DE PIERRE D YORT ET SES COMPAIGNONS, QUI FIRENT PENITANCE

Pierre d'Yort, Jehan Le Meur, Guillaume Cenesme, Martin Le Doulx et Gilbert Le Prefix, pour servir Dieu, laissèrent le monde et alerent demourer en la forest de Hardelot, ou chascun vesquy le mieulx qu'il peut, et le plus austerement et asprement qu'il leur estoit possible. Et enquirent combien il falloit de pain a ung homme pour sa sustentacion le jour ; leur fut dit xn onces, car se moins en prenoit et Dieu n'y ouvroit, ce n'estoit pas assez. En cest estât vesquirent longuement. Ung jour se mistrent * a raconter de ce qu'ilz savoient, pour regarder comment ilz pouroient vivre plus sobrement.

Pierre compta que deux hermites, nommez Anthoine et Françoiz, chascun jour ne mengoient que une pomme, la quelle a heure de nonne venoit chascun jour par dessus le courant d'ung fleuve qui passoit par devant leur hcrmitage. Us estoient tous adonnez a Dieu et vivoient plus esperituelment que mondainement. Et estoient très doulx et débonnaires, et jamais, de quelque tribulacion, mal ou adversité qu'ilz eussent, jamais ne se courrouçoient, mais le portoient paciemment, en regraciant Dieu. Françoiz especialment si doulx estoit que pas ne savoit comment courroucier