DE LOYS DE GIROLLES ET DE DAMOISELLE AGATHE DE POISST

Loys de Girolles estoit ung bon et bel cscuier ; fut mis de son pere, pour aprendre a servir et voyager, avecques messire Gilles de Poissy, chevalier, seigneur de Tarentes. Loys en tous ses faiz et dits estoit très gracieux, serviable et honnorable ; pourquoy damoiselle Agathe Taccueilly en grant amour, fille du dit messire Gilles ; et tellement qu'elle ne luy peut celer et luy dit que très fort Tamoit et bien signe d'amour luy monstroit ; car tous plaisirs et service a son pouoir elle luy faisoit. Loys aussy bien Tapparcevoit ; pourquoy pareillement il parfaitement Tamoit. Ad ce qu'il ne faillist et que son serment ne trespassast, qu'il avoit avecques messire Gilles son maistre ; car il estoit bon et loyal. Pleust a Dieu que chascun serviteur fut ainsy envers son seigneur ; le monde mieulx en vaulsist et les cieges de paradis plus tost en fussent rampliz, dont les deables cheyrent par leur orgueil ; car mentir et orgueillir est le propre de l'ennemy. Lors dist Loys a damoiselle Agathe : u Très honnoree et très amee damoiselle, bien apperçoy que grant amour avez a moy, considéré les plaisirs, services, regars et paroles que me faittes et dittes, bien les conçoy. Et en ce n'estes pas deceue, ne vostre amour et paine perdue, car sachiez que sur toute rien je vouldroye vostre honneur en tout bien autant ou plus que le mien propre. Et de ce m'en raporte a Dieu. Vecy que j'ai advisè ; s'il

NOUVELLES FRANÇAISES DU xV* SIECLE II

VOUS plaist, je Tacheveray. C'est que soiez ma femme ; par ce nous garderons de pechié, blasme et dififemme, que Yen doit monlt doubter. C'est ce que je vous requier. » Elle monlt doucement le regarda et humblement le mercia, disant qu'il estoit bon, bel et sage, pourquoy du tout a luy s'adonnoit et habandonnoit luy faire tout son plaisir et a luy obéir en tout bien. De ce il la regracia, et de parole de présent la fiança, et elle luy, eulx promettans de Tung l'autre espouser, leur honneur en tout et partout garder.

Messire Gilles apparcevant la grant amour et priveté qui entre eulx deux estoit, grande souspeson et paour avoit que entre eulx n'y eust pechié de luxure ou aultre ordure, et pour ce donna a Loys congié, disant que plus ne vouloit d'escuyer et que doresenavant n'avoit entencion de voyager. Très bien le contenta de son service, monlt le loa et l'en remercia. Encores plus le flst Loys, car il estoit bien apris. Print congié, puis vint a damoiselle Agathe, sa parfaite amye et fiancée, et luy dist qu'il luy en convenoit aler et que son seigneur de père luy avoit donné congié ; n'y savoit occasion pourquoy, si non souspeson. « Si me recommande a vous et vous prie qu'il vous souviengne de moy et me gardez vostre foy ; de la mienne vous tenez asseuree. S'il avient que a aultre qu'a moy on vous vueille marier, faittes moy savoir, s'il vous plaist, le jour d'espouser; et je voiis prometz que sans séjour a vous vendray a telle fontaine, pour vous amener et espouser ; si ne vueillez faillir d'y venir. » Elle, ce oyant, print a souspirer et plourer tendrement pour la départie ; luy dist : « Mon très parfait fiancé et amy, je vous repute pour mon mary, monlt me fait mal que vous eslongnez de my ; point ne se feist se g'y peusse remédier par pener, prier et supplier ; de tout ce que m'offrez vous mercy. Et vous plaise savoir que de tout mon pouoir

de chose que m'aiez ditte ne fauldray ; vous vivant, jamaiz aultre de vous n'espouseray. Je vous en faiz de rechief serment. De mon estât vous feray savoir diligemment et secrètement ; et vous prie qu'aussy faciez vous pareillement, pour ma grande consolacion. A Dieu vous dy sans a Dieu ; qu'il vous defifende et garde en tout lieu. »

