CHAPITRE LXU

Comment messire Robert de La Marche fist quelques courses sur les pays de l'esleu Empereury qui dressa grosse armée , et de ce quHl en advint.

Peu de temps après , ne sçay qui en donna le conseil , le seigneur de Sedan , qu'on nomme messire Robert de La Marche , qui pour lors estoit au service du roy de France , fist quelques courses sur les pays de l'esleu Empereur, qui commença à lever grosse armée , et telle qu'il fut maistre et seigneur de la campaigue. Les chiefz de son armée estoient le conte de Nansso et ung autre cappitaine, nommé Francisque, gaillart homme à la guerre, et qui avoit bon crédit parmy les compaignons. Hz estoient bien en nombre y tant de cheval que de pied, quarante mille hommes ou plus. Durant cest affaire , le roy de France et ledit esleu Empereur estoient en paix, et ne demandoient riens Tung à l'autre ; parquoy l'armée des Almans tira droit aux places dudit seigneur de Sedan , et en furent les aucunes assiégées et bien deffendues. Toutesfois enfin s'en perdirent quatre : c'est assavoir, Florenges, Ruillon , Loigne et Messancourt ; et peu de gens eschappèrent vifz desdictes places. Ledit seigneur de Sedan estoit dedans sa place de Sedan, qui est quasi imprenable ; parquoy fut exempte de siège, et pareillement ceulx qui estoient dedans une de ses autres places , nommée Jamais.

Le roy de France, deuement acerténé de ceste grosse armée qui costoyoit sa conté de Champaigne, eut doubte qu'on luy jouast quelque finesse. Si envoya son beau-frère , le duc d'Alençon, avecques quelque nombre de gens-d'armes sur la frontière , et tira jusques à Reims. Les Almans usoient d'une subtilité pour parvenir à leurs attainctes; car ilz ne prenoient riens es pays du roy de France , sans bien payer ; et faisoit semer parmy son camp , le conte de Nansso, que l'Empereur son msdstre le luy avoit ainsi enchargé, comme délibéré de demourer tousjours en l'amy tié qu'il avoit avecques France. Ce néantmoins, sans faire autrement sommation de guerre, s'en vint planter le siège devant une petite ville appellée Mozon , de laquelle estoit gouverneur et cappitaine le seigneur de Montmor, grant escuyer de Rretaigne, pour le roy de France ; et avoit quelques gens de pied avecques sa compaignie en la ville , qui n'estoit guères bien munye d'artillerie ny de vivres ; et , qui pis est , les compaignies qui estoient dedans ne se trouvèrent pas du vouloir de leur cappitaine et gouverneur , qui délibéroit jusques à la mort

SANS PAOUB ET SANS BBPBOUCHE.

garder la ville; et, quelques remonstrances qu'il sceust faire aux gens de pied , se trouva en dangier dedans et dehors. Parquoy, pour éviter plus gros inconvénient , rendit la ville , leurs vies saufves. On en murmura en beaucoup de sortes ; et disoient aucuns que le cappitaine ne s'estoit pas bien porté ; mais les gens d'honneur et de vertu congneurent bien qu'il ne se povoit foire autrement , et qu'il n'avoit pas tenu audit seigneur de Montmor qu'il n'estoit mort sur la berche ; car, si tous ceulx qui estoient avecques luy eussent esté de son cueur, les Almans ne fussoit pas tirez plus oultre.

Or la ville de Mozon, rendue si soubdainement, donna quelque tiltre d'esbahyssement aux François, qui ne pensoient jamais que l'Empereur eust voulu rompre la tref ve. Toutesfois , en telles choses le souverain remède est de prompte provision. On regarda que Maizières estoit la plus prochaine ville , après Mozon , et qu'il faiiloit entendre à la garder et deffendre ; car, si elle se perdoit , la Champaigne s'en alloit en mauvais party. Le roy de France en futadverty, lequel manda soubdainement qu'on envoyast le bon Chevalier sans paour et sans reprouche dedans ladicte ville de Maizières, et qu'il ne congnoissoit homme en son royaulme en qui il se ûast plus. Davantage, que son espoir estoit qu'il la garderoit si bien et si longuement, que sa puissance seroit assemblée pour résister aux surprinses que l'Empereur luy vouloit faire. De ce commandement n'eust pas voulu tenir le bon Chevalier sans paour et sans reprouche , cent mille escuz ; car tout son désir estoit de faire service à son maistre , et d'acquérir honneur. Il s'en alla gecter dedans Maizières , avecques le jeune seigneur de Montmorency (1) , et quelques autres jeunes gentilzbommes qui , de leur gré , l'accompaignèrent , et d'ung nombre de gens de pied , soubz la charge de deux jeunes gentllz-hommes , l'ung , nommé le cappitaine Boncal , de la maison de Reffuge , et l'autre , le seigneur de Montmoreau.

oco