DE MESSIRE GALEHAILT DE SEMPY, SAUVÉ DE MORT PAU SA FEMME

Messîre Galehault de Sempy, chevalier, avoita femme dame Marie de Noyers. Il es toit a merveilles luxurieux. Dame Gille, femme du seigneur d'Andreville, conversoit et adulteroit avecques messire Galehault. Le seigneur d'Andreville en esloit en souspcçon ; et, pour en savoir le vray et soy vcngier, faingny ung jour d'aler en pèlerinage bien loing, et qu'il devoit demourer longuement. Luy party, dame Gille le fist savoir a messire Galehault, qui en fut bien joieux. Le soir y ala et se coucha avec elle. L'endemain très bon matin, avant qu'ilz fussent levez, le seigneur d'Andreville vint en la chambre ou cstoient cotichez elle et luy et lez voulut tuer. Elle luy requist que point ne lez voulsist tuer ne faire mourir sanz confession, et il si acorda, et envoya quérir le curé. A celle heure, dame Marie, femme messire Galehault, estoit au monstier, et enquist du curé ou il vouloit alcr, qui luy dist eh l'ostel du seigneur d'Andreville, qui le mandoit hastivement, pour confesser et ordonner gens qui en avoient mestier. Quant elle oy ce, conclut en partie que c'estoit pour son mary. Et pour le saulver, comme bonne femme, requist au curé qu'il luy baillast ses abillemcns ; tantost il le fist, quant il sceut la cause qui la mouvoit. Quant elle arriva a l'ostel du seigneur

d'Andrcvîlle, nommé messire Yvon, il cuîda que ce fut le curé et luy dit : « Or tost, curé, alez confesser ces deux qui sont en celle chambre ; ilz en ont grant nécessité ; car, si tost que Tavrez fait, je lez vueil justicier. » Si tost qu'elle fut en la chambre, elle trouva son mary prest de se defifendre de ce qu'il avoit ; elle luy dit : « Tost, monsieur, sauvez vous, prenez ces abillemens de prestre que j'ay apportez, et vous en alez, et ne dittes mot; car je sçay bien qu'estes en pechié, et se vous mouriez en tel estât, vostre ame seroit en dangier ; je mourray pour vous, s'il en est mestier. » Messire Galehault creut sa femme et print lez abillemens du curé, et tout coyement s'en ala, en faisant le papellart. Elle demoura en la chambre et se coucha prés de dame Gille. Loi's vint le seigneur d'Andreville. bien armé et acompaigné, et entra en la chambre en disant : « Sus, ribault et ribaude, vous y mourrez, pour vostre mauvaise vie. » Lors madame Marie dist : « Mon doulx seigneur, amy et voisin, que voulez-vous faire ? Regardez quelz nous sommes avant que nous mettiez a mort. Le cas est tel, car avec ma bonne amie vostre femme me vins ersoir couchier*, pource que en mon hostel ne pouoie reposer, pour ung courroux que j'avoye, dont fort me doulousoie. » Quant il apperceut^ dame Marie de Noyers, se trouva bien esbay et se tint pour deceu. Si dist lors : « Ma bonne dame et voisine, pour Dieu mercy, je suis bien joieux de vous avoir trouvée, car je cuidoie bien aultre chose. » La dame courtoisement en son hostel retourna, et par ce fait messire Galehault son mary bien l'ayma et se gouverna sagement.