A tant il se departy, le cuer joyeux, dolent et merry ; joyeux pour Famour de la promesse, dolent pour le département. Et elle ainsy estoit. Mais ce qui les reconfortoit estoit Tesperance d*acomplir ce que entre eulx estoit, aultrement le cuer leur fut failly. Loys vint en Tostel de Gauchier de Girolles, son père, qui luy demanda pourquoy il s'en venoit et le service son maistre laissé avoit, qui luy en dist toute vérité, dont Gauchier luy sceut bon gré, pour ce que prudemment a son aviz y avoit ouvré. Et Loys faisoit bonne chiere et joyeuse, pensant tousjours a sa mie chiere.

Advint que messire Girard, seigneur de Merrolles, vint disner avecques messire Gilles de Poissy, pour sa fille Agathe aviser, pour l'avoir a mariage. Elle monlt luy pleust, luy a elle non. Il estoit vieil homme, et elle très belle, frique, mignote jouvencelle, aagee de XV ans. Si dist messire Girard a messire Gilles : a Vostre fille très bien me plaist ; je vous prie que la me donniez pour estre ma femme. » Il s'i acorda voulentiers, car il estoit monlt chiche, et pourtant bien riche. Hz fiancèrent et prindrent jour d'espouser. Ce jour d'espouser prins, elle le fist savoir a Loys. Quant il le sceut, monta a cheval bien joliz ; en son chemin trouva ce seigneur de Merrolles, qui aloit espouser, richement vestu et mal monté, en chausses semellees, sans manteau ne sans chappeau, tout seul. Loys gracieusement le salua, luy demanda ou ainsy joliz aloit; luy dit espouser a la fille messire Gilles de Poissy. Lors

NOUVELLES FRANÇAISES DU XV** SIECLE l3

Loys luydist: w Monseigneur, se j'esloye aussy l'iche de vous, j'aroye avecques moy qui mon chemin abregeroit et que de deux lieues une me feroit. » De ce le seigneur se print a rire, disant et pensant en soy : (( Gestuy cy n'est pas trop sage de ce dire. Au fort, ce fait jeunesse. »

Ainsy comme ilz parloient, print fort a plouvoir et furent très bien mouliez. Si dist Loys : « Monseigneur, se j'estoye pareil a vous, pour doubte de temps pluyeux, porteroye ou porter feroye avec moy une maison, pour me garder de moiller. » De ce le chevalier hocha la teste et dit : a Je croy cest homme est une beste de me dire chose impossible. >> Puis vindrent a passer une rivière parfonde et estroitte. Ce chevalier jusques aux ^ genoulx en Teaue entra, ses chausses semellees y moilla. Si print Loys a soubzrire et dire : « Monseigneur, vous deussiez porter avec vous ung pont, pour vous garder de mouUer et plus aisiement passer. — Or dea », dist lors messire Girard, « vecy trop bien dit ; et qui^ se tendroit de rire de si grant flargornes oyr dire ? Vous estes ung bon follet. » Quant approchèrent le manoir de messire Gilles, Loys print congié de messire Girard, disant qu'il avoit ailleurs a besongner. a Et quoy » ? dit le chevalier. — <( Il y a environ six moys que je tendy a une fontaine qui est près de cy ung amesson ou je mis bonne morson, pour prendre une anette ou aultre bestéllette ; je voys veoir s'il y a riens prins, pour ce a Dieu vous dy. »

Le chevalier en Tostel messire Gilles arriva monlt moullé, crotté et souUé, car il avoit esté bas monté; pourquoy le convint despouUeret tous ses vestemens changer et chaufer. En ce faisant, dit a messire Gilles : {i En venant j'ay trouvé ung trop bon sotereau pouF