CHAPITRE PREMIER
PUEMIEllE NOUVELLE, DE DAMOISELLE YSMAUIE DE VOISINES, COMMENT PAR SA BONTÉ DIEU LA POURVEUT GRANDEMENT
Ismarie de Voisines fut fille de messire Jaques de Vpisines, chevalier natif de Sens, et de Regnaul de la Chanteprime. La quelle, pour sa très parfaite beauté, ses père et mère, a ce qu'elle gardast chasteté et qu'elle eust bonté, l'enseignèrent et endottrinerent tellement que, quant elle fut aagiee de quinze ans, nulle plus belle ne meilleur n'estoit d'elle. Elle avoit ung frère nommé Jaques de Voi&ÎA^, bel «t bon serviteur du roy Claudin, le quel Ysmarie par sa grande et parfaicte bonté l'avoit très bien moriginé, enseigné et en toute vertu endoctriné ; a merveilles se entre aymoient et ensemble souvent estoient. Le roy Claudin son maistre estoit ung bon et bel et sage roy, qui a soy marier resongnoit pour doubte d'avoir femme mal condicionnee, complexionnee ou moriginee. Il avoit ung serviteur nommé Enguerran de Coucy, chevalier grant terrien, que monlt amoyt ; son conseillier et chambellan estoit ; tout son secret savoit ; en luy du tout se fyoit ; preudomme le cuidoyt, maiz non estoit, comme orrez. Ung jour il dist au roy pourquoi il ne se marîoit. Il respondy : « Enguerran, j'en ay bon vou-
loir, et si vous prometz que je n'ai tasche a cou voi lise, grant lignage ne seigneurie ; il me souffîroit qu'elle fut bonne et belle et bien née. Quant Jaques de Voisines ce entendy, avant se tray, a genoux se flechy, dist : « Sire, ce qu'avez dit ay ouy, et bien sçay que l'en vous doyt dire vérité, car il appartient a vostre royal majesté: aultrement seroit grande mesprison et y cherroit grande punicion, par ospecialcn cas de mariage, considéré vostre raison. Pour quoy vous plaise savoir que Ysmarie ma suer est toute telle que vous la desirez et demandez; car je vous jure et afferme, sans préjudice d'aultruy, faveur ne affinité, qu'elle est très parfaictement belle de corps, et je tiengs que si est elle d'amc. Elle est vertueuse, non vicieuse, a tout bien adonnée, de tout pechié séparée. Dieu ayme sur toute rien, le sert de son pouoir et savoir monlt bien, si fait elle la vierge Marie. Elle ayme tout homme et toute femme en Dieu et selon Dieu, nature et raison. Se tout son bien vouloye raconter qu'elle a, a mon cuidier, je pourroyc ennuyer. » Quant le roy ce entendy, il s'en resjoy ; dit : « Jaques, telle damoiselle fait bien a amer et a loer. »
Le soyr, a son coucher, dit a messire Enguerran, son chambellan : « Vous avez oy comment Jaques de Voisines m'a sa suer Ysmarie grandement blasonnee et loee ; se telle est, elle est comme je la demande et vueil pour estre ma femme et compaigne ; si vueil que demain partiez pour l'aler veoir et vous informer s'il m'a ditte vérité. Car, s'elle est telle, elle sera ma femme. Si vous enjoings que bien en fassiez devoir et m'en rapportez le voir; vous savez que en vous me fie plus qu'en personne qui soit en vie. »
De ceste mission Enguerran fut bien joyeux, disant : « Et comment veult faire Jaques le mariage du roi et de sa suer sans mon moyen I II scet que je gouverne le roy et qu'il ne puet et ne fait riens sans moy. S'il m'en
eust parlé, il en eust mieulx ouvré, car je luy eusse aidié. Et puis qu'il ne m'en a parlé et prié, je luy nuiray, car le roy en destourberay. Ores deal bien voy que c'est. Il me vouldroit bien par le moyen de ce mariage me supplanter de mon gouvernement, luy ou aultre y bouter ; maiz il se fera aultrement. »
Quant il fut ou Ysmarie demouroit, enquist d'elle que c'estoit^ ; on luy en dist autant ou plus de bien que n'avoit dit son frère. Fist tant qu'il parla a la damoiselle Robine, cousine monlt privée et amee d'Ysmarie. Avec elle ^ demouroit, couchoit, mengoit, et comme de tous poins la gouvernoit. Il dist : <( Damoiselle, veez cy que je vous donne. » C'estoyent cinq cens pièces d'or. « Sachiez que ce pourquoy vous requerray n'est que pour bien. » Luy dist comment de par le roy envoyé estoit pour veoir Ysmarie; la pria que toute nue la veist. <( Voulez-vous », dist elle, u qu'elle le sachic ou non? — Non », dist il. — « Veez cy doncques que ferez : demain, a sept heures de matin, soiez a celle église la; je yray a vous et vous ameneray en nostre hostel, et toute nue la vous monstreray. » Ainsi qu'elle devisa fut fait. Quant il fut en une garde robe, prèz de la chambre Ysmarie, elle le flst coucher entre robes et si bien couvrir qu'il n'y paroit que lez yeulx ; luy charga qu'il ne parlast ne crachast, puis qu'il vouloit qu'il ^ fut secret. Quant ainsy fut adoubé et conseillé, elle vint au lit sa cousine, qui dormoit ; luy dist : « Ma cousine, esveillez vous ; il convient que me faciez savoir au vray ou est vostre signe, en la senestre ou dextre jambe; j'en ay gaigé ung chappon, que mengerons au disner, contre ma damoiselle Agathe Chanteprime, notre cousine; ores sus, levez vous, si le verray. — Hé, ma cousine »,•
