Ms. le roy
honneur qu'il le festiast : « Certes », dist le roy, « je ne pourroye, car je n'ay pouoir d'estre joyeux, pour la faulte qu'en ma fille j'ay commise, mais s'il vous plais t, mes seigneurs, du mien mesmes 1res grandement le festoiez, car de long temps est mon très especial amy. » Quant le conte eust esté receu honnestement de par les seigneurs du païs, il ala mercier le roy, et luy enquist la cause de son courroux, qui luy en dit toute la vérité. Quant le conte l'enlendy, il sceut et congneut cstre vray ce que sa femme luy avoit dit, si s'en tint a bien honnoré.
Au bout de ix moys, elle enfanta ung très bel enfant, qui fut nommé Lamorad, et commanda Fleurie que a son seigneur de mary on le flst savoir, car chargié l'en avoit. Quant le messagier eust les lettres, il ala devers la vielle contesse, savoir s'elle vouloit rien cscripre a Monseigneur le conte son filz ; elle dit que non ; « mais vous direz, qui vous en parlera, que n'avez point parlé a moy, pour la liaste que aviez. » Elle fist prendre secrcttement lez lettres qu'il portoit, et luy en bailla d'aultres, ou estoit contenu que la jeune contesse avoit ung monstre porté et enfanté qui n'avoit nulles mains, musel de chien portoit et corps d'omme. Quant le conte eust lez lettres, se print a seigner et troubler, puis il rescript que d'elle bien en pensastet du monstre. Le chevaucheur retourna devers la vielle contesse, pour la bonne chiere qu'elle luy avoit fait. Elle luy fist de rechief prendre ses lettres, sans son sceu, et y mettre faulces lettres, ou estoit contenu comment le conte de Prouvence mandoit a ses oflBciers que incontinent ces lettres veues, ilz délivrassent le pays par mort de sa femme et de son filz, et qu'il se repentoit fort de l'avoir prinse a femme, pour ce qu'elle estoit manchotte, et qu'il en desplaisoit monlt a sa dame de mère et a tous ses amy s. Quant lez seigneurs et officiers du païs eurent
veu et oy ces lettres, dirent que point ne lez feroient mourir, mais Tenvoyeroient en la mer en ung batel a Taventure, et son filz avec, et en laisseroient a Dieu convenir ; car ilz la tenoient très parraittement bonne et belle. Elle fut mise en ung batel et arriva, comme il pleust a Dieu, elle et son fîlz, en ung lieu ou estoient dames de religion, très charitables et de bonne renommée. Quant elles * sceurent sa venue, Talerent veoir, lu y enquirent ou elle aloit et qui la amenée TavoiL Elle respondy : « La grâce de Dieu », et leur requist qu'ilz la receussent en leur monastère en charité, ce qu'ilz fyrent très voulentiers.
Le conte, quant fut bien informé de sa femme et qu'elle luy avoit dit vérité, en son païs s'en retourna et cuida trouver sa femme. Quant il sceut ce que fait ou en avoit, a peu ne se désespéra. Lors il envoya quérir sa mère, qui luy en confessa la vérité. Et quant elle luy eut confessé vérité et congneu la traïson, il la juga a mourir honteusement, et jura que jamaiz n'arresteroit tant qu'il eut trouvé sa femme ; et chemina par maint païs, mais oncques n'en peut oyr nouvelles, si endura il monlt de paiue pour la cuider trouver. Advint, comme le conte s'en retournoit en son païs par mer, ouy les cloches de l'abbaïe ou sa femme se tenoit sonner. Il tira celle part. Ainsy qu'il arrivoit, sa femme oyoit messe bien dévotement, comme elle avoit acoustumé. Quant le prestre qui celebroit fut a dire Agnus Dei, et qu'il eust usé le saint et digne sacrement, son clerc qui luy aidoit, par ce qu'il estoit malade de flux de ventre, fut contraint de soy partir, et ne retourna pas a temps, et n'avoit personne le prestre qui luy peut ne vousist aider a l'aministrer et servir. Fleurie, qui la messe oyoit, se ingéra, meue de bonne voulenté ^
