant que les premiers se vindrent embatre sur le bastard Du Fay, qui s'arresta et advertit le bon Chevalier; lequel luy manda incontinent qu'il se gectast en la troppe du cappitaine Pierrepont, et luymesmes s'avança tant qu'il mist toute sa compaignie ensemble. Si veit retourner le baron

de Béarn et ses gens quasi desconfitz , et les suyvoient Espaignolz et Neapolitains , hardie^ ment et fièrement , lesquelz repassèrent le canal après luy.

Quant le bon Chevalier les veit de son costé, n'en eust pas voulu tenir cent mille escus. Si commença à cryer : Avant y compaignons! secourons noz gens ! et dist à ceulx qui fuyoient : Demourez , demourez , hommes - d'armes ; vous avez bon secours. Si se mect le beau premier en une troppe des ennemys, de cent à sixvingtz horomes-d'armes : il estoit trop aymé, et fut bien suivy. De la première pointe en fut porté par terre cinq ou six : toutesfois les autres se misrent en deffense fort honnesteraent, mais enfin tournèrent le dos , et se misrent au grant galop droit au canal , lequel ilz repassèrent à grosse diligence. L'alarme estoit desjà en leur camp , de sorte que tout estoit en bataille, gens de pied et de cheval. Ce nonobstant , le bon Chevalier les mena , bâtant et chassant , jusques bien avant en leurdit camp , où il fist , et ceulx de sa compaignie, merveilles d'armes, car ilz abatirent tentes et pavillons , et poussèrent par terre ce qu'ilz trouvèrent.

Le bon Chevalier, qui avoit tousjours l'œil au boys, va adviser une troppe de deux ou trois cens hommes-d'arroes , qui vendent le grand trot, serrez en gens de guerre. Si dist au cappitaine Pierrepont : « Retirons-nous, car » vècy trop gros effort. « La trompette sonna la retraicte, qui fut faicte sans perdre ung homme; et repassèrent le canal, marchans droit en leur camp. Quant les Espaignolz veirent qu'ilz estoient repassez , et qu'ilz perdoient leur peine d'aller après, se retirèrent. Bien en passa cinq ou six , qui demandèrent à rompre leur lance ; mais le bon Chevalier ne voulut jamais que homme tournast, combien que de plusieurs de ses gens en fust assez requis; mais il doubtoit que par là se levast nouvelle escarmouche , et ses gens estoient assez travaillez pour le jour.

Le bon duc de Nemours avoit desjà sceu comment tout l'affaire estoit allé , avant que le bon Chevalier arrivast : auquel , quant il l'apperceut , combien que très-dolent feust de l'inconvénient de Bazillac , le vint embrasser, et luy dist : « C'est vous et voz semblables , mon- » seigneur de Bayart , mon amy, qui doivent « aller aux escarmouches ; car bien sagement »> sçavez aller et retourner. » Tous ceulx qui furent en ceste dure escarmouche disoient qu'oncques n'avoient veu homme faire tant d'armes , ne que mieulx entendist la guerre que le bon Chevalier.

LE BON CHBVALIBB

Le lendemain y en eut une bien plus aspre et cruelle , et dont François et Espaignolz mauldiront la journée toute leur vie.

ooo