DU ROY ALPHONS, QUI FUT TROMPÉ PAR LE MALICE DE SA FEMME

Alphons estoit ung noble roy, gracieux, courtoiz et sans mauvaiz malice, cuidant que ainsy cliascun fut. En ce estoit deceu au regard de la royne sa femme, nommée Albine, car luxurieusement se gouvernoit. Ce bien apparcevoit ung bon chevalier nommé Gadifer de la Salle, et en estoit triste et dolent, pour l'amour du roy, mais bonnement n'en osoit faire semblant ne complainte apparent ; si se pourpensa comment au roy le feroit savoir, sans que le roy ne aultre sceust que de luy venist, car il n'en vouloit avoir ne bon gré ne mauvaiz. Avec le roy demouroit ung bel escuier nommé Ogier, que la royne monlt amoit plus que nul aultre, car il la maintenoit. Elle l'appelloit Singe, pour ce qu'il estoit très semilleux ^ Quant il venoit devers elle, a ce que on ne s'en apparceust, venoit abillé comme damoiselle. Ce ^ Gadifer n'osoit dire en appert, non obstant que véritablement le savoit. Vint faire ung trou qui rcsponnoit ou le roy couchoit, droittement au chevet. Le roy couchié, Gadifer au droit de ce trou dist, d'une voix fainte, par troiz foiz : « La royne est avecques le singe. » La première foiz le roy n'en tint compte ; luy sembloit que riens n'estoit. La seconde nuyt aussy. Et la tierce nuyt proposoit

1. Cf. « Ce saint hermitc.i n'cstoit pas moins luxurieux que ung^ vieil cinge est malicieux. »(Les Cent Nouvelles nouvelles, XIV).