XXI

sieurs sortes et manières de venins, dont les uns pouvoient estre prins par dedans , les autres par dehors. Je lui remonstre que les venins ne font leurs effets d’une mesme sorte , et ne procèdent les dits effets d’une mesme cause : car aucuns opèrent par l’excès des qualités élémentaires, des quels sont composez. Autres opèrent par leur propre qualité spécifique occulte et secrette, non subiecte à aucune raison, et selon la diversité d’iceux falloit contrarier; comme s’ils estoient chauds estoient guaris par remedes froids et les froids par remèdes chauds , et ainsi des autres qualitez. Le dit seigneur qui apporta la pierre, voulut outre mes raisons soustenir qu’elle es toit propre contre tous venins. Adonc ie dy au Roy, qu’on avoit bien moyen d’en faire certaine expérience sur quelque coquin qui auroit gaigné le pendre. Lors promptement envoya quérir Monsieur de la Trousse, prevost de son hostel et lui demanda s’il avoit quelqu’un qni eust mérité la corde. Il lui dist qu’il avoit en ses prisons un cuisinier, le quel avoit desrobé deux plats d’argent en la maison de son maistre, où il estoit domestique, et que le lendemain devoit estre pendu et estranglé. Le Roy lui dist qu’il vouloit faire expérience d’une pierre qu’il disoit estre bonne contre tous venins, et qu’il sceust du dit cuisinier , après sa condamnation, s’il vouloit prendre quelque certaine poison, et qu’à l’instant on luy bailleroit un contre-poison, et que où il s’ëschapperoit, il s’en iroit la vie sauve : ce que le dit cuisinier très volontiers accorda, disant qu’il aimeroit trop mieux encore mourir de la dite poison en la prison, que d’estre estranglé à la vue du peuple. Et tost après un apoticaire servant luy donna certaine poison en potion, et subit la dite pierre de Bezahar. Ayant c.es deux bonnes drogues en l’estomac, il se print à vomir, et bien tost aller à la selles auecques grandes espreintes, disant qu’il auoit le feu au corps, demandant de l’eau à boire, ce que ne luy fut refusé.

» Ün heure après , estant aduerty que le dit cuisinier auoit pris ceste bone drogue , ie priay le dit seigneur de la Trousse me vouloir permettre l’aller voir, ce qu’il m’accorda , accompagné de trois de ses archers : et trouuay le pauure cuisinier à quatre pieds, cheminant comme une beste , la langue hors de la bouche, les yeux et toute la face flamboyante , désirant toujours vomir, auec grande sueurs froides : et jettoit le sang'par les oreilles , nez, bouche , par le siège et par la verge. Je luy feis boire enuiron