I . Car ainsi souvent il advient

298 Roman

pour aller en sa chambre. Et quant il y fut, il envoya quérir Pandaro , lequel tantost vint à lui. Et quant il y fut venu , Troylus en lermoyant se comtnança à plaindre foit de la longue et loyalle amour qu’il avoit eue à Brisaïda, et lui monstra clèrement sa traïson, et en faisant continuellement sa douleur ' lui commança à dire :

« Or ne voy je plus remede que la mort en mon cas . car faulx et traître ne lui seray jamais tant que je vive. »

Et de plus belle se recommance à plaindre et à souppirer en disant : « O Brisaïda belle , où est la foy, où est la loyaulté , où est le amour, où est la grant promesse et les sermens que vous me feistes au parlement, où est le désir que vous aviez de moy veoir, où est le plaisir que nous prenions ensemble? Tout cecy possède Dyomedes ; et moy, qui plus vous aymoie que tout le monde, parvoustre faulceté et desloyauté suis demouré en douleur et en plains. Qui croira jamais plus en serment que on face * ? Qui est ce qui adjoustera plus foy à amours ne à promesse de femme , quant on regardera bien voustre faulx parjurement? Helas ! jamais n’eusse penssé que vous eussez eu le cueur-si dur ne si mauvais , que pour autre vous me eussez gitté hors. Car je vous amoye plus que moy mesmes ; et tout trompé que je estoye , si ne le povoye je croire. Las! n’aviez vous point d’autre joyau pour donner à voustre nouvel amy, et je dy à Dyomedes, si non celui que je vous donnay

I. En faisant voir. — 2. Un serment, quelque solennel qu’on le fasse.

DE TrOÏLUS. 299

avecques tant de lermes et de souppirs, affin que vous eussez aucune souvenance de moy, maleureureux, tant que vous fussez demeurée avecques Calcas voustre père ! Autre chose ne le vous a fait faire que droit despit et pour monstrer clèrement voustre faulce voulunté. Je tiens tousjours voustre grant beauté fichée et empreinte ou mien doloureux cueur, helas!

bien le sen. Car ce pensement me tue et despouille de toute esperance de jamais n’avoir joye ne plaisir. A grant tort m’avez chacé hors de voustre pencée , en laquelle je cuidoye demeurer, et faulcement vous avez mis Dyomedes en mon lieu. Mais je vous jure par voustre deesse Venus que je vous en feray dolente avecques mon espée en la première meslée et assemblée où je porray trouver Dyomèdes , si par vertu et par force puis avoir povoir sur luy ; ou il me tuera ainsi que bien le voldriez. Mais j’ay esperance que la divine justice aura regard à ma doloureuse loyaulté , et au contraire , à voustre grant mauvaistié et felonnie. O souverain juge, qui estes repaire et secours de toute raison et de qui vient le commancement de toute vertu et par lequel tout le monde se gouverne et vit , tournez ung pou en ça voz justes yeulx! Que font voz fouldres et tempestes ; se reposent ilz ' maintenant ? ou vous n’avez plus les yeux tournés au fait de la humaine gent ? O vroie lumière, O clère serène, pourquoy ' se esjouissent les pencées terriennes , ostez tout plaisir à celle qui est plaine de mençonge , de tromperie, de faulceté,