PRVOTR MRDITACION DE LA PASSION! NOSTRE SEIGNEUR

Haa ! qui donnera cane a mon chief et a mes * yeulx fontaine de larmes, que je puisse plourer jour et nuyt, tant que Nostre Seigneur Jhesucrist vueille avoir de moy mercy, qu'il me conforte en veillant et dormant, qu'il s'appere a moy, qui tousjours suis et seray son servant, pour mon ame conforter. filles et filz de Jherusalem, espeuses et amies de Dieu, ensemble plourez avec moy, jusques vostre bel amy débonnaire se demonstre a nous en sa très grande beauté, y pensez dévotement et l'en requérez en voscuers continuelment. Comment est ce chose amere a cuer loyal de se dessevrer de celuy a qui estes espouses, par le veu de chasteté ! Courez a la douleur de la doulce vierge Marie, qui porta le doulx Jhesus

2 Haa I dame de liesse, fontaine de miséricorde et de pitié, après ton glorieux filz la clarté du ciel, douceur de paradiz, advocate des pechieurs, gloire des angels, lyesse des sains, précieuse sur toutes vierges et très bencuree, nous tous catholiques nous recommandons a vous noz corps, vifz et mors, especialment noz âmes et noz résurrections. Vous estes benoitte avec vostre doulx filz, seconde personne de la trinité de paradis. Amen